####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00361
Uniform title: nāṭyaśāstram Vol. 2
Main title: nāṭyaśaāstram with the commentary of Abhinavagupta ch. 8 - 18
Commentator : abhinavagupta
Editor : M. Ramakrishna Kavi
Editor : K. S. Ramaswami Shastri

Description: 
Gaekwads Oriental Series no. 68
edited by M. Ramakrishna Kavi
second revised edition by K. S. Ramaswami Shastri


Notes: 
Data entered by the staff of Muktabodha under the supervision of Mark S. G. Dyczkowski.

Revision 0: Oct. 2, 2016

Publisher : Oriental Institute
Publication year : 1934
Publication city : Baroda
Publication country : India
####################################################



śrī

nāṭyaśāstram

aṣṭamo'dhyāyaḥ |

ṛṣaya ūcuḥ

bhāvānāṃ ca rasānāṃ ca samutthānaṃ yathākramam |
tvatprasādācchrutaṃ sarvamicchāmo vedituṃ punaḥ || 1 ||

nāṭye katividhaḥ kāryastajñairabhinayakramaḥ |
kathaṃ vābhinayo hyeṣa katibhedaśca kīrtitaḥ || 2 ||

sarvametadyathātattvaṃ kathayasva mahāmune |
yo yathābhinayo yasminyoktavyaḥ siddhimicchatā || 3 ||

teṣāṃ tadvacanaṃ śrutvā munīnāṃ bharato muniḥ |
pratyuvāca punarvākyaṃ caturo'bhinayānprati || 4 ||

ahaṃ vaḥ kathayiṣyāmi nikhilena tapodhanāḥ |
yasmādabhinayo hyeṣa vidhivatsamudāhṛtaḥ || 5 ||

yaduktaṃ catvāro'bhinayā iti tānvartayiṣyāmaḥ atrāha - abhinaya iti 
kasmāt | atrocyate - abhityupasargaḥ |

p. 2)

ṇīñityayaṃ dhātuḥ prāpaṇārthaḥ | asyābhinītyevaṃ vyavasthitasya 
erajityacpratyayāntasyābhinaya iti rūpaṃ siddham | etacca 
dhātvarthavānenāvadhāryam | atra ślokau -  || 6 ||

abhipūrvastu ṇī~dhāturābhimukhyārthanirṇaye |
yasmātprayogaṃ nayati tasmādabhinayaḥ smṛtaḥ || 7 ||

vibhāvayati yasmācca nānārthānhi prayogataḥ |
śākhāṅgopāṅga saṃyuktastasmādabhinayaḥ smṛtaḥ || 8 ||

caturvidhaścaiṣa bhavennāṭyasyābhinayo dvijāḥ |
anekabhedabahulaṃ nāṭyamasminpratiṣṭhitam || 9 ||

āṅgiko vācikaścaiva hyāhāryaḥ sātvikastathā |
jñeyastvabhinayo viprāścaturdhā parikīrtitaḥ || 10 ||

sāttvikaḥ pūrvauktastu bhāvaiśca sahito mayā |
aṅgābhinayamevādau gadato me nibodhata || 11 ||

p. 3)

trividhastvāṅgiko jñeyaḥ śārīro mukhajastathā |
tathā ceṣṭākṛtaścaiva śākhāṅgopāṅgasaṃyutaḥ || 12 ||

śirohastakaṭīvakṣaḥpārśvapādasamanvitaḥ |
aṅgapratyaṅgasaṃyuktaḥ ṣaḍaṅgo nāṭyasaṃgrahaḥ || 13 ||

tasya śirohastoraḥ pārśvakaṭīpādataḥ ṣaḍaṅgāni |
netrabhrūnāsādhara kapolacibukānyupāṅgāni || 14 ||

asya śākhā ca nṛttaṃ ca tathaivāṅkura eva ca |
vastūnyabhinayasyeha vijñeyāni prayoktṛbhiḥ || 15 ||

āṅgikastu bhavecchākhā hyaṅkuraḥ sūcanā bhavet |
aṅgahāraviniṣpannaṃ nṛttaṃ tu karaṇāśrayam || 16 ||

mukhaje'bhinaye viprā nānābhāvarasāśraye |
śirasaḥ prathamaṃ karma gadato me nibodhata || 17 ||

ākampitaṃ kampitaṃ ca dhutaṃ vidhutameva ca |
parivāhitamādhūtamavadhūtaṃ tathāñcitam || 18 ||

nihañcitaṃ parāvṛttamutkṣiptaṃ cāpyadhogatam |
lolitaṃ ceti vijñeyaṃ trayodaśavidhaṃ śiraḥ || 19 ||

p. 4)

śanairākampanādūrdhvamadhaścākampitaṃ bhavet |
drutaṃ tadeva bahuśaḥ kampitaṃ kampitaṃ śiraḥ || 20 ||

(ṛjusthitasya cordhvādhaḥkṣepādākampitaṃ bhavet |
bahuśaścalitaṃ yacca tatkampitamihocyate ||) || 21 ||

saṃjñopalambhapraśneṣu svabhāvābhāṣaṇe tathā |
nirdeśāvāhane caiva bhavedākampitaṃ śiraḥ || 22 ||

roṣe vitarke vijñāne pratijñāne'tha tarjane |
praśnātiśayavākyeṣu śiraḥ kampitamiṣyate || 23 ||

śiraso recanaṃ samyakchanaistaddhutamiṣyate |
drutamārecanādetadvidhutaṃ tu bhavecchiraḥ || 24 ||

anīpsite viṣāde ca vismaye pratyaye tathā |
pārśvāvalokane śūnye pratiṣedhe dhutaṃ śiraḥ || 25 ||

śītagraste bhayārte ca trāsite jvarite tathā |
pītamātre tathā madye vidhutaṃ tu bhavecchiraḥ || 26 ||

paryāyaśaḥ pārśvaṃgata śiraḥ syātparivāhitam |

p. 5)

ādhūtamucyate tiryaksadkṛdudvāhitaṃ tu yat || 27 ||

sādhane vismaye harṣe smṛte cāmarṣite tathā |
vicāre vihṛte caiva līlāyāṃ parivāhitam || 28 ||

garvecchādarśane caiva pārvasthordhvanirīkṣaṇe |
ādhūtaṃ tu śiro jñeyamātmasaṃbhāvanādiṣu || 29 ||

yadadhaḥ sakṛdākṣiptamavadhūtaṃ tu tacchiraḥ |
saṃdeśāvāhanālopasaṃjñādiṣu tadiṣyate || 30 ||

kiñcitpārśvanatagrīvaṃ śiro vijñeyamañcitam |
vyādhite mūrchite matte cintāyāṃ hanudhāraṇe || 31 ||

utkṣiptāṃsāvasaktaṃ yatkuñcitabhrūlataṃ manāk |
nihañcitaṃ tu vijñeyaṃ strīṇāmetatprayojayet || 32 ||

garve māne vilāse ca bibboke kilikiñcite |

p. 6)

moṭṭāyite kuṭṭamite stambhe māne nihañcitam || 33 ||

parāvṛttānukaraṇātparāvṛttamihocyate |
tatsyānmukhāpaharaṇe pṛṣṭhataḥ prekṣaṇādiṣu || 34 ||

utkṣiptaṃ cāpi vijñeyamunmukhāvasthitaṃ śiraḥ |
prāṃśudivyārthayogeṣu syādutkṣiptaṃ prayogataḥ || 35 ||

avāṅmukhasthitañcāpi budhāḥ prāhuradhogatam |
lajjāyāṃ ca praṇāme ca duḥkhe cādhogataṃ śiraḥ || 36 ||

sarvatobhramaṇāccaiva śiro lolitamucyate |
mūrchāvyādhimadāveśagrahanidrādiṣu smṛtam || 37 ||

(ṛjusvabhāvasaṃsthānaṃ prākṛtaṃ tu svabhāvajam |
maṅgalyādhyayanadhyānasvabhāvajayakarmasu ||) || 38 ||

ebhyo'nye bahavo bhedā lokābhinayasaṃśrayāḥ |
te ca lokasvabhāvena prayoktavyāḥ prayoktṛbhiḥ || 39 ||

trayodaśavidhaṃ hyetacchiraḥ karma mayoditam |
ataḥ paraṃ pravakṣyāmi dṛṣṭīnāmapi lakṣaṇam || 40 ||

p. 7)

kāntā bhayānakā hāsyā karuṇā cādbhutā tathā |
raudrī vīrā ca bībhatsā vijñeyā rasadṛṣṭayaḥ || 41 ||

snigdhā hṛṣṭā ca dīnā ca kruddhā dṛptā bhayānvitā |
jugupsitā vismitā ca sthāyibhāveṣu dṛṣṭayaḥ || 42 ||

śūnyā ca malinā caiva śrāntā lajjānvitā tathā |
glānā ca śaṅkitā caiva viṣaṇṇā mukulā tathā || 43 ||

kuñcitā cābhitaptā ca jihmā salalitā tathā |
vitarkitārdhamukulā vibhrāntā viplutā tathā || 44 ||

ākekarā vikośā ca trastā ca madirā tathā |
ṣaṭtriṃśaddṛṣṭayo hyetāstāsu nāṭyaṃ pratiṣṭhitam || 45 ||

asya dṛṣṭividhānasya nānābhāvarasāśrayam |
lakṣaṇaṃ saṃpravakṣyāmi yathākarmaprayogataḥ || 46 ||

harṣaprasādajanitā kāntātyarthaṃ samanmathā |
sabhrūkṣepakaṭākṣā ca śṛṅgāre dṛṣṭiriṣyate || 47 ||

podvṛttaniṣṭabdhapuṭā sphuradudvṛttatārakā |
dṛṣṭirbhayānakātyarthaṃ bhītā jñeyā bhayānake || 48 ||

kramādākuñcitapuṭā savibhrāntālpatārakā |

p. 8)

hāsyā dṛṣṭistu kartavyā kuhakābhinyaṃ prati || 49 ||

patitordhvapuṭā sāsrā manyumantharatārakā |
nāsāgrānugatā dṛṣṭiḥ karuṇā karuṇe rase || 50 ||

yā tvākuñcitapakṣmāgrā sāścaryodvṛttatārakā |
saumyā vikasitāntā ca sādbhutā dṛṣṭiradbhute || 51 ||

krūrā rūkṣāruṇodvṛttā niṣṭabdhapuṭatārakā |
bhrukuṭīkuṭilā dṛṣṭi raudrī raudrarase smṛtā || 52 ||

dīptā vikasitā kṣubdhā gambhīrā samatārakā |
utphullamadhyā dṛṣṭistu vīrā vīrarasāśrayā || 53 ||

nikuñcitapuṭāpāṅgā ghūrṇopaplutatārakā |
saṃśliṣṭasthirapakṣmā ca bībhatsā dṛṣṭiriṣyate || 54 ||

nāsāgrasaktānimiṣā tathādhobhāgacāriṇī |
ākekarapuṭā caiva śāntā dṛṣṭirbhavedasau ||) || 55 ||

rasajā dṛṣṭayo hyetā vijñeyā lakṣaṇānvitāḥ |
ataḥ paraṃ lakṣayiṣye sthāyibhāvasamāśrayāḥ || 56 ||

vyākośamadhyā madhurā sthiratārābhilāṣiṇī |
sānandabhrūlatā dṛṣṭiḥ snigdheyaṃ ratibhāvajā || 57 ||

p. 9)

calā hasitagarbhā ca viśattārānimeṣiṇī |
kilvidākuñcitā hṛṣṭā dṛṣṭirhāse prakīrtitā || 55 ||

an*?tsrastottarapuṭā ruddhatārā jalāvilā |
manvamsiñcāriṇī dīnā sā śoke dṛṣṭirucyate || 56 ||

rū*? sthirodvuttapuṭā niṣṭadhodvṛttatārakā |
ku *? rabhrukuṭī dṛṣṭiḥ kruddhā krodhe vidhīyate || 57 ||

saṃ *?nma tārake yasyāḥ sthirā vikasitā tathā |
sa *? ta kaderatī dṛptā dṛṣṭirutsāhasaṃbhavā || 58 ||

vidhomatobhayapuṭā bhayakampitatārakā |
niṣkrānsadhyā dṛṣṭistu bhayabhāve bhayānvitā || 59 ||

saṃkoci * ṭādhyāsā dṛṣṭirmīlitatārakā |
lakṣoddeśasamudvignā jugupsāyāṃ jugupsitā || 60 ||

bhṛśamudv. *? rātra naṣṭobhayapuṭañcitā |
samā vi *? tādṛṣṭirvismitā vismaye smṛtā || 61 ||

sthāyibhā *? yā hyetā vijñeyā dṛṣṭayo budhaiḥ |
sañcāriṇī *? dṛṣṭīnāṃ saṃpravakṣyāmi lakṣaṇam || 62 ||

p. 10)

samatārā samapuṭā niṣkampā śūnyadarśanā |
bāhyārthāgrāhiṇī dhyāsā śūnyādṛṣṭiḥ prakīrtitā ||

praspandamānapakṣmā yā nātyarthamukulaiḥ puṭaiḥ |
malināntā ca malinā dṛṣṭirvibhrāntatārakā || 64 ||

śramātpramlāpitapuṭā kṣāmāntāñcitalocanā |
sannā patitatārā ca śrāntā dṛṣṭiḥ prakīrtitā || 65 ||

kiñcidañcitapakṣmāgrā patitordhvapuṭā hriyā |
trapādhogatatārā ca dṛṣṭirlajjānvitā tu kā || 66 ||

mlānabhrūpuṭapakṣmā yā śithilā mandacā * *? |
kramapraviṣṭatārā ca glānā dṛṣṭistu sā smṛtā || 67 ||

kiñciccalā sthirā kiñcidudgatā tiryagāmatā |
mūḍhācakitatārā ca śaṅkitā dṛṣṭiriṣyate || 68 ||

viṣādavistīrṇapuṭā paryastāntā nimeṣṇī |
kiñcinniṣṭabdhatārā ca kāryā dṛṣṭirviṣādinī || 69 ||

sphuradāśliṣṭapakṣmārdhā mukulordhvapuṭañcitā |
sukhonmīlitatārā ca mukulā dṛṣṭimriyate || 70 ||

ānikuñcitapakṣmāgrā puṭairākuñcitaistathā |

p. 11)

sannā kuñcitatārā ca kuñcitā dṛṣṭiriṣyate || 71 ||

mandāyamānatārā yā puṭaiḥ pracalitaistathā |
santāpopaplutā drṣṭirabhitaptā tu savyathā || 72 ||

lambitā kuñcitapuṭā śanaistiryaṅnirīkṣaṇaiḥ |
nigūḍhā gūḍhatārā ca jihmā dṛṣṭirudāhṛtā || 73 ||

madhurā kuñcitāntā ca sabhrūkṣepā ca sasmitā |
samanmathavikārā ca dṛṣṭiḥ sā lalitā smṛtā || 74 ||

vitarkodvatitapuṭā tathaivotphullatārakā |
adhomukhavikārā ca dṛṣṭireṣā vitarkitā || 75 ||

ardhavyākośapakṣmā ca hlādārdhamukulaiḥ puṭaḥ |
smṛtārdhaukulā dṛṣṭiḥ kiñcillulitatārakā || 76 ||

anavasthitatārā ca vibhrāntākuladarśanā |
vistīrṇotphullanetrā ca vibhrāntā dṛṣṭiriṣyate ||

puṭau prasphuritau yasya niṣṭabdhau patitau punaḥ |
viplutodvṛttatārā ca dṛṣṭireṣā tu viplutā || 78 ||

ākuñcitapuṭāpāṅgā saṅgatārdhanimeṣiṇī |

p. 12)

muhurvyāvṛttatārā ca dṛṣṭirākekarā smṛtā || 79 ||

vikośitobhayapuṭā protphullā cānimeṣiṇī |
anavasthitatārā ca vikośā dṛṣṭiriṣyate || 80 ||

trāsodvṛttapuṭā yā tu tathotkampitatārakā |
saṃtrāsotphullamadhyā ca trastā dṛṣṭirudāhṛtā || 81 ||

āghūrṇamānamadhyā yā kṣāmāntāñcitalocanā |
dṛṣṭirvikasitāpāṅgā madirā taruṇe made || 82 ||

kiñcidākuñcitapuṭā kiñcillulitatārakā |
anavasthitasañcārā dṛṣṭirmadhyamade bhavet || 83 ||

sanimeṣā'nimeṣā ca kiñciddarśitatārakā |
adhobhāgacarī dṛṣṭiradhame tu made smṛtā || 84 ||

ityevaṃ lakṣitā hyeṣāḥ ṣaṭtriśaddṛṣṭayo mayā |
sahajā bhāvajāścāsāṃ viniyogaṃ nibodhata || 85 ||

rasajāstu raseṣveva sthāyiṣu sthāyidṛṣṭayaḥ |
śṛṇuta vyabhicāriṇyaḥ sañcāriṣu yathāsthitāḥ || 86 ||

p. 13)

śūnyā dṛṣṭistu cintāyāmabhitaptāpi kīrtitā |
nirvede cāpi malinā vaivarṇye ca vidhīyate || 87 ||

śrāntā śramārte svede ca lajjāyāṃ lalitā tathā |
apasmāre tathā vyādhau glānyāṃ glānā vidhīyate ||

śaṅkāyāṃ śaṅkitā jñeyā viṣādārthe viṣādinī |
nidrāsvapnasukhārtheṣu mukulā dṛṣṭiriṣyate || 89 ||

kuñcitāsūyitāniṣṭaduṣprekṣākṣivyathāsu ca |
abhitaptā ca nirvede hyabhighātābhitāpayoḥ || 90 ||

jihmā dṛṣṭirasūyāyāṃ jaḍatālasyayostathā |
dhṛtau harṣe salalitā smṛtau tarke vitarkitā || 91 ||

āhlādiṣvardhamukulā gandhasparśasukhādiṣu |
vibhrāntā dṛṣṭirāvege saṃbhrame vibhrame tathā || 92 ||

viplutā capalonmādaduḥkhārtimaraṇādiṣu |
ākekarā durāloke vicchedaprekṣiteṣu ca || 93 ||

vibodhagarvāmarṣaugryamatiṣu syādvikośitā |
trastā trāsa bhaveddṛṣṭirmadirā ca madeṣviti || 94 ||

p. 14)

ṣaṭtriṃśaddṛṣṭayo hyetā yathāvatsamudāhṛtāḥ |
rasajānāṃ tu dṛṣṭīnāṃ bhāvajānāṃ tathaiva ca || 95 ||

tārāpuṭabhruvāṃ karma gadato me nibodhata |
bhramaṇaṃ valanaṃ pātaścalanaṃ saṃpraveśanam || 96 ||

vivartanaṃ samudvṛtta niṣkrāmaḥ prākṛtaṃ tathā |
(etāni navakarmāṇi tārākarma dvijottamāḥ || 97 ||

śṛṇudhvaṃ lakṣaṇaṃ tāvatsāṃprataṃ prītitaḥ sphuṭam |)
puṭāntarmaṇḍalāvṛttistārayorbhramaṇaṃ smṛtam || 98 ||

valanaṃ gamanaṃ tryaśraṃ pātanaṃ srastatā tathā |
calanaṃ kampanaṃ jñeyaḥ praeśo'ntaḥ praveśanam || 99 ||

vivartanaṃ kaṭākṣastu samudvṛttaṃ samunnatiḥ |
niṣkrāmo nirgamaḥ proktaḥ prākṛtaṃ tu svabhāvajam ||
athaiṣāṃ rasabhāveṣu viniyogaṃ nibodhata || 101 ||

bhramaṇaṃ valanodvṛtte niṣkrāmo vīraraudrayoḥ |
niṣkrāmaṇaṃ sacalanaṃ kartavyaṃ hi bhayānake || 102 ||

hāsyabībhatsayoścāpi praveśanamiheṣyate |
pātanaṃ karuṇe kāryaṃ niṣkrāmaṇamathādbhute || 103 ||

prākṛtaṃ śeṣabhāveṣu śṛṅgāre ca vivartitam |

p. 15)

svabhāvasiddhamevaitatkarma lokakriyāśrayam || 104 ||

evaṃ raseṣu bhāveṣu tārākarmāṇi yojayet |
athātraiva pravakṣyāmi prakārān darśanasya tu || 105 ||

samaṃ sācyanuvṛtte ca hyālokitavilokite |
pralokitollokite cāpyavalokitameva ca || 106 ||

samatārañca saumyañca yad dṛṣṭaṃ tatsamaṃ smṛtam |
pakṣmāntargatatāraṃ yattryaśraṃ sācīkṛtaṃ tu tat ||

rūpanirvarṇanāyuktamanuvṛttamiti smṛtam |
sahasā darśanaṃ yatsyāttadālokitamucyate || 108 ||

vilokitaṃ pṛṣṭatastu pārśvābhyāṃ tu pralokitam |
ūrdhvamullokitaṃ jñeyamavalokitamapyadha || 109 ||

ityeṣa darśanavidhiḥ sarvabhāvarasāśrayaḥ |
tārāgato'syānugataṃ puṭakarma nibodhata || 110 ||

unmeṣaśca nimeṣaśca prasṛtaṃ kuñcitaṃ samam |
vivartitaṃ sa sphuritaṃ pihitaṃ savitāḍitam || 111 ||

viśleṣaḥ puṭayoryastu sa unmeṣaḥ prakīrtitaḥ |
samāgamo nimeṣaḥ syādāyāmaḥ prasṛtaṃ bhavet ||

p. 16)

ākuñcitaṃ kuñcitaṃ syātsamaṃ svābhāvikaṃ smṛtam |
vivartitaṃ samudvṛttaṃ sphuritaṃ spanditaṃ tathā || 113 ||

sthagitaṃ pihitaṃ proktamāhataṃ tu vitālitam |
athaiṣāṃ rasabhāveṣu viniyogam nibodhata || 114 ||

krodhe vivartitaṃ kāryaṃ nimeṣonmeṣaṇaiḥ saha |
vismayārthe ca harṣe ca vīre ca prasṛtaṃ smṛtam || 115 ||

aniṣṭadarśane gandhe rase sparśe ca kuñcitam |
śṛṅgāre ca samaṃ kāryamīrṣyāsu sphuritaṃ tathā || 116 ||

suptamūrchitavātoṣṇadhūmavarṣāñjanārtiṣu |
netraroge ca pihitamabhighāte vitālitam || 117 ||

ityeṣu rasabhāveṣu tārakāpuṭayovidhiḥ |
kāryānugatamasyaiva bhruvoḥ karma nibodhata || 118 ||

utkṣepaḥ pātanaṃ caiva bhrukuṭī caturaṃ tathā |
kuñcitaṃ recitaṃ caiva sahajaṃ ceti saptadhā || 119 ||

bhruvorunnatirutkṣepaḥ samamekaikaśo'pi vā |
anenaiva krameṇaiva pātanaṃ syādadhomukham || 120 ||

p. 17)

bhruvormūlasamutkṣepādbhrukuṭī parikīrtitā |
caturaṃ kiñciducchvāsānmadhurāyatatā bhruvoḥ || 121 ||

ekasyā hi dvayorvāpi mṛdubhaṅgastu kuñcitam |
ekasyā ea lalitādutkṣepādrecitaṃ bhruvaḥ || 122 ||

sahajātaṃ tu sahajaṃ karma svābhāvikaṃ smṛtam |
athaiṣāṃ saṃpravakṣyāmi rasabhāvaprayojanam || 123 ||

kope vitarke helāyāṃ līlādau sahaje tathā |
darśane śravaṇe caiva bhruvamekāṃ samutkṣipet || 124 ||

utkṣepo vismaye harṣe roṣe caiva dvayorapi |
asūyite jugupsāyāṃ hāse ghrāṇe ca pātanam || 125 ||

krodhasthāneṣu dīpteṣu yojayedbhrukuṭīṃ budhaḥ |
śṛṅgāre lalite saumye sukhasparśe prabodhane || 126 ||

evaṃ vidheṣu bhāveṣu caturaṃ tu prayojayet |
strīpuruṣayoaśca sallāpe nānāvasthāntarātmake || 127 ||

moṭṭāyite kuṭṭamite tathā ca kilikiñcite |
nikuñcitaṃ ca kartavyaṃ nṛtte yojyaṃ tu recitam ||

p. 18)

anāviddheṣu bhāveṣu kuryātsvābhāvikaṃ tathā |
ityevaṃ tu bhruvoḥ proktaṃ nāsākarma nibodhata || 129 ||

natā mandā vikṛṣṭā ca socchvāsātha vikūṇitā |
svābhāvikā ceti budhaiḥ ṣaḍvidhā nāsikā smṛtā ||

natā muhuḥśliṣṭapuṭā mandā tu niśṛtā smṛtā |
vikṛṣṭā phullitapuṭā soccchāsākṛṣṭamārutā || 131 ||

vikūṇitā saṃkucitā samā svābhāvikī smṛtā |
nāsikālakṣaṇaṃ hyetadviniyogaṃ nibodhata || 132 ||

madotkampasamāyukte nārīṇāmanurodhane |
niḥśvāse ca natā kāryā nāsikā nāṭyayoktṛbhiḥ ||

nirvedautsukyacintāsu mandā śoke ca yojayet |
tīvragandhe vikṛṣṭāṃ tāṃ raudre vīre tathaiva ca || 134 ||

iṣṭaghrāṇe tathocchvāse dīrghocchvasāṃ prayojayet |
vikūṇitā ca kartavyā jugupsāsūyitādiṣu || 135 ||

kāryā śeṣe.u bhāveṣu tajjñaiḥ svābhāvikā tathā |

p. 19)

kṣāmaṃ phullaṃ ca ghūrṇaṃ ca kampitaṃ kuñcitaṃ samam ||

ṣaḍvidhaṃ gaṇḍamuddiṣṭamasya lakṣaṇamucyate |
kṣāmaṃ cāvanataṃ jñeyaṃ phullaṃ vikasitaṃ bhavet || 137 ||

vitataṃ ghūrṇamātroktaṃ kampitaṃ sphuritaṃ bhavet |
syātkuñcitaṃ saṃkucitaṃ samaṃ prākṛtamucyate || 138 ||

gaṇḍayorlakṣaṇaṃ proktaṃ viniyogaṃ nibodhata |
kṣāmaṃ duḥkheṣu kartavyaṃ praharṣe phullameva ca || 139 ||

ghūrṇamutsāhagarveṣu roṣaharṣeṣu kampitam |
kuñcitaṃ ca saromāñcaṃ sparśe śīte bhaye jvare || 140 ||

prākṛtaṃ śeṣabhāveṣu gaṇḍakarma bhavediti |
vivartanaṃ kampanaṃ ca visargo vinigūhanam || 141 ||

saṃdaṣṭakaṃ samudgaṃ ca ṣaṭarmāṇyadharasya tu |

p. 20)

vikūṇanaṃ vivartastu vepanaṃ kampanaṃ smṛtam || 142 ||

viniṣkrāmo visargastu praveśo vinigūhanam |
saṃdaṣṭakaṃ dvijairdaṣṭaṃ samudgaḥ sahajonnatiḥ || 143 ||

ityoṣṭhalakṣaṇaṃ proktaṃ viniyogaṃ nibodhata |
asūyāvedanāvajñāhāsyādiṣu vivartanam || 144 ||

kampanaṃ vedanāśītabhayaroṣajavādiṣu |
strīṇāṃ vilāse bivvoke visargo rañjane tathā ||

vinigūhanamāyāse sandaṣṭaṃ krodhakarmasu |
samudgastvanukampāyāṃ cumbane cābhinandane || 146 ||

ityoṣṭhakarmāṇyuktāni cibukasya nibodhata |
kuṭṭanaṃ khaṇḍanaṃ chinnaṃ cukkitaṃ lehitaṃ samam || 147 ||

daṣṭañca dantakriyayā cibukaṃ ntviha lakṣyate |
kuṭṭanaṃ dantasaṃgharṣaḥ saṃphoṭaḥ khaṇḍanaṃ muhuḥ || 148 ||

chinnaṃ tu gāḍhasaṃśleṣaścukkitaṃ dūravicyutiḥ |
lehanaṃ jihvayā lehaḥ kiñcicchleṣa samaṃ bhavet || 149 ||

dantairdaṣṭe'dhare daṣṭamityeṣāṃ viniyojanam |

p. 21)

bhayaśītajvarakrodhagrastānāṃ kuṭṭanaṃ bhavet || 150 ||

japādhyayanasallāpabhakṣyayoge ca khaṇḍanam |
chinnaṃ vyādhau bhaye śīte vyāyāme rudite mṛte || 151 ||

jṛmbhaṇe cukkitaṃ kāryaṃ tathā laulye ca lehanam |
samaṃ svabhāvabhāveṣu sandaṣṭaṃ krodhakarmasu || 152 ||

iti dantoṣṭhajihvānāṃ karaṇe cibukakriyā |
vinivṛttaṃ ca vidhutaṃ nirbhugnaṃ bhgnameva ca || 153 ||

vivṛtañca tathodvāhi karmāṇyatrāsyajāni tu |
vyāvṛttaṃ vinivṛttaṃ syādvidhutaṃ tiryagāyatam || 154 ||

avāṅmukhatvaṃ nirbhugnaṃ vyābhugnaṃ kiñcidāyatam |
viśliṣṭoṣṭhaṃ ca vivṛtamudvāhyākṣiptameva ca || 155 ||

vinivṛttamasūyāyāmīrṣyākopakṛteṣu ca |
avajñāvihṛtādau ca strīṇāṃ kāryaṃ prayoktṛbhiḥ || 156 ||

vidhutaṃ vāraṇe caiva naivamityevamādiṣu |
nirbhugnaṃ cāpi vijñeyaṃ gambhīrālokanādiṣu || 157 ||

bhugnaṃ lajjānvite yojyaṃ yatīnāṃ tu svabhāvataḥ |
nirvedautsukyacintāsu tathā vinayamantraṇe || 158 ||

p. 22)

vivṛtaṃ vāpi vijñeyaṃ hāsyaśokabhayādiṣu |
strīṇāmudvāhi līlāyāṃ garve gacchatyanādare || 159 ||

evaṃ nāmeti kāryañca kopavākye vicakṣaṇaiḥ |
samasācīkṛtādyurkta yacca dṛṣṭivikalpanam || 160 ||

tajjñaistadanusāreṇa kāryaṃ tadanugaṃ mukham |
athāto mukharāgastu caturdhā saṃprakīrtitaḥ || 161 ||

svābhāvikaḥ prasannaśca raktaḥ śyāmo'rthasaṃśrayaḥ |
svābhāvikastu kartavyaḥ svabhāvābhinayāśrayaḥ || 162 ||

madhyasthādiṣu bhāveṣu mukharāgaḥ prakīrtitaḥ |
prasannastvadbhute kāryo hāsyaśṛṅgārayostathā || 163 ||

vīraraudramadādyeṣu raktaḥ syātkaruṇe tathā |
bhayānake sabībhatse śyāmaṃ saṃjāyate mukham || 164 ||

evaṃ bhāvarasārtheṣu mukharāgaṃ prayojayet |
śākhāṅgopāṅgasaṃyuktaḥ kṛto'pyabhinayaḥ śubhaḥ || 165 ||

mukharāgavihīnastu naiva śobhānvito bhavet |
śārīrābhinayo'lpo'pi mukharāgasamanvitaḥ || 166 ||

dviguṇāṃ labhate śobhāṃ rātrāviva niśākaraḥ |
nayanābhinayo'pi syānnānābhāvarasasphuṭaḥ || 167 ||

p. 23)

mukharāgānvito yasmānnāṭyamatra pratiṣṭhitam |
yathā netraṃ prasarpeta mukhabhrūdṛṣṭisaṃyutam || 168 ||

tathā bhāvarasopetaṃ mukharāgaṃ prayojayet |
ityeṣa mukharāgastu prokto bhāvarasāśrayaḥ || 169 ||

ataḥ paraṃ pravakṣyāmi grīvākarmāṇi vai dvijāḥ |
samā natonnatā tryaśrā recitā kuñcitāñcitā || 170 ||

valitā ca vivṛtā ca grīvā navavidhārthataḥ |
samā svābhāvikī dhyānasvabhāvajapakarmasu || 171 ||

natā natāsyo'laṅkāre baddhe kaṇṭhāvalambane |
unnatābhyunnatamukhī grīvā cordhvādidarśane || 172 ||

tryaśrā pārśvagatā jñeyā skandhabhāre ca duḥkhite |
recitā vidhutā bhrāntā bhāve mathananṛttayoḥ || 173 ||

kuñcitā'kuñcitā mūrdhni bhārite galarakṣaṇe |
añcitā'pasṛtodbaddhakeśakarṣordhvadarśane || 174 ||

pārśvonmukhī syādvalitā grīvābhaṅge ca vīkṣite |
vivṛttābimukhībhūtā svasthānābhimukhādiṣu || 175 ||

p. 24)

ityādilokabhāvārthā grīvā bhedairanekadhā |
grīvākarmāṇi sarvāṇi śiraḥkarmānugāni hi ||

śirasaḥ karmaṇā karma grīvāyāḥ saṃpravartate |
ityetallakṣaṇaṃ proktaṃ śīrṣopāṅgasamāśrayam || 177 ||

aṅgakarmāṇi śeṣāṇi gadato me nibodhata |

iti bhāratīye nāṭyaśāstre uttamāṅgābhinayo nāmāṣṭamo'dhyāyaḥ ||

śrīḥ

nāṭyaśāstram 

navamo'dhyāyaḥ |

evametacchironetrabhrūnāsoṣṭhakapolajam |
karma lakṣaṇasaṃyuktamupāṅgānāṃ mayoditam || 1 ||

hastādīnāṃ pravakṣyāmi karma nāṭyaprayojakam |
yathā yenābhineyaṃ ca gadato me nibodhata || 2 ||

hastoraḥpārśvajaṭharakaṭījaṅghorupādataḥ |
lakṣaṇaṃ sampravakṣyāmi viniyogaṃ ca tattvataḥ || 3 ||


alaṅkriyante gātrāṇi yatsparśavivaśasthiteḥ |
sparśatanmātravapuṣaṃ saṃstumaḥ parameśvaram ||

śiṣyāṇāmanusandhānavṛddhaye prāktanārthopasaṃhārapūrvakaṃ 
vaktrantaramāsūtrayannāha evametādityādi | kriyata iti karma abhineyamityarthaḥ | 
hastādīnāmiti pādāntānāmanenādhyāyena lakṣaṇaṃ vakṣyāmi | 
viniyujyate'neneti (viniyogaḥ) tadyathā - payodrindravarpadhārānirūpaṇa (9-20) 
mityādi tatra cetikartavyatā - tadyathā - praviralacalitāṅguli (9-21) rityādi | tattvata 
iti | abhinayasya dvividhā itikartavyatā lokadharmī nāṭyadharmī ca | ādyā 
dvividhā - cittavṛ-


p. 26)

patākastripatākaśca tathā vai kartarīmukhaḥ |
ardhacandro hyarālaśca śukatuṇḍastathaiva ca || 4 ||

muṣṭiśca śikharākhyaśca kapitthaḥ khaṭakāmukhaḥ |
sūcyāsyaḥ padmakośaḥ sarpaśirā mṛgaśīrṣakaḥ || 5 ||

kāṅgulako'lapadmaśca caturo bhramarastathā |
haṃsāsyo haṃsapakṣaśca sandaṃśo mukulastathā || 6 ||


ttyarpakatvenānubhāvasya yathā - garve'pyahamiti tajjñairlalāṭadeśocchrita (9-
19) iti | kevalabāhyāvayavarūpā vā yathā - padmakośasya kamapi nirūpaṇe | 
nāṭyadharmyapi dvidhā - 
nāṭyopayogamūlabhūtakaiśikīsampādanocitālaukikaśobhāhetuḥ yathā - 
āveṣṭitādicaturvidhakaraṇarūpā | kācittvaṃśena lokamupajīvati yathā - 
varṇātureṇa hastena tatra vyavahitena loka upajīvyate | loko hyanirdeśyatāśeṣaṃ 
vastu nirdidikṣurīdṛśaṃ tādṛśamitthambhūtamityavasare prayuktameva caturaiḥ | 
evaṃ janāntikādau vācyam | naṭasamayamātrarūpā nāṭyadharmī 
samayasyākiñcitkarasya kalpane prayojanābhāvāt |

hastānupadiśati patāka ityādinā | tathā caśabdena tripatākaḥ prakārastasyaiva 
kartarīmukha iti darśanāttanniṣpattaye 
saṃhitākāryadṛṣṭādadhyayanaparaśabdagatadhyānaṃ 
śabdavaddhastāntaratve'pi dṛśyamānena tadbuddhiṃ vidheyena darśayati | 
evamanye'pi tripatākā(dayo) vyākhyeyāḥ | kvacittu 
hastasadṛśaharatāntarasvīkārāya haṃsapakṣaśca sandaṃśa iti 
sandaṃśaśabdāntaraṃ cakāreṇa 
aṅguṣṭhamadhyamāgraniṣpīḍitāgramarmatarjanīlakṣaṇo'pi 
śūnyabhāsvaravidyudādyabhinayaviṣaye nṛttācāryapravāhasiddhaḥ 
kohalalikhito'pi hastaḥ saṅgato bhavatīti hastāntarāṇyutprekṣyāṇi | te 
tvasaṃyutā api bhavanti | saṃyutakaraṇaṃ kārya iti vakṣyate yataḥ 


p. 27)

ūrṇanābhastāmracūḍaścaturviṃśatirīritāḥ |
asaṃyutāḥ saṃyutāṃśca gadato me nibodhata || 7 ||

añjaliśca kapotaśca karkaṭaḥ svastikastathā |
khaṭakāvardhamānaśca hytsaṅgo niṣadhastathā || 8 ||

dolaḥ puṣpapuṭaścaiva tathā makara eva ca |
gajadanto'vahitthaśca vardhamānastathaiva ca || 9 ||

ete tu saṃyutā hastā mayā proktāstrayodaśa |
nṛttahastānataścordhvaṃ gadato me nibodhata || 10 ||


yatnāpyetannāsti tatrāpi prayogayuktyā hastadvayaprayogo bhavatyeva yathā 
pareṇa hāre niyamāne bhayātpatākādvayasyāsādikṣetre parāṅmukhasya 
prayogaḥ | evaṃ pratāpanādāvapi | evamanyatnotprakṣaṇīyam | kiñca 
patākādīnāmapi dviśau yugapat prayoge yutatvamabhineyaviśeṣe | tadyathā 
kapitthasyādhastādadhastalaḥ patākaḥ chedābhinaye kuṇiccha aha 
astamaccharajahisīsahicchajattaṃti (?) | citrābhinaye caitat | ete tu saṃyutā eva | 
natveta eva patākādīnāmapi prayoge kvacitsaṃyutatvāt | ete ca trayodaśa 
saṃyutatāvyatirekeṇa na svārthasya gamakāḥ | eteṣāṃ tvabhinayahastānāṃ 
chidracchādanenaikavartanānupraveśādalātacakrapratimatāṃ darśayituṃ 
masṛṇoddhatavartanātmakatayā caikavākyārthaviśrāntatāṃ rpathayituṃ 
nṛttasya ca vastubhūtatvenoktasya svarūpamabhidhātuṃ nṛtyantyau ceṭyāviti 
nṛttādiviṣaye ca sūcāṅkurādāvupayogamapi tu darśayituṃ nṛttaśabdena 
viśeṣyaṃ nirdiśati nṛttahastā nityādinā | saṃyutāsaṃyutarūpopajīvina eta 
ityekākino'pi prayujyante (nāśaṃsanta iti anye'pi na na śaṃsanti darśayanti) 
nanvidaṃ 


p. 28)

cataraśrau tatodvṛttau tathā talamukhau smṛtau |
svastikau viprakīrṇau cāpyarālakhaṭakāmukhau || 11 ||

āviddhavakrau sūcyākhyau reictāvardharecitau |
uttānavañcitau caiva pallavau ca tathā karau || 12 ||

nitambāvapi vijñeyau keśabandhau tathaiva ca |
latākhyau ca tathā proktau karihastau tathaiva ca || 13 ||

pakṣavañcitakau caiva pakṣapradyotakau tathā |
jñeyau garuḍapakṣau ca daṇḍapakṣāvataḥ param || 14 ||

ūrdhvamaṇḍalinau caiva pārśvamaṇḍalinau tathā |
uromamaṇḍalinau caiva uraḥpārśvārdhamaṇḍalau || 15 ||

muṣṭikasvastikau cāpi nalinīpadmakośakau |
alapallavolbaṇau ca lalitau valitau tathā || 16 ||

catuṣṣaṣṭikarā hyete nāmato'bhihitā mayā |
yathālakṣaṇameteṣāṃ karmāṇi ca nibodhata || 17 ||


yathā lakṣaṇaṃ yathā ca karmaṇyabhidheyateti tathā nibodhateti sambandhaḥ | 
atha yathoddeśaṃ patākādīnāṃ lakṣaṇamāha prasāritāḥ samā iti | samā iti 
prakṛtisthā ityarthaḥ | prasāritāgrā vā iti pāṭhaḥ | prasāritāḥ pradhānā 
ityarthaḥ | sahitā aviralāḥ | kuñcitatvaṃ pādasya vakṣyate 
tallakṣaṇopajīvanenāṅguṣṭhasanniveśaḥ kārya ityarthaḥ | 
patākākāratvātpatākaḥ | ata eva patākā-

p. 29)

prasāritāḥ samāḥ sarvāḥ yasyāṅgulyo bhavanti hi |
kuñcitaśca tathāṅguṣṭhaḥ sa patāka iti smṛtaḥ || 18 ||

eṣa prahārapāte pratāpane nodane praharṣe ca |
garve'pyahamiti tajjñairlalāṭadeśotthitaḥ kāryaḥ || 19 ||

eṣo'gnivarṣadhārānirūpaṇe puṣpavṛṣṭipatane ca |
saṃyutakaraṇaḥ kāryaḥ praviralacalitāṅgulirhastaḥ || 20 ||

svastikavicyutikaraṇātpalvalapuṣpopahāraśaṣpāṇi |


pyanenaivābhineyā | evamanyeṣvapi hasteṣu nāmanirvacanānusāreṇa viniyogaḥ 
pradarśanīyaḥ | praviralacalitāṅgulitvādiyoge'pi ekadeśavikāre 
tattvapratyabhijñānātpūrvāparakoṭyośca 
mūlasanniveśāśrayaṇātpatākātvameva | etamanyatrāpi | prahārasya pātane 
kartavye pareṇa ca kriyamāṇe | pratāpane śītaśamanāyāgnisparśagrahaṇe 
rājñāṃ ca pratāpe | śatruhṛdayamlāna nimittabhūtaprasiddhiviśeṣātmāni 
tathā prakṛṣṭe coddhatādapi tathopaharaṇāya hastacchatraniruddhacandramahasa 
(viddhasā-) ityādau | tathā anyasya preraṇe anyena vā preraṇe tadvāraṇāya | eṣu 
ca yathālokaprasiddhiḥ yathā nāṭyācāryapravāhaśca 
ūrdhvapārśvagādhomukhasamukhaparāṅmukhottānatrayaśracañcalācañcalat
vādivibhāga utprekṣaṇīyaḥ | prahāre hṛdayalagnatala īṣatkampamānaḥ praharṣe 
ca romāñcasammukha udgataḥ | apiśabdārthasahito (ahaṃ) yathā asmadartho 
bhavati ahamapi mamāpi mayāpi mayyapītyādau garvagarbhe prayoge 
pārśvāntarātsvapārśvabhāgacchaṁllalāṭābhimukha ūrdhvaḥ kartavyaḥ | eṣa iti 
etasminnarthe'bhinetā syā(diti ce)dvibhaktiratantrā etadarthanirūpaṇa ityarthaḥ | 
agneḥ dhārā jālāḥ 
puṣpavṛṣṭigrahaṇamaprasiddhapāṃsuraktādivṛṣṭyantaropalakṣaṇam | 
saṃyutakaraṇa iti hastadvayamīdṛśaṃ kartavyamityarthaḥ | 
saṃyutāsaṃyutasambandhā lokocitā 


p. 30)

viracitamurvīsaṃsthaṃ yaddravyaṃ tacca nirdeśyam || 21 ||

svastikavicyutikaraṇātpunarevādhomukhena kartavyam |
saṃvṛtavivṛtaṃ pālyaṃ channaṃ nibiḍaṃ ca gopyaṃ ca || 22 ||

asyaiva cāṅgulībhistvadhomukha prasthitotthitacalābhiḥ |
vāyūrmivegavelākṣobhaścaughaśca kartavyaḥ || 23 ||


calanalakṣaṇā kriyā yasya tenāgnijvālāmūrdhvagamanaṃ jaladhārāsu 
adhogamanamaṅgulīnāmūrdhvamukhahastasya puṣpavṛṣṭau śirodeśe 
adhomukhasya sthitasya kramāccalāṅguleradhogamanamiti saṅgṛhītam | 
tenaikākino'pi yatprayogadarśanaṃ tadavaruddham | a(pra?)viralāssatyaścalitāḥ 
a(pra?)viralaṃ kṛtvā calitā aṅgulyo yatneti samāsaḥ saṃyutahastalakṣaṇāt 
svastikamupajīvyaṃ nṛttahastalakṣaṇādvā | tena sammukhau patākau 
maṇibandhabhuvi nyastau kṛtvā bāhuparibhramaṇayuktyā svapārśvasamaṃ 
vicyutiḥ tatkriyāyāḥ palvalaṃ svalpodakaṃ saraḥ puṣpaprakaraṇ hṛdyaṃ ca 
tṛṇaṃ yacca bhūmau picchilaṃ valitaṇḍulavaicitryanyāyena sthāpitaṃ 
tadabhinayediti lokāṃśopajīvinī nāṭyadharmī | punareveti vacanāt 
svastikastadvicyutiḥ civyutipūrvakaḥ svastika iti kramaḥ | tatrā(dho)mukhena 
svastikena tadvicyutyā ca saṃvṛtavivṛtamardhaṃ saṃvṛtamardhaṃ ca vivṛtam | 
yathā - ghaṭyodghāṭakavāṭaghaṭṭitajavena iti | pālyaṃ patamānādrakṣaṇīyaṃ 
vicyutipūrvakaṃ śīghraṃ svastikakaraṇāt channaṃ nibiḍaṃ spaṣṭaṃ tathaiva 
gopyaṃ anyo mā drākṣīditi tajjātaṃ karaṇaṃ svastikakaraṇāt | cakāreṇa 
apālye apracchanne anatinibiḍe agopye cābhinayaḥ | sa ca svastikavicyutirūpa iti 
darśayati | recayati svasanniveśādyāpayati svakṣetrādvā yā kriyā 
tadrecakakraṇam | tathā yathāyogaṃ tatra parasyotsāhanaṃ preraṇaṃ 
utsāhajananaṃ satpuruṣābhinayanaṃ ca viralāṅgulikṣepeṇālapallavākāravat 
pradhānaṃ 


p. 31)

utsāhanaṃ bahutathā mahājanaprāṃśupuṣkaraprahatam |
pakṣotkṣepābhinayaṃ recakakaraṇena kurvīta || 24 ||

parighṛṣṭatalasthena tu dhautaṃ mṛditaṃ pramṛṣṭapiṣṭe ca |
punareva śailadhāraṇamudghāṭanameva cābhinayet || 25 ||

(daśākhyāśca śatākhyāśca sahasrākhyāstathaiva ca |
patākābhyāṃ tu hastābhyāmabhineyaḥ prayoktṛbhiḥ ||) || 26 ||

evameṣa prayoktavyaḥ strīpuṃsābhinaye karaḥ |


vastu akramakaraṇena nijapārśvagamanena pārśvāntarāt | 
prāṃśūnnatamūrdhvagatāt puṣkaraprahaṇane adhaḥ pātanaṃ pakṣaṃ 
patatriṇāṃ muhurūrdhvaṃ kaṭikṣetra utsāhanavat utkṣepaṃ 
kṛtamathordhvagamanena | abhinayaśabdavatpālyaṃ ca | (abhinayaśabdasya 
vaici)tryaṃ paśyantaḥ upādhyāyā vyācakṣate - abhiśabdenābhimukhyaṃ 
naśabdena niṣedho yaśabdena yadartho lakṣyate tena 
svapārśvonmukhadeśāgamanenābhimukhyamabhimukhatvaṃ pārśvakṣetre tu 
recanapūrvamadhomukhottānaparivartanena ca yacchabdārthamabhinayediti | 
pariśabdaḥ śaighryātpārśvato'rthe ubhayato vā'to samantādarthe ca tena 
parighṛṣṭaṃ yattalaṃ tat dvitīyapatākahastena patākākāreṇa kṣālanaṃ 
mardanaṃ mārjanaṃ peṣaṇaṃ tadviśiṣṭamapi dravyamabhinayet | yathākramaṃ 
ca pariśabdārthe yojyaḥ punaśśabdaḥ | 
parvatoddhāraṇaśailaśilādeścodghā(tpā?)ṭanam | 
cakārādvaradānamabhayadānamityevamādyābhinayet | 
parighṛṣṭetītikartavyatāṃ prasaktāṃ vārayitumevakāraḥ enatupuṇāpari añci 
itiṃ koṇeṃ jiji āliha (?) ityādau yathā punarevaśabdārthe 
dyotakastathāṅgike'pi patākādistathā vyavahāradarśanāt | na caitāvānevāsya 
viṣaya iti darśayitumāha evamanena prakāreṇa svabuddhyā tāṃ 
tāmitikartavyatāmutprekṣya prayoktavyaḥ | strīpuṃsayorubhayorapi 
abhinetrorabhineyayorvā | anye tu napuṃsaka-


p. 32)

ataḥparaṃ pravakṣyāmi tripatākasya lakṣaṇam || 27 ||

patāke tu yadā varkānāmikā tvaṅgulirbhavet |
tripatākaḥ sa vijñeyaḥ karma cāsya nibodhata || 28 ||

āvāhanamavataraṇaṃ visarjanaṃ vāraṇaṃ praveśaśca |
unnāmanaṃ praṇāmo nidarśanaṃ vividhavacanaṃ ca || 29 ||

maṅgalyadravyāṇāṃ sparśaḥ śiraso'tha sanniveśaśca |
uṣṇīṣa makuṭadhāraṇanāsākhyaśrotrasaṃvaraṇam || 30 ||


liṅgasya strīpuṃsābhyāmeva svīkārāt samaste śabdārthe'bhinetavye 
viśiṣṭetikartavyatāyuktasyārthasya prayoga ityāhuḥ |

atha tripatākamāha patāketvityādi | anāmikā vakrā kanīyasī 
(tarjanīmadhyamānāṃ) tisṛṇāṃ patākavadavayavasthānāt tripatākaḥ 
tritvasyābhineyādvā | karmetyabhineyam | (āvāhanaṃ) 
parāṅmukhīnatarjanīmadhyamākuñcanāt ārye itastāvadityādau | 
avataraṇamuttareṇa pārśvāntaraṃ gacchatā avataratvāyuṣmānityādau 
rathādeḥ | visarjanamanādarakṛtamadhastalakṛtena bahiraṅgulidvayakṣepāt | 
vāraṇaṃ mā kārpī riti prāṅmukhenāṅgulidvayacalanāt | praveśanaṃ 
pārśvatalenāgragamanāt yāvatpraviśāmīti | yathonnāmanaṃ cibukādau 
lālanenottānenāṅgulidvayena | praṇamanaṃ śirogatena pārśvagatena 
praṇayanaṃ samarpaṇam | 
pra(ni?)darśanamupamānopameyabhāvamīṣadviralenāṅgulidvayena | vividhaṃ 
vicitramidaṃ vā syādidaṃ vetyādi aṅguliyuganāmonnāmāt | vacanaṃ 
bhāṣaṇaṃ mukhakṣetre uttānasyāgragamanāt | maṅgalyadravyāṇāṃ 
pūrṇakumbhādīnāmadhomukhenāṅgulidvayena | sparśaḥ dravyādīnāṃ 
śirasaḥ sparśaḥ niveśanaṃ niveśaḥ sambandho'nāmikayā śiraso vā 
sanniveśanaṃ tatkṣetre sammukhamaṇḍalagatenoṣṇīpadhāraṇaṃ 
śirasyadhomukhena bhramatā makuṭadhāraṇaṃ tūrdhvakṣetre | (saṃvaraṇaṃ) 
aniṣṭe gandhe vacane ca śabde'pi nāsādau aṅgulī-


p. 33)

asyaiva cāṅgulībhyāmadhomukhaprasthitotthitacalābhyām |
laghukhagapatanasrotobhujagabhramarādikānkuryāt || 31 ||

aśrupramārjanaṃ tilakaviracanaṃ rocanālabhanakaṃ ca |
tripatākānāmikayoḥ sparśanamalakasya kartavyam ||

svastikau tripatākau tu gurūṇāṃ pādavandane |
parasparāgrasaṃśliṣṭau kāryāvudvāhadarśane || 33 ||

vicyutau calitāvasthau kartavyau nṛpadarśane |
tiryaksvastikasaṃbaddhau khyātāṃ tau grahadarśane || 34 ||


dvayenācchādanam | asyaiva ceti | ataśca mukuṭādidarśanena taddhetoḥ 
rājāderapyabhinayaḥ tena yena hastenābhineyaṃ yatnāvyabhicāritvena bahuśo 
nirdiṣṭaṃ tadanirdiṣṭamapi tenaivābhineyam | yathā mukuṭadhāraṇābhinayena 
rājāṃśaḥ recita patākayogena garvitaḥ | aṅgulyau ye nityaśliṣṭe ityevakāraḥ 
tena ca tripatākanyasta ityasya grahaṇāt | cakāreṇānvācayakṛtamaṅgulyantarasya 
adhomukhādirūpatvamanujānāti | adhomukhe ca dve prasthānotthānayḥ cale ceti 
samāsaḥ | laghūnpakṣiṇaścaṭakādīn kaṭīkṣetre laghucālaṃ | laghu ca srotaḥ 
krameṇordhvamadhastiryaggatyā laghusarpānagragatyābhinayet | 
bhramaramakṣikādīnāṃ punarupapādanaṃ pakṣitvenāprasiddheḥ tena 
kaṭīkṣetratyāgena yatheṣṭameṣāṃ kṣetamityuktaṃ bhavati | 
aśruṇastatpramārjanasya cānāmikayā svakṣetragatayādho gacchantyābhinayaḥ | 
tilakasyābhinayo rocanācandanādinā tadviracanasya ca | etena 
kriyāphalayostulyābhinayo'nyatrāpīti sūcayati | tena patanavatpatito'pi 
kartarīmukha ityādyūhyam | rocanācandanasya maṅgalyatilakādinā 
svīkārādikaṃ vyācakṣate | rocanayā aruṇarucirlakṣyate 
tatrānāmikādvayasaṅghaṭṭenābhinayaḥ | yathā -


p. 34)

tapasvidarśane kāryāvūrdhvau cāpi parāṅmukhau |
parasparābhimukhau ca kartavyau dvāradarśane || 35 ||

uttānādhomukhau kāryāvagre vaktrasya saṃsthitau |
baḍabānalasaṅgrāme makarāṇāṃ ca darśane || 36 ||

abhineyāstvanenaiva vānaraplavanormayaḥ |
pavanaśca striyaścaiva nāṭye nāṭyavicakṣaṇaiḥ || 37 ||

saṃmukhaprasṛtāṅguṣṭhaḥ kāryo bālendudarśane |
parāṅmukhastu kartavyo yāne nṛṇāṃ prayoktṛbhiḥ ||) || 38 ||

tripatāke yadā haste bhavetpṛṣṭhāvalokinī |
tarjanī madhyamāyāśca tadāsau kartarīmukhaḥ || 39 ||

pathi caraṇaracanarañjanaraṅgaṇa karaṇānyadhomukhenaiva |


ko-uddalaṇāhaṃ tathā tathā ca kena samāṇivaśśakraḥ |
sukaraṃ bharjasukhaṃ ca duḥkhaṃ ca || (?)

ālambhanaṃ śarīrasparśanaṃ drohikācamanam tasmāt saṃjñāyāmapi kan | 
saṃjñaiveyamiti labheratnāsaṃbhavāt nañsamāsaḥ svalpatpaṃca 
atrānigauravātisnehādinā tathānāmikayaiva sparśanāt gāmī avā uccaṃ 
amīha-utora-u (?) iti | sparśanamalakasya racanārthaṃ sthānāntaranayanaṃ yathā 
ratnāvalyāgudayanena susaṅgatāyā | alikasya lalāṭasya 
darśanamalakabhañjanenottālālakabhañjanānītyādāvityanye |

kartarīmukhaṃ lakṣayati tripatāka iti cakāreṇa paro nīyate | avolikinīti 
asaṃśliṣṭa iti yāvat | kartaryā īdṛśameva rūpaṃ sādhyate tathābhinīyate | 
pathīti pṛthakpadaṃ ita-ita ityādau mārgapradarśane tenātrādhomukheneti 
saṃbadhyate | caraṇasya racanaṃ kastūrikādinā patrabhaṅgādikriyā 
rajjanamalaktakena | rajyatyasmin hṛdayamiti raṅgaḥ kuṅkumādikṛtaścatuṣkoṣṭhe 
bha"gastilakādiḥ taṃ karoti raṅgayati |


p. 35)

ūrdhvamukhena tu kuryāddaṣṭaṃ śṛṅgaṃca lekhaṃ ca || 40 ||

patanamaraṇavyatikramaparivṛttavitarkitaṃ tathā nyastam |
bhinnavalitena kuryātkartaryāsyāṅgulimukhena || 41 ||

saṃyutakaraṇo vā syādasaṃyuto vā prayujyate tajjñaiḥ |
rurucamaramahiṣasuragajavṛṣagopuraśailaśikhareṣu ||) || 42 ||

yasyāṅgulyastu vinatāḥ sahāṅguṣṭhena cāpavat |
so'rdhacandra iti khyātaḥ karaḥ karmākya vakṣyate || 43 ||


evakāreṇa tarjanīmukhalakṣaṇamukhasyādhogamanānantarameva 
pṛṣṭhāvalokitvaṃ punaradhogamanaṃ punaḥ pṛṣṭhāvalokanamiti calanamāha | 
daṣṭamiti daṃśanaṃ tattulyaṃ ca kartanādi nāsikākṣetrāt karṇāntaṃ 
gacchatā śṛṅgaṃ svaṅgakṣetre hastadvayena lekhaṃ patrakāviṣṭasya vācanam | 
vyatikramo'parādhaḥ | parivṛttaṃ parāṅgmukhībhūtaṃ viparyastaṃ ca | 
vitarkitamūhanam | nyastaṃ nikṣepaṇam | bhedanaṃ vaiparītyaṃ 
madhyayostarjanīpṛṣṭhagatvaṃ calanaṃ punaḥ svarūpāptistayoḥ samāhāre 
dvandvaḥ | etena yathā yogaṃ saṅghātavigṛhītaviparyastaprayogo 
dvistriścetyādyūhyam | kartaryāsyasya kartarīmukhasya yadaṅgulīrūpaṃ 
mukhaṃ pradhānaṃ tena bhedanavalanasahiteneti saṅgatiḥ |

ardhacandramāha sahāṅguṣṭheneti | aṅguṣṭho'pi vinataḥ cāpavaditi 
śliṣṭāhasvataṃ niṣedhati | khyāta iti nāmnaiva labdharūpaḥ | 
vālataravaścordhva gacchatā uparyuttā-


p. 36)

etena bālataravaḥ śaśilekhā kambukalaśavalayāni |
nirghāṭanamāyastaṃ madhyaupamyaṃ ca pīnaṃ ca || 44 ||

raśanājadhanakaṭīnāmānanatalapatrakuṇḍalādīnām |
kartavyo nārīṇāmabhinayayogo'rdhacandreṇa || 45 ||

ādyā dhanurnatā kāryā kuñcito'ṅguṣṭhakastathā |
śeṣā bhinnordhvavalitā hyarāle'ṅgulayaḥ kare || 46 ||

etena sattvaśaunḍīryavīryakānti dhṛtidivya gāmbhīryam |


nena ardhendurityanvarthavalāllabdham | tena śaśilekhetyanena 
lekhāmātramabhineyaṃ viśliṣṭatarjanīkenetyuktaṃ bhavati | kamburiti śa *? 
evānenābhineyaḥ tadgrahaṇaṃ tu karkaṭe vakṣyate | prakoṣṭhāntarasaṃmukhena 
valayaḥ | nirghāṭanaṃ balānniṣkāsana miti | tasyāyassamaṭavīghopaṇamityasat 
āyastaṃ khedaṃ parāṅmukhena gaṇḍabhrūvibhramāttamabhinayet | madhye 
udarādau upamīyata ityupamā tataḥ ṣyañ tenāyamartho madhyasya 
tadupādīyamānatvaṃ kārśyaṃ tadabhinayet | pīnaṃ ca pīvaraṃ 
ardhānmadhyameva | cakārādardhacandradvayenābhinayet | anye tu pānaṃ 
capakādi vyācakṣate pānamiti paṭhantaḥ | jaghano nitambasyāgrabhāgaḥ 
pārśvabhāgaśca kaṭī | ānanatale ca patrāṇi bhaṅgāḥ | 
talapatramābharaṇaviśeṣaḥ | patraṃ dantapatraṃ nalinīdalaṃ vā | 
ādiśabdānmṛṇālādi | etacca tattatkṣetragena yathāyogaṃ pārśvadvayayogaṃ 
pārśvadvayāntāvadhovartitalenaikaikenānyasahitena vābhinayet |

arālamāha ādyā dhanrunateti | ādyastarjanī madhyamādayaḥ kaniṣṭhāntāḥ 
pūrvasyāḥ pṛṣṭhedhvadūre tiṣṭhantīti | ayaṃ hastastvarālaḥ kuṭilatvāt | 
arālapakṣmaṇa ityādau vakrārthe'rālaśabdaḥ | sattvaṃ sthairyam śauṇḍīryaṃ 
garvaḥ vīryamutsāhaḥ kāntiśśobhā divyaṃ gaganasthaṃ gābhīryaṃ -


p. 37)

āśīrvādāśca tathā bhāvā hitasaṃjñakāḥ kāryāḥ || 47 ||

etena punaḥ strīṇāṃ keśānāṃ saṅgrahastathotkarṣaḥ |
sarvāṅgikaṃ tathaiva ca nirvarṇanamātmanaḥ kāryam || 48 ||

kautukavivāhayogaḥ pradakṣiṇenaiva samprayogaṃ ca |
aṅgulyagrasvastikayogānparimaṇḍalenaiva || 49 ||

prādakṣiṇyaṃ parimaṇḍalaṃ ca kuryānmahājanaṃ caiva |
yacca mahīlataracitaṃ dravyaṃ taccābhineyaṃ syāt || 50 ||


yasya prabhāvādākārāḥ krodhaharṣabhayādiṣu |
bhāveṣu nopalakṣyante gāmbhīryamiti tatsmṛtam (22-36)

āśīrvādāḥ svasti bhadraṃ puṇyāhamityādayaḥ | hitasaṃjñakāḥ 
sukhabhāvāḥ | tatra hṛdi pārśve'grataḥ sthairyeṇa calatvena bhramaṇāgamanaṃ 
yathāyogaṃ prayogaḥ | etāvatyaṃśe'pyabhineyamarālena | sa"graho bandhanaṃ 
keśānāma | utkarṣo vikīrṇatāpādanaṃ | punargrahaṇāddvistrirantarālasya 
gamanabhramaṇādi labhyate | tathaiva ceti yathā sarvāṅganirvarṇanaṃ bhavati 
tathā kāryamiti | tena dvitīyapārśvātsvapārśvagamanaṃ labhyate | kautukaṃ 
vivāhātpūrvabhāvī vadhūvarayorācāraḥ antarvivāhaḥ prasiddhaḥ | 
vivāho'gnau sākṣiṇi | aṅgulyagrāṇāṃ hastadvayagatānāṃ svastikākāreṇa 
yadyojanaṃ tenopalakṣitena parimaṇḍalaṃ pradakṣiṇadikkameva bhrāmyatā 
kautukavivāhayogo'bhineyaḥ | ca śabdastuśabdasyārthe | evakāro bhinnakramaḥ | 
samprayogaḥ saṃśleṣamātrastu aṅgulyagrasvastikayogādeva kevalāt | 
devatāviṣayaṃ pradakṣiṇa-


p. 38)

āhvānaṃ ca nivāraṇanirmāṇe cāpyanekavacaḥ |
svedasya cāpanayane gandhāghrāṇe śubhaḥ śubhe caiṣa || 51 ||

trapatākahastajāni tu pūrvaṃ yānyabhihitāni karmāṇi |
tāni tvarālayogātstrībhiḥ samyakprayojyāni || 52 ||

arālasya yadā vakrānāmikā tvaṅgulirbhavet |
śukatuṇḍastu sa karaḥ karma cāsya nibodhata || 53 ||


kramaṃ parimaṇḍalaṃ vartulaṃ mahājanaṃ janasamūhaṃ | viracitaṃ 
puṣpaprakarādi | etenaiva parimaṇḍalena pārśvāntarātsvapārśvaṃ 
gacchatābhinayet | āhvāne patadaṅguli nivāraṇe vahiḥkṣiptāṅguli | nirmāṇaṃ 
apūrva udayah udito bha-avaṃ mi alaṃchaka ityādau niśśeṣeṇa vā mānaṃ 
paricchedo vartanaṃ vā yathā jalaṇihi-alaṃvemā (?) iti | nirdānaṃ 
tṛṇādyutpāṭanamityanye | abhūtā sṛṣṭirvīpsā nirdānamityanye | anekaṃ 
pṛthagbhūtaṃ saṃvandhābhāvarūpaṃ yatrocyate tatra vahiḥ punaḥ 
kṣiptāṅguleḥ prayogaḥ | yathā kahiṃ ha kahiṃ ha ityādau | gandhasya 
surabhitvādāghrāṇaṃ | śubhaḥ śubhe caiṣa iti pāṭhaḥ | eṣa hasta ityarthaḥ | 
caivetyanye paṭhanti adhyāhāraṃ kalpayantaḥ evakāreṇa tatkṣetragatvaṃ 
hastasyetyāhuḥ | tripatākasya yānyāvāhanamavataraṇamityādīnyabhineyāni 
tānyarālasya yatprayogāṅgayuktyā sampattirbhavati tattenāpi prayojyāni strībhiḥ 
| na tu tāsāṃ tripatāko niṣidhyate puṃsastripatākasthāne'rālo niṣidhyate |

śukatuṇḍamāhārālasyeti | tuḥ pūrvasmādviśeṣamāha | dvitīyo'piśabdārthe 
tarjanyā api vakrimāṇamanujānāti tadākāratvāt | śukatuṇḍa iti śabdena 


p. 39)

etena tvabhineyaṃ nāhaṃ na tvaṃ na kṛtyamiti cārthe |
āvāhane visarge dhigiti vacane ca sāvajñam || 54 ||

aṅgulyo yasya hastasya talamadhye'grasaṃsthitāḥ |
tāsāmupari cāṅguṣṭhaḥ sa muṣṭiriti saṃjñitaḥ || 55 ||

eṣa prahāre vyāyāme nirgame pīḍane tathā |
saṃvāhane'siyaṣṭīnāṃ daṇḍakuntagrahe tathā || 56 ||


pratyekameka eva hyayaṃ vākyārthaḥ | nāhaṃ na tvaṃ na kṛtyamiti na ca 
sarvathā niṣedhe ayamabhinayaḥ api tu arthe arthanāyāṃ 
satyāmīrṣyāpraṇayakalahādāviti yāvat arthanamarthaḥ erac (pā 3-3-56) | 
sāvajñaṃ yadāhvānaṃ visargaśca pañcabhiraṅgulikṣepātspṛśya 
itikartavyatā sakṛt dvistrirvā prayogayuktyā | dhigityanena 
nindārthenānupādeyaṃ lakṣyate kintena vālavadhapātakadūṣitena 
ityādāvayam bhinaya ityarthaḥ |

muṣṭimāha aṅgulyo yasyeti | talamadhya iti aṅguṣṭhamūlāśaṅkāṃ śamayati | 
agre samyaksthitā iti agragopanaviralatvaṃ ca pariharati | uparīti 
madhyamāṅgulideśaṃ sampīḍayannityarthaḥ | saṃjñitaḥ loke hyatreva 
muṣṭiśabdaḥ prasiddha ityarthaḥ | vyāyāma iti yuddhe pratimallaprakoṣṭhagrahaṇe 
khaḍgayuddhe ca | sakala (asi?) grahaṇāt churikāyuddhadaṇḍadhāraṇa ityādi 
yojyam | nirgamasyārdrakasurasādeḥ | pīḍane stanapīḍane mahiṣyādidohane | 
saṃvāhane mṛtpīḍane | asiyaṣṭīnām tatheti saṃvāhane vāraṇe mārjane |


p. 40)

asyaiva ca yadā muṣṭerūrdhvo'ṅguṣṭhaḥ prayujyate |
hastaḥ sa śikharo nāma tadā jñeyaḥ prayoktṛbhiḥ || 57 ||

raśmikuśāṅkuśadhanuṣāṃ tomaraśaktipramokṣaṇe caiva |
adharoṣṭhapādarañjanamalakasyotkṣepaṇe caiva || 58 ||

asyaiva śikharākhyasya dvyaṅguṣṭhakanipīḍitā |
yadā pradeśinī vakrā sa kapitthastadā smṛtaḥ || 59 ||

asicāpacakratomarakuntagadāśaktivajravargāṇi |
śastrāṇyabhineyāni tu kāryaṃ pathyaṃ ca satyaṃ ca || 60 ||

utkṣiptavakrā tu yadānāmikā sakanīyasī |


śikharamāha asyaiva ceti | punarmuṣṭigrahaṇaṃ muṣṭikartṛṇāmadhikāre 
śikhareṇābhineye dvaye tatkarmaṇām ca dṛḍhapīḍanādau muṣṭimāha ata 
evoktaṃ prayoktṛbhiriti | raśmiḥ pragrahaḥ kiraṇo vā teṣāṃ saṃvāhanaṃ 
grahaṇamiti saṃbandhaḥ atra ca dvayorekasya vā prayogaḥ 
uttānādhomukhapārśvagordhvādibhiśca | prayogānusārenālakasyotkṣepaṇaṃ 
gaṇḍatalāderutpīḍanaṃ vā kuṭilīkaraṇārtham |

kapitthamāha asyaiveti nāmoccāraṇa pūrvavat prayojanaṃ kapitthākāre'smin 
aṅguṣṭhatarjanyāvaṅgulī | śastrāṇīti śarākarṣaṇānītyarthaḥ | kāryaṃ 
sukṛtam atra choṭikāprayogaḥ |

atha khaṭakāmukhamāha utkṣiptavakreti | utkṣiptā satī vakrā anāmikā kanīyasī | 
punarnāmoccāraṇāt śarākarṣaṇakāryasatyapathyādāvasya prayogaḥ |


p. 41)

asyaiva tu kapitthasya tadāsau khaṭakāmukhaḥ || 60 ||

hotraṃ havyaṃ chatraṃ pragrahaparikarṣaṇaṃ vyajanakaṃ ca |
ādarśadhāraṇaṃ khaṇḍanaṃ tathā peṣaṇaṃ caiva || 61 ||

āyatadaṇḍagrahaṇaṃ muktāprālambasaṅgrahaṃ caiva |
sragdāmapuṣpamālāvastrāntālambanaṃ caiva || 62 ||

manthanaśarāvakarṣaṇapuṣpāpacayapratodakāryāṇi |
aṅkuśarajjvākarṣastrīdarśanameva kāryaṃ ca || 63 ||

khaṭakākhye yadā haste tarjanī saṃprasāritā |
hastassūcīmukho nāma tadā jñeyaḥ prayoktṛbhiḥ || 64 ||


turekaḥ pūrvasmādviśeṣe turdvitīyo'vadhāraṇe | viralatvaṃ manāk anāmikā 
kaniṣṭhikayorbhavati sahaśabdāt viśleṣāśaṅkā na syāt | 
khaṭakāṅkṣāyāmityasya kṣuttṛṭpipāsārtayoriti vun | khaṭako 
viṭabhogradūḥ(?)tasya āmukhe yato'yaṃ vakṣyate'taḥ khaṭakāmukhaḥ | hotraṃ 
srugādi uttānena | havyamājyādyāmukhena | pragnahasya valgādeḥ 
parikarṣaṇaṃ gatirodhanāya vyajanaṃ tālavṛntādikaṃ calatā | 
ādarśadhāraṇaṃ saṃmukhena ādarśo jñāto yenaiva 
gaurīvāhākārikāmanenābhinayanti(?) | khaṇḍanaṃ 
tālavṛntādevyajanavyāpāro vā | peṣaṇaṃ kuṅkumasya mṛgamadacandrādeḥ 
hastadvayena bhāgadvaye dīrghavṛttacakrakramaṇākṣaiḥ parivṛttapāda ityādau | 
āyatadaṇḍakāṣṭādīnāṃ grahaṇaṃ muktāprālambānāmādau 
bāhudvayamubhayāntagrahaṇasūcakam | vastrāntālambanaṃ 


p. 42)

asya vividhānprayogānvakṣyāmi samāsataḥ pradeśinyāḥ |
ūrdhvanatalola kampitavijṛmbhitodvāhitacalāyāḥ ||

cakraṃ taṭitpatākāmañjaryaḥ karṇacūlikāścaiva |
kuṭilagatayaśca sarve nirdeśyāssādhuvādāśca || 66 ||

bāloragabalyavadhūmadīpavallīlatāśikhaṇḍāśca |
paripatanavakramaṇḍalamamineyānyūrdhvalolitayā || 67 ||

bhūyaścordhvaviracitā tārā ghoṇaikadaṇḍayaṣṭiṣu ca |


vivāhe ca badūnāṃ praṇayakopādau ca pathānusaraṇe | ākarṣaṇasya 
kelivaśena keśāderayamabhinayaḥ | uttarīyālambana svabhāvāyogāt 
strīpradarśane'yamabhinayaḥ svakṣetre cāturaśryārthaṃ tatkūrparāvadhi 
dvitīyasya niveśaṃ kurvanti |

sūcīmukhamāha khaṭakākhya iti | sūcyākāramevāsya mukham | 
natādhomukhā lolā pārśvāntaraṃ yāntī kampitā tatraiva spandamānā 
vijṛmbhitā kuñcitā prasāritā ūdvāhitā ūrdhva gacchantī calā abhinayatvena 
vrajantī | (cakraṃ) āyudhe karmopakaraṇe rathāṅge ca rāṣṭrajane ca | cakre 
ūrdhvamukhaṃ pārśvagataṃ pārśvāntaraṃ bhramantī kāryā 
vidyutyurdhvamukhā gatāgatā | evamanyatrotprekṣyam | mañjaryo latāḥ 
karṇacūlikā karṇapūraḥ kuṭilagavayo mīnādyāḥ sādhuvādāḥ bhadraṃ 
śobhanamityādyāḥ bālasarpāṇāṃ pṛthagupādānaṃ 
gativailakṣaṇyānmīnebhyaḥ | vallīlatāmañjarīṇāmavāntarabheda utprekṣyaḥ 
tadyathā - alābūprabhṛtayo vallyaḥ drākṣāprabhṛtayo latāḥ cūtādīnāṃ 
mañjaryaḥ | śikhaṇḍaḥ kumārakāṇāṃ kākapakṣaḥ | paripatanaṃ pātaḥ 
vakraṃ vakratva maṇḍalaṃ vartulatvaṃ samāhāre dvandvaḥ | bhūyo 
bahutaramityasminnarthe cāyamabhinyaḥ | ūrdhvalolinatvoktiḥ prayogavṛttyā 
vaicitryeṇa vibhajanīyā | tārā nakṣatrāṇi | ghoṇā nāsikā | 
(ekaḥ)ekatvasadbhyā | daṇḍaḥ


p. 43)

vinatā ca tathā kāryā daṃṣṭriṣu ca tathāsyayogena ||

punarapi maṇḍalagatayā sarvagrahaṇaṃ tathaiva lokasya |
praṇatonnate ca kārye hyādye dīrghe ca divase ca || 69 ||

vadanābhyāśe kuñcitavijṛmbhitā vākyarūpaṇe kāryā |
(śravaṇābhyāśe vakrā vijṛmbhaṇe vākyarūpaṇāvasare)
meti vadeti ca yojyā prasāritotkampitottānā |


paraṃ prati tarjanam | yaṣṭiḥ laguḍaḥ pṛthurvā nakṣatre tarjanyūrdhvā | 
daṃṣṭriṣu cakārāddaṃṣṭritvenāprasiddheṣvapi rākṣādiṣu | āsye yogo 
bhāgaḥ sṛṣṭilakṣaṇastena sambaddhā natā satī | tatheti tena daṃṣṭrākāreṇa 
kāryā sammukhatalā kāryetyarthaḥ | 
punarapītyūrdhvādhomukhatvaprasṛtamavadhāryate | grahaṇamiti 
bhāvapradhānaḥ sarvaśabdaḥ kārtsnyena grahaṇamityarthaḥ | lokasya 
pratyakṣeṇāvalokyamānasya vā smaryamāṇasya vā | tathaiveti ayamiti 
puronirdeśena sa iti ca karṇakṣetre parāvṛttinirdeśena grahaṇasya lokataḥ 
smaraṇātmakamabhinayaḥ | ekaśabdena prathamatvāt ādyo mukhyo hrasvaśca 
vīpsāpekṣayā tatra tatra praṇatā ūrdhvā yāntī dīrghe tūnnatā viparītā divase 
ekato'dhastalapraṇatā anyataḥ prottānatalonnatā parasparaśliṣṭā 
saṃyutakaraṇatvena pārśvātpārśvasaṃbaraṇādudayāstamayasūcikā | 
pūrvaṃ kuñcitā tato vijṛmbhitā prasāritā vakrāntike kāryavicāre 
yadā(?)yāpyutsāritābhinīyate | śravaṇābhyāśe vakrādhikā jṛmbhaṇā 
raktā(vākya?)rūpaṇāvasare iti vā pāṭhaḥ | meti vāraṇārthe prasāritā vadeti 
atrārthe utkampitottānā kuñcitaprasāritatyarthaḥ | roṣasya darśane svedamārjane 
ca prasāritaiva lalāṭapaṭṭādau svedaṃ harantī | kuntalāḥ keśāḥ 
gaṇḍāśrayāḥ patrabhaṅgādayaḥ tadviṣaye'bhinaye 


p. 44)

kāryā prakampitā roṣadarśane svedarūpaṇe caiva || 71 ||

kuntalakakuṇḍalāṅgadagaṇḍāśrayasaṃśraye'bhinaye |
garve'hamiti lalāṭe ripunirdeśe tathaiva ca krodhe || 72 ||

ko'sāviti nirdeśe ca karṇakaṇḍūyate caiva |
saṃyuktā saṃyoge kāryā viśleṣitā viyoge ca || 73 ||

kalahe svastikayuktā parasparotpīḍitā bandhe |
dvābhyāṃ tu vāmapārśve dakṣiṇato dinaniśāvasānāni ||

abhimukhaparāṅmukhībhyāṃ viśliṣṭābhyāṃ prayuñjīta |
dvābhyāṃ pradarśayennityaṃ sampūrṇaṃ candramaṇḍalam || 75 ||

śliṣṭā lalāṭe śakrasya kāryā hyuttānasaṃśrayā)


kartavye tatkṣetagā | garve yo'haṅkāraḥ tatrābhinaye lalāṭagatā | ripoḥ 
pratyakṣasya nirdeśe agranatā parokṣasya raṇapūrvasaṃrabhastu viśeṣaḥ 
anusandhāne tritayātmikā sa cāyaṃ duṣṭātmā iti | krodha iti saṃrambhapūrvaḥ 
kopaḥ pūrvakṛta iti | kimarthātmā praśnaḥ tatrāsāviti ca dūragatavastunirdeśe | 
karṇakaṇḍuyanaṃ prasiddham kaṭukavacanamapi ca | saṃyukteti adhastalayoḥ 
pārśvanairantaryādityarthaḥ | tadvibhāgāttu bhuvi viśleṣitābhyāṃ 
dvābhyāmabhimukha (parimukhe) parāṅgmukhābhyā vāmapārśvaṃ 
gacchantībhyāṃ dināvasānamabhinayet | vāmo hi somasya dakṣiṇastu 
sūryasyāgrabhāgaḥ dakṣiṇapārśva gacchantīṃbhyāṃ niśāvasānaṃ | 
viśliṣṭābhyāmiti tālamātrāntarābhyāmiti 
dīrghahrasvatāṃśatvādaupacārikābhyāṃ | dvābhyāṃ tvityaṅguṣṭha-


p. 45)

parimaṇḍalaṃ bhramitayā maṇḍalamādarśayecca candrasya || 76 ||

haranayane ca lalāṭe śakrasya ca tiryaguttānā |
(punarapi ca bhramitāgrā rūpaśilāvartayantraśaileṣu ||

pariveṣaṇe tathaiva hi kāryā cādhomukhī nityam |
śliṣṭā lalāṭapaṭṭeṣvadhomukhī śambhurūpaṇe kāryā ||

śakrasyāpyuttānā tajjñaistiryaksthitā kāryā)
yasyāṅgulyastu viralāḥ sahāṅguṣṭhena kuñcitāḥ || 79 ||

ūrdhvā hyasaṅgatāgrāśca sa bhavetpadmakośakaḥ |
bilvakapitthaphalānāṃ grahaṇaṃ kucadarśanaṃ ca nārīṇām ||

grahaṇe hyāmiṣalābhe bhavanti tāḥ kuñcitāgrāstu |
bahujātibījapūrakamāmiṣakhaṇḍaṃ ca nirdeśyam |) || 81 ||


prasāraṇe sati ākuñcanādityarthaḥ | parimaṇḍalaṃ bhramitayā 
maṇḍalāmādarśayecca candrasyeti | caśabdo vikalpārthaḥ | harasya 
bhagavatastṛtīyanayane pradarśite sati yadabhinayanaṃ tatra kartavye sati lalāṭe 
ūrdhvā vā kāryā | evaṃ śakrasyābhinayane lalāṭa evottānā tiraścīnā ca 
aṅgulyā evātra prādhānyāt | khaṭakāmukhamadhyamayā yalloke 
maheśvaraśakrābhinayanaṃ dṛśyate tatrālākṣaṇikaṃ mantavyam |

atha padmakośaṃ lakṣayati yasyāṅgulyastu viralā iti | ūrdhvā iti 
caturvedavacanā(?)iti yāvat | padmasyeva kośo'bhyantaraṃ vinataṃ yasyeti tathā | 
grahaṇamiti gṛhyate'neneti grahaṇamabhinaya ityarthaḥ | evaṃ kucau dṛśyete 
aneneti kucadarśanaṃ padmakośa iti pūrveṇa saṃbandhaḥ | bilvādīnāṃ tu 
grahaṇe tā evāṅgulyo'gra-


p. 46)

devārcanabaliharaṇe samudgake sāgrapiṇḍadāne ca |
kāryaḥ puṣpaprakaraśca padmakośena hastena || 82 ||

maṇibandhanaviśliṣṭapraviralacalitāṅgulikarābhyām |
kāryo vivartitābhyāṃ vikasitakamalotpalābhinayaḥ ||

aṅgulyaḥ saṃhatāssarvāḥ sahāṅguṣṭhena yasya ca |
tathā nimnatalaścaiva sa tu sarpaśirāḥ karaḥ || 84 ||

eṣa salilapradāne bhujagagatau toyasecane caiva |
āsphoṭane ca yojyaḥ karikumbhāsphālanādyeṣu || 85 ||

adhomukhīnāṃ sarvāsāmaṅgulīnāṃ samāgamaḥ |
kaniṣṭhāṅguṣṭhakāvūrdhvau sa bhavenmṛgaśīrṣakaḥ || 86 ||


parvaṇyatikuñcitāśca bhavanti | kravyādānāmāmiṣalābhaṃ āmiṣagrahaṇe ca 
| labhiratra grahaṇe | āmipalābhe sati yadgrahaṇaṃ tatreti kecit | balerharaṇaṃ 
dānaṃ vaicitryaprāpaṇaṃ vā | agrapiṇḍo gavādeḥ bhojanāya mṛtasya vā yatra 
yatrotsavādau nāndīmukhaśrāddhādāvapasavyatā na kāryā paryagraṃ 
piṇḍadānam | puṣpaprakaraśceti dvistrirvikīṇāgreṇa |

sarpaśirasamāha aṅgulyassaṃhatā iti | saṃhatāḥ śliṣṭāḥ sahāṅguṣṭheneti 
kuñcito'ṅguṣṭha ityarthaḥ | nimnaṃ talaṃ madhyasyābhimukhasya 
sapaśirastulyatvādvā tasyedaṃ nāma | salilapradāne devebhyaḥ salile ca 
pratigrahārtha pradīyamāne prati-


p. 47)

iha sāmpratamastyadya ca śakteścollāsane'kṣapāte ca |
svedāpamārjaneṣu ca kuṭṭamite pracalitastu bhavet || 87 ||

tretāgnisaṃsthitā madhyātarjanyaṅguṣṭhakā yadā |
kāṅgule'nāmikā vakrā tathā cordhvā kanīyasī || 88 ||

etena taruṇaphalarūpaṇāni nānāvidhāni ca laghūni |


gṛhīturabhinayo yena | sarpagatāvadhomukhaḥ | toyoparocanaṃ 
kuṅkumacandanādau | āsphoṭanaṃ mallayuddha ūruvāhvādiṣu |

mṛgaśīrṣakamāha mṛgasyeva śirasthe śṛṅge yasya | śīrṣaśabdaḥ 
prakṛtyantaram | iheti pratyakṣādhikaraṇanirdeśe | sāmpratamiti 
vartamānakālanirdeśe | astītyabhyupagamābhinaye saṃbhavābhinaye ca | adyeti 
vartamānanirdeśena gatārthatve'pi sābhinayena sūcīmukhena bādhā 
mābhūditi punarupāttam | etāvatyadhomukho'yaṃ | śakterullāsane'kṣapāte 
cordhvamukhaḥ | gaṇḍādau svedamārjane tadābhimukhatala ūrdhvamukhaḥ | 
kuṭṭamitaṃ harṣavaśātsaha duḥkhopacāreṇa strīṇāṃ ceṣṭālaṅkāraḥ 
tatrābhimukhatalo bāhye vikīrṇāṅguliḥ |

kāṅgulamāha tretāgnisaṃsthitā iti | tretārūpā agnayaḥ āhavanīyādayaḥ 
tadvatsaṃsthānamāsāmiti | viralayoḥ śliṣṭa evāgrago'ṅguṣṭha ityarthaḥ | 
kaṅguḥ priyaṅguḥ tāṃ lātīti tasyāyamarthaḥ | kaṅgūccayane kīdṛśaḥ karo 
bhavati | kāṅgulo vṛścika iti tu kecit | etena taruṇāni phalāni teṣāmudyote 
muktāphalavadarāṇi gatyā laghūnīti parimitāni mṛtpiṇḍagrāsānītyarthaḥ | 
aṅgulyaḥ aṅguṣṭhastarjanīmadhye ca tāsāṃ bahiḥkṣepaḥ |


p. 48)

kāryāṇi roṣajāni strīvacanānyaṅgulikṣepaiḥ || 89 ||

(marakatavaiḍuryādeḥ pradarśanaṃ sumanasāṃ ca kartavyam |
grāhyaṃ biḍālapadamiti tajjñairevaṃ prayogeṣu ||) || 90 ||

āvartitāḥ karatale yasyāṅgulyo bhavanti hi |
pārśāgatavikīrṇāśca sa bhavedalapallavaḥ || 91 ||

pratiṣedhakṛte yojyaḥ kasyatvaṃnāstiśūnyavacaneṣu |
punarātmopanyāsaḥ strīṇāmetena kartavyaḥ || 92 ||

tisraḥ prasāritā yatra tathā cordhvā kanīyasī |
tāsāṃ madhye sthito'ṅgusṭhaḥ sa karaścaturaḥ smṛtaḥ || 93 ||


alapallavamāha āvartitā iti | kaniṣṭhādikrameṇa vartanā parivartanaṃ vā 
kurvantyaḥ | iyartītyaraḥ calaḥ calatpallavākāratpādalapallavaḥ | alapadmaka iti 
(ca) tannāma | pratiṣedhasya kṛte abhinayakaraṇāya | kasya tvagiti nāstīti ca 
mithyādhikṣepārthe ca * *? vacanāni tacchāstraprasatprayuktamityādīni | 
punararye ahamarthe upanyāse ca viramaye abhinayaḥ strīṇāmupanyasyate 
punaḥpunarabhinīyate vismayāpādakatvādityupanyāsaḥ |

caturamāha tisraḥ prasāritā yatreti | madhya iti | madhyamāyā madhya eva | 
catvāro'ṅgulyaṅguṣṭhaśliṣṭhatvena santyasminniti 
acpratyayākārāntaścaturaśabdaḥ | catvāryabhinayanādvā caturaḥ | 
sattvakaitavādiṣu mukharāgabhedādbhedaḥ | vivṛtaṃ prakāramekena anāveśe 
āveśe tu dvābhyāṃ nayanayorabhineyayoḥ upamānopameyabhāve padmadalā-


p. 49)

nayavinayaniyamasunipuṇabālāturasattvakaitavārtheṣu |
vākye yukte pathye satye praśame ca viniyojyaḥ || 94 ||

ekena dvābhyāṃ vā kiñcinmaṇḍalakṛtena hastena |
vivṛtavicāritacaritaṃ vitarkitaṃ lajjitaṃ caiva || 95 ||

nayanaupamyaṃ padmadalarūpaṇaṃ hariṇakarṇanirdeśaḥ |
saṃyutakaraṇenaiva tu catureṇaitāni kurvīta || 96 ||

līlāratī ruciṃ ca smṛtibuddhivibhāvanāḥ kṣamaṃ puṣṭim |
saṃjñāmātrāṃ praṇayaṃ vicāraṇaṃ saṅataṃ śaucam || 97 ||

cāturyaṃ mādhuryaṃ dākṣiṇyaṃ mārdavaṃ sukhaṃ śīlam |
praśnaṃ vārtāyuktiṃ veṣaṃ mṛdu śādvalaṃ stokam || 98 ||


dike caikākitāṃ niṣeddhumevakāraḥ | paragataṃ līlādyanenābhinīyata iti | 
ruciṃ dīptim | vibhāvanāṃ ūhāpoharūpāṃ prakarṣaṃ vā | dṛṣṭivyāpāre tu 
kartarīmukha eva | saṅgataṃ maitrīmanyonyamagraśleṣāt mādhurya hṛdyaṃ 
śakārādivacanādiṣu dākṣiṇyamānukūlyaṃ mārdavaṃ mṛdutvam 
aṅguṣṭhamadhyamādarśanena | śīlaṃ svabhāvaṃ veṣaṃ nepathyaṃ veśaṃ 
vā gaṇikāsthānaṃ vibhavaṃ pārśvātpārśvaṃ gacchatā abhi(vi?)bhavamabhi-


p. 50)

vibhavāvibhavau surataṃ guṇāguṇau yauvanaṃ gṛhaṃ dārān |
nānāvarṇāṃśca tathā catureṇaivaṃ prayuñjīta || 99 ||

(sitamūrdhvena tu kuryādraktaṃ pītaṃ ca maṇḍalakṛtena |
parimṛditena tu nīlaṃ varṇāṃścatureṇa hastena ||) || 100 ||

madhyamāṅguṣṭhasandaṃśo vakrā caiva pradeśinī |
ūrdhvamanye prakīrṇe ca dvyaṅgulyau bhramare kare || 101 ||

padmotpalakumudānāmanyeṣāṃ caiva dīrghavṛntānām |
puṣpāṇāṃ grahaṇavidhiḥ kartavyaḥ karṇapūraśca || 102 ||

(vicyutaśca saśabdaśca kāryo nirbhartsanādiṣu |
balālāpe ca śīghre ca tāle viśvāsane tathā ||) 103 ||

tarjanīmadhyamāṅguṣṭhāstretāgnisthā nirantarāḥ |


gacchatā cābhinayedityevamanyadutprekṣyam | dārān saṃyutābhyāṃ 
saṃmukhasvastikena darśayediti | evaṃ vakṣaḥprabhṛtiśiro'ntaṃ kṣetraviśeṣaḥ 
saṃyutāsaṃyutatve cañcalatvasthiratve 
saṃmukhaparāṅmukhottānādhomukhatryaśratvādikaṃ ca yathāyogamutprekṣya 
abhinayaviśeṣaṃ kuryāt |

bhramaraṃ darśayati madhyamāṅguṣṭheti | sandaṃśo'grasaṃyogaḥ | 
tadākṛtitvādbhramaro hastaḥ |

haṃsavaktramāha tarjanīmadhyamāṅguṣṭhā iti | nirantarā iti viralatvaṃ 
niṣedhati | ślakṣṇādayaḥ ślakṣṇatvādau vartate | 
praspandanamardanamathanavidhūnanakṣepaṇābhyāvartāpasāraṇādi rūpaṃ 
yathāyogaṃ yuktyā yojyam |


p. 51)

bhaveyurhaṃsavaktrasya śeṣe dve samprasārite || 104 ||

ślakṣṇālpaśithilalāghavanissārārthe mṛdutvayoge ca |
kāryo'bhinayaviśeṣaḥ kiñcitpraspanditāgreṇa || 105 ||

samāḥ prasāritāstisrastathā cordhvā kanīyasī |
aṅguṣṭhaḥ kuñcitaścaiva haṃsapakṣa iti smṛtaḥ || 106 ||

eṣa ca nivāpasalile dātavye gaṇḍasaṃśraye caiva |
kāryaḥ pratigrahācamana bhojanārtheṣu viprāṇām || 107 ||

āliṅgane mahastambhadarśane romaharṣaṇe caiva |
sparśe'nulepanārthe yojyaḥ saṃvāhane caiva || 108 ||

punareva ca nārīṇāṃ stanāntarasthena vibhramaviśeṣāḥ |
kāryā yathārasaṃ syurduḥkhe hanudhāraṇe caiva || 109 ||


haṃsapakṣamāha samāḥ prasāritā iti kanīyasyā ūrdhvam | tatheti pariśliṣṭā 
mūlavinatāḥ kāryā iti yāvat | nivāpasalile tasyodake dātavye dharmārtha 
codakadāne | parāṅmukhāṅgulipṛṣṭhena ca cintayā gaṇḍasaṃśrayaṇe kecit | 
tadasat hanudhāraṇaṃ hyetat kasmādgaṇḍasaṃśrayaṃ patrabhaṅgādi | 
āliṅgane mahāstambhe cābhineye saṃyutakaraṇatvaṃ mantavyaṃ 
bāhudvayamaṇḍalīkaraṇena romaharṣaṇāddvitīyaskandhāt 
skandhāntaragamanaṃ parokṣe priyajanasparśe dvitīyahastasvastikena | anulepane 
aṅgasamālambhane | yathārasamiti śṛṅgārahāsyādbhutādau karuṇādāvapi 
vyabhicāriviśeṣayogāt saṃbhāvyata evāyam | duḥkhe ca sati 


p. 52)

tarjanya"guṣṭhasandaṃśastvarālasya yadā bhavet |
ābhugnatalamadhyasthaḥ sa dandaṃśa iti smṛtaḥ || 110 ||

sandaṃśastrividho jñeyastvagrajo mukhajastathā |
tathā pārśvagataścaiva rasabhāvopabṛṃhitaḥ || 111 ||

puṣpāpacayagrathane grahaṇe tṛṇaparṇakeśasūtrāṇām |
śalyāvayavagrahaṇe prakarṣaṇe cāgrasandaṃśaḥ || 112 ||

vṛntātpuṣpoddharaṇaṃ vartiśalākādipūraṇaṃ caiva |
dhigiti ca vacanaṃ roṣe mukhasandaṃśasya karmāṇi ||

yajñopavīta dhāraṇavedhana guṇasūkṣmabāṇalakṣyeṣu |
yoge dhyāne stoke saṃyutakaraṇastu kartavyaḥ || 114 ||


hanudhāraṇaṃ yattadatra raseṣu ye bhāvāḥ anubhāvā 
dṛṣṭiviśeṣaromāñcādayaḥ tairupabṛṃhitaḥ śuṭīkṛta(ślo-111) iti 
sarvahastaviśeṣāya mantavyaṃ madhye paribhāṣaṇāt |

sandaṃśamāha tarjanya"guṣṭhasandaṃśa iti spaṣṭārthaḥ | puṣpāṇāṃ 
sūkṣmāṇāmapacaye agrasandaṃśaḥ śalyānāṃ kaṇṭakādīnāṃ grahaṇe | 
vṛntagākṛṣya puṣpasyoddharaṇaṃ yadā kuṅkumapuṣpādiḥ | vartiśalākayā 
añjananāḍikāvartikayā nyūnādīnāṃ pūraṇam | vedhane muktādīnāṃ yo 
guṇo dhanurākṛte(ṣṭe?)statra saṃyutakaraṇatvaṃ ca na saṃśleṣapaṇasyaiva api 
tu hastadvayasyādhāranātameva | tacca pārśvadvayagatatvena upa-


p. 53)

pelavakutsāsūyāsadoṣavacane ca vāmahastena |
kiñcidvivartitāgraḥ prayujyate pārśvasandaṃśaḥ || 115 ||

ālekhyanetrarañjanavitarkavṛntapravālaracanaṃ ca |
niṣpīḍanaṃ tathālaktakasya kāryaṃ ca nārībhiḥ || 116 ||

samāgatāgrāssahitā yasyāṅgulyo bhavanti hi |
ūrdhvā haṃsamukhasyaiva sa bhavenmukulaḥ karaḥ || 117 ||

devārcanabalikaraṇe padmotpalamukularūpaṇe caiva |
viṭacumbane ca kāryo vikutsite viprakīrṇaśca || 118 ||


ryuparibhāvenotprekṣyam | pelavamasāram | pravālasya racanaṃ 
gaṇḍatalabāhuśikharādau patra bhaṅgakaraṇamityarthaḥ | yadi vā pallavasyaiva 
patracchedyālaṅkṛtasya lalāṭādau niveśitasya tatrāpasaṃśleṣaṇārthamasya 
hastasya prayogaḥ | nārībhiriti parimitālaktakapīḍanamaneneti darśayati |

mukulamāha samāgatāgrā iti | mukulākāratvānmukulaḥ | 
devārcanādiprārambhe mukulavyāpārāveśe tu padmakośavaditi paṭhatā 
piṭakasya cumbana iti kecit | śapiṭeti (viṭeti?) pāṭhaḥ | svābhiprāyamāviṣkartu *? 
pramadāsannidhau svahastamevamukulita viṭāścumbantīti viṭacumbanam | yadi vā 
viṭairnārīṇāṃ kucacibukādisthāneṣu aṅgulipañcakena samaṃ saśabdaṃ 
nakhasparśane kāmasūtreṣvā-


p. 54)

bhojanahiraṇyagaṇanāmukhasaṅkocapradānaśīghreṣu |
mukulitakusumeṣu tathā tajjñaireṣa prayoktavyaḥ || 119 ||

padmakośasya hastasya hyaṅgulyaḥ kuñcitā yadā |
ūrṇanāsaḥ sa vijñeyaḥ keśacauryagrahādiṣu || 120 ||

śiraḥkaṇḍūyane caiva muṣṭhavyādhinirūpaṇe |
siṃhavyāghreṣvabhinayaḥ prastaragrahaṇe tathā || 121 ||

madhyamāṅguṣṭhasandaṃśo vakrā caiva pradeśinī |
śeṣe talasthe kartavye tāmracūlakare'ṅgulī || 122 ||

vicyutaśca saśabdaśca kāryo nirbhartsanādiṣu |
tāle viśvāsane caiva śīghrārthe saṃjñiteṣu ca || 123 ||


cchuritakamiti tadviṭacumbanam | hiraṇyaṃ 
kaṅkaṇadvāreṇābhinīyate'ṅgulīyakādīnāṃ tu mocane | gaṇanā 
pañcasaṅkhyā | tajjñairityucitāmitikartavyatāmanusandhāpayati |

ūrṇanābhamāha padmakośasyeti | ūrṇanābhirjālakāraḥ krimiḥ | tasya yato 
makṣikādigrahaṇe īdṛkkaraṇānāṃ sanniveśo bhavatyato 
matvarthīyo'trācpratyayaḥ | keśānāṃ grahaṇe cauryeṇa paradarśanaśaṅkyā 
lāghāadyadgrahaḥ | yatra siṃhavyāghrādi svastikena cibukakṣetragatenābhinayet | 
te hi sthitāḥ svastikena āsane kararuhavantaśca | prastaraḥ pāṣāṇaḥ 
nikapapāṣāṇa ityanye | darbhacchaṭā ityeke |

tāmracūḍamāha madhyamāṅguṣṭhasaṃndaṃśa iti | 
cūḍāmuktakukkuṭākāratvāttāmracūḍaḥ | tāleṣviti ? (tāla iti?) kālamāno 
yathā kvacittālabhuvi sahijju(?) ityādau |


p. 55)

tathā kalāsu kāṣṭhāsu nimeṣu tu kṣaṇe tathā |
eṣa eva karaḥ kāryo bālālāpanimantraṇe ||) || 124 ||

athavā -

aṅgulyassaṃyutā vakrā uparyaṅguṣṭhapīḍitāḥ |
prasāritā kaniṣṭhā ca tāmracūḍakaraḥ smṛtaḥ || 125 ||

śataṃ sahasraṃ lakṣaṃ ca kanakaṃ cāpi darśayet |
kṣipramuktāṅgulībhistu sphuliṅgānvipruṣastathā || iti |

asaṃyutāḥ karā hyete mayā proktā dvijottamāḥ |

(atha saṃyutahastāḥ)

ataśca saṃyutānhastān gadato me nibodhata || 127 ||


saṃjñitaṃ vālāderāhvānam | anye tu lakṣaṇāntarasasya paṭhanti aṅgulyaḥ 
saṃyutā ityādi | muṣṭireva prasāritakaniṣṭha ityarthaḥ | kṣipraṃ kṛtvā 
muktābhiraṅgulībhiriti |

asaṃyutā iti | asaṃyutāstāvadete bhavanti | na tvete'saṃyutā eva | nāpyeta eva 
kohalādibhiranyeṣāṃ darśanāt | ataśceti | ebhya evānusaṃyutebhyaḥ 
anyaśleṣādye saṃyutā utpadyante tān svayaṃ nibodhata madīyaṃ 
vacanamanādṛtyotprekṣadhvam | tathā hi kūrparādhitatripatākena pārśve 
khaṭakāmukhena strīṇāmabhinayaḥ khaṭakena karṇātamāgacchatā vāmena ca 
kapitthamuṣṭyanyatareṇa vāṇamokṣasya | etaccitrābhinaye pratijāgariṣyāma 
ityāstāṃ tāvat | cakārādanyāni ca vakṣyamāṇāni nibodhateti sambandhaḥ |


p. 56)

patākābhyāṃ tu hastābhyāṃ saṃśleṣādañjaliḥ smṛtaḥ |
devatānāṃ gurūṇāṃ ca mitrāṇāṃ cābhivādane || 128 ||

sthānānyasya punastrīṇi vakṣo vaktraṃ śirastathā |)
devatānāṃ śirassthastu gurūṇāmāsyasaṃsthitaḥ || 129 ||

vakṣaḥsthaścaiva mitrāṇāṃ strīṇāmaniyato bhavet |
ubhābhyāmapi hastābhyāmanyonyaṃ pārśvasaṅgrahāt ||

hastaḥ kapotako nāma karma cāsya nibodhata |


teṣāmañjaliṃ tāvallakṣayati patākābhyāṃ tviti | anyasya śleṣe'pi na 
nāmāntaram | yathā sūcīmukhayoḥ saṃbandhānyabhinayante | atra tu 
nāmāntaramiti tuśabdaḥ | smṛta iti loke'pi prāñjaliḥ puspaketu (kumā 2-63) 
ityādau prasiddha ityarthaḥ | samyaggrahaṇena saṃmukhaṃ 
sarvāsāmaṅgulīnāmayaṃ śleṣo lakṣyate | uktameva viniyogaṃ vibhajati 
devatānāmiti tisro'bhivandanāpekṣayā karmaṇi ṣaṣṭhī strīṇāmiti kartari 
ṣaṣṭhī |

kapotamāha ubhābhyāmiti saṅkhyāpadopādānaṃ yathāruci 
ādhārādheyabhāvapratipattyartham | kampata iti kapoto bhīruḥ pakṣī 
tatprakṛtiranyo'pi kapotastasya yato'yaṃ bhātyato nāmnaiva bhītaviṣayatāsya | 
tathā hi - rāmābhyudaye prathame'ṅke vaṭoḥ | kucābhinaye'yameva pradhānaḥ 
| vakṣasstha iti sarvatra saṃbadhyate | bhītābhinaye tu kampite'pi | 
strībhirityadhamopalakṣaṇam vinayagrahaṇādau kuṭṭanāderapi | ayameva ca 
kūrmākāratvāt kūrmaka iti loke prasiddhaḥ | 
aṅguliparighṛṣyamāṇāvayavatvāt aṅgulighṛṣyamāṇassamukhaḥ | khedaścintā 
|


p. 57)

eṣa vinayābhyupagame praṇāmakaraṇe gurośca saṃbhāṣe ||

śīte bhaye ca kāryo vakṣassthaḥ kampitaḥ strībhiḥ |
ayamevāṅguliparighṛṣyamāṇamuktastu khedavākyeṣu ||

etāvaditi ca kāryo nedānīṃ kṛtyamiti cārthe |
aṅgulyo yasya hastasya hyanyonyāntaranissṛtāḥ || 133 ||

sa karkaṭa iti jñeyaḥ karaḥ karma ca vakṣyate |
eṣa madanāṅgamarde suptotthitajṛmbhaṇe bṛhaddehe || 134 ||

hanudhāraṇe ca yojyaḥ śaṅkhagrahaṇe'rthatattvajñaiḥ |


karkaṭakamāha aṅgulyo yasyeti | anyonyasya cāntarāṇi madhyāni tairnissṛtāḥ | 
anyonyasaṃmukhakarkaṭadaṃsṭrādvayākāreṇa aṅgulīnāmatrāvasthānāt 
karkaṭaḥ | madane'ṅgakṛte aṅgamoṭane agrataḥ pārśvataḥ ūrdhvaṃ vā 
bhujayugalātparāṅmukhāṅguliḥ | suptotthitapadamupalakṣaṇam | sarvadā hi 
jṛmbhaṇe'sya prayogaḥ | bṛhaddehābhinaye tūdarakṣetre sammukhatalo'yaṃ 
hastaḥ | hanudhāraṇe'ṅgulipṛṣṭhapratiṣṭhāpitahanudeśaḥ | śaṅkhagrahaṇe 
kiñcitsaṅkucito'nyonyābhimukhāṅguliḥ | etadevāha artheti - 
abhineyasyārthasya yattattvaṃ paramārthaḥ tadye jānantyabhinaye'nusandhātuṃ 
śaknuvanti taiḥ |


p. 58)

maṇibandhanavinyastāvarālau strīprayojitau || 135 ||

uttānau vāmapārśvasthau svastikaḥ parikīrtitaḥ ||

svastikavicyutikaraṇāddiśo ghanāṃḥ khaṃ vanaṃ samudrāśca ṛtavo 
mahī tathaughaṃ vistīrṇaṃ vābhineyaṃ syāt |
khaṭakaḥ khaṭake nyastaḥ khaṭakāvardhamānakaḥ || 137 ||

śṛṅgārārtheṣu yoktavyaḥ praṇāmakaraṇe tathā ||


atha svastikamāha maṇibandhanavinyastāviti | yatra śuddhameva 
svastikapadamupādīyate tatredṛśa eva sanniveśaḥ pradeśeṣu mantavyaḥ yathā- 
citrābhinayādāvarthaprakaraṇādivaśāttvanyatrāpi pravartyeta | yathā - 
svastikavicyutikaraṇādityādau (9-20) patākayoge'pi tathāpi 
maṇibandhanavinyastatvaṃ nāmānuyāyyeva rūpam | ata eva kecidetāvatāsya 
lakṣaṇaṃ pariśiṣṭaṃ tūdāhraṇadigarthamiti pratipannāḥ | strīprayojitāviti | 
patākasvastikakarmāṇi strībhiramunaiva kāryāṇītyarthaḥ | 
svastikārthalakṣaṇasamākṛtitvātsvastikaḥ |

khaṭakāvardhamānamāha khaṭaka iti labhyate | anye tvanyonyābhimukhaṃ 
khaṭakadvayamasya rūpamityāhuḥ | khaṭakasya ā samantāt bahiryogādidaṃ 
nāma | śṛṅgārārtheṣu śṛṅgāraprayojaneṣu tāmbūlagrahaṇādiṣu | tathā hi 
vakṣyate -

khaṭakāvardhamānaṃ tu kṛtvā viṭagatiṃ vrajet iti | (a 12-110)

tatheti prayojana eva prāyeṇeśvarīprasādanādau praṇāma ityarthaḥ |

kumudotpalakundeṣu kartavyaḥ śaṅkhadhāraṇe 

iti vā pāṭhaḥ |


p. 59)

(anye-

kumudotpalavṛnteṣu kartavyaśchatradhāraṇe || iti)

arālau tu viparyastāvuttānau vardhamānakau |
utsaṅga iti vijñeyaḥ sparśasya grahaṇe karaḥ || 139 ||

saniṣpeṣakṛte caiva roṣāmarṣakṛte'pi ca |
niṣpīḍitaḥ punaścaiva strīṇāmīrṣyākṛte bhavet || 140 ||


utsaṅgamāha arālau tviti | viaryastāviti svastikarūpau | uttānāviti svasammukhau 
vardhamānakāviti vinatau tena dakṣiṇo vāmaskandhakṣetra iti yāvat | ata eva ca 
prakoṣṭhasvastikatvaṃ lakṣyate | svastika eva dakṣiṇapārśvastha iti 
viparyastatvamiti kecit | adhonakhatvamityanye | svastikākārau kūrparau kṛtvā 
kakṣakṣetrāt praveśamuktādbāhye'ṅgulyo yadā bhavanti pṛṣṭhaṃ ca 
hastayorbahirmukhaṃ tadā viparyastatvamiti tu yuktataram | 
utsaṅgagrahaṇayogyatvakaraṇādutsaṅgaḥ | sparśasya parokṣasya 
grahaṇe'bhinaye | niṣpeṣaḥ pīḍanam tena saha yadyatkriyate atiprayatnena sādhya 
ityarthaḥ | roṣakaraṇe yathā - eṣo'smi te dṛḍhanipīḍanavāhuyantretyādau | 
amarṣakaraṇe yathā - vidūṣakāderīrṣyākaraṇe prasādanānaṅgīkaraṇe 
paryāyātsakṛtprakṣepāt | siṃhāvalokita ityanye paṭhanti | kartari karmaṇi vā 
ṣaṣṭhīti vyācakṣate |


p. 60)

mukulaṃ tu yadā hastaṃ kapitthaḥ pariveṣṭayet |
sa mantavyastadā hasto niṣadho nāma nāmataḥ || 141 ||

saṃgrahaparigrahau dhāraṇaṃ ca samayaśca satyavacanaṃ ca |
saṅkṣepaḥ saṅkṣiptaṃ nipīḍitenābhinetavyam || 142 ||

(śikharastu yadā hasto mṛgaśīrṣeṇa pīḍitaḥ |
niṣadho nāma vijñeyaḥ sa bhayārte vidhīyate || 143 ||

gṛhītvā vāmahastena kūrparābhyantare bhujam |
dakṣiṇaṃ cāpi vāmasya kūrparābhyantare nyaset || 144 ||

sa cāpi dakṣiṇo hastaḥ samyaṅmuṣṭikṛto bhavet |
ityeṣa niṣadho hastaḥ karma cāsya nibodhata || 145 ||

etena dhairyamadagarvasauṣṭhavautsukyavikramāṭopāḥ |
abhimānāvaṣṭambhastambhasthairyādayaḥ kāryāḥ || 146 ||

athavā -

jñeyau vai niṣadho nāma haṃsapakṣau parāṅmukhau |
jālavātāyanādīnāṃ prayoktavyo'bhighaṭṭane ||) 147 ||


niṣedhamāha mukulantviti | kapitthahastena pariveṣṭyamānamukulaṃ tadabhyantare 
niṣaṇṇamāsta ityato'yaṃ niṣedhaḥ | (saṅgrahaḥ) samyaggrahaṇaṃ 
śāstrārthādeḥ parigrahḥ svīkāraḥ dhāraṇamatyajanam samayo niyamaḥ 
satyavacanaṃ tathyamiti saṅkṣepastātparyam samastamenaiva 
saṃkṣipyamāṇamapi | svīkṛtābhinayena hi tadvati dravye'bhinaya ityuktam | 
saṃkṣiptaṃ tu samyak kṣiptaṃ kvacitsthāpitamityarthaḥ |


p. 61)

aṃsau praśithilau muktau patākau tu pralambitau |
yadā bhavetāṃ karaṇe sa dola iti saṃjñitaḥ || 148 ||

sambhramaviṣādamūrcchitamadābhighāte tathaiva cāvege |
vyādhiplute ca śastrakṣate ca kāryo'bhinayayogaḥ ||

yastu sarpaśirāḥ proktastasyāṅgulinirantaraḥ |
dvitīyaḥ pārśvasaṃśliṣṭaḥ sa tu puṣpapuṭaḥ smṛtaḥ ||

dhānyaphalapuṣpasadṛśānyanena nānāvidhāni yuktāni |
grāhyāṇyupaneyāni ca toyānayanāpanayane ca ||


dolaṃ lakṣayati aṃsāviti | hastayoḥ prakarṣeṇa lambamānatvādeva skandhayoḥ 
śaithilyamadṛḍhatvaṃ bhavati | patākā"gulīnāmavaṣṭambhānyuddhāraṇāya 
vā karaṇakriyāyāmaṅguliśaithilyalakṣaṇāyāṃ satyāmityarthaḥ | 
dolākāratvena dolā | abhinayanavyāpāre yogo yasya sa tathāvidho'yaṃ hastaḥ | 
kārya ityanena tatra tatrābhineye pārśvātpārśāntaragamanaṃ nipatanaṃ 
stabdhatvamityādikāṃ tāvaditikartavyatāṃ sūcayati | abhito'gnyādivyasanajo 
doṣaḥ (abhighātaḥ) |

puṣpapuṭamāha yastu sarpaśirā iti | aṅgulisthāne nirantaraṃ vāḍhamapi | 
saṃmukhatvaṃ mābhūdityāha pārśveti | dvitīya iti sarpaśirāśca hastaḥ | 
hastapuṭenedṛśena puṣpagrahaṇamiti | puṣpapuṭa itaraḥ |


p. 62)

patākau tu yadā hastāvūrdhvāṅguṣṭhāvadhomukhau |
uparyupari vinyastau tadāsau makaraḥ smṛtaḥ || 152 ||

siṃhavyāladvīpipradarśanaṃ nakramakaramatsyānām |
ye cānye kravyādā abhineyāste'rthayogena || 153 ||

kūrparāṃsocitau hastau yadāstāṃ sarpaśīrṣakau |
gajadantaḥ sa tu karaḥ karma cāsya nibodhata || 154 ||

eṣa ca vadhūvarāṇāmudvāhe cātibhārayoge ca |
stambhagrahaṇe ca tathā śailaśilotpāṭane caiva || 155 ||


makaramāha patākau tviti | aṅguṣṭhayormakarakarṇadvayavadavasthānānmakaraḥ 
| dvīpinaścitrakāyāḥ | matsyānāmiti pradarśanamiti saṃbandhaḥ | arthayogeneti 
agrapārśvādiṣu sthitacalanādinārthavaśātprayojya ityarthaḥ |

gajadantamāha kūrparāṃsocitāviti | kūrparāṃsaśabdenobhayasāmīpyaṃ 
tayorantarālaṃ gṛhyate pūrvadakṣiṇe tu yathā tatrākuñcitau 
tatsthānasaṃveṣṭanaparau | tadyathā vāme vāhau dakṣiṇo dakṣiṇe vāmahastaḥ 
stambhākāraveṣṭitadantākṛtiyogādgajadantaḥ | vadhūnāṃ varāṇāṃ ca 
vivāhasthānanayane śilotpāṭane gatāgatatvaṃ mantavyam |


p. 63)

śukatuṇḍau karau kṛtvā vakṣasyabhimukhāñcitau |
śanairadhomukhāviddhau so'vahittha iti smṛtaḥ || 156 ||

daurbalye niḥśvasite gātrāṇāṃ darśane tanutve ca |
utkaṇṭhite ca tajjñairabhinayayogastu kartavyaḥ || 157 ||

jñeyo vai vardhamānastu haṃsapakṣau parāṅmukhau |
jālavātāyanādīnāṃ prayoktavyo vighāṭane || 158 ||

saṅgrahaparigrahoddhāraṇaṃ ca samayaṃ ca satyavacanaṃ ca |
saṅkṣepaḥ saṃkṣiptaṃ nipīḍitenābhinetavm ||)

uktā hyete dvividhāstvasaṃyutāḥ saṃyutāśca saṅkṣepāt |
abhinayakarāstu ye tviha te'nyatrāpyarthataḥ sādhyāḥ ||


avahitthakamāha śukatuṇḍāviti | abhimukhau pūrvānanāvañcitau vartanayā 
adhomukhau santāvāviddhāvadhogamitau | avahitthasūcakatvādavahitthaḥ | evaṃ 
hi kurvannāśayamātmīyaṃ no bhinatti |

vardhamānamāha - jñeyo vai vardhamānaśca haṃsapakṣau parāṅmukhāviti |

anyonyaṃ svastikavadavasthitau lakṣye tu anyonyanikaṭau dṛśyete | 
svastikatāhīnāveva kevalaṃ parāṅmukhau parasparacalanena 
vistārayogādvardhamānatvam | ādiśabdena vakṣaḥkavāṭādi |

upasaṃharan sūcayati uktā hyeta iti | uktā hyete yasmādete uktāḥ 
saṅkṣepamāśrityābhineyaviṣaye nirūpitāḥ | turiti tasmādanyatrāpyuktāt 
abhineyāt arthādabhinayā arthāntare'pi sādhayituṃ śakyāścārhāśca | 
turhetau yasmādābhimukhyatayā nārthamanekarīti tvadṛṣṭārthamarthe'rthataḥ |


p. 64)

anyairapyuktam -

ākṛtyā ceṣṭayā cihnairjātyā vijñāya vastutaḥ |
svayaṃ vitarkya kartavyaṃ hastābhinayanaṃ budhaiḥ || iti)

nāsti kaścidahastastu nāṭye'rtho'bhinayaṃ prati |
yasya yadṛśyate rūpaṃ bahuśastanmayoditam || 162 ||

anye cāpyarthasaṃyuktā laukikā ye karāstviha |
chandataste prayoktavyā rasabhāvaviceṣṭitaiḥ || 163 ||

deśaṃ kālaṃ prayogaṃ cāpyarthayuktimavekṣya ca |
hastā hyete prayoktavyā nṝṇāṃ strīṇāṃ viśeṣataḥ ||


evamabhinayamabhidhāyābhinayāntaramapyastīti darśayati nāsti kaściditi | 
nāṭyamiha tadupayogino vibhāgādayaḥ | atra hetuḥ yasya yaddṛśyata iti |

evamuktānāmevābhinayānāṃ sāṅkaryeṇa prayogamanujñāyānuktamapi 
saṅgrahītumāha anye cāpīti | artho'bhinayasāmarthyaṃ śobhātiśayaḥ | 
chandata iti nāṭyācāryecchāpravāhānusāriṇyāmityarthaḥ | rasāḥ sthāyinaḥ | 
bhāvāḥ sañcāriṇaḥ tatsūcakāni yāni vicitrāṇi ceṣṭitāni sāttvikopāṅgāni 
taiḥ saha | evaṃ lokadharmīpradarśane prasiddhodāharaṇamātramabhineyānāṃ 
parigaṇanamityākhyeyam | deśaḥ kṣetraviśeṣaḥ prayogaḥ 
sṛkumāroddhatarūpakaviśeṣaḥ | arthasya yuktirupapattiḥ 
mukhyagauṇalākṣaṇikavyaṅgyādibhedena | avekṣyeti vicāryetyarthaḥ | 
prayoktavyā iti 


p. 65)

sarveṣāmeva hastānāṃ yāni karmāṇi santi vai |
tānyahaṃ saṃpravakṣyāmi rasabhāvakṛtāni tu || 165 ||

utkarṣaṇaṃ vikarṣaṇaṃ tathā vyākarṣaṇaṃ punaḥ |
parigraho nigrahaścāhvānaṃ todanameva ca || 166 ||

saṃśleṣaśca viyogaśca rakṣaṇaṃ mokṣaṇaṃ tathā |
vikṣepadhūnane caiva visargastarjanaṃ tathā || 167 ||

chedanaṃ bhedanaṃ caiva sphoṭanaṃ moṭanaṃ tathā |
tāḍanaṃ ceti vijñeyaṃ tajjñaiḥ karma karānprati || 168 ||

uttānaḥ pārśvagaścaiva tathādhomukha eva ca |
hastapracārastrividho nāṭyatattvasamāśrayaḥ ||) 169 ||


śakyārthe kṛtyaḥ | viśeṣata iti | puruṣāṇāṃ tadapekṣayā 
sāmānyānāmācārā bhavanti | ata evottamānāmatisvalpapracāro 
hastābhinayaḥ | rasabhāvakṛtānīti | sthāyisañcāribhedena 
tattadvibhāvabhedavaśādityarthaḥ | tathā hi keśānāṃ vidūṣakaṃ 
pratyākarṣaṇaṃ khaṭakāmukhena priyā pratyarālena krīḍāyā kalahe 
muṣṭinetyādyutprekṣyam | 
ūrdhvādhodūragamanādanyathākaraṇamutkarṣaṇādi | parigraho maṇḍalena 
grahaṇam | nigraho vināśanaṃ todanaṃ tāḍanaṃ vikṣepastyāgaḥ sāvajñaṃ 
dhūnanaṃ kampanam | visargaḥ sādaraṃ tyāgaḥ sphoṭanaṃ vikāsanaṃ 
moṭanaṃ saṅkocanaṃ iti prakāre | evaṃ prakārā anye'pi | rasabhāvakṛtānīti 
yaduktaṃ tatspaṣṭayitumāha sarve netrabhrūmukharāgādyairvyañjitāḥ kāryā 
iti | pracāra ūrdhvodvartanapāśvādhomukhādiḥ | parokṣābhinayane 
dṛṣṭyādayo hastānāmanugatāḥ pratyakṣe tu viparyayaḥ |


p. 66)

sarve hastapracārāśca prayogeṣu yathāvidhi |
netrabhrūmukharāgādyaiḥ kartavyā vyañjitā budhaiḥ || 170 ||

karaṇaṃ karma sthānaṃ pracārayuktiṃ kriyāṃ ca samavekṣya |
hastābhinayaḥ kāryastajjñairlokopacāreṇa || 171 ||

uttamānāṃ karāḥ kāryā lalāṭakṣetracāriṇaḥ |
vakṣassthāścaiva sadhyānāmadhamānāmadhogatāḥ || 172 ||


etatsarvamupasaṃharati karaṇamiti | karaṇamāveṣṭitādi karma vidheyaṃ sthānaṃ 
lalāṭādikṣetraṃ uttānādisanniveśasthitiśca pracāraḥ svalpādiḥ | 
yuktirmukhyagauṇādyupapattiḥ na hi gaurayaṃ brāhmaṇa ityatra mṛgārtho 
hariṇābhinayena kartarīmukhamṛgaśīrṣaka prāyeṇābhinīyate | api tu 
maurkhyābhinaye caturaśukatuṇḍaśikharaniṣadhaprāyeṇa | yuktiśca 
viśeṣaṇaviśeṣyabhāvādivicāraḥ | tadyathā tadguṇasaṃvijñāne vahuvrīhau 
vṛttipadārthānyapadārthāḥ abhineyāḥ sapulakasvedodgamotkampayeti(ratnā 1-
1)upalakṣaṇavimukte tvanyapadārthamātraṃ tatrāpyupalakṣaṇatāprati pattyai 
vṛttipadārtho'pyabhineyaḥ | sa tvanāveśa iti tūpādhyāyāḥ | kriyā tridhā 
vidhiniṣedhānubhayarūpā | gaccha māgacchetyādau vidhau hi pratyayārthasyaiva 
niṣedhe cārthasyaiva anubhayarūpe prakṛtyarthasyaiva avataratvārya ityādau tu na 
vidhiḥ api tu prakṛtyarthamātraṃ pradarśayitavyam | loṭā tu svābhiprāyamātraṃ 
prakāśyamānamapradhānamiti prakṛtyartha evābhineyaḥ | atra vyāpakaṃ 
hetumāha lokopacāreṇeti |

karaṇaṃ kṛtve (karme?) tyatra sthānamuktam | tadvibhajatyuttamānāmiti | uttame 
suvarṇādidravye sannikṛṣṭāḥ madhyame madhyamāḥ adhame viprakṛṣṭāḥ | 
lalāṭādiśabdānāmupalakṣaṇārthatvāditi kecit | eteṣu kṣetreṣu 
vartanāniveśapūrvakamuttamā-


p. 67)

jyeṣṭhe svalpapracārāḥ syurmadhye kurvīta madhyamaiḥ |
adhameṣu prakīrṇāśca hastāḥ kāryāḥ prayoktṛbhiḥ ||


dayo rājāmātyavidūṣakādayo'bhinayān yathocita evābhinayasthāne 
kuryurityanenottamā devatāgurunṛpādayo yadā nirdiśyante tadā 
lalāṭakṣetracāribhiḥ añjalyādihastaiḥ madhyamāstu 
caturādibhirvakṣaḥkṣetracaraiḥ adhamāḥ śukatuṇḍādyairadhaḥ kṣetracaraiḥ | 
tena candratārādidarśane'dhamasyāpi lalāṭakṣetracarā hastā ityādi na 
viruddhamiti | idaṃ ca yuktataramityupādhyāyaḥ - ye caturārālādyaiḥ 
satyānṛtagāmbhīryaśauṇḍīryādiviruddhaviṣayā uktāsteṣāṃ 
vibhāgārthamidaṃ vacanam | ye dhānyādaya uttamā arthāsteṣāmabhinaye 
lalāṭakṣetragatvamityādikrameṇa |

abhinayagataṃ viśeṣāntaramapyāha jyeṣṭhe svalpapracārāḥ syurityādi | prayoge 
jyeṣṭhe nāṭakādau caturvargopāyopadeśini pratyakṣatāprādhānyādalpo 
hastābhinayo madhyame tu rañjanāphale bhāṇakādau madhyamaḥ pratyakṣe hi 
tatrākāśabhāṣitaprādhānyāt adhame tu nṛttakāvye pidgakādau ca kāla - iti 
kecit | etattvavyavasthitatvādayuktam | nāṭake'pi bhūyastvamasya | 
parasthasyābhineyatve uttamapātreṇa tu pradhāna evābhinayaḥ kāryo na 
viśeṣaṇāt asminnāṭye gṛhītaviśeṣaṇā viśeṣadhīriti manyamānā 
etadamṛṣyanto'nye tvāhuḥ - yatra padārthasamudāyo hyekenābhinayena 
śakyapratipattiranekena vā calatvāt | tadyathā - yā sraṣṭuḥ sṛṣṭirādyā (śāku 
1-1) ityatra | tatraika eva jalahutāśanābhinaya uttamena prayojyaḥ | adhamena 
tvanekaśca calasvabhāvatvāt | madhyamena madhyama iti pracāro vartanā 
yottame'lpeti vā | etattu śobhāvicyutikāritvāt atha nayanasamutthaṃ (raghu 2-75) 
ityādau prayatnopahṛtasya (upamānadvayasya) padārthe vākyavacanamityasya 
prauḍhatvasyābhinaye nānusaraṇaprasaṅgānnādriyate | ye parimitamabhineyaṃ 
gamayanti te sphuṭamevārthasya gamakāḥ arthaprakaraṇādestatra sukhena 
sahāyatvāt | anantārthajātavyavacchedakatvaṃ hi kleśaḥ | tādṛśā 
uttamaprakṛtiṣu hastāḥ | adhamāstu yathāvacanaṃ śliṣṭamāhusta(thā 
prakīrṇa)bhūyastvamabhineye sandihyamānasyābhinayāyattamutkarṣaṇaṃ 
vikarṣaṇa-


p. 68)

lakṣaṇavyañjitā hastāḥ kāryāstūttamamadhyamaiḥ |
lokakriyāsvabhāvena nīcairapyarthasaṃśrayāḥ || 174 ||

athavānyādṛśaṃ prāpya prayogaṃ kālameva ca |
viparītāśrayā hastāḥ prayoktavyā budhairna vā || 175 ||

viṣaṇṇe mūrchite hrīte jugupsāśokapīḍite |
glāne svapne vihaste ca niśceṣṭe tandrite jaḍe || 176 ||


mityādi - evaṃ kecit | apare tvāhuḥ - pracārastridhā pañcadhā ca vakṣyate | 
tatrottamasya ca phalatvādekarasa evottānādikaḥ pracāraḥ adhamasya 
tvatisaṅkīrṇa iti | idantvatra yuktatamam - jyeṣṭhe'bhinaye 
pratyakṣavartamānātmajñasthaviṣaye hastavyāpāro'lpaḥ | hi -a-a samassasa 
(śāku a 7) ityādau | tathā tanvī meghajalādravalkalatayā (vikra 4-38) ityādau | 
atra hi sāttvikabhūyastvāt jyeṣṭhatvam | apratyakṣabhāvibhūtaparastharūpe tu 
sāttvikāvakāśābhāvo'nāeśāditi tatrādhamo'bhinayaḥ sattvahīno'dhamaḥ 
(22-2) smṛtaḥ iti vacanāt | tatra viprakīrṇā vikṣiptā bahulatamā hastāḥ | yathā 
kuñjaraka sundarakādīnāṃ parasthavṛttayuddhavarṇane | etadvyatirikte tu 
madhyamo hastaprayogaḥ | yathā vidūṣakeṇa pratyakṣaṃ 
dṛśyamānenāvasthāveśakāriṇi udyānādivarṇane |

lakṣaṇaṃ sauṣṭhavaṃ lakṣyate |
sauṣṭhavaṃ lakṣaṇaṃ proktaṃ vartanākramayojitam (10-77) || iti |

taddhīnā adhamānām | (athavetyādi) | anye tvāhuḥ - yādṛgyeṣāṃ 
lakṣaṇamuktaṃ tenyathā paripūrṇāśliṣṭākṛtayo'bhinayāddhinānāṃ 
śliṣṭavarṇoccāraṇavaditi | (viparīneti) bhayajugupsādiprayoge śītakālādiyoge ca 
sauṣṭhavamasphuṭākṛtitvaṃ avahitthādau cāsauṣṭhavayoge'pi 
sauṣṭhavamityādi vaiparītyam | vihasto hastavaikalyādhānaṃ matto madyena 
pramattaḥ pramādāt unmatto'pasmārī | kiṃ sarva evātra hastābhinaya 
ityāśaṅkya pratiprasavārthamāha 


p. 69)

vyādhigraste jarārte ca bhayārte śītaviplute |
matte pramatte conmatte cintāyāṃ tapasi sthite || 177 ||

himavarṣahate baddhe vāriṇāplavasaṃśrite |
svapnāyite ca sambhrānte natasaṃsphoṭane tathā || 178 ||

na hastābhinayaḥ kāryaḥ kāryaḥ sattvasamāśrayaḥ |
tathā kākubiśeṣaśca nānārtharasabhāvakaḥ ||) 179 ||

yatra vyagrāvubhau hastau tattadṛṣṭivilokanaiḥ |
vācikābhinayaṃ kuryādvirāmairarthadarśakaiḥ || 180 ||

uttānaḥ pārśvagaścaiva tathādhomukha eva ca |
pracārastrividho'ṅgānāṃ nāṭyanṛttasamāśrayaḥ || 181 ||


kārya iti | ye hastā āntarī cittavṛttiṃ sūcayanti kapotaka iva bhayaṃ karkaṭaka iva 
madanavijṛmbhāṃ ḍhola iva śokaṃ śukatuṇḍa iverṣyāṃ te kāryā eva 
sāttvikavadanubhāvasya bhāvatvātteṣāṃ sāttvikaśca kārya evetyāvṛttyā ye tu 
vāhyadravyaguṇādigamakāste na kartavyā iti | yatra tu sarva eva na kartavyāstaṃ 
viṣayamāha yatra vyagrāviti yathā sāratheḥ pratodaraśmivyagrahastatāyāṃ | 
vilokanairiti) vilokyate cittavṛttiraneneti mukharāgādi kuryāditi sphuṭayedityarthaḥ | 
arthadarśakairiti | anuvṛttilakṣaṇoparodhakṛtairityarthaḥ |


p. 70)

anye tu -

uttāno vartulastryaśraḥ sthito'dhomukha eva ca |
pañca pracārā hastasya nāṭyanṛttasamāśrayāḥ || iti |

evaṃ jñeyāḥ karā hyete nānābhinayasaṃśrayāḥ |
ata ūrdhvaṃ pravakṣyāmi karānnṛttasamāśrayān || 183 ||


hastānāṃ digbhedāvasthānakṛtaṃ pracāramāha uttāna ityādi | uttāno yathā- 
viracitamurvīsaṃsthamityabhinaye (9-22) patākaḥ yathā vā jihvābhinaye 
āsyakṣetrago'gragastripatākaḥ | pārśvago yathā dhanurabhinaye muṣṭiḥ | 
adhomukho yathā samudrābhinaye lalāṭakṣetragaḥ | svastikapatāko yathā 
saṃvṛtavivṛttaṃ pālyamityatra tripatākaḥ 
uttāno'dhastalastryaśro'grago'dhomukha eva ca | pañca pracārā hastasyeti 
bhaṭṭodbhaṭaḥ paṭhati | tatrādhastale'dhomukho'ntarbhūtaḥ uttāne'gragaḥ 
tryaśraḥ tripārśvaga eva | atrāpi tu samaviṣamatryaśritādyavāntarabheda 
uttānāderbhavati | itthaṃ traividhyameva yuktam | tatra rasaniṣpādanamabhinayasya 
vastvityuktaṃ tacca karaṇānubhāvātmakaṃ tatrāṅgahārāḥ karaṇasañcayāḥ 
karaṇasya ca lakṣaṇamuktam | yāni sthānāni yāścāryo nṛttahastāḥ (4-59) 
ityādi | tatra sthānakacāryaḥ svakṣetre (1-13) lakṣayiṣyante |

hastaprasaṅgānnṛttahastā vaktavyāḥ | kiñcābhinayakṛtāpyeṣāṃ 
kvacidvyākartuṃ yathā latāhastau pratipadyete nṛttābhinayanaṃ prati (9-200) 
yathā ā karihastasya hastyabhinayanam | evaṃ caturaśrādīnāmapi prayogavaśāt 
draṣṭavyamityāśayenāha ata ūrdhvamiti | nṛttasya 
karaṇātmakasyāśrayāddhetutā | ebhyo'bhinayahastebhya ūrdhvamityetadgaṇanā 
pṛṣṭhe'bhinayanahastatvenāpi gaṇanāyogyādityarthaḥ | tatra 


p. 71)

vakṣaso'ṣṭāṅgulasthau tu prāṅmukhau khaṭakāmukhau |
samānakūrparāṃsau tu caturaśrau prakīrtitau || 184 ||

haṃsapakṣakṛtau hastau vyāvṛttau tālavṛntavat |
udvṛttāviti vijñeyāvathavā tālavṛntakau || 185 ||

caturaśrasthitau hastau haṃsapakṣakṛtau tathā |
tiryaksthitau cābhimukhau jñeyau talamukhāviti ||


cāturaśryamūlaṃ nṛtte'ṅgasya jīvitamiti tannimittabhuvau caturaśrau tāvadāha 
vakṣasa iti | vakṣo'tikramya yo'ṣṭhāṅgulo deśaḥ tatrasthau | parasparaṃ 
tvaṣṭhāṅgulāntaratvāt pratyuta cāturaśryaṃ bhavatītyutprekṣyameva | 
prāṅmukhāviti yatsaṃmukhaḥ prayoktā tatsaṃmukhāveva na tu 
prayoktṛsaṃmukhau | kūrparayoraṃsayośca tulādhāraṇavatsamatvamavaiṣamyam 
| aṅgacāturaśryadānāccaturaśrau | ākarṣaṇaviśeṣa evāyamabhinayo'pi 
dvivacanādapavādavihīnatve dvayoreva prayoga upapādanīyo heturhastāntarasya 
dvitīyaprakārayoge'pi kevalasyaiva caturaśratāpadeśa eva tulyarūpatvācca na 
catuṣṣaṣṭitāvyāhatiriti | evaṃ sarvatra |

athodvṛttau - haṃsapakṣakṛtāviti | ādau caturaśrau tata udveṣṭhitavartanayā 
haṃsapakṣa (kṛta) iti kṛtaśabdenāha vidhim | eko vivartate uttānaḥ sa tu 
parastvadhomukhaḥ sannāvartate vakṣassthānamityarthaḥ | etadevāha 
tālavṛntavaditi | āvartanakāle ūrdhvaṃ vartamānatvāduddhṛtau | nāmāntareṇa 
tālavṛntaviṣayatvamabhineyatvaṃ vrūte |

atha talamukhau - caturaśrasthitāviti | tatheti vyāvṛttodvṛttapūrvakatvamasyāha | 
tena parisamāptikāle svasvapārśvasthāṅgau tryaśrasthitau haṃsapakṣāveva | 
anyonyasaṃmukhatalatvāttalamukhau | maṃḍalamahurijima vajja-i (mardalaṃ 
madhuraṃ vādayati) ityādiviṣaye cāyamabhinayo'pi |


p. 72)

tāveva maṇibandhānte svastikākṛtisaṃsthitau |
svastikāviti vikhyātau vicyutau viprakīrṇakau ||

alapallavasaṃsthānāvūrdhvākhyau padmakośakau |
arālakhaṭakākhyau cāpyarālakhaṭakāmukhau || 188 ||

anye tu -

tathaiva maṇibandhānte hyarālau vicyutāvubhau |
jñeyau prayoktṛbhirnityamarālakhaṭakāviti || iti |

bhujāṃsakūrparāgraistu kuṭilāartitau karau |
parāṅmukhatalāviddhau jñeyāvāviddhavakrakau || 190 ||


atha svastikau viprakīrṇau ca - tāveveti | talamukhāvevetyarthaḥ | antassamīpaḥ | 
svastiko nāma lakṣaṇaviśeṣaḥ | (vicyutāviti) viśeṣeṇa sahasā cyutāvityarthaḥ | 
evaṃ pūrvavṛttanṛttakaracatuṣṭayasvarūpopajīvitvaṃ (svastika)viprakīrṇayoḥ |

arālakhaṭakāmukhau - arālakhaṭakāmukhāvāha alapallavasaṃsthānāviti | 
svastikavatpatākau kṛtvā alapallavopalakṣitayā vyāvartitakaraṇavartanayā 
parivartanāntayā tāvevordhvamukhau padmakośau vidhāya samanantarameva 
bhāvinalinīpadmakośābhyāmarālārtanayā ekamarālaṃ dvitīyaṃ 
khaṭakāmukhaṃ cāturaśryasaṃsthānena kuryāt | svastikeneti tvapare | arālau 
tataḥ khaṭakāvityeke |


p. 73)

hastau tu sarpaśirasau madhyamāṅguṣṭakau yadā |
tiryakprasāritākhyau ca tadā sūcīmukhau smṛtau || 191 ||

anye -

sarpaśīrṣau yadā hastau bhavetāṃ svastikasthitau |
madhyaprasāritāṅguṣṭhau jñeyau sūcīmukhau tadā || 192 ||

recitau cāpi vijñeyau haṃsapakṣau drutabhramau |
prasāritottānatalau recitāviti saṃjñitau || 193 ||


athāviddhavakrau - bhujāṃsakūrparāgrairiti | vṛttānurodhādevaṃ paṭhitam | 
ayaṃ tvartha aṃsābhyāṃ kūrparāgrābhyāṃ bhujāgrābhyāṃ ca 
krameṇopalakṣitaṃ yatkuṭilaṃ savilāsaṃ (patākau) kṛtvā āvartanaṃ 
vyāvartitakaraṇaṃ kaniṣṭhādi tadyuktāvāviddhau haladhāriṇau 
santāvadhomukhatalau yadā bhavatastathedaṃ nāma |

atha sūcīmukhau - hastau tu sarpaśirasāviti | caturaśrasthānagau sarpaśirasau 
madhyamāṅguliniviṣṭāṅguṣṭhau kṛtau yadā tiryakprasāritaṃ pārśvagamanena 
saha vikāśitaṃ mukhaṃ tarjanyagrarūpaṃ dvayostādṛśau bāhu (bahiḥ ?) 
prasāraṇena paryāyaśaḥ kriyate tadā sūcīmukhau sūcīvadbāhu (dbahiḥ?) 
prasāraṇāt | tatra tuśabdaḥ paryāyaṃ dyotayati |

sūcīmukhau - madhyaprasāritāṅguṣṭhau svastikau sarpaśīrṣakau |

ityekeṣāṃ pāṭhaḥ |

atha recitau - ardharecitau cāpīti | kecit recitāvityasya paunaruktyaparijihirṣavo dve 
lakṣaṇe ityāhuḥ | tena drutau bhrāntāvavikṛtāveva haṃsapakṣau recitau


p. 74)

caturaśro bhavedvāmaḥ savyahastaśca recitaḥ |
vijñeyau nṛttatattvajñairardharecitasaṃjñitau || 194 ||

añcitau kūparāṃsau tu tripatākau karau kṛtau |
kiñcittiryaggatāvetau smṛtāvuttanavañcitau || 195 ||

maṇibandhanamuktau tu patākau pallavau smṛtau |
bāhuśīrṣādviniṣkrāntau nitambāviti kīrtitau ||


tathā prasāritottānatalatvena kṛtāvapi recitāviti | anye tvekameva vākyamityāhuḥ 
| recitau santau yau drutabhramo tau recitasaṃjñāviti | na paunaruktyam | 
saṃjñayaivārdharecite labdhe punarvacanamaviśeṣeṇa cāturaśryasya sthitiṃ 
sūcayan nṛttahastāntareṣvapi aṅgaparyāyeṇa prayogaṃ sūcayati |

athottānāvañcitau - añcitāviti | trapatākau 
hastāvaṃsakapolalalāṭānāmanyatamakṣetre kṛtau añcanakriyayā yuktau 
anyonyābhimukhāvardhatiraścīnau tathāṃsayoḥ kūrparayoścāñcanaṃ 
kiñciccalanaṃ bhavati | añcanasamaye uttanatvaprāpteḥ 
punarapyañcanenodgamanakriyāyogānmṛdūttānāvañcitau |

atha pallavau - maṇibandhanamuktau tviti | ūrdhvavyāvartitakaraṇena bāhū 
prasārya parivartitakriyayā svastikākṛtī patākau | pallavākāratvāt tathoktau | 
śithilau pallavāvityanye paṭhantaḥ tripatākāvityanuvartayanti |

atha nitambau - bāhūśīrṣāditi | patākāviti vartate | 
skandhakṣetrādvicitratvenottānatvādhomukhatvaparyāyatvena niṣkrāntau patākau 
nāmnā kṣetrasyākṣepāt nitambakṣetre tathaiva paryāyeṇa vartamānau nitambau |


p. 75)

keśadeśādviniṣkrāntau paripārśvotthitau tathā |
vijñeyau keśabandhau tu karāvācāryasaṃmatau || 197 ||

tiryakprasāritau caiva pārśvasaṃsthau tathaiva ca |
latākhyau ca karau jñeyau nṛttabhinayanaṃ prati || 198 ||

samunnato latāhastaḥ pārśvātpārśvaṃ vilolitaḥ |
tripatāko'paraḥ karṇe karihastaḥ prakīrtitaḥ || 199 ||


atha keśabandhau - keśadeśāditi | ādau pārśvakṣetrāt 
tatpārśvaparivartanapūrvakamutthitau śiraḥkṣetraṃ prāptau ata eva 
keśadeśānnitambahastoktavadeva vicitrahastatvena niṣkrāntau tathā tenaiva 
prakāreṇa punaḥ keśadeśa eva paryāyaśo gatāgatatvena pratyāvartamānau | 
keśasaṃbandhātkeśabandhau | ācāryasaṃmatau ca śobhātiśayakaraṇāt |

atha latāhastau - tiryakprasāritau ceti | patākāviti vartate | anye tu nitambādiṣu 
tripatākāvityanuvartayanti latāhastānteṣu |

atha karihastaḥ - samunnata ityādi | saṃśleṣakrameṇa ya unnataḥ | vilolita iti 
ḍholāvannītaḥ | aparagrahaṇāttripatāka eva lalāṭākhya iti kecit | 
khaṭakākhyo'para ityanye paṭhanti | sajātīyatayānārambho'sya caturaśravat 
vijātīyārambho'pi nṛttābhyāsasya vyapadeśādarālakhaṭakāmukhavat | ato na 


p. 76)

kaṭiśīrṣaniviṣṭhau dvau tripatākau yadā karau |
pakṣavañcitakau hastau tadā jñeyau prayoktṛbhiḥ || 200 ||

tāveva tu parāvṛttau pakṣapradyotakau smṛtau |
adhomukhatalāviddhau jñeyau garuṇapakṣakau || 201 ||

haṃsapakṣakṛtau hastau vyāvṛttaparivartitau |
tathā prasāritabhujau daṇḍapakṣāviti smṛtau || 202 ||


dvivacanam | ekaikasya pṛthakprayoge karihastatvābhāvādityekavacanameva | 
tadākāratvāccedaṃ nāma |

atha pakṣavañcitau pakṣapradyotau ca - kaṭiśīrṣeti pāṭhaḥ | vṛttau 
pakṣāvañcitau gatau tatsammukhau tu taṃ dyotayatīti tathoktau | evakāreṇānayoḥ 
vyāmiśratayā prayogaśobhā bhavatītyāha |

atha garuḍapakṣau - adhomukheti | adhomukhai nitambakṣetre bhūtvā 
talenāviddhau ūrdhvagamanaṃ jhaṭiti kurvāṇau | tārkṣyabhujākārākṣepāt 
liṅgavākyaprāmāṇatvātsukaraṇaṃ prāptaṃ tripatākavādhena 
patākāvupalabhyete |

atha daṇḍapakṣau - haṃsapakṣakṛtāviti | ekasya haṃsapakṣasya vyāvartane 
vilāsena pārśvādvakṣaḥ kṣetrasya nikaṭasya vartanaṃ tatsamakālameva 
dvitīyasya svadehaparivartanena vartanaṃ bhujaprasāraṇaparyantaṃ 
punarapareṇāṅgeneti dvāvapi prasāritabhujau vyāvartitaparivartitau ca bhavata iti 
pakṣe pārśvato daṇḍavadbhuja iti daṇḍapakṣau | yugapadeva dvayorapi 
prasāraṇaṃ vyāvartanaparivartane tu krameṇetyanye |


p. 77)

ūrdhvamaṇḍalinau hastāvūrdhvadeśavivartanāt |
tāveva pārśvavinyastau pārśvamaṇḍalinau smṛtau || 203 ||

udveṣṭito bhavedeko dvitīyaścāpaveṣṭitaḥ |
bhramitāvurasaḥ sthāne hyuromaṇḍalinau smṛtau || 204 ||

alapallavakārālāvuro'rdhabhramaṇakramāt |


athordhvamaṇḍalau - ūrdhamaṇḍalināviti | vakṣodeśādvyāvartitakaraṇena 
lalāṭakṣetreṇa pārśvagamanaṃ vidhāya tato'pi maṇḍalavadbhramaṇena 
prasāritāvūrdhvamaṇḍalinau | prasāritabhujāviti vartate | 
lalāṭaprāptiparyantenaivānayorlakṣaṇaṃ śiṣṭaṃ tu pārśvamaṇḍalinoriti kecit | 
tāveva pārśvavinyastāviti vacanānnṛttaprasiddha (cakra) 
vartanātmakāvūrdhvamaṇḍalāvityanye |

atha pārśvamaṇḍalau - tāveveti | ūrdhvamaṇḍalāveva pārśvagatau 
patākākṛtī parasparasammukhau | anye tu nirvacanasamarthanāśayena svapārśva 
evāviddhabhujabhramaṇavartanātmakamanayo rūpamāhuḥ |

athoromaṇḍalinau - udveṣṭita iti | cakārasaṃniyogena yaugapadyamāha | urasa iti 
pañcamī | tata ārabhya pārśvakṣetre bhramitāvekasyāgamanasya parasya 
gamanamiti vartanayā | ṣaṣṭhītyanye vadantaḥ tatraiva sthānamityāhuḥ | 
ūrdhvapārśvoromaṇḍaliṣu haṃsapakṣāvityapare vartayanti |

athoraḥpārśvārdhamaṇḍalau - alapallavakārālāviti | vakṣodeśata uttāno hastaḥ 
saṃstambho'lapallavasaṃsthānadāyinā vyāvartitakaraṇena niṣkṛṣyate |


p. 78)

pārśvāvartaśca vijñeyāvuraḥpārśvārdhamaṇḍalau || 205 ||

hastau tu maṇibandhānte kuñcitāvañcitau yadā |
khaṭakākhyau kṛtau khyātāṃ muṣṭikasvastikau tadā ||

padmakośau yadā hastau vyāvṛttaparivartitau |
nalinīpadmakośau tu tadā jñeyau prayoktṛbhiḥ || 207 ||


tatsamakālaṃ ca pārśvaprasāritabhujo dvitīyo 
hastastarjanyādyudveṣṭitasanniveśenārālarūpadāyinā vakṣodeśamānīyate | 
punarevamiti | urasi ardhameko hastaḥ pārśve ca dvitīyo 
maṇḍalavadgatāgatakramaṇe kuruta iti tathoktau |

atha muṣṭikasvastikau - hastau tu maṇibandhānta iti | ekaḥ kuñcito'rālavartanayā 
aparo'ñcito'lapallavavartanayā punaraṅgaparyāya ityevaṃ vartanānantaraṃ 
khaṭakāmukhābhyāṃ svastika iti pāramparyeṇa muṣṭiprabhavatvātkhaṭakasya 
muṣṭikasvastikavyapadeśo 
muṣṭiśikharakapitthakhaṭakānāmanyatamaprayogānujñānārthamiti tadvidaḥ |

atha nalinyākhyau padmakośau - padmakośāviti | padmakośau sammukhau 
śliṣṭamaṇibandhau | tato'pyekasya kanīyasaḥ saṃmukhamaparasyāṅguṣṭhaṃ 
mukhaṃ kriyayā parivartanamiti kecit | idaṃ tvatra yuktam - vyāvṛttena parivṛttau 
yadā padmakośāviti saṅgatiḥ | asmin muṣṭāveva svastikakṣetre karau kṛtvā 
dvayorapi yadā vyāvartitakaraṇena kaniṣṭhādinā 
parivartanamanyonyaparāṅmukhatā tadanantaraṃ ca padmakośadvayaṃ tadā | 
nalinyāmanekakamalasaṃbhavādidaṃ nāma |


p. 79)

karāvudveṣṭitāgrau ca pravidhāyālapallavau |
ūrdhvaprasāritāviddhau kartavyāvulbaṇāviti || 208 ||

pallavau ca śirodeśaṃ saṃprāptau lalitau smṛtau |
kūrparasvastikagatau latākhyau valitāviti || 209 ||

(karaṇe tu prayoktavyā nṛttahastā viśeṣataḥ |
tathārthābhinaye caiva patākādyāḥ prayoktṛbhiḥ || 210 ||

saṅkaro'pi bhavetteṣāṃ prayogo'rthavaśātpunaḥ |
prādhānyena punassaṃjñā nāṭye nṛtte kareṣviha || 211 ||


atholvaṇau lalitau ca | karāvudveṣṭitāgrāviti | vakṣaḥkṣetrādudveṣṭitapradhānau 
hastau vidhāyordhvaskandhakṣetre prasāritāvāviddhau ca 
skandhābhimukhacaladaṅgulīkāvalapallavau bhavatastadolbaṇau | 
harṣaparavaśāṃ cittavṛttiṃ sūcayataḥ ityulvaṇau |

atha lalitau - alapallavāveva tu śiraḥkṣetraprāptau calinau lalitau 
cāturaśryeṇāṅgalālityopādānāt |

atha valitau - kūrparasvastikagatāviti | kūrparasthāne svastikau latāhastau 
vāhvorvalanādvalitau iti | śabda evaṃprakāravartanāntarasūcakaḥ |

karaṇasaṃśrayānkarānvakṣyāmīti karaṇāsaktatvādviśeṣaṇabhāgasyaiva 
saṃśriyamāṇasya karaṇasya pravacanaṃ phalataḥ | yathā lohitoṣṇīṣā ṛtvijaḥ 
pracarantīti vacanāntarādṛtvijāṃ pracāralābhāt dvāviti (?) 
vibhaktirupapadārthavidhānapareti karaṇaṃ karaṇāni vā iti hyarthe pāṭhaḥ | 
(karaṇaṃ) kriyate sampādyate valādevābhinayaviśeṣo 
yenāṅgulitulanakriyāviśeṣeṇa svasamāptau nirākāṅkṣāyāṃ sa karaṇaṃ 
yathā kaniṣṭhādyāvartanenālapallavaḥ viparītavartanāyāṃ tu 
parisamāptyabhāve vartanāyāḥ kriyāntarākāṅkṣā | 
tadevedamaṅgatattvavidastroṭanamaṅgasyeti 


p. 80)

viyutāssaṃyutāścaiva nṛttahastāḥ prakīrtitāḥ |)
ataḥ paraṃ pravakṣyāmi karānkaraṇasaṃśrayān || 212 ||

sarveṣāmeva hastānāṃ nāṭyahastanideśibhiḥ |
vijñātavyaṃ prayatnena karaṇaṃ tu caturvidham || 213 ||

athāveṣṭitamekaṃ syādudveṣṭitamathāparam |
vyāvartitaṃ tṛtīyaṃ tu caturthaṃ parivartitam || 214 ||

āveṣṭyante yadāṅgulyastarjanyādyā yathākramam |
abhyantareṇa karaṇaṃ tadāveṣṭitamucyate || 215 ||

udveṣṭyante yadāṅgulyastarjanyādyā bahirmukham |
kramaśaḥ karaṇaṃ viprāstadudveṣṭitamucyate || 216 ||

āvartyante kaniṣṭhādyā aṅgulyo'bhyantareṇa tu |
yathā krameṇa karaṇaṃ tadvyāvartitamucyate || 217 ||


vyavaharanti | tena yeṣu hasteṣu tarjanyādeḥ kuñcanaṃ teṣarālavatkriyā yathā 
śukatuṇḍacaturamṛgaśīrṣakādiṣu | evamanyadutprekṣyam | patākasya tu 
sarvavartanāsu kāryakaraṇatayā sādhāraṇyaṃ sarvaprakṛtitvam | tata eva 
prādhānyāt patākavyapadeśaḥ | nāṭyaśabdenābhinayanahastāḥ nṛttaśabdena 
nṛttahastāḥ sūcitāḥ | abhyantareṇa 


p. 81)

udvartyante kaniṣṭhādyā bāhyataḥ kramaśo yadā |
aṅgulyaḥ karaṇaṃ viprāstaduktaṃ parivartitam || 218 ||

nṛtte'bhinayayoge ca pāṇibhirvartanāśrayaiḥ |
mukhabhrūnetrayuktāni karaṇāni prayojayet || 219 ||

tiryaktathordhvasaṃstho hyadhomukhaścāñcito'paviddhastu |
maṇḍalagatistathā svastikaśca pṛṣṭhānusārī ca || 220 ||


talasaṃmukhatvena vāhyapārśvāt dehaṃ prati vakṣaḥkṣetraparyantaprāptyā | 
ato vaiparītyena bahirmukhatvaṃ kaniṣṭhādyāvartata iti 
talasaṃmukhamevābhyantaratvaṃ vakṣaḥkṣetrāttu bahirnirgamanam | 
etadviparyāsena bāhyatā |

nanu kimetairāveṣṭitādyairityāśaṅkya eteṣāṃ sādhakatamatvaṃ darśayati 
nṛtte'bhinayayoge ceti | nṛtte nāṭye ca karaṇāni prakarṣeṇa yojayet | kena 
hetunetyāha pāṇibhiriti yato vartanā jātā janyajanakāśca 
pūrvapaścādbhāvitvena | pāṇayo nṛttanāṭyahastāḥ | kathaṃ prayojayedityāha 
mukhabhrūnetrayuktānīti | yato hi vartanā dhāvanti tata eva mukhā(dī)nīti 
tātparyam | netrabhrūmukharāgāḥ yairvyañjitā iti tviyamabhiayeṣu 
pūraṇārthā prakriyā | iyaṃ tu vartanāsvityapaunaruktyam |

bāhulagnatvādaṅgulikriyāyāstadbhedānāha tiryaktathordhvasaṃstha ityādi | 
tiryagiti pārśvagatyā ūrdhvaḥ śiraso'pyupari gacchan adhomukho 
bhuvamāśliṣyan añcito vakṣodeśānniṣkramya śiraḥkṣetrameva pratyāgataḥ 
apaviddho maṇḍala


p. 82)

udveṣṭitaḥ prasārita ityete vai smṛtāḥ prakārāstu |
bāhvoriti karaṇagatā vijñeyā nartakairnityam || 221 ||

hastānāṃ karaṇavidhirmayā samāsena nigadito viprāḥ |
ata ūrdhvaṃ vyākhyāsye hṛdayodarapārśvakarmāṇi || 222 ||

ābhugnamatha nirbhugnaṃ tathā caiva prakampitam |
udvāhitaṃ samaṃ caiva hyuraḥ pañcavidhaṃ smṛtam || 223 ||

nimnamunnatapṛṣṭhaṃ ca vyābhugnāṃsaṃ ślathaṃ kvacit |
ābhugnaṃ taduro jñeyaṃ karma cāsya nibodhata || 224 ||


gateḥ sarvato bhraman | pṛṣṭhaṃ svakāyasyānusaratīti pṛṣṭhānusārī | udveṣṭito 
maṇibandhanavartanayā niṣkrāmaṇaprasāritasya tu spaṣṭamevāgramanudhāvan | 
eteṣu karaṇeṣu caturṣu drutamadhyavilambitādivaicitryeṇa bāhuparyāyeṇa ca 
samastāni yojanayā yadā niyujyante tadā 
ghātavartanādiśatasahasrāṇyatraivāntarbhūtānīti yadeke catvāriṃśatamanye 
śatamāhustanmithyaiva | tadāha karaṇagatā viśeṣā avaśyaṃ jñātavyā iti | 
nityametadvyatiriktaprayojanābhāvāt |

athorasaḥ karmāṇyāha ābhugnamityādi | nimnamiti sasaṅkocam | kvaciditi madhye 
madhye ślathaṃ śithilaṃ niravaṣṭambhaṃ kṛtvā vyābhugnāvadhaḥ patantā-


p. 83)

sambhramaviṣādamūrcchāśokabhayavyādhihṛdayaśalyeṣu |
kāryaṃ śītasparśe varṣe lajjānvite'rthavaśāt || 225 ||

stabdhaṃ ca nimnapṛṣṭhaṃ ca nirbhugnāṃsa samunnatam |
uro nirbhugnametaddhi karma cāsya nibodhata || 226 ||

stambhe mānagrahaṇe vismayadṛṣṭe ca satyavacane ca |
ahamiti ca darpavacane garvotseke ca kartavyam ||

(atra kecit - kṣepako'yam -

dīrghaniḥśvasite caiva jṛmbhaṇe moṭane tathā |
bibboke ca punaḥ strīṇāṃ tadvijñeyaṃ prayoktṛbhiḥ ||)

ūrdhakṣepairuro yatra nirantarakṛtaiḥ kṛtam |
prakampitaṃ ca tajjñeyamuro nāṭyaprayoktṛbhiḥ || 229 ||

hasitaruditeṣu kāryaṃ śrame bhaye śvāsakāsayoścaiva |
hikke duḥkhe ca tathā nāṭyajñairarthayogena || 230 ||


vivāṃsau | yatra śītenāpi vinā durdine  evameva mārge bhramaṇamiti varṣa 
ityuktam | samyagutthitaṃ kṛtvā niṣkrāntau śuddhā(bhugnā ?) vaṃsau yatra | 
hikkā spaṣṭam |


p. 84)

udvāhitaṃ tūdhvakṛtamuro jñeyaṃ prayoktṛbhiḥ |
dīrghocchvāsonnatāloke jṛmbhaṇādiṣu ceṣyate || 231 ||

sarvairevāṅgavinyāsaiścaturaśrakṛtaiḥ kṛtam |
uraḥ samaṃ tu vijñeyaṃ svasthaṃ sauṣṭhavasaṃyutam || 232 ||

etaduktaṃ mayā samyagurasastu vikalpanam |
ata. paraṃ pravakṣyāmi pārśvayoriha lakṣaṇam || 233 ||

nataṃ samunnataṃ caiva prasāritavivartite |
tathāpasṛtamevaṃ tu pārśvayoḥ karma pañcadhā || 234 ||

kaṭī bhavettu vyābhugnā pārśvamābhugnameva ca |
tathaivāpasṛtāṃsaṃ ca kiñcitpārśvaṃ nataṃ smṛtam || 235 ||

natasyaivāparaṃ pārśvaṃ viparītaṃ tu yuktitaḥ |
kaṭipārśvabhujāṃsaiścābhyunnatairunnataṃ bhavet || 236 ||

āyāmanādubhayataḥ pārśvayoḥ syātprasāritam |


p. 85)

parivartāttrikasyāpi vivartitamiheṣyate || 237 ||

nivartanāpanayanādbhavedapasṛtaṃ punaḥ |
pārśvalakṣaṇamityuktaṃ viniyogaṃ nibodhata || 238 ||

upasarpe nataṃ kāryamunnataṃ cāpasarpaṇe |
prasāritaṃ praharṣādau parivṛtte vivartitam || 239 ||

vinivṛtte tvapasṛtaṃ pārśvamarthavaśādbhavet |
etāni pārśvakarmāṇi jaṭharasya nibodhata || 240 ||

kṣāmaṃ khalvaṃ ca pūrṇaṃ ca samproktamudaraṃ tridhā |
tanukṣāmaṃ nataṃ khalvaṃ pūrṇamādhmātamucyate || 241 ||

kṣāmaṃ hāsye'tha rudite niḥśvāse jṛmbhaṇe bhavet |
vyādhite tapasi śrānte kṣudhārte khalvamiṣyate || 242 ||

pūrṇamucchvasite sthūle vyādhitātyaśanādiṣu |

anye tu -

kṣāmaṃ khallaṃ samaṃ pūrṇamudaraṃ syāccaturvidham ||) 243 ||

p. 86)

ityetadudarasyoktaṃ karma kaṭyā nibodhata |
chinnā caiva nivṛttā ca recitā kampitā tathā || 244 ||

udvāhitā ceti kaṭī nāṭye nṛtte ca pañcadhā |
kaṭī madhyasya valanācchinnā samparikīrtitā || 245 ||

parāṅmukhasyābhimukhī nivṛttā syānnivartitā |
sarvato bhamaṇāccāpi vijñeyā recitā kaṭī || 246 ||

tiryaggatāgatā kṣipraṃ kaṭī jñeyā prakampitā |
nitambapārśvodvahanācchanairudvāhitā kaṭī || 247 ||

punaścāsāṃ pravakṣyāmi viniyogaprayojanam |
chinnā vyāyāmasambhrāntavyāvṛtta prekṣaṇādiṣu || 248 ||

nivṛttā vartane caiva recitā bhramaṇādiṣu |
kubjavāmananīcānāṃ gatau kāryā prakampitā || 249 ||

sthūleṣūdvāhitā yojyā strīṇāṃ līlāgateṣu ca |
kampanaṃ valanaṃ caiva stambhanodvartane tathā || 250 ||

p. 87)

vivartanaṃ ca pañcaitānyūrukarmāṇi kārayet |
namanonnamanātpārṣ.ermuhuḥ syādūrukampanam || 251 ||

gacchedabhyantaraṃ jānu yattu tadvalanaṃ smṛtam |
stambhanaṃ cātra vijñeyamapaviddhakriyātmakam || 252 ||

valitāviddhakaraṇādudvartanamitīritam |
pārṣṇirabhyantaraṃ gacchedyatra tattu nivartanam || 253 ||

gatiṣvadhamapātrāṇāṃ bhaye cāpi hi kampanam |
valanaṃ caiva kartavyaṃ strīṇāṃ svairaparikrame || 254 ||

sādhase ca viṣāde ca stambhanaṃ samprayojayet |
vyāyāme tāṇḍave caiva kāryamudvartanaṃ budhaiḥ || 255 ||

vivartanaṃ ca kartavyaṃ sambhramādiparikrame |


śiṣṭakaṭītrikaskandhakarmāṇi pārśvakarmāṇīti | gateṣu 
taduktamapaviddhakriyātmakamiti niṣkriyatvamiti yāvat |


p. 88)

yathādarśanamanyacca lokādgrāhyaṃ prayoktṛbhiḥ || 256 ||

ityūrvorlakṣaṇaṃ proktaṃ jaṅghayostu nibodhata |
āvartitaṃ nataṃ kṣiptamudvāhitāthāpi vā || 257 ||

parivṛttaṃ tathā caiva jaṅghākarmāṇi pañcadhā |
vāmo dakṣiṇapārśvena dakṣiṇāccāpi vāmataḥ || 258 ||

pādo yatra vrajedviprāstadāvartitamucyate |
jaṅghāsvastikayogena kramādāvartitaṃ nayet ||) 259 ||

jānunaḥ kuñcanāccaiva nataṃ jñeyaṃ prayoktṛbhiḥ |
vikṣepāccāpi jaṅghāyāḥ kṣiptamityabhidhīyate || 260 ||

nataṃ syājjānunamanātkṣiptaṃ vikṣepaṇādvahiḥ |)
udvāhitaṃ ca vijñeyamūrdhvamudvāhanādiha || 261 ||

pratīpanayanaṃ yattu parivṛttaṃ taducyate |
āvartitaṃ prayoktavyaṃ vidūṣakaparikrame || 262 ||

nataṃ cāpi hi kartavyaṃ sthānāsanagatādiṣu |
kṣiptaṃ vyāyāmayogeṣu tāṇḍave ca prayujyate || 263 ||

tathā codvāhitaṃ kāryamāviddhagamanādiṣu |
tāṇḍavādau prayoktavyaṃ parivṛttaṃ prayoktṛbhiḥ || 264 ||

p. 89)

ityevaṃ jaṅghayoḥ karma pādayostu nibodhata |
udghaṭṭitaḥ samaścaiva tathāgratalasañcaraḥ || 265 ||

añcitaḥ kuñcitaścaiva pādaḥ pañcavidhaḥ smṛtaḥ |
sthitvā pādatalāgreṇa pārṣṇirbhūmau nipātyate || 266 ||

yasya pādasya karaṇe bhavedudghaṭṭitastu saḥ ||

ayamudveṣṭitakaraṇeṣvanukaraṇārthaṃ prayogamāsādya |
drutamadhyamapracāraḥ sakṛdasakṛdvā prayoktavyaḥ ||

svabhāvaracito bhūmau samasthānaśca yo bhavet |
samapādaḥ sa vijñeyaḥ svabhāvābhinayāśrayaḥ ||
sthiraḥ svabhāvābhinaye nānākaraṇasaṃśraye || 269 ||

calitaśca punaḥ kāryo vidhijñaiḥ pādarecite ||


bahiḥ pārṣṇikṣepācca patanamāviddhamūroḥ vartanā karaṇa iti kriyāyāṃ 
satyāmityanena punaḥpunaḥ pādatalāgrāttu sthānaṃ ca kartavyamiti darśayati | 
ūrdhvavikṛtasya ghaṭṭanānudghaṭṭitaḥ udveṣṭitarūpaṃ yatkaraṇamudeṣṭyante 
yadāṅgulya ityādi tadeva bāhukarmabhedādbahudhā | tatrāsya prayoga iti 
vartanāśrayo viniyogaḥ | kecittu prayogamāsādyānukaraṇārthamapyasya prayoga 
ityūcuḥ | yathā vikramorvaśyādau purūravaḥprabhṛteḥ | etena nāṭyaviṣayo 
viniyoga uktaḥ |


p. 90)

samasyaiva yadā pārṣṇiḥ pādasyābhyantare bhavet || 270 ||

bahiḥ pārśvasthito'ṅguṣṭhastryaśrapādastu sa smṛtaḥ ||
tyaktvā (kṛtvā?) samapadaṃ sthānamaśvakrānte tathaiva ca |
syādviklabādiṣvartheṣu tryaśraḥ pādo yathāvidhi) ||

(asyaiva samapādasya pārṣṇirabhyantare bhavet |
tryaśrapādaḥ sa vijñeyaḥ sthānakādiṣu saṃśrayaḥ ||)

utkṣiptā tu bhavetprārṣṇiḥ prasṛto'ṅguṣṭhakastathā |
a lyaścāñcitāḥ sarvāḥ pāde'gratalasañcare ||

todananikuṭṭane sthitaniśubhane bhūmitāḍane bhramaṇe |
vikṣepavividharecakapārṣṇikṛtāgamanametena ||
pāṣṇiryasya sthitā bhūmau pādamagratalaṃ tathā || 275 ||


agreṇa natena ca na tvarata iti | tathā todanaṃ preraṇam nikuṭṭanaṃ 
tadavagrahaṇaṃ sthitaṃ sthānakādi śubhanaṃ pīḍanaṃ (tāḍanaṃ) hananaṃ 
vikṣepo bhūtasyāpasāraṇaṃ


p. 91)

aṅgulyaścāñcitāḥ sarvāḥ sa pādo'ñcita ucyate ||
pādāgrasthitasañcāre vartitodvartite tathā || 276 ||

eṣa pādāhate kāryo nānābhramarakeṣu ca ||
utkṣiptā yasya pārṣṇiḥ syādaṅgulyaḥ kuñcitāstathā |
tathākuñcitamadhyaśca sa pādaḥ kuñcitaḥ smṛtaḥ ||
udāttagamane caiva vartitodvartite tathā || 278 ||

atikrāntakrame caiva pādametaṃ prayojayet ||
utkṣiptā tu bhavetpārṣṇiraṅguṣṭhāgreṇa saṃsthitaḥ || 279 ||

vāmaścaiva svabhāvasthaḥ sūcīpādaḥ prakīrtitaḥ ||
nṛtte nūpurakaraṇe prayogastasyakīrtitaḥ ||) 280 ||

pādajaṅghorukaraṇaṃ samaṃ kāryaṃ prayoktṛbhiḥ |
pādasya karaṇe sarvaṃ jaṅghorukṛtamiṣyate || 281 ||


bhrāntakaṃ manasaḥ vividharecakaḥ karapādarecakaḥ | añcitā iti prasṛtāḥ | 
añcitamudvartitaṃ vidūṣakādigatau | bhramarī cārī yeṣu prayogeṣu te 
bhramarakāḥ | sūcīṃ ṣaṣṭhaṃ pādamanye paṭhanti | nūpurasya 
pādabhūṣaṇasya karaṇe bandhane | kaṭyūrujaṅghāpādakarmāṇyeva 
paravyāmiśrībhūtatāvaicitryeṇa samuditatayā prayujyamānāni cārītyucyante | 
tatsamudāyasya maṇḍalabhedena gatirniṣpadyata iti kaṭyādipādāntakarmaṇaiva 
cārya uktāḥ | ata eva tāsāṃ viniyogaḥ pṛthaṅnoktaḥ |

samanantaraṃ tvadhyāyatnayaṃ 
tadvaicitryodāharaṇapradarśanārthamityetatsarvaṃ manasi kṛtvāha 
pādajaṅghorukaraṇamityādi | samamiti saha | atra hetuḥ pādasyeti 
nābhijaṅghorukaraṇamityādikarmasvanyaṃ pādakarmetyarthaḥ |


p. 92)

yathā pādaḥ pravarteta tathaivoruḥ pravartate |
tayoḥ samānakaraṇātpādacārīṃ prayojayet || 282 ||

ityetadaṅgajaṃ proktaṃ lakṣaṇaṃ caiva karma hi |
ataḥparaṃ pravakṣyāmi cārīvyāyāmalakṣaṇam || 283 ||

iti śrībhāratīye nāṭyaśāstre aṅgābhinayo nāma navamo'dhyāyaḥ ||


etadeva sphuṭayati yathā pāda iti | tayoriti madhye jaḍvāpi svīkṛtā | atraivaṃ 
sarvamāṅgikamiyatevoktamiti darśayati ityetaditi | anantaravaktavyasyāsūtrayati 
ataḥparamiti | cārīvyāyāmā lakṣyante upalakṣyante udāharaṇatayā yeneti 
śivam ||

śiśiratarakiraṇakalikālaṅkāravibhaktibhaktabhaṅguratāpaḥ |
abhinavagupto navamādhyāye sandehatāpamapanudatati sma ||

iti śrīmahāmāheśvarābhinavaguptaviracitāyāṃ nāṭyaveda 
vivṛtāvabhinavabhāratyāṃ āṅgikādhyāyo navamaḥ ||
śrīḥ

nāṭyaśāstram

daśamo'dhyāyaḥ

(evaṃ pādasya jaṅghāyā ūroḥ kaṭyāstathaiva ca |
samānakaraṇe ceṣṭā cārīti parikīrtitā ||) 1 ||

vidhānopagatāścāryo vyāyacchante parasparam |
yasmādaṅgasamāyuktāstasmād vyāyāma ucyate || 2 ||


niścalastitimadvyomabhūcārīsadgatipradaḥ |
sarvadā dhvanimātrātmā śambhurvijayatāt prabhuḥ ||

cārīvyāyāmalakṣaṇamityuktam | tatra samāse sandehaḥ vyāyāmaśabdārthe ca 
carerhi (iñ) karaṇe bhāve vā auṇādika iti kṛdikārādaktina ṅiṣ iti ca 
cārīśabdaḥ prasiddhārtha ityabhiprāyeṇa sandehadvayamapākartumāha - 
vidhānopagatā iti | anyonyayojanāpatitāścāryo vyāyāmaśabdasyārtha iti 
tātparya | cārya eva vyāyāma iti karmadhāraya ityarthaḥ | anvarthastu 
vyāyacchante iti parasparatayā āpatanti | kutra niyama ityāha - parasparaṃ pūrvā 
cārī paratra niyatā (na tu) pūrvasyāmiti tenākarmakatvādātmanepadaṃ 
parasparopapadācceti karmavyatihārajamātmanepadaṃ niṣedhati na tu 
āṅoyamahana iti | nanu kiṃ tanniyamanamityāha | vidhānopagatā iti 
pradhānenaikasyā yataḥ aparā upagatā valādevāgatā | 
nanvevamanyonyāśrayam ? na aṅgena pradhānabhūtena kenacit samyagāyuktāḥ 
prayuktāḥ pravartitā 


p. 94)

ekapādapracāro yaḥ sā cārītyabhisaṃjñitā |
dvipādakramaṇaṃ yattu karaṇaṃ nāma tadbhavet || 3 ||

karaṇānāṃ samāyogaḥ khaṇḍa ityabhidhīyate |
khaṇḍaistribhiścaturbhirvā saṃyuktairmaṇḍalaṃ bhavet || 4 ||

cārībhiḥ prasṛtaṃ nṛttaṃ cārībhiśceṣṭitaṃ tathā |
cārībhiḥ śastramokṣaśca cāryo yuddhe ca kīrtitāḥ || 5 ||


yatrāyatrāpekṣayā bahuvacanam | etaduktaṃ bhavati - kiṃcidaṅgaṃ pradhānaṃ 
yat saṃbhavati yathā hasto vā abhinaye pādo vā gatau tadā tadupayoginī cārī 
pradhānaṃ taccārīsaṃpattyucitā ca pūrvā cārī āśrīyate parayāceti 
parasparaniyamātyaścāryovyāyāma iti | tatra vyāyāmasya 
saṃkṣiptamadhyamavistīrṇatayā bhedānnirupayati | ekapādapracāro ekaḥ 
ekākipādena śroṇyādinacāro vyākṣiptaḥ | dvipādeti | pādaśabdena 
tatpracāraḥ | nāmeti turvyāyāmaprasiddhādanyadevedaṃ 
saṃjñātvenādhunaiva niyamyata ityarthaḥ | eṣa saṃkṣipto vyāyāmaḥ 
abhinayāntarādau | karaṇānāmiti bahuvacanāt trīn (trīṇi?)kapiñjalānālabheteti 
yathā | anyathā bahutvāniyame khaṇḍānāṃ maṇḍalebhyaḥ kva pravibhāgaḥ | 
eṣa madhyamo vyāyāmaḥ upavṛttyedhamānau | 
tribhiścaurbhirityetaccaturaśratālābhiprāyeṇa vāgrahaṇānmiśraṇamapi 
sūcayan saṅkhyāntaramapi gṛhṇīte | tathā hi - caturthe sūcīviddhākhye (11-12) 
maṇḍale tu yāścārīrvakṣyati sūcīmādyaṃ padaṃ dadhyādityādi | (11-13) 
saptame tvalātābhikhye - bhrāntvā cārībhiretābhiḥ paryāyeṇātha maṇḍalam | 
paṭsaṅkhyaṃ saptasaṅkhyaṃ vā iti (11-22) dvādaśe'ddhyardhikā iti | 
evamanyatra | tatra laukikatvaṃ tāvaccārīṇāṃ darśayati cārībhiriti nṛttaṃ 
vā'ṅgahārātmakatvaṃ ca taccārībhiḥ prasṛtaṃ ca vyāptamiti pratyekaṃ 
ceṣṭitaṃ gatiḥ | śastramokṣa iti cakrakuntādiyuddhaṃ yudhamiti 
khaḍgahananādiyuddhaṃ niyuddhaṃ ca | prakṛte'pyupayojayati -


p. 95)

yadetatprastutaṃ nāṭyaṃ taccārīṣveva saṃsthitam |
na hi cāryā vinā kiṃcinnāṭye'ṅgaṃ saṃpravartate || 6 ||

tasmāccārīvidhānasya saṃpravakṣyāmi lakṣaṇam |
yā yasmiṃstu yathā yojyā nṛtte yuddhe gatau tathā || 7 ||

samapādā sthitāvartā śakaṭākhyā tathaiva ca |
adhyardhikā cāṣagatirvicyavā ca tathāparā || 8 ||

eḍakākrīḍitā baddhā ūrūdvṛttā tathāḍḍitā |
utspanditātha janitā syanditā cāpasyanditā || 9 ||


yadetaditi | yacchabdena vyākhyātadharmapūrvaka etacchabdena 
vyākhyāsyamānadharmayoga. parāmṛśyata iti vitatatāṃ nāṭyasyāha | 
kiṃcidaṅgamiti śirohastādi kiṃciddhi cāryā saha kiṃcitpūrvāparabhāvena | 
saṃpravartata iti saṃvartate khalatvena pravartate kriyayā samyak pravartate vā 
anityeneti vaikalpiko'pyupa sargārthayogaḥ tathāṅge'pi 
svīkāratattvaṃ(?)nirūpyata iti bhartṛmitrācāryaḥ | 
prakṛtādhikārikhedāvahatvācca na 
padavākyavitparicitatāprakaṭanamātralālasātmakamatiriti viramati(myate?) | 
lakṣaṇamiti udāharaṇam | nṛtta hati karaṇāṅgahārādau | yasminniti | 
napuṃsakamityekaśeṣaḥ tatheti uktaṃ vakṣyate ceti 


p. 96)

samotsāritamattalli mattalī ceti ṣoḍaśa |
etā bhaumyaḥ smṛtāścāryaḥ śṛṇutākāśikīḥ punaḥ ||

atikrāntā hyapakrāntā pārśvakrāntā tathaiva ca |
ūrdhvajānuśca sūcī ca tathā nūpurapādikā || 11 ||

ḍolāpādā tathākṣiptā āviddhodvṛttasaṃjñite |
vidyudbhrāntā hyalātā ca bhujaṅgatrāsitā tathā || 12 ||

mṛgaplutā ca daṇḍā ca bhramarī ceti ṣoḍaśa |
ākāśikyaḥ smṛtā hyetā lakṣaṇaṃ ca nibodhata || 13 ||

padairnirantarakṛtaistathā samanakhairapi |


śeṣaḥ | tatra nṛtte uktaṃ yuddhe vakṣyate nyāyepūhyamiti śeṣaḥ gatau ca 
dvādaśādhyāye vakṣyate - ityadhyāyatrayasyārtha iha sūcitaḥ | 
tatroddeśamāha - sabhāveti (bhaumya iti?) bhūmau bhavā bhaumyaḥ 
evamākāśikyaḥ uparicaratām | smṛtā iti vedodāharaṇe'tra yāvatsmaryate 
tāvadvyutpādanārthaṃ śiṣṭāni | tairvaktavyam tenaitannāśaṅkanīyam | yadi 
nedaṃ parigaṇanaṃ kiyatā bhedenokteti na tatra spaṣṭam | 
yallakṣaṇamananvarthaṃ ca tadvyākriyate |


p. 97)

samapādā tu sā cārī vijñeyā sthānasaṃśrayā || 14 ||

bhūmighṛṣṭena pādena kṛtvābhyantaramaṇḍalam |
punarutsārayedanyaṃ sthitāvartā tu sā smṛtā || 15 ||

niṣaṇṇāṅgastu caraṇaṃ prasārya talasañcaram |
udvāhitamuraḥ kṛtvā śakaṭāsyāṃ prayojayet || 16 ||

savyasya pṛṣṭhato vāmaścaraṇastu yadā bhavet |
tasyāpasarpaṇaṃ caiva jñeyā sādhyardhikā budhaiḥ || 17 ||


atha samapādā - nanu samamādā kathaṃ vā cārītyāha - sthānasaṃśrayeti 
yadā samapāda eva sthānāntaraṃ gacchati tadā caraṇaścārī bhavatyeva 
yogyatayā tathā vyapadeśāditi bhāvaḥ |

atha sthitāvartā - bhūmighṛṣṭeneti agratalasañcareṇābhyantaramaṇḍalaṃ 
dvitīyapārśva jānusvastikāntaṃ punaḥśabdo viśeṣaṃ dyotayan 
sanni(veśa)yogamāha | tena sa cet svastikatvena śliṣṭastato dvitīyamutsārayet 
svapārśvaṃ karṣayedekasya sthānamaparasyāmiti tathā ||

atha śakaṭāsyā - niṣaṇṇāṅgastviti prayatnadhṛtapūrvakāya ityarthaḥ | 
śakaṭamasanīyaṃ kṣepyaṃ yayā | ekasminnu pāde same'ṅgulyañcitaṃ 
pakṣetaraṃ kṛtvā jānunaḥ kuñcane jaṅghāprasaraṇe ca svapārśve ca 
tryaśritatalasañcarasthāpanaṃ tu nirodhana (recana?) miveti kecidenāmāhuḥ | 
etacca lakṣaṇaṃ lakṣyārthāsaṅgatameva |

athādhyardhikā - savyasyeti dakṣiṇasya | pṛṣthata iti pārṣṇideśe | tasyeti 
dakṣiṇasyopasarpaṇe svapārśvārdhatryaśritatayā sthitiḥ | avyatireketi 
adhyardhatālāntaratvādayo mantavyāḥ | ekasya pūrṇatā gatiranyasya pādasya 
pūrṇārdhaketyanye | karaṇaprādhānyāccaivamuktaṃ vāmasyāpi 
pṛṣṭhasaṅgatameva |


p. 98)

pādaḥ prasāritaḥ savyaḥ punaścaivāpasarpitaḥ |
vāmaḥ savyāpasarpī vā cāpagatyāṃ vidhīyate || 18 ||

vicyavātsamapādāyā vicyavāṃ saṃprayojayet |
nikuṭṭayaṃstalāgreṇa pādasya dharaṇītalam || 19 ||

talasañcarapādābhyāmutplutya patanaṃ tu yat |
paryāyaśaśca kriyate eḍakākrīḍitā tu sā || 20 ||


atha cāṣagatiḥ - savyeti dakṣiṇasya pṛṣthata iti savyo'pasarpatyeva sarvatra | 
prasārita iti tālamātramagrataḥ punaḥ sa evāpasarpito dvitālamātraṃ 
paścānnītaḥ vāmaḥ savyena sahāpasarpati | kiṃcidutplutya 
savyavāmāvapasarpataḥ śliṣyataśceti satrāsamapasarpaṇādau cāpasyeva gatiḥ 
cāpagatiḥ | savyopasarpi cetyanye paṭhanti tatra śliṣṭatvaṃ śabdo 
(savyo?)ktatvamapasarpaṇaṃ cārthaḥ ||

atha vicyavā - pādasyeti pādayorityarthaḥ |

athailakākrīḍitā - utplutyā kiṃcidekah sakthigulphadeśebhyaḥ punarutplutiḥ 
aṅgāntareṇaivamiti paryāyaśaḥ patanaṃ yatra cāryā sā 
ajikāgatitulyatvādeḍakākrīḍitā ||


p. 99)

anyonyajaṅghāsaṃvedhātkṛtvā tu svastikaṃ tataḥ |
ūrubhyāṃ valanaṃ yasmātsā baddhā cāryudāhṛtā || 21 ||

talasañcarapādasya pārṣṇirbāhyonmukhī yadā |
jaṅghāñcitā tathodvṛttā ūrūdvṛtteti sā smṛtā || 22 ||

agrataḥ pṛṣṭhato vāpi pādo'gratalasañcaraḥ |
dvitīyapādanirghṛṣṭo yasyāṃ syādaḍḍitā tu sā || 23 ||


atha baddhā - kevalayorevorvorvalanaṃ sthita eva jaṅghāsvastika iti 
baddhāṃkecidāhuḥ | anye tu svastikāpasaraṇena 
pādatalāgrayormaṇḍalabhramaṇapūrvakaṃ svasvapārśvagamanamiti 
yadūruvandhanamāhuḥ | jaṅghayoḥ saṃbandhanāt anu baddhā ||

athorūdvṛttā - agratalasañcarasya pādasya saṃbandhinī 
pārṣṇirdvitīyapādapṛṣṭhabhāgaunmukhyaṃ yadā bhavati jaṅghā ca 
jānunamanādākuñcitā udvṛttādvitīyajaṅghā sammukhaṃ valanāt tathā 
ūrorūrdhvavivartanāt lajjerṣyādiviṣayā ūruddhṛttā | anye tu pārṣṇidvitīyasya 
talasañcārabāhyonmukhītyāhuḥ ||

athāḍḍitā - agrata iti | apissamuccaye vā paryāye | tena samasthitasyaikasya 
dvitīyastalasañcaraḥ kramādagre pṛṣṭhe ca nirghṛṣṭaḥ śliṣṭaḥ kārya iti 
aḍḍitā


p. 100)

śanaiḥ pādo nivarteta bāhyenābhyantareṇa ca |
yadrecakānusāreṇa sā cāryutspanditā smṛtā || 24 ||

muṣṭihastaśca vakṣassthaḥ karo'nyaśca pravartitaḥ |
talasañarapādaśca janitā cāryudāhṛtā || 25 ||

pañcatālāntaraṃ pādaṃ prasārya syanditāṃ nyaset |
dvitīyena tu pādena tathāpasyanditāmapi || 26 ||


pādasya svasthānātikramaṇāt | aḍḍu atikramahiṃsayoriti paṭhanti sattve ca 
rūpam ||

athotspanditā - bāhyena kaniṣṭhāṅgulibhāgena abhnantarāṅguṣṭhabhāgena 
nivartate cedu(bhayoḥ pādayoḥ) gamāgamaṃ kurute | kimavadhītyāha 
pādarecitasyāpasāreṇa śobhāpekṣayotkrāntamasyā | yannadyāḥ 
pratyāvartanarūpaspanditakṛt tattulyatvādiyamutspanditā | recakaṃ nṛttahastamatra 
kecidāhuḥ ||

atha janitā - talasañcarapādaḥ pravartita iti | etadevāsyāḥ svarūpaṃ 
muṣṭervakṣogāmitvaṃ hastāntarasya ca pravartanamitikartavyatāmātram | 
samastagatīnāmiyaṃ jananaṃ karoti prārambharūpatvāditi janitā ||

atha syanditāpasyandite - kramasamo niṣaṇṇoruḥ pādo dakṣiṇastupañcatālāt 
prasāritaḥ | tālaḥ smṛtaḥ madhyamayā iti | sā syanditā prasāraṇadharmatvāt | 
etadviparyayādasyā api savyena syanditeneti aṅgaparyāyācca labdhāpyeṣā 
prayoge sāhacaryaniyamakhyāpanārthaṃ punarnirūpitā | 
ālīḍhapratyālīḍhayostu pādadvayamapi tryaśritasaṃsthānaṃ maṇḍalasthānato 
jīvitvaṃ yadvakṣyate asyaiva dakṣiṇaṃ 


p. 101)

talasañcarapādābhyāṃ ghūrṇamānopasarpaṇaiḥ |
samotsaritamattalli yāyāme samudāhṛtā || 27 ||

ubhābhyāmapi pādābhyāṃ ghūrṇamānopasarpaṇaiḥ |
udveṣṭitāpaviddhaiśca hastairmattallyudāhṛtā || 28 ||

etā bhaumyaḥ smṛtāścāryo niyuddhakaruṇāśrayāḥ |
ākāśikīnāṃ cārīṇāṃ saṃpravakṣyāmi lakṣaṇam || 29 ||


pādaṃ pañcatālān ityādi syanditāyāstu naivamiti śeṣaḥ | sthānasya 
sthitipradhānatā cāryāstu gatipradhānatetyapi viśeṣaḥ |

atha samotsaritamattalli - talasañcarajaṅghāsvastikenābhyantare yadānyasya tadeva 
ca dvitīyatalasañcaraṃ karoti tato ghūrṇamānayostayoḥ upasarpaṇamityanye | 
samaḥ avikalaḥ(a) avanaṃ rakṣaṇaṃ ut tadarthaṃ saritaḥ gatimān madanaṃ mat 
madaṃ tanotīti mattat tasya layo gamanaṃ yasyāmiti samotsaritamattalli | 
saritaśabdo ri gatau vinyasyate sahena samāse ca madanaṃ mutkṣipaḥ layanaṃ līḥ | 
sariśabdasya prātipadikāt tṛci vā saritaśabdaḥ | saṃ ā ut sarita-ityanye paṭhanti | 
madena yo na vikalībhūtaḥ rakṣārthaṃ cānyatāḥ palāyate tasya vai dvidhā 
gatiriti madhyamadaviṣayeyaṃ cārī sampadyate |

atha mattalī - pādābhyāmiti bhūmiśliṣṭāśeṣatālākhyāmiti 
jaṅghāsvastikayogenārdhatryaśribhāgābhyāṃ 
ghūrṇamānatvenāpasarpaṇādvā agāḍhamadaviṣayā mattallī |

niyuddhakaraṇāśrayā iti niyuddha'nādisiddha etāḥ karaṇāṅgahāreṣu ca tato 
nāṭye | smṛtā ityānenopavedasaṃbandhatvena vedo'tra pramāṇamiti darśitaṃ 
vīyogadikpradarśanaṃ cedaṃ mantavyam |


p. 102)

kuñcitaṃ pādamutkṣipya purataḥ saṃprasārayet |
utkṣipya pātayeccainamatikrāntā tu sā smṛtā || 30 ||

ūrubhyāṃ valanaṃ kṛtvā kuñcitaṃ pādamuddharet |
pārśve vinikṣipeccainamapakrāntā tu sā smṛtā || 31 ||

kuñcitaṃ pādamutkṣipya jānustanasamaṃ nyaset |
udghaṭṭitena pādena pārśvakrāntā vidhīyate || 32 ||

kuñcitaṃ pādamutkṣipya jānustanasamam nyaset |
dvitīyaṃ ca kramastabdhamūrdhvajānuḥ prakīrtitā || 33 ||


athātikrāntā - utkṣiptā yasya pārṣṇiriti (1-277) kuñcitaṃ 
taddvitīyagulphakṣetre kṛtvā kiṃcit purataḥ prasārya prakṛtibhedena 
catustālādyantaramutkṣipyāgreṇa bhūmau nipātyata iti 
gantavyātikramādatikrāntā |

athāpakrāntā - ūrū ca stanopalakṣitāṃ pūrvaṃ (baddhāṃ) kṛtvā tataḥ 
pādamuddhṛtya pārśve kṣipedityapakramaṇādapakrāntā |

atha pārśakrāntā - kuñcitaṃ pādaṃ svapārśvenopari nītvā bhūmau 
pārṣṇyā pātayediti pūrvaṃ kuñcanādbaladadevodghāṭitatvaṃ bhavati tasya hi 
lakṣaṇaṃ sthitvā pādatalāgreṇa pārṣṇīrbhūmau nipātyata iti (9-266) 
iyamevapārṣṇicaṇḍadhāteti prasiddhā | anye tu dvitīyorukṣetraṃ 
yāvadutkṣipyodghāṭitena pātayedityāhuḥ ||

athordhvajānuḥ - kramastabdhamiti yathā tasyotkṣepastathāsya stabdhatetyarthaḥ |


p. 103)

kuñcitaṃ pādamutkṣipya jā rdhvaṃ saṃprasārayet |
pātayeccāgrayogena sā sūcī parikīrtitā || 34 ||

pṛṣṭhato hyañcitaṃ kṛtvā pādamagratalena tu |
drutaṃ nipātayedbhūmau cārī nūpurapādikā || 35 ||

kuñcitaṃ pādamutkṣipya pārśvātpārśvantu dolayet |
pātayedañcitaṃ caiva dolapādā prakīrtitā || 36 ||

kuñcitaṃ pādamutkṣipya ākṣipya tvañcitaṃ nyaset |
jaṅghāsvastikasaṃyuktā cākṣiptā nāma sā smṛtā || 37 ||


atha sūcī - jānudhvaṃ jānuparyantāṃ jaṅghāṃ prasārayet yadi vā 
jānunorūrdhvamūruparyantāṃ jaṅghā sakalāṃ prasāryāgrayogenāpātayediti 
| sūcyākāratvāt sūcī ||

atha nūpurapādikā - pṛṣṭhata iti pārṣṇiryasya sthitā bhūmau ityañcitam (9-
275) kṛtvā taṃ pṛṣṭhataḥ sphikpārṣṇiśleṣaparyantaṃ nītvā 
svapārśve'gratalenāñcitaṃ jaṅghāṃ pātayediti | nūpurāṇāṃ jhaṇajjhaṇiti 
śabdajananāt svaritārthatvamanayā bhavati nūpurayojanaṃ ceti tathoktā |

atha ḍolapādā - utkṣipyeti dakṣiṇakṣetrāntaṃ svapārśvaṃ ninīya tato'pi 
svapārśvaṃ dolayediti dolākāreṇa nayet tataḥ svapārśve pārṣṇyā nipātayet |

athākṣiptā - ākṣipyeti | agratastritalotkṣepādarghamaṇḍalavat pārśvāntaraṃ 
nītvā svastikena pārṣṇyā bhuvi pātayet |


p. 104)

svastikasyāgrataḥ pādaḥ kuñcitaśca prasāritaḥ |
nipatedañcitāviddhamāviddhā nāma sā smṛtā || 38 ||

pādamāviddhāaveṣṭya samutplutya nipātayet |
parivṛtya dvitīyaṃ ca sodvṛttā cāryudāhṛtā || 39 ||

pṛṣṭhato valitaṃ pādaṃ śiroghṛṣṭaṃ prasārayet |
sarvato maṇḍalāviddhaṃ vidyudbhrāntā tu sā smṛtā || 40 ||

pṛṣṭhaprasāritaḥ pādo valito'bhyantarīkṛtaḥ |
pārṣṇiprapatitaścaiva hyalātā saṃprakīrtitā || 41 ||


athāviddhā - viśliṣṭajaṅghasyaiva svastikasya saṃbandhī kuñcitaḥ pādaḥ 
prasāritaḥ tata āviddhassan svapārśve dvitīyapārṣṇeḥ kṣetre pārṣṇyā pātitaḥ 
kāryaḥ |

athodvṛttā - āviddhamiti āviddhacārīsaṃbandhinaṃ kuñjitamityanena 
āviddhāśeṣabhūteyamiti darśayati | āveṣṭanaṃ dvitīyorukṣetragapārṣṇitvaṃ | 
tameva pādamutplutya bhramarakaṃ kṛtvā pātayet | tato dvitīyamityūrdhva 
vartamānatvādudvṛttā |

atha vidyudbhrāntā - pṛṣṭhata ūrumūlāditi kecit | upādhyāyastu pṛṣṭhataḥ 
pārśvāt paścadbhāge valitaṃ kṛtvā śiraḥsaṃśleṣāt taddvāreṇa sarvata 
ūrdhvādhaḥ pārśveṣu maṇḍalavadbhramitaṃ prasārayediti vidyudbhrāntā (iti) |

athālātā - pūrvaṃ paścādbhāge prasāritastato valanenābhyantarīkṛto 
dvitīyorudeśādabhimukhatalaṃ ca nītaḥ tataḥ svapārśvapārṣṇyā pātita iti 
alātacakrākṛtiralātā |


p. 105)

kuñcitaṃ pādamutkṣipya tryaśramūruṃ vivartayet |
kaṭījānuvivartācca bhujaṅgatrāsitā bhavet || 42 ||

atikrāntakramaṃ kṛtvā cotplutya vīpātayet |
jaṅghāñcitā parikṣiptā sā jñeyā hariṇaplutā || 43 ||

nūpuraṃ caraṇaṃ kṛtvā purataḥ saṃprasārayet |
kṣipramāviddhakaraṇaṃ daṇḍapādā tu sā smṛtā || 44 ||


atha bhujaṅgatrāsitā - dvitīyorumūlakṣetrāntaṃ kuñcitamutkṣipya 
kaṭijānunivartanena nitambasammukhapārṣṇitryaśramuruṃ vivartayet | 
svapārśvagajānukamuttanapādatalaṃ kuryāditi 
pādopāntabhujagabhayabhāvitagatisādṛśyādbhujaṅgatrāsitā |

atha hariṇaplutā-atikrāntacāryuktakuñcitaṃ pādamutkṣipyotplutya ca tameva 
pātayet tadanantaraṃ dvitīyā jaṅghā añcitapādā satī pṛṣṭhabhāge 
paścāddeśe kṣiptā kāryeti mṛgaplutitulyā sabdhi hodu ityādau 
vidūṣakāderdṛśyate |

atha daṇḍapādā - nūpurapādoktaṃ kuñcitaṃ pādaṃ dvitīyapārṣṇigaṃ 
kṛtvāgrataḥ prasārayet kathaṃ kṣipraṃ kṛtvā tathā āviddhakaraṇaṃ 
āviddhasvadehakṣetrasammukhīkṛtajānvagrāt kriyā yatra | ūrujānujaṅghasya 
stabdhatvena daṇḍākāratvāddaṇḍapādā |


p. 106)

atikrāntakramaṃ kṛtvā trikaṃ tu parivartayet |
dvitīyapādabhramaṇāttalena bhramarī smṛtā || 45 ||

ākāśikyaḥ smṛtā hyetā lalitāṅgakriyātmikāḥ |
dhanurvajrāsiśastrāṇāṃ prayoktavyā vimokṣaṇe || 46 ||

agragau pṛṣṭhagau vāpi hyanugau vāpi yogataḥ |
pādayostu dvijā hastau kartavyau nāṭyayoktṛbhiḥ || 47 ||


atha bhramarī - atikrāntacāryuktaṃ kuñcitaṃ pādamutkṣipya bhujaṅgatrāsitavat 
tryaśramūruṃ vivartya dvitīyapādatalabhramaṇe trikaṃ parivartayediti 
sarvaśarīraparivartanadvāreṇa nemibhramaṇādbhramarī |

itikartavyatāśeṣaṃ viniyogādikaṃ cāsāṃ darśayati - lalitāṅgakriyātmikā iti 
dhanurvajretyādi ca | atha kāyaśobhāṃ nirūpayan vyāpakaviniyogaṃ cārīṇāṃ 
darśayati - agragāvityādi | idaṃ tātparyaṃ - iha kadācidgateḥ prādhānyaṃ 
kadāciddhastavyāpārasya kadāciddvayoḥ ādye pakṣe pādavikṣepasyānugau 
tadanusāriṇau tatpaścādbhāvinau ca hastau dvitīye hastavyāpārasyānusāreṇa 
paścādbhāvena ca pādau tṛtīye dvayorapi | tulyakālatāviniyogapāratantryeṇa ca 
pravṛttiḥ | yoga aucityam | kāyaśobhāyojanāyeha cātrādhyāyāgre cāryaḥ 
prastutāḥ 


p. 107)

yataḥ pādastato hasto yato hastastatastrikam |
pādasya nirgamaṃ kṛtvā tathopāṅgāni yojayet || 48 ||

pādacāryāṃ yathā pādo dharaṇīmeva gacchati |
evaṃ hastaścaritvā tu kaṭīdeśaṃ samāśrayet || 49 ||

etāścāryo mayā proktā lalitāṅgakriyātmikāḥ |
sthānānyāsāṃ pravakṣyāmi sarvaśastravimokṣaṇe || 50 ||

vaiṣṇavaṃ samapādaṃ ca vaiśākhaṃ maṇḍalaṃ tathā |
pratyālīḍhaṃ tathālīḍhaṃ sthānānyetāni ṣaṇṇṛṇām || 51 ||


(10-73) iti tatprādhānyaṃ yadā bhavati tadā prayojāa kīdṛśī kāryeti 
spaṣṭayitumāha - yato hasta iti | tatheti tenaiva prakāreṇa upāṅgāni 
bhrunetrādīni | nanu pādasya kriyāyāṃ yadi hastasya gatikriyā tarhi tadviśrāntau 
hastasya ko vṛttānta ityāśaṅkyāha - pādacāryāmiti samāptāyāmiti śeṣaḥ | 
evakāro'pyasaṃbhāvanāṃ nirasyate | hasta iti | ardhacandro nṛtte nāṭye nṛtte tu 
pakṣapradyotau pakṣavañcitāvapi pādasya dharaṇīprāptau kīdṛk kāyasanniveśa 
ityāśayena sthānakānyabhidhitsuḥ pūrvopasamhārapūrvakaṃ pratijānīte - 
etāścārya iti | lalitatvamaṅgasya yata iyatībhirevemā uttānatve tāvāneva 
gatiprakāra iti yāvat | sthānāni bhāve karaṇe'dhikaraṇe vā vyutpattyā 
kāyasanniveśāśca yā ucyante | sarvaśastravimokṣaṇa iti sādhāraṇo viniyoga 
uktaḥ | āsāmapi cārīṇāṃ gatirūpatvaṃ gateśca pūrvaṃ paścādbhāvinī 
sthitiriti bhāvaḥ | nṛṇāmiti sthānakāni 


p. 108)

dvautālāvardhatālaśca pādayorantaraṃ bhavet |
tayossamutthitastvekastryaśraḥ pakṣasthito'paraḥ || 52 ||

kiṃcidañcitajaṅghaṃ ca sauṣṭhavāṅgapuraskṛtam |
vaiṣṇavaṃsthānametaddhi viṣṇuratrādhidaivatam || 53 ||

sthānenānena kartavyaḥ saṃlāpastu svabhāvajaḥ |
nānākāryāntaropetairnṛbhiruttamamadhyamaiḥ || 54 ||

cakrasya mokṣaṇe caiva dhāraṇe dhanuṣastathā |
dhairyodāttāṅgalīlāsu tathā krodhe prayojayet || 55 ||


tu nirūpayiṣyanta ityarthaḥ | pakṣasthita iti pārśvābhimukhāṅguliḥ | tryaśra iti 
kiṃcidagrābhimukhyamaspṛśat | añcitā kuṭilā jānunamanājjaḍyā yatra | 
sauṣṭhave yadaṅgam vakṣyate tena puraskṛtaṃ pūjitaṃ sauṣṭhava apradhāne vā 
aṅgapuraskṛtaṃ pradhānam | hi yasmāt viṣṇuratrādhidaivatam tasmādvaiṣṇavam 
| tena tasya tādṛśasya vā'strīpradhānasya sūtradhārādeḥ prayoge 
sthānakamidam | evamuttaratra mantavyam | etade-


p. 109)

idameva viparyastaṃ praṇayakrodha iṣyate |
upālambhakṛte caiva praṇayodvegayostathā || 56 ||

śaṅkāsūyogratācintāmatismṛtiṣu caiva hi |
dainye capalatāyāṃ ca garvābhīṣṭheṣu śaktiṣu || 57 ||

śṛṅgārādbhutabibhatsavīraprādhānyayojitam |)
samapāde samau pādau tālamātrāntarasthitau || 58 ||

svabhāvasauṣṭhavopetau brahmā cātrādhidaivatam |
anena kāryaṃ sthānena vipramaṅgaladhāraṇam || 59 ||

rūpaṇaṃ pakṣiṇāṃ caiva varaṃ kautukameva ca |
khasthānāṃ syandanasthānāṃ vimānasthāyināmapi || 60 ||

liṅgasthānāṃ vratasthānāṃ sthānametattu kārayet |
tālāstrayo'rdhatālaśca pādayorantaraṃ bhavet || 61 ||


vāha - sthānenāneneti svabhāvajaḥ anāveśitaḥ | (viprāṅgaleti) vipraiḥ 
kriyamāṇaṃ yanmaṅgalāśīrvacanādi tasya dhāraṇaṃ pratīpsan | 
khasthādīnāmidaṃ sthānakam | liṅgasthāḥ śaivādyāḥ vratasthā 
ūrdhvakāyādiprajñāṅgāḥ (?) | niṣaṇṇāvacalau viśrāntau tu (ūrū) yatra 
sūcyapekṣayā | kiyatyākāśadeśa ityāha - tālāstrayo'rdhatā-


p. 110)

tālāmstrīnardhatālāṃśca niṣaṇṇoruṃ prakalpayet |
tryaśrau pakṣasthitau caiva tatra pādau prayojayet || 62 ||

vaiśākhasthānametaddhi skandaścātrādhidaivatam |
sthānenānena kartavyamaśvānāṃ vāhanaṃ budhaiḥ || 63 ||

vyāyāmo nirgamaścaiva sthalapakṣinirūpaṇam |
śarāsanasamutkarṣe vyāyāmakṛtameva ca || 64 ||

recakeṣu ca kartavyamidameva prayoktṛbhiḥ |
aindre tu maṇḍale pādau catustālāntarasthitau || 65 ||

tryaśrau pakṣasthitau caiva kaṭijānū samau tathā |
dharvajrāṇi śastrāṇi maṇḍalena prayojayet || 66 ||

vāhanaṃ kuñjarāṇāṃ tu sthūlapakṣinirūpaṇam |


lāśceti sārdhatālatrayādadho nabhodeśa ityarthaḥ | viśākhaḥ skandaḥ | 
vyāpyāṅgānāmeva yuddhādau nirgamanāt teṣāmeva 
vegādānapārṣṇicodanākrameṇa | aindre tviti śeṣaṃ dyotayan 
sārdhatāladvayāntarnabhodeśaniṣaṇṇorutvamatrāpi sūcayanniti | 
maṇḍaleśvaraviṣayatvānmaṇḍalam | aśvānāṃ vāhane vaiśākhaṃ idaṃ tu 
hastināṃ tebhyassthūlānāmiti prakramāt (sthūlatamāt) pakṣiṇo'tra 
garuḍādayo mantavyāḥ | 


p. 111)

asyaiva dakṣiṇaṃ pādaṃ pañcatālān prasārya tu || 67 ||

ālīḍhaṃ sthānakaṃ kuryādrudraścāsyādhidaivatam |
anena kāryaṃ sthānena vīraraudrakṛtaṃ tu yat || 68 ||

uttarottarasaṃjalpo roṣāmarṣakṛtaśca yaḥ |
mallānāṃ caiva saṃpheṭaḥ śatrūṇāṃ ca nirūpaṇam || 69 ||

tathābhidravaṇaṃ caiva śastrāṇāṃ caiva mokṣaṇam |
kuñcitaṃ dakṣiṇaṃ kṛtvā vāmapādaṃ prasārya ca || 70 ||

ālīḍhaparivartastu pratyālīḍhamiti smṛtam |
ālīḍhasahit'm śastraṃ pratyālīḍhena mokṣayet || 71 ||

nānāśastravimokṣo hi kāryo'nena prayoktṛbhiḥ |
nyāyāścaivātra vijñeyāścatvāraḥ śastramokṣaṇe || 72 ||

bhārataḥ sātvataścaiva vārṣagaṇyo'tha kaiśikaḥ |


asyaiveti niṣaṇṇorutvaṃ tathā tryaśratvaṃ dvayoḥ sūcayati | āsamantāllīḍhā 
spṛṣṭā bhūmiryenetyālīḍham | saṃpheṭaḥ saṅgharṣaḥ |

ālīḍhaparivarta itīyadeva lakṣaṇaṃ pūrvamuktaṃ 
tvitikartavyatāspaṣṭakaraṇārtham | kuñcitamiti prasāraṇaviparītaṃ bhūya 
uttānākuñcito'tra pādaḥ | nanu prayoktṛbhiḥ śastravimokṣaḥ kārya ityuktam | 
tasya prayoktṛbhiḥ nyāyānāmityādi


p. 112)

bhārate tu kaṭicchedyaṃ pādacchedyaṃ tu sātvate || 73 ||

vakṣaso vārṣagaṇye tu śiraśchedyaṃ tu kaiśike |
ebhiḥ prayoktṛbhirnyāyairnānācārīsamutthitaiḥ || 74 ||

pravicārāḥ prayoktavyā nānāśastravimokṣaṇe |
nyāyāśritairaṅgahārairnyāyāccaiva samutthitaiḥ || 75 ||

yasmādyuddhāni vartante tasmānnyāyāḥ pravartitāḥ |
vāmahaste vinikṣipya kheṭakaṃ dakṣiṇena ca || 76 ||

śastramādāya hastena pravicāramathācaret |
prasārya ca karau samyak punarākṣipya caiva hi || 77 ||

kheṭakaṃ bhrāmayetpaścātpārśvātpārśamathāpi ca |
śiraḥ parigamaścāpi kāryaḥ śastreṇa yoktṛbhiḥ || 78 ||

kapolasyāntare vāpi śastrasyodaghaṭṭanaṃ tathā |


vyāyāmācceti nāmānusārādeṣāṃ vṛttivibhāge pariśeṣatā | ārabhaṭyā 
vārpagaṇyaḥ | kaṭicchedyaiti bhāve kṛtyaṃ | kaṭīsthānādiṣu parasya 
hantavyeṣvatikramena catvāraḥ | ebhiriti ebhirnyāyairupalakṣitāḥ 
śastramoksaṇaviṣayāḥ pravicārāḥ prakṛṣṭāḥ vicitrā gativiśeṣāḥ 
pariśrāntiśabdāścārīvyāyāmakhaṇḍamaṇḍalātmakāḥ kāryāḥ | 
nyāyaśabdasyārthaṃ darśayati nyāyenāṅgaucityena yānyaṅgodāhara-


p 113)

punaśca khaḍgahastena lalitodveṣṭitena ca || 79 ||

kheṭakena ca kartavyaḥ śiraḥ parigamo budhaiḥ |
evaṃ vicāraḥ kartavyo bhārate śastramokṣaṇe || 80 ||

sātvate ca pravakṣyāmi pravicāraṃ yathāvidhi |
sa evaṃ pravicārastu śastrakheṭakayoḥ smṛtaḥ || 81 ||

kevalaṃ pṛṣṭhataḥ śastraṃ kartavyaṃ khalu sātvate |
gatiśca vārsagaṇye'pi sātvatena krameṇa tu || 82 ||

śastrakheṭakayoścāpi bhramaṇaṃ saṃvidhīyate |
śiraḥparigamastadvacchastrasyeha bhavettathā || 83 ||

urasyudveṣṭanaṃ kāryaṃ śastrasyāṃse'thavā punaḥ |
bhārate pravicāro yaḥ kartavyassa tu kaiśike || 84 ||

vibhramayya tathā śastraṃ kevalaṃ mūrdhni pātayet |


ṇādi nyāyādeva ca paravandhanasvabhāvitāptirūpāt pravartitāni taiḥ yata 
etayoḥ kriyā ato nyāyākhyāḥ | athāpi cetyanantaraṃ cetyarthaḥ | pariveṣṭanena 
gamanaṃ nayanaṃ parigamaḥ | maṇibandhodveṣṭanena śastrasyodveṣṭanaṃ 
udvellitenetyudveṣṭitena | pṛṣṭhata iti kāyasya paścādbhāge | yuddhaprasaṅgena 
sarvaṃ prayojyamāpatatītyāśaṅkyāha -


p. 114)

pravicārāḥ prayoktavyā hyevamete'ṅgalīlayā || 85 ||

dhanurvajrāsiśastrāṇāṃ prayoktavyā vimokṣaṇe |
na bhedyaṃ nāpi ca cchedyaṃ na cāpi rudhirasrutiḥ || 86 ||

raṅge praharaṇe kāryo na cāpi vyaktaghātanam |
saṃjñāmātreṇa kartavyaṃ śastrāṇāṃ mokṣaṇaṃ budhaiḥ || 87 ||

athavābhinayopetaṃ kuryācchedyaṃ vidhānataḥ |
aṅgasauṣṭhavasampannairaṅgahārairvibhūṣitam || 88 ||

vyāyāmaṃ kārayetsamyaglayatālasamanvitam |
sauṣṭhave hi prayatnastu kāryo vyāyāmaedibhiḥ || 89 ||

sauṣṭhavaṃ lakṣaṇaṃ proktaṃ vartanākramayojitam |
śobhā sarvaiva nityaṃ hi sauṣṭhavaṃ samupāśritā || 90 ||

na hi sauṣṭhavahīnāṅga śobhate nāṭyanṛttayoḥ |


na bhedyamiti bhāve pratyayaḥ | saṃjñāmātreṇeti yathā paro jānāti yudhyete 
imāviti evaṃ tvamāvityādiviṣayaṃ nidhāya nāṭakādau saṃjñāmātreṇāpi 
tena nānucitamiti darśayati | athaveti vyavatsthitavikalpaḥ | aṅgasauṣṭhavaṃ 
yaduktaṃ tasya siddhaye parikaramāha vyāyāmamiti | 
vyāyamo'ṅgaśikṣābhyāmaṅgayogyakālameva 


p. 115)

acañcalamakubjaṃ ca sannagātraṃ tathaiva ca || 91 ||

nātyuccaṃ calapādaṃ ca sauṣṭhavāṅgaṃ prayojayet |
kaṭī karṇasamā yatra kūrparāṃsaśirastathā || 92 ||

samunnatamuraścaiva sauṣṭhavaṃ nāma tadbhavet |
atra nityaṃ prayatno hi vidheyo madhyamottamaiḥ || 93 ||

nāṭyaṃ nṛttaṃ ca sarvaṃ hi sauṣṭhave saṃpratiṣṭhitam |
kaṭīnābhicarau hastau vakṣaścaiva samunnatam || 94 ||

vaiṣṇavaṃ sthānamityaṅgaṃ caturaśramudāhṛtam |
parimārjanamādānaṃ sandhānaṃ mokṣaṇaṃ tathā || 95 ||

dhanuṣastu prayoktavyaṃ karaṇaṃ tu caturvidham |
pramārjanaṃ parāmarśa ādānaṃ grahaṇakriyā || 96 ||


evaṃ drutādeḥ cañcatpuṭādeścānusandheraṅgamātmīkṛtantālākhyaṃ 
paṭhyate | sannaṃ svaviśrāntipariṇataṃ gātraṃ yasya | kūrparāṃsaśira iti 
prāṇyaṅgatvādekavadbhāvaḥ | tatheti sāmyenetyarthaḥ | adhamānāmatra 
svātantryaṃ darśayati madhyamottamairiti | sauṣṭhavaṃ yadarthaṃ 
tatsarvasāmānyabhūtaṃ cāturaśryamāha - kaṭinābhicarāviti krameṇa 
yaugapadyena ca | khaḍgayuddhe yathānyāyāstathā dhanuryuddhe'pi karmāṇi 
santīti darśayati | pramārjanamiti prathamaṃ dhanuṣo mārjanaṃ tato'pi vāṇena 
grahastato'pi śarasya sandhānaṃ tato mokṣaḥ | vyāyāme prastute tadupayogi 
sauṣṭhavaṃ tatprasaṅgāgataṃ ca dhanuḥ -


p. 116)

saṃdhānaṃ śaravinyāso vikṣepo mokṣaṇaṃ bhavet |
tailābhyaktena gātreṇa yavāgūmṛditena ca || 97 ||

vyāyāmaṃ kārayeddhīmān bhittāvākāśike tathā |
yogyāyāṃ mātṛkā bhittistasmādbhittiṃ samāśrayet || 98 ||

bhittau prasāritāṅgaṃtu vyāyāmaṃ kārayennaram |
balārthaṃ ca niṣeveta nasyaṃ vastividhiṃ tathā || 99 ||

snigdhānyannāni ca tathā rasakaṃ pānakaṃ tathā |
āhārādhiṣṭhitāḥ prāṇāḥ prāṇe yogyāḥ pratiṣṭhitāḥ ||

tasmādyogā prasiddhyarthamāhāre yatnavān bhavet |
aśuddhakāyaṃ praklāntamatīva kṣutpipāsitam || 101 ||


karmābhidhāya prayogameva vyāyāmamāha - tailābhyakteneti | tailamatra 
tilatailam | yavāgūryavānnam | yogāya vidyāviśeṣasaṃbandhāya prabhavatīti 
yogyā guṇanikā | tasya vastividhiśca tailaghṛtādibhiḥ yathādeśakālaprakṛtīti 
mantavyamāyurvedāt | rasakamiti māṃsarasaṃ seveteti saṃbandhaḥ | pānakāni 
ca snigdhānīti saṃbandhaḥ | yogyā vā kimanenetyāśaṅkyāha - 
āhārādhiṣṭhitā iti | aśuddhakāyamityanena vamanavirecanaviśuddhagātrasya 
vyāyāme'dhikāra iti darśayati | aśuddhagātratvaṃ 


p. 117)

atipītaṃ tathā bhuktaṃ vyāyāmaṃ naiva kārayet |
acalairmadhurairgātraiścaturaśreṇa vakṣasā || 102 ||

vyāyāmaṃ kārayeddhīmānnaramaṅgakriyārthinam |
evaṃ vyāyāmasaṃyoge kāryaścārīkṛto vidhiḥ || 103 ||

ata ūrdhvaṃ pravakṣyāmi maṇḍalānāṃ vikalpanam ||

iti bhāratīye nāṭyaśāstre cārīvidhāno nāma daśamo'dhyāyaḥ ||


cājīrṇayoge'pi | praklāntamiti madhvaśramādinā | acaleriti yatra yatra kriyāyāṃ 
yojyate tatra tatraiva prāptapariṇatibhirityarthaḥ | madhurairiti lalitaiḥ | aṅgakriyā 
aṅgasiddhiḥ | evamityupasaṃharannadhyāyāntaramāsūtrayati | (vikalpanaṃ) 
vicitratayā kalayante yena prakāreṇa taṃ vakṣyāmīti 
sūtrayannaṅgānusārāyātacārīparamparātmanāṃ 
maṇḍalātmanāmasaṅkhyeyatvaṃ 
sūtrayannudāharaṇamātrārthamadhyāyāntaramiti nirūpayatīti śivam |

itthaṃ daśamamadhyāyaṃ vyācaṣṭe ca samāsataḥ |
śivasmṛtikṛtārtho'pi parārthaṃ duḥkhalātmajaḥ ||

iti śrīmahāmāheśvarābhinavaguptācāryaviracitāyāṃ 
nāṭyavedavivṛtāvabhinavabhāratyāṃ cārīvikalpo nāma daśamo'dhyāyaḥ ||

|| śrīḥ ||
śrīḥ

nāṭyaśāstram

ekādaśo'dhyāyaḥ

etāścāryo mayā proktā yathāvaccharatramokṣaṇe |
cārīsaṃyogajānīha maṇḍalāni nibodhata || 1 ||

atikrāntaṃ vicitraṃ ca tathā lalitasaṃcaram |
sūcīviddhaṃ daṇḍapādaṃ vihṛtālātake tathā || 2 ||

vāmaviddhaṃ salalitaṃ krāntaṃ cākāśagāni tu |
maṇḍalāni dvijaśreṣṭhā bhūmigāni nibodhata ||) 3 ||

bhramarārakandite syātāmāvartaṃ ca tataḥ param |
samotsaritamapyāhureḍakākrīḍitaṃ tathā || 4 ||


gatimaṇḍalavaicitryamāsūtrayati yā sadā |
tathā nediṣṭhanirmātrī śaktiṃ vande maheśituḥ ||

svalpe'pi pāṭhye na tyājyaḥ ko'pyadhyāyo mayā yataḥ |
vibhorviśvātmanaḥ stotraṃ mukhyamanyatprasaṅgataḥ ||

śastramokṣaṇe maṇḍalānīti saṃbandhaḥ | ihetyasminnadhyāye śrute 
śrutitaddiśānyānyapi nibodhaya eṣāmiyat sāmānyalakṣaṇaṃ 
cārīsaṃyogajānīti | ākā-


p. 119)

aḍḍitaṃ śakaṭākhyaṃ ca tathādyardhakameva ca |
piṣṭakuṭṭaṃ ca vijñeyaṃ tathā cāṣagataṃ punaḥ || 5 ||

etānyapi daśoktāni bhūmigānīha nāmataḥ |
ataḥparaṃ pravakṣyāmi lakṣaṇāni yathākramam || 6 ||

ādyaṃ pādaṃ ca janitaṃ kṛtvodvāhitamācaret |
alātaṃ vāmakaṃ caiva pārśvakrāntaṃ ca dakṣiṇam || 7 ||

sūcīvāmaṃ punaścaiva pārśvakrāntaṃ ca dakṣiṇam |
sūcīṃ vāmakramaṃ dadyādapakrāntaṃ ca dakṣiṇam ||) 8 ||

sūcīṃ vāmaṃ punaścaiva trikaṃ ca parivartayet |
tathā dakṣiṇamudvṛttamalātaṃ caiva vāmakam || 9 ||

paricchinnaṃ tu kartavyaṃ bāhyabhramarakeṇa hi |
vatikrāntaṃ punarvāsaṃ daṇḍapādaṃ ca dakṣiṇam || 10 ||

vijñeyametadvyāyāme tvatikrāntaṃ tu maṇḍalam |


śagatanāṃ yuddhaparikrameṣu prādhānyātpūrvamuddeśaḥ 
ākāśabhūcārīprācuryānmaṇḍaleṣu tathātvam | ādyamiti dakṣiṇam | 
udvāhitamiti lakṣaṇaikadeśena śakaṭāsyāṃ sūcayati | evamanyatra | trikantviti 
bhramarīmāha | bāhyabhramarakaṃ vāmapādena 


p. 120)

ādyaṃ tu janit'm kṛtvā tenaiva ca nikuṭṭanam || 11 ||

āspanditaṃ tu vāmena pārśvakrāntaṃ ca dakṣiṇam |
vāmaṃ sūcīpadaṃ dadyādapakrāntaṃ ca dakṣiṇam || 12 ||

bhurja trāsitaṃ vāmamatikrāntaṃ ca dakṣiṇam |
udvṛttaṃ dakṣiṇaṃ caiva hyalātaṃ caiva vāmakam || 13 ||

pārśvakrāntaṃ punaḥ savyaṃ sūcī vāmakramaṃ tathā |
vikṣepo dakṣi * *? syādapakrāntaśca vāmakaḥ || 14 ||

(bāhyabhramarakaṃ caiva vikṣepaṃ caiva yojayet |)
vijñeyametadvyāyāme vicitraṃ nāma maṇḍalam || 15 ||

krtvordhvajānu caraṇamādyaṃ sūcīṃ prayojayet |
apakrāntaḥ punarvāma ādyaḥ pārśvagato bhavet || 16 ||

vāmaṃ sūcīṃ punardadyattrikam ca parivartayet |
pārśvakrāntaṃ punaścādyamatikrāntaṃ ca vāmakam || 17 ||

sūcīmādyakramaṃ kṛtvā hyapakrāntaṃ ca vāmakam |
pārśvakrāntaṃ punaścādyamatikrāntaṃ ca vāmakam || 18 ||

p. 121)

paricchinnaṃ ca kartavyaṃ bāhyabhramarakeṇa ca |
eṣa cārīprayogastu kāryo lalitasañcare || 19 ||

sūcīṃ vāmapadaṃ dadyāttrikaṃ ca parivartayet |
pārśvakrāntaḥ punaścādyo vāmo'tikrānta eva ca || 20 ||

sūcīmādyaṃ punardadyādapakrāntaṃ ca vāmakam |
pārśvakrāntaṃ punaścādyaṃ sūcīviddhe tu maṇḍale || 21 ||

ādyastu janito bhūtvā sa ca daṇḍakramo bhavet |
vāmaṃ sūcīṃ pūnardadyāttrikaṃ ca parivartayet || 22 ||

udvṛtto dakṣiṇaśca syādalātaścaiva vāmakaḥ |
pārśvakrāntaḥ punaścādyo bhujaṅgatrāsitastathā || 23 ||

atikrāntaḥ punarvāmo daṇḍapādastu dakṣiṇaḥ |
vāmaḥ sūcītrikāvarto daṇḍapāde tu maṇḍale || 24 ||


āspanditamiti spanditāṃ cārīmāha tāmevānye askanditetyāhuḥ | daṇḍakrama 
iti daṇḍapādā cārī trikāvartādi ante paṭhitatvāt parisamāptisthānagatāmeva


p. 122)

ādyaṃ tu janit'm kṛtvā tenaiva ca nikuṭṭakam |
āskanditaṃ ca vāmena hydvattaṃ dakṣiṇena ca || 25 ||

alātaṃ vāmakam pādaṃ sūcīṃ dadyāttu dakṣiṇam |
pārśvakrāntaḥ punarvāma ākṣipto dakṣiṇastathā || 26 ||

samāvartya trikaṃ caiva daṇḍapādaṃ prasārayet |
sūcīṃ vāmapadaṃ dadyātttrikaṃ tu parivartayet || 27 ||

bhujaṅgatrāsitaścādyo vāmo'tikrānta eva ca |
eṣa cārīprayogastu vihṛte maṇḍale bhavet || 28 ||

sūcīmādyakramaṃ dadyādapakrāntaṃ ca vāmakam |
pārśvakrāntaḥ punaścādyo hyalātaścaiva vāmakaḥ || 29 ||

bhrāntvā cārībhiretābhiḥ paryāyeṇātha maṇḍalam |
ṣaṭsaṃkhyaṃ saptasaṃkhyaṃ vā lalitaiḥ pādavikramaiḥ || 30 ||


bhramarīmāśritya yanmaṇḍalaṃ daṇḍapādākhyaṃ tatreti saṃbandhaḥ | 
nikuṭṭakamityanena talasañcarapādo lakṣyate | udvṛttamūrūdvṛttādikāṃ 
cārīm | samāvartanaṃ samyagāvartanaṃ savyāpasavyabhramarakadvayena | 
etābhiścārībhiḥ paryāyeṇa ṣaṭkṛtvaḥ saptakṛtvo vā prayuktābhiḥ 
parimaṇḍale caturdikaṃ bhrāntvāntarālikaiḥ pādakṣepairidamidaṃ 


p. 123)

(ādyaṃ kuryādapakrāntamabhikrāntaṃ ca vāmakam)
apakrāntaḥ punaścādyo vāmo'tikrānta eva ca || 31 ||

pādabhramarakaśca syādalāte khalu maṇḍale |
sūcīmādyakramaṃ kṛtvā hyapakrāntaṃ ca vāmakam || 32 ||

ādyo danḍakramaścaiva sūcīkāryastu vāmakaḥ |
kāryastrikavivartaśca pārśvakrāntaśca dakṣiṇaḥ || 33 ||

ākṣiptaṃ vāmakaṃ kuryāddaṇḍapādaṃ tu dakṣiṇam |
ūrūdvṛttaṃ ca tenaiva kartavyaṃ dakṣiṇena tu || 34 ||

sūcīvāmakramaṃ kṛtvā trikaṃ ca parivartayet |
alātaśca bhavedvāmaḥ pārśvakrāntaśca dakṣiṇaḥ || 35 ||

atikrāntaḥ punarvāmo vāmaviddhe tu maṇḍale |
sūcīmādyakramaṃ dadyādapakrāntaṃ ca vāmakam || 36 ||

pārśvakrāntaḥ punaścādyo bhuja trāsitaḥ sa ca |
atikrāntaḥ punarvāma ākṣipto dakṣiṇastathā || 37 ||

atikrāntaḥ punarvāma ūrudvṛttastathaiva ca |

p. 124)

alātaśca punarvāmaḥ pārśvakrāntaśca dakṣiṇaḥ || 38 ||

sūcīvāmaṃ punardadyādapakrāntaśca dakṣiṇaḥ |
atikrāntaḥ punarvāmaḥ kāryo lalitasaṃcaraḥ || 39 ||

eṣa pādapracārastu lalite maṇḍale bhavet |
sūcīmā kramaṃ kṛtvā hyapakrāntaṃ ca vāmakam || 40 ||

pārśvakrāntaṃ punaścādyaṃ vāmaṃ pārśva maṃ tathā |
bhrāntvā cārībhiretābhiḥ paryāyeṇātha maṇḍalam || 41 ||

vāmaṃ sūcīṃ tato dadyādaprakrāntaṃ ca dakṣiṇam |
svabhāvagamane hyetanmaṇḍalaṃ saṃvidhīyate || 42 ||

krāntametattu vijñeyaṃ nāmato nāṭyayoktṛbhiḥ |
etānyākāśagānīha jñeyānyevaṃ daśaiva tu || 43 ||

ataḥ paraṃ pravakṣyāmi bhaumānāmapi lakṣaṇam |
ādyastu janitaḥ kāryo vāmaścāspandito bhavet || 44 ||

śakaṭākhya punaścādyo vāmaścāpi prasāritaḥ |


kuryāditi saṅgatiḥ | saṃkhyāśabdenābhyāvṛttirlakṣyate | atikrāntasyaiva 
viśeṣaṇaṃ lalitaṃ sañcaratītyata eva maṇḍalasyedameva nāma | sa ceti | sa 
evetyarthaḥ |


p. 125)

ādyo bhramarakaḥ kāryastrikaṃ ca parivartayet || 45 ||

āspanditaḥ punarvāmaḥ śakaṭāsyaśca dakṣiṇaḥ |
vāmaḥ pṛṣṭhāpasarpī ca dadyādbhramarakaṃ tathā || 46 ||

sa evāspanditaḥ kāryastvetadbhramaramaṇḍalam |
ādyo bhramarakaḥ kāryo vāmaścaivāḍḍito bhavet || 47 ||

kāryastrikavivartaśca śakaṭāsyaśca dakṣiṇah |
ūrūdvṛttaḥ sa eva syādvāmaścaivāpasarpitaḥ || 48 ||

kāryastrikavivartaśca dakṣiṇaḥ spandito bhavet |
śakaṭākhyo bhavedvāmastadevāsphoṭanaṃ bhavet || 49 ||

etadāspanditaṃ nāma vyāyāme yuddhamaṇḍalam |
ādyantu janitaṃ kṛtvā vāmena tu nikuṭṭakam || 50 ||

śakaṭākhyaḥ punaścādya ūrūdvṛtta sa eva tu |
pṛṣṭhāpasarpī vāmaśca sa ca cāṣagatirbhavet || 51 ||

āspanditaḥ punaḥ savyaḥ śakaṭākhyaśca vāmakaḥ |
ādyo bhramarakaścaiva trikaṃ tu parivartayet || 52 ||

p. 126)

pṛṣṭhāpasarpī vāmaścetyāvarte maṇḍale bhavet |
kṛtvādau samapādaṃ tu sthānaṃ hastau prasārayet || 53 ||

nirantarārdhvatalāvāveṣṭyodveṣṭya caiva hi |
kaṭītaṭe vinikṣipya cādyamāvartayetkramāt || 54 ||

yathākramaṃ punarvāmamāvartena prasārayet |
cāryānayā ca bhrāntvā tu paryāyeṇātha maṇḍalam ||

samosaritametacca jñeyaṃ vyāyāmamaṇḍalam |
pādaistu tamasi yuktaiḥ sūcīviddhaistathaiva ca || 56 ||

elakākrīḍitaiścaiva cūrṇaistrikavivartanaiḥ |
sūcīviddhāpaviddhaiśca krameṇāvṛtya maṇḍalam || 57 ||

elakākrīḍitaṃ vidyātkhaṇḍamaṇḍalasaṃjñitam |
savyamudghaṭṭitaṃ kṛtvā tenaivāvartamācaret || 58 ||

tenaivāskanditaḥ kāryaḥ śakaṭākhyaśca vāmakaḥ |
ādyaḥ pṛṣṭhāpasarpī ca sa ca cāṣagatirbhavet || 59 ||

aḍḍitaśca punarvāma ādyaścaivāpasarpitaḥ |
vāmo bhramarakaḥ kārya ādya āskandito bhavet || 60 ||

p. 127)

tenaivāsphoṭanaṃ kuryādetadaḍḍitamaṇḍalam |
ādyaṃ tu janitaṃ kṛtvā tenaiva ca nikuṭṭakam || 61 ||

sa eva śakaṭākhyāśca vāmaścāskandito bhavet |
pādaiśca śakaṭākhyasthaiḥ paryāyeṇātha maṇḍalam || 62 ||

vijñeyaṃ śakaṭākhyaṃ tu vyāyāme yuddhamaṇḍalam |
ādyastu janito bhūtvā sa evāskandito bhavet || 63 ||

apasarpī punarvāmaḥ śakaṭākhyaśca dakṣiṇaḥ |
bhrāntvā cārībhiretābhiḥ paryāyeṇāthamaṇḍalam || 64 ||

adhyardhametadvijñeyaṃ niyuddhe cāpi maṇḍalam |
sūcīmādyakramaṃ kṛtvā hyapakrāntaṃ ca vāmakam || 65 ||

bhujaṅgatrāsitaścādya evameva ca vāmakaḥ |
bhujaṅgatrāsitairbhrāntvā pādairapi ca maṇḍalam || 66 ||

piṣṭakuṭṭaṃ ca vijñeyaṃ cārībhirmaṇḍalaṃ budhaiḥ |
sarvaiścāṣagataiḥ pādaiḥ parikramya ca maṇḍalam || 67 ||

etaccāṣagataṃ vidyāniyuddhe cāpi maṇḍalam |


āsphoṭanamiti pādatalena bhūmitāḍanaṃ yuddheṣvāsphālanamiti prasiddham | 
caśabdo'pyarthe | ataḥ paramapi maṇḍalāni yojayet | kathamityāhuḥ | samāḥ 


p. 128)

nānācārīsamutthāni maṇḍalāni samāsataḥ || 68 ||

uktānyataḥ paraṃ caiva samacārīṃ niyojayet |
samacārīprayogo yastatsamaṃ nāma maṇḍalam || 69 ||

ācāryabuddhyā tānīha kartavyāni prayoktṛbhiḥ |

etāni khaṇḍāni samaṇḍalāni
yuddhe niyuddhe ca parikrame ca |
līlāṅgamādhuryapuraskṛtāni
kāryāṇi vādyānugatāni tajjñaiḥ || 70 ||

iti śrībhāratīye nāṭyaśāstre maṇḍalavikalpanaṃ 
nāmaikādaśo'dhyāyaḥ |


paraspare yojanocitāścāryo yatra tatrohane'pyudāharaṇaṃ darśayati 
samacāraprayoga iti | samānāṃ bhaumatvenākāśīyatvena ca cārīṇāṃ prayogo 
yatra |

evamanayā diśā bahūni kalpayedityāha ācāryabuddhayopalabhyo bhāgaḥ 
prayogayogyo bhavatīti | khaṇḍānāṃ prādhānyamapi darśayati khaṇḍānīti | 
vādyenānugatānīti gatyā vādyānusāriṇyā (a 4-282) iti 
nṛttaviṣayaturyādhyāyāddhi vaiparītyena nāṭye gatau prādhānyamāheti śivam 
||

iti śrīmahāmāheśvarābhinavaguptācāryaviracitāyāṃ 
nāṭyavedavivṛtāvabhinavabhāratyāṃ maṇḍalādhyāya ekādaśaḥ samāptaḥ ||
śrīḥ

nāṭyaśāstram

dvādaśo'dhyāyaḥ

evaṃ vyāyāmasaṃyoge kāryaṃ maṇḍalakalpanam |
ataḥparaṃ pravakṣyāmi gatīstu prakṛtisthitā || 1 ||

tatropavahanaṃ kṛtvā bhāṇḍavādyapuraskṛtam |


śrutyantaviśrāntavidhiryā gatiḥ paramātmanaḥ |
tāṃ mahānandasandohatattvamūrtiṃ stumaḥ sadā ||

prakaraṇasaṃgataye prakṛtānupūrvakaṃ nirūpayiṣyamāṇaṃ pratijānīte 
evamiti | vyāyāmānāmanyonyasaṃmīlanayogyānāṃ cārīṇāṃ saṃhatyā 
yoge miśrībhāve sati maṇḍalānāṃ kalpanamanuktamapi kartuṃ śakyaṃ 
buddhyeti tata uparamyate | tatrāṅgikasya rasabhāvayorviniyogaśo (vibhāgaśo ?) 
viniyogasya kṛtatvādyadyapi tanmiśraṇe'pi pṛthagviniyogena vaktavyaṃ tathāpi 
śiṣyahitapratipanno munirdiśaṃ darśayituṃ śiraḥprabhṛtipādānte (yāni) 
aṅgasaṃdheyāni karmāṇyuktāni tanmelanabalena yo dehasaṃniveśo gatau vā 
sthitau prakārābhāvāttasya viniyogam prakaṭayiṣyan cārīmaṇḍalaprasaṃgasyā 
cittavṛttitvādgativiniyogameva pratijānīte | gatiśca prakṛtiṃ rasamavasthā deśaṃ 
kālaṃ cāpekṣya vaktavyā | pratipuruṣamabhidhānāt | tatra prakriyā 
pūrvamucyate tadetattuśabdena yāvacchabdaparyāyavācinā kramārthena 
kākākṣivadubhayato dhāvatā dyotitam | tatrāpraviṣṭasya kā gatiriti 
prayogopakramaṃ sūcayati tatropavahanamiti | yadaṅgānusārālāpa


p. 130)

yathāmārgarasopetaṃ prakṛtīnāṃ praveśane || 2 ||

dhruvāyāṃ saṃpravṛttāyāṃ paṭe caivāpakarṣite |
kāryaḥ praveśaḥ pātrāṇāṃ nānārtharasasaṃbhavaḥ || 3 ||


iti prasiddhaṃ tamālāpaṃ kṛtvā dhruvāyāṃ samyak pravṛttāyāṃ kathaṃ ? 
bhāṇḍavādyapuraskṛtatvādi rūpatrayayuktaṃ kṛtveti trīṇyapi 
kriyāviśeṣaṇāni | tantrībhāṇḍaṃ vādyamānaṃ puṣkaravādyam | mārgo 
deśaḥ rasaḥ sthāyicittavṛttiḥ vīpsāyāmavyayībhāvaḥ | yo yaḥ 
kaścidgṛhodyānanirdeśaḥ ratyādiścittavṛttiviśeṣaḥ tenopetaṃ kṛtvā yā 
dhruvā tathā uttamādiprakṛtīnāṃ yasyāveśanaṃ buddhau praveśo yatra tathā 
kṛtvā | etaduktaṃ bhavati - haṃsādyupamānamukhena prakṛtiviśeṣaḥ 
cittavṛttiviśeṣaḥ udyānādiviśeṣaścāvaśyaṃ dhruvāsūpanibandhanīyaḥ | 
evaṃ dhruvāyāṃ pravṛttāyāmevaṃ satyāṃ | paṭe'pakarṣite 
yāvanikāyāmapasāritāyāṃ tadā sāmājikānāṃ nepathyagṛhādayamāgata 
iti naṭī nivartyate | cakārāttatkāle punarupohanam | dhruvāpraveśo laye madhye 
valitayā - valaniketi kohalena prayogavalanādvyapadiṣṭaṃ - śuṣkākṣaragānaṃ 
kṛtvā praveśa eva tathā samucitasthānakadṛṣṭimukharāgādiyuktaḥ kartavyo 
yathā sāmājikānāṃ jhaḍityevānvitābhidhānanayena 
mukhyarasavyāptirudayate | pragītaṃ 
gīyamānagrāmarāgāgragataikagamakākarṇane 
samagragrāmatattvasaṃvedanavaśaḥ |

anye tu yathāmārgakalopetamiti paṭhanti | ubhayataḥ śeṣatvena vyācakṣate - 
mārgeṣu citrādiṣu yāḥ kalā dvimātrācatumātrāṣṭamātreti grāmepūcyante 
cāliptakādiṣu kalā vādyākṣarāṇīti | yadyapi pātrāṇāmadhruvā api praveśā


p. 131)

sthānaṃ tu vaiṣṇaṃ kṛtvā hyuttame madhyame tathā |
samunnataṃ samaṃ caiva caturaśramurastathā || 4 ||

bāhuśīrṣe prasanne ca nātyutkṣipte ca kārayet |
grīvāpradeśaḥ kartavyo mayūrāñcitamastakaḥ || 5 ||

karṇādaṣṭāṅgulasthe ca bāhuśīrṣe prayojayet |
urasaścāpi cibukaṃ caturaṅgulasaṃsthitam || 6 ||

hastau tathaiva kartavyau kaṭinābhitaṭasthitau |
dakṣiṇo nābhisaṃsthastu vāmaḥ kaṭitaṭe sthitaḥ || 7 ||

pādayorantaraṃ kāryaṃ dvautālāvardhameva ca |
pādotkṣepastu kartavyaḥ svapramāṇavinirmitaḥ || 8 ||


vakṣyante tathāpi saṃbhavamātrābhidhānametaduttamamadhyamayorvā 
prastāvādevamuktam | tayorhi tā dhruvāḥ praveśāste'pi vā cakāreṇa 
saṃgṛhītā eva | ekaḥ samo'nyaḥ pakṣaḥ | sthānamiti 
tryaśre'rdhadvikatālabhāgiti vaiṣṇavaṃ svapraveśa eva sanne acale prasanne 
nātyukṣipte adho vā adhogāmitvaṃ yatnena parihāryamiti ślokārthameva 
śikṣayituṃ sphuṭapāyamāha grīvāpradeśa ityādinā sārdhena ślokadvayena | 
svastha mayūravadañcitaṃ surūpaṃ śiro yatra | nābhisaṃstha iti 
cāturaśryaprastāvaḥ khaṭakāmukhaḥ vāma ityardhacandraḥ | na 
cedamupaviṣṭasthānakamapi tu gatyānantaryaucityāttu sthitasthānakameveti 
darśayitumāha pādayorantaramiti | dvautālāvardhaṃ ca pādayorantaramiti (11-52) 
yatsthānakalakṣaṇaṃ sūcitaṃ tadeva kāryaṃ nānyadupaveśanādityarthaḥ | tatra 
sthānakānantaraṃ gatimupakṣipati pādotkṣepa iti sa yuktastena 


p. 132)

catustālo dvitālaścāpyekatālastathaiva ca |
catustālastu devānāṃ pārthivānāṃ tathaiva ca || 9 ||

dvitālaścaiva madhyānāṃ tālaḥ strīnīcaliḍinām |
catuṣkalo'tha dvikalastathā hyekakalaḥ punaḥ || 10 ||

catuṣkalo hyuttamānāṃ madhyānāṃ dvikalo bhavet |
tathā caikakalaḥ pāto nīcānāṃ saṃprakīrtitaḥ || 11 ||


bhāvilakṣaṇena deśakālaparicchedena ca kartavyaḥ | svakaramānena ca tālaḥ 
pātrasyetyarthaḥ |

tatra deśaparicchedaṃ tāvadāha ekatāla iti | tālaḥ 
prasāritamadhyamāṅguṣṭhāntaraṃ tālaḥ smṛto madhyamayā iti | 
saṃkhyākrameṇābhidhāya 
sthāyisthānabhūtottamaprakṛtiviśrāntatvātprayogajātasya tadupakramaṃ 
viniyogamāha catustālastviti | tu śabdo'pyarthe kadācidanyathāpi bhāvāt | 
tathāśabdo rājñāṃ devasadṛśagatyasaṃbhavasaṃbhāvanāpasāraṇadyotakaḥ 
| strīṇāṃ nīcānāṃ sāhacaryādadhamānāmiti mantavyam | teṣāṃ hi 
liṅgitvādadhamatvaṃ kiṃcinna saṃbhāvayet | yathāśobhamiti 
nāṭyadharmīkāmamityarthaḥ |

deśaniyamamuktvā kālaniyamamapyautsargikaṃ tāvadāha catuṣkalo hīti | tathā 
ceti tenotkṣepeṇa yatpādasya patanaṃ taduttamānāṃ catasṛbhiḥ kalābhiḥ 
yasmāttadardhārdhakrameṇa madhyamādhamayoḥ paribhāṣita ityutsargatayeti 
bhāvaḥ |


p. 133)

sthitaṃ madhyaṃ drutaṃ caiva samavekṣye layaṃ budhaḥ |
yathāprakṛti nāṭyajño gatimevaṃ prayojayet || 12 ||


tatra gīticatuṣṭayaṃ māgadhyādi vakṣyate yattatrārdhamāgadhyadau krameṇa 
citrāditrayaviniyogāt | nimeṣāḥ pañca mātrā syāt iti 
kalāsāmānyalakṣaṇalabdha autsargikaḥ sarvatra dhruvakamārgo mantavyaḥ | 
viśeṣādabhidhāne tena dhruvakamānena catuṣkalaḥ pādapātaḥ tathā 
cottamaparigrahe dvipadī kohalenoktā -

syāduttamānāṃ dvipadī caturgurusamanvitā |
tatrotkṣepanipātābhyāṃ yasmātpādadvayaṃ bhavet || iti 

lakṣyaśca itthameva dhikḍidhiṃ iti dvipadībhāgena pādena pādapātaḥ | atra 
dhruvake catasraḥ kalā bhavanti dhigaḍadhiṅ ityasya hi kālaḥ kakhagaghaṅa nahi 
vyañjanakālaḥ svarakālātpṛthak tāni gurośca pracalatvaṃ 
khaḍatalacaḍastadvidbhistripuṭamevāvadhāryate (?) | tatra hi tāgaḍudhiṃ - 
ityevaṃrūpaṃ laghu kalā tasyāstisro mātrāścaturthe garvakṣare (dve) mātre iti 
ca mātrāḥ | sarvatra caivaṃ prakāraḥ samanantaragrahaṇe viśrāntyabhāvena 
duṣkar'h prayoga iti sthānaceṣṭāviśrāntiprakṛptaye madhyagatā 
virāmarūpaikā mātrā lakṣyaviddhiḥ prakalpitā tadvaśāduktā tādṛśāṃ 
caturbhirvā drutāḥ kalāyāṃ pratibhāsanta ityāstāṃ tāvat | iha citramārgeṇa 
catuṣkalapādapatanamiti nyāya (nāyaṃ?) 
lakṣyalakṣaṇaśobhāvāhyatvādapekṣyate ca |

atha layakālaniyamaśeṣamāha sthitamiti vilambitam | samavekṣyeti prakṛtyādi 
bhedavibhāgenetyāha tameva darśayati 
dhairyasthairyavilambitalayamadhyasaṃmataṃ saṃvedanaṃ 
yathārthamithyāgona(gauṇa?)gatadhairyagāmbhīryādikṛtaṃ mantavyam | 
(yathāprakṛtīti)


p. 134)

dhairyopapannā gatiruttamānāṃ
madhyā gatirmadhyamasaṃmatānām |
drutā gatiśca pracurādhamānāṃ
layatrayam sattvavaśena yojyam || 13 ||

eṣa eva tu vijñeyaḥ kalātālalaye vidhiḥ |
punargatipracārasya prayogaṃ śṛṇutānaghāḥ || 14 ||


na tu jātikālādikṛtaṃ vidūṣakasya dvijatve'pi 
avimalātkevalamuttamaghoṣaṇāyaiva racitaṃ jātyādi yojanīyam | 
uttamasyāpyanyathābhāve kathaṃciduttamaṃ sadapyavidyamānā iti pracureti 
lokaprasiddhamevedamuktamityarthaḥ | na kevalaṃ prakṛtito'vayavabhedo 
yāvaccittavṛttibhedenābhipretyāha sattvabalena ca layatrayaṃ yojyam | sattvaṃ 
cittavṛttiḥ tena saṃgrāmādāvuttamasyāpi drutaṃ śokādāvadhamasyāpi 
vilambitam | athaitadanusāriṇo gatyupayoginyāṃ dhruvāyāṃ vidhiriti darśayati 
eṣa eva tviti | atra gatyanusārī tālavidhiḥ anye tvanyathetyuktaṃ tāle | 
yastālalayaḥ kalāsahitaḥ sa kalātālalayaḥ iti madhyamapadalopī samāsaḥ | 
tenāyamarthaḥ - dhruvātāle'pi gatyanusāryeva kalāvidhirvilayavidhiśca | ata 
evaitadanusāreṇa bhaṭṭalollaṭagopālādibhirbhaṅgopabhaṅgavibhaṅgaviṣaye 
tāladīpikādau cirantanasaṃmato dhruvātālānāṃ viniyogaḥ prapañcato 
dūṣitaḥ | tattu dhruvādhyāye vicārayiṣyāma ityāstām |

evaṃ deśakālaniyamamuktaṃ prakṛte yojayati punargatipracārasyeti gatiṣu 
pracāro vaicitryaṃ prayogaṃ punaḥ śṛṇuteti saṃbandhaḥ | saṃghaṭanā 
hyanukteti bhāvaḥ | 


p. 135)

svabhāve tūttamagatau kāryaṃ jānu kaṭīsamam |
yuddhacārīprayogeṣu punaḥ stanasamaṃ nyaset || 15 ||

pārśvakrāntaiḥ salalitaiḥ pādairvādyānvitairatha |
raṅgakoṇonmukhaṃ gacchetsamyakpañcapadāni tu || 16 ||

vāmavedhaṃ tataḥ kuryādvikṣepaṃ dakṣiṇena ca |
parivṛtya dvitīyaṃ tu gacchetkoṇaṃ tataḥ param || 17 ||

tatrāpi vāmavedhastu vikṣepo dakṣiṇena ca |
tato bhāṇḍonmukho gacchettānyeva tu padāi ca || 18 ||

evaṃ gatāgatairgatvā padānāmekaviṃśatim |
vāmavedhaṃ tataḥ kuryādvikṣepaṃ dakṣiṇasya ca || 19 ||


svabhāve tviti | tunā viśeṣadyotakena manrtharagatau catustālatvamuktaṃ 
svabhāvagatau tu tritālatvaṃ dīptagatau tu pañcatālatvamapi kāryamiti darśayati | 
tāṃ gatipracāraghaṭanāmāha pārśvakrāntairityādi |

kuñcitaṃ pādamutkṣipya pārśvotthānotthitaṃ nyaset |
udghaṭṭitena pādena pārśvakrāntā (10-32)

iti pārśvakrāntā cārī | raṅgakoṇaṃ pūrvottaraṃ 
dvitīyakoṇamityuttarapaścimamevamiti | anyasminniti koṇadvaye'tidiśati | 
pūrvaraṅge caiṣā pañcapadī vyākhyātā (a 5-73) | vedhaḥ pārṣṇikṣetre 
sūcīpādanipātaḥ | vāmavedhamiti antarāviddhamukhaṃ (tat) prāptisiddhau 
koṇairgatvā brahmasthānasthānullaṃghyatāmāha | etacca 


p. 136)

raṅge vikṛṣṭe bharatena kāryo gatāgataḥ pādagatipracāraḥ |
tryaśrastrikoṇe caturaśraraṅge gatipracaraścaturaśra eva ||

yaḥ samaiḥ sahito gacchettatra kāryo layāśrayaḥ |
catuṣkalo'tha dvikalastathaivaikakalaḥ punaḥ || 21 ||

atha madhyamanīcaistu gacchedyaḥ parivāritaḥ |
catuṣkalamathārdhaṃ ca tathā caikakalaṃ punaḥ || 22 ||

daityadānāyakṣāṇāṃ nṛpapannagarakṣasām |
catustālapramāṇena kartavyātha gatirbudhaiḥ || 23 ||

divaukasāṃ tu sarveṣāṃ madhyamā gatiriṣyate |
tatrāpi coddhatā ye tu teṣāṃ devaiḥ samā gatiḥ || 24 ||


pañcapadīgamanaṃ sarvatautsargikam | viśeṣamapyāha raṅge vikṛṣṭa iti | 
bharataśabdena upacāratastadvidyāyonisaṃbandhaḥ sūcyate | gatāgatairiti 
parimitāyāṃ diśi pañcapadī gatāgatena niyamaḥ ekataiva sthāne dvau 
pādavikṣepāiti mantavyam | vikṛṣṭāyāṃ ca bhūyo bhūyaḥ pañcapadī |

atraiva viṣaye vividhapramāṇā pātarīti taddvilayadvibhaṅgacaturbhaṅgādayaḥ 
prādhānyena | vyāmiśragaterapi viśeṣaṃ vyācikhyāsuḥ samagatimupasaṃharati 
yaḥ samairiti | tathaiveti sāmyenetyarthaḥ | miśragatimāha atheti | parivārita 
ityuttamatvena vivakṣita ityarthaḥ | tena devādi 
sādhvāśrīyamānamuttamaprakṛtāvapi (?)nāyaṃ vidhiranyasyaiva tatra 
prādhānyāt | tadottamapādapāte madhyamasyadau nīcāde(rekaḥ uttama)sya 
catvāraḥ | ataiva ca catustālādivibhāge niścayārthaṃ 
praśnamutthāpayitumupasaṃhāramuttamaviśeṣābhidhānasahitamāha 
daityadānavetyādi | sarveṣāmiti devadūtādīnām | uddhatā ye tviti 
mātaliprabhṛtayaḥ |


p. 137)

ṛṣaya ūcuḥ 

yadā manuṣyā rājānasteṣāṃ devagatiḥ katham |
atrocyate kathaṃ naiṣā gatī rājñāṃ bhaviṣyati || 25 ||

atha divyāḥ prakṛtayo divyamānuṣya eva ca |
mānuṣya iti vijñeyā nāṭyavṛttikriyāṃ prati || 26 ||

devānāṃ prakṛtirdivyā rājñāṃ vai divyamānuṣī |
yā tvanyā lokaviditā mānuṣī sā prakīrtitā || 27 ||

devāṃśajāstu rājāno vedādhyātmasu kīrtitāḥ |
evaṃ devānukaraṇe doṣo hyatra na vidyate || 28 ||

ayaṃ vidhistu kartavyaḥ svacchandagamanaṃ prati |
saṃbhramotpātaroṣeṣu pramāṇaṃ na vidhīyate || 29 ||

sarvāsāṃ prakṛtīnāṃ tu avasthāntarasaṃśrayā |
uttamādhamamadhyānāṃ gatiḥ kāryā prayoktṛbhiḥ || 30 ||


devāṃśajā iti lokapālāṃśavinirmāṇā rājānaḥ | vedeṣu 
tathādhyātmaśāstreṣu vedānteṣu yeṣāmanena prādhānyamuktam | 
(anukaraṇaṃ) devādīnāṃ varṇanāt uktaṃ ca virājaviddharājaguhyamiti (?) 
devānukaraṇe nālpatvamityarthaḥ | ayamiti catuṣkala ityādiḥ | svacchandagamanaṃ 
svasthā gatiḥ | saṃbhrama āvegaḥ utpāto'tronmādādiḥ | (ukta) pramāṇamiti 
uktarūpamityarthaḥ | etadevāsya dūṣayati caturardhaṃ dve uttamasya ekā 
madhyamasya ardha nīcasya avasthāntaravalāt sarvāsāṃ


p. 138)

caturardhakalaṃ vā syāttadardhakalameva ca |
avasthāntarāasādya kuryādgativiceṣṭitam || 31 ||

jyeṣṭhe catuṣkalaṃ yatra madhyame dvikalaṃ bhavet |
dvikalā cottame yatra madhye tvekakalā bhavet || 32 ||

kalikaṃ madhyame yatra nīceṣvardhakalaṃ bhavet |
evamardhārdhahīnaṃ tu jaḍānāṃ saṃprayojayet || 33 ||

jvarārte ca kṣudhārte ca tapaḥśrānte bhayānvite |
vismaye cāvahitthe ca tathautsukyasamanvite || 34 ||

śṛṅgāre caiva śoke ca svacchandagamane tathā |
gatiḥ sthitalayā kāryādhikalāntarapātitā || 35 ||


(prakṛtīnāṃ gatiriti kalālayatālāśritā) | sarvapataditi tu yuktam | 
(nīceṣvardhakalaṃ bhavediti) anena kalāturyabhāgo bharatamuninā sūcito'yaṃ 
lakṣaṇavido vṛttākāraṃ drutamāhuḥ yadyathā pañcamāṃśa uktanītyā 
śvāsādiviśrāntipūrvaka iti cuturdhā sa eva druto yuktaḥ | 
catuṣkalādapyādhivayamastīti darśayati | jvarārta ityādi | bhayena yo'nvito 
jātorustambhaḥ anyathā hyasya tvaritatarā gatirvakṣyate | vismaya iti tatkṛtastambha 
ityarthaḥ | avahittha iti kṛtakadhairyāṇāṃ kṛtakaṃ hi naḥ suśliṣṭaṃ kartu 
pāryata iti | tatrādhikyameva bhavati tata eva hi kuśalāḥ kṛtakatāṃ viduḥ | 
atyādaravadautyukyena samyaganvito ya eva | śṛṅgārabhedastatraiva vipralambha iti 
yāvat | svacchandagamana iti kāryeṇa vinā krīḍācaṅkramaṇe | adhikale 
ityadhiśabdo'dhikārthaḥ | adhikalāmiti kecit | ādhikyaṃ prakarṣeṇa 
catuḥsvarūpeṇa saṃkhyā caitat plutasya virāmasya ca svarū-


p. 139)

punaścintānvite caiva gatiḥ kāryā catuṣkalā |
asvasthakāmite caiva bhaye vitrāsite tathā || 36 ||

āvege caiva harṣe ca kārye yacca tvarānvitam |
aniṣṭaśravaṇe caiva kṣepe cādbhutadarśane || 37 ||

api cātyayike kārye duḥkhite śatrumārgaṇe |
aparāddhānusaraṇe śvāpadānugatau tathā || 38 ||


pādhikye tālabodhaḥ saṃkhyādhikyena ṣaḍaṣṭakalādervikṛṣṭamadhikṛtaṃ 
kalāntaraṃ parimāṇaṃ yathā tathābhūtaḥ pādapāto yasyām | ata 
evaitadāpānaprasaṅgavicāraṇādvakṣyati -

ṣaṭkalantu na kartavyaṃ tathāṣṭakalayeva ca |
pādasya patanaṃ tajjñaiḥ khedanaṃ tadbhavet striyāh || (12-172) iti |

caturardhaikakalamiti vacasā saptakasya ca niṣedhena ca 
trikalapañcakalādīnāmabhāvaṃ sūcayati | viṣamāṇāṃ 
saparimāṇotkṣepaṇanipātanāt yogāttālavidāṃ hi sāmyamupaniṣadbhūtaṃ 
taccātra sphuṭayati |

evameteṣu ṣaṭklādapyadhikaṃ mānaṃ tathā ca tapaḥśāntānāṃ parikrame 
yattūlla(sa)nākhyolayaḥ kohalādibhirukto yasyātivilambitaḥ kālāvadhau | evaṃ 
kalādhikyamabhidhāya nyūnatvamapyastītyāha asvasthakāmitamityādi | asvasthe 
pracchannakāmite hi tvarātiśayaḥ aniṣṭaṃ yadā vāndhavādeḥ śrutaṃ tadā 
tadantikaṃ drutagamanaṃ adbhutadarśanaviṣaye yadā kṣepaḥ prakṣiptatā 
puaretanna duṣyata iti | atyayo'tikramaṇaṃ śīghrasaṃpādanaṃ prayojanamasya | 
yannābhirucitamavaśyakartavyaṃ ca tattvarayā kriyate tvarayānvitaṃ sukāryaṃ 
abhirucitameveti viśeṣaḥ tvarānvita-


p. 140)

eteṣvevaṃ gatiṃ prājño vikalāṃ saṃprayojayet |
uttamānāṃ gatiryā tu na tāṃ madhyeṣu yojayet || 39 ||

yā gatirmadhyamānāṃ tu na tāṃ nīceṣu yojayet |


miti | iyatā yadyapi sarvaṃ labhyate tathāpi kavinaṭavyutpādanāya prapañcaḥ | 
aparādho'bhineyaḥ śatroranya eva yadvā yasyāparādhaḥ kṛto gurvādestataśca 
rupā gataḥ so'parāddhaḥ | eteṣviti evaṃprakāreṣvanyeṣu madādiṣvapītyarthaḥ | 
vikalāmiti vikalaḥ kalāparimāṇaṃ yasyāḥ kalā ardhakalā turyā sā yadyapi 
tatra nādaraṇīyaṃ tattribhāgaṣaḍbhāgādirapi tata bhavati | ata eva 
saṃbhramotpātaroṣeṣu caturardhakalamityanena paunaruktyaṃ 
tasyāviṣayatvādasya tu viṣamabhāgaviṣayatvāt | tathāhi mattagatau śekharakasya 
khaṇḍakaprayoge hi gahiduṃ dhi ityevaṃrūpe mātrā tṛtīye tṛtīyasya nāmāta 
dhaṃ dhag ityekaḥ pātaḥ tsuka iti dvitīyo dhi iti tṛtīyo nacaiṣāṃ sāmyam | etena 
ca kalānāṃ sāmyaṃ nyūnādhikatānirūpaṇena samaviṣamakalābhāga 
bhadgābhidhānena gurulaghudrutaplutānāṃ svikārāttadvaicitryam | iyamapi 
(bhaṅgopabhaṅgavibhaṅga)prakāraprastārasaṃgṛhītā lakṣyasiddhā 
bhaṅgalayavyavasthā pratipādyākṣaratadarthādirūpā ca 
dhārābandhādiviṣayāghātamārgaśabdena prasiddhā vyavasthā sphuṭameva 
darśitā | sābhūdevaṃ kālapramāṇa(kalāparimāṇa ?)niyamābhidhānaṃ 
gajasnānībhūtamityāha uttamānāṃ gatiryā tviti | turevārthe 
anyakramamenaivetyarthaḥ | etaduktaṃ bhavati - aniyamena nidarśitena niyamo 
viplutaḥ tathāpi kalādhikye ṣaṭkalātottamasya tatra madhyamasya catuṣkalatā 
adhamasya dvika-


p. 141)

gatiḥ śṛṅgāriṇī kāryā svasthakāmitasaṃbhavā || 40 ||

dūtīdarśanamārgastu praviśedraṅgamaṇḍalam |
sūcayā cāpyabhinayaṃ kuryādarthasamāśrayam || 41 ||

hṛdyairvastraistathā gandhairdhūpaiścūrṇaiśca bhūṣitaḥ |
nānāpuṣpasugandhābhirmālābhiḥ samalaṃkṛtaḥ || 42 ||

gacchetsalalitaiḥ pādairatikrāntasthitaistathā |
tathā sauṣṭhavasaṃyuktairlayatālavaśānugaiḥ || 43 ||

pādayoranugau cāpi hastau kāryau prayoktṛbhiḥ |
(utkṣipya hastaṃ pātena pādayośca viparyayāt ||) 44 ||


latā | yatra nyūnakalamuktaṃ tatrāpyuttamasya kalā madhyamasyārdhakalā 
adhamasya kalāturyabhāga iti kathaṃ viplavaḥ |

evaṃ prakṛtibhedena gatimabhidhāya rasaviṣayeṇa darśayituṃ prathamaṃ 
puruṣārthopayogirasaviṣayāṇi nirūpayan prādhānyācca śṛṅgāre tāvadāha 
gatiḥ śṛṅgāriṇītyādi | svasthakāmitamapracchannam | arthasamāśraye siddhe 
sūcāyāḥ punarvacana hṛdyasya padārthasya paryālocanaṃ sātiśayaṃ 
camatkārakārīti nirūpayituṃ tatra carvitacarvaṇavatpunaḥ punaḥ kaṃcidapi 
bhāgamatyajan sūcāṃ śṛṅgāre kuryāditi darśayati | yuddhavīrādau hi 
pradhānānusaṃdhānamevocitaṃ tanmadhyapatitānāṃ 
kāryāntarāṇāmaparyālocanīyatvāt paryālocane ācāryaṃ mātulān bhrātṝn 
svajanamityādyāpatteḥ ye'pi cāntaramārgā ityatratyān nṛtte sūcyān 
parihartumityarthasa-

p. 142)

pracchannakamite caiva gatiṃ bhūyo nibodhata |
visarjitajanaḥ srastastathā dūtīsahāyavān || 45 ||

nirvāṇadīpo nātyarthaṃ bhūṣaṇaiśca vibhūṣitaḥ |
velāsadṛśavastraiśca saha dūtyā śanaistathā || 46 ||

vrajetpracchannakāmastu pādainiḥśabdamandagaiḥ |
śabdaśaṅkyutsukaśca syādavalokanatatparaḥ || 47 ||

vepamānaśarīraśca śaṅkitaḥ praskhalanmuhuḥ |


māśrayamityasat | sāpi hi nirarthikā sūcaiva hi kathaṃ syāt | sūcāto'pi 
cānantaramasya prakṛtāṃ gatimāha | nṛttakanyādi śobhano gandhaḥ sugandhaḥ 
nānāpuṣpaiḥ sahāyānāmiti samāsāntābhāvaḥ | salalitaiḥ savilāsaiḥ | 
sauṣṭhaenāṅgacāturaśryeṇa yuktaiḥ layo vilambitaṃ tālaṃ caturaśrādi 
bhūyaḥ punaḥ sāmānyena yuktāpyuttamagatiḥ punarviśeṣatāṃ nirūpyata iti 
bhāvaḥ | pracchanaṃ kṛtvā kāmitaṃ yatra śṛṅgāre sāgarikādāviva 
vatsarājādeḥ tadanyo vā sītādāviva paulastyaprabhṛtestu vepamānadehaḥ | 
skhalannityādikalāturyāśānutsuka ityādinā kārye nirvāṇadīpaḥ 
śabdāśaṅkītyādinā khaṇḍitāṃ kalāṃ sūcayan miśraprayogaṃ gatimatrāha 
| athaivaṃvidhakāmiviṣayameva subhadrābhidhānaṃ dhruātālamāhuḥ 
kohalādyāḥ | tasya hi prastāro drutalaghumiśraḥ | velātulyavastrā iti tathā 
candrāloke sitavastrāvaguṇṭhito ghanasāraparāgapuñjamañjugātro 
muttamaprāyapracurābharaṇo vastrādyupalakṣaṇam | vipralambhe tu 
śṛṅgāriṇyeva karuṇavyāmiśrā gatirvyabhi-


p. 143)

rase raudre tu vakṣyāmi daityarakṣogaṇān prati || 48 ||

eka eva rasasteṣāṃ sthāyī raudro dvijottamāḥ |
nepathyaraudro vijñeyastvaṅgaraudrastathaiva ca || 49 ||

tathā svabhāvajaścaiva tridhā raudraḥ prakalpitaḥ |
rudhiraklinnadeho yo rudhirārdramukhastathā || 50 ||

tathā piśitahastaśca raudro nepathyajastu saḥ |
bahubāhurbahumukho nānāpraharaṇākulaḥ || 51 ||

sthūlakāyastathā prāṃśuraṅgaraudraḥ prakīrtitaḥ |
raktākṣaḥ piṅgakeśaśca asito vikṛtasvaraḥ || 52 ||

rūkṣo nirbhartsanaparo raudre so'tha svabhāvajaḥ |
catustālāntarotkṣiptaiḥ pādaistvantarapātitaiḥ || 53 ||


cārisaṃvādinyabhipretya pṛthaṅnoktā | evaṃ viṣayābhilāṣe prāṇe 
śṛṅgāre'bhidhāya tadrūpa eva rodre gatiṃ nirūpayati raudre rase tviti | 
daityādiprayuktaṃ yaduktaṃ tatkenāśayeneti śaṅkāśamanāyāha eka eveti | 
nanu kiṃ teṣāṃ krodhena vināpi raudratā omiti brūmaḥ | kathamiti cet 
rasādhyāyoktanyāyenānu rasayitumāha nepathyaraudra ityādi svabhāva ityantam | 
evameka eva rasasteṣāmiti kathitaṃ rasādhyāye caitatprapañcitam | 
catustālāntarotkṣiptairiti tālāntarapātitvaṃ dvitīyatālāntarālāpekṣayeti kecit | 
upāadhyāyāstu - tālaśabdenātra kālamānamuktaṃ na tu deśamānaṃ tena 
yāvatā kālenotkṣepastato nyūnena patanaṃ - iti | etadanu 


p. 144)

gatirevaṃ prakartavyā teṣāṃ ye cāpi tadvidhāḥ || 54 ||

ahṛdyā tu mahī yatra śmaśānaraṇakaśmalā |
gatiṃ tatra prayuñjīta bībhatsābhinayaṃ prati || 55 ||

kvacidāsannapatitairvikṛṣṭapatitaiḥ kvacit |
elakākrīḍitaiḥ pādairuparyuparipātitaiḥ || 56 ||

teṣāmevānugairhastairvībhatse gatirucyate |
atha vīre ca kartayā pādavikṣeipasaṃyutā || 57 ||


prakṛtisandhisaṃrambhatvaṃ cābhidadhatā viṣamagatitvameṣāmanujñānam | 
tathā ca kohalamukhāḥ kalātadarthadvayalakṣaṇena nartanakotphullakādinā 
raudrādau parikramamāhuḥ | tadvidhā iti bhīmasenādayaḥ manena 
yuddhavīre'pyeṣaiva gatiriti sūcayati |

atha raudraprāṇaugrayavivakṣāmadhye puruṣārthaprāṇāyātabībhatsāśrayāṃ 
gatimāha ahṛdyātviti | śmaśānarūpā yuddhapatitakabandhaprabhṛtiviracitā | ata 
eva raṇena kaśmalā jugupsitā | āsannapatitatvena kalārdhaturyāgatvādi 
vikṛṣṭapatitatvena kalāsādhakalādi sūcayati |

atha vīragatimāha atha vīre ceti | vistāreṇa kṣepa iti syanditāpasyanditorgahaṇam | 
tatra ca kalayārdhakalādi ca prayogaḥ | tata evollāsanikākhyaṃ 


p. 145)

drutapracārādhiṣṭhānā nānācārīsamākulā |
pārśvakrāntairdrutāviddhaiḥ sūcīviddhaistathaiva ca || 57 ||

kalākālagataiḥ pādairāvege yojayedgatim |
uttamānāmayaṃ prāyaḥ prokto gatiparikramaḥ || 58 ||

madhyānāmadhamānāṃ ca gatiṃ vakṣyāmyahaṃ punaḥ |
vismaye caiva harṣe ca vikṣiptapadavikramā || 59 ||

āsādya tu rasaṃ hāsyametaccānyaṃ ca yojayet |


tālamatrāhurlakṣyavidaḥ | drutena pracāreṇādhiṣṭhānaṃ gantavye deśe 
yasyāmiti | mallaghaṭītryaśrādi vikṛṣṭapatitatve kalāsārdhalaghudrutapracāraṃ 
sūcitamanena vīre raudre vā pravegasya sparśabhāvatvāt | tatra gatimāha 
kalākālagatairiti | pādairiti bahu vacanena trayaḥ pādapātā gṛhyante | tena kalayā 
kālena ca sannidhānāt tālagataivagatiriti laghupātanaṃ yeṣā atha vaiko 
laghupāto dvāvanyonyadrutapātau kalāmātraṃ ca virāmamityevam | 
utphullakaparikramaḥ sa cobhayorvīraraudrayoḥ kramaḥ | uttamānāmiti | nanu 
bībhatsasyaivottamaviṣayataivaṃ ? kenaitadupadiṣṭaṃ bhavataḥ ? | 
puruṣārthasādhano bībhatsaḥ uttameṣvevaitadabhihitarasaviṣayavyabhicāriyoge tu | 
madhyamānāṃ gatimāha vismaye ceti | cakārādāvegādau 
vyabhicāryantareṣvapi | vikṣiptaḥ itastato gato vyākulaprāyo laghudrutabahulaḥ 
parikramo yasya | tathā vismaya eva vyabhicārirūpe sthāyini adbhutarasarūpe 
madhyamānām | punarevamiti punargrahaṇāduttamānāmadbhute'pi 
svacchandagatireva pūrvokteti darśayati | kevalaṃ tatra vismayo vadana utpādyo 
mukharāge | etaśceti paraṃ hāsyaṃ smitādyatihastiaparyantaṃ yadotta mānāṃ 
svasthagatireva tadā madhyādhamānāntu apahasitātihasitayorvikṣiptagatitva-


p. 146)

punaśca karuṇe kāryā gatiḥ sthitapadairatha || 60 ||

bāṣpāmburuddhanayanaḥ sannagātrastathaiva ca |
utkṣiptapātitakarastathā sasvanarodanaḥ || 61 ||

gacchettathādhyardhikayā pratyagrāpriyasaṃśraye |
eṣā strīṇāṃ prayoktavyā nīcasattve tathaiva ca || 62 ||

uttamānāṃ tu kartavyā sadhairyā vāṣpasaṃgatā |
niḥśvāsairāyatotsṛṣṭaistathaivordhvanirīkṣitaiḥ || 63 ||

na tatra sauṣṭhavaṃ kāryaṃ na pramāṇaṃ tathāvidham |
madhyānāmapi sattvajñā gatiryojyā vidhānataḥ || 64 ||

uraḥpātahatotsāhaḥ śokavyāmūḍhacetanaḥ |


meva | anyacceti tāvadvidūṣakagatauvakṣyamāṇam evaṃ prasaṅgād 
drutahāsyayogyagatirabhihitā | karuṇe tūcyate punaśca karuṇa iti | uvarārte 
cetyādi ślokena yadyapistokagatiruktā tathāpi yadvakṣyata iti punaśśabdārthaḥ | 
sthitapadaiḥ vilambitaiḥ | āyataṃ dīrghaṃ kṛtvā utsṛṣṭaistyaktaiḥ | 
ūrdhvanirīkṣaṇaiḥdevopālambhasūcakaiḥ | na pramāṇaṃ tathāvidhamiti nātra 
sarvathā pramāṇābhāvaḥ api tvaniyantritameva pātātmakaṃ pramāṇam | ata 
evātra vilambitalayena laghutrayeṇa durtalayena guruplutamātreṇa ca virāmeṇa 
jambhaṭikākhyo layaḥ kohalena darśitaḥ | urasaḥ pāta ābhugnatvāt |


p. 147)

nātyutkṣiptaiḥ padairgacchediṣṭabandhunipātane || 65 ||

gāḍhaprahāre kāryā ca śithilāṅgabhujāśrayā |
vighūrṇitaśarīrā ca gatiścūrṇapadairatha || 66 ||

śītena cābhibhūtasya varṣeṇābhidrutasya ca |
gatiḥ prayoktṛbhiḥ kāryā strīnīcaprakṛtāvatha || 67 ||

piṇḍīkṛtya tu gātrāṇi teṣāṃ caiva prakampanam |
karau vakṣasi nikṣipya kubjībhūtastathaiva ca || 68 ||

dantoṣṭhasphuraṇaṃ caiva cibukasya prakampanam |
kāryaṃ śanaiśca kartavyaṃ śītābhinayane gatau || 69 ||

tathā bhayānake caiva gatiḥ kāryā vicakṣaṇaiḥ |
strīṇāṃ kāpuruṣāṇāṃ ca ye cānye sattvavarjitāḥ || 70 ||


karuṇaprasaṅgātprahāre gatimāha | cūrṇāni parimitotkṣiptāni adhikapatitāni 
pādāni tenādhyardhikāto'lyāntaraṃsyāt | karuṇe rase 
dāridryamabhibhavastvatra śītaḥ varṣabhavaḥ saṃbhāvyata iti | nāvagatimāha 
śītena ceti | athetyanena madhyamottamānāmanubhāvanyūnabhāvena 
śītādigatiṃ sūcayati | teṣāmiti piṇḍi kṛtānāṃ mātrāṇāṃ cakāreṇa 
kampanaṃ saṅkocanaṃ samuccīyate | evakāreṇa sauṣṭhava cāturaśryādi 
nirasyate | karāviti kaṭipātarūpāvityarthaḥ | gātrāṇi piṇḍīkṛtya karau vakṣasi ca 
kṛtvā yā gatiḥ loke tasyābhigamane yo'yaṃ śītābhinayastatra kartavyaḥ | 
prayoktṛbhirnaṭairgātrakampanaṃ kubujībhūto deha ityādi kāryamiti 
padasaṅgatiḥ | evaṃkaruṇe tatprasaṅgena cānyatrāpi gatimabhidhāya bhayānake 
kathayati yecānya iti | yeṣāmuttamatvaṃ kulādyaucityāt | atha sattvavihīnāḥ |


p. 148)

visphārite cale netre vidhutaṃ ca śirastathā |
bhayasaṃyjuktayā dṛṣṭyā pārśvayośca vilokitaiḥ || 71 ||

drutaiścūrṇapadeścaiva badhvā hastaṃ kapotakam |
praveṣitaśarīraśca śuṣkoṣṭhaḥ skhalitaṃ vrajet || 72 ||

eṣānusaraṇe kāryā tarjane trāsane tathā |
sattvaṃ ca vikṛtaṃ dṛṣṭvā śrutvā ca vikṛtaṃ ravam || 73 ||

eṣā strīṇāṃ prayoktavyā nṛṇāmākṣiptavikramā |
kvacidāsannapatitervikṛṣṭapatitaiḥ kvacit || 74 ||

elakākrīḍitaiḥ pādairuparyupari pātitaiḥ |
eṣāmevānugairhastairgatiṃ bhīteṣu yojayet || 75 ||

vaṇijāṃ sacivānāṃ ca gatiḥ kāryā sabhāvajā |


tadyathā - virāṭaputra uttaraḥ | drutairityanena dhārālayādiḥ kohaloktaḥ sūcitaḥ 
| anusaraṇa iti śatroḥ pṛṣṭhataḥ āgamanamityarthaḥ | nṛṇāṃ 
punarākṣiptavikramaṃ yattanopāhṛtaṃ madhyemadhye kṛtadhairya 
yasyāvityarthaḥ | tena madhye gurulaghupādapātā api | tadāha - 
kvacidāsannapatitairityādi |

atha śāntarasegatirvaktavyā | sacaprādhānyena tathā prayogasaundaryamāvahati 
ato'ntassaṃskārarūpatā yeṣāṃ vaṇikprabhṛtīnāmasti vīrapraśāntā vaṇija iti 
vacanādyatiprabhṛtayo'pi ca śāntarasapradhānāḥ ye nāṭakādau prasaṅgāḥ 
bhavanti teṣāmubhayeṣāmapi gatimāha vaṇijāmityādinā | sacivāḥ amātyāḥ | 
svabhāvaśabdena tatra tatrānāviṣṭameva rūpamāha | naiṣṭhikā-


p. 149)

(kṛtvā nābhitaṭe hastamuttānaṃ khaṭakāmukham || 76 ||

ādyaṃ cārālamuttānaṃ kuryātpārśvaṃ stanāntare |
na niṣaṇṇaṃ na ca stabdhaṃ na cāpi parivāhitam || 77 ||

kṛtvā gātraṃ tathā gacchettena caia krameṇa tu |)
atikrāntaiḥ padairviprā dvitālāntaragāmibhiḥ || 78 ||

yatīnāṃ śramaṇānāṃ ca ye cānye tapasi sthitāḥ |
teṣāṃ kāryā gatirye tu naiṣṭhikaṃ vratamāsthitāḥ || 79 ||

alolacakṣuśca bhavedyugamātranirīkṣaṇaḥ |
upasthitasmṛtiścaiva gātraṃ sarvaṃ vidhāya ca || 80 ||

acañcalamanāścaiva yathāvalliṅgamāśritaḥ |
vinītaveṣaśca bhavetkāṣāyavasanastathā || 81 ||

prathamaṃ samapādena sthitvā sthānena vai budhaḥ |
hastaṃ ca caturaṃ kṛtvā tathā caikaṃ prasārayet || 82 ||

prasannaṃ vadanaṃ kṛtvā prayogasya vaśānugam |
aniṣaṇṇena gātreṇa gatiṃ gacchedvyatikramāt || 83 ||


nāmiti brahmacaryādeva pravartitā ityarthaḥ | yugaṃ caturahastam | upasthitā 
jhaṭiti saṃskāraprabodhaprabhavā smṛtiryasya | śāntatvādeva hi hṛdayaṃ 
niyamyameṣāṃ vaṇigamātyayatiprabhṛtīnāṃ nirjane viṣayeti sandhivandhameva 
nityanirūpaṇaparaṃ yasya |


p. 150)

uttamānāṃ bhevedeṣā liṅgināṃ ye mahāvratāḥ |
ebhireva viparyastairguṇairanyeṣu yojayet || 84 ||

tathā vratānugāvasthā anyeṣāṃ liṅgināmapi |
vibhrāntā cāpyudāttā vā vibhrāntā nibhṛtāpi vā ||

śakaṭākhyasthitaiḥ pādairatikrāntaistathaiva ca |
kāryā pāśupatānāṃ ca gatiruddhatagāminī || 86 ||

andhakāre'tha yāne ca gatiḥ kāryā prayoktṛbhiḥ |
bhamau visarpitaiḥ pādairhastairmārgapradarśibhiḥ || 87 ||


liṅgaṃ japabhasmakaupīnādi | anyeṣviti nāmamātravṛttiṣu tatra tu viparyāso 
yathocitaṃ draṣṭavyaḥ | tadyathā lolaṃ cakṣuḥ manaśca liṅgaṃ punarjaṭādi 
bhavati evamanyadutprekṣyam | vratānugatvaṃ sphuṭayati bibhrāntā ceti | 
unmattādivrataṃ hi śruyate āgameṣu tattaducitairityevameva gatirityathaḥ | 
kramaṇā * *?kāntaṃ kṛtvā gatiḥ pāśupatānāṃ parameśvaravratadhāriṇāṃ 
gatirityudāttetyarthaḥ | yadi vā paramayogyavasthāyāṃ 
nākuladarśanapratipannānāmunmattavratamapyasti tadvipayamevodbhrāntatvaṃ 
gato | evaṃ rasāntarasadgatiruktā | yaccānyaiḥ raudrānantaraṃ 
śāntarasābhiprāyeṇa paṭhitaṃ |

rūpāditvanirāśaṃsaḥ paropāyavicintakaḥ |
catuṣkalairdvipātaiśca pādairbhrāntagatiṃ vrajot iti |

tadanarthameva etadgranthe punaruktamapuṣkalārthaṃ pustake kathaṃ dṛṣṭamiti 
svakalpitamevetyupekṣyam ||

evaṃ rasānusāreṇa gatimuktvā deśānusāreṇāpyāha | andhakāra iti andhatvena 
gamana iti | visarpitairapakṣepaṇaśūnyaiḥ | mārgapradarśibhiḥ mārgānveṣaṇa-


p. 151)

rathasthasyāpi kartavyā gatiścūrṇapadairatha |
samapādaṃ tathā sthānaṃ kṛtvā rathagatiṃ vrajet || 88 ||

dhanugṛhītvā caikena tathā caikena kūbaram |
sūtaścākhya bhevedevaṃ pratodapragrahākulaḥ || 89 ||

vāhanāni vicitrāṇi kartavyāni vibhāgaśaḥ |
drutaiścūrṇapadaiścaiva gantavyaṃ raṅgamaṇḍale || 90 ||

vimānasthasya kartavyā hyeṣaiva syandanī gatiḥ |
āroḍhumudvahedgātraṃ kiṃcitsyādunmukhasthitam || 91 ||

asyaiva vaiparītyena kuryāccāpyavarohaṇam |


parairityarthaḥ | kartavyā gatiriti cchedaḥ tadāha cūrṇapadaiḥ | samapādena 
sthānakena rathena gatiḥ yasmin deśe taṃ vrajet rathaviśiṣṭā vā gatiḥ 
sāmānyake akarmakarabhāsikā śāstra itivat | cūrṇapadairityanena 
khaṇḍadhārālayaṃ drutabahulaṃ gurvantaṃ kohaloktaṃ sūcayati | kūbaraṃ 
yugandhar'm pratodaḥ preṣaṇakaḥ pragraho valgā rathyāni vāhanāni tāni 
prakṛtivibhāgaucityena vicitrāṇi turagavalīvardakharoṣṭrakāni citrāṇi likhitāni 
asya sūtasyaiva kartavyāni taccitrapaṭaṃ sūtasyaiva haste varjayediti yāvat | 
cūrṇapādānāṃ layaviśeṣanirūpaṇāya punargrahaṇaṃ drutairiti | 
raṅgamaṇḍala ityanenedamāha - avatuto'sau rathyāmaṇḍala eva gatikriyāṃ 
karoti tathātra sarvaṃ taccitraṃ tadrathākṛti kartavyaṃ tattvanugatapadamātrameva 
yena ratho yātīti pratīyate | evaṃ sarvatra ata evāha vimāasthasyāpīti | 
divyasyākāśagāmino'pi puṣpakāderityarthaḥ | atha rathaprasaṅgāduddhṛtaṃ 
kriyāntaramapyāha āroḍhumiti | udvahedūrdhvaṃ prāpayet | vaiparītyena 
adhomukhatvena gātrādhonayanena 


p. 152)

adho'valokanaiścaiva maṇḍalāvartanena ca || 92 ||

ākāśagamane caiva kartavyā nāṭyayoktṛbhiḥ |
sthānena samapādena tathā cūrṇapadairapi || 93 ||

vyomnaścāvataredyastu tasyaitāṃ kārayedgatim |
ṛjvāyatonnatanataiḥ kuṭilāvartitairatha || 94 ||

bhraśyataśca tathākāśādapaviddhabhujā gatiḥ |
vikīrṇavasanā caiva tathā bhūgatalocanā || 95 ||

prāsādadrumaśaileṣu nadīnimnonnateṣu ca |
ārohaṇāvataraṇaṃ kāryamarthavaśāttathā || 96 ||

prāsādārohaṇaṃ kāryamatikrāntaiḥ padairatha |
udvāhya gātraṃ pādaṃ ca nyasetsopānapaṅktiṣu || 97 ||

tathāvataraṇaṃ caiva gātramasyaiva kārayet |
prāsāde yanmayā proktaḥ pratāraḥ kevalo bhavet || 98 ||


cetyarthaḥ | athākāśagatiṃ vimānaprasaṅgādāha - adho'valokaneneti | 
maṇḍalāvartaṃparivartulagatiritikecit | ākāśīyānāṃ cārīmaṇḍalānāṃ 
punaḥpunarāartaneneti tūpādhyāyāḥ | etāmiti vakṣyamāṇāṃ 
kārayennāṭyācāryo naṭaiḥ | ṛjubhiḥ saralalalitajaṅghaiḥ | ata 
evāyatairutkṣiptapātitaiḥ kuṭilayā gatyā āvartitaiḥ bhramitaiḥ | 
unnatanatairityanye paṭhanti utkṣepakāle unnatiaḥ pātanakāle tu natairiti 
vyācakṣate | bhraśyata ityabuddhipūrvakaṃ patata ityarthaḥ | apaviddhau 
tvaritaḍolākārapātau bhujau yasyām | arthavaśāditi sphuṭayati pratāra iti | 
taṭādavatīrya tataḥ śarīraṃ 


p. 153)

jalapramāṇāpekṣā tu jalamadhye gatirbhavet |
toye'lpe vasanotkarṣaḥ prājye pāṇivikarṣaṇaiḥ || 99 ||

kiṃcinnatāgrakāyā tu pratāre gatiriṣyate |
prasārya bāhumekaikaṃ muhurvārivikarṣaṇaiḥ || 100 ||

tiryakprasāritā caiva hriyamāṇā ca vāriṇā |
aśeṣāṅgākulā dhūtavadanā gatiriṣyate || 101 ||

nausthasyāpi prayoktavyā drutaiścūrṇapadairgatiḥ |
atikrāntena pādena dvitīyonañcitena ca || 102 ||

prāsādārohaṇe yattu tadevādriṣu kārayet |
kevalaṃ tacca vikṣepamaṅghriṣvaṅgaṃ bhavedatha || 103 ||

drume cārohaṇaṃ kāryamatikrāntaiḥ sthitaiḥ padaiḥ |


prayogena tārayet | pratāraṇamiti etatprakāraṃ vyācaṣṭe | jalapramāṇāpekṣā 
tviti | etatsphuṭayati toye'lpa iti | utkarṣaḥ ūrdhvaṃ nayanaṃ prājye bhūyasi jale 
yaḥ pracārastatra pāṇivicitrakarṣaṇena patākasarpaśīrṣakādinopalakṣitagatiriti 
saṃbandhaḥ | abuddhipūrvakantu jalena nīyamānasya gatimāha rpasāryeti | 
ekaikamiti paryāyeṇetyarthaḥ | aśeṣe'rṅga ākulatvaṃ yasyāṃ gatau tathā 
ādhṛtamucyate tiryak sakṛdudvāhitaṃ tulayāt asvatantratvāccaivaṃ bhavati | 
kaiścittu paryāyaśaḥ | pārśvatvamuktaṃ tadasat | parivāhitaṃ hyetat 
buddhipūrvake ca jalaprataraṇe tatsyāt natviha | jalaprasaṅgāt naugatimāha - 
nausthasyaiti | evaṃ prasaṅgānnaugatimuktvā prakṛtamevārohaṇamanusandhatte | 
prāsādārohaṇamiti | nanu vṛkṣaprāsādādi tatra kiṃ raṅgamaṇḍale 


p. 154)

sūcīviddhairapakrāntaiḥ pārśvakrāntaistathaiva ca || 104 ||

etadevāvataraṇaṃ saritsvapi niyojayet |
anenaiva vidhānena kartavyaṃ gaticeṣṭitam || 105 ||

saṃjñāmātreṇa kartavyānyetāni vidhipūrvakam |
kasmānmṛta iti prokte kiṃ martavyaṃ prayoktṛbhiḥ ||

aṅkuśagrahaṇānnāgaṃ khalīnagrahaṇāddhayam |
pragrahagrahaṇādyānamevamevāpareṣvapi || 107 ||

aśvayāne gatiḥ kāryā vaiśākhasthānakena tu |
tathā cūrṇapadaiścitrairuparyupari pātitaiḥ || 108 ||

pannagānāṃ gatiḥ kāryā pādaiḥ svastikasaṃyutaiḥ |
pārśvakrāntapadaṃ kṛtvā svastikaṃ recayediha || 109 ||


rathacitrapaṭādinyāyena darśanīyaṃ netyāha saṃjñāmātreṇeti | saṃjñā 
uktarūpārohaṇādyabhinayaḥ |

prasaṅgādanyatrāpyabhinayaṃ darśayati | aṅkuśagrahaṇādityādi | tena 
citrapaṭādiviyoge'pi rathagamanādyabhinayanaṃ na yuktam | saukaryāttu 
tatkaraṇamapi bhavatviti bhāvaḥ | svastikasaṃyutairityuktameva vibhajati 
pārśvakrāntamiti | evaṃ deśāpekṣayā gatiruktā | nāgādiprasaṅgāttu 
sarpagatirapi |


p. 155)

viṭasyāpi ca kartavyā gatirlalitavibhramā |
pādairākuñcitaiḥ kiṃcittālābhyantarapātitaiḥ || 110 ||

svasauṣṭhavasamāyuktau tathā hastau padānugau |
khaṭakāvardhamānau tu kṛtvā viṭagatiṃ vrajet || 111 ||

kañcukīyasya kartavyā vayo'vasthāviśeṣataḥ |
avṛddhasya prayogajño gatimevaṃ prayojayet || 112 ||

ardhatālotthitaiḥ pādairviṣkambhair-ṛjubhistathā |
samudvahannivāṅgāni paṅkalagna iva vrajet || 113 ||

aha vṛddhasya kartavyā gatiḥ kampitadehikā |
viṣkambhanakṛtaprāṇā mandotkṣiptapadakramā || 114 ||


athāvasthābhedena gatiṃ nirūpayan viṭāvasthāyāṃ tāvadāha viṭasyāpi ceti | 
svaṃ prakṛtyucitaṃ yatsauṣṭhavam | kañcukamiti tannepathyocitā vṛttiḥ 
tadicchatyātmana iti kyaci ca kañcukīyaḥ | vayo'vasthāviśeṣata iti yaduktaṃ 
tadvibhajatyevamiti vakṣyamāṇakrameṇa | viṣkambhaḥ sthairya tadyeṣāmiti 
matvarthīyo'kāraḥ | samudvahanniti yatnenākarṣan |

etadeva dṛṣṭāntena śikṣayati paṅkalagna iveti | ata eva 
khañjakahelāvilambitalaghumayasya kohaloktasya saṅgrahaḥ | viṣkaṃbhane 
yaṣṭyādike kṛtaṃ sama-


p. 156)

kṛśasyāpi hi kartavyā gatirmandaparikramā |
vyādhigraste jvarārte ca tapaḥśrānte kṣudhānvite || 115 ||

viṣkambhanakṛtaprāṇaḥ kṛśaḥ kṣāmodarastathā |
kṣāmasvarakapolaśca dīnanetrastathaiva ca || 116 ||

śanarirutkṣepaṇaṃ caiva kartavyaṃ hastapādayoḥ |
kampanaṃ caiva gātrāṇāṃ kleśanaṃ ca tathaiva hi || 117 ||

dūrādhvānaṃ gatasyāpi gatirmandaparikramā |
vikūṇanaṃ ca gātrasya jānunośca vimardanam || 118 ||

sthalasyāpi hi kartavyā gatirdehānukarṣiṇī |
samudvahanabhūyiṣṭhā mandotkṣiptapadakramā || 119 ||

viṣkambhagāmī ca bhavenniśvāsabahulastathā |
śramasvedābhibhūtaśca vrajeccūrṇapadaistathā || 120 ||

mattānāṃ tu gatiḥ kāryā made taruṇamadhyame |


nvitaṃ prāṇo valaṃ yena | vikūṇanaṃ saṅkocanaṃ vimardanamiti 
miśraparihārārtham | sthūlasyeti mahākāyasya śramakṛtsvedaḥ |


p. 157)

vāmadakṣiṇapādābhyāṃ ghūrṇamānā'pasarpaṇaiḥ || 121 ||

avakṛṣṭe made caiva hyanavasthitapādikā |
vighūrṇitaśarīrā ca karaiḥ praskhalitaistathā || 122 ||

unmattasyāpi kartavyā gatistvaniyatakramā |
bahucārīsamāyuktā lokānukaraṇāśrayā || 123 ||

rūkṣasphuṭitakeśaśca rajodhvastatanustathā |
animittaprakathano bahubhāṣī vikāravān || 124 ||

gāyatyakasmāddhasati saṅgecāpi na sajjate |
nṛtyatyapi ca saṃhṛṣṭo vādayatyapi vā punaḥ || 125 ||

kadāciddhāvati javātkadācidavatiṣṭhate |
kadācidupaviṣṭastu śayānaḥ syātkadācana || 126 ||

nānācīradharaścaiva rathyāsvaniyatālayaḥ |
unmatto bhavati hyevaṃ tasyaitāṃ kārayedgatim || 127 ||

sthitvā nūparapādena daṇḍapādaṃ prasārayet |
baddhāṃ cārīṃ tathā cevaṃ kṛtvā svastikameva ca || 128 ||

anena cārīyogena paribhrāmya tu maṇḍalam |
bāhyabhramarakaṃ caiva raṅgakoṇe prasārayet || 129 ||

p. 158)

trikaṃ suvalitaṃ kṛtvā latākhyaṃ hastameva ca |
viparyayagatairhastaiḥ padbhyāṃ saha gatirbhavet || 130 ||

trividhā tu gatiḥ kāryā khañjapaṅgukavāmanaiḥ |
vikalāṅgaprayogeṇa kuhakābhinayaṃ prati || 131 ||

ekaḥ khañjagatau nityaṃ stabdho vai caraṇo bhavet |
tathā dvitīyaḥ kāryastu pādo'gratalasaṃcaraḥ || 132 ||

stabdhenotthāpanaṃ kāryamaṅgasya caraṇena tu |
gamanena niṣaṇṇaḥ syādanyena caraṇe na tu || 133 ||

itareṇa niṣīdecca krameṇānena vai vrajet |
eṣā khañjagatiḥ kāryā talaśalyakṣateṣu ca || 134 ||

pādenāgratalasthena gatiḥ kāryāñcitena tu |
niṣaṇṇadehā paṅgostu natajaṅghā tathaiva ca || 135 ||


padbhyāṃ saha viparyayagatairiti pādaceṣṭā tathā karakarmaṇyanuvartanīyeti | 
kuhakāḥ adhamā liṅgina iti kecit | kuhakaśabdena hāsyarasa ityetat | tale pādatale 
śalyādikṣatamasya tasmin gatimāha pādenāgratalastheneti narkuṭaḥ |


p. 159)

sarvasaṃkucitāṅgā ca vāmane gatiriṣyate |
na tasya vikramaḥ kāryo vikṣepaścaraṇasya ca || 136 ||

sodvāhitā cūrṇapade sā kāryā kuhakātmikā |
vidūṣakasyāpi gatirhāsyatrayavibhūṣitā || 137 ||

aṅgakāvyakṛtaṃ hāsyaṃ hāsyaṃ nepathyajaṃ smṛtam |
danturaḥ khalatiḥ kubjaḥ khañjaśca vikṛtānanaḥ || 138 ||

yadīdṛśaḥ praveśaḥ syādaṅgahāsyaṃ tu tadbhavet |
yadā tu bakavadgacchedullokitavilokitaiḥ || 139 ||

atyāyatapadatvācca aṅgahāsyo bhavettu saḥ |
kāvyahāsyaṃ tu vijñeyamasaṃbaddhaprabhāṣaṇaiḥ || 140 ||

anarthakairvikāraiśca tathā cāślīlabhāṣaṇaiḥ |
cīracarmamaṣībhasmagairikādyaistu maṇḍitaḥ || 141 ||

yastādṛśo bhavedviprā hāsyo nepathyajastu saḥ |
tasmāttu prakṛtiṃ jñātvā bhāvaṃ kāryaṃ ca tattvataḥ || 142 ||

gatipracāraṃ vibhajennānāvasthāntarātmakam |


praveśa iti yadyasmādīdṛśaḥ praveśyamānaḥ pātraviśeṣaḥ raṅge bhavati 
tato'ṅgahāsyamiti | praveśapadena nāṭya eva raso na loka iti darśayati | 
asaṃbaddhaṃ nirarthamanucitaṃ ca tadvyācaṣṭe anarthakairaślīlaiśceti 
aśriyamaśobhāṃ rātīti rephasya latvam | tasmāditi triprakāraṃ hāsyamāśritya 
kvacidekaḥ prakāraḥ kvacit dvau 


p. 160)

svabhāvajāyāṃ vinyasya kuṭilaṃ vāmake kare || 143 ||

tathā dakṣiṇahaste ca kuryāccatuskaṃ punaḥ |
pārśvamekaṃ śiraścaiva hasto'tha caraṇastathā || 144 ||

paryāyaśaḥ saṃsamayellayatālavaśānugaḥ |
svabhāvajā tu tasyaiṣā gatiranyā vikārajā || 145 ||

alābhalābhādbhuktasya stabdhā tasya gatirbhavet |
kāryā caiva hi nīcānāṃ ceṭādīnāṃ parikramāt || 146 ||

adhamā iti ye khyātā nānāśīlāśca te punaḥ |
pārśvamekaṃ śiraścaiva karaḥ sacaraṇastathā || 127 ||

śakārasyāpi kartavyā gatiścañcaladehikā |


kvacitsarva ityanena krameṇa vidūṣakaḥ svāminaḥ prakṛtiṃ rājāmātyaśreṣṭhi 
prakṛtibhāvaṃ cittavṛttiṃ karaṇīyaṃ jñātvā vibhāgaḥ kāryaḥ | na ca rājani 
saṃnivṛtte'ślilabhāṣaṇaṃ samucitam | evaṃ sarvatrohyam |

gatyupayoginaṃ vṛttāntamasyābhidhāya gatimāha - svabhāvajāyāmiti | 
anāveśe sati vakavadgamanasyoktatvāt | layo vilambitaḥ tālaḥ plutalaghuguruprāya 
iha svīkṛtaḥ | anyā drutalayatvena plutakālamānādbāhulyena śokādiḥ 
svabhāvajā | garvātmako'pi vikāro bhavatītyāśayenāha alābhalābhāditi | 
alābhaḥ lābhapūrvakāllābhāt | bhuktaṃ vastrādyupalakṣayati | bhayādau tu 
parita evāsya 


p. 161)

gatau nameta ceṭānāṃ dṛṣṭiścārthavicāriṇī || 148 ||

vastrābharaṇasaṃsparśairmuhurmuhuravekṣitaiḥ |
gātrairvikāravikṣiptairlambavastrasrajā tathā || 149 ||

sagarvitā cūrṇapadā śakārasya gatirbhavet |
jātyā nīceṣu yoktavyā vilokanaparā gatiḥ || 150 ||


kramaḥ | (śakārasyāpīti) śakārabahulā yasya bhāṣā sa śakāraḥ | 
śakāropalakṣitaśakādijanapadavāsītyanye yadvakṣyate śakārābhīracaṇḍāla 
(adhyā 17-60) ityādi | hīnāśaya uttamapade'bhiropitaḥ śakāra ityanye | 
adhyahārasya śloka -

prākṛte'pi śakārasya vibhūtirna prasiddhaye |
tadibhūtirapabhraṃśe tāpasyeva prakāśitā (?) ||

mamāpi cātrārthe śloka -

labdhāpaśabdaghaṭanā vidhutaśca dharmaḥ
svārthapratītikalanāṃ prati kā kathaiva |
mūrdhanyatāṃ gamayatā bhavatā śakāraḥ
śaknoti yatra na vidhe hṛdi kiṃ nyadhāyi ||

tathā -

sakalajanatālabhyaḥ so'yaṃ śakāra iti sphuṭaṃ
viracayati yanmūrdhanyatvaṃ vibhurhatalakṣaṇā |
hatatanuriyaṃ loke jātāpaśabdaparamparā
paricayamayī vārtā kīrtiṃ nikṛtya nikartanī || iti 

pratijñācāṇakye tanmahākavinā bhīmena rājāpi vindhyaketuḥ śakāra iti 
bhūyasā vyavahṛtaḥ | vastrābharaṇasaṃsparśālokanagarvayogo'tra pakṣe 
kliṣṭa-


p. 162)

asaṃsparśācca lokasya svāṅgāni vinigūhya ca |
mlecchānāṃ jātayo yāstu pulindaśabarādayaḥ || 151 ||

teṣāṃ deśānurūpeṇa kāryaṃ gativiceṣṭitam |
pakṣiṇāṃ śvāpadānāṃ ca paśūnāṃ ca dvijottamāḥ || 152 ||

svasvajātisamutthena svabhāvena gatirbhavet |
siṃharkṣavānarāṇāṃ ca gatiḥ kāryā prayoktṛbhiḥ || 153 ||

yā kṛtā narasiṃhena viṣṇunā prabhaviṣṇunā |
ālīḍha sthānakaṃ kṛtvā gātraṃ tasyaiva cānugam || 154 ||

jānūpari karaṃ hyekamaparaṃ vakṣasi sthitam |
avalokya diśaḥ sarvāścibukaṃ bāhumastake || 155 ||

gantavyaṃ vikramairviprāḥ pañcatālāntarotthitaiḥ |
niyuddhasamaye caiva raṅgāvataraṇe tathā || 156 ||

siṃhādīnāṃ prayoktavyā gatireṣā prayoktṛbhiḥ |
śeṣāṇāmarthayogena gatiṃ sthānaṃ ca yojayet || 157 ||


taraḥ na cāryadeśajātiḥ śakāraḥ kaścitprasiddhaḥ mlecchajātīnāṃ pṛthageva 
nirvakṣyate mlecchānāṃ jatayo yāstu ityādinā tasmādihāyamīdṛśa eva 
śakāra iti yuktam |

prabhaviṣṇuneti vacanādidaṃ sūcayatyasāvavataraṇaprādhānyena ye 
ṛkṣavānarādayo jāmbavatsugrīvāṅgadahanūmatprāyāḥ teṣāmeveyaṃ gatiḥ | 
anyeṣāṃ tu svajātyānurūpyeṇaiva | tasyaivetyālīḍhasyānugataṃ gātaṃ 
vāmabhāgagamanamityarthaḥ |


p. 163)

vāhanārthaprayogeṣu raṅgāvataraṇeṣu ca |
evametāḥ prayoktavyā narāṇāṃ gatayo budhaiḥ || 158 ||

noktā yā yā mayā hyatra grāhyāstāstāśca lokataḥ |
ataḥ paraṃ pravakṣyāmi strīṇāṃ gativiceṣṭitam || 159 ||

strīṇāṃ sthānāni kāryāṇi gatiṣvābhāṣaṇeṣu ca |
āyataṃ cāvahitthaṃ ca aśvakrāntamathāpi ca || 160 ||

(sthānānyetāni nārīṇāmatha lakṣaṇamucyate) |
vāmaḥ svabhāvato yatra pādo viracitaḥ samaḥ || 161 ||

tālamātrāntare nyastastryaśraḥ pakṣasthito'paraḥ |
prasannamānanamuraḥ samaṃ yatra samunnatam || 162 ||

latānitambagau hastau sthāaṃ jñeyaṃ tadāyatam |
(dakṣiṇastu samaḥ pādastryaśraḥ pakṣasthito'paraḥ || 163 ||

vāmaḥ samunnatakaṭiścāyate sthānake bhavet |
āvāhane visarge ca tathā nirvarṇameṣu ca || 164 ||

cintāyāṃ cāvahitthe ca sthānametatprayojayet)
raṅgāvataraṇārambhaḥ puṣpāñjalivisarjanam || 165 ||

p. 164)

manmatherṣyodbhavaṃ kopaṃ tarjanyaṅgulimoṭanam |
niṣedhagarvagāmbhīryamaunaṃ mānāvalambanam || 166 ||

sthāne'smin saṃvidhātavyaṃ digantaranirūpaṇam |
(samo yatra sthito vāmastryaśraḥ pakṣasthito'paraḥ ||
samunnatakaṭirvāmastvavahitthaṃ tu tadbhavet) |
puro vicalitastryaśrastadanyo'pasṛtaḥ samaḥ || 168 ||

pādastālāntarayastastrikamīṣatsamunnatam |
pāṇirlatākhyo yatraikastadanyastu nitambagaḥ || 169 ||

avahitthaṃ samākhyātaṃ sthānamāgamabhūṣaṇaiḥ |
vilāsalīlābibboka śṛṅgārātmanirūpaṇe || 170 ||

sthānametatprayoktavyaṃ bhartṛmārgāvalokane |
strīṇāmetatsmṛtaṃ sthānaṃ saṃlāpe tu svabhāvaje || 171 ||

niścaye paritoṣe ca vitarke lajjite tathā) |
pādaḥ samasthitaścaika ekaścāgratalāñcitaḥ || 172 ||

sūcīviddhamaviddhaṃ vā tadaśvakrāntamucyate |
skhalita ghūrṇitaṃ caiva galitāmbaradhāraṇam || 173 ||

kusumastabakādānaṃ parirakṣaṇameva ca |
vitrāsanaṃ salalitaṃ taruśākhāvalambanam || 174 ||

p. 165)

sthāne'sminsaṃvidhānīyaṃ strīṇāmetatprayoktṛbhiḥ |
(śākhāvalambane kāryaṃ stabakagrahaṇe tathā || 175 ||

viśrāmeṣvatha nīcānāṃ narāṇāṃ cārthayogataḥ)
sthānakaṃ tāvadeva syādyāvacceṣṭā pravartate || 176 ||

bhagnaṃ ca sthānakaṃ nṛtte cārī cetsamupasthitā |
evaṃ sthānavidhiḥ kāryaḥ strīṇāṃ nṝṇāmathāpi ca || 177 ||

punaścāsāṃ pravakṣyāmi gatiṃ prakṛtisaṃsthitām |
kṛtvāvahitthaṃ sthānaṃ tu vāmaṃ cādhomukhaṃ bhujam ||

nābhipradeśe vinyasya savyaṃ ca khaṭakāmukham |
tataḥ salalitaṃ pādaṃ tālamātrasamutthitam || 179 ||

dakṣiṇaṃ vāmapādasya bāhyāpārśve vinikṣipet |
tenaiva samakālaṃ ca latākhyaṃ vāmakam bhujam ||

dakṣiṇaṃ vinametpārśaṃ nyasennābhitaṭe tataḥ |
nitambe dakṣiṇaṃ kṛtvā hastaṃ codveṣṭya vāmakam || 181 ||


skhīlatamiti padam | tathā viśeṣeṇa cyuta ityarthaḥ | 
prakṛtisaṃsthitāmityaviśeṣoktā prādhānyātprāthamyāt tadasti(?)gatirityucyate | 
kṛtvāvahitthamityādi | vāmaśceti | latākhyaṃ vāhyapārśve 
kaniṣṭhāṅgulideśe |


p. 166)

tato vāmapadaṃ dadyāllatāhastaṃ ca dakṣiṇam |
līlayodvāhitenātha śirasānugatena ca || 182 ||

kiṃcinnatena gātreṇa gacchetpañcapadīṃ tataḥ |
yo vidhiḥ puruṣāṇāṃ tu raṅgapīṭhaparikrame || 183 ||

sa eva pramadānāṃ vai kartavyo nāṭyayoktṛbhiḥ |
ṣaṭkalaṃ tu na kartavyaṃ tathāṣṭakalameva ca || 184 ||

pādasya patanaṃ tajjñaiḥ khedanaṃ tadbhavetstriyāḥ |
sayauvanānāṃ nārīṇāmevaṃ kāryā gatirbudhaiḥ || 185 ||

sthānīyā yāḥ striyastāsāṃ saṃpravakṣyāmyahaṃ gatim |
kṛtvāvahitthaṃ sthānaṃ tu vāmaṃ nyasya kaṭītaṭe || 186 ||

ādyaṃ cārālamuttānaṃ kuryānābhistanāntare |
na niṣaṇṇaṃ na ca stabdhaṃ na cāpi parivāhitam ||


yo vidhiriti vāpavedhaṃ tataḥ kuryāditi | atideśena cedaṃ darśayati yāvatī 
kācidrasaprakṛtideśakālāpekṣā nṝṇāṃ gatiruktā sā 
sarvaivoktavilāsarūpaprakārānuviddhā strīṇāmapi vivakṣitā | 
dikkalāparimāṇatvaṃ yatra śobhodāttaṃ tatra viśeṣamāha | etatprāgeva 
vyākhyātaṃ catuṣkalādabhyadhiko na strīṇāṃ mānavidhiriti | 
aṣṭakalagrahaṇaṃ tadapyadhikaṃ mānaṃ puruṣeṣvapi nāstīti sūcayati | anyathā 
ṣaṭkale niṣiddhe kāṣṭakalasya saṃgatistanniṣedhena | sthānīyā 
madhyamavayasaḥ ata eva madhyamākṛtitvamanūdyam | ādyaṃ dakṣiṇam | 
parivāhitamiti 


p. 167)

kṛtvā gātraṃ tato gacchettenaiveha krameṇa tu |
preṣyāṇāmapi kartavyā gatirudbhrāntagāminī || 188 ||

kiṃcidunnamitairgātrairāviddha bhujavikramā |
sthānaṃ kṛtvāvahitthaṃ ca vāmaṃ cādhomukhaṃ bhujam ||

nābhipradeśe vinyasya savyaṃ ca khaṭakāmukham |
ardhanārīgatiḥ kāryā strīpuṃsābhyāṃ vimiśritā ||

udāttalalitairgātraiḥ pādairlīlāsamanvitaiḥ |
yā pūrvamevābhihitā hyuttamānāṃ gatirmayā || 191 ||

strīṇāṃ kāpuruṣāṇāṃ ca tato'rdhārdhaṃ tu yojayet |
madhyamottamanīcānāṃ nṝṇāṃ yadgaticeṣṭitam || 192 ||

strīṇāṃ tadeva kartavyaṃ lalitaiḥ padavikramaiḥ |


savibhāgamadhamānāṃ gatimāha preṣyāṇāmityādi | udbhrāntagāminīti 
samadavikārā āviddho vartanābahulo bāhujānāṃ vikragasya nāryā ardhamiti 
napuṃsakalakṣaṇā tṛtīyaprakṛtirucyate samapravibhāgavivakṣayā 
cārdhanapuṃsakamiti samāsaḥ udāttatvaṃ puruṣāṇāṃ lālityaṃ yoṣitāṃ 
gatau | gatiriti catustālā catuṣkalā ca anuttamastrīṇāṃ dvitālā dvikaleti 
tato'pyardhā kāpuruṣāṇāṃ tatkarmakarāṇāmekatālā ekakalā ceti | 
kimuttamānāmeveyaṃ sthāne darśayati madhyamottamānāṃ nṛṇāṃ 
apuṃsāṃ yadgaticeṣṭitaṃ tadeva tadodāttamadhyamottamanīcānāṃ strīṇāṃ 
tathā tatkarmakarāṇāṃ kuryādityuttamagrahaṇam |


p. 168)

bālānāmapi kartavyā svacchandapadavikramā || 193 ||

na tasyāṃ sauṣṭhavaṃ kāryaṃ pramāṇaṃ na prayoktṛbhiḥ |
tṛtīyā prakṛtiḥ kāryā nāmnā caiva napuṃsakā || 194 ||

narasvabhāvamutsṛjya strīgatiṃ tatra yojayet)
viparyayaḥ prayoktavyaḥ puruṣastrīnapuṃsakaiḥ || 195 ||

svabhāvamātmanastyaktvā tadbhāvagamanādiha |
vyājena krīḍayā vāpi tathābhayaśca vañcanāt || 196 ||

strī puṃsaḥ prakṛtiṃ kuryāt strībhāvaṃ puruṣo'pi ca |
dhairyodāryeṇa sattvena buddhyā tadvacca karmaṇā || 197 ||

strī pumāṃsaṃ tvabhinayedveṣa vākyaviceṣṭitaiḥ |


sarvagrāhakaṃ darśayituṃ yatrottamādivibhāgo nodbhinnaḥ tatra gatimāha 
bālānāmapīti | tadbhāvagamanāditi | yadevaṃ rūpaṃ yo gṛhṇāti tadīyaiva 
tasya gatiḥ | viparyayaparigrahe ca viśiṣṭārtha kāraṇamāha vyājeneti | vyājaḥ 
kasyacitkāryasya sādhanāya yathā vidūpakasya saṃketasthāne 
ceṭikāvastradhāraṇam | krīḍāyathā iṣṭajanasyākṛtau nāyikānām | 
vañcanāditi yathā vidūṣakaṃ vañcayituṃ ceṭakasya strīveṣakaraṇam |

apiceti grahaṇāt strīpuṃsayornapuṃsakena saha tasya ca tābhyāṃ saha 
viparyayaṃ darśayati | atraiva viparyaye gativiparyayaprasaṅgena 
vyabhicāribhāvasāttvikopāṅgādyabhinayaviparyayamapyāha dhairyaudāryeṇeti 
| dhairyaudārye sāmānyābhinayokte | tābhyāṃ bhāvā upalakṣyante | buddhyeti 
sthāyitvam sattveneti sāttvikāḥ karmaṇeti sthānakādiviṣayaḥ vepeti 
āhāryaprakārāḥ vākyeti vācikagatasaṃskṛtādiprayogaḥ ceṣṭitairiti 
antarālasthāne tripatākādayaḥ |


p. 169)

strīveṣabhāṣitairyuktaḥ prekṣitāprekṣitaistathā || 198 ||

mṛdusannagatiścaiva pumānstrībhāvamācaret |
(jātihīnāśca yā nāryaḥ pulindaśabarā nāḥ || 199 ||

yāścāpi tāsāṃ kartavyā tajjātisadṛśī gatiḥ |
vratasthānāṃ tapaḥsthānāṃ liṅgasthānāṃ tathā punaḥ || 200 ||

khasthānāṃ caiva nārīṇāṃ samapādaṃ prayojayet |
uddhatā ye'ṅgahārāḥ syuryāścāryo maṇḍalāni vā || 201 ||

tāni nāṭyaprayogajñairna kartavyāni yoṣitām) |
tathāsanavidhiḥ kāryaḥ strīṇāṃ nṝṇāmathāpi ca || 202 ||

nānābhāvasamāyuktastathaiva śayanāśrayaḥ |
viṣkambhitāñcitau pādau trikaṃ kiṃcitsamunnatam ||

hastau kaṭa * ruvinyastau svasthe syādupaveśane |


yathāsthānagataiḥ pūrvapaścādbhāvi tathopaveśanātmakamāsanamapīti 
tadvidhamāha tathāsanavidhiriti | tathaiveti gatau hi śayanamapi 
pūrvapaścādbhāvi śayanāśraya iti śeṣaḥ viṣkambhena 
vaiśākhasthānakocitena vistāreṇāñcitau vistīrṇāntarau sundaru pādau na 
tvatrāñcitapādalaksaṇayogaḥ | svasthe puṃsi yadupaveśanamāsanapīṭhikādau 
tatra trikamunnataṃ syāditi saṃbandhaḥ | iti śabdena vākyārthaḥ syādityatra 
kartavyākhyeya iti syāditi | hastāviti karkaṭarūpau


p. 170)

pādaḥ prasāritaḥ kiṃcidekaścaivāsanāśrayaḥ || 204 ||

śiraḥ pārśvānataṃ caiva sacinta upaveśane |
civakopāśritau hastau bāhuśīrṣāśritaṃ śiraḥ || 205 ||

saṃpraṇaṣṭendriyamāa bhavecchokopaveśane |
prasārya bāhu śithilau tathā cāpāśrayāśritaḥ || 206 ||

mūrchāmadaśramaglāniviṣādeṣūpaveśayet |
sarvapiṇḍīkṛtāṅgastu saṃyuktaiḥ pādajānubhiḥ || 207 ||

vyādhivrīḍitanidrāsu dhyāne copaviśennaraḥ |
tathācotkaṭikaṃ sthānaṃ sphikpārṣṇīnaṃ samāgamaḥ ||

pitrye nivāpe japye ca sandhyāsvācasane'pi ca |
viṣkambhitaṃ punaścaiva jānu bhūmau nipātayet || 209 ||


samāhāradvandve | saṃpraṇaṣṭaśabdenendriyamāta iti pāṭhaḥ mana iti pāṭhe 
procyatve kṛte tvadhyāhṛtya saṃgatiḥ kāryā | apāśrayantītyādikamāśritam | 
upaveśayediti svārthe ṇica ācārye vā kartṛbhūtamātram ācāryāstu bāhū 
prasāryaivāsane upaveśayet viśrāmayedityāhuḥ | piṇḍitatvamaṅgānāṃ 
jānuviśleṣādūrdhakāyaṃ kuṭilīkarotītyutkaṭaṃ saṃjñāyāṃ kuṭate | atra ca 
viralatvaṃ jānunoḥ sphigbhyāṃ bhūmeḥ parāmarśaḥ pūrvatra tu 
naitadubhayamapīti viśeṣaḥ | pitrya iti śrāddhādau nivāpasalila iti pitṛtarpaṇe 
pratigrahārthaṃ parasya saliladāne tatpratigrahe ca | sandhyāśabdena 
tadavasarocitaṃ japadhyānādi | viṣkambhitamiti vistaritamekaṃ 


p. 171)

priyāprasādane kāryaṃ homādikaraṇeṣu ca |
mahīgatābhyāṃ jānubhyāmadhomukhamavasthitam || 210 ||

devābhigamane kāryaṃ ruṣitānāṃ prasādane |
śoke cākrandane tīvre mṛtānāṃ caiva darśane || 211 ||

trāsane ca kusattvānāṃ nīcānāṃ caiva yācane |
homayajñakriyāyāṃ ca preṣyāṇāṃ caiva kārayet || 212 ||

munīnāṃ niyameṣveva bhavedāsanajo vidhiḥ |
tathāsanavidhiḥ kāryo vividho nāṭakāśrayaḥ || 213 ||

strīṇāṃ ca puruṣāṇāṃ ca bāhyaścābhyantarastathā |
ābhyantarastu nṛpaterbāhyo bāhyagatasya ca) || 214 ||

devānāṃ nṛpatīnāṃ ca dadyāt siṃhāsanaṃ dvijāḥ |
purodhasāmamātyānāṃ bhevedvetrāsanaṃ tathā || 215 ||


bhūmau jānu dvitīyaṃ yathāsthitaṃ yantranikaṭaḍhaukagamanaśaṃkyaṃ 
santāpādibhayāt | tatra ca kāryaṃ mantraṃ tadupalakṣaṇam | homādikaraṇeṣviti 
| abhigamanaṃ vandanam | śoke ceti nīcānāmiti sarvatrātra saṃbadhyate | 
nīcānāṃ śokajanito yastīvrākrandastatraiva nīcā yadā mṛtamavalokayanti 
saṃbandhamātre ṣaṣṭhītyubhayaprāptyabhāvānna niyamaḥ | kusattvāḥ 
śivādayaḥ yadā nīcānāṃ trāsayanti tadā | nīcā yadā kiṃcidyācante tadā 
jānudvayakṣepo bhūmau |

athāsanātmakakālasaṃniveśaprasaṅgena tadadhikaraṇeṣu vidhimāha 
tathāsanavidhiriti | bāhyaḥ sarvajanaviṣayaḥ ābhyantaro rājocitaḥ |


p. 172)

muṇḍāsanaṃ tu dātavyaṃ senānīyuvarājayoḥ |
kāṣṭhāsanaṃ brāhmaṇānāṃ kumārāṇāṃ kuthāsanam || 216 ||

evaṃ rājasabhāṃ prāpya kāryastvāsanajo vidhiḥ |
strīṇāṃ caivāsanavidhiṃ saṃpravakṣyāmyahaṃ punaḥ || 217 ||

siṃhāsanaṃ tu rājñīnāṃ devīnāṃ muṇḍamāsanam |
purodho'mātyapatnīnāṃ dadyadvetrāsanaṃ tathā || 218 ||

bhoginīnāṃ tathā caiva vastraṃ carma kuthāpi vā |
brāhmaṇītāpasīnāṃ ca paṭṭāsanamathāpi ca || 219 ||

veśyānāmapi kartavyamāsanaṃ hi masūrakam |
śeṣāṇāṃ pramadānāṃ ca bhavedbhūmyāsanaṃ dvijāḥ || 220 ||

evamābhyantaro jñeyo bāhyaścāsanajo vidhiḥ |
tathā svagṛhavārtāsu chandenāsanamiṣyate || 221 ||


muṇḍāsanaṃ cāturī masūrakaṃ vastuśūnyaṃ kāṣṭhāsanaṃ pīṭhakaṃ 
vetralatākṛtaṃ vetrāsanaṃ vetrasanādanya eva rūḍho varṇakambalakhaṇḍaḥ 
vistāriketyanye) rājñī rājaveśyā devī senāpatiprabhṛtiputryo rājñā pariṇītā 
bhoginyaḥ saṃgṛhītakanyāḥ | bhūmirevāsanaṃ bhūmyāsanaṃ | evamiti 
narapatisaṃnidhau | anyadātmasvecchayeti darśayati tathā svagṛheti | 
vārtāśabdena senāpateramātyagṛhagaman ityādi sūca-


p. 173)

niyamastho munīnāṃ ca bhavedāsanajo vidhiḥ |
liṅgināmāsanavidhiḥ kāryo vratasamāśrayaḥ || 222 ||

brusīmuṇḍāsanaprāyaṃ vetrāsanamathāpi vā |
home yajñakriyāyāṃc a pitryarthe ca prayojayet || 223 ||

sthānīyā ye ca puruṣāḥ kulavidyāsamanvitāḥ |
teṣāmāsanasatkāraḥ kartavya iha pārthivaiḥ || 224 ||

same samāsanaṃ dadyānmadhyame madhyamāsanam |
atirikte'tiriktaṃ ca hīne bhūmyāsanaṃ bhavet || 225 ||

upādhyāyasya nṛpatergurūṇāṃ cāgrato budhaiḥ |
bhūmyāsanaṃ tathā kāryamathavā kāṣṭhamāsanam || 226 ||

naunāgarathayāneṣu bhūmikāṣṭhāsaneṣu ca |
sahāsanaṃ na duṣyeta gurūpādhyāyapārthivaiḥ || 227 ||


yati | niyamastha iti kasyacidaṅgaviṣṭaro'nyasya mṛgājinam | liṅgināmiti | yathā 
śākyānāṃ brusī śaivānāṃ muṇḍāsāṃ kṣapaṇakānāṃ 
vetravalkalaḍimbakam | tadevāha vrusītyādi | sthānāya hitā vṛddhāḥ tannikaṭe 
vyavasthādṛṣṭādṛṣṭopayogivṛddhā ye bhavanti ata evāha kulavidyeti | 
āsanasatkāra ihāsyatāmiti |

tatra vibhāgamāha sama iti tattulyajāti vidyaḥ | samamiti tritvāccāsanāpekṣaya 
madhya iti kiṃcidūnena madhyamamiti svāsanātpramāṇato'pyūnaṃ hīna iti 
svāpekṣayā bhūmyā saha bhūmireva ihāsyatāmiti nirdeśyā sa eva 
tasyāsanasatkāraḥ | kāṣṭhamiti ekameva dīrghaṃ bharasahaṃ paryaṅkaṃ 
darśayituṃ kāṣṭhamityuktaṃ na tu kāṣṭhamayamiti |


p. 174)

ākuñcitaṃ samaṃ caiva prasāritavivartane |
udvāhitaṃ nataṃ caiva śayane karma kīrtyate || 228 ||

sarvairākuñcitairaṅgaiḥ śayyāviddhe tu jānunī |
sthānamākuñcitaṃ nāma śītārtānāṃ prayojayet || 229 ||

uttānitamukhaṃ caiva pratyaṅmuktakaraṃ tathā |
samaṃ nāma prasuptasya sthānakaṃ saṃvidhīyate || 230 ||

ekaṃ bhujamupādhāya saṃprasāritajānukam |
sthānaṃ prasāritaṃ nāma sukhasuptasya kārayet || 231 ||

adhomukhasthitaṃ caiva vivartitamiti smṛtam |
śastrakṣatamṛtotkṣiptamattonmatteṣu kārayet || 232 ||

aṃsopari śiraḥ kṛtvā kūrparaksobhameva ca |
udvāhitaṃ tu vijñeyaṃ līlāyāṃ vacane prabhoḥ || 233 ||

īṣatprasārite jaṅghe yatra sṛṣṭau karāvubhau |
ālasyaśramakhedeṣu nataṃ sthānaṃ vidhīyate) || 234 ||


atha śayanasaṃniveśanamāhākuñcita(miti) dik yā nijaśarīrasya 
kuṭilīkaraṇātsā syāt | bāhumadhyamapasareṇa vikṣepayogāt pārśve 
saṃniveśanavaśāt pūrvakāyasyāparakāyasyordhvanayanaṃ 
nānyaśayanasaṃniveśāt |


p. 175)

gatipracārastu mayodito'yaṃ
noktaśca yaḥ so'rthavaśena sādhyaḥ || 235 ||

ataḥparaṃ raṅgaparikramasya
vakṣyāmi kakṣyāntarasaṃvidhānam || 236 ||

iti śrībhāratīye nāṭyaśāstre gatipracāro nāma dvādaśo'dhyāyaḥ |


arthavaśeneti laukikenetyarthaḥ | athaitadupasaṃhṛtādhyāyānantarāvakāśaṃ 
saṃgatipradarśanapūrvakamāha ataḥparamiti | raṅge yatparikramāt 
parikramaṇavṛtte gatyadhyāye nirūpitaṃ tadupayogaḥ kakṣyāviśeṣavibhāga iti 
śivam |

yāvadgatibheda(vidhi)prakaṭanamadhyāyamiha vivṛṇute |
smaramathanacaraṇasarasijaparāgabhūto'bhinavaguptaḥ ||

iti śrīmahāmāheśvarācāryābhinavaguptācāryaviracitāyāṃ 
nāṭyavedavivṛtāvabhinavabhāratyāṃ gatyadhyāyo dvādaśaḥ samāptaḥ |

bha ma mātṛkābhinnapāṭhakramo dvādaśo'dhyāyaḥ 

gatipracāraḥ |

evaṃ vyāyāmasaṃjātaṃ kāryaṃ maṇḍalakalpanam |
ata ūrdhvaṃ pravakṣyāmi gatīstu prakṛtisthitāḥ || 1 ||

tatropavahanaṃ kṛtvā bhāṇḍavādyapuraskṛtam |
yathāmārgarasopetaṃ prakṛtīnāṃ praveśanam || 2 ||

dhruvāyāṃ saṃpravṛttāyāṃ paṭe caivāpakarṣite |
kāryaḥ praveśaḥ pātrāṇāṃ nānārtharasasaṃbhavaḥ || 3 ||

sthānaṃ tu vaiṣṇav'm kāryamuttame madhyame tathā |
samunnataṃ samaṃ caiva caturaśramurastathā || 4 ||

vāhuśīrṣe prasanne ca nānyutkṣipte ca kārayet |
grīvāpradeśaḥ kartavyo mayūrāñcitamastakaḥ || 5 ||

karṇābhyāṃ bāhuśirasī syātāmaṣṭāṅgulasthite |
urasaścāpi cibukaṃ caturaṅgulasaṃsthitam || 6 ||

hastau tathaiva kartavyau kaṭīṃ nābhiṃ tu saṃsthitau |
dakṣiṇo nābhisaṃsthastu vāmaḥ kaṭitaṭasthitaḥ || 7 ||

pādayorantaraṃ kāryaṃ dvau tālāvardhameva ca |
pādotkṣepaśca kartavyaḥ svapnamāṇavinirmitaḥ || 8 ||

catustālo dvitālaśca tathā syādekatālakaḥ |
catustālastu devānāṃ pārthivānāṃ tathaiva ca || 9 ||

dvitālaścaiva madhyānāṃ tālaḥ strīnicaliṅginām |
catuṣkalo'tha dvikalastathā hyekakalaḥ punaḥ |
catuṣkalo hyuttamānāṃ madhyānāṃ dvikalo bhavet ||

p. 177)

tathā caikakalaḥ pāto nīcānāṃ saṃprakīrtitaḥ |
sthitaṃ madhyaṃ drutaṃ caiva samavekṣya layatrayam ||

yathāprakṛti nāṭyajño gatimevaṃ prayojayet) |
svabhāvenottamagatau jānuṃ kuryātkaṭīsamam || 10 ||

yuddhacārīpracāreṣu jānu stanasamaṃ bhavet |
ayaṃ vidhistu kartavyaḥ svacchandagamanaṃ prati || 11 ||

saṃbhramotthānaroṣeṣu pramāṇaṃ na vidhīyate |
dṛptānāṃ daityayakṣāṇāṃ tathā pannagarakṣasām || 12 ||

catustālapramāṇena kartavyā tu gatirbudhaiḥ |
divaukasāṃ tu śeṣāṇāṃ madhyamā gatirucyate || 13 ||

tatrāpi cottamā ye tu teṣāṃ devaiḥ samā gatiḥ |
pulindāḥ śabarāścaiva śeṣā ye mlecchajātayaḥ || 14 ||

teṣāṃ deśānurūpeṇa kāryaṃ gativiceṣṭitam |
jalāśayamṛgavyālapaśuśvāpadapakṣiṇām || 15 ||

deśajātisamutthena gatiṃ bhāvena yojayet |
sthitaṃ madhyaṃ drutaṃ caiva samavekṣya layaṃ budhaiḥ || 16 ||

pādayoḥ patanaṃ samyakprakurvīta yathākramam |
sthairypapannā gatiruttamānāṃ madhyā gatirmadhyamasaṃsthitānām |
drutā gatiśca pracurādhamānāṃ layatrayaṃ sattvavaśena yojyam || 17 ||

catuṣkalaṃ tūttamānāṃ madhyānāṃ dvikalaṃ bhavet |
tathā caikakalaṃ pātaṃ nīcānāṃ saṃprayojet || 18 ||

yaḥ samaiḥ saṃhito gacchettatra kāryo layāśrayaḥ |
catuṣkalaśca dvikalastathā caikakalaḥ punaḥ || 19 ||

atha madhyamanīcaistu gacchetsaṃparivāritaḥ |
catuṣkalastathārghaṃ ca tathā caikakalo bhavet || 20 ||

evameṣa tu vijñeyaḥ kalānāṃ gamane vidhiḥ |
punargatipracārasya prayogaṃ śṛṇutānaghāḥ || 21 ||

p. 178)

pārśvākrāntaiḥ salalitaiḥ pādairvādyānvitairatha |
raṅgakoṇonmukho gacchetsamyakpañcapadāni tu || 22 ||

evaṃ gatāgatairgatvā padānāmekaviṃśatim |
vāmabandhaṃ tataḥ kuryādvikṣepaṃ dakṣiṇasya ca || 23 ||

raṅge vikṛṣṭe bharatena kāryo gatāgataiḥ pādagatipracāraḥ |
tryaśrastrikoṇe caturaśraraṅge gatipracāraścaturaśra eva || 24 ||

drutā gatistu kartavyā dvikalāpādapātane |
jyeṣṭhe catuṣklā kāryā dvikalā tatra madhyame || 25 ||

dvikalā cottame yatra madhye tvekakalā bhavet |
kalāpramāṇaṃ madhye ca nīce tvardhakalā tataḥ || 26 ||

evamardhārdhahāniṃ tu kalānāṃ saṃprayojayet |
uttamānāṃ gatiryā tu na tāṃ madhyeṣu yojayet || 27 ||

yā gatiścaiva madhyānāṃ na tāṃ nīceṣu yojayet |
uttamānāṃ mayoktā tu gatirviprā yathāyatham || 28 ||

madhyānāmadhamānāṃ ca gatiṃ vakṣyāmyahaṃ punaḥ |
vaṇijāṃ mantriṇāṃ caiva gatiḥ kāryā svabhāvajā || 29 ||

atikrāntapadaiḥ sā tu dvitālāntaragāmibhiḥ |
kṛtvā nābhitaṭe hastamutthānaṃ kaṭakāmukham || 30 ||

ādyaṃ cārālamuttānaṃ kuryātpārśvastanāntare |
na niṣaṇṇaṃ na ca stabdhaṃ na caiva parivāhitam || 31 ||

kṛtvā gātraṃ tathā gacchettenai(na?)vādyakrameṇa tu |
hāse tvatha gatiḥ kāryā tathā khañjanavāmane || 32 ||

dvikalārdhaprayogeṣu kuhukābhinayaṃ prati |
khañje gatistu kartavyā stabdhaikacaraṇāśrayā || 33 ||

tathā dvitīyaḥ kāryastu pādo'gratalasaṃcaraḥ |
stabdhenonnamanaṃ kāryamaṅgasya caraṇena tu || 34 ||

p. 179)

gamane ca niṣaṇṇaḥ syāttathānyacaraṇāśraye |
eṣa khañjaprayogeṣu talaśalyakṣate tathā || 35 ||

pādenāgratalenātha gatiḥ kāryāñcitena tu |
niṣaṇṇadehā kartavyā atajaṅghā tathaiva tu || 36 ||

sarvasaṃkocitāṅgī ca vāmane gatiriṣyate |
na tasyātikramaḥ kāryo vikṣepaścaraṇasya tu || 37 ||

udvāhitā cūrṇapadaiḥ sā kāryā kuhakātmikā |
vidūṣakasyāpi gatirhāsya trayavibhūṣitā || 38 ||

aṅgahāsyaṃ kāryahāsyaṃ hāsyaṃ nepathyajaṃ tathā |
kubjaḥ khañjo'tha khalatirdanturo vikṛtānanaḥ || 39 ||

yattādṛśo bhavedviprā aṅgāśyaṃ tu tadbhavet |
yadā tu vakavadgacchedullokitavilokitaiḥ || 40 ||

atyāyatapadatvāccāpyaṅgahāsyo bhavettu saḥ |
cīracarmamaṣībhasmagairikādivibhūṣaṇaiḥ || 41 ||

yattādṛśo bhavedviprā hāsyaṃ nepathyajaṃ tu tat |
kāvyahāsyaṃ tu vijñeyamasaṃvaddhaprabhāṣaṇaiḥ || 42 ||

anarthavākyairvividhaistathā cāślilabhāṣaṇaiḥ |
tasya tu prakṛtiṃ jñātvā tathā bhāvaṃ vicakṣaṇaḥ || 43 ||

gatipracāraṃ vibhajennānāvasthāntarātmakam |
svabhāvajāyāṃ vinyasya kuṭilaṃ vāmake kare || 44 ||

dakṣiṇaṃ caiva hastaṃ tu kuryāccaturakaṃ tathā |
pārśvamekaṃ śiraścāpi hastaṃ caraṇameva ca || 45 ||

paryāyataḥ sannamayellayatālavaśānugam |
svabhāvajātā tasyaiṣā gatiranyā vikārajā || 46 ||

lābhe tathā ca bhuktasya tuṣṭe cāpi gatirbhavet |
śakārasyāpi kartavyā gatiścañcaladehikā || 47 ||

p. 180)

vastrābharaṇasaṃsparśaṃ samyakpañcapadāni tu |
vāmavedhaṃ tataḥ kuryādvikṣepaṃ dakṣiṇena ca || 48 ||

parivṛtya dvitīyaṃ tu gacchetkoṇaṃ tataḥ param |
tatrāpi vāmavedhaṃ tu vikṣepo dakṣiṇena ca || 49 ||

tato bhāṇḍonmukho gacchedetānyeva padāni tu |
evaṃ gatāgatirgatvā padāni tvekaviṃśati || 50 ||

vāmavedhaṃ tataḥ kuryādvikṣepaṃ dakṣiṇena ca |
eṣā svabhāvagamane gatiḥ kāryā prayoktṛbhiḥ || 51 ||

avasthāntarayoge tu gatiṃ samanubodhata |
asvasthakāñcite(?) caiva bhayavitrāsayoratayā || 52 ||

āvege ca tathā harṣe tathāniṣṭaśrutāvapi |
kālātikramaṇe caiva kṣepe cādbhutadarśane || 53 ||

kārya ātyayike caiva duḥkhite cārimārgaṇe |
avaruddhānukaraṇe śvāpadāugatau tathā || 54 ||

gatimeteṣu bhāveṣu dvikalāṃ saṃprayojayet |
divyānāṃ nṛpatīnāṃ ca gatirevaṃ vidhīyate || 55 ||

atrocyate kathaṃ devaiḥ samā rājñāṃ gatirbhavet |
divyā tu prakrtirjñeyā tathānyā divyamānuṣī || 56 ||

mānuṣī caiva mantavyā nāṭyavṛttikriyāṃ prati |
divyā tu devaprakṛtī rājñāṃ syāddivyamānuṣī || 57 ||

anyā yā lokasaṃsthā tu mānuṣī sā prakīrtitā |
tasmāddevānukaraṇe doṣastatra na vidyate || 58 ||

gatiḥ śṛṅgāriṇī kāryā svasthakāmitasaṃbhavā |
catuṣkalāpramāṇena savilāsā tathaiva ca || 59 ||

dūtīdarśitamārgastu praviśedraṅgamaṇḍalam |
sūcyā caivāpyabhinayaṃ prakuryādarthasaṃśrayam || 60 ||

p. 181)

hṛdyairvastraistathāgandhairdūpaiścūrṇaiśca yojitaiḥ |
sugandhibhiśca mālābhirvicitrābhiralaṃkṛtaḥ || 61 ||

gacchetsalalitaiḥ pādairatikrāntotthitairatha |
sauṣṭhavena samāyuktairlayatālavaśānugaiḥ || 62 ||

pādayoranugau cāpi hastau kāryau prayoktṛbhiḥ |
pracchannakāmite caiva gatiṃ bhūyo nibodhata || 63 ||

visarjitajanastatra tathā dūtīsamanvitaḥ |
nirvāṇadīpo nātyarthaṃ bhūṣaṇaiśca vibhūṣitaḥ || 64 ||

velāsadṛśavastraśca nivṛttastu śanaiḥ śaniḥ |
śabdaśaṃkyutsukaścāpi paścāllokanatatparaḥ || 65 ||

vepamānaśarīraśca praskhalaṃstu muhurmuhuḥ |
śaṅkitaḥ puruṣo gaccheddidṛkṣurvallabhaṃ janam || 66 ||

uttamānāmiyaṃ kāryā puruṣāṇāṃ gatirbudhaiḥ |
madhyamānāṃ gatiṃ caiva saṃpravakṣyāmyahaṃ punaḥ || 67 ||

jvarārte ca rujārte ca tapaḥśrānte bhayānvite |
vikṣate cchannagamane tvavahitthe tathaiva ca || 68 ||

cintānvite tathā svastha autsukye saṃhate tathā |
gatiḥ sthiralayā kāryā karaṇāśrayabhāvinī || 69 ||

bhaye vitrāsite caiva pramatte śaṅkite tathā |
vyādhite harṣite krodhe kāryaṃ tu caturāñcitam || 70 ||

saṃbhrāmādbhutasaṃdarśe muhurmuhuravekṣaṇaiḥ |
kampanena ca gātrāṇāṃ vastrasyākarṣaṇena ca || 71 ||

susandhitā cūrṇapadā śakārasya gatirbhavet |
sthūlasyāpi tu kartavyā gatirdehānukarṣiṇī || 72 ||

samudvāhitagātrā ca nilambitapadakramā |
viṣkambhagāmīi caiva niśvāsabahulā tathā || 73 ||

atikrāntā ca kartavyā tathā cūrṇapadaiḥ sadā |
kāryā caiva tu hīnānāṃ ceṭyādīnāṃ dvijottamāḥ || 74 ||

p. 182)

adhamā iti ye khyātā nānāśīlāḥ kuvṛttayaḥ |
pārśvamekaṃ śiraścaiva karaṃ caraṇameva ca || 75 ||

nāmayettadgatau kiṃcitkujanmā ceṭasaṃjñitaḥ |
jātinīceṣu kartavyā vilokanaparā gatiḥ || 76 ||

vikalā vakasaṃcārā gātraṃ sarva niyamya ca |
svajātisadṛśī caiva tathā dehānukarṣiṇī || 77 ||

saṃbhrame caiva harṣe ca vikṣiptapadavikramā |
āsādya hāsyaṃ tarasametāścānyāśca yojayet || 78 ||

punaśca karuṇe kāryā gatiḥ sthirapadakramā |
savāṣpaḥ sāśrunayanaḥ sannagātrastathaiva ca || 79 ||

utkṣiptapātikaraḥ tathā sasvanarodanaiḥ |
gacchedathādhyardhikayā pratyagrāpriyasaṃśrayāt || 80 ||

eṣā strīṣu prayoktavyā nīcasattveṣu caiva hi |
uttamānāṃ tu kartavyā savāṣpā dhairyasaṃyutā || 81 ||

niśvāsairāyatotsṛṣṭaistathā cordhvanirīkṣaṇaiḥ |
na tatra sauṣṭhavaṃ kāryaṃ na pramāṇaṃ yathoditam || 82 ||

nātyutkṣiptaiḥ padairgacchediṣṭabandhunipātane |
gāḍhaprahāre kāryā ca śithilāṅgabhujāśrayā || 83 ||

vighūrṇitaśarīrā ca gatiścūrṇapadairatha |
gatiḥ kāñcukinī proktā vayo'vasthā viśeṣataḥ || 84 ||

vṛddhe vā madhyame vāpi tathā caiva kanīyasi |
arhdatālotthitaiḥ pādairviṣkambhair-ṛjubhistadā || 85 ||

udvahanniva gātrāṇi paṅkamagna iva vrajet |
atha vṛddhasya kartavyā gatiḥ kampitadehikā || 86 ||

viṣkambhitagatiprāṇā mandotkṣiptapadā tathā |
śītena cābhibhūtasya varṣeṇābhihatasya ca || 87 ||

gatiṃ prayoktṛbhiḥ kuryātstrīnīcaprakṛtaiḥ sadā |
piṇḍīkṛtya ca gātrāṇi teṣāṃ caiva prakampanāt || 88 ||

p. 183)

karau vakṣasi nikṣipya kubjadehā tathaiva ca |
dantoṣṭhasphuraṇāccaiva cibukasya prakampanāt || 89 ||

śanaiḥ śanaiśca kartavyā śītārthābhinaye gatiḥ |
uṣṇe cāpi prayoktavyā gatirdāhasamākulā || 90 ||

netrasaṃkocanasvedagātrasaṃharaṇānvitā |
atikrāntairapakrāntairelakākrīḍitaistathā || 91 ||

kramairabhiayairyuktā tathā cūrṇapadairapi |
etānanyāṃśca yuñjīta nāṭyajñaiḥ karuṇe rase || 92 ||

raudre rase pravakṣyāmi daityarakṣogaṇānprati |
eka eva rasasteṣāṃ sthāyī raudro dvijottamāḥ || 93 ||

nepathyaraudro vijñeyaḥ svāṅgaraudrastathaiva ca |
atha svabhāvajaścaiva tridhā raudraḥ prakīrtitaḥ || 94 ||

rudhiraklinnadeho yo raudrābhivikṛtānanaiḥ |
tathā piśitahastaśca raudro naipathyajastu saḥ || 95 ||

bahubāhurbahumukho nānāpraharaṇākulaḥ |
sthūlakāyastvatiprāṃśuraṅgaraudrastu sa smṛtaḥ || 96 ||

raktākṣaḥ piṅgakeśaśca kṛṣṇāṅgo vikṛtasvaraḥ |
raudranirbhartsanakatho raudro'yaṃ syātsvabhāvajaḥ || 97 ||

catustālottarotkṣiptaiḥ pādaistryantarapātitaiḥ |
gatirevaṃ prakartavyā śeṣā ye cāpi tadvidhāḥ || 98 ||

eka eva rasasteṣāṃ sthāyī raudro dvijottamāḥ |
vigrahaḥ prahasaścaiva tathā śṛṅgāra iṣyate || 99 ||

tathā bhayānake cāpi gatiḥ kāryā vicakṣaṇaiḥ |
strīṇāṃ kāpuruṣāṇāṃ ca ye cānye sattvavarjitāḥ || 100 ||

viṣphāritacalannetro vidhūnvan svaśirastathā |
bhayākulitacittatvātpārśvāni ca vilokayan || 101 ||

drutaiścūrṇapadaiścaiva kṛtvā hastaṃ kapotakam |
pralepitaśarīrastu śuṣkoṣṭhaśca skhalanvrajet || 102 ||

p. 184)

eṣānukarane kāryā tarjane kalahe tathā |
sattvaṃ ca vikṛtaṃ dṛṣṭvā śrutvā ca vikṛtasvaram || 103 ||

eṣā strīṇāṃ prayoktavyā strīṇāṃ cākṣipitavikramā |
kvacidāsannapatitairvikṛṣṭapatitaiḥ kvacit || 104 ||

elakākrīḍitaiḥ pādairuparyuparipātitaiḥ |
eṣāmevānugairhastairgatirbhīteṣu yojayet || 105 ||

ahṛdyā tu mahī yatra śmaśānaraṇakaśmalā |
gatistatra prakurvīta bibhatsābhinayaṃ prati || 106 ||

kvacidāsannapatitairvikṛṣṭapatitaiḥ kvacit |
atikrāntaiḥ padairgacchejjugupsitagatiṃ prati || 107 ||

tathā vīre ca kartavyā pādavikṣepasaṃyutā |
drutapracāraṇāviddhā nānācārīsamākulā || 108 ||

pārśvākrāntairdrutaviddhaiḥ sūcīviddhaistathaiva ca |
kalātālagataiḥ pādairāvege yojayedgatim || 109 ||

viṭasyāpi tu kartavyā gatīrlalitavikramāḥ |
kiṃcidākuñcitaiḥ pādaistālābhyantarapātitaiḥ || 110 ||

raṅgasauṣṭhavasaṃyuktaṃ tathā hastau kaṭisthitau |
khaṭakāvardhamānau ca kṛtvā kāryā viṭe gatiḥ || 111 ||

kṛśāṅgānāṃ tu kartavyā gatirmandaparikramā |
vyādhigrasto jvarārtaśca tapaśśrāntaḥ kṣudhānvitaḥ || 112 ||

viṣṭambhanagataprāṇastathā kṣāmodaraḥ sadā |
kṣāmasvarakapolaśca sannagātrastathaiva ca || 113 ||

hastapādasamutkṣepaṃ śanaistatra prayojayet |
kampanaṃ caiva gātrāṇāṃ ślathanaṃ caiva yojayet || 114 ||

prakartavyādhvagasyāpi gatirmandapadakramā |
vikūṇanena vaktrasya jānunośca vimarśanān || 115 ||

nīcānāṃ madhyamānāṃ ca gatiḥ kāryā sadā budhaiḥ |
tālamātrotthitaiḥ pādaistathā vyākuñcitāñcitaiḥ || 116 ||

p. 185)

yatinaścāśramasthā ye ye cānye tapasi sthitāḥ |
ṛṣayastāpasāścaiva naiṣṭhikaṃ vratamāsthitāḥ || 117||

ālolacakṣuḥ syāccaiva yugamātranirīkṣaṇe |
upasthitasmṛtiścaiva gātraṃ sarvaṃ niyamya ca || 118 ||

acañcalamanāścaiva gacchelliṅgasamāśritaḥ |
vinītaveṣaśca tathā kāṣāyavasano'pi ca || 119 ||

prathamaṃ samapādena sthitvā sthānena nāṭyavit |
hastaṃ caturakaṃ kṛtvā tathā caitatprasārayet || 120 ||

prasannavadanaṃ kṛtvā prayogasya vaśānugam |
suniṣaṇṇena gātreṇa gatiṃ kuryādyatestathā || 121 ||

uttamānāṃ bhavedeṣā liṅgināṃ ye mahāvratāḥ |
ebhireva viparyastairguṇairanyeṣu liṅgiṣu || 122 ||

tathā vratānugā ca syādanyeṣāṃ liṅgināṃ gatiḥ |
hastau tadanugau cāpi yathāyogaṃ prayojayet || 123 ||

vibhrāntā vā hydāttā ca vikrāntā vihṛtā tathā |
śakaṭāsyasthitaiḥ pādairatikrāntaistathaiva ca || 124 ||

kāryā pāśupatānāṃc a gatirudbhrāntagāminī |
evaṃ liṅgasthitānāṃ hi prayojyaiva gatirbudhaiḥ || 125 ||

andhasyeva gatiṃ kuryādandhakāreṣu yogavat |
bhūmau visarpitaiḥ pādairhastadarśitamārgakaiḥ || 126 ||

rathasthasyāpi kartavyā gatiścūrṇapadakramā |
samapādantathā sthānaṃ kṛtvā rathagatiṃ vrajet || 127 ||

dhanurekena hastena gṛhītvānyena sāyakam |
sūtaścāsya bhavedeva pratodapragrahākulaḥ || 128 ||

karaṇāni vicitrāṇi kartavyāni vibhāgataḥ |
drutaiścūrṇapadaiścaiva gantavyaṃ raṅgamaṇḍalam || 129 ||

p. 186)

vimānasthasya kartavyā gatī rathagatopamā |
āroḍhumudvahedgātraṃ kiṃcitsyādunmukhastathā || 130 ||

asyaiva vaiparītyena kuryāccāpyavarohaṇam |
adho'valokanenaiva maṇḍalāvartanena ca || 131 ||

ākāśagamane caiva kartavyaṃ gaticeṣṭitam |
sthānena samapādena tathā cūrṇapadairatha || 132 ||

vyomnastvavataredyastu tasyemāṃ kārayedgatim |
ṛjvāyatonnatanataiḥ kuṭilāvartitaistathā || 133 ||

bhramamāṇasya cākāśādaparuddhabhujāgatiḥ |
vikīrṇavasanā caiva tathā bhūgatalocanā || 134 ||

drumaprāsādaśaileṣu nadīnimnonnateṣu ca |
ārohaṇāvataraṇaṃ kāryamarthavaśādbudhaiḥ || 135 ||

prāsādārohaṇaṃ kāryamatikrāntaiḥ padairatha |
udvāhya gātraṃ pādaṃ ca sopānaṃ nikṣipedbudhaḥ || 136 ||

tathāvataraṇe caiva gātramānasya recayet |
atikrāntena pādena dvitīyenāñcitena ca || 137 ||

prāsādārohaṇaṃ yattu taddevādiṣu kārayet |
kevalaṃ tūrdhvāvikṣepamadriṣvaṅgaṃ bhavedatha || 138 ||

drume cārohaṇaṃ kāryamatikrāntotthitaiḥ padaiḥ |
sūcīviddhairapakrāntaiḥ pārśvakrāntaistathaiva ca || 139 ||

evaṃ devāvataraṇaṃ prayojyaṃ saridādiṣu |
prāsādeṣu tathā proktaṃ tathaivottaraṇaṃ bhavet || 140 ||

drumaprāsādaśailebhyaḥ saṃjñāmātreṇa darśayet |
jalapramāṇāpekṣā tu jalamadhye gatirbhavet || 141 ||

toye'lpe vasanotkṛrṣaiḥ prājye pāṇivikarṣaṇaiḥ |
kiṃcinnatāgrakāyā tu pratāre gatiriṣyate || 142 ||

p. 187)

prasārya bāhumekaikaṃ muhurvārivikarṣaṇaiḥ |
tiryakprasāritā caiva hriyamāṇā svavāriṇā || 143 ||

aśeṣāṅgākulādhūtavadāa gatiriṣyate |
nausthasyāpi prayoktavyā drutaiścūrṇapadairgatiḥ || 144 ||

anenaiva vidhānena kartavyaṃ gaticeṣṭhitam |
(saṃjñāmātreṇa kartavyānyetāni vidhipūrvakam) || 145 ||

aṅkuśagrahaṇānnāgaṃ pragrahagrahaṇādratham |
khalīnagrahaṇādaśvaṃ nāvaṃ caivāvarohaṇāt || 146 ||

aśvayāne gatiḥ kāryā vaiśākhasthānakena tu |
tathā cūrṇapadaiścaiva hyuparyuparipātitaiḥ || 147 ||

pannagānāṃ matiḥ kāryā pādaiḥ svastikasaṃsthitaiḥ |
pārśvākrāntakramaṃ kṛtvā svastikaṃ yojayettathā || 148 ||

mattānāṃ tu gatiḥ kāryā taruṇe madhyame made |
vāmadakṣiṇapādābhyāṃ ghūrṇamānāpasarpaṇāt || 149 ||

ākāśaskhalitaiḥ prāyaḥ pādaiścāpyanavasthitaiḥ |
vighūrṇitaśarīrā ca karaiḥ pracalitaistathā || 150 ||

unmattasyāpi kartavyā gatistvaniyamakramā |
bahucārīsamāyuktā lokānukaraṇāśrayā || 151 ||

rukṣasphuritakeśastu reṇudhvastatanustathā |
animittaprakathano bahubhāṣī vikāravāk || 152 ||

pragītahasitaścāpi nānāvikṛtabhūṣaṇaḥ |
nṛtte gīte ca vādye ca bhāṣaṇe ca sadārataḥ || 153 ||

kadāciddhāvati javātkadācidavatiṣṭhate |
kacācidupaviṣṭastu śayānaśca kadācana || 154 ||

nānanacciradharaścaiva rathyāsvaniyatālayaḥ |
unmattābhinayastvevaṃ tasyemāṃ kārayedgatim || 155 ||

p. 188)

sthitvā nūpurapādena daṇḍapādaṃ prasārayet |
kṛtvā cārīṃ tathodvaddhāmatha svastikameva ca || 156 ||

anena cārīyogena paribhrāmya tu maṇḍalam |
vakraṃ tu bhramaṇaṃ caiva raṅgakoṇeṣu yojayet || 157 ||

trikaṃ salalitaṃ kṛtvā latākhyaṃ hastameva ca |
viparyagatairhastaiḥ pādairhaṃsagatiṃ vrajet || 158 ||

siṃharkṣavānarāṇāṃ ca gatiḥ kāryā prayoktṛbhiḥ |
yā kṛtā narasiṃhena viṣṇunā prabhaviṣṇunā || 159 ||

ālīḍhasthānakaṃ kṛtvā gātraṃ tasyaiva cānugam |
ūrdhvajānu ca vikṣipya karamekaṃ ca saṃsthitam || 160 ||

vilolitaṃ śiraḥ kṛtvā cibukaṃ bāhumastake |
gantavyaṃ vikramaiścaiva pañcatālāntarasthitaiḥ || 161 ||

niyuddhe saṃśaye caiva raṅgāvataraṇe tathā |
siṃhādīnāṃ ca yoktavyā gatireṣā prayoktṛbhiḥ || 162 ||

śe.āṇāmarthayogena sthānānyapi tu kārayet |
gajavājirathādīṃstu cihnamātreṇa kārayet || 163 ||

vāhanārthaprayogeṣu raṅgāvataraṇeṣu ca |
evametāḥ prayoktavyā nṝṇāṃ tu gatayo budhaiḥ || 164 ||

atra nābhihitā yāstu vijñeyāḥ śāstralokataḥ |
ataḥ paraṃ pravakṣyāmi strīṇāṃ gativiceṣṭitam || 165 ||

strīṇāṃ sthānāni kāryāṇi gatiṣvābhāṣaṇeṣu ca |
āyataṃ cāvahitthaṃ ca tathāśvakrāntameva ca || 166 ||

dakṣiṇastu samaḥ pādastryaśraḥ pakṣasthito'paraḥ |
vāmo nataḥ kaṭīpārśvamāyatasthānake bhavet || 167 ||

p. 189)

athavā -

vāmaḥ svābhāviko yatra pādo viracitastataḥ |
tālamātrāntare nyastastryaśraḥ pakṣasthito'paraḥ || 168 ||

prasannamānanamurassamaṃ yatra samunnatam |
latānitambagau hastau jñeyaṃ sthānaṃ tadāyatam || 169 ||

ra"gāvataraṇārambhaṃ puṣpāñjalivisarjanam |
manmatherṣyodbhavaḥ kopastarjanāṅgulimoṭanam || 170 ||

niṣedhagarvagāmbhīryamaunamāyāvalambanam |
sthāne'smin sannidhānīyaṃ digantaranirūpaṇam || 171 ||

āvāhane visarge ca tathā nirvarṇaneṣu ca |
cintāyāmavahitthe ca sthānametatprayojayet || 172 ||

samo yatra sthito vāmastryaśraḥ pakṣasthito'paraḥ |
vāmonnataṃ trikaṃ yasminnavahitthaṃ taducyate || 173 ||

sthānametattu nārīṇāṃ sallāpe tu svabhāvaje |
niścaye paritoṣe ca vitarke lajjite tathā || 174 ||

ekaḥ samasthitaḥ pāda ekastvatra talāñcitaḥ |
sūcīviddhamaviddhaṃ vā tadaśvakrāntamucyate || 175 ||

skhalite ghūrṇite caiva skhalitāmbaradhāraṇe |
citrāsane salalite sthānametattu rakṣaṇe || 176 ||

śākhāvalambane kāryā stavakagrahaṇe tathā |
viśrāntiṣu tathaiva syātpādatāḍana eva ca || 177 ||

sthānakaṃ tāvadeva syādyāvacceṣṭā pravartate |
bhagnaṃ ca sthānakaṃ nṛtte (nṛtta) cārīsamanvitāḥ || 178 ||

evaṃ sthānavidhiḥ kāryaḥ strīṇāṃ samyagdvijottamāḥ |
punarāsāṃ pravakṣyāmi gatīstu prakṛtisthitāḥ || 179 ||

p. 190)

kṛtvāvahitthaṃ sthānaṃ tu vāmaṃ cādhomukhaṃ bhujam |
nābhipradeśe vinyasya savyaṃ ca khaṭakāmukham || 180 ||

tataḥ salalitaṃ pādaṃ tālamātraṃ samutthitam |
dakṣiṇaṃ vāmapādasya vāhye pārśve vinikṣipet || 181 ||

tenaiva samakālaṃ ca latākhyaṃ vāmakaṃ bhujam |
dakṣiṇaṃ ca nayetpārśvaṃ nyasennābhitaṭe tataḥ || 182 ||

nitambe dakṣiṇaṃ kṛtvā hastaṃ codveṣṭya vāmakam |
tato vāmapadaṃ dadyāllatāhastaṃ ca dakṣiṇam || 183 ||

līlayodvāhitenātha śirasānugatena ca |
kiṃcinnatena cāṅgena gacchetpañcapadīṃ tataḥ || 184 ||

yo vidhiḥ puruṣāṇāṃ tu raṅgapīṭhaparikrame |
sa eva pramadānāṃ tu kartavyo nāṭyayoktṛbhiḥ || 185 ||

ṣaṭkalaṃ na prayoktavyaṃ tathāṣṭakalameva ca |
pādasya patanaṃ tajjñaiḥ khedajaṃ tadbhavestriyāḥ || 186 ||

sayaivanānāṃ nārīṇāṃ kāryā tvevaṃ gatirbudhaiḥ |
sthānīyā yā striyastāsāṃ saṃpravakṣyāmyahaṃ gatīḥ || 187 ||

kṛtvā'vahitthaṃ sthānaṃ tu vāmaṃ nyasya kaṭītaṭe |
ādyaṃ cārālamuttānaṃ kuryānnābhistanāntare || 188 ||

na niṣaṇṇaṃ na ca stabdhaṃ na caiva parivāhitam |
kṛtvā gātraṃ tato gacchettenaivādyakrameṇa tu || 189 ||

preṣyāṇāmapi kartavyā gatirvibhrāntagāminī |
kiṃcidunnamitairgātrairāviddhapadavikramā || 190 ||

sthānaṃ kṛtvāvahitthaṃ tu vāmaṃ cādhomukhaṃ bhujam |
nābhipradeśe cinyasya savyaṃ ca khaṭakāmukham || 191 ||

ardhanārīgatiḥ kāryā strīpuṃsābhyāṃ vimiśritā |
udāttalalitairgātraiḥ pādairlīlāsamanvitaiḥ || 192 ||

yā mayābhihitā pūrvamuttamānāṃ gatirbudhāḥ |
strīṇāṃ kāpuruṣāṇāṃ ca tato'rdhārdhaṃ ca kārayet || 193 ||

p. 191)

uttamādhamamadhyānāṃ nṝṇāṃ yadgaticeṣṭitam |
strīṇāṃ tadeva kartavyaṃ lalitaiḥ padavikramaiḥ || 194 ||

vālānāmapi kartavyā svacchandapadavikramā |
na tasyāṃ sauṣṭhavaṃ kāryaṃ na pramāṇaṃ tathāvidham || 195 ||

tṛtīyā prakṛtiḥ kāryā nāmnā caiva napuṃsake |
narasvabhāvamutsṛjya strīgatiṃ tatra yojayet || 196 ||

viparyastaprayogastu puruṣastrīnapuṃsake |
svabhāvamātmanastyaktvā parabhāvena yojayet || 197 ||

nijāṃ prakṛtimutsṛjya krīḍayā vañcanena vā |
strī puṃsaḥ prakṛtiṃ kuryātstrībhāvaṃ puruṣo'pi vā || 198 ||

sauṣṭhavenātha sattvena buddhyā tadvacca karmaṇā |
strī pumāṃsaṃ hyabhinayedvepavākyaviceṣṭitaiḥ || 199 ||

strīveṣabhāṣitairyuktaṃ prekṣitāprekṣitasmitaiḥ |
mṛdusannagatiścaiva pumān strībhāvamācaret || 200 ||

jātihīnāstu yā nāryaḥ pulinda śavarāṅganāḥ |
yāścāpi tāsāṃ kartavyā tajjātisadṛśī gatiḥ || 201 ||

vratasthānāṃ tapaḥsthānāṃ liṅgasthānāṃ tathā punaḥ |
khasthānāṃ caiva nārīṇāṃ samapādaṃ prayojayet || 202 ||

uddhatā ye'ṅgahārāḥ syuryāścāryo maṇḍalāni vā |
tāni nāṭyaprayogajñairna kartavyāni yoṣitām || 203 ||

athāsanavidhiḥ kāryaḥ strīṇāṃ nṝṇāṃ tathaiva ca |
nānābhāvasamāyuktaṃ tathaiva śayanāśrayaḥ || 204 ||

svasthaṃ mandālasaṃ klāntaṃ srastālasamathāpi ca |
viṣkambhakamutkaṭikaṃ muktajānu tathāsanam || 205 ||

jānūgataṃ vimuktaṃ ca sthānakānyupaveśane |
lakṣaṇaṃ punareteṣāṃ viniyogaṃ ca vakṣyate || 206 ||

viṣkambhenāñcitau pādau kiṃcidvakṣaḥ samunnatam |
hastau kaṭyūruvinyastau svasthe syādupaveśane || 207 ||

svabhāvābhinaye caiva tathā svasthopaveśane |
āviṣkṛteṣu sarveṣu bhāveṣvetatprayojayet || 208 ||

ekaḥ prasāritaḥ kiṃcitpādo'nyastvāsanāśritaḥ |
śiraḥ pārśvagataṃ caiva sthānaṃ mandālasaṃ tu tat || 209 ||

cintāyāṃ ca tadautsukye nirvede virahe tathā |
vivādādiṣu cādheyaṃ sthānametatprayoktṛbhiḥ || 210 ||

cibukāpāśrayau hastau bāhuśīrṣāśrayaṃ śiraḥ |
saṃpranaṣṭendriyamanā vijñeyaṃ klāntamāsanam || 211 ||

balena vigṛhītasya ripuṇā khaṇḍitasya ca |
śokaglānasya cautsukye sthānametadvinirdiśet || 212 ||

srastau hastau vimuktau ca śarīramalasaṃ tathā |
khedālasaṃ tathā cakṣuryatra srastālasaṃ tu tat || 213 ||

śramaglānau made caiva mūrchāyāṃ vyādhiteṣu ca |
mohe prāṇabhaye caiva vipāde caiva tadbhavet || 214 ||

p. 193)

viṣkambhādañcitau pādāvūru viṣkambhitau bhujau |
nimīlitaṃ tathā cakṣuḥ sthāne viṣkambhanāmani || 215 ||

svavakṣogatayā dṛṣṭyā yogadhyāne vilīyate |
svabhāvasaṃsthayā caiva naṭānāmupagamyate || 216 ||

samau pādau samādhāya samaṃ yadupaviśyate |
aspṛṣṭabhūtalaṃ caiva jñeyamutkaṭikāsanam || 217 ||

pitrye samādhijapye ca homādikaraṇeṣu ca |
etatsthānaṃ vidhātavyaṃ tathācamanakarmaṇi || 218 ||

ekaṃ jānu yadāsyaiva mahīpṛṣṭhe nidhīyate |
muktajānukametaddhi vijñeyaṃ hyāsanaṃ budhaiḥ || 219 ||

etatkṛtavyalīkānāṃ priyāṇāṃ saṃprasādane |
mārjane kuṭṭimānāṃ ca tathābhūmyanulepane || 220 ||

mahīgatābhyāṃ jānubhyāṃ sthānaṃ jānūgataṃ bhavet |
devābhivandane kāryaṃ ruṣṭānāṃ ca prasādane || 221 ||

śoke cākrandane tīvre mṛtānāṃ caiva darśane |
saṃtrāsane kusattvānāṃ nīcānāṃ caiva yācane || 222 ||

bhūmau yadūrdhvapatanaṃ tadvimuktamiti smṛtam |
prahāre tatprayoktavyamāvege krandite tathā || 223 ||

tathāsanavidhiḥ kāryo vidhivannāṭakāśrayaḥ |
strīṇāṃ ca puruṣāṇāṃ ca vāhyo'thābhyantarastathā || 224 ||

devānāṃ nṛpatīnāṃ ca yojyaṃ siṃhāsanaṃ tathā |
purodhaḥśreṣṭhyamātyānāṃ bhavedvetrāsanaṃ tathā || 225 ||

muṇḍāsanaṃ tu kartavyaṃ senāniyuvarājayoḥ |
kāṣṭhāsanaṃ brāhmaṇānāṃ kumārāṇāṃ kuthāsanam || 226 ||

sthānīyā ye tu puruṣāḥ kulavidyāprakāśitāḥ |
teṣāmāsanasatkāraḥ kartavyo gurupārthivaiḥ || 227 ||

p. 194)

same samāsanaṃ caiva madhye madhyaṃ tathāsanam |
atirikte'tiriktaṃ ca hīne bhūmyāsanaṃ tathā || 228 ||

upādhyāyasya nṛpatergurūṇāṃ cāgrato budhaiḥ |
bhūmyāsanaṃ tathā kāryaṃ kāṣṭhāsanamathāpi vā || 229 ||

naunāgarathabhūmīṣu tathā kāṣṭhāsaneṣu ca |
sahāsanaṃ na duṣyeta gurūpādhyāyapārthivaiḥ || 230 ||

evaṃ rājasabhāṃ prāpya kāryastvāsanajo vidhiḥ |
prakṛtīnāṃ tu sarvāsāṃ tathā jñānasamutthitam || 231 ||

puruṣāṇāṃ bhavedeṣa vidhirāsanasaṃśrayaḥ |
strīṇāṃ caivāsanavidhiṃ saṃpravakṣyāmyataḥ param || 232 ||

siṃhāsanaṃ mahādevyā rājñīnāṃ muṇḍamāsanam |
purodho'mātyapatnīnāṃ bhavedvetrāsanaṃ tathā || 233 ||

bhaginīnāṃ tu kartavyaṃ vastracarmakuthāpi vā |
brāhmaṇīnāṃ tāpasīnāṃ paṭṭāsanamathāpi ca || 234 ||

veśyānāmapi kartavyamāsanaṃ hi masūrakam |
śeṣāṇāṃ pramadānāṃ tu bhavedbhūmyāsanaṃ budhāḥ || 235 ||

evamantaḥpure jñeyo bāhyaścāsanato vidhiḥ |
tathā svagṛhavārtāsu chandenāsanamiṣyate || 236 ||

niyamastho munīnāṃ tu bhavedāsanato vidhiḥ |
liṅgināṃ cāsanavidhiḥ kāryo vratasamāśrayaḥ || 237 ||

vrusīmuṇḍāsanaprāyaṃ vetrāsanamathāpi ca |
homayajñakriyāyāṃ ca pitryarthe ca prayojayet || 238 ||

ākuñcitaṃ samaṃ caiva prasāritavivartite |
udvāhitaṃ nataṃ ṣoḍhā śayyāsathānāni nirdiśet || 239 ||

sarvairākuñcitairaṅgaiḥ śayyāviddhe tu jānunī |
sthānamākuñcitaṃ nāma śītārtānāṃ prayojayet || 240 ||

p. 195)

uttānitamukhaṃ caiva pratyaṅmuktakaraṃ tathā |
samaṃ nāma prasuptasya sthānakaṃ saṃvidhīyate || 241 ||

ekaṃ bhujamupādhāya saṃprasāritajānukam |
sthānaṃ prasāritaṃ nāma sukhasuptasya kārayet || 242 ||

adhomukhasthitaṃ caiva vivartitamiti smṛtam |
śastrakṣatamṛtotkṣiptamattonmatteṣu kārayet || 243 ||

hastopari śiraḥ kṛtvā kūrparakṣobhameva ca |
udvāhitaṃ tu vijñeyaṃ līlayāviśane vibhoḥ || 244 ||

īṣatprasārite jaṅghe yatra srastau karāvubhau |
ālasyaśramakhedeṣu nataṃ sthānaṃ vidhīyate || 245 ||

raṅge vikṛṣṭe bharatena kāryo gatāgataiḥ pādagatipracāraḥ |
tryaśre trikoṇaścaturaśrake vā samairgatairarthavaśena nityam || 246 ||

vayo'nurūpaḥ prathamastu veṣo veṣānurūpeṇa gatipracāraḥ |
gatipracārānugataṃ ca pāṭhyaṃ pāṭhyānurūpo'bhinayaśca kāryaḥ || 
247 ||

gatipracārastu mayodito'yaṃ noktastu yaḥ so'rthavaśena sādhyaḥ |
ataḥparaṃ raṅgaparikramasya vakṣyāmi kakṣyānugataṃ vibhāgam || 248 ||

iti śrībhāratīye nāṭyaśāstre gatipracāro nāma dvādaśo'dhyāyaḥ ||
nāṭyaśāstam

trayodaśo'dhyāyaḥ |

ye tu pūrvaṃ mayā proktāstrayo vai nāṭyamaṇḍapāḥ |
teṣāṃ vibhāgaṃ vijñāya tataḥ kakṣyāṃ prayojayet || 1 ||


dehastu(sya?) bāhyāntarabhedikakṣyā-
vibhāgadharmīvividhā pravṛttim |
āsūtrayandoṣaviśuddhidakṣa-
kramo'rkadṛṣṭirjayatādvṛpāṅkaḥ ||

ihābhinayānantaraṃ yadyapi sarvā vṛttipravṛttaya uddiṣṭāḥ sarvānte ca raṅge 
(36) sūcitā kakṣyā taccaturvidhābhinayābhidhānānantarametadadhyāyārtho 
vaktavyaḥ | tathāpi pratyabhinayamiyatītikartavyatopayujyate | tadabhidhānaṃ vinā-
(nā-)ṅgikamevoktaṃ syāditi vaktavyam | taduddeśe tu sāmānyaśabdatvānnāsti 
pratyekamuddeśane gatiḥ | tathoddeśane'pi ca gauravaṃ syāt | ata evaṃvādinā 
kakṣyāderapṛthagbhāve yo heturuktaḥ kramollaṅghanāditi tasyāsiddhatvaṃ 
viruddhatā ca pratyuta pratyekaprasaṅgatvalābhāt 
kramasyāpadārthatvānnārthapramāṇakatvānmukhyaśrautapadārthavādhakatva
mayuktaṃ śrutyā vākyapramāṇasya vādanāditi tu bhaṭṭalollaṭoktaṃ prakṛte 
siddhyati virodhābhāvāt kramasya ca madhyatvāt gatirūpaprayogahetutvā


p. 197)

ye nepathyagṛhadvāre mayā pūrvaṃ prakīrtite |
tayorbhāṇḍasya vinyāso madhye kāryaḥ prayoktṛbhiḥ ||

kakṣyāvibhāgo nirdeśyo raṅgapīṭhaparikramāt |


atastadavasara evābhidhānaṃ yuktam | taddvāreṇābhinayāṅgatāmagāt | 
taddeśatrayaṃ vaktṛtrayaṃ vaktavyam | tatra prathamaṃ 
kakṣyābhidhāne'yamabhiprāyaḥ iha gatirgantavyadeśāśrayāt deśaśca 
jalasthalādi bahutarasamaviṣamādisvabhedasahitaṃ kāvyārthatāmātreṇaiveha 
saṃbhavannapi prayogasthāne na saṃbhavatyeveti tasya parihārārthaṃ 
kakṣyānirūpaṇaṃ kartavyam | ata eva pūrvādhyāyānta uktaṃ parikrame 
gatāvupayoginaṃ sthānaviśeṣāṇāṃ samyagvibhāgaṃ vakṣyāmīti | 
seyamadhyāyasaṃgatistāṃ darśayitumāha ye tu pūrvamiti | tu śabdāddūratvaṃ 
pūrvatāyāḥ sūcayan dvitīyādhyāyārthaṃ smārayati teṣāmiti 
pratyekamityabhiprāyaḥ | maṇḍapasya yo viśiṣṭo 
bhāgo'ntaraṅgapīṭhātmakastaṃ vijñāya vibhāgato jñātvā 
kakṣyāgatyupayoginaṃ sthānaviśeṣaṃ prayojayet vibhāgena saṃbandhaṃ nayet | 
nāṭyadeśānusāreṇa prakoṣṭhe tyakte yo deśo'vaśeṣyate tatraiva cāturaśrīyam 
| ata eva vāmadakṣiṇabhāgayoḥ kutapavinyāsaḥ śiṣṭe kakṣyāvibhāgaḥ |

raṅgasya ko vibhāga ityāha ye nepathyagṛhadvāra ityādi | 
(pūrvamiti)dvitīyādhyāye prakīrtite bhāṇḍasya tatātodyasahitasya tripuṣkarasya | 
tataḥ kimityāha kakṣyāvibhāga iti | tena bhāṇḍena yatparita ākrāntaṃ 
tadvivarjya śeṣe raṅgapīṭhadeśe niṣkramaṇapraveśagatyādyupayogī 
sthānavibhāgo nirdeśyaḥ prekṣakāvadhiḥ 


p. 198)

parikrameṇa raṅgasya hyanyā kakṣyā bhavediha || 3 ||

kakṣyāvibhāge jñeyāni gṛhāṇi nagarāṇi ca |
udyānārāma saritastvāśramā aṭavī tathā || 4 ||

pṛthivī sāgarāścaiva trailokyaṃ sacarācaram |
varṣāṇi saptadvīpāśca parvatā vividhāstathā || 5 ||

ālokaścaiva lokaśca rasātalamathāpi ca |
daityanāgālayāścaiva gṛhāṇi bhavanāni ca || 6 ||


saṃkramayitanyaḥ | nanu kaḥ sthānavibhāgaḥ āha - parikrameṇeti | 
parikrāmantyaneneti parikrāmaḥ cāryādisaṃniveśaḥ tadvaśādekasyāpi 
raṅgadeśasya sthānabhedanāpatyāgaḥ yathā - āroḍhumudvahedgāvaṃ 
atikrāntena pādena (12-102) ityādinā viśeṣe tu 
prāsādaparvatādirūpatvamasyaiva | nanu bhāṇḍavādyavinirmukte 
raṅgapīṭhadeśe kramaviśeṣasthānabheda kḷptiḥ | tannetyāha kakṣyāvibhāga 
ityādi viśiṣṭe śiṣṭe deśe sthānāntarāṇi kalpanīyāni tāni 
kavijanasmaraṇārthamupalakṣaṇatvena paṭhanti | gṛhādīni 
pṛthivīsvargapātālabhedātpunarudāhṛtāni sarvasaṃgrahāya 
trailokyamityukte'pi smāṇārthaṃ varṇanoddeśaḥ |

nanu sarvatra prayoge sarve trailokyavartinaḥ sthānabhedātkiṃ saṃbhāvinaḥ neti 
darśayati nagare vetyādi | nipātairanuktā aṭavyādayaḥ sākṣāt | tathā 


p. 199)

nagare vā vane vāpi varṣe vā parvate'pi vā |
yatra vārtā pravarteta tatra kakṣyāṃ prayojayet || 7 ||

bāhyaṃ ā madhyamaṃ vāpi tathaivābhyantaraṃ punaḥ |
dūraṃ vā sannikṛṣṭaṃ vā deśaṃ tu parikalpayet || 8 ||

pūrvapraviṣṭā ye raṅgaṃ jñeyāste'bhyantarā budhaiḥ |
paścātpraviṣṭā vijñeyā kakṣyābhāge tu bāhyataḥ || 9 ||

teṣāṃ tu darśanecchuryaḥ praviśedraṅgamaṇḍalam |
dakṣiṇābhimukhaḥ so'tha kuryādātmanivedanam || 10 ||


vīpsādyote | yatra yatra vārtā vṛttānta itivṛttavalāyātaḥ prakarṣeṇa varteta 
tatramadhye yo deśavibhāgastameva pravartayet raṅgapīṭhe darśayet na 
sarvamityarthaḥ viśiṣṭe deśa ityuktaṃ na raṅgapīṭhasya | viśeṣaṃ darśayati 
vāhyecetyādi | bhāgatritaye sati kasmiṃścidbhāge deśādi kalpayitvā tatraiva 
dūrādibhedaṃ parikalpayet bhūyastvālpatvādibhinnena parikrameṇa 
kalpayedityarthaḥ | bāhyādibhedaṃ nirūpayati pūrvapraviṣṭā iti pūrvabhūtāḥ 
pradhānabhūtāḥ santaḥ pūrvaṃ ye praviṣṭāste abhyantarā iti adhiṣṭhito 
deśaviśeṣo'bhyantarakakṣyā pradhānabhūtastu pūrvapraviṣṭo'pi pradhāne 
praviśati svakakṣyāntya ityeva | paścātpraviṣṭānāṃ tu sthānaṃ vāhyakakṣyā 
| te tu yena sthānaviśeṣeṇa prākpraviṣṭamupasarpanti sadeśo madhyamā kakṣyā | 
etaduktaṃ bhavati pūrvapraviṣṭasya svasthāna 
evetivṛttocitagṛhodyātādivibhāgaḥ paścātpraviṣṭasyāpi pūrvapraviṣṭena saha 
yāvanna ca saṃmilanaṃ tāvatprekṣāyāmeva madhyamakakṣyāyāṃ tu 
gatiparikramādiḥ tatsaṃmelanārthaṃ saṃmilitānāṃ tu kakṣyavibhago 
vicchidyata iti saṃmelana itikartavyatāmāha teṣāṃ tviti pūrvapraviṣṭānāṃ 
karmaṇi ṣaṣṭhī |


p. 200)

yato mukhaṃ bhavedbhāṇḍadvāraṃ nepathyakasya ca |
sā mantavyā tu dikpūrvā nāṭyayogena nityaśaḥ || 11 ||

niṣkrāmedyaśca tasmādvai sa tenaiva tathā vrajet |
yatastasya kṛtaṃ tena puruṣeṇa nivedanam || 12 ||

(niṣkrānto'rthavaśācāpi praviśedyadi tadgṛham |
yataḥ prāptaḥ sa puruṣastena mārgeṇa niskramet || 13 ||

athavārthavaśāccāpi tenaiva saha gacchati |
tathaiva praviśedraṅgamekākī sahito'pi vā || 14 ||


pūrvapraviṣṭasya yo dakṣiṇo bhāgastaṃ vīkṣamāṇaḥ sthito yathā prekṣakasya 
yaḥ parāṅmukhībhavatītyarthaḥ eṣāṃ pravṛttaye dākṣiṇātyādike kramaḥ 
etadviparītamanyatra | pravṛttyavayavodbhāvinaṃ kramamathaśabdea sūcayati | 
tenedamāha (prā)dhānyenottarābhimukhyaṃ dakṣiṇasyāmātmanivedanaṃ 
yathāvaditivṛttavaśāttādṛṅnibadhyate | yaḥ pūrvapraviṣṭaiḥ saha saṃmilitasya 
sarvabāhyakakṣyāyāmeveti tu śabdasyārthaḥ | kā khalviha dakṣiṇā digityāha 
yatomukhamiti samāsaḥ yadapekṣaṃ bhāṇḍasya mukhaṃ sā dik pūrvā | nanu 
bhāṇḍasya mukhaṃ durmānamityāha dvāramiti | nepathyagrahaṇe gṛhasya 
yanmukhadvāraṃ bhāṇḍopādānaṃ tu tasya pratiyojane pūrvatāṃ prakaṭayati 
prādhānyajñāpanena | tenaiveti pūrvapraviṣṭapātrāntara yogenetyarthaḥ |


p. 201)

tayoścāpi praviśatoḥ kakṣyāmanyāṃ vinirdiśet |
parikrameṇa raṅgasya tvanyā kakṣyā vidhīyate || 15 ||

samaiśca sahito gacchennīcaiśca parivāritaḥ |
atha preṣaṇikāścāpi nirdeśyā hyagrato gatau) || 16 ||

saiva bhūmistu bahubhirvikṛṣṭā syātparikramaiḥ |
madhyā vā saṃnikṛṣṭā vā teṣāmevaṃ vikalpayet || 17 ||

nagare vā vane vāpi parvate sāgare'pi vā |
divyānāṃ gamanaṃ kāryaṃ varṣe dvīpe'pi vā punaḥ || 18 ||

ākāśena vimānena māyayāpyathavā punaḥ |
vividhābhiḥ kriyābhirvā nānārthābhiḥ prayogataḥ || 19 ||

nāṭake cchannaveṣāṇāṃ divyānāṃ bhūmisaṃcaraḥ |


evaṃ bāhye vā madhyame vāpi tathaivābhyantara iti vikṛṣṭaṃ dūramityādi 
vibhajati saiva bhūmiriti vikalpānāṃ madhyālpatvaracanādiśca na kevalamalpatva 
bahutvakṛtameva | parikramavaicityraṃ yāvadanyadapīti darśayati nagare 
vetyādinā prayogata ityantena | prayogo nāṭye | divyānāṃ devayonīnāṃ 
piśācādibrahmāntānāṃ yannagarādidvīpādiviṣayāgamanaṃ tadākāśenaiva 
vimānagāminā vimānena māyayā vā adarśarūpayā anyābhirvā 
valādāharaṇādikriyābhirvividhaprayojanābhiḥ kāryamiti saṃbandhaḥ | na ca 
divyānāmeṣa eva prakāraḥ kiṃ tu anyo'pyastītyāha nāṭaka iti | vepaśabdena na 
cāpādabhūtalaṃ vapurlakṣyate | tena 
varapradānādyanugrahanimittācchannasvarūpāṇāṃ devānāṃ 
mānuṣairdarśanaṃ bhavati tadā


p. 202)

mānuṣaiḥ kāraṇādeṣāṃ yadā bhavati darśanam || 20 ||

(bhārate'pvatha haime vā harivarṣa ilāvṛte |
ramye kiṃpuruṣe vāpi kuruṣūttarakeṣu vā) || 21 ||

divyānāṃ chandagamanaṃ sarvavarṣeṣu kīrtitam |
bhārate mānuṣāṇāṃ tu gamanaṃ saṃvidhīyate || 22 ||

(vikṛṣṭaṃ yastu gaccheddhi deśaṃ kāryavaśānnaraḥ |
aṅkacchede tamanyarimannirdiśeddhi praveśake || 23 ||

ahnaḥ pramāṇaṃ gatvā tu kāryalābhaṃ vinirdiśet |
tathālābhe tu kārye'syā aṅkacchedo vidhīyate || 24 ||

kṣaṇo muhūrto yāmo vā divaso vāpi nāṭake |
ekāṅke saṃvidhātavyo bījasyārthavaśānugaḥ || 25 ||

aṅkacchede tu nirvṛttaṃ māsaṃ vā varṣameva vā |


nāṭake prayoge teṣāmapi bhūmisaṃcaraḥ saṃcaratyasmin bhūmireva sañcaraḥ | 
ayaṃ tu deveṣu sāmānyakalpa ityāha divyānāmiti | purāṇeṣu tvayaṃ 
sāmānyavidhirityāha bhārata iti na tvilāvṛtādāvityarthaḥ | varṣaṃ 
pracārārthamāha 


p. 203)

nordhvaṃ varṣātprakartavyaṃ kāryamaṅkasamāśrayam || 26 ||

evaṃ tu bhārate varṣe kakṣyāḥ kāryāḥ prayogataḥ |
mānuṣāṇāṃ gatiryā tu divyānāṃ tu nibodhata) || 27 ||

himavatpṛṣṭhasaṃsthe tu kailāse parvatottame |
yakṣāśca guhyakāścaiva dhanadānucarāśca ye || 28 ||

rakṣobhūtapiśācāśca sarve haimavatāḥ smṛtāḥ |
hemakūṭe ca gandharvā vijñeyāḥ sāpsarogaṇāḥ || 29 ||

sarve nāgāśca niṣadhe śeṣavāsukitakṣakāḥ |
mahāmerau trayastriṃśajjñeyā devagaṇā budhaiḥ || 30 ||

nīle tu vaiḍuryamaye siddhā brahmarṣayastathā |
daityānāṃ dānavānāṃ ca śvetaparvata ucyate || 31 ||

pitaraścāpi vijñeyāḥ śṛṅgavantaṃ samāśritāḥ |
ityete parvatāḥ śreṣṭhā divyāvāsā bhavanti hi || 32 ||


haimavatā iti himavati bāhulyenaiṣāṃ gatirityarthaḥ evaṃ sarvatra | nīla iti 
adriviśeṣe tasyaiva viśeṣaṇaṃ vaiḍūryamaye etacca kaveḥ śikṣārtham | 
divyānāṃ piśācādibrahmāntānāmāvāsaḥ |


p. 204)

teṣāṃ kakṣyāvibhāgaśca jambūdvīpe bhavedayam |
teṣāṃ na ceṣṭitaṃ kāryaṃ svaiḥ svaiḥ karmaparākramaiḥ || 33 ||

paric daviśeṣastu teṣāṃ mānuṣalokavat |
sarve bhāvāstu devānāṃ kāryā mānuṣasaṃśrayā || 34 ||

teṣāṃ tvanimiṣatvaṃ yattanna kāryaṃ prayoktṛbhiḥ |
iha bhāvā rasāścaiva dṛṣṭyāmeva pratiṣṭhitāḥ || 35 ||

dṛṣṭyā hi sūcito bhāvaḥ paścādaṅgaivibhāvyate |


nanu varṣāntareṣu divyaparvateṣu yaducitaṃ gamanaṃ tatkartu śakyamityāha 
teṣāmiti | cakāra ihārtha jambūdvīpa iva divyānāmapi 
kakṣyāvibhāgasthānaviśeṣopalakṣitā gatirityarthaḥ | etat sphuṭayati na teṣāmiti | 
paricchedaviśeṣaśca tadīyaḥ paricāraḥ svābhito na kārya ityarthaḥ paricchedo 
vā jñānaṃ taddūravyavahitādiviṣayaṃ na pradarśanīyam | kathaṃ tarhi āha 
mānuṣagata eveṣā sarvo bhāvaḥ kāryaḥ kathaṃ mānuṣalokavat 
yathāmānuṣaloke aṃśāvataraṇe nāyakānāṃ rāmādīnāṃ kiṃidutkṛṣṭaṃ 
sātiśayaṃ mānuṣyocitameva caritaṃ tathaiva 
divyabhāvabahuvṛttīnāmapītyarthaḥ | na nimapatītyanimiṣaṃ rūpaṃ teṣāṃ 
naiva kāryam | turavadhāraṇe | atra heturiheti | bhāvā vyabhicāriṇo rasāḥ 
sthāyino dṛṣṭāveveti spaṣṭayati dṛṣṭyāmiti | sūcitaḥ sūcābhinaya eva 
vibhāvyate vibhāvādiśeṣayuktatve sphuṭībhavatītyarthaḥ | ata eva na teṣāṃ 
ceṣṭitamityanena sādhyo'pyayamarthaḥ punarupāttaḥ prādhānyāt |


p. 205)

evaṃ kakṣyāvibhāgastu mayā prokto dvijottamāḥ |
punaścaiva pravakṣyāmi pravṛttīnāṃ tu lakṣaṇam ||) 36 ||

caturvidhā pravṛttiśca proktā nāṭyaprayoktṛbhiḥ |
āvantī dākṣiṇātyā ca pāñcālī coḍhramāgadhī || 37 ||

atrāha - pravṛttiriti kasmāt ? ucyate - pṛthivyāṃ nānā 
deśaveṣabhāṣācārā vārtāḥ khyāpayatīti vṛttiḥ pravṛttiśca nivedane | 
atrāha - yathā pṛthivyāṃ nānādeśāḥ 


evaṃ sarvopakāritvāduddeśasya saṃgrahe sarvaṃ paścādabhidhānaṃ tenaivaṃ 
na yadyapi kakṣyāvibhāgaḥ sūcitastathāpi cārīparikramaprasaṅgena 
gatyadhyāyānantaraṃ darśitaḥ | idānīṃ 
tvāṅgikopayogidharmyāditrayamuddiṣṭaṃ tatra vṛttīnāmagrato nirūpaṇaṃ 
bhaviṣyati tatra ca hetuḥ vṛttyadhyāya (a 20) eva vakṣyāmaḥ | yadyapi dharmaḥ 
pūrvamuddiṣṭastathāpi yatra vārtā pravartata ityanena 
kakṣyāvibhāgakalpitadeśabhedābhidhānaprasaṅgena ca 
deśavibhāgapratipannāḥ pravṛttaya ākṣiptāḥ kiṃ ca pātrasya sati praveśe 
kakṣyāvibhāga uttaradvāreṇa dākṣiṇātyāvantyoḥ praveśo anyayostu 
saveynetyevaṃ pravṛttivibhāgaṃ praveśakabhedamākṣipati | so'pi 
tatsthānenedamiti tadupayogitvenāpi samanantaraṃ pravṛttayo vaktavyā iti manasi 
kṛtvāha catuvidheti | pravṛttiḥ tasmādityarthaḥ | praśnā iti kasmāditi 
catuṣkapraśanaḥ arthaṃ tāvadāha pṛthivyāiti pravṛttiḥ deśaviśeṣagatā 
veṣabhāṣāsamācāravaicitryaprasiddhirucyate | tatraivaṃ yojanā - deśe deśe 
yeṣveva veṣādayo naipathyaṃ bhāṣā vā ācāro lokaśāstravyavahāraḥ vārtā 
kṛṣipāśupālyādijīvikā iti tān prakhyāpayanti 
pṛthivyādisarvalokavidyāprasiddhiṃ karoti pravṛttirbāhyārthe yasmānni-


p. 206)

santi kathamāsāṃ caturvidhatvamupapannaṃ samānalakṣaṇaścāsā 
prayogaḥ ? ucyate - tattu satyaṃ āsāṃ samānalakṣaṇaprayogaḥ | kiṃ tu 
nānādeśaveṣabhāṣācāro loka iti kṛtvā lokānumatena vṛttisaṃśritasya 
nāṭyasya mayā caturvidhatvamabhihitaṃ bhāratyārabhaṭī sāttvatī 
kaiśikī ceti |


vedane niśśeṣeṇa vedane jñāne pravṛttiśabdaḥ | astyeṣā bhuvane 
pravṛttirabhavadrāmeṇa rāmasya yat ityādau |

atha saṃkhyāpraśne svābhiprāyamāha yadeti | deśā iti | tatkṛtvāpi catuṣṭayī 
pravṛttirityuktaṃ na catvāra eva deśāḥ | syādetadeva tāvatyastāvaduktā 
abhyadhikāstu tyaktā ityāśaṅkyāha samānalakṣaṇatvātprayoga ityucyate 
mahadbhiriti śeṣaḥ | prayoga iti nāṭyam | catasṛṇāmeva 
samānalakṣaṇānāmetatpravṛtticatuṣṭayasādhāraṇasvabhāvaḥ sarvaprayoge 
yuṣmanmate na tvanyo vyavahāraḥ kaściddarśitaḥ | tathā ca lobhakrodhamohaistu 
sādhārīkṛtajagaccintādyāśu pradeśaḥ parākriyate tathā prakṛte'pi |

nanu catussādhāraṇaprayogo natvanyo'tra praviśati vyavahāra ityetaduktam | 
vismaraṇaśīlo bhavān na smaryate | uktaṃ pūrvaraṅgānte (adhyā-5) 
ityeṣo'vantipāñcāladākṣiṇātyoḍhramāgadhaiḥ | kartavyaḥ pūrvaraṅgastviti 
pūrvaraṅgasya prayogasya garbhādhānīyasthānīya ityuktam | 
tatraivābhyupagamapūrvakamuttaramāha | tattu satyamityādinā 
vepādīnāmityantena abhyupagamadeśādiśabdena pravṛttimabhidadhatā | 
āsāmiti vyākhyātam | kiṃtvityādinottaramāha | etaduktaṃ bhavati - 
vṛttisaṃśritaṃ vṛttirāśritametaccaturvidham | nanu kā pravṛttiḥ 


p. 207)

vṛttisaṃśritaiśca prayogairabhihitā deśāḥ yataḥ 
pravṛtticatuṣṭayamabhinirvṛttaṃ prayogaścotpāditaḥ | tatra 
dākṣiṇātyāstāvadvahunṛttagītavādyāḥ kaiśikīprāyāḥ 
caturamadhuralalitāṅgābhinayāśca | tadyathā -

mahendro malayaḥ sahyo mekalaḥ pālamañjaraḥ |


pratyekaṃ tatraivābhyupagamaḥ pravṛttiḥ netyāha lokānuguṇānusāreṇa | loko hi 
dakṣiṇāpathaḥ pūrvadeśaḥ paścimadeśaḥ uttarabhūmiriti caturdhā 
vibhāgo'sti na caiṣa nirbandhanaḥ sādṛśyasaṃbhavāt | tathāhi dākṣiṇātyeṣu 
śṛṅgārapracuratayā kaiśikyāḥ saṃbhavaḥ | paścimeṣvāvantyeva 
saṃgṛhīteṣu sāpi sati dharmaprādhānya iti sāttvatyasti | prācyeṣu tu 
ghaṭāṭopavākyāḍambaraprādhānyo bhāratyārabhaṭīyogaḥ | uttarabhūmiḥ 
prādhānyāttu bhāratyārabhaṭīyoge'pi kaiśikīleśāttu praveśasahiṣṇavo 
yadvakṣyate prayogastvalpagītārtha (13-51) iti | arthaśabdena tatprayojanaṃ 
nṛttavādyādi | ityevaṃ cittavṛttibhedasādṛśyālloko yaścaturdhāvibhāgaḥ sa 
evāsminnuktaḥ |

nanu kimityayaṃ saṃkṣepa ādṛtaḥ āha yasmālloko 
bahuvidhabhāṣācārādiyuktaḥ kastaṃ pratipadaṃ vaktuṃ śaknuyāt 
śikṣitumabhyasituṃ vā prayoktuṃ draṣṭuṃ vā cittavṛttipradhanaṃ cedaṃ 
nāṭyamiti tadeva vaktuṃ nyāyyam | etadeva spaṣṭīkurvannāha bhāratītyādinā | 
prayoge vāgaṅgaceṣṭāsu abhinirvṛttaṃ lokaprasiddhami-


p. 208)

eteṣu saṃśritā deśāste jñeyā dakṣiṇāpathāḥ || 39 ||

kosalāstosalāścaiva kaliṅgā yavanāḥ khasāḥ |
dramiḍāndhramahārāṣṭrā vaiṇṇā vai vānavāsajāḥ || 40 ||

dakṣiṇasya samudrasya tathā vindhyasya cāntare |
ye deśāsteṣu yuñjīta dākṣiṇātyāṃ tu nityaśaḥ || 41 ||

āvantikā vaidiśikāḥ saurāṣṭrā mālavāstathā |
saindhavāstvatha sauvīrā ānartāḥ sārvudeyakāḥ || 42 ||

dāśārṇāstripurāścaiva tathā vai mārtikāvatāḥ |
kurvantyāvantikīmete pravṛttiṃ nityameva tu || 43 ||


tyarthaḥ | cakāreṇa tata ityākṛṣyate | tallokaprasiddhacatuṣṭayamavalambya 
brahmaṇā prayoga utpāditaḥ | ayaṃ granthaścirantanairvṛttīnāṃ caturṣveva 
dṛṣṭāntatāmāśritya vyākhyātaḥ tatra ca vaiṣamyeṇa dūṣaṇamuktam 
vṛttīnāṃ hi sanimittaṃ caturdhādeḥ pravṛttīnāṃ tasmāccatuṣṭamātreṇa 
dṛṣṭānto'yamiti vyākhyāneṣu gajasnānīyamānayanenālūnaviśīrṇaḥ kṛta 
ityāstāṃ tāvat |

kaiśikī prāyeṇāsyāmiti bahuvrīhiḥ | 
asāmānādhikaraṇyātsāmānādhikaraṇye'pi vā samānāyāmākṛtau 
bhāṣitapuṃstvābhāvānna puṃvadbhāvaḥ | kaiśairnirvṛttātteṣu 
bhavedityādirvyutpattirnimittamātram | etacā vakṣyāmaḥ saṃkṣepeṇa (adhyā-20) 
| dakṣiṇasamudrasya vindhyasya ca madhye ye deśāsteṣu dākṣiṇātyā | etenaiva 
siddhe sati deśabhedānāṃ pratipāṭhastadantarālānāṃ parvata-


p. 209)

sāttvatīṃ kaiśikīṃ caiva vṛttimeṣāṃ samāśritāḥ |
bhavetprayogo nānyatra sa tu kāryaḥ prayoktṛbhiḥ || 44 ||

aṅgā vaṅgāḥ kaliṅgāśca vatsāścaivoḍhramāgadhāḥ |
pauṇḍranepālakāścaiva antargirabahirgirāḥ || 45 ||

tathā plavaṅgamā jñeyā maladā mallavartakāḥ |
brahmottaraprabhṛtayo bhārgavā mārgavāstathā || 46 ||

prāgjyotiṣāḥ pulindāśca vaidehāstāmaliptakāḥ |
prāṅgāḥ prāvṛtayaścaiva yuñjantīhoḍhramāgadhīm || 47 ||

anye'pi deśāḥ prācyā ye purāṇe saṃprakīrtitāḥ |
teṣu prayujyate hyeṣā pravṛttiścoḍhamāgadhī || 48 ||

pāñcālāḥ śaurasenāśca kāśmīrā hāstināpurāḥ |
bāhlīkāḥ śākalāścaiva madrakauśīnarāstathā || 49 ||

himavatsaṃśritā ye tu gaṅgāyāścottarāṃ diśam |


kacchādimlecchānāṃ niṣedhena prasiddhyā deśopasaṃgrahaṇārthaḥ kavīnām 
| evamuttaratra | nityānityamiti | anādirayaṃ deśabhedena cittavṛttikramaḥ | dṛṣṭo 
hi vastrābharaṇātmanā deśabhedocitaḥ svabhāvabhedaḥ | bāhulyeneti nātra 
bhaviṣyati pramāṇābhāvādityādinā śuṣkatarkeṇāsūcitavyamiti bhāvaḥ | 
eṣeti avantiprāgjyotiṣakāmarūpīyā | purāṇa ityāgāpūrvakatvamāha | 
turuṣkāścāraṭṭakadaraka-


p. 210)

ye śritā vai janapadāsteṣu pāñcālādhyamā || 50 ||

pāñcālamadhyamāyāṃ tu sāttvatyārabhaṭī smṛtā |
prayogastvalpagītārtha āviddhagativikramaḥ || 51 ||

dvidhā kriyā bhavatyāsāṃ raṅgapīṭhaparikrame |
pradakṣiṇapraveśā ca tathā caivāpradakṣiṇā || 52 ||

āvantī dākṣiṇātyā ca pradakṣiṇaparikrame |
apasavyapraveśā tu pāñcālī coḍhramāgadhī || 53 ||

āvantyāṃ dākṣiṇātyāyāṃ pārśvadvāramathottaram |
pāñcālyāmoḍhramāgadhyāṃ yojyaṃ dvāraṃ tu dakṣiṇam || 54 ||


khasaprabhṛtayaḥ madhamāyāmeva praviṣṭāḥ te tu vyavahārabahiṣkṛtatvāt 
svakaṇṭhena na paṭhitāḥ | alpagītārtha iti leśataḥ kaiśikīmanujānāti | tatra 
prāgdeśānāṃ sīmātvena dakṣiṇata uḍhrāḥ samudranikaṭe uttarato māgadhāḥ 
tadubhayamadhyārtitvādauḍhramāgadhī ata 
aivoḍhrakaliṅgānāmubhayopajīvitvābhiprāyeṇa vṛttidvayamadhye gaṇanam | 
girīṇāmantarye bhavāste'ntargirāḥ gireśca senaka syeti samāsānte matvarthīye 
vāci rūpam | dakṣiṇottaravyatirekeṇa parikramaṇasthānābhāvāt naik'tyād dve 
pravṛttī ekīkṛtya prayogābhidhānam | tatra dākṣiṇātya uttareṇa dvāreṇa 
praviśya paścimāyāṃ diśi parikramya tato'pi dakṣiṇasyāṃ tataḥ pūrvasyāṃ 
tataḥ uttarasyāṃ parikramet | parikramya ca tasyāmeva diśyātmanivedanaṃ 
kuryāt | taduktaṃ dakṣiṇābhimukha iti | tata uttarasyāṃ pūrvāṃ tato'pi 
dakṣiṇāṃ tataḥ paścimāṃ prāpyottaradvāreṇaiva niṣkrāmet | evaṃ 
sāttvatyādau tadviparyayeṇa pāñcālī |


p. 211)

ekībhūtāḥ punaścaitāḥ prayoktavyāḥ prayoktṛbhiḥ |
parṣadaṃ deśakālau cāpyarthayuktimavekṣya ca || 55 ||

yeṣu deśeṣu yā kāryā pravṛttiḥ parikīrtitā |
tadvṛttikāni rūpāṇi teṣu tajjñaḥ prayojayet || 56 ||

ekībhūtāḥ punastvetāḥ nāṭakādau bhavanti hi |
avekṣya vṛttibāhulyaṃ tattatkarma samācaret || 57 ||


tadasyā dakṣiṇadvāreṇa praveśo niṣkramaṇaṃ ca pradakṣiṇena dakṣiṇadiśā 
praveśo'bhyantarakakṣyāvyavasthitapātranikaṭa eveti syāt | evamapasavyapraveśa 
iti |

viśeṣāntaramāha ekībhūtā iti | (pārṣadamiti) paripadi svāmitvakṛtaṃ vā 
prādhānyaṃ deśakṛtaṃ kālakṛtaṃ prayojanakṛtaṃ 
bahutarapātraparīkṣāyātocitaṃ yadvaicitryakṛtamidamavekṣya saṅkaro'pi 
kartavyaḥ tadāha ekībhūtā iti pradhānānuyāyinya evetyarthaḥ |

evaṃ prayoktari parikramopayogaḥ | pravṛttināṃ pratyekaviṣaye'pi taṃ 
darśayannāha yeṣu deśeṣvityādi (yā) pravṛttirityarthaḥ sā vṛttiryeṣu rūpakeṣu | 
tena tena kāśmīrakanāyaka deśe nāṭikānucitā (?) tasyāṃ 
kaiśikīprādhānyena dākṣiṇātyocitatvāt | deśādaucitye tacceṣṭitavyāvartanena 
pratītivighātādrasamayatvābhāvaḥ | rasāśca nāṭyasya prāṇāḥ vyutpattirapi 
vā pareva bhavet asatyatāśaṅkā ca samūlaghātaṃ vihanyādeva 
prayogamityanenābhiprāyeṇāha tadvṛttikānīti | yeṣu deśeṣu yo vṛttiprakāra 
uktaḥ sa yeṣu rūpakeṣu nāṭakādīnāmanyatameṣu bhavati tāni rūpāṇi teṣviti 
taddeśagatanāyakaprādhānyena kartavyaṃ kavinā nāṭakena ca 
nāṭyaśabdavācyasya prayogasyāśrayaḥ | nāṭakaśabdo'tra na rūpakaviśeṣe api 
tu nāṭya eva | yathā -


p. 212)

(sārthe bāhulyamekasya śeṣāṇāmatha buddhimān |
yeṣāmanyasya bāhulyaṃ pravṛttiṃ pūrayettathā) || 58 ||

prayogo dvividhaścaiva vijñeyo nāṭakāśrayaḥ |
sukumārastathāviddho nāṭyayuktisamāśrayaḥ || 59 ||

yattvāviddhāṅgahāraṃ tu chedyabhedyāhavātmakam |
māyendrajālabahulaṃ pustanaipathyasaṃyutam || 60 ||

puruṣairbahubhiryuktamalpastrīkaṃ tathaiva ca |
sāttvatyārabhaṭīprāyaṃ nāṭyamāviddhameva tat || 61 ||

ḍimaḥ samavakāraśca vyāyogehāmṛgau tathā |
etānyāviddhasaṃjñāni vijñeyāni prayoktṛbhiḥ || 62 ||


hāsyasthānāni yāni syuḥ kāryotpannāni nāṭake | (a-22) ityatra nāṭaka unnayati 
prekṣakān saṃveśena vyutpattyā ca tathā tadbhāvānupraveśena prayoktṛniti | 
nāṭakaṃ kṛtāviti pāṭhe gātrāṇi vikṣipyante abhinayaprayogāyāsmāditi 
saṃjñākāle | anye tu naṭaśabdaṃ kaṭhādivaccaraṇādicchanto naṭānā 
karmaślāghyamiti gotracaraṇācca śloghādiviśeṣaṇatvād vuñityāhuḥ (pā-5-
1.134) laukikaṃ ca liṅgamiti naivaṃ śaṅkitavyametad vuñū tasyaikāntikaṃ 
strītvamiti | āviddha utkaṭaḥ aṅgānāṃ hāro haraṇaṃ yatra | chedena bhedena 
pradhānaḥ āhavaḥ saṃgrāmaḥ āhvayante parasparaṃ vīrā yatreti | 
māyāmantraupadhādikṛtaṃ rūpaparivartanādi (indra) jālaḥ 
hastalāghavasādṛśyādikṛtaṃ pustaṃ drumṛṇmayamākṛtyādi | tathaiva ca 
āviddhaṃ (āviddhaṃ?) strīkarmarūpāṇāṃ svarūpaṃ svakṣetra eva 
vakṣyāmaḥ | śauryamabhīrutvaṃ 


p. 213)

eṣāṃ prāyogaḥ kartavyo devadānavarākṣasaiḥ |
uddhatā ye ca puruṣāḥ śauryavīryabalānvitāḥ || 63 ||

nāṭakaṃ saprakaraṇaṃ bhāṇo vīthyaṅka eva ca |
sukumāraprayogāṇi mānuṣṣāśritāni tu || 64 ||

atha bāhyaprayoge tu prekṣāgṛhavivarjite |
vidikṣvapi bhavedraṅgaṃ kadācidbharturājñayā || 65 ||

pṛṣṭhe kṛtvā kutapaṃ nāṭyaṃ yukte yato mukhaṃ bharataḥ |
sā pūrvā mantavyā prayogakālena nāṭyajñaḥ || 66 ||

dvārāṇiṣaṭcaiva bhavanticātraraṅgasya digbhāṇḍaviniścitāni 
nāṭyaprayogena khalu praveśe prācyāṃpratīcyāṃ ca diśipraveśaḥ


vīryamutsāhaḥ valaṃ kāyadharmaḥ parākramaḥ | mānuṣeṣviti 
bāhulyāpekṣametat | evaṃ catvāri bhinnāni ḍimādyuddhatāni 
vargasukumārāṇi nāṭakādīni |

evamantaraṅgopakāritvātkakṣyāmādhāramuktvā tadākṣiptaṃ ca 
vṛttibhedamabhidhāya dharmā nirūpyante | tathā hi 
lokasvabhāvamevānuvartamānaṃ dharmīdvayam | loko nāma janapadavāsī janaḥ 
sa ca pravṛttikrameṇa prapañcitaḥ | tatprasaṅgenaiva tāvaddharmyāyātā | sā 
cāṅgikaśeṣatayā vaktavyā | prasaṅgācca vācikāhāryādiviṣayāṇycyante 
tulyalakṣaṇatvāditi | sā ca dvedhā | yadyapi laukikadharmavyatirekeṇa nāṭye na 
kaściddharmo'sti tathāpi sa yatra lokāgataprakriyākramo 
rañjanādhikyaprādhānyamadhirohayituṃ kavinaṭavyāpāre vaicitryaṃ svīkurvan 
nāṭyadharmītyucyate |


p. 214)

vidhānamutkramya yathātraraṅge vinā pramāṇādvidiśaḥ prayoge |
dvāraṃ tu yasmātsamṛdaṅgabhāṇḍaṃ prācīṃ diśaṃ tāṃ 
manasādhyavasyet || 68 |

vayo'nurūpaḥ prathamaṃ tu veṣo veṣānurūpaśca gatipracāraḥ |
gatipracārānugataṃ ca pāṭhyaṃ pāṭhyānurūpo'bhinayaśca kāryaḥ)
dharmī yā dvividhā proktā mayā pūrvaṃ dvijottamāḥ |
laukikī nāṭyadharmī ca tayorvakṣyāmi lakṣaṇam || 70 ||

svabhāvabhāvopagataṃ śuddhaṃ tu vikṛtaṃ tathā |
lokavārtākriyopetamaṅgalīlāvivarjitam || 71 ||

svabhāvābhinayopetaṃ nānāstrīpuruṣāśrayam |
yadīdṛśaṃ bhevennāṭyaṃ lokadharmī tu sā smṛtā || 72 ||


tadetadāha dharmī yā dvividheti | proktā uddiṣṭetyarthaḥ | pūrvamiti rasā bhāvā 
ityādisaṃgrahavibhāgāvasare (a 6-10) laukikasya dharmasya 
mūlabhūtatvānnāṭyadharmaṃ vaicitryollekhyabhittisthānatvāditi 
lokadharmīmeva lakṣayati svabhāvabhāvopagatamityādi | kācittadvipayā dharmī 
kācinnaṭaviṣayā | yo yasya svabhāvato bhāvaḥ syāt sthāyivyabhicāryādiḥ 
tenopetam | kathamadhikṛtatvādityāha (śuddhamiti) | śuddhatvāt svavikalpitena 
vyāmiśratvāt tatheti śuddhaṃ kṛtvā | lokavārtā lokaprasiddhiḥ tasyāṃ yā 
kriyā vyavahāro vṛttāntastayā śuddhameva kṛtvā yuktaṃ yannāṭyaṃ 
naṭanīyaṃ kāryaṃ sā lokadharmī 
dharmyāstadvataścābhedopacārātsāmānādhikaraṇyam | aṅgalīlayā 
vartanādikayā varjitaṃ kṛtvā | 
svabhāvavalapatanaprahāranādāvasaravivādādāviva patākādinā yo'bhi-


p. 215)

ativākyakriyopetamatisattvātibhāvakam |
līlāṅgahārābhinayaṃ nāṭyalakṣaṇalakṣitam || 73 ||

svarālaṅkārasaṃyuktamasvasthapuruṣāśrayam |


nayastenopetam | nānātvena ca strīpuṃsoḥ striyāṃ prayojyāyāṃ yoṣideva 
prayoktrīpuruṣe tu puruṣa ityevaṃbhūtaṃ yannābhyastaceṣṭitaṃ sā lokadharmī 
taddharmavyapadeśāt yadi vā samudāyarūpasya kāvyaṃ tābhyāṃ manaso 
ekadeśabhūtā dharmī |

etaduktaṃ bhavati - yadā kaviryathāvṛttavastumātraṃ varṇayati naṭaśca 
prayuṅkte na tu svabuddhikṛtaṃ rañjanāvaicitryaṃ tatrānupraveśayaṃstadā 
tāvān sa kāvyabhāgaḥ prayogabhāgaśca lokadharmāśrayaḥ tatra dharmī | 
arthābhinaye sahakārirūpā itikartavyatārūpā veti daśaśatatamāditaratra 
praveśānāha śūnyatāyām (?) | kāvyanāṭyayorhi lokānusāritvaṃ vā 
vaicitryayogitvaṃ vā dharmaḥ | tatra kimetadbhāvamudbhāvamucyate 
tadāstāmetat |

atha nāṭyadharmī lakṣayati ativākyakriyopetamiti | itihāsādivākyamatikramya yā 
ucitarañjaketivṛttakalpanātmikā kriyā | rājaśekhareṇa rāmanirvāsanā 
daśarathaveparākṣasaviracitatattvakalpanā tayā yadupetaṃ bhāvasattvaṃ 
svabhāvacittavṛttimatikramya yatsthitaṃ kavikalpitacittavṛttyantarayuktamityarthaḥ | 
yathā svabhāvacapalavidūṣakacittavṛttyatikramāt yathā tāpasavatsarāje 
mantrisamucitagāmbhīryāvahitthayojanaṃ vasantakasya tathā 
svabhāvabhāṣitamatikramya yatsthitaṃ yathārājñyāḥ saṃskṛtam | 
evaṃbhūtaṃ kāvyaṃ kāvyagatanāṭyadharmī naṭagatā tu 
nāṭyalakṣaṇalakṣitaṃ kṛtvā līlayā śobhāpradhānatayā aṅgahārāṇi 
manoharāṇi tatpradhānairabhinayaiḥ upetaṃ tathāpāṭhe 
svarālaṅkārasaṃyojanayā yuktaṃ yatra ca puruṣo na svarūpe tiṣṭhati api tu 
strīvalamāśrayati prayojyaḥ puruṣo yatra na svarūpasthaḥ


p. 216)

yadīdṛśaṃ bhavennāṭyaṃ nāṭyadharmī tu sā smṛtā || 74 ||

loke yadabhiyojyaṃ ca padamatropayujyate |
mūrtimatsābhilāpaṃ ca nāṭyadharmī tu sā smṛtā || 75 ||

āsannoktaṃ ca yadvākyaṃ na śṛṇvanti parasparam |
anuktaṃ śrūyate yacca nāṭyadharmī tu sā smṛtā || 76 ||

śailayānavimānāni carmavarmāyudhadhvajāḥ |
mūrtimantaḥ prayujyante nāṭyadharmī tu sā smṛtā || 77 ||

(ya ekāṃ bhūmikāṃ kṛtvā kurvītaikāntare'parām |
kauśalyādekakatvādvā nāṭyadharmīti sā smṛtā || 78 ||


api tu striyā prayujyate tannaṭadharmī | bhavedityanena saṃbhāvanāmācakṣāṇa 
idamāha naivedaṃ samayamātraṃ niṣṭhamiti vaktavyaṃ api tu 
saṃbhāvyamānameva | sadrajjanopayogi vastūpayogi ca na hyāsannavacanasyāpi 
aśravaṇamanyairapyaśrūyamāṇasya ca śravaṇaṃ loke'pi kadācana na bhavati | 
kevalaṃ tantre tatsaundaryārthamānīyate | yathoktamupādhyāyaiḥ -

yadatrāsti na tatrāsya kavervarṇanamarhati |
yanāsaṃbhavi tatra syātsambhavaytra tu dharmanaḥ ||

atra niyamahetuḥ saumanasyaṃ tatra nāṭyadharmavyāpakatvaṃ 
bahutarodāharaṇanidarśanadiśā darśayitumāha loke yaditi abhiyojyaṃ kriyāsu 
padaṃ mūrtatvāt kevalaṃ sābhilāṣaṃ loke'pi 
kalāśilpakalpanākalitavapustadapi mūrtisaṃpādanena prayujyate prayogaḥ kriyate 
| yathā māyāpuṣpake tataḥ praviśati brahmaśāpa iti | śṛṇvanti 
janāntikāpavāritakayoḥ | anuktaṃ śrūyate ākāśabhāṣitaṃ ca 
gatādāvākāśādau | mūrtimanta iti prakriyā tu karma kāyavatprayujyanta 
ityarthaḥ | tadyathā - agre parvata eṣa kathamatra gantavyam ityādi | carma 
kheṭakaṃ vasunandādi


p. 217)

yāgamyā pramadā bhūtvā gamyā bhūmiṣu yujyate |
gamyā bhūmiṣvagamyā vā nāṭyadharmī tu sā smṛtā || 79 ||

lalitairaṅgavinyāsaistathotkṣiptapadakramaiḥ |
nṛtyate gamyate cāpi nāṭyadharmī tu sā smṛtā || 80 ||

yo'yaṃ svabhāvo lokasya sukhaduḥkhakriyātmakaḥ |
so'ṅgābhinayasaṃyukto nāṭyadharmī prakīrtitā || 81 ||

yaścetihāsavedārtho brahmaṇā samudāhṛtaḥ |
divyamānuṣaratyarthaṃ nāṭyadharmī tu sā smṛtā || 82 ||

yaśca kakṣyāvibhāgo'yaṃ nānāvidhisamāśritaḥ |
raṅgapīṭhagataḥ prokto nāṭyadharmī tu sā bhavet || 83 ||

nāṭyadharmīpravṛttaṃ hi sadā nāṭyaṃ prayojayet |


apūrṇarūpaṃ dāruvastracitrādirūpatayā prayujyate | lalitairiti 
āveṣṭitādicaturvidhakaraṇopagṛhītavartanāpravartitaiḥ | utkṣiptāni 
catustālādinā (a. 9-273-289) yāni padāni teṣāṃ 
kramātkālavibhāgāścatuṣkalatvādayaḥ | ca śabda ivaśabdārthaḥ | nṛtyata iva 
yadgamyate nṛttasadṛśī viśākhā sā yā gatirityarthaḥ tadbhāve laṭau | 
etatprāṇitameva nāṭyamityāha yo'yaṃ svabhāva iti | 
aṅgairātodyādibhirabhinayaiśca yadupetatvaṃ lokasvabhāvasya nāṭyadharmī 
lokasvabhāvatvānubhāvavilāsopetatvaṃ vidhāyakasya nāṭyadharmītvaṃ 
vidhānamiti prathamādhyāye (1-118) ślokādbhinnārtha evāyaṃ tatra 
nāṭyalakṣaṇaparo vākyārtha iti vivṛtaṃ caitattatraivādhyāye | prasaṅgopayogena 
sarvābhinayaprakārasārā nāṭyadharmyabhihitā tāṃ darśayati yaśceti | 
cakāraḥ prasaṅgaṃ dyotayati | prokta iti samanantarameva | vyāpakatvameva 
nāṭyadharmyā upasaṃharati (nāṭyadharmītyādinā) upadeśadvāreṇa 
nāṭyadharmīpravṛttā gatiḥ | atra 


p. 218)

na hyagābhinayātkiñcidṛte rāgaḥ pravartate || 84 ||

sarvasya sahajo bhāvaḥ sarvo hyabhinayo'rthataḥ |
aṅgālaṅkāraceṣṭā tu nāṭyadharmī prakīrtitā || 85 ||

evaṃ kakṣyāvibhāgastu dharmī yuktaya eva ca |
vijñeyā nāṭyatattvajñaiḥ prayoktavyāśca tattvataḥ || 86 ||

ukto mayehābhinayo yathāvacchākhākṛto yastukṛto'ṅgahāraiḥ 


hetuḥ na hyaṅgābhinayāditi | aṅgāni ca gītātodyādīnyabhinayāśceti 
dvandvasamāhāraḥ | rāga iti sāmājikaprītiḥ | nāṭyadharmyā yadi 
vyāpakatvāllokasvabhāvabhāvinyā na prayojanamuktayetyāśaṃkyāha sarvasya 
sahaja iti | hi śabdo hetumadbhāvaṃ dyotayati | tadayamarthaḥ - yasmātkavigatā 
nāṭyagatā vāgaṅgālaṅkāraniṣṭhāṃ nāṭyadharmīrūpā sarvaprāṇavatī 
arthata iti arthamapekṣya pravartate abhinayaśca sarvābhineyamarthamapekṣya 
pravartate tasmātsarvasya saṃbandhī sahajo bhāvo lokadharmalakṣaṇa ukto 
bhittisthāniyatvena nāṭyadharmyā sahajasaṃvādikarmaṇaḥ | aṅgaṃ 
vartanārūpaṃ guṇalakṣaṇāni ca alaṅkāraceṣṭā alaṅkārā upamādayaśca |

adhyāyārthamupasaṃharati evaṃ kakṣyāvibhāgastviti | dharmī hyekavacanaṃ 
nāṭyadharmyā atra prādhānyādanyasyāstatraiva magnatvāt | yuktaya iti 
pravṛttayaḥ athopasaṃhāre ca prayojanaṃ dharmayādayo upakaraṇabhūtāḥ 
teṣāmalpabāhulyaviracitakramābhidhānaṃ yojayitveti 
rpatipādanamadhyāyārthaprakaraṇaprastāve ca prathamena yojayati | anyena ca 
bhāviprakaraṇārthamāsūtrayati ukto mayehābhinaya iti sa 
mayetyātmajñānotkarṣaṇaṃ vyutpattiṃ śiṣyāṇāmutpādayati |yadyapyasya 
śākhānṛttaṃ (karavartanā) cāṅgahāraśca vastunītyuktaṃ tathāpi 
bhāvādhyāye sāttvikaprasaṅgena (7-143) aṅkurasyābhihitatvāt 
sāmānyābhinaye ca (a 22-41) taduktaṃ vaktavyaśeṣasya 
vakṣyamāṇatvādāṅgikābhinayopasaṃhārādevopasaṃharati | vākya-


p. 219)

punaśca vākyābhinayaṃ yathāvadvakṣye svaravyañjanavarṇayuktam ||

iti bhāratīye nāṭyaśāstre kakṣyāpravṛttidharmīvyañjako nāma 
trayodaśo'dhyāyaḥ |


mevābhinayaḥ tattvataśca dharmī abhinayo vākyaṃ hāsyādau yadyapi 
vākyābhinaya uktastathāpi satyuktasvarūpamabhineyamiti tathāha yathāvaditi ata 
eva punaruktam | svarāḥ acaḥ vyañjanāni halaḥ varṇā ajjhalsamudāyā iti śivam 
|

śītāṃśumaṇḍalakaśekharapādapadma-
kiñjalkapūgaparipūtaśiroruheṇa |
vṛttiḥ kṛtābhinavaguptapadābhidhena
kakṣyāṅkacitratalalakṣaṇavarṇane'smin ||

iti śrīmanmahāmāheśvarācāryābhinavaguptācāryaviracitāyāṃ 
nāṭyavedavivṛtāvabhinavabhāratyāṃ kakṣyāvṛttidharmyabhidhānaṃ nāma 
trayodaśo'dhyāyaḥ ||
nāṭyaśāstram

caturdaśo'dhyāyaḥ

yo vāgabhinayaḥ pūrvaṃ mayā prokto dvijottamāḥ |
lakṣaṇaṃ tasya vakṣyāmi svaravyañjanasaṃbhavam || 1 ||

vāci yatnastu kartavyo nāṭyasyaiṣā tanuḥ smṛtā |
aṅganaipathyasattvāni vākyārthaṃ vyañjayanti hi || 2 ||


atha caturdaśo'dhyāyaḥ |

dvidhāsthitaṃ sadma sadāvibhaktaṃ viśvānpadārthān samupādadānam |
pāṇīndriyaṃ saṃvyavahārahetu yasyeśvaraṃ taṃ varadaṃ namāmaḥ ||

āṅkikābhinayānantaraṃ vācikasya bhedaṃ nāṭyānuprāṇakatayā 
pūrvoddiṣṭāṅgikasya viṣayasamarpaṇaprāṇatvācca vāciko lakṣaṇīya 
ityevaṃbhūtāmadhyāyasaṅgatiṃ karoti yo vāgabhinaya iti | vāgevābhinayaḥ 
vācikābhinayaḥ | pūrvamiti ṣaṣṭhe'dhyāye sa nirūpyate tattvena 
cāsyābhidhānaprādhānyāt | atra hetumāha vāci yatrastu kartavya iti kavinā 
nirmāṇakāle naṭena prayogakāle | kuta ityāha (nāṭyasyaiṣeti) eṣā hi 
tanurnāṭyasya sakalaprayogabhittibhūtatvenātodya-

p. 221)

gītābhinayānugrāhaktavāt svayamabhinayarūpatvācca | pradarśitaṃ 
caitadasmābhirupāṅgābhinayārambha eva (adhyā-8) |

yattu kaiścidabhidhīyate cittavṛttiṃ prati śabdānāṃ bahiraṅgatvaṃ tadasat | 
tathā hi yaducyate vyatirekābhāvānna rasādayaḥ śabdavācyā iti tatra sarvaiḥ 
śabdairvyatirekābhāvo'siddhaḥ abhinayacatuṣṭayasāmānyaṃ vahiḥ sarvatra 
pratītisphuṭatāyāṃ vyāpriyata ityavocāma saptame'dhyāye |

atha śṛṅgārādiśabdānāṃ vācikānāmabhāve'pi tatpratipattiḥ |

pariṇataśarakāṇḍāpāṇḍurā gaṇḍapālī
himasamayanimīlatpuṇḍarīkāyamāṇam |
nayanamadharabimbaṃ śvāsaviśrāntitāntaṃ
tava sutanu tanoti prāṇitaṃ manmathasya ||

ityādāvayameva ca vyatiekābhāvaḥ | tadapyasat | etāvatāpi hi vṛścikādivat 
nimittāntaramapi tatpratītau suvacam | vṛściko'nyo gamayajo'nya eva 
vṛścikaprabhava iti cedihāpi tatsamānam | na hi śṛṅgāraśabde yādṛśī 
pratītistādṛśyevānyataḥ na ca na bhavati śṛṅgāraśabāttatpratītiḥ 
śṛṅgārahāsyeti | (6-16) ślokasya kākavāśitadeśīyatāpatteḥ | yathāsaṃketaṃ 
hi śabdātpravartamānātsiddhaṃ sādhyaṃ cābhidhātuṃ kena pratihanyata iti 
sādhyanāmakāpi bibhīṣikā | kiṃcedamapi śṛṅgārāyate hasati karuṇāyate 
ityādi sādhyaśabdaśabdanīyatvaṃ prati kiṃ vaktavyaṃ syāt avaśyaṃ caitat 
anyathā yāte dvāravatīṃ ityādau 

p. 222)

sotkaṇṭhayeti utkamiti cānuvādo viphala eva syāt tadrūpāsparśe 
tadanubhāvasamākarṣaṇasyāpyayogāt | sthāyivyabhicāriṇāṃ ca bhedapratītau 
-

yāntyā tayā valitakandharamānataṃ ta-
dāvṛttavṛntaśatapatranibhaṃ vahantyā |
digdho'mṛtena ca viṣeṇa ca pakṣmalākṣyā
gāḍhaṃ nikhāta iva me hṛdaye kaṭākṣaḥ || (mālatī 1-32)

ityādāvanubhāvapratyayo'pi durlabhībhavet kā kathā rasasya 
valitāvṛttadigdhanikhātādīnāṃ kaṭākṣaśabde jīvabhūtānāṃ kriyāsu 
pratipatterabhāvāt | 

līneva pratibimbiteva likhiteva ityādāveṣaiva vārtā |

tathā sahāsarabhasavyāvṛttakaṇṭhagrahaṃ vapuralasalasadvāhu lakṣmyāḥ 
katicidahāni vapurabhūtkevalamalasekṣaṇaṃ tasyāḥ ||

ramyāṇi vīkṣya madhurāṇi niśamya śabdān
paryutsuko bhavati yatsukhito'pi jantuḥ |
taccetasā smarati nūnamabodhapūrva
bhāvasthirāṇi jananāntarasauhṛdāni || śāku (5-2)

p. 223)

nidrānimīlitadṛśo madamantharāyāḥ vivṛṇvatī śailasutāpi bhāvamaṅgaiḥ 
ityādikāvyeṣu sahṛdayahṛdayasāgarasamuccaladrākāmṛgāṅkapratibimbeṣu 
jīvitabhūtānāṃ hāsālasyautsukyanidrāmadāgamābhilāṣāgamādīnāṃ 
śabdāspṛṣṭasvena vibhāvānutsādhyasvabhāve vītarāgateva 
vakrakākakrīḍākalpanaiva syāt | siddhasvabhāvānāmeva padairabhidhīyate tatra 
bhavanamiti tadanubhavatīti tatsādhyasvabhāvateti cet anyataradharmamukhena 
kriyākhyasya dharmiṇo dvābhyāmapi yathāsaṅketasparśād 
dvitīyadharmāsparśasyobhayorapi tulyatvāt sādhyatārthaṃ kriyāyā jīvitamiti cet 
dharmadvayavati dharmiṇi ka eṣo'nyataradharmapakṣapātaḥ na ca 
siddhatādharmo'syā nāsti tathātve vā kadācidapi kūladarśanaṃ na syāt | 
bhavanamiti vāropitagauṇīpratipattiḥ syāt |

sāpi valādāropasthānasya cānītasyaiva kenāpi śabdenāspṛṣṭatvāt 
tasmātsiddhābhidhāyinā vā śṛṅgārādiśabdena spṛśyata eva tadarthaḥ | na tu 
sarvo *?ya vikavirityatiprasaṅgalakṣyamāṇaprabandhavandhuraṃ 
kāvyanirmātṛtvaṃ hi kavittvaṃ na cittavṛtti pratipādakatvam |

yattu śṛṅgārdādiśabdādyavadhirna pratīricyucyate tatra saṅketa smṛtiṃ muktvā 
nānyadvyavadhānaṃ vidmaḥ vitatalakṣaṇapaurvāparyaṃ vipāko'yamiti 
saṅketagrahaṇe kiṃ tathā pratītiḥ | etenānvayābhāvaḥ pratyuktaḥ | 
vibhāvādibhyo'pi pūrṇakāvyaprakriyā parigatamantareṇa na rasādayaḥ | 
(yathā)

udyāne tu sthitāvetāvanyonyaṃ dadatau dṛśam |
madhyebhuvaṃ likhantau ca prāpya saṅgamasaṅgatau || iti 

tasmādapūrṇatve tulyo'nvayābhāvaḥ | tāsāṃ tu - siddha eva | 
yattupādhyāyaiḥ kāvyakautuke rasoddeśaparaśloke - ityādinirūpitaṃ 
taduktānyārthatayaiva na gṛhītavyam |


p. 224)

vāṅmayānīha śāstrāṇi vāṅniṣṭhāni tathaiva ca |
tasmādvācaḥ paraṃ nāsti vāgghi sarvasya kāraṇam || 3 ||

nāmākhyātanipātopasargataddhitasamāsanirvartyaḥ |
sandhivibhaktiniyukto vijñeyo vācikābhinayaḥ || 4 ||


nanvevaṃ rasasūtre śabdo'pyupādātavyaḥ ? | tadidamāyātaṃ - utsaṅgasaṅgini 
vālake tadanveṣaṇamiti | atra bhāvopādāne hi kiṃ na saṃgṛhītam 
yadayamanubhāvayati vāgaṅgasattvakṛta iti (7-7) | āvṛtyā ca vāgityatraiva 
chedaḥ | tadyadi vāgbhavati tadetānyarthaṃ vyajjayanti vāksahitāni svārthaṃ 
tyajjayanti ekatastryātmakataśca vāgiti samasayogenāha | saiveyamupayoginī kiṃtu 
caturthagopāyabhūtā paramapuruṣārthasvabhāvā viśva kāraṇabhūtā 
bhagavatī bhāratītyāha vāṅmayānīti vāci phalarūpāyāṃ niṣṭhā yeṣām | 
kuta ityāha vā | iha bhāvānāṃ 
sattāsaṃbandhanijalakṣaṇārthakriyākāritvādikṛtaṃ yatsattvaṃ 
tatpradhānakabodhatvabhūtaṃ śapathaśaraṇaṃ tasya bodhasya pāramaiśvaryaṃ 
svātantryaṃ pratyavamarśātmakameva jaḍavailakṣaṇyadāyīti 
vibhaktamasmatparamagurupādaiḥ pratyabhijñādau asmābhiśca tadvivaraṇe 
bhedavādavidāraṇādau ca | evaṃ vāgevāvabhāsikā saiva ca nirvāhikī 
avabhāsanaiva hi paramārthato nirvāṇam | tadāha vāgghi sarvasyeti vāgeva 
viśvābhuvanānīti śruteḥ śabdavivartādirūpatvaṃ ca prasādhitaṃ tatra 
bhavadbhirbhartṛhari prabhṛtibhiriti tadihānusaraṇīyam | sarvākāratve ca vācaḥ 
itivṛttamapi 


p. 225)

dvividhaṃ hi smṛtaṃ pāṭhyaṃ saṃskṛtaṃ prākṛtaṃ tathā |
tayorvibhāgaṃ vakṣyāmi yathāvadanupūrvaśaḥ || 5 ||

vyañjanāni svarāścaiva sandhayo'tha vibhaktayaḥ |
nāmākhyātopasargāśca nipātāstaddhitāstathā || 6 ||

etairaṅgaiḥ samāsaiśca nānādhātugavekṣitam |
vijñeyaṃ saṃskṛtaṃ pāṭhyaṃ prayogaṃ ca nibodhata || 7 ||


yaccharīraṃ nāṭyasyeti (a 22-1) yadvakṣyate tanna viruddhaṃ tasyāpi 
vāṅmayatvāditi tatraiva nirṇeṣyate |

tatra śāstrāntaraprasiddhānapi rasāṅgatvena kaviśikṣārthaṃ naṭasya ca tatra 
tatrābhidheye viśrāntikarān kartavyatayetyupadeśārthamāgamāniti irdiśati 
āgametyādi | arthadvāreṇa rūpasaundaryeṇa caiṣāmubhayadhā ca yogaḥ 
kṣubhitaṃ mahyamidaṃ me kṣubdhamiti mantheḥ pratītiḥ syāt | arthabhede'pi 
svarūpasaundaryaṃ sārvatrikaṃ viṣayabhedena ca asyandiṣyanta sindhavaḥ iti hi 
kartavye aspandiṣyan sarve sindhavaḥ iti durbhaṇam aśravaṃ ca makṣyaṃ mākṣati 
vakṣasaḥ kṣatabhavanvepakṣataṃ klīvitam (?) iti - atra raudre mokṣyatīti hṛdyam | 
atra kadā saṃmārjiṣyati iti locane na tu kadā saṃmārkṣyatīti evaṃ vaikalpike'pi 
āgame saundaryāt abhāvapakṣo vā ācchidya priyataḥ iti suvyaktameva | 
ekāntsaṃpratītinaśceti ghuṭo'sattvapakṣa eva | āgamenādeśo'pyupalakṣyate | 
mugdhāśabdasthāne na mūḍhāśabdaḥ prayogārhaḥ |

p. 226)

nāma yathā madanaripuriti bhagavatparyāyaśceti tadīyaśṛṅgāravarṇane na 
prayojyam | ākhyātamapi yadvaicityramāvahati smarasi smara mekhalāguṇaiḥ iti 
vartamānapratyayena tatsākṣatkaraṇamupālambhaviṣayatā tvamevātra sākṣī 
anṛtaṃ na prakaṭitaṃ anyathā smṛtavāniti mekhalāguṇairiti syāt | 
upasargātprakṛtārthayogino yathā - nirmita ityarthe na mitiḥ | adhikadyotako yathā 
- muhurupacitairdṛṣṭirālupyate iti | upasargaiḥ karmapravacanīyā apyupalakṣyante 
(yathā) kiṃ syādarjunataḥ prati iti vicitaṃ nāstīti rpatītiḥ punareva syāt 
arjunakṛte vicitamiti | taddhitapratyayopalakṣaṇam |

mīmāṃsate hṛdayamātmana eva bālā
nāmnāpi mānakalanāṃ sahate na jātu |

na tu cittaṃ vicārayatyātmana eveti | evaṃ suvdhātupratyayapadaṃ na talmu kṛtsu 
vācyaṃ gauravabhayāttu nodāhṛtam |

strīpratyayo yathā - adhyāsīnaḥ savaidagdhī karma tayā kṛtī na tu vaidagdhīmiti 
strīpratyayena saubhāgyātiśayapratīteḥ |

taddhito yathā - śātravaṃ ca papuryaśaḥ iti na tu śatrūṇāṃ ceti taddhitavṛttyā 
hyekārthībhavānvayāt tadgrāsīkṛtamapi yaśaste svayaṃgrāhīcakrurityarthaḥ | 
nipāto yathā - hahā  hā devi dhīrā bhava sūḥ (āḥ?) kimatra kirātairyatra


p. 227)

akārādyāḥ svarā jñeyā aukārāntāścaturdaśa |
hakārāntāni kādīni vyañjanāni vidurvudhāḥ || 8 ||

atra svarāścaturdaśa kādīni vyañjanāni yathā - a ā i ī u ū ṛ ṝ ḷ ḹ e 
ai o au svarā jñeyāḥ | ka kha ga gha ṅa ca cha ja jha ña ṭa ṭha ḍa ḍha ṇa ta 
tha da dha na pa pha ba bha ma ya ra la va śa ṣa sa hāḥ iti vyañjanavargāḥ || 
9 ||


vānti varṣānilā viśeṣeṇa niraṅkuśā iti ekārthībhāvo yatra sati vṛttaṃ ... | 
samāso yathā - madhyegaṅgāyamunamanu neti na tu madhye gaṅgāyamunayoriti | 
evaṃ samāsāntareṣu vācyam | śuddheṣu saṅkīrṇeṣu cāgamādayo nivṛttāntā 
vidyante yatreti matvarthīye ca |

sandhirdvidhā nerantaryaṃ rūpaśleṣaśca - bhavatoyeti viparyayeṇa nairantarye 
asiddhatā tatrāsthirā iti rūpaśleṣe bibhatsā ślīlane | sūtraṃ brāhmamiti 
pṛthagapi dviśruti saṅgaḥ padayoḥ naikapadavattā 
brahmasūtramityanusvānasyottarasaṃkrāntivyatirekeṇa cātmani 
viśrāvayitumaśakyatvādekapadavadbhāvaḥ |

vibhaktayaḥ suptiṅvacanāni taiḥ kārakaśaktayo liḍādyupagrahāścopanyante | 
yathā pāṇḍimni magnaṃ vapuḥ iti vapuṣyeva majjanakartṛkatvaṃ tadāyatā 
pāṇḍimnaścādhāratāṃ gadasthānīyatāṃ dyotayannatīva rañjayati na tu 
pāṇḍu svabhāvaṃ vapuriti | evaṃ kārakāntareṣu vācyam |


p. 228)

aṣṭau sthānāni varṇānāmuraḥ kaṇṭhaḥ śirastathā |
jihvāmūlaṃ ca dantāśca nāsikoṣṭau ca tālu ca || 10 ||

akuhavisarjanīyāḥ kaṇṭhyāḥ icuyaśāstālavyāḥ ṛṭuraṣā 
mūrdhanyāḥ ḷtulasā dantyā upūpadhmānīyā oṣṭhyāḥ 
ityupadhmānīyaḥ iti jihvāmūlīyaḥ e ai kaṇṭhatālavyau o vau 
kaṇṭhyauṣṭhyau vakāro dantyoṣṭhyaḥ ṅa ña ṇa na mā anunāsikāḥ 
visarjanīyasyaurasya ityeke | sarvamukhasthānamavarṇamityapare |

dvau dvau varṇau tu vargādyau śaṣasāśca trayo'pare |
aghoṣā ghoṣavantastu tatau'nye parikīrtitāḥ ||

varge varge samākhyātau dvau varṇau prāgavasthitau |
aghoṣā iti ye tvanye saghoṣāḥ saṃprakīrtitāḥ || 12 ||

ete ghoṣāghoṣāḥ kaṇṭhyauṣṭhyā dantyajihva nāsikyāḥ |
ūṣmāṇastālavyā visarjanīyāśca boddhavyāḥ || 13 ||

ga gha ṅa ja jha ña ḍa ḍha ṇa da dha na ba bha ma ya ra la vā matā 
ghoṣāḥ |
ka kha ca cha ṭa ṭha ta tha pa pha śa ṣa sā iti vargeṣvaghoṣā syuḥ ||

ka kha ga gha ṅā kaṇṭhasthāstāluthānāstu ca cha ja jha ñāḥ |
ṭa ṭha ḍa ḍha ṇā mūrdhanyāḥ tadadadhanāścaiva dantasthāḥ || 15 ||


p. 229)

vacanaṃ yathā - pāṇḍavā yasya dāsāḥ sarve ca pṛthakcetyarthaḥ | tathā 
vaicitryeṇa tvaṃ hi rāmasya dārāḥ kiṃ yathā kīrtistavaśveteti na tu śvetaṃ 
yaśastaveti | upagrahaḥ - kurvāṇo bhujaśālino na tu kurvate bhujaśālitvaṃ 
liṅgam | parimṛditamṛṇālīkomalānyaṅgakāni | āsamantāditivaicitryaṃ yathā - 
āpāte'pi vikārakāraṇamaho vaktrambujanmā sa vaḥ | niyujyate kriyāyāmiti 
dhātuḥ tasya vaicitryaṃ (yathā) grastaṃ kulānte jagataḥ na tu bhuktam | grasiti 
svadanamātre paribhāṣite'pi grāsātiśayasaṃrambhaḥ kule tatra vartate 
pūrvavadatrāpi dvandvānmatvarthīyaḥ | 
etadevopajīvyānandavardhanācāryeṇoktaṃ suptiṅvacanetyādi | anyairapi 
suvādivakrateti |

ityevaṃ daśabhiraṅgairukto kavitāvācikaśabdaniṣṭho vyavahāraḥ vibhajya 
sthānakaraṇādijñānaṃ ca 
kavergāḍhaśithilamasṛṇaparuṣādigumphaviśeṣavibhāgāyopadiṣṭaṃ na tasya ca 
samyaguccāraṇāpadeśāya vageśa upādānaṃ sāvarṇyena 
prabandhasaundaryajñānārtham tathā - dattānando dhaninamanusartā vṛtidhana 
ityādau | ghoṣa iti anupradānaviśeṣaḥ | nāsikā tadvyāpāro'nte yasya 
tathābhūto dharmo'nusvāraḥ | tatra ghoṣabāhulyādgāḍhatā tathā -


p. 230)

pa pha ba bha māstvoṣṭhyāḥ syurdantyā ḷlasā ahau ca kaṇṭhasthau 
tālavyā icuyaśāḥ syuḥ ṛṭu ruṣā mūrdhni sthitā jñeyāḥ ||
ḷ ḹdantyau o au kaṇṭhoṣṭhyau e aikārau ca kaṇṭhatālavyau 
kaṇṭhyo visarjanīyo jihvāmūlodbhavau karavayoḥ || 16 ||

paphayoroṣṭhasthāno bhavedukārastathā svaro vivṛtaḥ |
spṛṣṭāḥ kādyāmāntāḥ śaṣasahakārāstathā vivṛtāḥ || 17 ||

antaḥsthāḥ saṃvṛtajā ṅañaṇanamā nāsikodbhavā jñeyāḥ |
ūṣmāṇaśca śaṣasahā yavaralavarṇāstathaiva cāntaḥsthāḥ || 18 ||

jihvāmūlīyaḥ kaḥ pa upadhmānīya saṃjñayā jñeyaḥ |
kacaṭatapāḥ svaritāḥ syuḥ khachaṭhathaphāḥ syustathā kaṇṭhyāḥ ||

kaṇṭhorasyān vidyāt gajaḍadavān pāṭhyasaṃprayoge tu |
vedyo visarjanīyo jihvāsthāne sthito varṇaḥ || 20 ||

ete vyañjanavargāḥ samāsataḥ saṃjñayā kathitāḥ |
śabdaprayogaviṣaye svarāṃstu bhūyaḥ pravakṣyāmi || 21 ||


aṅgaṃ dadhanniviḍacandanamaṅganānāṃ
naidāghavātasadanaṃ na tu manmathasya |

atrākaratakārāvevāghoṣau | etadartha eva ca sthānādivibhāga upanyastaḥ | 
etatsvaralakṣaṇādhyāye (a-17) śuṭayiṣyāmaḥ | kaṣayoruccāraṇāya 
kakārapakārau jihvāśabdena sthānakaraṇau |


p. 231)

yasmin sthāneṣu samo vijñeyo yaḥ savarṇasaṃjño'sau |
ya ime svarāścaturdaśa nirdiṣṭāstatra vai daśa samānāḥ ||

pūrvo hrasvasteṣāṃ paraśca dīrgho vidhātavyaḥ |
itthaṃ vyañjanayogaiḥ svaraiśca sākhyātanāmapadavihitaiḥ ||

kāvyanibandhāśca syurdhātunipātopasargaistu |
uddiṣṭaṃ śabdānāṃ lakṣaṇametatsamāsayogena || 24 ||

prakaraṇavaśāddhi tadahaṃ vistarataḥ saṃpravakṣyāmi |
tatprāhuḥ saptavidhaṃ ṣaṭkārakasaṃyutaṃ prathitasādhyam || 25 ||


(savarṇasaṃjña iti) ye yatra tulye tatsavarṇabhūmayaḥ | 
punarhrasvadīrghādirūpatayā 
samānasaṃjñādbhede'pyanuprāsādāvabhedādavyañjanabhede(?)... svarā ... ... 
... bhāvādekavacanādi bhūtakālayuktaṃ nāmeti - saṃbandhaḥ | 
kariṣyamāṇaṃ kriyamāṇaṃ kriyākṛtamiti yathābhūtādiyuktaṃ 
gamanāgamanābhyāṃ pūrvāparībhūtādhya-


p. 232)

(nirdeśasaṃpradānopādānaprabhṛtisaṃjñābhiḥ |
saṃpratyatītakālakriyādisaṃyojitaṃ prathitasādhyam ||
vacanaṃ nāgatayuktaṃ susadṛśasaṃyojanavibhaktam |
pañcaśatadhātuyuktaṃ pañcaguṇaṃ pañcavidhamidaṃ vāpi || 27 ||

svādyādyadhikāraguṇairarthaviśeṣairvibhūṣitanyāsam |
prātipadikārthaliṅgairyuktaṃ pañcavidhamidaṃ jñeyam || 28 ||

ākhyātaṃ pāṭhakṛtaṃ jñeyaṃ nānāśrayaviśeṣam)
vacanaṃ nāmasametaṃ puruṣavibhaktaṃ tadākhyātam || 29 ||

prātipadikārthayuktā dhātvarthānupasṛjanti ye svārthe |
upasargā hyuddiṣṭāstasmātsaṃskāratastasmin || 30 ||


kṣāparokṣabhūtābhyāṃ yuktamākhyātaṃ prathitaḥ sādhyo'rtho vācyatvena 
yasya | uruṣairuttamamadhyamaprathamairvibhaktam | dhātvarthānupasṛjanti 
uparāgeṇānyādṛśān kurvanti tenopakāreṇa prātipādikārthasya 
yuktasaṃbandhena prakarotīti hi śabdaḥ | prakarṣaprātipadikārthoparāgeṇa vā 
dhātvarthaṃ vicitraṃ karoti yadvā tu svārthe dhātvarthānupasṛjanti ataḥ 
upasargān prātipadikārthe ca yuktyā upasargāḥ yathā prācāryaḥ prāntevāsī 
prātipadikārthayuktyā vṛddhaśca ghaṭaśca dhātuyuktyā pacati paṭhati ca 
pāka(pāṭha)yoreva hi samuccyaśabdau yuktau ayuktyāśrayāttu 
pādapūraṇārthamucyate yatra dyotanena vinā na khaṇḍanā dyotanena ca sati 
vākyamalaṃkṛtaṃ bhavati | tadyathā - milati na khalu yasyā iti khaluśabdaḥ 
prayāsasyākṛtārthatvaṃ dyotayati | tacca tenāpi vinā sphuṭameva vākyārthata 
eva lābhāt | aharaha-


p. 233)

prātipadikārthayogāddhatucchandoniruktayuktyā ca |
yasmānnipatanti pade tasmātproktā nipātāstu || 31 ||

pratyayavibhāgajanitāḥ prakarṣasaṃyogasattvavacanaiśca |
yasmātpūrayate'rthān pratyaya uktastatastasmāt || 32 ||

loke prakṛtipratyayavibhāgasaṃyogasattvavacaneṣu |
tāṃstān pūryante'rthāṃsteṣu hi tadditastasmāt || 33 ||

ekasya bahūnāṃ vā dhātorliṅgasya vā padānāṃ vā |
yasmādvibhajantyarthānvibhktayaḥ kīrtitāstasmāt || 34 ||

viśiṣṭāstu svarā yatra vyañjanaṃ vāpi yogataḥ |
sandhīyate pade yasmāttasmātsandhiḥ prakīrtitaḥ || 35 ||

(varṇapadakramasiddhaḥ padaikayogācca varṇayogācca |
sandhīyate tu yasmāttasmādupadiśyate sandhiḥ || 36 ||


ranurāgāt iti nirbhajya vacanaṃ dyotitasyāpi śuṭīkaraṇam tadyuktā | aho vatāsi 
spṛhaṇīyavīryaḥ prātipadikārthānetairarthairupanipatitairjñāpayati | taddhitaḥ - 
tasmai prātipadikārthāya hitastatprātipadikārthaṃ ca yasya vā svātmīkurute 
yataḥ pratyayādivibhāgāvayavaḥ kāvye tanmataṃ 
saṃprayogaprayojanamaindre'bhihitaṃ saṃyogasyeti saṃbandhaḥ | cāndrī jyotsnā 
sattvaṃ tadbhāvaḥ (sūktaṃ) sauktyaṃ vacanaṃ pravacanaṃ 
kāṭhakamādityaśrutyā turyapañcamādhyāyavihitā nirdeśyante |


p. 234)

luptavibhaktirnāmnāmekārthaṃ saṃharatsamāso'pi |
tatpuruṣādistajjñairnirdiṣṭaṣṣaḍvidho viprāḥ ||) 37 ||

ebhiḥ śabdavidhānairvistāravyañjanārthasaṃyuktaiḥ |
padabandhāḥ kartavyā nibaddhavandhāstu cūrṇā vā || 38 ||

vibhaktyantaṃ padaṃ jñeyaṃ nibaddhaṃ cūrṇameva ca |
tatra cūrṇapadasyeha saṃvibodhata lakṣaṇam || 39 ||

anibaddhapadaṃ chandastathācāniyatākṣaram |
arthāpekṣyakṣarasyūtaṃ jñeyaṃ cūrṇapadaṃ budhaiḥ || 40 ||

nibaddhākṣarasaṃyuktaṃ yaticchedasamanvitam |
nibaddhaṃ tu padaṃ jñeyaṃ pramāṇaniyatātmakam || 41 ||

evaṃ nānārthasaṃyuktaiḥ pādairvarṇavibhūṣitaiḥ |


ekasya padasya bahūnāṃ vā padānāṃ samāptiṃ prāptānām | vāśabdād 
dvayorapi | yenārtho vibhajyate vibhaktyākhyaḥ pratyayaḥ teṣāṃ ca padānāṃ 
dvaividhyaṃ dhātorvā saṃbandhi yadutpannaṃ liṅgasya vā arthaballiṅgamiti 
saṃjñāyāṃ saṃbandhi vyutpannaṃ yadi vā liṅgasya saṃbandhinyo 
vibhaktayaḥ supaḥ dhātostiṅaḥ | pada ityekapade nāstyatisaṃhitetyāha | nibaddho 
bhāvicchandovidhinā baddhaḥ saṃghaṭṭanā yathā | padabandhā ityukte padaṃ 
nirūpayati tatreti parimitavaktavyatvādityatrāśayaḥ | yatirvirāmaḥ 
cchandāṃ'kṣarasaṃkhyā niyamaḥ akṣaraniyamo gurulaghuniveśaniyamaḥ 
etadvihīnaṃ cūrṇapadamarthaśṛṅgāravīrādyapekṣyakṣarāṇi parimitāni 
bhūyāṃsi vā yatreti asamāsasaṃghaṭṭanātmakamuktamiti | idaṃ tu kevalaṃ 
paṭhanakarmatvādgadyamityu-


p. 235)

caturbhistu bhevedyuktaṃ chandovṛttabhidhānavat || 42 ||

ṣaḍviṃśati smṛtānyebhiḥ pādaiśchandāṃsi saṃkhyayā |
samamardhasamaṃ caiva tathā viṣamameva ca || 43 ||

chando jñeyaṃ samāsena trividhaṃ vṛttamiṣyate |
nānāvṛttaviniṣpannā śabdasyaiṣā tanuḥ smṛtā || 44 ||

chandohīno na śabdo'sti na cchandaśśabdavarjitam |
evaṃ tūbhayasaṃyogo nāṭyasyoddyotakaḥ smṛtaḥ || 45 ||

ekākṣaraṃ bhaveduktamatyuktaṃ dvyakṣaraṃ bhavet |
madhyaṃ tryakṣaramityāhuḥ pratiṣṭhā caturakṣarā || 46 ||

supratiṣṭhā bhavetpañca ṣaḍgāyatrī bhavediha |
saptākṣarā bhaveduṣṇigaṣṭau cānuṣṭubiṣyate || 47 ||

navākṣarā tu bṛhatī paṅktiścaiva daśākṣarā |
ekādaśākṣarā triṣṭubjagatī dvādaśākṣarā || 48 ||


cyate | varṇā gurulaghutvacchedaḥ pādasaṃkhyā sāmānyalakṣaṇamāha 
pramāṇena śrotrendriyeṇa niyata ātmā yatra śravyamityarthaḥ | idaṃ tatpadyaṃ 
pādeṣu bhavati gadyamiti nigadanīyatve'pi viśeṣasaṃjñayā vyapadeśaḥ |


p. 236)

trayodaśātijagatī śakkarī tu caturdaśa |
daśapañcātiśakkaryā aṣṭiḥ syāt ṣoḍaśākṣarā || 49 ||

tathā saptadaśātyaṣṭiḥ dhṛtiraṣṭādaśākṣarā |
ekonaviṃśātidhṛtiḥ kṛtirviṃśatireva ca || 50 ||

prakṛtiścaikaviṃśatyā dvāviṃśatyākṛtistathā |
vikṛtiḥ syāt trayoviṃśā caturviṃśāpi saṃkṛtiḥ || 51 ||

pañcaviṃśatyābhakṛtiḥ ṣaḍviṃśatyakṣarotkṛtiḥ |
ato'dhikākṣaraṃ chando mālāvṛttamiti smṛtam || 52 ||

chandasāṃ tu tathāhyete bhedāḥ prastārayogaḥ |
asaṃkhyeya pramāṇāni vṛttānyāhurato budhāḥ || 53 ||


atha tasya lakṣaṇaṃ kartuṃ chandaḥsvarūpaṃ tāvadityāha evamityādi vividha 
(varṇa)bhūṣaṇaiḥ sālaṃkāraiḥ pādaiścaturbhiriti saṃbandhaḥ 
ṣaḍviṃśakamiti tāvatparimāṇamekākṣarātprabhṛti ṣaḍviṃśatyakṣarāṇi 
taduktādīnyutkṛtyantāni chandāṃsītyarthaḥ | pādacatuṣṭaye tulyalakṣaṇaṃ 
samaṃ atulyalakṣaṇaṃ viṣamaṃ (arthasamaṃ) 
prahtamatṛtīyayordvitīyacaturthayoḥ | saṃjñābhiśchandobhedā āśritāḥ |

kathaṃ te bhedā ityāha prastārayogata iti prastāre yogo yuktaḥ tena tatra 
yuktirvakṣyate -

prakīrya sarvaṃ guru tatra pūrvaguroradho laṃ parapūrya tatvam |
syātpūrvapūrva guruṇeti yāvatsarvatra laḥ prastaraṇe tadeva ||


p. 237)

gāyatrīprabhṛ titveṣāṃ pramāṇaṃ saṃpravakṣyate |
prayogajāni sarvāṇi prāyaśo na bhavanti hi || 54 ||

vṛttāni ca catuḥṣaṣṭi gāyatryāṃ kīrtitāni tu | (64)
śataṃ viṃśatiraṣṭau ca vṛttanyuṣṇihyathocyate || (128)

ṣaṭpañcāśacchate dve ca vṛttānāmapyanuṣṭubhi | (256)
śatāni pañca vṛttānāṃ bṛhatyāṃd vādaśaiva tu || (512)

paṃktyāṃ sahasraṃ vṛttānāṃ caturviṃśatireva tu || (1024)
traiṣṭabhe dve sahasre ca catvāriṃśattathā'ṣṭa ca || (2048)

sahasrāṇyatha catvāri navatiśca ṣaḍuttarā |
jagatyāṃ samavarṇānāṃ vṛttānāmiha sarvaśaḥ || 58 || (4096)

śatamaṣṭau sahasrāṇi dvyadhikā navatiḥ punaḥ |
jagatyāmatipūrvāyāṃ vṛttānāṃ sarvaśo bhavet || 59 || (8192)


etadyathā bhedāḥ | akṣarasyāṣṭau gāyatrīprabhṛtīni tata evārabhya 
prayogārhateti sūcayati uktyādīnāmaśravatvāt | tadāha prayogajānīti lakṣyato 
sthitāni api tu vedavad dṛśyanta iti bhāvaḥ | vṛttāni ca catuḥ ṣaṣṭirityādinā 
svakaṇṭhena saṃkhyāṃ paṭhati yāvat |


p. 238)

śatāni trīṇyaśītiśca sahasrāṇyapi ṣoḍaśa |
vṛttāni caiva catvāri śakkaryāḥ parisaṃkhyayā || 60 || (16384)

dvātriṃśattu sahasrāṇi saptacaiva śatāni ca |
aṣṭau ṣaṣṭiśca vṛttāni hyāśrayantyatiśakkarīm || 61 || (32768)

pañcaṣaṣṭi sahasrāṇi sahasrārdhaṃ tu saṃkhyayā |
ṣaḍviṃśaccaiva vṛttāni tathāṣṭyāṃ gaditāni tu || 62 || (65536)

ekatriṃśatsahasrāṇi vṛttānāṃ ca dvisaptatiḥ |
tathā śatasahasraṃc a chandasyatyaṣṭisaṃjñite || 63 || (131072)

dhṛtyāmapi hi piṇḍena vṛttānyākalpitāni tu |
tajjñaiḥ śatasahasre dve śatamekaṃ tathaiva ca || 64 ||


ṣaṭkoṭyastu sahasrāṇāṃ śatāni hyekasaptatiḥ |
aṣṭau caiva sahasrāṇi śatānyaṣṭau tathaiva ca |
catuḥṣaṣṭistu vṛttāni hyutkṛtāvapi saṃkhyayā || iti (67108864)

pramāṇam | abhikṛtyantānāṃ saṃkhyāṃ pramāṇīkṛtyāha tisraḥ koṭya 
ityādinā | tadaṅkaṃ pūrveṇa piṇḍayitvā sarvasaṃkhyājñānaṃ kramavaśāt |


p. 239)

dviṣaṣṭiśca sahasrāṇi catvāriṃśacca yogataḥ |
catvāri caiva vṛttāni samasaṃkhyāśrayāṇi tu || 65 || (262144)

atidhṛtyāṃ sahasrāṇi caturviṃśatireva ca |
tathā śatasahasrāṇi pañcavṛttaśatadvayam || 66 ||

aṣṭāśītiśca vṛttāni vṛttajñaiḥ kathitāni tu | (524288)
kṛtau śatasahasrāṇi daśa proktāni saṃkhyayā || 67 ||

catvāriṃśattathāṣṭau ca sahasrāṇi śatāni ca |
pañca ṣaṭsaptatiścaiva vṛttānāṃ parimāṇataḥ || 68 || (1048576)

tathā śatasahasrāṇāṃ prakṛtau viṃśatirbhavet |
sapta vai gaditānyatra navatiścaiva saṃkhyayā || 69 ||

sahasrāṇi śataṃ caikaṃ dvipañcāśattathaiva ca |
vṛttāni parimāṇena vṭtajñairgaditāni tu || 70 || (2097152)

catvāriṃśattathaikaṃ ca sahasrāṇāṃ śatāni tu |
tathā ceha sahasrāṇi navatiścaturuttarā || 71 ||

śatatrayaṃ samākhyātaṃ hyākṛtyāṃ caturuttaram | (4194304)

p. 240)

jñeyā śatasahasrāṇāmaśītistryadhikā budhaiḥ || 72 ||

aṣṭāśīti sahasrāṇi vṛttānāṃ ṣaṭchatāni ca |
aṣṭau caiva tu vṛttāni vikṛtyāṃ gaditāni tu || 73 || (8388608)

tathā śatasahasrāṇi saptaṣaṣṭiśca saptatiḥ |
sapta caiva sahasrāṇi ṣoḍaśa dve śate tathā || 74 ||

koṭiścaiveha vṛttāni saṃkṛtau kathitāni vai | (16777216)
tathā śatasahasrāṇi pañcatriṃśacca saṃkhyayā || 75 ||

tisraḥ koṭyaḥ sahasrāṇi catuṣpañcāśadeva ca |
śatāni catvāri tathā dvātriṃśatpravibhāgataḥ || 76 ||

vṛttānyabhikṛtau caiva chandojñaiḥ kathitāni vai | (33554432)
ṣaṭkoṭyastu sahasrāṇāṃ śatāni hyekasaptatiḥ || 77 ||

aṣṭau caiva sahasrāṇi śatānyaṣṭau tathaiva ca |
catuṣṣaṣṭistu vṛttāni hyatkṛtāvapi saṃkhyayā || 78 || (67108864)

p. 241)

uktādyutkṛtijātāni vṛttasaṃkhyāvicakṣaṇaiḥ |
etena ca vikalpena vṛttānyetāni nirdiśet || 79 ||

sarveṣāṃ chandasāmevaṃ vṛttāni kathitāni vai |
tisraḥ koṭyo daśa tathā sahasrāṇāṃ śatāni tu || 80 ||

catvāriṃśattathā dve ca sahasrāṇi daśaiva tu |
saptabhiḥ sahitānyeva sapta caiva śatāni ca || 81 || (134217726)

ṣaḍviṃśatirihānyāni vyākhyātāni samāsataḥ |
samāni gaṇanāyuktimāśritya kathitāni vai || 82 ||

sarveṣāṃ chandasāmevaṃ trikairvṛttaṃ prayojayet |
jñeyā hyaṣṭau trikāstatra saṃjñābhiḥ sthānamakṣaram || 83 ||

trīṇyakṣarāṇi vijñeyastrikoṃ'śaḥ parikalpitaḥ |
gurulaghvakṣarakṛtaḥ sarvavṛtteṣu nityaśaḥ || 84 ||

gurupūrvo bhakāraḥ syānmakārasya gurutrayam |
jakāro gurumadhyastu sakāro'ntagurustathā || 85 ||

p. 242)

laghumadhyastu rephaḥ syāttakāro'ntalaghustathā |
laghupūrvo yakārastu nakārastu laghutrayam || 86 ||

ete hyaṣṭau trikā nāmnā vijñeyā brahmasaṃbhavāḥ |
lāghavārthaṃ punaramī chandomānamavekṣya ca || 87 ||

ebhyo vinirgatāścānyā jātayo'tha samādayaḥ |
asvarāḥ sasvarāścāpi procyante vṛttalakṣaṇaiḥ || 88 ||

gurvekaṃ gū iti vijñeyaṃ tathā laghu l iti smṛtam |
niyataḥ padavicchedo yatirityabhisaṃjñitā || 89 ||

guru dīrghaṃ plutaṃ caiva saṃyogaparameva ca |
sānusvāravisargaṃ ca tathāntyaṃ ca laghu kvacit || 90 ||

(gāyatrī prabhṛti tveṣāṃ pramāṇaṃ saṃpravartate |
prayogajāni pūrvāṇi prāyaśo na bhavanti hi || 91 ||

gāyatryāṃ dvau trikau jñeyāvuṣṇigekākṣarādhikā |
anuṣṭubdvyadhikā jñeyā vṛhatyāṃ tu trikāstrayaḥ || 92 ||

ekādhikākṣarā paṅktistriṣṭupca dvyadhikākṣarā ||
catustrikā tu jagatī saikātijagatī tataḥ || 93 ||

śakkarī dvyadhikā pañcatrikā jñeyātiśakkari |

p. 243)

ekādhikā tathāṣṭiśca dvaydhikātyaṣṭirucyate || 94 ||

ṣaṭtrikā dhṛtiruddiṣṭā hyatipūrvādhikākṣarā |
kṛtiśca dvyadhikā proktā prakṛtyāṃ sapta vai trikāḥ || 95 ||

ākṛtistvadhikaikena dvayadhikā vikṛtistathā |
saṃkṛtyāṃ tu trikā hyaṣṭau saikā tvabhikṛtirbhavet || 96 ||

utkṛtirdvyadhikā caiva vijñeyā gaṇamānataḥ |)
gurvekaṃ ga iti proktaṃ guruṇī gāvitismṛtau || 97 ||

laghvekaṃ la iti jñeyaṃ laghunī lāvitismṛtau |
dvyakṣarādadhikau pādāvanyau hīnākṣarāvapi || 98 ||

svarāḍiti samākhyātā virāḍiti hi sūribhiḥ |
pādo yasyā ṛcaścaiva bhavedekādhikākṣaraḥ || 99 ||

samāstvanye trayaḥ pādāḥ sā bhuruk saṃprakīrtitā |
ekākṣaronaḥ pādaścedeko yasyā ṛco bhavet || 100 ||

samāḥ pādāstryaścānye sā nivṛtsaṃprakīrtitā |)
(sampadādyadhunā caiṣāṃ chandasāṃ samyagucyate) || 101 ||

sampadvirāmapādaśca devatāsthānamakṣaram |
varṇaḥ svarā vidhirvṛttamiti chandogato vidhiḥ || 102 ||

p. 244)

naivātiriktaṃ hīnaṃ vā yatra saṃpadyate'kṣaram |
vidhāne chandasāmeṣā saṃpadityabhisaṃjñitā || 103 ||

yatrārthasya samāptiḥ syātsa virāma iti smṛtaḥ |


ekādikakramavaśād dviguṇādipiṇḍayā-
cchandaḥ pramāṇakalitānatha piṇdayettān |
ekaṃ kṣipettaduparīti samastavṛtta-
saṃkhyāprakāśanavidhau laghurabhyupāyaḥ ||

yathā tryakṣare tatpiṇḍayitvā ekākṣepādekasaṃkhyāvat | ṣaḍviṃśatyakṣare- 
dvyaṃśa uktakrameṇeha dvaiguṇyaṃ yāvadutkṛteḥ || iti | ekākṣare dvau 
dvyakṣare catvāraḥ tryakṣare'ṣṭau caturakṣare ṣoḍaśetyādisaṃkṣepaḥ | 
anenaivopāyena vicārya granthe pāṭho niśceyaḥ | sarveṣāṃ 
vṛttānāmityādāvarthaḥ samāsena jayadevo'bhyadhāt - sarvādimadhyāntaglau 
trikau mnau bhyau jrau stau iti (a. 1-2) trikairupalakṣite'pi vṛtte trikasaṃkhyānatayā 
chando na pūryate yathoṣṇik atraikamadhikamakṣaramadhikatvenoktaṃ anuṣṭubhi 
dve tatra trikabījāni gurulaghuspāṇyeva kartavyāni | tathā caikaṃ gurulaghu vā 
dve guruṇī laghunī laghuguruṇī guru laghunī vā tadāha yadekamadhikamiti | 
glāvityādi ślokena vyācaṣṭa naivātiriktamiti | sampaditi svarāṭ virāṭ bhurik 
nivṛt śrutāveva saṃbhavo na kāvya iti tātparyam |


p. 245)

pādaśca padyaterdhātoścaturbhāgaḥ prakīrtitaḥ || 104 ||

agnyādi daivataṃ proktaṃ sthānaṃ dvividhamucyate |
śarīrāśrayasaṃbhūtaṃ digāśrayamathāpi vā || 105 ||

(śārīraṃ mantrasaṃbhūtaṃ chandogāyatrasaṃjñitam |
kruṣṭe madhyandinaṃ proktaṃ traiṣṭubhaṃ parikīrtyate || 106 ||

tṛtīyasavanaṃ cāpi śīrṣaṇyaṃ jāgataṃ hi yat |)
hrasraṃ dīrghaṃ plutaṃ caiva trividhaṃ cākṣaraṃ smṛtam || 107 ||


etannirupaṇaṃ tu upayujyate yatra vedavākyasadṛśa vākyaṃ nirṇīyate yathā 
abhijñānaśākuntale | arthasyāvāntararūpasya samāptirlakṣaṇato yatiḥ mīlati 
sati rājño yathā āyāntyā tulyakālaṃ iti na tu jambhārātībhakubhodbhavaṃ iti 
ucchabdo'rthasamāptyabhāvāt | caturbhāga iti pādānte chedaḥ kartavyaḥ na tu 
tāmbūlavallīpariṇaddhapūgāsvelā iti | prayogī pratipādamaṅkurīkṛtya 
paṭhanmadhye viśrāmyati | viśrāntau cātra 
vṛttabhaṅgo'rthabhaṅgo'bhineyo'tra 
śrāvyatvādbhaṭṭaśaṅkarādibhirupagatameta kvacidupāntyo vā iti | adhiṣṭhātrī 
devatā vahnyādayaḥ | śarīrāśrayetyādi | yathoktaṃ kātyāyanena -


p. 246)

śvetādayastathā varṇā vijñeyāśchandasāmiha |
tāraścaiva hi mandraśca madhyamaśca tridhā svaraḥ || 108 ||

dhruvāvidhāne caivāsya saṃpravakṣyāmi lakṣaṇam |
vidhirgaṇakṛtaścaiva tathā cārthakṛto'pi ca || 109 ||

vṛttamardhasamaṃ caiva samaṃ viṣamameva ca |
chandaso yasya pāde syāddhīnaṃ vādhikameva vā || 110 ||

akṣaraṃ tannivṛtproktaṃ bhurukceti dvijātibhiḥ |
akṣarābhyāṃ yadā dvābhyāmadhikaṃ hīnameva vā || 111 ||

tacchando nāmato jñeyaṃ svarāḍatha virāḍapi |)
sarveṣāmeva vṛttānāṃ tajñairjñeyā gaṇāstrikāḥ || 112 ||


vīrasya bhujadaṇḍānāṃ varṇane sragadharā bhavet |
nāyikāvarṇane kāryaṃ vasantatilakādikam ||

śārdūlalīlā prācyeṣu mandākrāntā ca dakṣiṇe || ityādi |

plutasyāpyatra prayogo bhavatyeva | yathā - yato'pi mānena sa eṣa mūḍho 
droṇārireyātipadyatilagno (?) sa tu pāṭho dīrghavatpaṭhitavyaḥ prayoktā trimātra 
eva | śvetādaya iti prātiśākhyādau chandāṃsi (chandasi?) vividhavarṇaṃ kṛtaṃ 
tadanupayogānnāsmābhirlikhitam | bhagavate kṛta iti 
keṣāṃciddrodakatodakādīnāṃ gīyamānatayā śobhātiśayo bhavati ślokaḥ 
sragdharādīnāṃ tu 


p. 247)

divyo divyetaraścaiva divyamānuṣa eva ca |
gāyatryuṣṇiganuṣṭupca bṛhatī paṅktireva ca || 113 ||

triṣṭupca jagatī caiva divyo'yaṃ prathamo gaṇaḥ |
tathātijagatī caiva śakkarī hyatiśakkarī || 114 ||

aṣṭiratyaṣṭirapi ca dhṛtiścātidhṛtirgaṇaḥ |
kṛtiśca prakṛtiścaiva hyākṛtirvikṛtistathā || 115 ||

saṃkṛtyabhikṛticaiva hyutkṛtirdivyamānuṣaḥ |
eteṣāṃ chandasāṃ bhūyaḥ prastāravidhisaṃśrayam || 116 ||

lakṣaṇaṃ saṃpravakṣyāmi naṣṭamuddiṣṭameva ca |
prastāro'kṣaranirdiṣṭaḥ mātroktaśca tathaiva hi || 117 ||


pāṭhena | iti śabdena prakārārthena vyācaṣṭe divya iti | prathama iti 
stotraśāstreṣu saptānāmeva chandasāṃ bāhulyena darśanāt | devastutyādau 
deveṣu vaktṛṣvayaṃ gaṇa ityarthaḥ | gaṇa iti dvitīyo divyanivṛttau gaṇa ityarthaḥ 
tena mānuṣeṣu vaktṛṣvayaṃ prāyeṇa | tṛtīyastu divyamānuṣeṣu ca rāmādiṣu 
narapatiṣu ca |

prastāratatra saṃkhyādi sarvamiti saṃśrayaśabdenāha tadgaṇasaṃvijñānācca 
prastaro'pyucyate | prastaraṇaṃ vitānanaṃ | lakṣaṇamaṅkasaṃkhyetyarthaḥ | 
gataṃ naṣṭamiti svarūpeṇaiva na jñātaṃ uddiṣṭaṃ tu svarūpeṇa jñātaṃ na 
saṃkhyayā | tajjñānopāyena naṣṭādayaḥ śuddhaḥ (siddhāḥ?) |


p. 248)

dvikau glāviti varṇoktau miśrau cetyapi mātrikau |
guroradhastādādyasya prastāre laghu vinyaset || 118 ||

agratastu samādeyā guravaḥ pṛṣṭatastathā |
prathamaṃ gurubhirvarṇairlaghubhiratvavasānajam || 119 ||

vṛttaṃ tu sarvacchandassu prastāravidhireva tu |
gurvadhastāllaghnaṃ nyasya tato dvidvi yathoditam || 120 ||

nyasetprastāramārgo'yamakṣaroktastu nityaśaḥ |
mātrāsaṃkhyāvinirdiṣṭo gaṇo mātrāvikalpitaḥ || 121 ||

miśrau glāviti vijñeyau pṛthaglakṣyavibhāgataḥ |
mātrāgaṇo guruścaiva laghunī caivaṃ lakṣitaḥ || 122 ||


tatra varṇagato mātrāgataśceti prastāro dvidhā tamudāharati | dvikau glāviti 
varṇasaṃkhyādi niyamena yau gurulaghu | dvikai saṃkhyāparimāṇau tau mātrikau 
mātrāgaṇaneṣūktau | anyenāvikṛtatvādekena bhedena miśrau bhavataḥ |

ata prastāre'pyupāyamāha gurvadhastāditi | ādyasyaiva guroradho laghuḥ sarvo 
nyasanīyaḥ | yatra dvau bhāgau miśrau viṣamasaṃkhyāyāṃ tadā dviriti bhūyo 
bhūyo mātrāprastāro nirūpyate | mātrāparikalpatau yastimātracaturmātrādiḥ 
samūho gaṇamātrasaṃkhyāyā laghvakṣarasaṃkhyayā tatra prathamaṃ prastāra 
ityāha pṛthaglakṣaṇīyo'pi bhāgo'tra saṃkhyāyāstatra guruḥ sarvato 
nyasanīyaḥ | yatra tu dvau bhāgau miśrau viṣamasaṃkhyāyāṃ tatrādyo 
laghuranyo guruḥ śeṣaṃ varṇaprastāreṇa tulyam | kevalamātrāsaṃkhyeti 
vacanādguṇanānyāse pūrvatra mātrā deyā | yatra varṇaprastāraḥ 
viṣamamātrārpasāte'pyudāhṛta eva | dvitīyastu tadāha gururiti 
jātāvekavacanaṃ gurū ityarthaḥ | laghunī cakarādgurū 
tathāśabādanyadbhedatrayaṃ caturmātrā āryāṇā 


p. 149)

āryāṇāṃ tu caturmātrāprastāraḥ parikalpitaḥ |
gītakaprabhṛtīnāṃ tu pañcamātrastatheṣyate || 122 ||

vaitālīyaṃ puraskṛtya ṣaṇmātrādyāstathaiva ca |
tryakṣarāstu trikā jñeyā laghugurvakṣarānvitāḥ || 123 ||

mātrāgaṇavibhāgastu gurulaghvakṣarāśrayaḥ |
antyād dviguṇitādrūpād dvidvirekaṃ gurorharet || 124 ||

dviguṇaṃ ca laghoḥ kṛtvā saṃkhyāṃ piṇḍena nirdiśet |
ādyaṃ sarvaguru jñeyaṃ vṛttaṃ tu samasaṃjñitam || 125 ||

kośaṃ tu sarvalaghvantaṃ miśraiḥ śeṣāṇi sarvataḥ |
vṛttānāṃ tu samānānāṃ saṃkhyāṃ saṃyojya tāvatīm ||

rāśyūnāmarhdaviṣamāṃ samāsādabhinirdiśet |


prastāre gaṇabhedaḥ pañcadaśa ityarthaḥ pañcamātro'ṣṭadhā evaṃ 
ṣaṣṭho'tra prastāryātīte iti varṇavṛtteṣveva ca kṛta ityarthaḥ | anyatra tu 
mātrākṛto gaṇavibhāgaḥ tadapekṣayā gurulaghuvyavasthānātsvātantryeṇa |

tatroddiṣṭamāha dviguṇitāditi varṇavṛtteṣveva cedaṃ sarvaṃ mantavyam | 
bhedaṃ paśyaikamekamaṅkaṃ dviguṇitaṃ ca datvā dvidviriti bhūyo 
dviguṇitādapi dviguṇitaṃ kṛtvāntyaṃ parisamāpya guru saṃbandhino'ṅkān 
haret puṃsathet (prastaret ?) | laghoḥ saṃbandhino'ṅkān piṇḍīkṛtya tena 
piṇḍenātikrāntenaitāvadayaṃ bheda iti saṃkhyāṃ nirdiśet yathā 
caturakṣarasyedṛśaṃ kriyābhedaṃ yacca laghvaṅkagaṇanātikrāntau |


p. 250

samānāṃ viṣamāṇāṃ ca saṃguṇayya tathā sphuṭam || 127 ||

rāśyūnamabhijānīyādviṣamāṇāṃ samāsataḥ |
ekādikāṃ tathā saṃkhyāṃ chandaso viniveśya tu || 128 ||

yāvatpūrvaṃ tu pūrveṇa pūrayeduttaraṃ gaṇam |
evaṃ kṛtvā tu sarveṣāṃ pareṣāṃ pūrvapūraṇam || 129 ||

naidhanādekamekaṃ tu prātilomyakriyātmakam |
sarveṣāṃ chandasāṃ nyasya laghvakṣaraviniścayam || 130 ||

jānīta samavṛttānāṃ saṃkhyāṃ saṃkṣopatastathā |


athaikādilaghujñānārthaṃ pīṭhaṃ racayati ādyaṃ sarvagurvityādi | kośa 
ityādyantayormadhyago bhedagaṇaḥ | so'sya laghoḥ saṃkhyayā niścayaṃ kuryāt 
| tadyathā caturakṣarau prathamāntau sarvaguruḥ sarvalaghuśca ekadvitrilaghavastu 
catuḥ ṣaṭcatuḥ prakārāḥ saṃkṣepata iti etadaṅkavyāmiśraṇena saṃkhyā 
labhyate ṣoḍaśabhedāścaraścaturaśceti |

saṃkhyāsthāna upāyāntaramāha ekādikāmiti | chando'kṣaropari ekadvi 
catvārītyadīni nikṣipet | tatra pūrveṇottarasya pūrveṇa miśraṇaṃ kuryāt 
yāvatparyantaṃ gaṇapiṇḍastāṃ caikādikāmekena miśritaṃ kuryādityevaṃ 
samavṛttānāṃ saṃkhyā | laghūnāmitthaṃ ṣoḍaśābhirguṇayet | tato 
guṇarāśeḥ ṣoḍaśasaṃkhyāmavapātayet | tena caturakṣare viṃśatyadhikaṃ 
śatamardhasamavṛttānāṃ tāmapi saṃkhyāṃ guṇayitvā guṇarāśiṃ pātayet | 
tena ca sahasrāṇīti śatānyaśītiśceti caturakṣare viṣamavṛttāni |


p. 251)

vṛttārdhaparimāṇaṃ tu chitvārdhena yathākramam || 131 ||

nyasellaghu tathā saikamakṣaraṃ guru cāpyatha |
evaṃ vinyasya vṛttānāṃ naṣṭoddiṣṭavibhāgataḥ || 132 ||

laghvādīni gurūṇyasminnakṣarāṇi niveśayet |
(iti chandāṃsi yānīha mayoktāni dvijottamāḥ || 133 ||

vṛttānyeteṣu nāṭye'smin prayojyāni nibodhata ||)

iti bhāratīye nāṭyaśāstre vācikābhinaye chandovidhānaṃ nāma 
caturdaśo'dhyāyaḥ ||


atha naṣṭamāha vṛttārdhaparimāṇaṃ tviti saṃkhyāmardhena chindyāt yatra 
viṣamāṅkaṃ na pūryate tatra pūraṇārthamekamadhikaṃ kuryāt | tadāha 
yathākramamiti | tatra guruḥ | saikakaraṇātprayatnagauravāllaghuranyathā 
cchedanāt | evaṃ punaḥ punaryāvadakṣarāṇi pūrṇāni yathāvaccaturakṣare 
pañcamo bhedaḥ kīdṛgiti - pūrvaṃ pañcāṅkasya saikacchedāt guru punarapi 
tryaṅkasya saikacchedāt guru dvayośca samacchedāllaghu ekasya saikacchedādguru 
etenedṛśaḥ pañcamo bhedaḥ |

etadupasaṃharannadhyāyāntaramāsūtrayati evamiti | vyākṛtena vibhāgena 
laghupradhānāni vā lakṣye niveśayet kavirupavadhnīyāditi śivam ||

pārvatīvadanāmbhojabhṛṅganetratrayībhuvaḥ |
dāso'bhinavaguptākhyaśchandodhyāyamapaprathat ||

iti śrīmahāmāheśvarābhinavaguptācāryaviracitāyāmabhinavabhāratyāṃ 
nāṭyavedavivṛtau chando'dhyāyaścaturdaśaḥ samāptimagamat ||
śrī

nāṭyaśāstram

atha pañcadaśo'dhyāyaḥ |

chandāṃsyevaṃ hi yānīha mayoktāni dvijottamāḥ |
vṛttāni teṣu nāṭye'sminprayojyāni nibodhata || 1 ||

ādye punarantye dve dve guruṇī cet |
sā syāttanumadhyā gāyatrasamutthā || 2 ||


samastavṛttāni vinā na yena paṭṭadbhavaśrotrarasāyanasya (?) |
chandāṃsi yasmātprabhavanti vande taṃ vāṅmayaṃ rūpamihāṣṭhamūrteḥ ||

yaduktamakṣarāṇi niveśayediti (14-133) tatra śravyatākṛtaṃ 
pravibhāgamākhyātumupacakrame chandāṃsyevamiti | eṣāṃ chandasāṃ 
nāṭyaprayogayogyāni vṛttāni nibodhateti saṃbandhaḥ | gurulaghuniyamena 
śravyatā vartate yeṣu tāni vṛttāni śrāvyārthatvāt adhikaraṇe ktaḥ | gāyatrīta 
ārabhya prayogārhateti pūrvādhyāye nirūpitatvāt tadupakramamevāha ādya 
punariti madhye tu laghunyarthāt | gāyatryaiva gāyatram | tatrehādhyāye 
bharatamunikṛtamiti trikarimakārādibhiḥ kaiścitkaṃ-


p. 253)

yathā - saṃtyaktavibhūṣā bhraṣṭāñjananetrā |
hastārpitagaṇḍā kiṃ tvaṃ tanumadhyā || 3 ||

laghugaṇa ādau bhavati catuṣkaḥ |
guruyugamantye makarakaśīrṣā || 4 ||

yathā - svayamupayāntaṃ bhajasi na kāntaṃ |
bhayakari kiṃ tvaṃ makarakaśīrṣā || 5 ||

ekamātraṃ ṣaṭke syād dvitīyaṃ pāde |
khyātarūpā vṛtte mālinī sā nāmnā || 6 ||

ṣaḍakṣarakṛte pāde laghu yata dvitīyakam |
śeṣāṇi tu gurūṇi syurmālinī sā matā yathā ||)

snānagandhādhikyairvastrabhūṣāyogaiḥ |
vyaktamevāsau tvaṃ mālinī prakhyātā || 8 ||

dvitīyaṃ pañcamaṃ caiva laghu yatra pratiṣṭhitam |
śeṣāṇi ca gurūṇisyurmālatī nāma sā yathā || 9 ||

śobhate baddhayā ṣaṭpadāviddhayā |
mālatīmālayā māninī līlayā || 10 ||

dvitīyaṃ ca caturthaṃ ca pañcamaṃ ca yadā laghu |


cillakṣaṇaṃ svīkṛtamiti dvividhaḥ pustakapāṭhao dṛśyate madhye ca cintanāya 
pustakeṣūbhayamapi paṭhyata iti | etannāmnā prasiddhā khyātarūpā 
ślāghanīyetyarthaḥ |


p. 254)

yasyāḥ saptākṣare pāde jñeyā sā tūddhatā yathā || 11 ||

(sautrikau yadipāde akṣaraśca gakāraḥ |
usṇigutthitapādā uddhatā khalu nāmnā) || 12 ||

dantakuntakṛtāstraṃ vyākulālakaśobham |
śaṃsatīva tavāsyaṃ nirdayaṃ ratayuddham || 13 ||

ādau dvai nidhane caiva guruṇī yatra vai sadā |
pāde saptākṣare jñeyā nāmnā bhramaramālikā || 14 ||

(pāde yadi niviṣṭau samyagviracitau tsau |
antye yadigakāraḥ sā tu bhramaramālā ||) 15 ||

yathā - nānākusumacitre prāptre surabhimāse |
eṣā bhramati mattā kānte bhramaramālā || 16 ||

ādyaṃ tṛtīyamantyaṃ ca pañcamaṃ saptamaṃ tathā |
gurūṇyaṣṭākṣare pāde siṃhalekheti sā yathā || 17 ||

jautu yasya gau ca pāde saṃsthitau samastarūpau |
tāmanuṣṭubhāśrayasthāṃ vāvadanti siṃhalekhām ||)

yattvayā hyanekabhāvaiśceṣṭitaṃ rahaḥ sugātri |
tanmano mama praviṣṭaṃ vṛttamatra siṃhalekham || 19 ||


tvayā yanmadīyaṃ manaḥpraviṣṭaṃ vyāptamākrāntaṃ 
tatsiṃhavannakhavilekhanaṃ tra tādṛśaṃ vṛttaṃ tadyathākrāntaṃ jātamiti 
yāvat |


p. 255)

caturthaṃ ca dvitīyaṃ ca ṣaṣṭhamaṣṭamameva ca |
gurūṇyaṣṭākṣare pāde yatra tanmattaceṣṭitam || 20 ||

(yadā tu jātparau ralau gakāra eva ca sthitaḥ |
anuṣṭubudbhavaṃ tadā vadanti mattaceṣṭitam ||) 21 ||

athā- carāvaghūrṇitekṣaṇaṃ vilambitākulālakam |
asaṃsthitaiḥ padaiḥ priyā karoti mattaceṣṭitam || 22 ||

aṣṭākṣarakṛte pāde sarvāṇyeva bhavanti hi |
guruṇi yasminsā nāmnā vidyumāleti kīrtitā ||

(mau gau cāntyau yasyāḥ pāde pādasyānte vicchedaśca |
sā cānuṣṭup chandasyuktā nityaṃ sadbhirvidyunmālā ||)

sāmbhobhārairānardādbhiḥ śyāmāmbhodaivyāpte vyomni |
ādityāṃśuspardhinyeṣā dikṣu bhrāntā vidyumālā ||

pañcamaṃ saptamaṃ cāntyaṃ guru pāde'ṣṭake tathā |
chandojñairjñeyametattu vṛttaṃ cittavilāsitam || 26 ||

smitavaśaviprakāśairdaśanapadairamībhiḥ |
varatanupūrṇacandraṃ tava mukhamāvṛṇoti || 27 ||

navākṣarakṛte pāde trīṇi syurnaidhanāni ca |
gurūṇi yasyāḥ sā nāmnā jñeyā madhukarī yathā ||

p. 256)

(ṣaḍiha yadi laghūni syurnidhanagatamakāraścet |
budhajanabṛhatīsaṃsthā bhavati madhukarī nāmnā ||) 29 ||

kusumitamabhipaśyantī vividhatarugaṇaiśchannam |
vanamatiśayagandhāḍhyaṃ bhramati madhūkarī hṛṣṭā || 30 ||

daśākṣarakṛte pāde trīṇyādau trīṇi naidhane |
yasyā gurūṇi sā jñeyā paṅktirutpalamālikā || 31 ||

trīṇyādau yadi hi gurūṇi syu-
ścatvāro yādi laghavo madhye |
paṅktāvantagatamakāraḥ syā
dvijñeyā kuvalayamālākhyā ||) 32 ||

yathā -

asmiṃste śirasi tadā kānte vaiḍūryasphaṭikasuvarṇāḍhye |
śobhā svāṃ na vahati tāṃ baddhā suśliṣṭā kuvalayamāleyam ||

dvitīyaṃ ca caturthaṃ ca ṣaṣṭhamaṣṭamameva ca |
hrasvaṃ daśākṣare pāde yatra sā śikhisāriṇī || 34 ||


śobhāṃ svāṃ svabhāvavartane ye bhedāḥ | vaiḍūryacchāyāni yāni dalāni 
tattatsphuratsuvarṇatulyāni varṇāni tadabhyantarakesarāṇi |


p. 257)

(rjau trikau hi pādagau tu yasyā
rgau ca saṃśritau tathā samastau |
paṅktiyoga supratiṣṭhitāṅgī
sā mayūrasāriṇīti nāmnā ||) 35 ||

yathā -

naiva te'sti saṃgamo manuṣyairnāpi kāmabhogacihnamanyat |
garbhiṇīva dṛśyase hyanārye kiṃ mayūrasāriṇī tvamevam ||

ādyaṃ caturthamantyaṃ ca saptamaṃ daśamaṃ tathā |
gurūṇi traiṣṭubhe pāde yatra syurdodhakaṃ tu tat || 37 ||

(bhautu bhagāviti yasya gaṇāḥ syuḥ syāccayatistricaturbhirathaḥ
traiṣṭubhameva hi tatkhalu nāmnā dodhakavṛttamiti rpavadanti ||

yathā-

praskhalitāgrapadapravicāraṃ
mattavighūrṇitagātravilāsam |
paśya vilāsinī kuñjarametaṃ
dodhakavṛttamayaṃ prakaroti || 39 ||


mayūravadvyākocamasyāḥ mayūrībhirvā (sārī) gativiśeṣo bhavatītyāhuḥ | 
mandaṃ mandaṃ dodhakena gīyamānaṃ vṛttaṃ dodhakavṛttam | (eṣa iti) 
yāvanmurajaghātatulyaṃ garjitaṃ śrutvā |


p. 258)

ādau dvau pañcamaṃ caivāpyaṣṭamaṃ naidhanaṃ tathā |
gurūṇyekādaśe pāde yatra tanmoṭakaṃ yathā || 40 ||

eṣo'mbudanisvanatulyaravaḥ
kṣīvaḥ skhalamānavilambagatiḥ |
śrutvā ghanagajitamadritaṭe
vṛkṣān pratimoṭayati dviradaḥ || 41 ||

navamaṃ saptamaṃ ṣaṣṭhaṃ tṛtīyaṃ ca bhavellaghu |
ekādaśākṣare pāda indravajreti sā yathā || 42 ||

tvaṃ durṇirīkṣyā duratiprasādā
duḥkhaikasādhyā kaṭhinaikabhāvā |
sarvāsvavasthāsu ca kāmatantre 
yogyāsi kiṃ vā vahunendravajrā || 43 ||

ebhireva tu saṃyuktā laghubhistraiṣṭubhī yadā |
upendravajrā vijñeyā laghvādāviha kevalam || 44 ||


upendravajro asyā upamānatvena sā tathā matvarthīyo upendra vajrantu 
indradhanuṣā upamitamupendravajramupamitasamāsaḥ dviguprāpte 
paravalliṅganiṣedhaḥ | smitena kāntyeti indradhanuṣo'pi varṇavaicitryaṃ ca 
bhavati | (ślo- 45)


p. 259)

priye śriyā varṇaviśeṣaṇena
smitena kāntyā sukumārabhāvāt |
amī guṇā rūpaguṇānurūpā
bhavanti te kiṃ tvamupendravajrā || 45 ||

ādyaṃ tṛtīyamantyaṃ ca saptamaṃ navamaṃ tathā |
gurūṇyekādaśe pāde yatra sā tu rathoddhatā || 46 ||

yathā -

kiṃ tvayā subhaṭa dūravarjitaṃ
nātmano na suhṛdāṃ priyaṃ kṛtam |
yatpalāyanaparāyaṇasya te 
yāti dhūliradhunā rathoddhatā || 47 ||

(kiṃ tvayā kumatisaṅgayā sadā
nājñayeva suhṛdāṃ priyaṃ kṛtam |
yadgṛhādvacanaroṣakampitā 
yāti tūrṇamabalā rathoddhatā) || 48 ||

ādyaṃ tṛtīyamantyaṃ ca saptamaṃ daśamaṃ guru |
yasyāstu traiṣṭubhe pāde vijñeyā svāgatā hi sā || 49 ||


ātmane suhṛde dūravarjitaṃ priyaṃ dūratyaktaṃ kiṃ tvayā na kṛtaṃ 
dūratyaktamityarthaḥ | kuta ityāha yatpalāyaneti | madanasaṃśrayo bhāvo yasya 
kāmaphalamiti yāvat |


p. 260)

yathā-

adya me saphalamāyatanetre
jīvitaṃ madanasaṃśayabhāvam |
āgatāsi bhavanaṃ mama yasmā-
tsvāgataṃ tava varoru niṣīda || 50 ||

ṣaṣṭhaṃ ca navamaṃ caiva laghunī traiṣṭubhe yadi |
gurūṇyanyāni pāde tu sā jñeyā śālinī yathā || 51 ||

duḥśīlaṃ vā nirguṇaṃ vāparaṃ vā
loke dhairyādapriyaṃ na bravīpi |
tasmācchīlaṃ sādhuhetoḥ savṛttaṃ
mādhuryātsyātsarvathā śālinī tvam || 52 ||

tṛtīyaṃ caiva ṣaṣthaṃ ca navamaṃ dvādaśaṃ tathā |
gurūṇi jāgate pāde yatra tattoṭakaṃ bhavet || 53 ||

(yadi so'tra bhavettu samudrasama-
sriṣu cāpi tathā niyamena yatiḥ |
satataṃ jagatīvihitaṃ hi tato
gaditaṃ khalu toṭakavṛttamidam ||) 54 ||


(kimidamiti) toṭakasya chedakasya vṛttaṃ ceṣṭitam |


p. 261)

yathā-

kimidaṃ kapaṭāśrayadurviṣahaṃ
bahuśāṭhyamatholbaṇarūkṣakatham |
svajanapriyasajjanabhedakaraṃ
nanu toṭakavṛttamidaṃ kuruṣe || 55 ||

ādyaṃ tṛtīyamantyaṃ ca pañcamaṃ ṣaṣṭhameva ca |
tathopāntyaṃ jagatyāṃ ca guru cetkumudaprabhā || 56 ||

(ryau trikau tathānyau yadikhalu pāde
ṣaḍbhireva varṇaryadi ca yatiḥ syāt |
nityasaṃniviṣṭā jagatividhāne 
nāmataḥ prasiddhā kumudanibhā sā ||) 57 ||

yathā -

manmathena viddhā salalitabhāvā
nṛttagītayogā rpavikasitākṣī |
nindyamadya kiṃ tvaṃ vigalitaśobhā 
candrapādayuktā kumudavatī ca || 58 ||


(manmatheneti) nṛttagītayuktā na bhavasīti saṃbandhaḥ |


p. 262)

matāntare -

yadi khalu pāde nyau trikau yathā ryau
yatirapi varṇaiḥ ṣaḍūbhireva cetsyāt |
jagati vidhāne nityasaṃniviṣṭā
kumudanibhā sā nāmataḥ prasiddhā || 59 ||

yathā-

kumudanibhā tvaṃ kāmabāṇaviddhā
kimasi natabhrūḥ śītavātadagdhā |
mṛdunalinīvāpāṇḍuvaktraśobhā
kathamapijātā hyagrataḥ sakhīnām || 60 ||

dvādaśākṣarake pāde saptamaṃ daśamaṃ laghu |
ādau pañcākṣaracchedaścandralekhā tu sā yathā || 61 ||

vaktraṃ saumyaṃ te padmapatrāyatākṣaṃ
kāmasyāvāsaṃ su - noccaprahāsam |
kāmasyāpīdaṃ kāmamāhartukāmaṃ
kānte kāntyā tvaṃ candralekheva bhāsi || 62 ||

tṛtīyamantyaṃ navamaṃ pañcamaṃ ca yadā guru |
dvādaśākṣarake pāde yatra sā pramitākṣarā || 63 ||

p. 263)

yathā -

smitabhāṣiṇī hyacapalāparuṣā
nibhṛtāpavādavimukhī satatam |
api kasyacidyuvatirasti sukhā
pramitākṣarā sa hi pumānjayati || 64 ||

dvitīyamantyaṃ daśamaṃ caturthaṃ pañcamāṣṭame |
gurūṇi dvādaśe pāde vaṃśasthā jagatī tu sā || 65 ||

(yadi trikau jtau bhavatastu pādata-
stathaiva ca (jrāva)vasānasaṃsthitau |
tadā hi vṛttaṃ jagatīpratiṣṭhitaṃ
vadanti vaṃśasthamitīha nāmataḥ ||) 66 ||

na me priyā tvaṃ bahumānavarjitaṃ 
priyaṃ priyā te paruṣābhibhāṣiṇī |
tathā ca paśyāmyahamadya vigrahaṃ
dhruvaṃ hi vaṃśasthagatiṃ kariṣyati || 67 ||

caturthamantyaṃ daśamaṃ saptamaṃ ca yadā guru |
bhaveddhi jāgate pāde tadā syāddhariṇaplutā || 68 ||


(smiteti) pramitākṣarā bhaṇyate sā yasyāṃ smitabhāṣitvādiguṇā yuktā sā 
tādṛśī susukhī yuvatirapi kasyacidbhavediti śeṣaḥ |


p. 264)

yathā -

paruṣavākyakaśābhihatā tvayā
bhayavilokanapārśvanirīkṣaṇā |
varatanuḥ pratataplutasarpaṇai-
ranukaroti gatairhariṇaplutam || 69 ||

saptamaṃ navamaṃ cāntyamupāntyaṃ ca yadā guru |
dvādaśākṣarake pāde kāmadatteti sā yathā || 70 ||

karajapadavibhūṣitā yathā tvaṃ
sudati daśanavikṣatādharā ca |
gatirapi caraṇāvalagnamandā
tvamasi mṛganibhākṣi kāmadattā || 71 ||

ādyaṃ caturthaṃ daśamaṃ saptamaṃ ca yadā laghu |
pāde tu jāgate yasyā aprameyā tu sā yathā || 72 ||

na te kācidanyā samā dṛśyate strī
nṛleke viśiṣṭā guṇairadvitīyaiḥ |


(paruṣetyādi) bhavatpāruṣyaṃ vākyaṃ tadīyayā kaśayā abhihatā 
varatanurhariṇaplutamiva karoti |


p. 265)

trilokyāṃ guṇāgryān samāhṛtya sarvān 
jagatyaprameyāsi dṛṣṭā vidhātrā || 73 ||

dvitīyaṃ pañcamaṃ caiva hyaṣṭamaikādaśe tathā |
pāde yatra labhūni syuḥ padminī nāma sā yathā || 74 ||

(rāstrikāḥ sāgarākhyā niviṣṭā yadā
syāt trike ca trike yuktarūpā yatiḥ |
sanniviṣṭā jagatyāstatassā budhai-
rnāmataścāpi saṃkīrtyate padminī ||) 75 ||

dehatoyāśayā vaktrapadmojjvalā
netraśṛṅgākulā dantahaṃsasmitā |
keśapāśacchadā cakravākastanī
padminīva priye bhāsi me sarvadā || 76 ||

phullapadmānanā tvaṃ dvirephekṣaṇā 
keśapatracchadā cakravākastanī |
pītatoyāvalī baddhakāñcīguṇā
padminīva priye bhāsi nīre sthitā ||) 77 ||

ādau ṣaṭdaśamaṃ caiva pāde yatra laghūnyatha |
śeṣāṇi tu gurūṇi syurjāgate puṭasaṃjñitā || 78 ||

(yadicaraṇaniviṣṭau nau tathā myau
yatividhirapi yuktyāṣṭābhiriṣṭaḥ |

p. 266)

trilokyāṃ guṇāgryān samāhṛtya sarvān
jagatyaprameyāsi dṛṣṭā vidhātrā || 73 ||

dvitīyaṃ pañcamaṃ caiva hyaṣṭamaikādaśe tathā |
pāde yatra laghūni syuḥ padminī nāma sā yathā || 74 ||

rāstrikāḥ sāgarākhyā niviṣṭā yadā
syāt trike ca trike yuktarūpā yatiḥ |
sanniviṣṭā jagatyāstatassā budhai-
rnāmataścāpi saṃkīrtyate padminī ||) 75 ||

dehatoyāśayā vaktrapadmojjvalā
netraśṛṅgākulā dantahaṃsasmitā |
keśapāśacchadā cakravākastanī
padminīva priye bhāsi me sarvadā || 76 ||

phullapadmānanā tvaṃ dvirephekṣaṇā
keśapatracchadā cakravākastanī |
pītatoyāvalī baddhākāñcīguṇā
padminīva priye bhāsi nīre sthitā ||) 77 ||

ādau ṣaṭdaśamaṃ caiva pāde yatra laghūnyatha |
śeṣāṇi tu gurūṇi syurjāgate puṭasaṃjñitā || 78 ||

(yadicaraṇaniviṣṭau nau tathā myau
yatividhirapi yuktyāṣṭābhiriṣṭaḥ |

p. 266)

bhavati ca jagatīsthaḥ sarvadāsau
ya iha hi puṭavṛttaṃ nāmatastu ||) 79 ||

yathā -

upavanasalilānāṃ bālapadmai-
rbhramaraparabhṛtānāṃ kaṇṭhanādaiḥ |
madanamadavilāsaiḥ kāminīnāṃ
kathayati puṭavṛttaṃ puṣpamāsaḥ || 80 ||

dvitīyāntye caturthaṃ ca navamaikādaśe guru |
vicchedo'tijagatyāṃ tu caturbhiḥ sā prabhāvatī || 81 ||

yathā -

kathaṃ nvidaṃ kamalaviśālalocane
gṛhaṃ dhanaiḥ pihitakare divākare |
acintyayantyabhinavavarṣavidyuta-
stvamāgatā sutanu yathā prabhāvatī || 82 ||

trīṇyādāvaṣṭamaṃ caiva daśamaṃ naidhanadvayam |
gurūṇyatijagatyāṃ tu tribhiśchedaiḥ praharṣiṇī || 83 ||


(upavaneti) puṭasya yugalasya vṛttaṃ tathā copavanaṃ salilaṃ ceti yugmaṃ 
evamanyat |


p. 267)

yathā -

bhāvasthairmadhurakathaiḥ subhāṣitaistvaṃ
sāṭopaskhalitavilambitairgataiśca |
śobhāḍhyairharasi manāṃsi kāmukānāṃ
suvyaktaṃ hyatijagatī praharhiṇī ca || 84 ||

ṣaṣṭhaṃ ca saptamaṃ caiva daśamaikādaśe laghu |
trayodaśākṣare pāde jñeyaṃ mattamayūrakam || 85 ||

yathā -

vidyunnaddhāḥ sendradhanūrañjitadehā
vātoddhūtāḥ śvetabalākākṛtaśobhāḥ |
ete medhā garjitanādojjvalacihnāḥ
prāvṛṭkālaṃ mattamayūraṃ kathayanti || 86 ||

ādau dve ca caturthaṃ cāpyaṣṭamaikādaśe guru |
antyopāntye ca śakkaryāṃ vasantatilakā yathā || 87 ||

citrairvasantakusamaiḥ kṛtakeśahastā
sragdāmamālyaracanāsuvibhūṣitāṅgī |


(citrairiti) vasantasya yastilakastasyāsti upamānaṃ tvaneneti 


p. 268)

nānāvataṃsakavibhūṣitakarṇapāśā
sākṣādvasantatilakeva vibhāti nārī || 88 ||

pañcādau śakkarī pāde gurūṇi trīṇi naidhane |
pañcākṣarādau ca yatirasaṃbādhā tu sā yathā || 89 ||

mānī lokajñaḥ śrutabalakulaśīlāḍhyo
yasminsammānaṃ na sadṛśamanu paśyeddhi |
gacchettaṃ tyaktvā taṃ drutagātiraparaṃ deśaṃ
kīrṇā nānārthairavaniriyamasaṃbādhā || 90 ||

catvāryādau gurūṇi syurdaśamaikādaśe tathā |
antyopāntye ca śakkaryāḥ pāde tu śarabhā yathā || 91 ||

eṣā kāntā vrajati lalitaṃ vepamānā
gulmaiśchannaṃ vanamabhinavaiḥ saṃpraviddham |
hā hā kaṣṭaṃ kimidamiti no vedmi mūḍho
vyaktaṃ kānte śarabhalalitātvaṃ karoṣi || 92 ||

ādau ṣaṭ daśamaṃ ceva laghu caiva trayodaśam |
yatrātiśākkare pāde jñeyā nāndīmukhī tu sā || 93 ||


sākṣāditi chandānuvartinītyarthaḥ |


p. 269)

yathā -

na khalu tava kadācitkrodhatāmrāyatākṣaṃ
bhrukuṭivalitabhaṅgaṃ dṛṣṭapūrvaṃ mayāsyam |
kimiha bahubhiruktairyā mamecchā hṛdisthā 
tvamasi madhuravākyā devi nāndīmukhīva || 94 ||

ādyaṃ caturthaṃ ṣaṣṭhaṃ ca naidhanaṃ ca yadā guru |
ṣoḍaśākṣarake pāde yatrebhalalitaṃ tu tat || 95 ||

(bhrau yadi nāśca nityamiha viracitacaraṇāḥ 
gaśca tathā ca vai bhavati nidhanamupagataḥ |
syādapi cāṣṭimeva yadi satatamanugataṃ
tatkhalu vṛttamagravṛṣabhagajavilasitam ||) || 96 ||

yathā -

toyadharaiḥ sudhīraghanapaṭupaṭaharavaiḥ
sarjakadambanīpakuṭacakusumasurabhiḥ |
kandalasendragopakaracitamavanitalaṃ
vīkṣya karotyasau vṛṣabhagajavilasitakam || 97 ||

ādyātparāṇi vai pañca dvādaśaṃ satrayodaśam |
antyopāntye ca dīrghāṇi lalitapravaraṃ hi tat || 98 ||


(nāndīmukhīti) nāndyāṃ maṅgaladundubheriva mukhaṃ yasyā |


p. 270)

(yadā ymau pādasthau bhavata iha cetnsau tathā rgau
tathā ṣaḍbhiścānyairyatirapi ca varṇairyathā syāt |
tadapyaṣṭau nityaṃ samanugatamevoktamanyaiḥ
prayogajñairvṛttaṃ pravaralalitaṃ nāmatastu ||) 99 ||

yathā -

nakhālīḍhaṃ gātraṃ daśanakhacitaṃ coṣṭhagaṇḍaṃ
śiraḥ puṣponmiśraṃ pravilulita keśālakāntam |
gatiḥ khinnā ceyaṃ vadanamapi saṃbhrāntanetraṃ
aho ślāghyaṃ vṛttaṃ pravaralalitaṃ kāmaceṣṭam || 100 ||

ādyātparāṇi pañcātha dvādaśaṃ satrayodaśam |
antyaṃ saptadaśe pāde śikhariṇyāṃ garuṇi ca || 101 ||

(caturbhiṃstasyaiva pravaralalitasya trikagaṇai-
ryadā lau gaścānte bhavati caraṇe'tyaṣṭigadite |
yadā ṣaḍbhiśchedo bhavati yadi mārgeṇa vihita-
stadā vṛtteṣveṣā khalu śikhariṇī nāma gaditā ||)

yathā -

mahānadyā bhogaṃ pulinamiva te bhāti jaghanaṃ
tathāsyaṃ netrābhyāṃ bhramarasahitaṃ paṅkajamiva |


asāviti (toyadharairiti) gaja eva vā gajocitaṃ vilāsaṃ karoti idamidaṃ vikṣya |


p. 271)

tanusparśacchāyaṃ sutanu sukumāro na paruṣaḥ
stanābhyāṃ tu *?bhyāṃ śikhariṇi nibhābhāsi vanite ||
yatra pañca laghūnyādau trayodaśacaturdaśe |
ṣoḍaśaikādaśe caiva tatsyādvṛṣabhaceṣṭitam || 104 ||

(yadi hi caraṇensau mrau slau gaḥ kramādviniveśitāḥ 
yadi khalu yatiḥ ṣaḍbhirvarṇaistathā daśabhiḥ punaḥ |
yadi ca vihitaṃ syādatyaṣṭiprayogasukhāśrayaṃ
vṛṣabhalalitaṃ vṛttaṃ jñeyaṃ tathā hariṇīti vā || 105 ||

yathā -

jaladhararavaṃ śrutvā śrutvā madocchrayadarpito
vilikhati mahīṃ śṛṅgākṣepairvṛṣaḥ pratinardya ca |
svayuvativṛto goṣṭhādgoṣṭhaṃ prayāti ca nirbhayo
vṛṣabhalalitaṃ citraṃ vṛttaṃ karoti ca śādvale || 106 ||

catvāryādau ca daśamaṃ guru yatra trayodaśam |
caturdaśam tathānye dve caikādaśamathāpi ca || 107 ||

yadā saptadaśe pāde śeṣāṇi ca laghūnyatha |
bhavanti yasminsā jñeyā śrīdharā nāmato yathā || 108 ||

(mo bhnau ca syuścaraṇaracitāstau garū ca praviṣṭā-
śchedaḥśliṣṭo yadi ca daśabhiḥ syāttathānyaścaturbhiḥ |

p. 272)

atyaṣṭau ca pratiniyamitā varṇataḥ spaṣṭarūpā
sā vijñeyā dvijamunigaṇaiḥ śrīdharā nāmatastu ||)

snānaiścūrṇaiḥ suravasurabhibhirgandhavāsaiśca dhūpaiḥ
puṣpaiścānyaiḥ śirasi racitairvastrayogaiśca taistaiḥ |
nānāratnaiḥ kanakakhacitairaṅgasaṃbhogasaṃsthai-
rvyaktaṃ kānte kamalanilayā śrīdharevāti bhāsi ||
ādyaṃ caturthaṃ ṣaṣṭhaṃ ca daśamaṃ naidhanaṃ guru |
tadvaṃśapatrapatitaṃ daśabhiḥ saptabhiryatiḥ || 111 ||

yathā -

eṣa gajo'drimastakataṭe kalabhaparivṛtaḥ
krīḍati vṛkṣagulpagahane kusumabharanate |
megharavaṃ niśasya muditaḥ pavanajavasamaḥ
sundari vaṃśapatrapatitaṃ punarapi kurute || 112 ||

dvitīyamantyaṃ ṣaṣṭhaṃ cāpyaṣṭamaṃ dvādaśaṃ tathā |
caturdaśaṃ pañcadaśaṃ pāde saptadaśākṣare || 113 ||

bhavanti yatra dīrghāṇi śeṣāṇi ca laghūnyatha |
vilambitagatiḥ sā tu vijñeya nāmato yathā || 114 ||

(yadā dviruditau hi pādamabhisaṃśritau jsau trikau 
tathaiva ca punastayornidhanamāśrito yo largau |

p. 273)

tadāṣṭiratipūrvikā yatirapi svabhāvādyathā
vilambitagatistadā nigaditā dvijairnāmtaḥ ||)
vighūrṇitavilocanā pṛthuvikīrṇahārā punaḥ
pralambaraśanā calatskhalitapādamandaklamā |
na me priyamidaṃ janasya bahumānarāgeṇa ya-
nmadena vivaśā vilambitagatiḥ kṛtā tvaṃ priye ||

pañcādau pañcadaśakaṃ dvādaśaikādaśe guru |
caturdaśaṃ tathāntye dve citralekhā dhṛtau smṛtā || 117 ||

yathā -

nānāratnāḍhyairbahubhiradhikaṃ bhūṣaṇairaṅgasaṃsthai-
rnānāgandhāḍhyairmadanajananairaṅgarāgaiśca hṛdyaiḥ |
keśaiḥ snānāḍhyaiḥ kusumabharitairvastrarāgaiśca taistaiḥ
kānte saṃkṣepāt kimiha bahunā citralekheva bhāsi ||

antyaṃ saptadaśaṃ caiva ṣoḍaśaṃ sacaturdaśam |
trayodaśaṃ dvādaśaṃ ca ṣaṣṭhamaṣṭamameva ca || 119 ||

trīṇyādau ca gurūṇi syuryasmiṃstvekonaviṃśake |
pādelabhūni śeṣāṇi śārdūlakrīḍitaṃ tu tat || 120 ||

(smau jsau tau guru ca prayoganityā yasminniviṣṭāstrikā

p. 274)

ādyā cāntyayatiścatustrikayutā jñeyāparā saptabhiḥ
nityaṃ yatpadamāśritā hyatidhṛtirnityaṃ kavīnāṃ priyaṃ
tajjñeyaṃ khalu vṛttajātinipuṇaiḥ śārdūlavikrīḍitam ||)

yathā -

nānāśastraśatāghnitomarahatāḥ prabhraṣṭasavāyudhāḥ
nirbhinnodarapādabāhuvadanā nirṇāśitāḥ śatravaḥ |
dhairyotsāhaparākramaprabhṛtibhistaistairvicitrairguṇai-
rvṛttaṃ te ripughāti bhāti samare śārdūlavikrīḍitam ||
(tāvattvaṃ vijitendriyaḥ śubhamate sarvātmanā pratyahaṃ
dāne śīlavidhau ca yojaya manaḥ svargāpavargāvaham |
yāvad vyādhijarāpracaṇḍanakharo vyāyatsaṭābhirbhṛśaṃ
mṛtyuste na karoti jīvitamṛgaiḥ śārdūlavikrīḍitam ||)

cutvāryādau ca ṣaṣṭhaṃ ca saptamaṃ sacaturdaśam |
tathā pañcadaśaṃ caiva ṣoḍaśaṃ naidhanaṃ tathā || 124 ||

etāni ca gurūṇi syuḥ śeṣāṇi tu laghūnyatha |
pāde yatra kṛtau jñeyā nāmnā suvadanā tu sā || 125 ||

(mrau bhnau ybhau lgau ca samyagyadi ca viracitā pāde kramavaśāt
vicchedaḥ saptabhiḥ syātpunarapi ca yatiḥ saptākṣarakṛtā |
yadyeṣā saṃśritā syātkṛtimapi ca punaḥ śliṣṭākṣarapadā
vidvadbhirvṛttajātau tata iha gaditā nāmnā suvadanā ||)

p. 275)

yathā -

netre līlālasānte kamaladalanibhe bhrūcāpavinate
gaṇḍoṣṭhaṃ pīnamadhyaṃ samasahitaghanāḥ snigdhāśca daśanāḥ |
karṇāvaṃsapralambau cibukamapi nataṃ ghoṇā surucirā
vyaktaṃ tvaṃ martyaloke varatanu vihitāsyekā suvadanā ||

catvāryādau tathā ṣaṣṭhaṃ saptamaṃ ca caturdaśam |
aṣṭādaśaṃ saptadaśaṃ tathā pañcadaśaṃ punaḥ || 128 ||

antyopāntye gurūṇyatra laghanyanyāni sarvadā |
ekaviṃśatike pāde sragdharā nāma sā yathā || 129 ||

(mrau bhnau yau yaśca samyagyadi hi viracitāḥ syustrikāḥ pādayoge 
varṇaiḥ pūrvopadiṣṭairyatirapi ca punaḥ saptabhiḥ saptabhiḥ syāt |
vṛttaṃ samyagyadi syātprakṛtimanugataṃ tattvavidbhiḥ pradiṣṭaṃ
vijñeyaṃ vṛttajātau kavijanadayitā sragdharā nāmatastu ||)

cūtāśokāravindaiḥ kuravakatilakaiḥ karṇikāraiḥ śirīṣaiḥ
punnāgaiḥ pārijātairvakulakuvalayaiḥ kiṃśukaiḥ sātimuktaiḥ |
etairnānāprakāraiḥ kusumasurabhibhirviprakīrṇaiśca taistai-
rvāsantaiḥ puṣpabṛndairnaravaravasudhā sragdharevādya bhāti ||)

p. 276)

caturthamādyaṃ ṣaṣṭhaṃ ca daśamaṃ dvādaśaṃ tathā |
ṣoḍaśāṣṭādaśe caiva naidhanaṃ ca gurūpyatha || 132 ||

dvāviṃśatyakṣare pāde śeṣāṇi ca laghūnyatha |
bhavanti yatra tajjñeyaṃ madrakaṃ nāmato yathā || 133 ||

(bhrau caraṇe yadā viniyatau triko kramavaśādathākṛtividhau 
nrau ca tataḥ paraṃ ca rucirāvanantarakṛtau nagāvapi punaḥ |
tacca daśāṣṭavarṇaracitā caturṣvapi tathā yatiśca satataṃ
madrakavṛttameva khalu nāṭyayogakuśalairbudhairnigaditam ||)

utplutamekahastacaraṇaṃ dvitīyakararecitaṃ suvinataṃ
vaṃśamṛdaṅgavādyamadhuraṃ vicitrakaraṇānugaṃ bahuvidham |
madrakametadadya subhage vidagdhagaticeṣṭitaiḥ sulalitai-
rnṛtyasi vibhramākulapadaṃ viviktarasamāvitaṃ śaśimukhi ||

antyamekonaviṃśaṃ ca saptamaṃ satrayodaśam |
ekādaśaṃ saptadaśaṃ pañcamaṃ ca gurūṇyatha || 136 ||

śeṣāṇi ca laghūni syurvikṛtyāścaraṇe chuvaiḥ? |
vṛttaṃ tadaśvalalitaṃ vijñeyaṃ nāmato yathā || 137 ||

(yadi ca nakāra ādiracitaḥ pade viracitonta eva ca lagau 
yadi ca jabhau tridhā ca nihitau krameṇa khalu madhyamāvapi tathā |

p. 277)

yadi ca samāśritaṃ hi vikṛtiṃ yatiśca daśabhistathaikasahitai-
stata iha kīrtitaṃ munigaṇairviśuddhacaritaistadaśvalalitam ||) 138 ||

vividhaturaṅganāgarathayaudhasaṃkulamalaṃ balaṃ samuditaṃ
śaraśataśaktikuntaparidhāsyiyaṣṭivitataṃ bahupraharaṇam |
ripuśatamuktaśastraravabhīta śaṅkitabhaṭaṃ bhayākuladiśaṃ
kṛtamabhivīkṣya saṃyugamukhe samarpitaguṇaṃ tvayāśvalalitam || 139 ||

ṣaḍādāvaṣṭamaṃ caiva hyekādaśacaturdaśe |
viṃśaṃ saptadaśaṃ caiva trayoviṃśaṃ tathaiva ca || 140 ||

etāni ca laghūni syuḥ śeṣāṇyatha gurūṇi ca |
caturviṃśatike pāde meghamāleti sā yathā || 141 ||

(yadi khalu caraṇasthitau nau trikau kṛttikākhyāstathā rāḥ syuḥ kramād
bhavati yadi yatistathā saptabhiḥ saptabhistriṣvato'nyāyatiḥpañca 
vidyāttathā |

p. 278)

satatamabhiniviṣṭadehā tathā saṃkṛtau sūribhiḥ sarvadā dṛśyate 
tata iha paribhāṣitā śāstravidbhistviyaṃ meghamālā yathā daṇḍakaḥ ||) 
142 ||

pavanabalasamāhṛtā tīvragambhīranādā balākāvalīmekhalā
kṣitidharasadṛśoccarūpā 
mahānīladhūmāñjanābhāmbugarbhodbhavā |
surapatidhanurujjvalābaddhakakṣyā taḍiddyotasannāhapaṭṭojvalā
gaganatalavisāriṇī prāvṛṣeṇyā dṛḍhaṃ meghamālādhikaṃ śobhate || 
143 ||

ādyaṃ caiva caturthaṃ ca pañcamaṃ ṣaṣṭhameva ca |
navamaṃ daśamaṃ caiva naidhanaṃ ca bhavedguru || 144 ||

pañcaviṃśatike pāde śeṣāṇi ca laghūnyatha |
vṛttajñaiḥ sā tu vijñeyā krauñcapādīti nāmataḥ || 145 ||

(bhmau yadi pāde sbhāvapi ceṣṭāvabhikṛtirapi ca hi yadi khalu vihitā
nāśca samudrāḥ syurviniviṣṭhāyadi ca khalu guru bhavati nidhanagatam |
pañcabhirādau chedamupetā punarapi yatiriha yadi khalu daśabhiḥ
kroñcapadeyaṃ vṛttavidhāne suragaṇapitṛgaṇamunigaṇavihitā ||

p. 279)

yathā -

yaḥ kila dākṣaṃ vidrutasomaṃ kratuvaramacamasamapagatakalaśaṃ
pātitayūpaṃ kṣiptacaṣālaṃ vicayanamasamidhamapaśukacarukam |
kārmukamuktenāśu cakāra vyapagatasuragaṇa pitṛgaṇamiṣuṇā
nityamasau te daityagaṇāriḥ pradahatu makhamiva ripugaṇamakhilam ||

yā kapilākṣī piṅgalakeśī
kaliruciranudinamanunayakaṭhinā
dīrghatarābhiḥ sthūlasirābhiḥ
parivṛtavapuratiśayakuṭilagatiḥ |
āyatajaṅghā nimnakapolā
laghutarakucayaugaparigatahṛdayā
sā parihāryā krauñcapadā strī
dhruvamiha niravadhi sukhamabhilaṣatā ||) 148 ||

aṣṭāvādau gurūṇi syustathā caikonaviṃśakam |
ekaviṃśaṃ ca vijñeyaṃ caturviṃśaṃ sanaidhanam || 149 ||

etāni gurusaṃkhyāni śeṣāṇi ca laghūnyatha |

p. 280)

ṣaḍtriṃśatyakṣare pāde tadbhujaṅgavijṛmbhitam || 150 ||

(yasminmautonāḥ rsau nityaṃ praticaraṇa-
mathagaditāstrikā hyanupūrvaśaḥ
ṣaḍtriṃśatyāmekonāyāṃ ca yadi hi
khalu yatirabhidhā caturbhirathāṣṭabhiḥ |
paścādantyau glau saṃyojyau yadi bhavati 
manujadayitā samāśritamutkṛtiṃ
nāmnā vṛttaṃ loke khyātaṃ kavivadana-
vikasanaparaṃ bhujaṅgavijṛmbhitam || 151 ||

yathā -

rūpopetāṃ devaiḥ sṛṣṭāṃ samadagaja-
vilasitagatiṃ nirīkṣya tilottamāṃ
prādakṣiṇyātprāptāṃ draṣṭuṃ bahuvadana-
macalanayanaṃ śiraṃ kṛtavānhariḥ |
dīrghaṃ niśvasyāntargūḍhaṃ stanavadana-
jaghanarucirāṃ nirīkṣya tathā punaḥ
pṛṣṭhe nyastaṃ devendreṇa pravaramaṇi-
kanakavalayaṃ bhujaṅgavijṛmbhitam || 152 ||


(rūpopetāmiti) bhujaṅgavijṛmbhitaṃ kṛtvā bhagavato haste nyastam |


p. 281)

(daṇḍakaṃ nāmavijñeyamutkṛteradhikākṣaram |
meghamālādikaṃ tatsyānnau cādau kāguhārtrikāḥ || 153 ||

yathā -

muditajanapadākulā sphītasasyākarā
bhūtadhātrī bhavantaṃ samabhyarcati
dviradakaraviluptahintālatālīvanāstvāṃ
namasyanti vindhyādayaḥ parvatāḥ |
sphuṭitaṃ kalaśaśuktinirgīrṇamuktā-
phalairūrmihastairnamasyanti vaḥ sāgarāḥ
muditajalacarākulāḥ saṃprakīrṇāmalāḥ
kīrtayantīva kīrtiṃ mahānimnagāḥ ||) 154 ||

etāni samavṛttāni mayoktāni dvijottamāḥ |
viṣamārdhasamānāṃ tu punarvakṣyāmi lakṣaṇam || 155 ||

yatra pādāstu viṣamā nānāvṛttasamudbhavāḥ |
grathitāḥ pādayogena tadvṛttaṃ viṣamaṃ smṛtam || 156 ||


nānāvṛttasamudbhavā ityanena tulyacchandasāṃ vṛttānāṃ lakṣaṇaṃ 
pṛthakpṛthakpāde viracayya svayaṃ viṣamā ūhyā ityāha |


p. 282)

dvau samau dvau ca viṣamau vṛtte'rdhaviṣame tathā |
sarvapādaiśca viṣamairvṛttaṃ viṣamamucyate || 157 ||

hrasvādyamatha dīrghādyaṃ dīrghaṃ hrasvamathāpi vā |
yugmaujaviṣamaiḥ pādairvṛttamardhasamaṃ bhavet || 158 ||

pāde siddhe samaṃ siddhaṃ viṣamaṃ sārvapādikam |
dvayorardhasamaṃ vidyādeṣa chedastu pādaśaḥ || 159 ||

chedatastu mayā proktaṃ samavṛttavikalpanam |
trikairviṣamavṛttānāṃ saṃpravakṣyāmi lakṣaṇam || 160 ||

(naidhane'nyatarasyāṃ vai prathame pāda iṣyate |
dvitīye caraṇe ca syādityanuṣṭupsamāsataḥ) || 161 ||

sau gau tu prathame pāde srau lgau cāpi dvitīyake |
yugme'rdhaviṣame pāde jñeyā pathyā tu sā trikaiḥ || 162 ||

yathā -

priyadaivatamitrāsi priyasaṃbandhibāndhavā |
priyadānaratā pathyā dayite tvaṃ priyāsi me || 163 ||


dvau samāviti prathamatṛtīyau dvitīyacaturthau | dvau viṣamāviti prathamadvitīyau 
tṛtīyacaturthau vīpsāgarbhametat | dvāviti siddha iti lakṣite | sārvapādikamiti 
lakṣaṇīyamitiśeṣaḥ dvayorityatrāpi | cheda iti pādeṣu vibhāga ityarthaḥ | 
(samavṛttavikalpanaṃ) samavṛtteṣu vikalpitā ye citrāśchedāḥ te proktāḥ |


p. 283)

mrau gau tu prathamepāde yūsau lgau ca dvitīyake |
pāde rbhau lgau tṛtīye ca caturthe tu tasau lagau || 164 ||

yathā -

naivācāro na te mitraṃ na saṃbandhiguṇapriyā |
sarvathā sarvaviṣamā pathyā na bhavasi priye || 165 ||

ayujorlakṣaṇaṃ hyetadviparītaṃ tu yatra ca |
pathyā hi viparītā sā vijñeyā nāmato yathā || 166 ||

kṛtena ramaṇasya kiṃ saritra roṣeṇa te'pyartham |
viparītā na pathyāsi tvaṃ jaḍe kena mohitā || 167 ||

caturthādakṣarādyatra trilaghu syādayuktataḥ |
anuṣṭupcapalā sā tu vijñeyā nāmato yathā || 168 ||

yathā -

na khalvasyāḥ priyatamaḥ śrotavyaṃ vyāhṛtaṃ sakhyā |
nāradasya pratikṛtiḥ kathyate capalā hīyam || 169 ||

p. 284)

vipulā tu yuji jñeyā laghutvātsaptamasya tu |
sarvatra saptamasyaiva keṣāṃcidvipulā yathā || 170 ||

saṃkṣiptā vajravanmadhye hemakumbhanibhastanī |
vipulāsi priye śroṇyāṃ pūrṇacandranibhānane || 171 ||

yathā -

gaṅgeva meghopagame āplāvitavasundharā |
kūlavṛkṣānārujantī sravantī vipulācalā || 172 ||

(āgatā meghasamey bhīrubhīrukulodgate |
ekarātrau paragṛhaṃ cori bandhanamarhasi ||) 173 ||

evaṃ vividhayogāstu pathyāpādā bhavanti hi |
yugmaujaviṣamaiḥ pādaiḥ śeṣairanyaistrikairatha || 174 ||

sagurvantaḥ sarvalaghustriko nityaṃ hi neṣyate |
prathamādakṣarādyatra caturthātprāglaghuḥ smṛtaḥ || 175 ||

pathyāpādaṃ samāsthāya trīṇyante tu gurūṇyatha |
bhavanti pāde satataṃ budhaistadvaktramucyate || 176 ||

yathā -

dantakṣatādharaṃ subhru jāgaraglānanetrāntam |
ratisaṃbhogakhinnaṃ te darśanīyataraṃ vaktram || 177 ||


(sagurvanta iti) gurvantaḥ saḥ sarvalaghuḥ naḥ trikau neṣyete | 
prathamādakṣarādanantaraḥ caturthādakṣarādūrdhvaṃ tu prākūlaghuḥ 
yakāraṃ tu na prayojyāni 


p. 285)

(ityeṣā sarvaviṣamā nāmato'nuṣṭubucyate |
tadvidāṃ matavaiṣamyaṃ trikādakṣaratastathā ||) 178 ||

pāde ṣoḍaśamātrāstu gāthāṃśakavikalpitāḥ |
caturbhiraṃśakairjñeyā vṛttajñairvānavāsikā || 179 ||

asaṃsthitapadā suvihvalāṅgī madaskhalitaceṣṭitairmanojñā |
kva yāsyasi varoru suratakāle viṣamā kiṃ vānavāsikā tvam
sjau sgau ca prathame pāde tathā caiva tṛtīyake |
ketumatyāṃ gaṇāḥ proktā bhrau ngau gaśca sadā budhaiḥ || 181 ||

yathā -

sphuritādharaṃ cakitanetraṃ raktakapolamambujadalākṣam |
kimidaṃ ruṣāpahṛtaśobhaṃ ketumatīsamaṃ vada mukhaṃ te ||

vaktrasyāparapūrvasya cādau nau ro lagau trikāḥ |
najau jarau dvitīye ca śeṣāgraṃ punareva tu || 183 ||

(prathame ca tṛtīye nau ralau gaśca prakīrtitaḥ |
gaṇāścāparavaktre tu najau jau dvicaturthayoḥ || 184 ||

yathā -

sutanujalaparītalocanaṃ jaladaniruddhamivendumaṇḍalam |
kimidamaparavaktrameva te śaśivadane'dya mukhaṃ parāṅmukham ||

p. 286)

nau ryau tu prathame pāde njau jrau gaśca tathāpare |
yatra tatpuṣpitāgrā syādyadi śeṣaṃ tu pūrvavat || 186 ||

yathā -

pavanabalavidhūtacāruśākhaṃ
pramuditakokilakaṇṭhanādarasyam |
madhukaraparigīyamānaśabdaṃ
varatanu paśya vanaṃ supuṣpitāgram || 187 ||

sjau slau cādau yathā nsau jgau śnau jlau gaśca tathā punaḥ |
sjau sjau gaśca trikā hyete udgatāyāḥ prakīrtitāḥ || 188 ||

yathā -

tava romarājiratibhāti sutanu madanasya mañjarī |
nābhikamalavivarotpatitā bhramarāvalīva kusumātsamudgatā ||

sjau slau ca tato nsau jgau nau sau ceti tṛtīyake |
sjau sjau gaśca caturthe tu lalitāyā gaṇāḥ smṛtāḥ ||

yathā -

lalitākulabhramitacāruvasanakaracārupallavā |
pravikasitakamalakāntimukhī pravibhāsi devi surataśramāturā || 191 ||

evametāni vṛttāni samāni viṣamāṇi ca |

p. 287)

nāṭakādyeṣu kāvyeṣu prayoktavyāni sūribhiḥ || 192 ||

santyanyānyapi vṛttāni yānyuktānīha piṇḍaśaḥ |
na ca tāni prayojyāni hataśobhāni tāni hi || 193 ||

yānyatra pratiṣiddhāni gītake tāni yojayet |
dhruvāyoge tu vakṣyāmi teṣāmeva vikalpanam || 194 ||

vṛttalakṣaṇamevaṃ tu samāsena mayoditam |
ata ūrdhvaṃ pravakṣyāmi hyāryāṇāmapi lakṣaṇam || 195 ||

pathyā ca vipulā caiva capalā mukhato'parā |
jaghane capalā caiva āryāḥ pañca prakīrtitāḥ || 196 ||

(āsāṃ tu saṃpravakṣyāmi yatimātrāvikalpanam |
lakṣaṇaṃ niyamaṃ caiva vikalpaguṇasaṃśrayam || 197 ||

yatiśchedastu vijñeyaścaturmātro gaṇaḥ smṛtaḥ |
dvitīyāntyau yujau pādāvayujau tvaparau smṛtau || 198 ||

gurumadhyavihīnastu caturguṇasamanvitaḥ |
ayuggaṇo vidhātavyo yuggaṇastu yathepsitaḥ || 199 ||

nanu hṛtaśobhānīti cet kathaṃ prayojyānītyāha yānyatra pratiṣiddhānīti 
gītaṃ pāṭhyamānatvābhāvāt na vṛttagatā śravyatāpekṣate kevalaṃ 
tālayojanārthasāmyamavaśyakartavyamiti mātrāṇāṃ 
niyamastatrāśrīayte |

p. 288)

ṣaṣṭho vai dvivikalpastu naidhano hyekasaṃsthitaḥ |
paścādarthe tu ṣaṣṭhaḥ syādekamatrastu kevalaḥ || 200 ||

dvivikalpastu ṣaṣṭho yo gurumadhyo bhavettu saḥ |
tathā sarvalaghuścaiva yatisaṃjñāsamāśritaḥ || 201 ||

dvitīyādilaghurjñeyaḥ saptame pañcame yatiḥ |
prathamādirathāntye ca pañcame vā vidhīyate || 202 ||

gaṇeṣu triṣu pādasya yasyāḥ pathyā tu sā bhavet |
ataśca vipulānyā tu vijñeyā yatilakṣaṇā || 203 ||

ayujaḥ sarvaguravo gurumadhyā gaṇā yujaḥ |
yasyāḥ syuḥ pādayoge tu vijñeyā capalā hi sā ||

triṃśadādyastu vijñeyaḥ saptaviṃśati cāpare |
ubhayorardhayorjñeyo mātrāpiṇḍo vibhāgaśaḥ || 205 ||

triṃśattasyāśca yadi syuretāni dviguṇāni tu |
trīṇyakṣarāṇi cānyāni nyasya saṃkhyāvibhāgaśaḥ ||

etāni laghusaṃjñāni nirdiṣṭāni samāsataḥ |
sarveṣāṃ caivamāryāṇāmakṣarāṇāṃ yathākramam || 207 ||

p. 289)

ardhāṣṭamagaṇārdhā ca sarvaivāryā prakīrtitā |
ṣaṣṭhaśca dvivikalpasu naidhane hyekasaṃsthitaḥ || 208 ||

paścādvā yo gaṇaḥ ṣaṣṭha ekamātraḥ sa ucyate |
dvivikalpastu yaḥ ṣaṣṭho gurumadhyo bhavettu saḥ || 209 ||

yathā sarvalaghuścaiva yatisaṃkhyāsamāśritā |
sā dvitīyā dvilaghukā saptame prathame yatiḥ || 210 ||

gurumadhyavihīnastu caturgaṇasamanvitaḥ |
ayuggaṇo vidhātavyaḥ yuggaṇastu sa eva ca || 211 ||

prathamatṛtīyau pādau dvādaśamātrau bhavettu sā pathyā |
vipulānyā khalu gaditā pūrvoditalakṣaṇopetā || 212 ||

pathyā yathā -

raktamṛdupadmanetrā sitadīrghabahulamṛdukeśī |
kasya tu pṛthumṛdujaghanā tanubāhvaṃsodarī pathyā ||


ardho'ṣṭamo gaṇaḥ sāntāḥ sapta gaṇāśca | caturmātrā yasmāttādṛgardhaṃ 
yaḥ syāt ṣaṣṭho gaṇo dvibhedaḥ ekabhedamāha paścādardhe yaḥ ṣaṣṭho 
gaṇastamin kartavye laghurekaḥ kartavyastasya sthāna ityarthaḥ | gurumadhyo jaḥ 
sarvalaghuḥ caturlaghustatra ca dvitīyādārabhya laghvoryatirardhe tadanantaraṃ 
pādārambhaḥ kartavyaḥ ante ca prathamādiryatiḥ pañcame ca gaṇe samāpte 
yatiḥ ayuggaṇa iti viṣayaṃ prathamatṛtīyapañcamasaptamarūpaṃ | yuggaṇaḥ 
samaḥs a eva ceti jakārastatra na varjya iti yāvat | ardhadvaye'pi gaṇatraye chedaḥ 
kartavyaḥ sa caiva pāda ucyate tadāha prathamatṛtīyau pādau dvādaśamātrāviti | 
prathame'rdhe gaṇatrayaṃ prathamaḥ pādaḥ dvitīyapāde cānyaṃ gaṇatrayaṃ 
tṛtīyapādam | pathyeti pathi sādhvityarthaḥ |


p. 290)

vipulā yathā -

vipulajaghanavadanastananayanaistāmrādharoṣṭhakaracaraṇaiḥ |
āyatanāsāgaṇḍiarlalāṭakarṇaiḥ śubhā kanyā || 214 ||

dvitīyaśca caturthaśca gurumadhyagato bhavet |
ubhayorardhayoryatra vijñeyā capalā yathā || 215 ||

udbhaṭagāminī paruṣabhāṣiṇī kāmacihnakṛtavepā |
jānāti māṃsayuktā surāpriyā sarvataścapalā || 216 ||

pūrvārdhe lakṣaṇaṃ hyetadasyāḥ sā ca mukhena tu |
paścimārdhe tu capalā yasyāḥ sā jaghanena tu || 217 ||

mukhacapalā yathā -

āryāmukhe tu capalā tathāpi cāryā na me yataḥ sā tu |
dakṣā gṛhakṛtyeṣu tathā duḥkhe bhavati duḥkhārtā || 218 ||

jaghanacapalā yathā -

varamṛganayane capalāsi varoru śaśāṅkadarpaṇanibhāsye |
kāmasya sārabhūte na pūrvamadacārujaghanena || 219 ||

ubhayorardhayoretallakṣaṇaṃ dṛśyate yadi |
vṛttajñaiḥ sā tu vijñeyā sarvataścapalā tu sā || 220 ||

kāryau dvādaśamātrau ca pādāvādyau tṛtīyakau |
aṣṭādaśa dvitīyaṃ ca tathā pañcadaśottamāḥ || 221 ||

p. 291)

catuḥpañcaprakārāṇāṃ catuṣkāṇāṃ viśeṣataḥ |
prastārayogamāsādya bāhulyaṃ saṃpradarśayet || 222 ||

pañcapañcāśadantyā tu triṃśadādyā tathaiva ca |
āryā tvakṣarapiṇḍena vijñeyātra prayoktṛbhiḥ || 223 ||

triṃśatastvatha varṇebhyo laghuvarṇatrayaṃ bhavet |
śeṣāṇi gurusaṃkhyāni hyevaṃ sarvatra nirdiśet || 224 ||

sarveṣāmeva cāryāṇāmakṣarāṇāṃ yathākramam |
sarveṣāṃ jātivṛttānāṃ pūrvamuttarasaṃkhyayā || 225 ||

vikalpaṃ gaṇanāṃ kṛtvā saṃkhyāṃ piṇḍena nirdiśet |
āryāgītirathārdhe ca kevalaṃ cāṣṭabhirgaṇaiḥ || 226 ||


āryāṇāṃ bhedaṃ darśayituṃ tatprastāramityāha |

catuḥpaścaprakārāṇāṃ catuṣkāṇāṃ viśeṣataḥ |
prastārayogamāsādya bāhulyaṃ saṃpradarśayet || iti 

ayuksthānagatānāṃ catuṣprakārāścaturgaṇāḥ | samasthānagatāḥ 
pañcaprakārāsteṣāṃ yo viśeṣaḥ parasparasaṃkīrṇatātatkṛtamāryāṇāṃ 
prastārabāhulyaṃ nirūpayet | antyā sarvalaghu kāryā 
pañcapañcāśadakṣarāṇi prathamārdhe ekānna triṃśat dvitīye ṣaḍviṃśatiḥ |

śiśiratarakiraṇaparikarasakalakalaviracitakapiśakacanicaya |
samahṛdaya (tanuvinihitadharaṇidharavarasuta jayajaya śiva ||)

laghudvayaṃ dvitīye ṣaṣṭhe sthāne laghuḥ tathā ca laghuvarṇatrayamiti | atra 
mātrāvṛttānāṃ saṃjñājñānārthamāha | sarveṣāmeveti | pūrvaṃ kṛtvā yo 
vikalpasaṃkhyābhedaḥ tasyottarasaṃkhyayā saha guṇasaṃhananaṃ kṛtvā yo 
bhavati piṇḍastena saṃkhyāṃ vadet |


p. 292)

itarārdhe tu ṣaṣṭhastu na laghurgaṇa iṣyate |
vṛttairevaṃ tu vividhairnānāchandassamudbhavaiḥ || 227 ||

kāvyabandhāstu kartavyāḥ ṣaṭtriṃśallakṣaṇānvitāḥ ||

iti bhāratīye nāṭyaśāstre chandovicitirnāmādhyāyaḥ pañcadaśaḥ ||


tatra samastāsāṃ pañcabhedaḥ viṣamaścaturbhedaḥ ṣaṣṭho dvibhedaḥ 
dvitīye'rdhe tvekabhedaḥ aṣṭamamekabhedam | tadatra pūrvāṅkenottarāṅkasya 
guṇanaṃ tenānyāṅkasya ṣoḍaśa sthānāni | saṃkhyālābhaḥ tatra caturbhiḥ 
pañcānāṃ guṇane viṃśatistayā caturṇāṃ guṇane viṃśatistayā ca 
guṇānāṃ guṇane viṃśatirityādi mantavyam | tadāha -

āryāḥ śatasahasrāṇi jñeyā hyekānnaviṃśatiḥ |
aṣṭau koṭyaḥ sahasrāṇi viṃśatiśca pramāṇataḥ ||

na laghuriti | api tu prathamārdhavadaparārdhe'pi ṣaṣṭho dvibhedo gaṇaḥ 
āryāgītāvityarthaḥ |

adhyāyārthamupasaṃharan bhāvinaṃ viṣayamāsūtrayati vṛttairityādi | 
kāvyavanyā ityanenedamāha yathā prāsādakuḍyādike kartavye prathamaṃ 
bhūmiḥ tadvatkāvye nirmātavye bhūmikalpaḥ śabdacchandovidhiḥ 
kṣetraparigrahaṃ vṛttasamāśrayamityādi viracayan bhittisthāniyaṃ 
lakṣaṇayojanaṃ citrakarmapratimamalaṅkāraguṇaniveśanaṃ 
gavākṣavātāyanādideśīyo daśarūpakavibhāgaḥ upayoganirūpaṇāprakhyā 
kākādiplutiḥ evaṃbhūtavācanikābhinayasvarūpaṃ caturdaśādibhiḥ 
ṣaḍbhiradhyāyairucyate | tatrādhyāyadvayaṃ vṛttalakṣaṇavidhānaṃ tu 
bhaviṣyati |

yadyapi rūpakaviracanakāle paripakvaprajñasya na 
kramapratibhāsastathāpyapoddhāradhiyā kalpyata ityāhuḥ | prabandhasya yo 
yukto'bhyāsaḥ tanniṣpattiḥ prabandhābhyāsaḥ tatsaṃpattiḥ 
abhinayārthanirvartanaṃ tadabhinayopārohaṇamiti sa eva krama ityupādhyāyaḥ | 
yadāhuḥ -

mahākavīnāṃ padavīmupāttāmārurukṣatām |
nāsaṃsmṛtya padasparśānsaṃpatsopānapadbhatiḥ || ityādi |

p. 293)

kramollaṅghane hi sati nāṭakādiviracayatāṃ mahāntaḥ pramādāpabhraṃśā 
bhavanti | na hi sarvo vālmīkirvyāsaḥ kālidāso bhaṭṭendurājo vā teṣāmapi 
prāgjanmārjitakramābhyāsasamuditasaṃskārapāṭavotpāditaḥ 
kulapratibhaṅgajñānātiśaya iti śivam ||

iti pañcadaśādhyāye dhyāyinā parameśvaram |
kṛtābhinavaguptena guptārthaprakaṭīkriyā ||

iti śrīmahāmāheśvarābhinavaguptācāryaviracitāyāṃ 
nāṭyavedavivṛtāvabhinavabhāratyāṃ vṛttavidhirnāma pañcadaśo'dhyāyaḥ ||
śrī

nāṭyaśāstram

ṣoḍaśo'dhyāyaḥ

vibhūṣaṇaṃ cākṣarasaṃhatiśca śobhābhimānau guṇakīrtanaṃ ca 
protsāhanodāharaṇe niruktaṃ guṇānuvādo'tiśayaḥ sahetuḥ ||

sārūpyamithyādhyavasāyasiddhi-
padoccayākrandamanorathāśca |
ākhyānayācñāpratiṣedhapṛcchā-
dṛṣṭāntanirbhāsanasaṃśayāśca || 2 ||


vicitraṃ rūpakabhuvo lakṣaṇaṃ bhūṣaṇaṃ bhuvaḥ |
bhāsyate yena taṃ vande prācyadhīsādhitaṃ śivam ||

(nanu) kāvyabandhāḥ ṣaṭtriṃśallakṣaṇānvitaḥ kartavyā ityuktaṃ tatra 
guṇālaṅkārādiriti vṛttayaśceti kāvyeṣu prasiddho mārgo lakṣaṇāni tu na 
prasiddhāni kiṃ ca puruṣasyeva kāvyasya lakṣaṇaguṇālaṅkāravyavahāro na 
yuktaḥ puruṣasya śarīracaitanyabhedāt kaṭakādīnāṃ tato'pi bhedāt kāvyasya 
punarviracanakāle prati-


p. 295)

āśīḥ priyoktiḥ kapaṭaḥ kṣamā ca
prāptiśca paścāttapanaṃ tathaiva |
arthānuvṛttirhyupapattiyuktī
kāryo'nunītiḥ paridevanaṃ ca || 3 ||

ṣaṭtriṃśadetāni tu lakṣaṇāni
proktāni vai bhūṣaṇasaṃmitāni |
kāvyeṣu bhāvārthagatāni tajjñaiḥ
samykprayojyāni yathārasaṃ tu || 4 ||


pattikāle vā prāpakasattāyāṃ teṣāmagaṇitatvācca | daṇḍināpi

kāvyaśobhākarāndharmānalaṅkārānpracakṣate 

iti bruvatā guṇamadhya eva tatra prasādādīnabhidadhatā ca 
guṇālaṅkāravibhāgai'pyasaṃbhavīti sūcitaṃ bhavati | satyametat kiṃ tu 
viracanavivecanasāmarthyasamarthanāyāvaśyaṃ kālpaniko'pi vibhāga 
āśrayaṇīyaḥ | tatra kalpanāyāṃ vipratipattayaḥ kecidāhuḥ - iha 
guṇāstāvadātmani cinmaye śṛṅgārādau vartante śṛṅgāre cāvaśyaṃ ca 
lakṣyata iti pṛthaksiddhatvādalaṅkāraḥ śarīraniṣṭhameva yatpadaṃ 
pṛthaksiddhaṃ tallakṣaṇam yena śarīrasya saundaryaṃ jāyate | tacca siddharūpaṃ 
sādhyarūpaṃ vā yathā śyāmeti madamantharagāminī iti ca | etadeva lakṣaṇaṃ 
taccālaṃkriyate | alaṅkārairyuktaṃ kāvyaṃ lakṣaṇairvinā na śobhate | 
kriyāvācyopameyabhedena tadetallakṣaṇaṃ dvidheti yathā śyāmā viśālākṣī 
mattamātaṅgagaminī iti ca |

anye manyante - itivṛttakhaṇḍa(la)kānyeva sandhyaṅgakāni lakṣaṇānīti ca 
vyapadiśyante | nimittabhedāt pūrvāparasaṃbandhena vījopakṣipte'rthe 
nirvahaṇaparyante 

p. 296)

parasparasandhāyakatvena sandhyaṅgatayā vyapadeśaḥ rasaviśeṣopayogitayā 
vṛttyaṅgavācoyuktiḥ kāvyagatakhyātiprāśastyopayogitayā 
mahāpuruṣagatapāśadhvajapādarekhādivallakṣaṇaśabdavācyatā | taduktaṃ 
tatraiva -

lakṣaṇānyeva bījārthakramanirvāhakāni ca | iti 
pratisandhitadaṅgāni phalasiddhyupapattitaḥ || iti |

(kāvye dhīrodāttādiguṇādhānaṃ vastuvarṇanābhaṅgirveti kecit)

tadatra prathamapakṣe 
varṇanīyapradhānabhūtādhikārapuruṣagataguṇādivibhāga eva kāvye 
paryavasīyate | dvitīyapakṣe tu varṇanīyaḥ sakala eveti | vṛttilakṣaṇo'rthaḥ 
kāvyabhedāt tredhā vibhajyate | ekeṣāṃ tu darśanaṃ - kaveryaḥ pratibhātmā 
prathamaparispandaḥ tadvyāpārabalopanatā guṇāḥ pratibhāvata eva hi 
rasābhivyañcanasāmarthyaṃ mādhuryāderupanibandhanasāmarthyaṃ na 
sāmānyakaveḥ | anena śabdenedaṃ vastu 
varṇayāmītyevaṃbhūtavarṇanāparaparyāyadvitīyavyāpārasaṃpādyāstvalaṅ
kārāḥ |

śabdānamībhiḥ śabdairarthānamībhirarthaiḥ saṃghaṭayāmītyevamātmakastu 
yastṛtīyaḥ kaveḥ parispandaḥ 
tadadhīnātmalābhādiśabdātmārthātmakakāvyaśarīrasaṃśritāni 
vakṣyamāṇaśleṣādiguṇadaśakasamabhivyañcanavyāpārāṇi 
śabdārthopasaṃskārakalpāni kriyārūpāṇi lakṣaṇānīti yaduktaṃ tatraiva -

iti śabdārthayoryeyaṃ saṃśritā dehabhūtayoḥ |
kāvye tayā darśitāni lakṣaṇāni (vidurbudhāḥ) || iti 

kāvye'pyasti tathā kaścit snigdhaḥ sparśo'rthaśabdayoḥ |
yaḥ śleṣādiguṇavyaktidakṣaḥ syāllakṣaṇasthitaḥ || iti 

ceṣṭālaṅkāradṛṣṭāntacihnaṃḥ ....... || iti ca 

atra pakṣe kavivyāpārabhedādguṇālaṅkāralakṣaṇavibhāgaḥ |

apare saṃgirante - abhineyānāṃ kāvyabandhānāṃ vakṣyamāṇasvarūpaṃ ca 
rūpakaṃ samabhidadhyāt kaveḥ svasāmarthyādhānāya tāvadabhyāso 
nirmāṇavidheyo lakṣaṇaṃ mastakāsaṃpūrṇaścādau krameṇa tu 
tathābhūto'bhineyārthaḥ kāvyabandho (lakṣaṇonnītaḥ) tena ca 
lokottarahṛdyavarṇane yogāt | tathā hi kiñcit prabandhajātaṃ guṇālaṅkāra 
nikarapradhānaṃ yathā meghadūtākhyaṃ tadvibhūṣaṇam evamanyadapi iti |

prabandhadharmā lakṣaṇāni iti kecittu vruvate | kaverabhiprāyaviśeṣo 
lakṣaṇamitītare punarmanyante | kecid yathāsthānaviśeṣaṃ 
yadguṇālaṅkārāyojanaṃ tallakṣaṇamiti |

p. 297)

pare tvabhāṣanta - alaṅkārādinirapekṣeṇaiva nisargasundaro yo'bhineyaviśeṣaḥ 
kāvyeṣu dṛśyate amarukaślokeṣvapi tatsaundaryaheturyo dharmaḥ salakṣaṇaḥ sa 
eva cārthaḥ kāvyaśarīraviśeṣarūpo lakṣaṇam | 
upamādīpakarūpakāṇāmānantyād bhedamāhuḥ | tuśabdena arthe na citratvaṃ 
lakṣaṇamiti |

itareṣāṃ tu mataṃ yathā tantraprasaṅgavādhātideśādi mīmāṃsāprasiddhaṃ 
vākyaṃviśeṣavyavacchedalakṣaṇaṃ tathā kāvyaviśeṣavyavacchedakaṃ 
bhūṣaṇādilakṣaṇajātamiti tvayaṃ pakṣo dvitīyapakṣānna bhidhyate | eteṣu tu 
pakṣeṣvanyatamagrahe viśeṣaṇāni na saṃgacchante spaṣṭena pathā | idaṃ tu 
daśapakṣyāṃ vastu |

iha kāvyārthā rasā ityuktaṃ prāk | uktaṃ ca varṇanīyaṃ śabdanīyaṃ kaveḥ 
karmeti ca vyutpattitrayaṃ kāvyamiti | anenābhidheyaṃ abhidhānaṃ abhidhāṃ ca 
svīkṛtyāvasthīyate api ca śabdavyāpāro'bhidhātṛvyāpāraḥ 
pratipādyavyāpāraśceti trigataḥ | tatra śabdasya 
rasābhivyaktikṣamārthapratipādakatvaṃ svayaṃ ca śrotre ca saṃkrāntimātraṃ 
nāntarīykatayā tadrasadarśanayogyatāpādana sāmarthyādguṇaśabdavācyam 
āvartamāno dvitīyo varṇaḥ padaṃ vā 
prāktanavarṇanādaśobhāheturalaṅkāraḥ | evamarthasyāpi 
yadrasābhivyaktihetutvaṃ so'rthaguṇaḥ yastu vastvantaraṃ vadanasyeva candraḥ 
so'laṅkāraḥ yastu trividho'pyabhidhāvyāpāraḥ sa lakṣaṇānāṃ viṣayaḥ | 
tathāhi - idamanena 
śabdenānayetikartavyatayā'munāśayenetthaṃbhūtabuddhijananāya bruve iti 
kaviḥ pravartate sa tathā bhūtaṃ rasavatkāvyaṃ vidhatte | tatra cittavṛttyātmakaṃ 
rasaṃ 
lakṣayaṃstattadrasocitavibhāvādvaicitryasampādakastrividho'bhidhāvyāpāro 
lakṣaṇaśabdenocyate | ityeṣāṃ sāmānyalakṣaṇam | yathā ca pīvaratvaṃ 
stanayorlakṣaṇaṃ madhyasya tu kulakṣaṇaṃ evaṃ kiñcidabhidhīyamānaṃ 
kenacidrūpeṇa rasocitena vibhāvādirūpeṇa tameva padārthakramaṃ 
lakṣayallakṣaṇaṃ anyatra tu tatkulakṣaṇaṃ tena sarve'laṅkārā 
guṇāstatsamudāyādvilakṣaṇā bhavanti | tathā svārtho'pi ca kvacidarthamātraṃ 
kvacidalaṅkāro'rthataḥ kvāpi citrataḥ kvacidalaṅkārādiprakriyāvihīno'pi 
svayaṃ sundarasvabhāvo'rthaḥ kutracicchanda iti trividhavyāpāragāmī 
taddvāreṇābhidhānābhidheyatadguṇālaṅkārādyanugrahaḥ śabdānāṃ 
śabdairarthānāmarthaiḥ śabdānāmarthaistathāparaiḥ saṃghaṭhanāṃ vicitrāṃ 
kārayamāṇābhidhāvyāpāravatī hyuktirnirvāṇapradhānadhurādhirohī 
lakṣaṇākhya eva |

p. 298)

ata eva pūrvaṃ kāvyabandhastu kartavyāḥ ṣaṭtriṃśallakṣaṇānvitāḥ iti 
lakṣaṇānyeva hi pradhānaṃ tatprasaṅgena guṇālaṅkārā iti tātparyam | 
viśeṣalakṣaṇavyākhyāne cetatsphuṭayiṣyāmaḥ |

tatra lakṣaṇānyuddeṣṭuṃ tāvadāha vibhūṣaṇamityādi yathārasaṃ tvityantena 
ślokacatuṣṭayena | yathārasaṃ ye bhāvā vibhāvānubhāvavyabhicāriṇaḥ 
teṣāṃ yo'rthaḥ (taṃ) sthāyibhāvarasīkaraṇātmakaṃ prayojanāntaraṃ gatāni 
prāptāni yadabhidhāvyāpāropasaṃkrāntā 
udyānādayo'rthāstadrasaviśeṣavibhāvādibhāvaṃ pratipadyante tāni 
lakṣaṇānīti sāmānyalakṣaṇam | ata eva kāvye samyakprayojyānīti 
viṣayasteṣāmuktaḥ |

bhaṭṭanāyakenāpi ta eva(?)śikṣitvābhidhāvyāpārapradhānaṃ 
kāvyamityuktaṃ -

śabdaprādhānyamāśritya tatra śāstraṃ pṛthagviduḥ |
arthe tattvena yukte tu vadantyākhyānametayoḥ |
dvayorguṇatve vyāpāraprādhānye kāvyagīrbhavet || iti |

bhāmahenāpi -

saiṣā sarvaiva vaktoktiranayārtho vibhāvyate (2-75) ityādi | 

tena ca paramārthe vyāpāra eva lakṣaṇaṃ sa tu viṣayadvāreṇa viśeṣalakṣaṇe tu 
nirūpyata iti tatsvīkṛtatvādartho'pi lakṣaṇaṃ vyāpāro'pica tadvidāṃ tu 
tadabhyāsaparāṇāṃ ca tathābhūtakāvyātmakaviṣayāvalokane jhaṭityeva 
pratibhāti | tadanyatrānumānena pratibhayā svasaṃvedanā - ityanena prayojanam | 
kuśalaśikṣita vyāpāro hi tatkāvyadṛśi bhātyeva |

ṣaṭtriṃśaditi ca nānyaditi vāraṇaparaṃ 
kavihṛdayavartināmaparāṇāmaparisaṃkhyeyatvāt | kiṃ tu bāhulyena tāvadiyatā 
lakṣyavyāptaṃ iyati ca kavināvadhātavyamiti saṃkhyānirūpaṇam |

tathā ca matāntareṇa bharatamunirevānyathāpyuddeśalakṣaṇena nāmāntarairapi 
ca vyavahāraṃ karoti tata eva pustakeṣu bhedo dṛśyate taṃ ca darśayiṣyāmaḥ | 
paṭhitoddeśakramastvasmadupādhyāyaparamparāgataḥ ||


p. 299)

alaṅkārairguṇaiścaiva bahubhiryadalaṅkṛtam |
bhūṣaṇairiva vinyastaistadbhūṣaṇamiti smṛtam || 5 ||


tatra vibhūṣaṇaṃ lakṣayitumāha alaṅkārairiti | bhūṣaṇaiḥ kaṭakādibhiḥ 
vibhajya sthānadeśakāladaśāpuruṣādivibhāgaṃ vicārya nyastairiva 
guṇālaṅkāriaryadalaṅkaraṇaṃ tadbhūṣaṇaṃ nāma lakṣaṇam kavivyāpāraḥ 
taddvāreṇa śabdārthavyāpārāvapi |

etaduktaṃ bhavati - iha guṇā alaṅkārāśca viṣayā ityanena nibaddhāḥ 
kāvyārthīkṛtānāmabhidheyānāṃ rasaviśeṣaviṣayaṃ vibhāvādibhāvaṃ 
vivarītuṃ samarthāḥ | tathā hi hāsyarasapradhāne prahasanādau śuṣkaśrotriye 
vaktari prayoktari śrotari vā guṇaviniveśitaṃ tu lakṣaṇaṃ bhajatyalaṅkāraśca | 
tathā hi pādatāḍitake śrotriyaṃ śrotāramabhipretya viṭasyāpi 
nirguṇapuruṣasyaivoktiḥ mā musalenāpākārṣīḥ mā kusūlāgninā dhākṣīḥ 
iti śobhāṃ puṣṇāti | anaucityanibandhastu karuṇavipralambhādau yamakasya 
yathā -

vinā priyatamenādya virahānalatāpitā |
dahyeccūtasya vicchedaṃ kiṃ tu hā nalatāpitā ||

sthāne niveśastu yathā -

līneva pratibimbiteva likhitevāntarnikhāteva ca 
protkīrṇeva ca vajralepaghaṭiteva iti | (mālatīmādhavāt)

atrāpi loke utpreks.āpramaparaiva hīyaṃ 
sātiśayakāmāveśāvasthāsamuddyotitapriyatamāviṣayavicitrasaṃkalpagarbhasa.
mbhavaunmukhyaprāṇatvād vipralambhasya kāmāvasthānāṃ ca 
mādhuryaprasādopete ca kāvye śrotrapathamavataratyeveti pratipādyate | 
sukumāracittavṛttisubhago'yamuttamaścetyevaṃ samastasya 
guṇālaṅkāravargasyānugrāhakamidaṃ kavivyāpārarūpaṃ tadvaśācca 
śabdārthatadvyāpārādyapi spṛśadvibhūṣaṇākhyaṃ lakṣaṇam | 
etamevārthaṃ samyagānandavardhanācāryo'pi vivicya nyarūpayat -

dhvanyātmabhūte śṛṅgāre samīkṣya viniveśitaḥ |
rūpakādiralaṅkāravarga eti yathārthatām ||


p. 300)

yatrālpairakṣaraiḥ śliṣṭairvicitrārthopavarṇanam |
tadapyakṣarasaṅghātaṃ vidyāllakṣaṇasaṃjñitam || 6 ||


ityuktvā krameṇa -

vivakṣātatparatvena nāṅgitvena kadācana |
kāle ca grahaṇatyāgau nātinirvahaṇaipitā || (dhvanyāloke-2)

ityādinā granthasandarbheṇa sodāharaṇena | taccāsmābhiḥ sahṛdayālokalocane 
tadvivaraṇe vistarato vyākhyātamiti tatkutūhalantadeva gṛhṇīyāt | iha tu 
prasaktyā granthabhūyastvādudvijate loka iti na vistāritam ||

athākṣarasaṃtimāha yatrālpairiti | akṣaraśabdena yadṛcchāśabdaprādhānyaṃ 
yadṛcchāśabdeṣu svarūpasyaiva pravṛttinimittatvāt tenālpairevākṣaraiḥ 
śliṣṭairviprakṛtāvityuktābhirupalakṣitatvenaiva vicitraṃ 
tadrasocitavibhāvādibhāvaṃ rpāpyamāṇo'rtha upavarṇyate śrotṛṇāṃ 
hṛdayamupasaṃkrāmayituṃ yattasmin 
kavivyāpāro'kṣarasaṅghātastatkāraṇatvāt |

tathāhi māninītyakṣarāṇi īrṣyāvipralambhe taruṇītyābhilāṣike varatanuriti 
saṃbhoge vibhāvanāṃ tāmeva prāpayanti | astītivyutpattistathāpi paryante 
mānādiśabdānāmantato vā dhātupratyayamātrāderavaśyaṃ 
yadṛcchātvamityakṣarāṇāmeva saṃghātaḥ pradhānaṃ 
yadṛcchāśabdaprādhānye udāharaṇaṃ yathā -

visrambhāduttamāṅgaṃ plavagavalapateḥ pādamakṣasya hantuḥ
kṛtvotsaṅge salīlaṃ tvaci kanakamṛgasyāṅgamādhāya śeṣam |
vāṇaṃ rakṣaḥkulaghnaṃ praguṇitamanujenādarāttīkṣṇamakṣṇoḥ |
koṇenodvīkṣamāṇastvadanujavadane dattakarṇo'yamāste ||

visrambhādityādīnāṃ 
maitrīpradhānavālihananapūrvakasāmrājyadātṛtvavalāccetyuktam | akṣasya yo 
hantetyekākināpi yenāśokavanikāviploṣaṇaṃ rākṣasavalakṣapaṇaṃ ca kṛtaṃ 
so'pi yatra pradhānaprakṛtirbhavatītyuktam | tvacīti prahatamārīcavṛttāntaḥ | 
vāṇamityādinā tatraivāsya bahumāna ityuktam | 
rākṣasaviṣayadaivavaiguṇyamityu-


p. 301)

siddhairarthaiḥ samaṃ kṛtvā hyasiddho'rthaḥ prasādhyate |
yatra ślakṣṇā vicitrārthā sā śobhetyabhisaṃjñitā || 7 ||


ktam | atra ca yatra yasya yadvyāpārastatra prādhānyasya kā katheti | praguṇitamiti 
bahutararaṇasaṃmardadhurandharatayā kuṭilīkṛtasyāpi kṣetrabahumāne 
punaryojanam | tvadanujavadana iti bhedopāyakṛtā nītisaṃpat parapakṣe ca 
viparyayam | dattakarṇa iti tadākarṇanamātrametat na tu hṛdaye nirvyājaṃ 
tejojājvalyamānaujasi bhedaṃ pratiko'pyasya bahumānaḥ | ayamiti 
gambhīradhīrākṛtiḥ pratyāsannaścāsta iti | yadyapi prakṛte nāpi 
kaścitkṣobho'ta evoktaṃ salīlamiti | atra 
cārthasyālaṅkāraghaṭanāprayāsamantareṇaiva sundaratvaṃ lakṣaṇakṛtameva |

nanu sābhiprāyamātratvaṃ nāmārthasya tu guṇa oja ityuktam | śobhāḥ 
sahṛdayāḥ artho jaḍastasyābhiprāya iti kathaṃ bhāṣāvaktṛśrotroḥ sa iti cet 
tadgato'rthasya guṇa iti katham |

atha vastvantarākṣepakatvameva tasya sa guṇa ityucyate tadvastvantaramākṣipyaṃ 
vakrabhiprāyarūpamevākṣepakatvamapi kavimanīṣāvyāpāravalādeva 
tathāviniveśanāt prakārāyoge tathābhāvāt | ata eva prauḍhirvastuto vaktṛgataiva 
nānvarthe kāmamupacaryatāmityalaṃ bahunā |

eteṣāṃ ca lakṣaṇānāṃ saṃkīrṇatvena lakṣyaṃ dṛśyate bāhulyāpekṣayā 
tūdāharaṇaṃ mantavyam |

atha śobhā - siddhairarthairiti | yathā -

medaśchedakṛśodaraṃ laghubhavatyutthānayogyaṃ vapuḥ 
sattvānāmapi lakṣyate vikṛtimaccittaṃ bhayakrodhayoḥ |
utkarṣaḥ sa ca dhanvināṃ yadiṣavaḥ sidhyanti lakṣya cale 
mithyā hi vyasanaṃ vadanti mṛgayāmīdṛgvinodaḥ kutaḥ || (śāku 1.)

atra pādatrayeṇa prasiddhā evārthā abhyasanīyatvena śobhamānāstaiḥ 
samavikalaṃ mṛgayālakṣaṇamarthaṃ kṛtvā aprasiddho'nucito'pi so'rtha ucito 
vicitraśca nirūpitaḥ | na cātrālaṅkāraḥ kaściditi kavivyāpāreṇa yaḥ 


p. 302)

dhāryamāṇastu bahubhirvacanaiḥ kāryayuktibhiḥ |
na yaḥ paryavatiṣṭheta so'bhimānastu saṃjñitaḥ || 8 ||

kīrtyamānairguṇairyatra vividhārthasamudbhavaiḥ |
doṣā na parikathyante tajjñeyaṃ guṇakīrtanam || 9 ||


śabdārthavyāpārādevārthaghaṭanātmā tatkṛtaṃ hṛdyaṃ lakṣaṇārthameva | 
aśobhano'pyartho'munā nayena śobhata iti śobheyamuktā ||

athābhimānaḥ - dhāryamāṇastu bahubhiriti | yathā mamaiva -

śītāṃśoramṛtacchaṭā yadi karāḥ kasmānmano me bhṛśaṃ
saṃpluṣyantyatha kālakūṭapaṭalīsaṃvāsasaṃdhukṣitāḥ |
kiṃ prāṇān na harantyuta priyatamāsaṃjalpamantrākṣarai-
rvāryante kimu yadvimohavivaśatsantāpatantrā sthitiḥ ||

atra hi tādṛśyarthasyārthena ghaṭanā kṛtā yasyāṃ kāryayuktibhiḥ 
phalayojanābhirdhāryamāṇo hṛdaye sthāpyamāno nāvatiṣṭhata iti | 
vāryamāṇo'pi vā na nivartate | tavāyaṃ vaddhaḥ | 
tathābhūto'rtho'laukikatvāttāvānupāyaḥ kavinālaṅkāra 
upamānopameyabhāvasya kathaṃcidapyasvīkārātkevalaṃ vakturabhimataṃ 
vadatā kimiva mayāpyevaṃ tadapi naivetyabhidhāmabhidhānākhyalakṣaṇam | 
etadeva sādṛśyanāmnāpyanyairuktam |

dṛṣṭaśrutānubhūtārthakathanādisamudbhavam |
sādṛśyaṃ kṣobhajananaṃ sārūpyamiti saṃjñitam || iti |

amṛtakaratvaṃ hi candrasya śrutaṃ kālakūṭasahodaratvaṃ ca mantrāṇāṃ 
viṣaśamanaṃ dṛṣṭaṃ svayamanubhūtaṃ mohādi tatsamudbhavaṃ yatprakṛte 
sādṛśyaṃ tena lokadṛṣṭena tulyavṛttāntatvaṃ tatkṣobhaṃ hṛdaye'nvasthānaṃ 
janayati - yadyamṛtasadṛśaścandrapādāḥ tatkimevamaṅgaṃ vidadhyuriti | 
evamanyat |

atha guṇakīrtanaṃ - kīrtyamānairguṇairityādi | (yathā) -

pṛthurasi guṇairmūrtyā rāmo nalo bharato bhavān 

mahati samare śatrughnastvaṃ tathā janakaḥ sthitau |


p. 303)

utsāhajananaiḥ spaṣṭairarthairaupamyasaṃśrayaiḥ |
prasiddhairupagūḍhaṃ ca jñeyaṃ protsāhanaṃ budhaiḥ || 10 ||

yatraikasyāpi śabdasya darśanātsubahūnyapi |
yānti siddhimanuktāni tadudāharaṇaṃ smṛtam || 11 ||


iti sucaritairmūrtiṃ bibhraccirantanabhūbhṛtāṃ
kathamasi na māndhātā devastrilokavijayyapi ||

atra hi vividhā ye hi pṛthurāmaprabhṛtayo vā samudbhavairguṇaiḥ 
kīrtyamānaistadgatā doṣā na parikalpyante | tathā hi pṛthurasītyukte tathā doṣā 
api kecidvalādbhūmidohanaprabhṛtayaḥ pratīyeran nalo'sīti dyūtavyasanitāpi | 
evamanyatra | ata eva na doṣo'tra pradhānam | guṇairiti sucaritairiti nirūpite tu 
cārutvamiti guṇakīrtanaṃ nāma lakṣaṇam | śleṣānugrāhitve sthite lakṣaṇāni 
hyalaṅkārānapi citrayanti | tadagra eva vakṣyāmaḥ | anyatra pāṭha -

loke guṇātiriktānāṃ bahūnāṃ yatra nāmabhiḥ |
eko hi śabdyate tattu vijñeyaṃ guṇakīrtanam || iti |

ayaṃ spaṣṭārthaḥ |

atha protsāhanaṃ - utsāhajananairiti | aupamyasya saṃśrayaṇamanveṣaṇaṃ 
yatreti anena yatrānveṣaṇe'pi tasya bhāva iti darśitam | yathā bhaṭṭendurājasya -

haravṛṣabha tavaiva tasya mātā jayati jagatyasamānasūtirekā |
nivasati parameśvaro'pi yasmin sahatanayaḥ sagaṇaḥ sahāvarodhaḥ ||

aprastutapraśaṃsāpyatra tadvaicitryaṃ protsāhanatvalakṣaṇakṛtameva kevalaṃ 
tviyaṃ yathālakṣmīriti sa ca bhavān murāritityādi | idamanyatra priyavacanamiti 
paṭhitam -

yatprasannena manasā pūjyānpūjayituṃ vacaḥ |
harṣaprakāśanārthaṃ tu sā priyoktirudāhṛtā || iti |

athodāharaṇaṃ - yatraikasyāpīti | yathā -

valmīkaṃ kimutodbhṛto girirayaṃ kasya spṛśedāśayaṃ
trailokyaṃ tapasā jitaṃ yadi mayā doṣṇā kimetāvatā |


p. 304)

niruktaṃ dvividhaṃ proktaṃ tathyaṃ cātathyameva ca |
siddhipūrvaṃ bhavettathyamatathyaṃ cāprasādhitam || 12 ||


sarvaṃ sādhvathavā ruṇatsi virahakṣāmasya rāmasya cet
tvaddantāṅkitavālipa(ka?)kṣarudhiraklinnāgrapumaṃ śaram ||

atra hi rāvaṇīyadaśitiparighaṭṭita (vālikakṣa)pāṭane udāhṛte sa 
svāvamadāthenā'rthe'vagate sati tadapajayaḥ tatkakṣakṣayyaparigrahastathaiva 
caturarṇavabhramaṇaṃ punaḥ kṛpāmātreṇa tyāgaḥ tatrāpratīkāraḥ 
punarabhimāno darpa ityādi gamyate | akṣarasaṃhateśca viśeṣaḥ - 
tatrāvayopādātavyaśabdāntarasthāne śabdāntaropādānaṃ hanumata iti 
vaktavye'kṣasya hanturiti iha tu tvaddanteti tadīyādhikārodāharaṇam | anye 
paṭhanti -

yatra tulyārthayuktena vākyenābhipradarśanāt |
sādhyante nipuṇairarthāstadudāharaṇaṃ smṛtam || iti |

tulyairarthistatsamayabhāvibhiryaduktaṃ yadvākyamiti sa eva phalato'rthaḥ ||

atha niruktaṃ - niruktaṃ dvividhamiti | siddhirlakṣaṇena svīkāraḥ | tayā 
prasādhitaṃ tathyaṃ tato'nyadatathyam | udāharaṇaṃ yathā mamaiva -

vīrotsave saṅgarasīmni mūḍhaṃ yaḥ prāpayat satyapathaṃ kathaṃcit |
satyārjunaḥ so'pi ca nāma kṛṣṇaḥ prasiddhiritthaṃ vitathaiva sarvā ||

parasparaṃ nāmnoranyatra tathyatvaṃ svaviṣaye tvatathyateti | na cāyamarthaḥ 
śleṣaḥ sa hi tulyasaṃkhyayoḥ | yathā gāvo vaḥ pāvanānāṃ iti gośabdasya 
rammiṣu surabhiṣu cānāditvena prasiddheḥ | iha tvekatrānyatve kṛtaḥ samaya iti | 
evaṃ pṛthaktathyātathyayorudāhāryam | anyatra pāṭhaḥ -

p. 305)

guṇānuvādo hīnānāmuttamairupamākṛtaḥ |


niravadyasya vākyasya pūrvoktārthaprasiddhaye |
yaducyate tu vacanaṃ niruktaṃ tadudāhṛtam ||

pūrva yatprokto vāhyasya saṃbandhī kaścidarthastasya 
prasiddhaye'vadyabhāvasya vācakaṃ yaducyate tena niruktamiti nirarthakamevātra 
vācyam | yathā satyaṃ sarājagatiṣu rañjanāditi (?) |

atha guṇānuvādaḥ - guṇānuvāda iti parimitasyāpāditotkṛṣṭaguṇetayopamā 
tatkṛto guṇānāmutsekaḥ | yathā -

pālitā dyaurivendreṇa tvayā rājanvasundharā ||

nanūpameyamalaṅkāraḥ kimataḥ uktaṃ hyalaṅkārāṇāṃ vaicitryaṃ 
lakṣaṇakṛtameva | eta eva śikṣitairapi daṇḍiprabhṛtibhirye nirūpitā 
upamābhedāḥ tatra yo bhedakoṃ'śaḥ ācikhyāsāsaṃśrayanirṇayādirarthaḥ sa 
tādṛkpṛthagalaṅkāratayā gaṇitaḥ | gaṇane'pi vā saṃsṛṣṭisaṅkarāpattiḥ | 
arthamātraṃ taditi cet tarhi tadevalakṣaṇam | yathā hi rājatā vibhajya 
vicāryamāṇā itthamavatiṣṭhate - makuṭādyalaṅkāraḥ śauryādiguṇo 
vyūḍhoraskatvādilakṣaṇasamudāyo rājālaṅkāryaśca guṇavāṃśca 
lakṣaṇīyaśca tathā kāvyamapi tena guṇālaṅkāravyatiriktāḥ sarve lakṣaṇamiti 
mantavyam | astyuttarasyāṃ iti hi pūrvārdhe ākhyānaṃ nāma lakṣaṇam | 
nanvevaṃ sarvatra lakṣaṇayogaḥ ka ākṣepārthaḥ priyamevāsmākamadaḥ 
tatsarvamalaṅkārayuktaṃ kāvyam | nanu gaurvāhīka iti rūpakayoge'pi kiṃ na 
kāryaṃ doṣaparivarṇana guṇavattvarasavattvādivaikalyāditi cet asmāsvāpādito 
doṣastvayaivonmūlita ityāstām |

anyatra tu pāṭhaḥ -

guṇābhidhānairvividhervividhārthaprayojitaiḥ |
guṇātipāto madhurairniṣṭhurairvā bhavediha || iti |


p. 306)

uttamārthādviśiṣṭo yaḥ sa cāpyatiśayaḥ smṛtaḥ || 13 ||

bahūnāṃ bhāṣamāṇānāṃ tvekasyārthavinirṇayam |


madhurairgītaiḥ (guṇaiḥ) niṣṭhurairvā uttamairvā upamānabhūtairye prayojitā 
guṇāstadabhidhānairupalakṣito guṇānipāta ityarthaḥ |

athātiśayaḥ - uttamārdhādviśiṣṭa iti uktādapyarthādviśeṣo | yathā 
bhaṭṭendurājasya |

yāvantyeva padānyalīkapiśunairālījanaiḥ śikṣitā 
tāvantyeva kṛtāgaso drutataraṃ saṃpādya patyūḥ puraḥ |
prārabdhāparato yathā manasijamyecchā tathā vartituṃ
premṇā maugdhyavibhūṣitasya sadṛjaḥ ko'pyeṣa kāntaḥ kramaḥ |

atrerṣyātmā yaḥ premṇyuttame'rthastato'pi viśeṣa uktaḥ | pratipadaṃ 
cābhiprāyo'sti sa vivecanīyaḥ | na ceyamatiśayoktiḥ saṃbhāvyamānatvāt | 
so'pi vā lakṣaṇenālaṅkāra iti vakṣyāmaḥ samanantarameva | anyatra tu paṭhyate 
-

bahūn guṇān kīrtayitvā sāmānyajanasaṃbhavān |
viśeṣaḥ kīrtyate yatra jñeyaḥ so'tiśayo budhaiḥ || iti |

atha sahetuḥ - bahūnāṃ bhāṣamāṇānāmiti | bahūn 
bhāṣamāṇānanādṛtyaikasyāsādhāraṇasyārthasya nirṇayaḥ 
kartavyatvenāvalambya siddhasya pramāṇopamānavacanamupakṣepavacanaṃ 
mama tāvadevaṃ pratibhāsate iti sahetuḥ | yathā bhaṭṭendurājasya -

eke vārinidhipraveśamapare lokāntarālokanaṃ
kecitpāvakayoginaṃ nijagaduḥ kṣīṇe'hni? candrārciṣām |
mithyā caitadasākṣikaṃ priyasakhi pratyakṣatīvrātapo
manye'haṃ punaradhvanīnaramaṇīceto'dhiśete raviḥ ||


p. 307)

siddhopamānavacanaṃ heturityabhisaṃjñitaḥ || 14 ||

apadeśastu parokṣo yasmādutpadyate'nukaraṇena |
lakṣaṇasamānakaraṇātsārūpyaṃ tattu vijñeyam || 15 ||

abhūtapūrvairyatrārthaistattulyārthasya nirṇayaḥ |


(ekasyeti) ekamasādhāraṇam | (siddhopamāneti) ḍumiñ prakṣepaṇe 
ityasyopamānam | anyatra pāṭhaḥ -

yatprayojanasāmarthyādvākyaṃ śiṣṭārthasādhanam |
samāsoktaṃ manogrāhi sa heturiti saṃjñitaḥ || iti |

samyagasyate hṛdi kṣipyate yena sa samāsaḥ upapattistayoktā |

atha sārūpyaṃ - apadeśastu parokṣe yasmādutpadyate'nukaraṇeneti | yathā 
mamaiva -

saindūrikṛtasāndrakuṅkumarasapracchāyamālocyate
yatprācyāṃ diśi vakrimā padamidaṃ dṛgdvandvalehyaṃ mahaḥ |
tattejo jaraṭhāṃśutāṃ kalayatā bhāvipravāsāvadhiṃ
sandhyāmughdvadhūkapolaphalake kīrṇo nakhāgrāṅkuraḥ ||

atra yaditi nirdeśyam parokṣavastu tattvasyāparijñānāt | anukaraṇena 
pracchāyamātreṇa apadeśyamālocyamiti lakṣaṇena saindūrīkṛtetyādinā | 
samānaṃ sapramāṇakaṃ karaṇaṃ darśanakriyā yasya tādṛśe vastuni 
sārūpyaṃ lakṣaṇam | paurṇamāsyāmapi vakrarekhevendorbhāgo lakṣyate 
udayācalāntaritatvāt sandhyāsamaye | na ceyamupamā 
upameyasyābhāvādupameyameva hi pūrvārdhena liṃgyate | pustakāntareṣu tu 
pāṭhaḥ -

yathādeśaṃ yathākālaṃ yathārūpaṃ ca varṇyate |
yatpratyakṣaṃ parokṣaṃ vā dṛṣṭaṃ tadvarṇato'pi ca || iti |

pratyakṣaṃ vastu parokṣamiva deśakālarūpānusāreṇa varṇyate |

atha mithyādhyavasāyaḥ - abhūtapūrvairyatrārthairiti | 
apāramārthikairevārthaistattulyasyāvastubhūtasyārthāntarasya yasya 
vaktṛvyāpāre sati niścayaḥ so'yam | yathā mamaiva -


p. 308)

sa mithyādhyavasāyaratu procyate kāvyalakṣaṇam || 16 ||

bahūnāṃ ca pradhānānāṃ madhye yannāma kīrtyate |
ekārthasādhanakṛtaṃ sā siddhiriti kīrtitā || 17 ||

guṇairbahubhirekārthaiḥ padairyaḥ saṃpraśasyate |
padoccayaṃ tu taṃ vidyānnānārthagrathitārthakam || 18 ||


yo durjanādvāñchitasiddhimīhate sa nūnamutkrāmati taṃ sukhaidhinam |
juhvajjvalāgnau vigatārthamaṇḍalaṃ prasahya ṣaṣṭhaṃ viṣayaṃ prasādhayet (?) 
||

kāvyalakṣaṇamityanena kāvyeṣu lokaviparyāsabāhulyamavaśyaṃ bhavatīti 
darśayati | anye tu paṭhanti -

vicārasyānyathābhāvastathā dṛṣṭāpadṛṣṭayoḥ |
sandehātkalpyate yatra savikṣepo viparyayaḥ ||

vicāryata iti vicāro'rthaḥ adṛṣṭamityarthaḥ | sandeho'tra bhramaḥ athavā 
anyathābhāvo viparyayaḥ | saṃśayo'pi hi vastuto viṣayatattvamanyathākāraṃ 
darśayan viparyaya eva ||

atha siddhiḥ - bahūnā ca pradhānānāmiti | prasiddhānāṃ madhye 
ekamityaprasiddhaṃ yannāma kīrtyate tasyāsādhāraṇatvasya prayojanasya 
saṃpattaye karaṇaṃ tatra niveśanaṃ yasya tādṛk tatkīrtanaṃ 
siddhihetutvātsiddhiḥ | yathā -

bhadreśvaraḥ surasaritsa bhavānahaṃ ca
trailokyasāramiha saṃprati jīvaloke |
bhadreśvaraḥ suravareṣu saritsu gaṅgā
tvaṃ pārthiveṣvahamatīva suduḥkhiteṣu ||

atra bhavānahaṃ cetyaprasiddha. prasiddhamadhye upāttaṃ sādhāraṇyasiddhiṃ 
vidhatte | 

atha padoccyaḥ - guṇairbahubhirekārthairiti | ekatātparyārthaniṣṭhairbahubhiḥ 
śabdairye vācyatven svīkṛtā dharmāstadupalakṣitatvenaiva yadvastunaḥ 
praśaṣanam | kathaṃ 


p. 309)

ātmabhāvamupanyasya parasādṛśyayuktibhiḥ |
tīvrārthabhāṣaṇaṃ yatsyādākrandaḥ sa tu kīrtitaḥ || 19 ||


nānārthairgrathitātmakamupalambhitarūpaṃ kṛtvā tatpadānāmuccaya 
utkarṣeṇa cayaḥ bāhulyaṃ yatreti padoccayaḥ |

asāraṃ saṃsāraṃ parimuṣitaratnaṃ tribhuvanaṃ
nirālokaṃ lokaṃ jananayananirmāṇamaphalam |
adarpaṃ kandarpaṃ maraṇaśaraṇaṃ bāndhavajanaṃ
jagajjīrṇāraṇyaṃ kathamasi vidhātuṃ vyavasitaḥ ||

atra hyavāntarāvagamakāriṇāmavāntaravākyarūpāṇāṃ padānāṃ 
tātparyamabhinnaṃ svārthe tu bhinnam | padaśabdantu | anye paṭhanti - pādo 
bhāga iti |

pūrvata evārthaḥ ||

athākrandanā - ātmabhāvamupanyasyeti | tīvraḥ sākṣādavācyo yo'rthastasya 
paraṃ prati sādṛśyayojanaprakārairātma bhiprāyaṃ pramukhe dattvā 
tatsamantataḥ bhāṣaṇaṃ sphuṭakathanaṃ 
tannijabhāvāviṣkaraṇapradhānatvādākrando nāma lakṣaṇam | yathā mamaiva -

kiṃ pāntha tvarase vilokaya (niśāṃ yā hyunmukhī) pāṇḍurā
candraṃ cumbitumīhate prakaṭayantyagre sarāgāṃ sthitim |
yadvā nāgarabhogadurlalitakairnyastāpi na jñāyate 
grāme'grāmyajaopabhogasubhagaṃ nirvyājaramyaṃ sukham ||

atrottareṇārdhena grāmīṇo ramyatamo bhojanaśayanādisaṃbhoga iti vaktryā 
mohaprāyo'vācya ātmābhiprāyaḥ | tadarocakatvaṃ tadubhayaṃ pramukhe 
nidhāya niśākaravṛttāntasādṛśyena tīvraḥ svātmānurāga āviṣkṛtaḥ | anye 
paṭhanti -

rūpakairupamābhirvā tulyārthābhiḥ prayojitaiḥ |
apratyakṣārthasaṃsparśastulyatarkaḥ prakīrtitaḥ ||

prathamārdhena parasādṛśyamuktam | apratyakṣasyātmabhāvasya 
saṃsparśanājjñāpanetyarthaḥ ||


p. 310)

hṛdayasthasya bhāvasya suśliṣṭārthapradarśanam |
anyāpadeśakathanairmanoratha iti smṛtaḥ || 20 ||

pṛṣṭairapṛṣṭairathavā nirṇayaḥ kriyate tu yaḥ |
ākhyānamiti tajjñeyaṃ lakṣaṇaṃ nāṭakāśrayam || 21 ||


atha manorathaḥ - hṛdayasthasya bhāvasyeti | yathā -

ṇiggaṃdha durārohiṃ putta-a (mā) pāḍaliṃ samārūḍha |
ārūḍhaṇipaḍi-ā ke imī e ṇa ka-ā ida ggāmo ||

atra pādapamārohanneva vṛddhavidagdhayā 
kaściddurāśayapuṃścalīsaṃgamotsukaḥ svābhiprāyadyotanena prabodhyate 
tatprastutamevānyadapadiśya | ata evāprastupraśaṃsā sāpi cātraivāntarbhūtā | 
nanvalaṃkāre hyalaṃkāryatvaṃ dvyasat iti keyaṃ yuktiḥ lakṣaṇaṃ tu bhavati 
lakṣaṇatvādeva ||

athākhyānaṃ - pṛṣṭairapuṣṭairapi cetyādi | praśnapūrvakā yatra bahavo 
nirṇīyante yathā | vāle nātha vimuñca mānini ityādāvuktipratyuktau 
praśnasadṛśairvā śakyāśakyavastvabhidhānairyatra nirṇayaḥ | yathā -

rāmo'sau bhuvaneṣu vikramaguṇairyātaḥ prasiddhiṃ parā

ityukte yadi prasiddhaḥ kathaṃ mayā na jñāyata ityāśaṃkyākhyātaṃ-

asmadbhāgyaviparyayādyadi paraṃ devo na jānāti kim |

kiṃ tasya prasiddhau nidānamityāśaṃkya punarākhyātaṃ -


p. 311)

ādau yatkrodhajananamante harṣapravardhanam |
yatra priyaṃ punarvākyaṃ sā yācñā parikīrtitā || 22 ||

kāryeṣu viparīteṣu yadi kiṃcitpravartate |
nivāryate ca kāryajñaiḥ pratiṣedhaḥ prakīrtitaḥ || 23 ||


vandī vaiṣayaśāṃsi ityādinā |

nāṭakāśrayamityanena bhūyo lakṣyamāṇasyetyāha | anya paṭhanti -

vākyaiḥ sātiśayairyuktā vākyārthasya prasādhakaiḥ |
lokaprasiddhairvahubhiḥ prasiddhiriti kīrtitā ||

spaṣṭam ||

atha yācñā - ādau yatkrodhajananamiti | prathamārdhena hitaṃ vyākhyātam | 
tena prathamaṃ yattadātve paruṣamāyatyāṃ ca satphalaṃ vastūcyate tataśca 
priyam | punaḥ śabdāttato hitaṃ punaḥ priyamityevaṃ prabodhyasya 
prabodhadhiyā yācanādyācñā | yathā mamaiva -

bhūmiḥ kaṇṭakīnī puro viṭapinaḥ prāyo bahūpadravāḥ
bhūyaścaiṣa divākaro mṛgayate sandhyāṅganāsaṅgamam |
tadviśramya jano'yamatra sadane grāmyocitaṃ sevatāṃ
prātaḥ pāntha vicārya cetasi ciraṃ sthātāsi gantāsi vā ||

pāṭhāntaraṃ tu -

hitaiḥ prasannavacanairyatparasyānuvartanam |
kriyate vākyaceṣṭābhistaddākṣiṇyamudāhṛtam || iti |

atha pratiṣedhaḥ - kāryeṣu viparīteṣviti | yathā amarukasya -


p. 312)

yatrākārodbhavairvākyairātmānamathavā param |
pṛcchannivābhidhatte'rthaṃ sā pṛcchetyabhisaṃjñitā || 24 ||

vidvān pūrvopalabdhau yatsamatvamupapādayet |
nidarśanakṛtastajjñaiḥ sa dṛṣṭānta iti smṛtaḥ || 25 ||


lagnā nāṃśukapallave bhujalatā na dvāradeśe'rpitā 
no vā pādayuge tayā nipatitaṃ tiṣṭheti noktaṃ vacaḥ |
kāle kevalamambudālimāline gantuṃ pravṛttaḥ śaṭhaḥ
tanvyā vāṣpajalopakalpitanadīpūreṇa ruddhaḥ priyaḥ ||

atra tṛtīyapādena viparītakāryapravṛttiruktā | ādyārdhena kāryajñatvaṃ 
nāyikāyāḥ tathāpi nivāraṇaṃ turyapādenoktam | anye tvadhīyate -

yadvākyaṃ vākyakuśalairupāyenābhidhīyate |
sadṛśārthābhiniṣpattyā sa leśa iti kīrtitaḥ || iti |

vākyamiti vākyārtho niṣedho vā nadīpūraśca varṣānu rodhako dṛṣṭa iti 
sadṛśābhidhānenopāyena niṣedhaḥ kṛtaḥ ||

atha pṛcchā - yatākārodbhavairvākyairiti | yathā -

kiṃ bhīmādgurudakṣiṇāṃ gurugadādbhīmapriyaḥ prāptavān | ityādi 
atrākāreṇābhiprāyasūcakena kākvādinodbhūtāni dyotitaśaktikāni 
vākyānīti bhāvaḥ | yatra bhāvarasopetamityanye prācyaṃ pādamadhīyante ||

atha dṛṣṭāntaḥ - vidvānpūrvopalabdhau yatsamatvamiti | yathā mamaiva -

hā hālāhalalehane hatamatiḥ so'yaṃ samutkaṇṭhito
gāḍhāṅgāragarimṇi caiṣa jaḍadhīrdehaṃ nivikṣepsyati |
grāmyo'pyājagarī guruṃ galaguhāṃ mohādayaṃ dhāvati 
vyādhuyetarasaṅgatāni yadayaṃ sārtha khalaiḥ khelati ||


p. 313)

anekayukti yadvākyamanekārthaprasādhakam |
anekavākyasaṃyuktaṃ tannirbhāsanamucyate || 26 ||

aparijñātatattvārthaṃ yatra vākyaṃ samāpyate |
so'nekatvādvicārāṇāṃ saṃśayaḥ parikīrtitaḥ || 27 ||

yathāśāstrārthasaṃpannāṃ manorathasamudbhavām |


yadayamityādi kasya hetorhālāhalakālakūṭakabalanādinā yena sāmyaṃ kṛtaṃ 
sa dṛṣṭāntaḥ | na ceyamupamā yato nidarśanena pratyakṣīkaraṇāya kṛta iti 
idamevaṃ kartumudyata iti na ca rūpakaṃ yadetatkaroti tat idamasya bhaviṣyatīti 
bhinnakālatvāt tadāha pūrvopalabdhau satyāmiti |

atha bhāsanaṃ - anekayukti yadvākyamiti | yathā -

kartā dyūtacchalānāṃ jatumayaśaraṇoddīpanaḥ so'bhimānī (veṇī)- ityādi | 
bhāsyate prakṛtaḥ krodhādiryena | pāṭhāntaraṃ -

īpsitārthaprasiddhyarthaṃ kīrtyante yatra sūribhiḥ |
prayojanānyanekāni sā māletyabhisaṃjñitā || iti 

atha saṃśayaḥ - aparijñātatattvārthamityādi | yathā -

tiṣṭhetkoṣavaśātprabhāvapihitā dīrghaṃ na sā kupyati
svargāyotpatitā bhavenmayi punarbhāvārdramasyā manaḥ |
tāṃ hartuṃ vivudhadviṣo'pi na ca me śaktaḥ purovartinī
sā cātyantamagocaraṃ nayanayoryāteti ko'yaṃ vidhiḥ || (vikra. 4-2)

atrādyo bhāgaḥ saṃśayodāharaṇaṃ anantarastūpapattyudāharaṇam |

athāśīḥ - yathāśāstrārthasaṃpannā mityādi | yathā -


p. 314)

aprārthanīyāmanyāṃ vā vidustāmāśiṣaṃ budhāḥ || 28 ||

ādau yatkrodhajananamante harṣapravardhanam ||
tatpriyaṃ vacanaṃ jñeyamāśīrvādasamanvitam || 29 ||


pādāgrasthitayā (ratnā - 1-1) ityādi | sarvaṃ vacanaṃ na cāśīralaṅkāraḥ 
stutyā eva varṇanīyatvāt | anye paṭhanti -

yatrārthānāṃ prasiddhānāṃ kriyate parikīrtanam |
parāpekṣāvyudāsārthaṃ tannidarśanamucyate || iti |

prasiddhānāṃ devatādīnāṃ parāpekṣā sādhyākāṃkṣā tasmād 
vyudāsastatsaṃpattyā | ata eva dṛṣṭāntādasya bhedaḥ iti ||

atha priyaṃ - ādau yatkrodhajananamiti | yathā -

kiṃ vṛttāntaiḥ paragṛhagatiaḥ kiṃ tu nāhaṃ samarthaḥ
tūṣṇīṃ sthātuṃ prakṛtimukharo dākṣiṇātyasvabhāvaḥ |
gehe gehe vipaṇiṣu tathā catvare pānagoṣṭhyāṃ
unmatteva bhramati bhavato vallabhā hanta kīrtiḥ ||

atra bhramati vallabhetyādau krodhajananaṃ hanta kīrtiriti harṣakṛt | anye paṭhanti -

vācyamarthaṃ parityajya dṛṣṭyādibhiranekadhā |
anyasminneva patanādāśu bhraṃśaḥ sa ucyate || iti 

dṛṣṭirdarśanaṃ prakṛtimukharādivākyamiti pūrvoktamityarthaḥ | na ceyaṃ 
vyājastutiḥ nindābhāge stuterabhāvāt pūrṇatāyāstu nindāyā abhāvāt | 
yathā vā -

pradyotasya sutā ityuktvā vasantakaṃ vipratārayituṃ rājā vasantaśabdamācaṣṭe 
| madhośca samayaḥ prasūnasamaya ityanādṛtya tadākarṇane nivṛttyaṅkureṇa


p. 315)

chalayuktyā tvanyeṣāmabhisandhānābhibhāvakaṃ kapaṭam |
dvitriprayogayuktau vijñeyaḥ kapaṭasaṅghātaḥ || 30 ||

durjanoddahṛtai rūkṣaiḥ satāṃ madhye'bhitāḍitaḥ |
akrodhaḥ krodhajananairvākyairyaḥ sā kṣamā bhavet || 31 ||


hṛṣyati vidūṣake samaya itiśabdenānyatra patanātpraṇayakrodhatvaṃ ceti 
priyavacanam | priyakāra (?) iti loka etatsiddham |

(atha kapaṭaṃ - chalayuktyeti | vyājaprayogeṇa abhisandhānaṃ vañcanā 
abhibhāvakaṃ tiraskārakaṃ chaloktyā kathitasyārthasyānyathāgrahaṇaṃ 
apalāpo vā kapaṭaṃ tasya saṅghāto lakṣaṇam | kapaṭo 
vastukramāddaivācchatrorvā samudbhūtaḥ | vastukramodbhūtasya 
mālatīmādhave makarandasya mālatīveṣadhāraṇaṃ daivikasya nāgānande 
jīmutavāhanasya śaṅkhacūḍacchalanaṃ śatrukṛtasya tu chalitarāme 
lavaṇāsuraprayuktayo rākṣayormantharākaikeyyorveṣadhāraṇaṃ sītāyā 
antarvatnyā nirvāsanaṃ ca kṛtam | yathā vā kṛtyārāvaṇe prathame'ṅke 
sītāveṣadhāriṇyā śūrpaṇakhayā lakṣmaṇo vañcito'bhibhūtaśca tā 
savvahā aṇṇa evva de aṇidvaṃ abhippā-aṃ lakkhemi ityādinā vacanena |) anye 
paṭhanti -

yatra saṃkīrtayandoṣaṃ guṇamarthena yojayet |
guṇātipātāddoṣaṃ vā garhaṇaṃ nāma tadbhavet || iti 

tatrividhamapi vāgupacārasāmānyācchalamatra svīkṛtam |

atha kṣamā - durjanodāhrṭairiti | durjanoktairvacanaiḥ krodhajananaiḥ sabhāyāṃ 
tāḍito'pi yaḥ puruṣo'krodhanaḥ krodhahīnaḥ sa eva kṣamāvān | 
tadvarṇanocitaḥ


p. 316)

dṛṣṭvaivāvayavaṃ kiṃcidbhāvo yatrānumīyate |
prāptiṃ tāmabhijānīyāllakṣaṇaṃ nāṭakāśrayam || 32 ||

akāryaṃ sahasā kṛtvā'kṛtvā kāryamathāpi vā |
santāpo manaso yastu paścāttāpaḥ prakīrtitaḥ || 33 ||


kavivyāpāraḥ kṣametyarthaḥ | anena ca yathocitābhinnavṛttisaṃcayaḥ sarvo 
vibhāvādyucito nirvartyamānaḥ kāvyalakṣaṇatvena sūcitaḥ | kṣamā yathā 
mamaiva -

śrotrāya duṣṭavacanaṃ prati kiṃ na kopaḥ
kṣobhaṃ karoti hṛdaye nanu kopa eva |
mitraṃ mamaiṣa tu nijātmani yo'pakāraṃ
kṛtvā mamāśubhakalaṅkavighātahetuḥ

anyeṣāṃ pāṭhaḥ -

siddhān bahūn pradhānārthāṃstyaktvā yatra prayujyate |
viśeṣayuktaṃ vacanaṃ vijñeyaṃ tadviśeṣaṇam ||

siddhāniti 
lokaprasiddhānpradhānabhūtānaśakyāpajayāṃstyaktvānādṛtyakrodhādyadvac
anaṃviśeṣeṇa yuktaṃ yathā mamāyaṃ paramparaḥ (parivādaḥ?)suhṛtpratyayaḥ 
svātmani kṣobhaḥ puṇyādikamurarīkṛtyāpi mamāpuṇyasaṃcayaṃ 
duḥkhopabhogadānena śamayati iti |

atha prāptiḥ - dṛṣṭvaivāvayavaṃ kaṃciditi | yathā -

abhyunnatā purastādavagāḍhā jaghanagauravātpaścāt |
dvāre'sya pāṇḍusikate padapaktirdṛśyate'bhinavā || (śāku 3-5)

atra padapaṅktilakṣaṇamaṃśaṃ dṛṣṭvānayātra bhavitavyamiti śakuntalāyāḥ 
sadbhāvo'numīyata iti |

atha paścāttāpaḥ - akāryaṃ sahasā kṛtveti | sahasetyavicārya akāryaṃ kṛtvā 
yathā - aṃguliśukāhamisa idosala uppannā | jassakavalajo bhūtabhūhi bhuva 
ohiṇṇo ||

kāryamakṛtvā yathā -

mukhamaṃsavivartipakṣmalākṣyāḥ kathamapyunnamitaṃ na cumbitaṃ tat | iti | 
śāku |


p. 317)

praśrayeṇārthasaṃyuktaṃ yatparasyānuvartanam |
snehāddākṣiṇyayogādvā sānuvṛttistu saṃjñitā || 34 ||


anye paṭhanti -

anekārthavicārastu vicāraḥ parikīrtitaḥ || iti |

anekasya kāryarūpasyārthasya (kṛtā)kṛtasya vicāraḥ kimetatkṛtamiti |

athānuvṛttiḥ - praśrayeṇārthasaṃyuktamiti | yathā bhaṭṭendurājasya -

rājñā yadyanurudhyase yadi bhavedvācyaṃ puro mādṛśāṃ
tatsaṃkrandanagopa kiṃcana manāk pṛcchatyadhīro janaḥ |
agre rohaṇacāriṇāṃ sarabhasaṃ saṃcūryamāṇaściraṃ
kaṃ pratyāyayituṃ prayāsarasiko yatnena ratnāyase ||

aprastutapraśaṃsāte'pi hi yadaprastutasya śarīravaicitryaṃ tallakṣaṇakṛtameva 
lakṣaṇaṃ hi śarīramityuktam | kaṭakādyairapi hi yadvaicitryaṃ 
kuśalasuvarṇakārotprekṣitaṃ tallakṣaṇāhimnaiva | 
tattenopamānaśarīrasyopameyaśarīrasya vā vaicitryaṃ lakṣaṇānāmeva 
vyāpārah ityevamupamārūpakadīpakānāṃ trayāṇāmalaṅkāratvena 
vakṣyamāṇānāṃ pratyekaṃ ṣaṭtriṃśallakṣaṇayogāt lakṣaṇānāmapi 
cekadvitryādyavāntaravibhāgabhedādānantyaṃ kena gaṇayituṃ śakyam 
idānīṃ śatasahasrāṇi vaicitryāṇi sahṛdayairutprekṣyantām | pare tvadhīyate -

ubhayoḥ prītijanano viruddhābhiniveśayoḥ |
arthaḥ prasādajanako jñeyastvanunayo budhaiḥ || iti |

ubhayoratra vaktṛvācyayostayośca viruddhābhiniveśaḥ | ekasya tattvaviśrāntatā 
aparasya tviṣā ratnavadācaritamiti |


p. 318)

prāptānāṃ yatra doṣāṇāṃ kriyate śamanaṃ punaḥ |
sā jñeyā hypapattistu lakṣaṇaṃ nāṭakāśrayam || 35 ||

sādhyate yo'rthasaṃbandho mahadbhiḥ samavāyataḥ |
parasparānukūlyena sā yuktiḥ parikīrtitā || 36 ||


ayopapattiḥ - prāptānāṃ yatra doṣāṇāmiti | prāptā nāmiti vīpsāgarbho 
nirdeśaḥ doṣāṇāmityupapattyayogadṛṣṭatvenāvastubhūtānāmityarthaḥ | yathā 
-

tiṣṭhetkopavaśā dityādi | yathā vā -

kvakāryaṃ śaśalakṣmaṇaḥ kva ca kulaṃ bhūyoapi dṛśyeta sā
doṣāṇāṃ praśamāya me śrutamaho kope'pi kāntaṃ mukham |
kiṃ vakṣyantyapakalmaṣāḥ kṛtadhiyaḥ svapne'pi sā durlabhā
cetaḥ svāsthyamupehi kaḥ khalu yuvā dhanyo'dharaṃ pāsyati || (vikramo) iti anye 
tvadhīyate -

parigṛhya tu śāstrārthaṃ yadvākyamabhidhīyate |
vidvanmanoharaṃ svantamupadiṣṭaṃ taducyate || iti |

śāstrārthaśabdaḥ pramāṇopalakṣaṇam | svantamiti śobhano'nto niścayo yatra |

atha yuktiḥ - sādhyate yo'rthasaṃbandha iti | yathā -

lāvaṇyasindhuraparaiva hi keyamatra
yatrotpalāni śaśinā saha saṃplavante |
unmajjati dviradakumbhataṭīva yatra
yatrāpare kadalakāṇḍamṛṇāladaṇḍāḥ ||

atra mahadbhirutkṛṣṭairnetravadanādibhiḥ 
parasparaśobhātmakānukūlyopalakṣitena samavāyenaikaviśrāntyārthaḥ 
saṃbadhyamāna upapadyamāno'pūrvataraṅgiṇīlakṣaṇaḥ sādhita iti 
yojanādiyaṃ yuktiḥ | pratīyamānaṃ rūpakamatreti cet kiṃ tataḥ śarīraṃ 
lakṣaṇa mayamevetyuktamasakṛt | ekīyaḥ pāṭhaḥ -


p. 319)

yatrāpasārayandoṣaṃ guṇamarthena yojayet |
guṇābhivādaṃ doṣādvā kāryaṃ tallakṣaṇa viduḥ || 37 ||

apūrvakrodhajanitamaparādhaṃ pramṛjya yat |
sevārthaṃ madhuraṃ vākyaṃ sānunītiḥ prakīrtitā || 38 ||


abhūtapūrvo hyartho yaḥ *? dṛśyātparikalpitaḥ |
lokasya hṛdayagrāhī so'bhiprāya itīritaḥ || iti |

atha kāryaṃ - yatrāpasārayan doṣamiti | doṣamapasārya guṇaṃ 
yadātve'rthanīye niyojayati guṇābhivādaṃ vāpasāryaṃ doṣānarthe yojayati 
āśritya tenārthaṃ yojayatītyarthaḥ | prathama udāharaṇaṃ -

tāvatsvātmani saṃśritadrumalatāśleṣo'dhvagairvarjanam | ityādi | dvitīye 
mamaiva -

viśvaprabho vitaratāṃ kamalāṃ kimanyad
bhūtyātsa ko'pi ghaṭito bhavatopakāraḥ |
dūrādhvageṣu punarambu tathā vikīrṇa-
mante yathā tribhuvane prasṛtaṃ yaśaste ||

etakaiścidgahanamityuktam | anye tvadhīyate -

arthāntarasya kathane yatrānyo'rthaḥ pratīyate |
vākyamādhuryasaṃpannā sārthāpattiriti smṛtā || iti |

atra hi mahāṃstvayāsyopakāraḥ kṛtaḥ adhvagānāṃ ca mahadambu dattamityukte 
viśvaprabho iti punariti paryālocanādarthāntarasyāpattiḥ |

athānunītiḥ - apūrvakrodhajanitamiti | apūrvasya sātiśayasya krodhasya jananāya 
yo'parādhastam | yathā -

prasīdeti brūyāmidamasati kopena ghaṭate | (ratnā- 2-19)


p. 320)

doṣairyadanyanāmoktaiḥ prasiddhārthaiḥ prayojitam |
anyatrārthena saṃbaddhaṃ jñeyaṃ tatparidevanam || 39 ||


anye paṭhanti -

vākyaiḥ sātiśayairyukto vākyārthaḥ sa prasādhakaiḥ |
lokaprasiddhairbahubhiḥ prasiddhiriti kīrtitā || iti ||

atha paridevanaṃ - doṣairyadanyanāmoktaimiti | yathā bālarāmāyaṇe 
daśarathanāmnā ye doṣā uktā rāmanirvāsanādayastaireva prasiddhārthaiḥ 
sadbhiryatprayojitaṃ vacanaṃ paramārthena sambandho rakṣasa eva yukto na tu 
daśarathe tatparidevitaṃ narendravṛddhaḥstrīvaśaṃ nyastamayasa | ityādinā | 
arthena prayojanena ye'nyanāmoktā arthāḥ prasiddhārthairyatprayojitaṃ 
saṃvāditamanyahṛdaye doṣāḥ saṃbandhaṃ saṃbandhanaṃ taccārthena 
sambandhaṃ paramārthata ucitaṃ tatparidevitam | yathā -

enāṃ paśya purastaṭīmiha kila krīḍāki *? no haro 
gāṇḍīvena kirīṭinā sarabhasaṃ cūḍāntare tāḍitaḥ |
ityākarṇya kathādbhutaṃ himanidhāvadrau subhadrāpate-
rmandaṃ mandamakāri yena nijayordordaṇḍayormāṇḍanam ||

taṭāvalokanena prayojanenātra dhanañjayavyāpāro ya ukta *? na rājani 
kasmiściddoṣasaṃbandho hṛdaye janitaḥ kiṃ tulyamānuṣatve'rjunaparā 
kramanyūnatā mama tatkiṃmaṇḍanayā adhikārasthānāṃ hyada iti tatra 
paramaucityakha *? naṃ prayojanam | anye paṭhanti -

paradoṣairvicitrārthairyatrātmā parikīrtyate |
anukto'nyo'pi vā kaścitsa tu kṣobha itīritaḥ || iti |

parasya doṣo yebhyastādṛśā ye vicitrā arthāḥ 
paraguṇastairhetubhūtairadṛṣo'pyartha ātmā anya iti dṛṣṭatvena kīrtyate anyo vā 
kaścidātmavyatirikta iti kṣobho hṛdayasaṃcalanāt | iyamevānuktasiddhiḥ -


p. 321)

upamā dīpakaṃ caiva rūpakaṃ yamakaṃ tathā |
kāvyasyaite hyalaṅkārāścatvāraḥ parikīrtitāḥ || 40 ||

yatkiṃcitkāvyabandheṣu sādṛśyenopamīyate |
upamā nāma sā jñeyā guṇākṛtisamāśrayā || 41 ||


prastāvenaiva śeṣo'rthaḥ kṛtsno yatra pratīyate |
vacanena vinā jātu siddhiḥ sā parikīrtitā || iti |

dordaṇḍamaṇḍanākaraṇe prastāvādeva gamyate pauruṣātiśayadarpādisarvam |
eṣa cotkṛṣṭānāmevābhiprāyo bhavatīti prāpyatvādante lakṣaṇamidamuktam |

evaṃ kavivyāpāravalādyadarthajātaṃ laukikātsvabhāvādvidyamānaṃ tadeva 
lakṣaṇamityuktam | tatra śarīrakalpasyālaṅkārā adhunā vaktavyāḥ | 
tannirūpayitumuddiśati upametyādi | kāvye tāvallakṣaṇaṃ śarīraṃ 
tasyopamādayastrayo'rthabhāge yathā hi pṛthagbhūtena hāreṇa ramaṇī 
vibhūṣyate tathopamānena śaśinā tatsādṛśyena vā kavibuddhicañcalatayā 
parivartamānatvātpṛthaksiddhenaiva prakṛtavarṇanīyavanitāvadanādi 
sundarīkriyata iti tadevālaṅkāraḥ | tasya ca tridhā sthitiḥ saṃpūrṇena sphuṭena 
upamānopameyatvena | yatra ca varṇānāṃ 
saṃnidhirupamānopameyadyotakasādhāraṇadharmāṇāṃ 
kvacidantarlīnenopamānopameyamekīkriyate tatra rūpakavyavahāraḥ | tatra hi 
padārthe prayujyamānaḥ śabda ivārthaṃ garbhīkarotīti nyāyaḥ | kvacittu 
ekapraghaṭṭakāvasthānavalādupamāgatiḥ yathā dīpake | 
upalakṣaṇaṃcaitadvaicitryāntarāṇām ||

upādhyāyamataṃ tu - lakṣaṇavalādalaṅkārāṇāṃ vaicitryamāgacchati tathā 
hi - guṇānuvādanāmnā lakṣaṇena yogātpraśaṃsopamā 
atiśayanāmnātiśayoktiḥ manorathākhyenāprastutapraśaṃsā 
mithyādhyavasāyenāpahnutiḥ siddhyā tulyayogiteti evamanyadutprekṣyam | 
lakṣaṇānāṃ ca parasparavacitryādapyananto vicitrabhāvaḥ yathā 
pratiṣedhamanorathayoḥ saṃmelanādākṣepa iti | upamāprapañcaśca 
sarvo'laṅkāra iti vidvadbhiḥ pratipannameva |


p. 322)

ekasyaikena sā kāryā hyenekenāthavā punaḥ |
anekasya tathaikena bahūnāṃ bahubhistathā || 42 ||

tulyaṃ te śaśina vāktramityekenaikasaṃśrayā |
śaśaṅkavatprakāśante jyotīṃṣīti bhavettu yā || 43 ||

ekasyānekaviṣayā sopamā parikīrtitā |
śyenabarhiṇabhāsānāṃ tulyārtha iti yā bhavet || 44 ||

ekasya bahubhiḥ sā syādupamā nāṭakāśrayā |
bahūnāṃ bahubhirjñeyā ghanā iva gajā iti || 45 ||


tatropamāṃ lakṣayati yatkiṃciditi | kāvyavandheṣu kāvyalakṣaṇeṣu satsvityanena 
gauriva gavaya iti nāyamalaṅkāra iti darśitam | bandho gumpho phaṇitirvakroktiḥ 
kavivyāpāra iti hi paryāyāḥ | lakṣaṇaṃ tvalaṅkāraśūnyamapi na nirarthakam | 
bhūyāṃścātrodāharaṇamārgo darśitaḥ |

guṇaśūnyaṃ tu na kāvyaṃ kiṃcidapīyati ca mahāpuruṣo dṛṣṭhāntaḥ 
aheyatvapradarśanārthamevaṃ hi prasādādīnāṃ guṇavācoyuktyā vyavahāraḥ 
tadvinā kāvyarūpatvābhāvāt | sundarāspadaṃ tu 
śarīramupalakṣaṇamupamādyantareṇa tu bhavatyeva kāvyamiti 
prakaṭīkartumupamādīnāmalaṅkāratvena vyavahāraḥ na tu loka iva sphuṭātra 
pṛthak siddhirasti | tathā hi daṇḍinā kāvyaśobhāvahā dharmā alaṅkārā sarva 
uktā iti kecit | yatkiṃcidityanenopamīyata iti kriyārthaḥ saṃbadhyate na karma | upa 
samīpe prekṣaṇanimittantarairapi saṃbhavatītyata āha sādṛśyeneti | upamīyata 
ityanenopameya ukte sādṛśyeneti sādhāraṇo dharmaḥ guṇaḥ saṃbandhaḥ 
ākriyate dyotyate aneneti guṇākṛtiḥ ivādiḥ śabdaḥ āśrīyamāṇo yasyāmiti 
(guṇā-


p. 323)

praśaṃsā caiva nindā ca kalpitā sadṛśī tathā |
kiṃcicca sadṛśī jñeyā hypamā pañcadhā punaḥ || 46 ||

praśaṃsā yathā -

dṛṣṭvā tāṃ tu viśālākṣīṃ tutoṣa manujādhipaḥ |
munibhiḥ sādhitāṃ kṛcchrāt siddhiṃ mūrtimatīmiva ||

nindā yathā -

sā taṃ sarvaguṇairhīnaṃ sasvaje karkaśacchavim |
vane kaṇṭakinaṃ vallī dāvadagdhamiva drumam || 48 ||

kalpitā yathā -

kṣaranto dānasalilaṃ līlā mantharagāminaḥ |
mataṅgajā virājante jaṅgamā iva parvatāḥ || 49 ||

sadṛśī yathā -

yattvayādya kṛtaṃ karma paracittānurodhinā |
sadṛśaṃ tattavaiva syāditi mānuṣakarmaṇaḥ || 50 ||


kṛtisamāśrayā) | atrodāharaṇāni krameṇa darśayati teṣu lakṣaṇayojanaṃ 
tulyaṃ te ityādinā |

evamupamānopameyasaṃkhyābhedena tadbhedānuktvā tadgataśarīrabhedena 
śarīrabhedānāha praśaṃsā caivetyādinā | upamānasya 
prāśastyātpraśaṃsopamā | evaṃ sarvatra |

jaṅgamāḥ parvatāḥ upamānābhimatāḥ kalpitāḥ anyasya sādṛśyābhāvāt | 
evamatra sadṛśena kalpitaḥ saḥ | asadṛśītyanye paṭhanti vyācakṣate ca sadṛśa-


p. 324)

kiṃcitsadṛśī yathā -

saṃpūrṇacandravadanā nīlotpaladalekṣaṇā |
mattamātaṅgagamanā saṃprāpteyaṃ sakhī mama || 51 ||

upamāyā budhairete jñeyā bhedāḥ samāsataḥ |
ye śeṣā lakṣaṇairnoktāste grāhyā lokakāvyataḥ || 52 ||

nānādhikaraṇārthānāṃ śabdānāṃ saṃpradīpakam |
ekavākyena saṃyuktaṃ taddīpakamihocyate || 53 ||

(prasṛtaṃ madhuraṃ cāpi guṇaiḥ sarvairalaṅkṛtam |
kāvye yannāṭake viprāstaddīpakamiti smṛtam) || 54 ||


ihopameya ucyate tathā ca vyutpattiḥ samāna iva dṛśyamānastamivātmānaṃ 
paśyatīti | yatropameyasyaivopamānatā seyaṃ sadṛśī 
kiṃcitsadṛśamitthamupamānaṃ bhavati | yatra sādṛśyagamakaṃ sphuṭaṃ 
padaṃ nāsti na ca sarvātmanā rūpaka iva vastudvayamīlanaṃ tena 
samasavyaṃgyā kiṃcitsadṛśītyuktā | tadudāharati saṃpūrṇeti | saptamī 
upamānapūrvapadasyeti samāsabalādupamānatāpratipattiḥ tatra 
hyuttarapadalopaḥ sanniyogaśiṣṭatvāt kyaṅi salopa iva 
mattamātaṅgagamanamivagamanamasyā ityuttarapadalopo'pi sa eṣa loke kāvye ca 
tadbhedāḥ dṛśyante | te lakṣaṇadvāreṇoktā iti grāhyāḥ svayaṃ svīkartuṃ 
śakyāḥ | asminye noktāste lokātkāvyācca grāhyā ityanye śeṣā ityatra 
punaruktam |

atha dīpakaṃ - nānādhikaraṇārthānāmiti | nānā ye 
śabdāntaravākyapadātmānasteṣāṃ adhikaraṇārthānāmāśraye artho'rthatā 
yeṣāṃ tathābhūtānāṃ sākāṃ-

p. 325)

yathā -

sarāṃsi haṃsaiḥ kusumaiśca vṛkṣāḥ mattairdvirephaiśca saroruhāṇi |
goṣṭhībhirudyānavanāni caiva tasminna śūnyāni sadā kriyante 
svavikalpena racitaṃ tulyāvayavalakṣaṇam |
kiṃcitsādṛśyasaṃpannaṃ yadrūpaṃ rūpakaṃ tu tat || 56 |

nānādravyānurāgādyairyadaupamya guṇāśrayam |
rūpanirvarṇanāyuktaṃ tadrūpakamiti smṛtam ||) 57 ||

yathā -

padmānanāstāḥ kumudaprabhāsā
vikośanīlotpalacārunetrāḥ |
vāpīstriyo haṃsakulaiḥ svanadbhi-
rvirejuranyonyamihālapantyaḥ || 58 ||

kṣāṇāmiti teṣāṃ yatsamyak rpakarṣeṇa dīpakamākāṃkṣāpūrakaṃ 
kriyāguṇajātyādi taddīpakaṃ yata ekenāvāntaravākyenāsaṃyuktaṃ 
sattathākaroti tato dīpaprakṛtitvāttathoktamityarthaḥ |

atha rūpakaṃ - svavikalpena racitamiti | svavikalpena yadrūpaṃ vadanasya racitaṃ 
candrātmakaṃ tadrūpayati paramiti rūpakam | tasya dvau bhedau tulyairavayavaiḥ 
sarvairevānyarūpīkṛtiaryuktaṃ yadi vā kiṃcitsādṛśyayuktaṃ rūpitam | atrāpi 
kiṃcidanye rūpasādṛśyādyuktaṃ rūpāntararūpitaṃ yatraikadeśavivarti 
prasiddhaṃ dravyādyasti | ya iti yuktaḥ pāṭhaḥ | tato hi samāsopamātvaṃ 
padmānanā ityādernivāryate |


p. 326)

śabdābhyāsastu yamakaṃ pādādiṣu vikalpitam |
viśeṣadarśanaṃ cāsya gadato me nibodhata || 59 ||

pādāntayamakaṃ caiva kāñcīyamakameva ca |
samudgayamakaṃ caiva vikrāntayamakaṃ tathā || 60 ||

yamakaṃ cakravālaṃ ca saṃdaṣṭayamakaṃ tathā |


haṃsakulānāṃ narmasacivatvamarūṣitamapi gamyata ityayamaṃśo 
dvitīyasyodāhraṇam | anyonyamiheti pāṭhaḥ ivaśabde tūpamāśaṃjyotprekṣo 
vā | sā tviha kalpitopamā |upamāṃśasyāsphuraṇā yābhimānākhyaṃ 
lakṣaṇaṃ saivaṃ yasyālaṅkārakārairalaṅkāratayoktā tatropaodbhedaśca 
tadyuktālaṅkāratā bhūṣyabhūṣakayoḥ pṛthagabhāvāt | nocettallakṣaṇameva | 
tatkecitpaṭhanti -

nānādravyānurāgādyairyadaupamyaguṇāśrayam |
rūpanirmāṇa (rvarṇanā?) yuktaṃ tadrūpaka(miti smṛtam) || iti 

vyākurvate ca - rūpakaśabdasyānvarthākhyāyakametat aupamyasya guṇatvena 
pradhānatayā saṃśrayo yatra tathā kṛtvā rūpasya yānyarūpeṇa niścitya 
varṇanā tadrūpakam | kathaṃ tanniścaya ityāha nānābhūtena pṛthagbhūtenāpi 
dravyeṇa yo'nurāgaḥ sphaṭikasyeva lākṣayā tata ādigrahaṇād 
bhrāntigauṇalākṣaṇikādibhedānāṃ grahaṇam (iti) |

evamarthaviṣayalakṣaṇaprasaṅgenārthālaṅkārān pradarśya 
śabdālaṅkārasvarūpamāha śabdābhyāsastu yamakamiti | turarthālaṅkārebhyo 
vyatirekamāha | śabdaśabdenavarṇaḥ padaṃ tadekadeśa iti sarvaṃ gṛhyate | 
tenānuprāsaḥ loṭīyāderanenaivopasaṃgrahaḥ | yamai dvau samajātāvucyete 
tatprakṛtitvādyamakam | tenaikasyākṣarasya padasya vā dvitīyaṃ sadṛśaṃ 
nirantaraṃ sāntaraṃ vā śobhājanakamalaṅkāraḥ | yathā 
muktāphalasyocitamuktāphalāntarapadmarāgādervopāśrayaviśeṣaḥ 
samucitasahāsīna satpuruṣamadhyapatanaṃ vā satpuruṣāntarasya | pāde 
ādigrahaṇaṃ tadā madhyāntādiṣu vikalpitavacanānnastyapi 
sthāpananiyamo'nuprāsalāṭīyādisaṃgrahāyetyāha | viśeṣadarśanamiti 


p. 327)

pādādiyamakaṃ caiva tathāmreḍitameva ca || 61 ||

caturvyavasitaṃ caiva mālāyamakameva ca |
etaddaśavidhaṃ jñeyaṃ yamakaṃ nāṭakāśrayam || 62 ||

caturṇāṃ yatra pādānāmante syātsamamakṣaram |
tadvai pādāntayamakaṃ vijñeyaṃ nāmato yathā || 63 ||

dinakṣayātsaṃhṛtaraśmimaṇḍalaṃ
divīva lagnaṃ tapanīyamaṇḍalam |
vibhāti tāmraṃ divi sūryamaṇḍalaṃ
yathā taruṇyāḥ stanabhāramaṇḍalam || 64 ||

(lokānāṃ prabhaviṣṇurdaityendragadānipātanasahiṣṇuḥ |
jayati suradaityajiṣṇurbhagavānasuravaramathanakārī viṣṇuḥ ||)

pādasyādau tathānte ca yatra syātāṃ pade same |
tatkāñcīyamakaṃ nāma vijñeyaṃ sūribhiryathā || 66 ||

yāmaṃ yāmaṃ candravatīnāṃ dravatīnāṃ
vyaktāvyaktā sārajanīnāṃ rajanīnām |


viśeṣāṇāmuddeśalakṣaṇānāmityarthaḥ | akṣaramiti ekamanekaṃ ca saṃhṛtam 
| raśmīnāṃ maṇḍalamogho yasya | tapanīyamaṇḍalaṃ sauvarṇaṃ cakram |


p. 328)

phulle phulle sabhramare vā bhramare vā
rāmā rāmā vismayate ca smayate ca || 67 ||

ardhenaikena yadvṛttaṃ sarvameva samāpyate |
samudgayamakaṃ tattu vijñeyaṃ nāmato yathā || 68 ||

ketakī kusumapāṇḍuradantaḥ śobhate pravarakānanahastī |
ketakīkusumapāṇḍuradantaḥ śobhate pravarakānanahastī || 69 ||

ekaikaṃ pādamutkramya dvau pādau sadṛśau yadā |
vikrāntayamakaṃ nāma vijñeyaṃ nāmato yathā || 70 ||

sa pūrvaṃ vāraṇo bhūtvā dviśṛṅga iva parvataḥ |
abhavaddantavaikalyādviśṛṅga iva parvataḥ || 71 ||

pūrvasyāntena pādasya parasyādiryadā samaḥ |
cakravaccakravālaṃ tadvijñeyaṃ nāmato yathā || 72 ||


sārabhūtānāṃ jātīnāṃ vadhunāṃ yuvatīnāṃ saṃbandhinī | parivāratvena 
sthitā rāmārāmā sarvaiva strīvyaktā īṣat sphuṭākārā | candravatīnāṃ 
rajanīnāṃ rātrīṇāṃ saṃbandhinī yāmaṃyāmaṃ sarvapraharam | smayate 
yataḥ puṣpe vikasite sabhramarake tadvinā vā vismayate | 
ketakīkusumavadbhāsurau dantāvasya so'yaṃ prakārakamānanaṃ yasya tādṛk 
śobhate hastī | tathā ketakīkusumātmakau pāṇḍurau dantau yasya 
tatpravarakānanaṃ hastirūpaṃ śobhate | atra cārthabhedo muninā nādṛta iti 
tadaprasiddham | vyutpattyādinā parahṛdayaṃ veditamasmābhiḥ |

dve śṛṅge yasya tathā vigataṃ śṛṅgaṃ yasya | ete yudhi saṃcitāḥ 
saṅghībhūtāḥ citamadhirūḍhāḥ | śatrubhiḥ kartṛbhiḥ khagaiḥ śaraiḥ 
anupuṅgagaiḥ pudgāntamaganiḥ āhatāḥ 

p. 329)

tulyātpādadvayādantyādekenādiryadā samaḥ |
sarvatra cakravālaṃ tadvijñeyaṃ nāmato yathā ||) 73 ||

śailāstathā śatrubhirāhatāhatā 
hatāśca bhūyastvanupuṃkhagaiḥ khagaiḥ |
khagaiśca sarvairyudhi saṃcitāścitā-
śictādhirūḍhā nihatāstalaistalaiḥ || 74 ||

ādau dve yatra pāde tu bhavetāmakṣare same |
saṃdaṣṭayamakaṃ nāma vijñeyaṃ nāmato yathā || 75 ||

paśya paśya raṇamasya me guṇānyena yena vaśagāṃ karoti mām 
yena yenahi mamaiti darśanaṃ tena tena vaśagāṃ karoti mām ||

ādau pāde tu yatra syātsamāveśasamākṣaraḥ |
pādādiyamakaṃ nāma vijñeyaṃ nāmato yathā || 77 ||

viṣṇuḥ sṛjati bhūtāni viṣṇuḥ saṃharate prajāḥ |
viṣṇuḥ prasūte trailokyaṃ viṣṇurlokādhidaivatam || 78 ||

pādasyāntyaṃ padaṃ yatra dvirdvirekamihocyate |
jñeyamāmreḍitaṃ nāma yamakaṃ tattu sūribhiḥ || 79 ||


hatāḥ | āhataprakāramāha - tāḥ chinnapakṣāḥ śailā iva khagaiḥ 
gṛdhrādibhiḥ talaiḥ pakṣavāhubhiḥ nihatāḥ bhūyaḥ | etaireva citāḥ vyāptāḥ | 
nihatānāmastaṃ maraṇaṃ lānti tairnihatāstalaiḥ iti kliṣṭatvādupekṣyam |


p. 330)

vijṛmbhitaṃ niḥśvasitaṃ muhurmuhuḥ kathaṃ vidheyasmaraṇaṃ pade pade 
yathā ca te dhyānamidaṃ punaḥ punardhruvaṃ gatāte rajanī vināvinā 
sarve pādāḥ samā yatra bhavanti niyatākṣarāḥ |
caturvyavasitaṃ nāma tadvijñeyaṃ budhairyathā || 81 ||

vāraṇānāmayameva kālo vāraṇānāmayameva kālaḥ |
vāraṇānāmayamevakālo vā raṇānāmayameva kālaḥ || 82 ||

nānārūpaiḥ svarairyuktaṃ yatraikaṃ vyañjanaṃ bhavet |
tanmālāyamakaṃ nāma vijñeyaṃ kāvyakovidaiḥ || 83 ||

yathā -

halī balī halī mālī khelī mālī salī jalī |
khalo balo balo mālo musalī tvabhirakṣatu || 84 ||

asau hi rāmā rativigrahapriyā
rahaḥpragalbhā ramaṇaṃ manoyatam |
ratena rātrau ramayetpareṇa vā
na cedudeṣyatyaruṇaḥ puroripuḥ || 85 ||


vāraṇapuṣpāṇāmayaṃ saṃbandhyayaṃ kālaḥ śaralla *? ṇaḥ | vāraṇānāṃ 
hastināṃ anāmayaṃ āgayābhāne sati sagadatve(?) sati vāraṇānāṃ vāraṇaṃ 
nivāraṇaṃ vidyate yeṣāṃ teṣāṃ śatṝṇāmayaṃ kālaḥ kṛtānto'thavā | 
raṇānāṃ saṃgrāmāṇāṃ kālaḥ kṣepaḥ cintāpravartayitetyarthaḥ |


p. 331)

sapuṣkarākṣaḥ kṣatajokṣitākṣaḥ 
kṣaratkṣatebhyaḥ kṣatajaṃ durīkṣam |
kṣatairgavākṣairiva saṃvṛtāṅgaḥ
sākṣātsahasrākṣa ivāvabhāti || 86 ||

ebhirarthakriyāpekṣaiḥ kāvyaṃ kuryāttu lakṣaṇaiḥ |
ataḥparaṃ pravakṣyāmi kāvyadoṣān guṇāṃstathā || 87 ||

gūḍhārthamarthāntaramarthahīnaṃ 
bhinnārthamekārthamabhiplutārtham |
nyāyādapetaṃ viṣayaṃvisandhi śabdacyutaṃ vai daśa kāvyadoṣāḥ 

paryāyaśabdābhihitaṃ gūḍhārthamiti saṃjñitam |
avarṇyaṃ varṇyate yatra tadarthāntaramiṣyate || 89 ||


lakṣaṇānāṃ prādhānyamityuktapūrva tattathaivopasaṃharati ebhirlakṣaṇairiti 
arthaḥ kriyāyāṃ rasacarvaṇāyāṃ yuktaṃ yogaṃ yeṣāṃ vibhāvāditvaṃ 
hyetat prasādādītyuktamadhastāt | ataḥparamiti vaktavyāntaramāha | 
keṣucitpustakeṣu caitadgranthaḥ paścāddṛśyate bāhulyena prathāṃ dṛśyata iti 
tathaiva vyācakṣmahe | tatra pādānāṃ vākyasya tadarthānāṃ ca yathā 
daśaratha iti vaktavye valātparikalpitena vastuto paryāyaśabdenābhidhānaṃ 
adhikanavavimāna iti | na hi yadṛcchāśabdāḥ paryāyabhājaḥ |

arthāntaraṃ yathā - cintāmohamanaṅgamaṅga tanute viprekṣitaṃ subhruvaḥ iti 
atra kāmaḥ svīkṛtaḥ cintādiśabdenāvarṇanīyamapi varṇitam | yattu 
prasaktānuprasaktikayā bahutarāprakṛtavarṇanaṃ tatprabandhadoṣarūpaṃ 
sandhitadaṅgavidhānena parākṛtamiti neha nirūpaṇārham |


p. 332)

arthahīnaṃ tvasaṃbaddhaṃ sāvaśeṣārthameva ca |
bhinnārthamabhivijñeyamasabhyaṃ grāmyameva ca || 90 ||

vivakṣito'nya evārtho yatrānyārthena vidyate |
bhinnārthaṃ tadapi prāhuḥ kāvyaṃ kāvyavicakṣaṇāḥ || 91 ||

aviśeṣābhidhānaṃ yattadekārthamiti smṛtam |
abhiplutārthaṃ vijñeyaṃ yatpadena samasyate || 92 ||


arthahīnaṃ yathā - adyāpi smarasi rasālasaṃ mano me bhugvāyāḥ 
smaracaturāṇi | matrapūrvāparavyāghātādasaṃbandhatā | yathā vā sa 
mahātmā bhāgyavaśānmahāpathamupāgataḥ iti | atra hi saviśeṣaḥ 
prakaraṇāpekṣo vastuniścayaḥ abhāgyavaśādityapi saṃbhāvyatvāt |

bhinnārthaṃ tridhā - tatra mṛṣyo dūrasaṃbandhavyavadhāne sati yatrārtho 
yathā -

jvaraṃ bhuñjītarājjātamalapākaṃ cirasthitam |
ajādugdhīdayaṃ hanyāt tridoṣotkopasaṃbhavam || iti 

grāmyaṃ yathā - bhadre bhajasya māmidaṃ te dāsyāmi iti | tṛtīyaṃ 
bhinnārthaṃ yathā - syāccedeṣa na rāvaṇaḥ ityuktvā kva nu punaḥ sarvatra 
sarveguṇāḥ iti | uddiṣṭaṃ hyatra rāvaṇasyānupādeyatvaṃ *? nu 
punīratyenanānyathākaraṇādbheditam |

ekārthaṃ yathā - kundenduhāraharahāsasitaṃ iti | ekaprayojanaṃ hi sarvametat | 
na hi kāvyaṃ śāstravadupadeśyaṃ kaścitkiṃcijjānīyāditi pravartate |

abhiplutārthaṃ yathā -

sa rājā nītikuśalaḥ saraḥ kumudaśobhitam |
sarvapriyā vasantaśrīrgrīṣme mālatikāgamaḥ ||

atra pratipādamarthasya parisamāptatvādabhiplutatvaṃ ekavākyatvena 
nimajjanābhāvāt |


p. 333)

nyāyādapetaṃ vijñeyaṃ pramāṇaparivarjitam |
vṛttabhedo bhavedyatra viṣamaṃ nāma tadbhavet || 93 ||

anupaśliṣṭaśabdaṃ yattadvisandhīti kīrtitam |
śabdacyutaṃ ca vijñeyamavarṇasvarayojanāt || 94 ||

ete doṣā hi kāvyasya mayā samyak prakīrtitāḥ |
guṇā viparyayādeṣāṃ mādhuryaudāryalakṣaṇāḥ || 95 ||


nyāyādapetaṃ deśakālaviruddhaṃ kalāśāstrādiviruddhaṃ ca yathā -

suvīreṣvasti nagarī mathurā nāma viśrutā |
akṣoṭanālikerāḍhyā yasyāḥ paryantabhūmayaḥ || ityādi |

viṣamaṃ yathā - ayi paśyasi saudhamāśritāmaviralasumanomālabhāriṇīm 
ityādi | yadi doṣo'nenaiva saṃgṛhītaḥ sandhānaṃ dvayornairantaryaṃ 
vicārayogaḥ anyonyalayo veti tridhā tadanupārūḍhamayuktaṃ 
pāruṣyādyutpādakaṃ vā yatrāpaśabdaḥ smṛto muntrayeṇādṛtaḥ | etanmadhye 
tu kecit nityadoṣāḥ yathā apaśabdaḥ kecidanityā yathā - grāmyaṃ hāsyādau 
tasyeṣṭatamatvāt | etadāha yathāsthūlamiti | ānupūrvyaṃ 
avyayenāvyayībhāvaḥ tenottarottaram | ete doṣāḥ sthūlāḥ yathā ca 
gūḍhārthaṃ gūḍhalekhaprahelikā(di) patākāsthānakādiṣu prayojyam 
arthāntaramanuvāde arthaīnādi hāsye bhinnārthaṃ śrotriyādau vaktari 
ekārthaṃ parapratyāyane abhiplutārthamunmādādau bhinnavṛttaṃ ca visandhi 
svaviṣaye | eva mete doṣāḥ krameṇāpātaviṣayāḥ | iha yato'rthapratītistāvadasti 
apaśabdastu doṣa eva tataḥ kasyāścidarthapratīterabhāvāt sa hi na 
kāṃcidbhāṣāmanupatati saṅkatābhāvāttamarthaṃ pratipādayet |

atha guṇeṣu pratijānīte - eṣāṃ viṣayeyādguṇā bhavanti etaddoṣavighāta eva 
guṇo bhavatītyarthaḥ | kiṃ aviśeṣeṇa netyāha mādhuryaudāryalakṣaṇa-


p. 334)

śleṣaḥ prasādaḥ samatā samādhi-
rmādhuryamojaḥ padasaukumāryam |
arthasya ca vyaktirudāratā ca 
kāntiśca kāvyasya guṇā daśaite || 96 ||

īpsitenārthajātena saṃbaddhānāṃ parasparam |
śliṣṭatā yā padānāṃ sa śleṣa ityabhidhīyate || 97 ||


maṅko yeṣām | etaduktaṃ bhavati - etaddoṣavihīnaṃ śrutimukhaṃ dīptararāṃ 
ca yadi bhavati tāvatā guṇāntarairalaṅkāraiśca hīnamapi kāvyaṃ 
lakṣaṇayogāvyabhicārityuktam |

anye'pi guṇāḥ santīti darśayati śleṣaḥ prasāda ityādi | kāvyasyeti padasya 
vākyasya tadubhayagatasyārthasya vetyarthaḥ | tataśleṣamāha īpsitenārthajāteneti 
| arthabhāgānā kavisamutprekṣitayā parasparasaṃbaddhayā yojanayā 
saṃpannaṃ yadīpsitamarthajātaṃ 
tenopalakṣitārthaspopapadyamānasyopapadyamānatātmā guṇaḥ śleṣaḥ | 
yathodāhṛtaṃ vāmanena -

dṛṣṭvaikāsanasaṃsthite priyatame paścādupetyādarā-
dekasyā nayane nimīlya pihitakrīḍānubandhacchalaḥ |
īṣadvakritakandharaḥ sapulakapremollasanmānasā-
mantarhāsalasatkapolaphalakāṃ dhūrto'parāṃ cumbani ||

atra 
manorathātīto'pyekakālanāyikāyugalahṛdayagrahaṇalakṣaṇārthastathopapādito 
yenāsaṃbhāvanāspadaṃ na bhavati tena kuṭilo'pyayaṃ kramo na hṛdaye 
ulbaṇatvaṃ bhajate majjati hṛdaye yataḥ sarvasyeti |


p. 335)

(vicāragahanaṃ yatsyātsphuṭaṃ caiva svabhāvataḥ |
svataḥ supratibaddhaṃ ca śliṣṭaṃ tatparikīrtitam ||) 98 ||

apyanukto budhairyatra śabdo'rtho vā pratīyate |
sukhaśabdārthasaṃyogātprasādaḥ sa tu kīrtyate || 99 ||


atha śabdaguṇamāha nityārthe padānāṃ śliṣṭatā parasparaṃ yoniḥ 
sandhibandhanatayānekamekapadamiva bhāti tadeva māsṛṇyamucyate | ataśca 
padāntarapāṭhasyāvaśyāpekṣatāyāṃ yathā brahmasūtramiti | uktaṃ 
caitacchando'dhyāye | tathā sandhīyamānayostathāsandheḥ sājātyaṃ 
sāvarṇyaṃ ca saṃpadyate vastrakhaṇḍayoriva sūtrasyeva ca | yathā - 
astyuttarasyāṃ diśi devatātmā (kumā 1-1) asti śabdasyottaraśabdasya 
sandhīyamānayostakāreṇa takāreṇa saṃyoge tayośca sājātyaṃ syāndiśi 
ityanayoḥ sandhernakārasya vargyatvāddakāreṇa sāvarṇyaṃ diśi devatā iti 
narantaryasandhau dakāreṇa sājātyaṃ ikāraikārayostālavyāṃśatvena 
sādṛśyaṃ devatātmā ityatra takāreṇākāreṇa ca | na cānuprāsamātrametat 
ekapadānuprāse'pi prāmāṇyabhāvāt - indindirāṇāṃ lalito ninādaḥ 
ityanuprāse ca sāvarṇyenopayogīti | anye paṭhanti - vicāragahanaṃ yatsyāt 
sphuṭaṃ caiva svabhāvataḥ | ityarthaśleṣaḥ vakraghaṭamānaṃ vetyarthaḥ 
supratibaddhaśca śleṣa iti padaśleṣaḥ |

prasādamāha - apyanukto budhairiti | yatrārthe anukte'pi budhaiḥ kaṣṭakalpanayā 
avyākhato'pyarthaḥ prayojanaṃ svayaṃ jāyate so'rtho vaimalyāśrayo'pi 
vaimalyamupacārāt so'rtho vā kāvyasya vaimalyaṃ svayaṃ 
jānaṃścānupayogiparivarjanāt | vaimalyaśabdavācyājjalasyeva 
pāṃsubhirasaṃparkādbhavatīti vaimalyamarthasya prasādaḥ | yathā - savarṇā 
kanyakā rūpayauvanārambhaśālinī iti vivāhyatvaṃ prāpaṇīyatāhṛdyatvaṃ 
saṃbhogayogyatā gṛhasthasahadharmacāriṇītvamityupayogī sarvo'yamarthaḥ | 
tenābudhvaitadudāharaṇāntaraṃ vṛthā bhramaṇam - āvilapayodharāgra miti 
(vikramo 5-8) etadapi tūdāharaṇaṃ padadūṣaṇaṃ tu samyagajñāne prayuktam 
(?) | aprasādastu upāstāṃ hasto me vimalamaṇikāñcīpadamidam atra 
vimalaṃmanyatopayogāt pāṃsuriva jale'trāprasannatāṃ karoti | sukha iti na 
prayatnamapekṣate |


p. 336)

nāticūrṇapadairyuktā na ca vyarthābhidhāyibhiḥ |
durbodhanaiśca na kṛtā samatvātsamatā matā || 100 ||


yaḥ śabdārtho yaḥ saṃyogaḥ śabdaviṣaya ityarthaḥ kalāmātrarūpa eva yata 
sandhiḥ ata eva śaithilyātmā sa śabdaguṇaḥ prasādaḥ | prasannatā sphuṭatvaṃ 
lakṣaṇīyavibhāgatā padānām | yathā -

atha saviṣayavyāvṛttātmā yathāvidhi sūnave
nṛpatikakudaṃ dattvā yūne sitātapavāraṇam |

ityādi | atra nirantaratāṃ muktvā nānyonyalayo nānyonyāpattisandhirastīti 
śithilatā | ekaśca guṇaḥ ko'pi śobhata iti svānubhavasiddhaḥ tena vyāvṛttātmeti 
gāḍhatā kṛtā kakudaṃ dattveti cāparaḥ savarṇapakṣe |

samatāmāha - nāticūrṇapadairiti | śabdānāṃ samatvātsamaḥ 
cūrṇapadairasamāsaracanā yatra sātiśayā na bhavati atiśayaśca 
pratiyoginamapekṣate iti | dīrghasamāso'tyantasamāsaśca viṣamatā 
tadviparyayeṇa samatā upakrāntamārgāparityāgarūpetyuktaṃ bhavati | yathā -

gāhantāṃ gahiṣā nipānasalilaiḥ śuddhairmuhustāḍitaṃ
chāyābaddhakadambakaṃ mṛgakulaṃ romandhamabhyasyatu |
visrabdhaiḥ kriyatāṃ varāhapatibhirmustākṣatiḥ palvale 
viśrāntiṃ labhatāmidaṃ ca śithilajyābandhamasmaddhanuḥ | iti 

(atra) avāntaravākye samastadvipadā hi nātidīrghā vṛttiḥ |

prasīda caṇḍi tyaja manyumajjasā janastavāvaṃ purataḥ kṛtāñjaliḥ |

kimitthaṃ -

iti cūrṇapadairupakramyāsamāpta eva vākyāntare vākyārthe'pi dīrghaḥ 
samāsaḥ kṛtaḥ -

utkampitapīvarastanadvayonmiṣatsuptavilāsamāsyate ||

pūrvatra (gāhantā bhityatra) tvavāntarārthasamāptāvarthāntatoṣakrama eva 
samāsena chāyābaddhakadambaka mityupakrānto'pi na caityātkūpapatanamiva 
cūrṇapadaṃ prayuktaṃ mṛgakula miti | seyaṃ samatā jātā śabdaguṇā artho'pi 
samatvāt kiṃ tatsamatvaṃ āha vyarthābhidhāyibhiriti niṣprayojanamarthaṃ 
ye'bhidadhati śabdānāṃ


p. 337)

anyonyasadṛśā yatra tathā hyanyonyabhūṣaṇāḥ |
alaṅkārā guṇāścaiva samāḥ syuḥ samatāmatāḥ ||) 101 ||

abhiyuktairviśeṣastu yo'rthasyehopalakṣyate |
tena cārthena saṃpannaḥ samādhiḥ parikīrtitaḥ || 102 ||


na tvetadavaimalpamiti prasādena nirastam | naitat nahi sarvathā niṣprayojanatā api tu 
sadapi prayojanaṃ durbodhaṃ tadāha - durbodhanairiti | abhidhīyate'smai 
ityabhidhānaṃ prayojanam | yathā -

cyutasumanasaḥ kundāḥ puṣpodgameṣvalasā drumāḥ
malayamarutaḥ sarpantīme viyuktadhṛticchidaḥ |
atha ca savituḥ śītollāsaṃ lunanti marīcayo
na ca jaraṭhatāmālambante klamodayadāyinīm ||

ityatra ṛtusandhivarṇanaprakrame malayamarutaḥ prakramaṃ bhinatti na ca sarvathā 
nirarthako vipralambhoddīpanatvāt | kiṃ tu prakramaṃ sphuṭaṃ na puṣṇātīti 
viṣamatā | samatā tu manasi ca giraṃ gṛhṇantīme kiranti na kokilāḥ iti 
(dvitīyapādasthāne yadi paṭhet) |

samādhimāha - abhiyuktairviśeṣastviti | yasyārthasya dvitīyasyārthasya 
abhiyuktiyuktaiḥ pratibhātiśayavadbhiḥ viśeṣo apūrvaḥ svollikhita upapadyate 
sasamāhitamanaḥsaṃpādyaviśeṣatvādartho viśiṣṭaḥ samādhiḥ yatra 
kavestatpūrvikayollekhastatsarvamohodāharaṇam | yathā -

āśvapaihi mama sīdhubhājanādyāvadagradaśanairna daśyase |
candra maddaśanamaṇḍalāṅkitaḥ khaṃ na yāsyasi hi rohiṇībhayāt || iti |

ayoniranyacchāyāyoniśceti etattadevajñānaṃ viṣayaḥ na cānekaṃ kiṃcit 
sārasvatasya hi sarvorthamanimittata eva | tadanyasya sarvo'nyacchāyāyoni | 
vyaktabhāvyavāsyatvādapi kavihṛdayagatapratibhātiśayatāratamyādanavasthitam 
(?) |

śabdaguṇaśca samādhiḥ tamāha tena ceti | samādhiśabdasya yo'rthaḥ pari-


p. 338)

upamādyupadiṣṭānāmarthānāṃ yatnatastathā |
prāptānāṃ cāpi saṃkṣepātsamādhirnirṇayo yataḥ) ||


hāralakṣaṇastena yaḥ parikīrtitaḥ paritaḥ samantādākrāntyā uccāraṇe 
saṃpannaḥ sa ca samādhiḥ | ākrāntyā uccāraṇe ārohāvarohakramameva 
ākramaṇena gatitulyam | ārohaścordhvagamanadvāraḥ prāṇamārutarūpāyā 
uccarūpaḥ apakramaṇamavaroho viparyayaḥ | uccatvaṃ sthānakaraṇavaśāt 
bāhyābhyantaraprayatnavaśācca | tathā hi -

nirānandaḥ kaunde madhuni paribhuktojjhitarase
(na sāle sālambo lavamapi lavaṅge na ramate |
priyaṅgau nāsaṅgaṃ racayati na cūte'pi carati
smarallakṣmīlīlākamalamadhupānaṃ madhukaraḥ) ||

tatra nakārāddantyānmūrdhanyo repha uccasthānasthito yadyapi dantyaḥ tathāpi 
saṃyogo nirantaraprayatnādhikyena vivṛtatamena cākāra dvayena 
dvivāraprayatnakena ca jihvāmūlīyena coccatvabhājā 
ārohaṇamasphuṭīkaraṇamiti naśabdo'varohaṇaṃ 
saṃpannamapyasaṃpannakalpam | ārohaṇasaukaryāyaiva pratyuta madhye hyatra 
kā viśrāntiḥ | abhāve uccatamasaṅkalanasopānārohakhedāyaiva bhavati 
nirāsvādyaḥ kaunda iti yathā eva nirānanda ityatra yāvanmahāprāṇo 
jihvāmūlīyaśca śvāsānupradāno dvivārayuktastāvadārohayata aukāra 
ākāramavekṣya rūpavivṛta aukārato'pi nakāraḥ tato'pīkārokārayoḥ ūnaṃ 
vivṛtatvaṃ akārastu saṃvṛtaḥ ityavarohaḥ | aukārastu 
madhye'varohasaukaryāyaiva dūrārohāddhi dūrāvarohaṇaṃ ceti cūlikāyāḥ 
kūpapatanakalpam | khedo yathā -

kurvāṇāḥ paramaṃ mahacca manasa iti ākāropadhmānīyebhyo jhaṭiti 
saṃvṛte'kāre nipātanāt | niveśaḥ svaḥsindhoḥ - ityatra krameṇa vivṛtataraḥ 
sparśa iti krameṇārohaḥ | tuhinagirivīthīṣu jayati - atra vivṛtebhyaḥ 
ukārādibhyaḥ saṃvṛte'kāradvaye pātaḥ ikārastvanyatvānna ca 
viśrāntisthānamiti nārohaḥ | yadi vā (si)ndhoriti vivṛtatarāpekṣayā āroha-


p. 339)

bahuśo yacchrutaṃ vākyamuktaṃ vāpi punaḥ punaḥ |
nodvejayati yasmāddhi tanmādhuryamiti smṛtam || 104 ||


saṃskāre ukāre'varohabuddhireva sphuṭatve'varohaḥ | jayatimapāsyaṃ 
tadayamiti pāṭhaḥ (?) anusvāro hi saṃvāraprayatnaḥ | narāḥ śīlabhraṣṭāḥ 
vyasana ivamajjanti taravaḥ iti akāra ikāra akārebhyo'varohamayebhyo vivṛte 
ikāre ārohaḥ ante ca visarjanīye āroha eva | tena 
svabhāvapratibhādarśanānuviddhā bhagavati vāṇī svarasopanipatitā 
svarasaṃbhāraprabhāvānurodhenaivārohāvarohakramaṃ bhajate | 
pratibhādṛṣṭiśūnyatvāt andha padavadārohādi na bhajet |

nanviyatā pāṭhasaukarya syāt śrotustu kimāyātam anabhijño devānām priyaḥ 
yathā hi karkaśaśarkarānikarakaṇṭakite deśe dussañcare saṃcarajjanaṃ 
paśyantyā api sukumārahṛdayāyāḥ pramadāyāstadātmānupraveśa iva 
jāyamānaṃ khedamatitarāmādatte prahārapātādau vā tathā sahṛdasyasya sa 
eva mārgaḥ sukumāratā hi vaimalyāparaparyāyā sahṛdayatvaṃ hṛdayasya hi 
kavihṛdayatādātmyāpattiyogyataiva utkarṣaḥ | tata evoktaṃ -

śabdārthaśāsanajñānamātreṇaiva na vedyate |
vedyate sa hi kāvyārthatattvajñaireva kevalam || (dhvanyā - 1-7) iti |

abhidhānakośamapi hi paṭhatā suptiḍvibhaktīśca viduṣāmapi na 
kāvyatattvāvabodhaḥ tasmādvarṇoccāraṇaprayatnena paruṣapaṭhanasparśajanito 
yaḥ kheda uccārayituḥ sa eva śroturapi pāruṣyamādhatte | 
nīrandhyadhvavadhūnivandhyanugataprāṇaikabandhakramaḥ (?) ityādau | 
varṇagataṃ ca lālityapāruṣyādi puṣkarādhyāye'pi (a-34) vakṣyate | 
anyairapyuktaṃ tena varṇā rasacyutaḥ ityādi | svabhāvato hi kecana varṇāḥ 
santāpayantīva nikṛntantīva rephakakārādaya iva paruṣavṛttipūrvakāḥ anye tu 
nirvāpayantīvopanāgarikocitāḥ | lokagocara evāyamarthaḥ svasaṃvedyo'pīti na 
vitata ityāstāṃ tāvat |

mādhuryamāha - vahuśo yacchrutamityādi | yaditi yasmāddhetorvākyaṃ śrutaṃ 
saṃśayaviparyayayorāspadaṃ na bhavatīti tanmādhuryam | drāghīyasi samāse 
tāvavaśyaṃ bhavata iti tadviraha eva mādhurya śabdaguṇa ityuktaṃ bhavati | 
yathā - gāhantāṃ


p. 340)

samāsavadbhirbahubhirvicitraiśca padairyutam |
sānurāgairudāraiśca tadojaḥ parikīrtyate || 105 ||

(avagīto'pi hīno'pi syādadāttāvabhāsakaḥ |
yatra śabdārthasaṃpattyā tadojaḥ parikīrtitam ||) 106 ||


mahiṣā nipānasalilaṃ (śāku 2-6) ityādi | punaḥ punarapyuktamarthajātaṃ 
yasmāddhetorapanītamavagāhanena vairasyena tadvacanavaicitryātmakaṃ 
mādhuryamarthaguṇaḥ vacanāntarābhidheyatayā hi sa evārtho vicitro bhavati | 
yathā -

rasavadamṛtaṃ kaḥ sandeho madhūnyapi nānyathā
madhuramatha kiṃ cūtasyāpi rpasannarasaṃ phalam |
(sakṛdapi punarmadhyasthaḥ sanrsāntaravijjano
vadatu yadihānyatsvādu syātpriyādaśanacchadāt ||)

atra rasavadamṛtamiti ya evārthaḥ sa eva kaḥ sandeha ityuktayā vicitrayā 
pariniścayasthairyābhidhāyinyā niścayīkṛtaḥ | niścayasthairyameva ca 
nānyathetivacanāntareṇa viparyayanirākaraṇasaṃbahavanāntaranirāsaṃ ca 
krameṇa vidadhatā vicitrīkṛtamiti madhuro'yamarthaḥ |

ojo lakṣayati - samāsavadbhirbahubhiriti | bahubhirekasamāsasaṃjñāyuktairatha ca 
vicitrairyamakaiḥ padairyaduktaṃ yo bandhastadojaḥ | yathā -

mathāyastārṇavāmbhaḥplutikuharavalanmandaradhvānadhīraḥ
koṇāghāteṣu garjatpralayaghanaghaṭānyonyasaṃghaṭṭacaṇḍaḥ |
kṛṣṇākrodhāgradūtaḥ kurukulanidhanotpātanirghātavātaḥ

kenāsmatsiṃhanadapratirasitanabhodundubhistāḍito'sau || (veṇī) iti yathā 
sānurāgairyatra varṇo varṇāntaramapekṣate tata sānurāgatvam |


p. 341)

sukhaprayojyairyacchabadairyuktaṃ suśliṣṭasandhibhiḥ |
sukumārārthasaṃyuktaṃ saukumāryaṃ taducyate || 107 ||


vilulitamakarandā mamjarīrnartayanto 

atra ra iti śabdo ndaśabdaṃ svagurutvāyāpekṣate na ityayaṃśabdo ya ityayaṃ ca 
nte śabdaṃ ca no ityayaṃ ca nte gurutvāt | svaviśrāntijanitakālopacayalabhyaṃ 
gurutvaṃ nākāṃkṣatīti dvitīyapādapāṭhaṃ samanantaramevāpekṣate |

vilulitamadhudhārā mañcarīrlolayataḥ |

iti pāṭhe dhāśabdo lośabdo tiśabdaśca jātyāpekṣata iti | sa tadeva 
gāḍhatvamucyate niviḍāvayavataiva samāsena saṃkṣepeṇa yuktāni padāni 
yatrārthabhūyāniti saṃkṣepo nāmārthaguṇa ojaḥ |

ojasvī kimato'pi bhūyaḥ samākṣipati tathā ekamapi vastu udārairbahubhiḥ 
padairupanibadhyate vistarātmakatvamapyojo'rthaguṇaḥ | saṃkṣepo yathā -

te himālayamāmantrya punaḥ prekṣya ca śūlinam |
siddhaṃ cāsmai nivedyārthaṃ tadvisṛṣṭāḥ khamudyayuḥ || (kumā - 6-93)

vistarastu -

atha nayanasamutthaṃ jyotiratreriva dyauḥ
surasaridiva tejo vahniniṣṭyūtamaiśam | (raghu 2-75)

saukumāryamāha - sukhaprayojyairiti | kvacitpadasya svayaṃ pāruṣyaṃ bhavati 
yathā drāḍhā ajaḍḍhā nirdvaitaṃ sadṛktvavyavasitiḥ iti | kvacitsaṃhitā - 
darvyākhyārvīvidhūyate | tadubhayarahitvaṃ saukumāryaṃ śabdaguṇaḥ | yathā 
- gāhantāmityādi | atra ca yadvaktavyaṃ tatsamādhilakṣaṇe nirṇītam | paruṣe'pi 
cārthe sukumāreṇārthena yā saṃpattistadarthaguṇaḥ 
saukumāryamapāruṣyarūpam ekākini devatāsahāya iti mṛte yaśaḥśeṣa iti jaḍe 
devānāṃpriya iti |


p. 342)

suprasiddhābhidhānā tu lokakarmavyavasthitā |
yā kriyā kriyate kāvye sārthavyaktiḥ prakīrtyate ||

(yasyārthānupraveśena manasā parikalpyate |
anantaraprayogastu sārthavyaktirudāhṛtā ||) 109 ||

divyabhāvaparītaṃ yacchṛṅgārādbhutayojitam |
anekabhāvasaṃyuktamudāratvaṃ prakīrtitam || 110 ||


arthavyaktimāha - suprasiddhābhidhāneti prasiddhamabhidhānamabhidhāvyāpāro 
yasyāṃ kāvyakriyāyāṃ sārthavyaktiḥ śabdaguṇaḥ | yathā gāhantāmiti | 
viparyaye tu kirātādinidarśanaṃ yaccārthe varṇyate sa tathaiva loke prasiddha 
ityarthasya guṇo'rthavyaktiḥ | yathā -

pṛṣṭheṣu śa *?śakalacchaviṣu cchadānāṃ
rājībhirañjitamalaktakalohinībhiḥ |
gorocanāharitavabhruvahiḥpalāśa-
māmodate kumudamambhasi palvalasya ||

udāratāmāha - divyabhāvaparītaṃ yaditi | yatra mānuṣocitamapi divyatayā 
karuṇādiyuktamapi śṛṅgāreṇa vismayasthānamapyadbhutena yuktaṃ varṇyate 
tadgatairvā vibhāvānubhāvādibhiḥ tadudīrya tatraudāryamarthaguṇaḥ | 
etadevāgrāmyatvamityanyairuktam | grāmyaṃ hi vastu 
yathāsthitamayojitaracanāviśeṣaṃ prasiddhimātrapramāṇamucyate 
tato'nyadagrāmyam | yathā -

tvamevaṃsaundaryā sa ca ruciratāyāḥ paricitaḥ
kalānāṃ sīmānaṃ paramiha yuvāmeva bhajathah |
api dvandvaṃ diṣṭyā taditi subhage saṃvadati vāṃ
ataḥ śeṣaṃ cetsyājjitamatha tadānīṃ guṇitayā || iti |

yatradbhutena yatkṛto'rthaḥ anekabhāvasaṃyuktamiti śabdaguṇasya lakṣaṇam 
ekabhāṣā citratvādanekatācitratvaṃ 
padāntasyaikasyānekavyaktirakṣarasaṃkhyāvaicitryaṃ sandhā-


p. 343)

anekārthaviśeṣairyatsūktaiḥ sauṣṭhavasaṃyutaiḥ |
upetamaticitrārthairudāttaṃ tacca kirtyate) || 111 ||

yanmanaḥ śrotraviṣayamāhlādayati hīnduvat |
līlādyarthopapannāṃ vā tāṃ kāntiṃ kavayo viduḥ || 112 ||


nasājātyaṃ ca piṇḍīvandhanṛttasādṛśyena tatra hi 
gulmajātaśṛṅkhalikādibhedenetthaṃbhūto narkatīsaṃniveśo bharate taduktaṃ 
vikaṭatvaṃ narīnṛtyamānatvamiti padānāmaudāryamiti | yathā -

svacaraṇaviniviṣṭairnūpurairnartakīnāṃ
jhaṭiti raṇitamāsīttatra citraṃ kalaṃ ca ||

atra prathamapāde ekākṣaratryakṣaracaturakṣaramiti vicitrāṇi padāni rephe 
taddvitīyapadākramaṇādvyāptiḥ takārayoḥ sandhānātsandhisājātyaṃ 
takārasakārayoḥ saṃsthānanayairnaikaṭyaṃ ca | viparyayastu -

caraṇakamalalagnairnūpurairnartakīnāṃ jhaṭiti raṇitamāsīnmañju citraṃ ca tatra 
atra dve api pade tryakṣare | tāvevedaṃ bhāṣitavicitratvam | yathā -

atha yadi tava vaktraṃ caṇḍi bhūyo'pi nāma 

iti na hṛdyaṃ raṇitamāsīnmañju citraṃ ca tatra iti takāramakārayorasājātyaṃ 
sakāramakārayośca saṃsthānatvamiti |

kāntimāha - yanmanaḥ śrotraviṣayamiti | yanmanoviṣayamāhlādayati yathā 
śṛṅgāravibhāvarūpaṃ līlādiceṣṭālaṅkārasundaraṃ kāvyārtharūpaṃ 
tatkāntiguṇayuktaṃ tadeva dīptarasatvamityuktamanyaiḥ | vibhāvādīnāṃ 
dīptatvamiti yāvat | yathā -


p. 344)

evamete hyalaṅkārā guṇā doṣāśca kīrtitāḥ |
prayogameṣāṃ ca punarvakṣyāmi rasasaṃśrayam || 113 ||

laghvakṣaraprāyakṛtamupamārūpakāśrayam |
kāvyaṃ kāryaṃ tu nāṭyajñairvīraraudrādbhutāśrayam || 114 ||

gurvakṣaraprāyakṛtaṃ bībhatse karuṇe tathā |
kadācidvīraraudrābhyāṃ yadāgharṣaṇajaṃ bhavet || 115 ||

rūpadīpakasaṃyuktamāryāvṛttasamāśrayam |
śṛṅgāre tu rase kāryaṃ mṛduvṛttaṃ tathaiva ca || 116 ||


preyān sāyamapākṛtaḥ saśapathaṃ pādānataḥ kāntayā 
dvitrāṇyeva padāni vāsabhavanādyāvanna yātyātmanā |
tāvatpratyuta pāṇisaṃpuṭalasannivīnibandhaṃ dhṛto
dhāritvaiva kṛtapraṇāmakamaho premṇo vicitrā gatiḥ ||

atra hīrṣyānubhāvasya ratyanubhāvasya autsukyānubhāvasya 
dīptatvamityarthaguṇaḥ śrotraviṣayībhūtamiva yadāhādi kāvyaṃ 
tatkāntirnāma śabdaguṇaḥ |

kuraṅgīnetrālīstavakitavanālīparisaraḥ -

atra hi samāsavatyapi racanā (na) śrotrendriyaikatānatāgāvahati | tadetalloke 
madhurakāvyamiti prasiddham | mādhuryamabhyastapadatvamuktam | anye 
tvaudāryakāntyorlakṣaṇadvayaṃ viparyāsena paṭhanti |

etadupasaṃharati - evameta iti | cakārācchandāṃsi vṛttāni jātayaśca | eṣāmiti 
(ni) vṛttacchandaḥ prabhṛtīnāṃ doṣāntānām | anityadoṣā hi 
viniyujyante'pītyuktam |

laghvakṣaraprāyeti yatra atanuvāhī citavṛttiparispandaḥ tatra 
laghvakṣarapradhānaṃ vṛttaṃ vīrādāvupamārūpake masṛṇavāhini tu 
hṛdayaspande gurvakṣaraprāyaṃ karuṇādau | raudrādāvāpi kadācittadbhavati | 
yadā vilambya parakhalīkāraṃ


p. 345)

uttarottarasaṃyuktaṃ vīre pāṭhyaṃ tu yadbhavet |
jagatyātijagatyā tu saṃkṛtyā caiva yojayet || 117 ||

yuddhasaṃpheṭayostajjñairutkṛtiḥ saṃprakīrtitā |
karuṇe śakkarī caiva tathā cātidhṛtirbhavet || 118 ||

yadvīre kīrtitaṃ chandastadraudre'pi prayojayet |
śeṣāṇāmarthayogena chandaḥ kāryaṃ prayoktṛbhiḥ || 119 ||

yacchandaḥ pūrvamevoktaṃ viṣamārdhasame samam |
udāramadhuraiḥ śabdaistatkāryaṃ tu rasānugam || 120 ||

śabdānudāramadhurān pramadābhidheyān 
nāṭyāśrayāsu kṛtiṣu prayateta kartum |
tairbhaṣitā bhuvi vibhānti hi kāvyabandhāḥ
padmākarā vikasitā iva rājahaṃsaiḥ || 121 ||


smṛtvā bravīti kartā dyūtacchalānāṃ iti tathā yo yaḥ śastram vibharti ityādau | 
ata eva bhayānake hāsye śānte vā yathāyogaṃ 
saṃvedanarapandatācarvyamāṇasvādyatāścaryakṛto vibhāgo vṛttānāṃ 
mantavyaḥ | udāramadhurairiti | audāryaṃ śabdaguṇo dīpteṣu prādhānyena 
tadanuyāyi ca guṇāntaraṃ mādhuryaṃ svānuyāyiguṇasaṃhitamasṛṇeṣu 
rameṣu | arthaguṇāstu yathāyogaṃ sarvatra tadāha pramadābhidheyai-


p. 346)

trividhaṃ hyakṣaraṃ kāryaṃ kavibhirnāṭakāśrayam |
hrasvaṃ dīrghaṃ plutaṃ caiva padabandhasamāśrayam || 122 ||

ekamātraṃ bhaveddhrasvaṃ dvimātraṃ dīrghamucyate |
plutaṃ caiva trimātraṃ syādakṣaraṃ varṇasaṃśrayam || 123 ||

smṛte cāsūyite caiva tathā ca paridevite |
paṭhatāṃ brāhmaṇānāṃ ca plutamakṣaramiṣyate || 124 ||

ākārastu smṛte kārya ūkāraścābhyasūyite |
paridevite ca hākāra oṃkāro'dhyayane tathā || 125 ||

hrasvadīrghaplutānīha yathābhāvaṃ yathārasam |
kāvyabandheṣvaśeṣeṣu hyakṣarāṇi prayojayet || 126 ||

cekrīḍitaprabhṛtibhirvikṛtaiśca śabdai-
ryuktā na bhānti lalitā bharataprayogāḥ |
yajñakriyeva rurucarmadharairghṛtāktai-
rveśyā dvijairiva kamaṇḍaludaṇḍahastaiḥ || 127 ||


riti | pramado harṣaḥ harṣajanako guṇasākalyavānabhidheyo'rtho yeṣāṃ 
bhāvāryo hṛdayagato'bhiprāyaḥ kriyāviśeṣaśca taṃ darśayati smṛte cetyādi | 
etadeva ca krameṇa vibhajati ākāra ityādi | dvāvetāvanusvāreṇānunāsikyena 
vā yuktau kāryau āṇḍadaṇḍādi | hrasvadīrghaplutānīha yathābhāvaṃ 
yathārasam | kāvyabandheṣvapeśeṣviti vacanādanyatra viṣaye dūrāhūtyādiṣu 
pluta uktaḥ tatāsau prayojya eveti darśitam | cekrīḍitaṃ yaṅantam | 
ādigrahaṇena ṇyantasamantāḥ (sannantāḥ?) |


p. 347)

mṛdulalitapadārthaṃ gūḍhaśabdārthahīnaṃ
janapadasukhabhogyaṃ yuktimannṛttayojyam |
bahukṛtarasamārgaṃ sandhisandhānayuktaṃ
bhavati jagatiyogyaṃ nāṭakaṃ prekṣakāṇām ||) 128 ||

iti bhāratīye nāṭyaśāstre vāgabhinaye kāvyalakṣaṇo nāma 
ṣoḍaśo'dhyāyaḥ ||


ete naṭocitāḥ prayogāḥ na bhānti | te yato lalitā yathā veśyāparigrahe 
dvijairyajñakriyā mṛgājinadaṇḍakamaṇḍalughṛtābhyaṅgādi saṃbhavadbhirapi 
na bhāti | evaṃ tadvyākhyāne raudrādisvaviṣaye yatpuruṣasyābhyanujñānaṃ 
tadviyuktaṃ syāditītthaṃ vyākhyā- lalitāḥ sukumāraprayogāste paruṣaiḥ 
padairna bhāntīti viśeṣaniṣedhaḥ śeṣābhyanujñāpaka iti nyāyādanyatra 
tatprayoga ityuktaṃ bhavati | tathā hi - vayodvitīyāḥ sariti sageścama (?) 
ityevamādirapi vidhiprayojya eva ākhyātāmarpatarṣya ityādau | etadeva 
sādharmyavaidharmyadvāreṇopapādayati veśyā yathā 
mṛgacarmaghṛtābhyaṅgadaṇḍādiyuktairdvijairna śobhate | vaidharmyeṇa 
dṛṣṭāntamāha yathā taireva yajñakriyā bhāti na tathā veśyā tadaṅgatvāt | 
bahuvrīhervā yajñakriyāpatnyapyucyata iti śivam ||

iti ṣoḍaśamadhyāyaṃ granthanirgranthikaṃ vyadhāt |
yaśorāśeryaśorāganāmno dauhitradehajaḥ ||

iti śrīmahāmāheśvarābhinavaguptācāryaviracitāyām 
nāṭyavedavivṛtāvabhinavabhāratyāṃ lakṣaṇālaṅkāradoṣaguṇādhyāyaḥ 
ṣoḍaśaḥ samāptaḥ ||

nāṭyaśāstram

ṣoḍaśo'dhyāyaḥ |

anubandhaḥ |

bhūṣaṇākṣarasaṅghātau śobhodāharaṇe tathā |
hetusaṃśayadṛṣṭāntāḥ prāptyabhiprāya eva ca || 1 ||


samastārthālaṅkāravargasya bījabhūtaścamatkārāḥ 
kathāśarīravaicitryadāyino vakroktirūpā lakṣaṇaśabdena vyavahriyante | 
lakṣaṇāni guṇālayāggahimānamanapekṣya svasaubhāgyenaiva śobhante | 
lakṣaṇaṃ mahāpuruṣasya padmādirekhādivatkāvyaśarīrasya saundaryadāyi | 
alaṅkārastu rayābharaṇādivadeva yena vināpi svasaundaryeṇaiva puruṣaḥ 
pravibhāsate | guṇastu pravṛttidyonito dhairyādivatkāvyasya 
śabdārtharacanāmāśrayati | yathā lakṣaṇarahitaḥ puruṣo na 
sundaraśabdavācyastathālakṣaṇavarjaṃ kathāśarīraṃ guṇālaṅkārojjvalamapi 
nīrasatvaṃ bhajatprauḍhakāvyābhidhānaṃ nārhati | kathāśarīrasaṃpanneṣu 
kāvyeṣveta lakṣaṇāni nirvatyante na tu muktakādiṣu khaṇḍakāvyeṣu ata eva 
kāvyabandhāstu kartavyā iti muninaiva *? ktakādivāraṇaparamuktam | 
lakṣaṇānyasaṃkhyeyāni teṣāṃ camatkṛtiviśeṣagari *? ṇi ṣaṭtriṃśadeva 
muninā saṃgṛhītāni | kohalādibhistacchiṣyaiḥ prakīrtitānyaparāṇi 
kānicillakṣaṇatvena prasiddhimupagatāni kālapravāhe bharatagrantha eva 
pāṭhāntaranibandharūpeṇa prakṣiptāni syuḥ | saundaryajanakatvakāraṇena 
bhojādibhirubhayapāṭhagatānyapi laksaṇāni svīkṛtyānyairapi 
kaiściccamatkṛtibhūtairlakṣaṇaiḥ saha catuḥṣaṣṭitvena prakaṭitāni |

yadvivecitamatigambhīraprauḍhavācā bhagavatā vṛttikāreṇa 
lakṣaṇānyasaṃkhyānīti tadupaṣṭabhyaiva bhinnapāṭho'pi bālānāṃ 
samupatedya ityabhyuhya tanmadhya eva saṃkṣepeṇa prakāśitaḥ |

bhūṣaṇaṃ lakṣayati - laṅkārairiti bharatoktairupamādibhirguṇaiśca yatra 
kathāśarīraracanā samullāsitā tadbhūṣaṇaṃ nāma lakṣaṇam | citrārthairiti 
vibhāvādi-


p. 349)

nidarśanaṃ niruktaṃ ca siddhiścātha viśeṣaṇam |
guṇātipātātiśayau tulyatarkaḥ padoccayaḥ || 2 ||

diṣṭaṃ caivopadiṣṭa ca vicāro'tha viparyayaḥ |
bhraṃśaścānunayo mālā dākṣiṇyaṃ garhaṇaṃ tathā || 3 ||

arthāpattiḥ prasiddhiśca pṛcchā sārūpyameva ca |
manorathaśca leśaśca saṃkṣobho guṇakīrtanam || 4 ||


sāmagrīpratyāyakatayā rasoddyotakairarthaviśeṣaiḥ matāntare vakroktirūpaiḥ | 
yathā kṛtyārāvaṇe saptame'ṅke kañcukinaṃ dṛṣṭvā lakṣmaṇavibhīṣaṇau - 
ārya kathaya kathaya |

kāñcu - kā gatiḥ śrūyatāṃ - āryā khalu sītā rāvaṇājñayā 
kiṅkaropanītaṃ bharturmāyāśiro'valokya sakhībhirāśvāsyamānāpi 
nivṛttaprayojanāpi nāhamātmānaṃ kleśayāmi iti (ityardhoktau tiṣṭhati) |

sarve kiṃ kṛtavatī

kāñcu - yanna śakyate vaktum |

śaśina iva kalā dināvasāne kamalavanodaramutsukeva haṃsī |
patimaraṇarasena rājaputrī sphuritakarālaśikhaṃ viveśa vahnim || iti |

yathā vā ratnāvalyāṃ prathame'ṅke yaugandharāyaṇasya vacanaṃ 
viśrāntavigraheti ślokaḥ | bhūṣaṇākhyalakṣaṇena kāvyaṃ sāmānyavacaso 
bhidyate tātparyameva vacasi dhvanireva kāvye yatrālaṅkāravargoayaṃ 
sarvo'pyantarbhavisyati śabdaprādhānyamāśritya tatra śāstraṃ pṛthagviduḥ | 
dvayorguṇatve vyāpāraprādhānyekāvyagīrbhavet dve vartmanī giro devyāḥ 
śāstraṃ ca kavikarma ca | prajñopajñantayorādyaṃ pratibhodbhavamantimam 
ityādinā bhojakuntalaka bhaṭṭanāyakatotādibhiruktarītyā guṇālaṅkāravargaḥ 
sarva eva lakṣaṇaśabdena parigṛhītaḥ | guṇālaṅkāraireva yatra kathārūpā 
vakroktiratiśayitā tatra bhūṣaṇam | akṣarasaṃghāto vividhaśleṣoktyā vā 
akṣaraviparyāsena voktipratyuktivaicitryaṃ yathā ubhayābhisārikāyāṃ viṭaḥ - 
bhagavati vaiśikācalo'hamabhivādaye |


p. 350)

jñeyābhyanuktasiddhiśca priyaṃ vacanameva ca |
ṣaṭtriṃśallakṣaṇānyevaṃ kāvyabandheṣu nirdiśet || 5 ||

alaṅkārairguṇaiścaiva bahubhiḥ samalaṅkṛtam |
bhūṣaṇairiva citrārthaistadbhūṣaṇamiti smṛtam || 6 ||

yatrālpairakṣaraiḥ śliṣṭairvicitramupavarṇyate |
tamapyakṣarasaṅghātaṃ vidyāllakṣaṇasaṃjñitam || 7 ||

siddhairartheḥ samaṃ kṛtvā hyasiddho'rthaḥ prayujyate |
yatra śliṣṭā vicitrārthā sā śobheti vidhīyate || 8 ||


parivrājikā - na vaiśikācalena prayojanaṃ bhavedvaiśeṣikācalena |

viṭaḥ - astyetatkāraṇaṃ

pari - ṣaṭpadārthabahiṣkṛtaiḥ saha saṃbhāṣaṇamasmadgurubhirniruddham |

viṭaḥ - yuktamevaitat | kutaḥ -

dravyaṃ te tanurāyatākṣi dayitā rupādayaste guṇāḥ 
sāmānyaṃ tava yauvanaṃ yuvajanaḥ saṃstauti karmāṇi te |
tvayyārye samavāyamicchati jano yasmādviśeṣo'sti te
yogaste taruṇairmano'bhilaṣitairmokṣo'pyaniṣṭājjanāt ||

pari - sākhyamasmābhirjāyate alepako nirguṇaḥ kṣetrajñaḥ puruṣaḥ |
viṭaḥ - hanta niruttarāḥ smaḥ |
yathā vā śākuntale saptame'ṅke tāpasī - sarvadamana śakuntalāvaṇyaṃ 
paśya ityatra śakuntalāśabdaḥ sūcitaḥ ||

śobhā - siddhaiḥ prayojanairasiddhasya śubhasaṃghaṭanaṃ yatra nirṇīyate 
sūcyate vā śleṣavakroktidhvaniniveśaṣamahimnā camatkṛto'rthaḥ | 
kecitsvabhāvasya prakaṭanamityāhuḥ apare tu yūnoḥ 
prabhāvaprakaṭanamityācakṣate | arthapradhāne vastunyeṣāparaṃ śobhate | 
yathā ratnāvalyāṃ prathame'ṅke yaugandharāyaṇaḥ (dvīpādi tyādipaṭhitvā) 
kaḥ sandehaḥ |


p. 351)

yatra tulyārthayuktena vākyenābhipradarśanāt |
sādhyate nipuṇairarthastadudāharaṇaṃ smṛtam || 9 ||


prārambhe'smin svāminā vṛddhihetau daivenetthaṃ dattahastāvalambe |
siddhe bhrāntirnāsti satyaṃ tathāpi svecchārī bhīta evāsmibhartuḥ ||

yathā vā kathāśarīrasaṃghaṭanavaicitryarūpaśobhāyā 
abhijñānaśakuntalāyāṃ madhuraraprasaktiḥ |

pareṣāṃ durbhedyaparamārthena tulyārthaprayuktena vākyena nigūḍhāśaya 
kasmaicinnipuṇairyatra prakāśyate tadudāharaṇaṃ yathā devīcandragupte 
prāveśikī dhruvā kumāracandraguptasya saṃśayākulamānasasya 
praveśāvasarasūcakamarthamuddyotayati -

eso si akaravittharapaṇāsi āsesaveritimiroho |
ni avihavaroṇacando ga aṇagihaṃ laṃghi uṃ visa i ||

yathā vā pradyumnābhyudaye tṛtīye'ṅke'ntarnāṭikāyaṃ sūtradhāravacanaṃ 
-

deva danujādhipa tvāṃ tribhuvanalakṣmīriva svayaṃrāgāt |
abhirūpamabhisṛtavatī nalakūvaramatra nāṭake rambhā ||

sāmājikībhūtayoḥ sakhīprabhāvatyoḥ sakhī pi asahi eso evva maggo ma 
aṇaparavasāṇaṃ itthi āṇaṃ ityupadiśati | atrābhisaraṇameva 
pradyumnasaṅgamopāya ityarthaḥ sādhyate |

hetuḥ - phalasādhanaśaktiyuktaṃ mitaśabdārthaṃ vicitrabhaṅgyuktaṃ vacanam | 
yathā tāpasavatsarāje ṣaṣṭhe'ṅke kṛtamaraṇaniścayāṃ vāsavadattaṃ 
paribodhayanyaugandharāyaṇa āha - devi prasīda 

āsṛṣṭeḥ pratipārthivaṃ yuvatayo jātā manovallabhāḥ
magnāste vyasanārṇave ca bahavastābhiḥ sahaiveśvarāḥ |
devyā yattu kṛtaṃ tadāvikalatāmutsṛjya lokottaraṃ
tasyaiṣā kṛpaṇocitena vidhinā kiṃ glānirutpadyate || iti |

devyāyatkṛtaṃ tadiṣṭārthasādhanameva acireṇaiva śubhaphalamanubhavasīti |

saṃśayo'samāptavākyatvātsādhanīyaviṣayasvarūpe sandigdhāvasthā | 
eṣo'rthakāmapradhāneṣu rūpakeṣu nipuṇaṃ prayujyate | yathā 
kundamālāyāṃ ṣaṣṭhe'ṅke rāmāyaṇakathāvācakau kuśalavau 
sītāvṛttantaṃ paṭhantau -


p. 352)

yatprayojanasāmarthyādvākyamiṣṭārthasādhanam |
samāsoktaṃ manogrāhi sa heturiti saṃjñitaḥ || 10 ||

aparijñātatattvārthaṃ vākyaṃ yatra samāpyate |
anekatvādvicārāṇāṃ sasaṃśaya iti smṛtaḥ || 11 ||

sarvalokamanogrāhī yastu pakṣārthasādhakaḥ |
hetornidarśanakṛtaḥ sa dṛṣṭānta iti smṛtaḥ || 12 ||


sītāṃ nirjanasaṃpāte caṇḍaśvāpadasaṅkule |
parityajya mahāraṇye laksmaṇo'pi nyavartata ||

tataḥ prāṇaiḥ parityaktā nirāśā janakātmajā |

iti tūṣṇībhavataḥ |

rāmalakṣmaṇau -

apriyākhyānabhītena kavinā saṃhatā kathā |

kimitaḥ kalyāṇamāvedayati | evaṃ tāvadanuyokṣye (iti pṛcchataḥ) | 
saṃśayālaṅkārastu saṃśayākhyalakṣaṇādbhinnacamatkāratayā bhidyate |

saṃkruddhasya lalāṭalocanabhuvā saptārciṣā dhūrjaṭe-
rnirdagdhe makaradhvaje ratirasau kiṃ syādgṛhītavratā |
saṃvādādvanadevatā munivadhuveṣaprapañce manaḥ
kṛtvetthaṃ ramate'tra vigrahavatī kiṃ vā tapaśśrīriyam ||

ityādiṣu saṃśayo'laṅkāra eva na tu saṃśayākhyalakṣaṇam ||

dharmāviruddhatayā sarvalokamanogrāhi vacanaṃ nidarśanoṣaṣṭhambhaṃ 
dṛṣṭāntasaṃjñakaṃ lakṣaṇam | yathā dhūrtaviṭe - strīṣu prasaṅgo na 
kartavyaḥ ityatra bhāvaḥ kiṃ paśyatītyukte viṭaḥ - bhoḥ upadeśamātraṃ 
khalvetat | tamahaṃ na paśyāmi yaḥ strīṣu prasaṅgaṃ na gacchet śrūyante hi 
mahendrādayo'pyahalyādyāsu vikṛtimāpannāḥ iti |

yathā vā padmaprābhṛtake svasodarīpreyaso'nuyoge saṃdigdhamānasāṃ 
devasenāmāha śaśaḥ -


p. 353)

dṛṣṭvaivāvayavān kāṃścidbhāvo yatrānumīyate |
prāptiṃ tāmabhijānīyāllakṣaṇaṃ nāṭakāśrayam || 13 ||

abhūtapūrvo yo hyarthaḥ sādṛśyātparikalpitaḥ |
lokasya hṛdayagrāhī so'bhiprāya iti smṛtaḥ || 14 ||


dakṣātmajāḥ sundari yogatārāḥ kiṃ naikajātāḥ śaśinaṃ bhajante |
āruhyate vā sahakāravṛkṣaḥ kiṃ naikamūlena latādveyena || iti |

prāptiryathākundamālāyāṃ tṛtīye'ṅke lakṣmaṇaḥ kānicitpadācihnāni 
saikate dṛṣṭvā rāmamāha -

vilāsayogena pariśrameṇa vā svabhāvato vā nibhṛtāni mantharam |
padāni kasyāścidimāni saikate prayānti tulyaṃ kalahaṃsavibhramam ||

rāmaḥ - (nirvarṇya saharṣa) kimucyate kasyāściditi nanu vaktavyaṃ sītāyāḥ 
padānīti | paśya -

samānaṃ saṃsthānaṃ nibhṛtalalitā saiva racanā
tadevaitadrekhā kamalaracitaṃ cārutilakam |
yathā ceyaṃ dṛṣṭvā harati hṛdayaṃ śokavidhuraṃ
tathā hyasmin devyā sapadi padapaṅktirvinihitā || iti |

abhiprāyaḥ -

abhūtapūrva ityasatpadārthaḥ kevalakalpitaḥ | kecitsvādyavastunyabhimāna 
ityāhuḥ tadvaicitryarahitatvādupekṣyam | yathā tāpasavatsarāje caturthe'ṅke 
sāṃkṛtyāyanī yaugandharāyaṇodyogaṃ vimṛśya praṇidhiṃ prāha -

dūramudīrṇe ca ripā vevamakiñcitkare ca vijigīṣau |
bhavatā tu nayaguṇaśatiaḥ so'yamasūtraḥ paṭaḥ kriyate || iti |

yathā vā vatsarājacarite dvitīye'ṅke coraḥ -

bhūmiḥ karāgreṇa vipartitādya śvāsena bhagno himavānmahādriḥ |
āsāravṛṣṭyā śamito'gniraurvo vinirhataḥ kīṭaśatairanantaḥ || iti |


p. 354)

yatrārthānāṃ prasiddhānāṃ kriyate parikīrtanam |
parāpekṣāvyudāsārthaṃ tannidarśanamucyate || 15 ||

niravadyasya vākyasya pūrvoktārthaprasiddhaye |
yaducyate tu vacanaṃ niruktaṃ tadudāhṛtam || 16 ||

bahūnāṃ tu pradhānānāṃ nāma yatrābhikīrtyate |
abhipretārthasiddhyarthaṃ sā siddhirabhidhīyate || 17 ||


nidarśanaṃ - yathā ubhayābhisārikāyāṃ -

śāntiṃ yāti śanermahauṣadhivalādāśīviṣāṇāṃ viṣaṃ
śakyo mocayituṃ madotkaṭakaṭādātmā gajendrādvane |
grāhasyāpi mukhānmahārṇavajale mokṣaḥ kadācidbhaved 
veśastrīvaḍavāmukhānalagato naivotthito dṛśyate ||

niruktaṃ - yathā vatsarājacarite prathame'ṅke bharatarohakaḥ rājānamāha - 
prasahya haraṇe kevalaṃ pramāditā khyātiḥ |

rājā - kimetat |

bhara - sadoṣeṣu kāryeṣu yadalpadoṣaṃ tatprārabdhavyam |
vasuvarmā - svāmina tatrāpyahaṃ vācyadoṣaṃ na paśyāmi | kutaḥ -

nītā balātprakṛtibhadratarā subhadrā yadvāsubhadrabhaginī kapiketanena |
devasya tena rāmabhūdvacanīyatā kiṃ tejaḥprakāśayaśasā yadudantināṃ vā 
||

śālaṃ - sādhu niruktamabhihitaṃ vasuvarmaṇā |

siddhiḥ - pradhānānāṃ spṛhaṇīyānāṃ 
prayojanāntarāṇāmatarkitopalabdhānāṃ parikīrtanam | yathā 
kaumudīmahotsave caturthe'ṅke mantraguptavacanaṃ -

saṅgatiśicramacintitapūrvā nirvṛtapraṇayinī mithunānām |
ādhirājyamadhirohati tasyāḥ ṣoḍaśīmapi kalāṃ na maghonaḥ || iti |


p. 355)

siddhān bahūn pradhānārthānuktvā yatra prayujyate |
viśeṣayuktaṃ vacanaṃ vijñeyaṃ tadviśeṣaṇam || 18 ||

guṇābhidhānairvividhairviparītārthayojitaiḥ |
guṇātipāto madhurairniṣṭhurārthairbhavedyathā || 19 ||

bahūn guṇān kīrtayitvā sāmānyajanasambhavān |
viśeṣaḥ kīrtyate yastu jñeyaḥ so'tiśayo budhaiḥ || 20 ||


viśeṣaṇaṃ - yathā tāpasavatsarāje tṛtīye'ṅke rājā vidūṣakamāha - ayi 
mūḍha -

vṛttirūlaphalādibhiḥ kṣititale śayyā jaṭādhāraṇaṃ
vāso valkalamīdṛśaṃ kṛtamidaṃ sāmānyamanyairapi |
saṃvegābhibhave vimūḍhamanasā yannānuyātā priyā
tanmithyāparibodhitena na kṛta snehānurūpaṃ mayā || iti |

guṇātipāto - yathā dhūrtaviṭe viṭaḥ -

jātyandhāṃ surateṣu dīnavadanāmantarmukhābhāṣiṇīṃ
hṛṣṭasyāpi janasya śokajananī lajjāpaṭenāvṛtām |
nirvyājaṃ svayamapyadṛṣṭajaghanāṃ strīrūpabaddhāṃ paśuṃ
kartavyaṃ khalu naiva bhoḥ kulavadhūkārāṃ praveṣṭuṃ manaḥ ||

atra kulastrīsamucitā vinayalajjādayo guṇā viparītārthayojitāḥ |

atiśayo vilakṣakurupatau dhṛtarāṣṭraṃ prati bhīṣmaḥ -

etatte hṛdayaṃ spṛśāmi yadi vā sākṣī tavaivātmajaḥ
saṃpratyeva tu gograhe yadabhavattattāvadākarṇyatām |
ekaḥ pūrvamudāyudhaiḥ sa bahubhirdṛṣṭastato'nantaraṃ
yāvanto vayamāhavapraṇayinastāvanta evārjunāḥ || iti |

tulyatarko - yathā vatsarājacarite'ṣṭame'ṅke rājā -

navārkabhāpallavitāmalodare sugandhire.ūtkarakesarojjvale |
rasāmṛtajño bhramaraḥ saroruhe kimarkapuṣpe praṇayaṃ kariṣyati || iti |


p. 356)

rūpakairupamābhirvā tulyārthābhiḥ prayojitaḥ |
apratyakṣārthasaṃsparśaratulyatarkaḥ prakīrtitaḥ || 21 ||

bahūnāṃ tu prayuktānāṃ padānāṃ bahubhiḥ padaiḥ |
uccayaḥ sadṛśārtho yaḥ sa vijñeyaḥ padoccayaḥ || 22 ||

yathādeśaṃ yathākālaṃ yathārūpaṃ ca varṇyate |
yatpratyakṣaṃ parokṣaṃ vā dṛṣṭaṃ tadvarṇato'pi vā || 23 ||


padoccayo yathā vatsarājacarite ṣaṣṭhe'ṅke rājottamasacivaṃ varṇayati -

khaḍgo rakṣāndhakāre raviraritibhire kāryabhāreṣu dhuryaḥ
dīpo mantrāndhakāre suragururanaye saṅkṛgo vyāpadoghe |
utkaṇṭhāyāṃ sabhāgī gatiranavasare candanaṃ śokanāṣe
saṃkṣepānmānuṣābho hitaśivavasukhado bhavyacintāmaṇirme ||

dṛṣṭaṃ pratyakṣaṃyathā mālavikāgnimitre -

vāmaṃ sandhistimitavalayaṃ nyasya hastaṃ nitambe
kṛtvā śyāmāviṭapasadṛśaṃ sastamuktaṃ dvitīyam |
pādāṅguṣṭhālulitakusume kuṭṭime pānitākṣaṃ
nṛttādasyāḥ sthitamatitarāṃ kāntamṛjyāyatākṣam || iti |

parokṣaṃ yathā pādatāḍitake madanasenāyā varṇanaṃ -

utkṣiptālakamīkṣaṇāntagalitaṃ kopāñcitāntabhruvā
daṣṭārdhoṣṭhamadhīradantakiraṇaṃ protkampayantyā mukham |
śiñjannūpurayā vikṛṣya vigaladraktāṃśukaṃ pāṇinā
mūrdhanyasya sanūpuraḥ sa madayā pādo'rpitaḥ kāntayā || iti |


p. 357)

parigṛhya tu śāstrārthaṃ yadvākyamabhidhīyate |
vidvanmanoharaṃ svantamupadiṣṭaṃ taducyate || 24 ||

pūrvāśayasamānārthairapratyakṣārthasādhanaiḥ |
anekopādhisaṃyukto vicāraḥ parikīrtitaḥ || 25 ||

vicārasyānyathābhāvastathādṛṣṭopadiṣṭayoḥ |
sandehājjāyate yatra sa vijñeyo viparyayaḥ || 26 ||


upadiṣṭaṃ yathāvimārake prathame'ṅke rājā -

dharmaḥ prāgeva cintyaḥ sacivamatigatiḥ prekṣitavyā svabudhyā
pracchādyau rāgaroṣau mṛduparupaguṇau kālayogena kāryau |
jñeyaṃ lokānuvṛttaṃ paracaranayanairmaṇḍalaṃ prekṣitavyaṃ
rakṣyo yatrādihātmā raṇaśirasi punaḥ so'pi nāvekṣitavyaḥ || iti |

yathā vā tantrāntaraviṣaye dhūrtaviṭe -

śūnye vāsaṃ pramardya dvirada iva latā yo haratyāśu nārīṃ
mattāṃ vā yo viditvā hyabhibhavati śanai rañjayanvākyaleśaiḥ |
anyaṃ kṛtvopadhiṃ vā chalayati kurute bhāvasaṅgūhanaṃ vā
tasyaitacceṣṭitaṃ bho na bhavati viphalaṃ vāmaśīlā hi nāryaḥ || iti |

pravṛttārthānusāri parokṣārthasādhakaṃ bahūpāyopādhidarśanaṃ vākyaṃ 
vicāraḥ -

yathā mudrārākṣase pañcame'ṅke rākṣasavākyaṃ -

sādhye niścitamanvayena ghaṭitaṃ vibhratsapakṣe sthitiṃ
vyāvṛttaṃ ca vipakṣato bhavati yattatsādhanaṃ siddhaye |
yatsādhyaṃ svayameva tulyamubhayoḥ pakṣe viruddhaṃ ca ya-
ttasyāṅgīkaraṇena vādina iva syātsvāmino nigrahaḥ ||

athavā vijñātāparāgahetubhiḥ prākparigṛhītopajāpairāpūrṇamiti na 
vikalpitumarhāmi || iti |


p. 358)

vācyamarthaṃ parityajya dṛṣṭādibhiranekadhā |
anyasminneva patanādāśubhraṃśaḥ sa iṣyate || 27 ||

ubhayoḥ prītijanano viruddhābhiniveśayoḥ |
arthasya sādhakaścaiva vijñeyo'nunayo budhaiḥ || 28 ||


viparyayo yathā rāvaṇaṃ prati sacivaḥ -

udakasiddhimicchadbhiḥ sadbhirna khalu dṛśyate |
caturthīcandralekheva parastrīphālapaṭṭikā ||

rāvaṇaḥ - parastrīkucakumbheṣu kumbheṣu varadantinām |
nipatanti na bhīrūṇāṃ dṛṣṭayaḥ śaravṛṣṭayaḥ ||

yathā vā mattavilāse śākyabhikṣuḥ - paramakāruṇi eṇa bha avadā tahāga eṇa 
pāsādesu vāso pajjaṃkeṣu sa aṇaṃ puvvaṇhe bho aṇaṃ ededdiṃ uvadesehiṃ 
bhiksusatassa aṇuggahaṃ karanteṇa kiṃ ṇu hu itthi āpariggaho 
surāpāṇavihāṇaṃ aṇādihaṃ | ahavā savvañco edaṃ uṇapekkhadi | avassaṃ 
edehi duṭṭabuddhatthavirehi ṇirucchā ehi ahmāṇaṃ taruṇajaṇāṇaṃ macchareṇa 
piḍa aputtha esu itthi āsurāpāṇavihāṇāṇi palāmudvāṇi iti takkemi ||

bhraṃśo yathā veṇīsaṃhāre dvitīye'ṅke kañcukinamāha duryodhana -

sahabhṛtyagaṇaṃ sabāndhavaṃ sahamitaṃ sasutaṃ sahānujam |
svabalena nihanti saṃyuge na cirātpāṇḍusutah suyodhanam ||

kañcu - (karṇau pidhāya sabhayaṃ) śāntaṃ pāpaṃ pratihatamamaṅgalam || iti |

anunayo yathā rāmābhyudaye dvitīye'ṅke rāmaparākramastutivyagraṃ 
mārīcamāha rāvaṇaḥ - āpratipakṣapakṣapātin kṣudra rāks'sāpaśada ! kiṃ 
bahunā -

tavaiva rudhirāmbubhiḥ kṣatakaṭhorakaṇṭhastutaiḥ
ripustutibhavo mama praśamametu kopānalaḥ |
suradvipaśirassthalīdalanadaṣṭamuktāphalaḥ
svasuḥ paribhavocitaṃ punarasau vidhāsyatyasiḥ ||


p. 359)

abhipretārthasiddhyarthaṃ kīrtyante yatra sūribhiḥ |
prayojanānyanekāni sā māletyabhisaṃjñitā || 29 ||

hṛṣṭaiḥ prasannavadanairyatparasyānuvartanam |
kriyate vākyaceṣṭābhistaddākṣiṇyamudāhṛtam || 30 ||

yatra saṃkīrtayandoṣaṃ guṇamarthena darśayet |
guṇātipātāddoṣānvā garhaṇaṃ nāma tadbhavet || 31 ||


iti khaḍgamākarṣati | tadā prahastaḥ (ubhayormadhye nipatya) - prasīdatu prasīdatu 
mahārājaḥ nedamanurūpaṃ svāminaḥ | deva -

lokatrayakṣayodvṛttaprakopāgresarasya te |
īdṛśaścandrahāsasya bhṛtyeṣvanucitaḥ kramaḥ || iti |

mālā yathā tāpasavatsarāje rājā -

dṛṣṭā yūyaṃ nirjitā vidviṣantaḥ prāptā devī bhūtadhātrī ca bhūyaḥ |
saṃbandho'bhūddarśakenāpi sārthaṃ kiṃ duṣprāpaṃ yanna labdhaṃ 
bhavadbhyaḥ || iti |

dākṣiṇyaṃ yathā ratnāvalyāṃ dvitīye'ṅke śīrṣavedanavyājena 
gantumudyatāṃ vāsavadattāṃ paṭāntena gṛhītvā nirundhan vatsarājaḥ priye 
prasīdeti vrūyām ityādi vadanniṣkrāntāyāṃ preyasyāṃ alamaraṇyaruditena iti 
vruvantaṃ vidūṣakamāha - mūḍha ! na lakṣitastvayā devyāḥ kopaḥ tatsarvathā 
devīprasādanaṃ muktvā nānyamatropāyakalayāmi | tadehi devīṃ 
prasādayitumabhyantaramevapraviśāvaḥ iti | 

atra rājño'nuvartanaṃ dākṣiṇyam |

garhaṇaṃ doṣasya guṇīkṛtatvaṃ yathā dhūrtaviṭe -

praṇaṣṭā na vyaktirbhavati vacasaḥ saiva mṛdutā
na rāgo netrābje tyajati na ca lajjā vyapagatā |
smṛtiḥ pratyāyātā parihṛṣitamadyāpi ca mukhaṃ
mado doṣāṃstyaktvā tvayi pariṇatastiṣṭhati guṇaiḥ ||


p. 360)

arthāntarasya kathane yatrānyo'rthaḥ pratīyate |
vākyamādhuryasaṃpannā sārthāpattirudāhṛtā || 32 ||

vākyaiḥ sātiśayairuktā vākyārthasya prasādhakaiḥ |
lokaprasiddhairbahubhiḥ prasiddhiriti kīrtitā || 33 ||


guṇātipāte doṣo yathā vatsarājacarite dvitīye'ṅke viṣṇutātaḥ -

nṛpāḥ prabhutvātpratiṣedhavāmā jibho vidhistadraśavarti kāryam |
sācivyato nāparamasti puṃsā viṣādaduḥkhāyaśasāṃ nidānam ||

yathā vā tāpasavatsarāje tṛtīye'ṅke lābhakāyanaḥ -

pūrvāhne kṛtabhojanavyatikarānnityaiva nirogatā
kaṇḍutirvapanādapaiti śiraḥ snānaṃ yadā rocate |
jātyācārakadarthanāvirahitaṃ brāhmaṇyamātmecchayā 
dhūrtaiḥ sattvahitāya kairapi kṛtaṃ sādhuvrataṃ saugatam ||

arthāpattiryathā dhūrtaviṭe -

ādaṣṭasphuritādhare bhavati yo vaktāravinde rasaḥ 
prītiryā ca hṛtāṃśuke ca jaghane kāñcīprabhodyo?tite |
lakṣmīryā ca nakhakṣatākuradhare pīne kapole striyo
raktaṃ tena virajyate na hṛdayaṃ jālantare'pi dhruvam ||

atra janmāntare'pi tasyā anuraktiranurvatata evetyukte janmāntareṣvapi virāgo na 
prabhavati tasmādbhavabandhavimuktirna syādityarthāpattirnāma lakṣaṇam |

prasiddhiḥ - prasādhakaiḥ prakṛṣṭasādhakaiḥ prasiddhaiḥ pūrvameva siddhaiḥ | 
yathā gadāyuddhe baladevaḥ duryodhanamāha - bhīmasena idānīṃ tava 
yuddhavañcanāmutpādya sthāsyati | 

duryo - kiṃ cāhaṃ bhīmasenena vañcitaḥ |
vala - atha kena bhavānenvaṃvidhaḥ kṛtaḥ |

p. 361)

yatrākārodbhavairvākyairātmānamathavā param |
pṛcchannivābhidhatte'rthaṃ sā pṛcchetyabhisaṃjñitā || 34 ||

dṛṣṭaśrutānubhūtārtha kathanādi samudbhavam |
sādṛśyaṃ kṣobhajananaṃ sārūpyamiti saṃjñitam || 35 ||


duryo - śrūyatāṃ

yenendrasya ca pārijātakatarurmānena tulyaṃ hṛto
divyaṃ varṣasahasramarṇavajale suptaśca yo līlayā |
dīptyā bhīmagadāṃ praviśya sahasā nirvyājayuddhapriyaḥ
tenāhaṃ jagatāṃ priyeṇa hariṇā mṛtyoḥ pratigrāhitaḥ ||

atra vākyārthasya sādhakā eva bhagavato viṣṇoḥ 
pārijātāharaṇalīlāvaṭapatraśayanādayaḥ | anye tu prasādakairalaṅkāribhiriti 
gṛhṇanti |

pṛcchā śokādiparavaśatayātmānaṃ vā paraṃ vā parokṣe saṃbodhya 
pṛcchannivābhidhānam | tannottaramapekṣate tasyaiva pratyāyakatvāt |

yathā rāmacarite hanumān sītāṃ dṛṭvāha -

sthāne'vasīdasi raghūdvaha kiṃ vidhātaḥ
asyāstvayekṣitamalakṣaṇamaṅgakeṣu |
adyāpi jīvasi daśānana he hanūman
keyaṃ tavābhimukhavarti ripoḥ pratīkṣā || iti |

sārūpyaṃ - ādiśabdena darśanaśravaṇānubhavanānyupalakṣitāni | atra 
rūpavibhrāntyā na kṣobhajananameva lakṣaṇasya camatkṛtiḥ | yathā chalitarāme 
lakṣmaṇena badhvānīto lavo rāmayajñaśālāyāṃ hiraṇmayīṃ sītāṃ 
dṛṣṭvāha - aye kathamiyamambā rājadvāramāgatā iti sahasotthāya praṇamya 
tadanantaraṃ kāñcanamayīti nirvarṇyopasṛtyopaviśati ||

yathā vā veṇīsaṃhāre - duryodhanaṃ hatvāgacchantaṃ bhīmasenaṃ 
duryodhanamiti cārvākavārtayaiva bhrāntvā dharmasūnustaṃ gāḍhaṃ 
gṛhītvāha 

āśaiśavādanudinaṃ janitāparādho
matto balena bhujayorhatarājaputraḥ |
āsādya me'ntaramidaṃ bhujapañjarasya
jīvanprayāsi na padātpadamadya pāpaḥ || iti 


p. 362)

hṛdayasthasya vākyasya gūḍhārthasya vibhāvakam |
anyāpadeśaiḥ kathanaṃ manoratha iti smṛtaḥ || 36 ||

yadvākyaṃ vākyakuśalairupāyenābhidhīyate |
sadṛśārthābhiniṣpattyā sa leśa iti kīrtitaḥ || 37 ||


manorathao yathā vikaṭanitammāprahasane vikaṭanitambāha

anyāsu tāvadupamardasahāsu bhṛṅga
lolaṃ vinodaya manaḥ sumanolatāsu |
mugdhānanāmarajasaṃ kalikāmakāle
vālāṃ kadarthayasi kiṃ navamālikāyāḥ ||

atrātmānameva sumanolatātvenāpadiśati ||

leśo yathāvimārake dvitīye'ṅke dhātrī nāyakamāha - ayya kiṃ ciṃtī adi 
avimārakaḥ - bhavati śāstraṃ cintyate |

dhātrī - kiṃ ṇāma edaṃ ramaṇijjaṃ satthaṃ ciṃtī adi |

avi - bhavati yogaśāstraṃ cintyate |

dhātrī - (sasmitaṃ) paḍiggahīdaṃ maṃgalava-aṇaṃ jo-asatthaṃ evva hodu |

avi - ko nu khalu vākyārthaḥ | anyadapyabhilāpavaśādanyathā saṃkalpayāmi | 
ityādi |

anye tu lekha iti paṭhanniṅgitajñānābhidhānamiti ca lakṣayanti |

kṣobho yathā ratnāvalyāṃ tṛtīye'ṅke sāgarikaiveti matvā 
vāsavadattamupalālayato rājñaḥ sā svāvakuṇṭhanamapanīya 
vailakṣyamutpāditavatī |

rājā (añjaliṃ badhvā) - priye vāsavadatte prasīda prasīda |


p. 363)

paradoṣairvicitrārthairyatrātmā parikīrtyate |
adṛṣṭo'nyo'pi vā kaścitsa tu kṣobha iti smṛtaḥ ||

loke guṇātiriktānāṃ guṇānāṃ yatra nāmabhiḥ |
eko hi śabdyate tattu vijñeyaṃ guṇakīrtanam || 39 ||

prastāvenaiva śeṣo'rthaḥ kṛtsno yatra pratīyate |


vāsa (aśru nipātayantī) mā evvaṃ bhaṇa | aṇnagadā i edā i akkharā i | 

vidū - bhodi mahāṇubhāvā khu tumaṃ tā kkhamī adu dāva ekko avarāho pi ava 
assassa |

vāsa - ṇaṃ puḍhamasaṃgame vigghaṃ karantī e ma e jevva edassa avaraddhaṃ ṇa 
ajjaputtassa |

anye tu ātmanyabhūta tadbhāvabhāvana miti pare tvanyagate hetāvanyasmin 
kāryakalpana miti ca lakṣayanti ||

guṇakīrtanaṃ yathā vatsarājacarite caturthe'ṅke śālaṅkāyanaḥ - 
nīlanāgavyapadeśena samantataḥ śastraprabhābhāsurairasmadyodhaiḥ parītena 
mahati bhayasthāne vigatasaṃbhramaṃ -

tena proktaṃ dhairyagāmbhīryaśauryaprajñātejonītidākṣiṇyagarbham |
vākyaṃ sāmādyaṃ sorjitaṃ śrotraramyaṃ śāstrīkartavyaṃ tadbudhaiḥ 
svārthakāmaiḥ ||

bharatarohakaḥ - eṣa saṃkṣiptavistaro nāma |

rājā - tatastataḥ -

śāla - deva yastasya yuddhe mahati pravṛtte parākramaḥ sāhasalāñcanaḥ saḥ 
pradyumnarāmārjunabhīmakarṇasāmbābhimanyuṣvavicintya eva || ityādi

rājā - aho tu khalu svabhāvasiddhānāṃ guṇānāmavyabhicāritā | kutaḥ -

avidita iti naikadhā prayatnādbahudivasaṃ bahudhāparīkṣamāṇaḥ |
dviguṇamabhivirājate guṇaiḥ svairmaṇiriva jātiviśeṣavānmahārhaḥ ||


p. 364)

vacanena vinānuktasiddhiḥ sā parikīrtitā || 40 ||

yatprasannena manasā pūjyaṃ pūjayituṃ vacaḥ |
harṣaprakāśanārthaṃ tu sā priyoktirudāhṛtā || 41 ||

etāni kāvyasya ca lakṣaṇāni ṣaṭtriṃśaduddeśanidarśanāni 
prabandhaśobhākaraṇāni tajjñaiḥ samyakprayojyāniyathārasāni


siddhirthathā tāpasavatsarāje yaugandharāyaṇo ḍolāyitacittāṃ 
vāsavadattāmāha -

kauśāmbīṃ paribhūya naḥ kṛpaṇakairvidveṣibhiḥ svīkṛtā 
jānāsyeva tathā rpamādaparatāṃ patyurnayadveṣiṇaḥ |
strīṇāṃ ca priyaviprayogavidhuraṃ cetaḥ sadaivātra me
vaktuṃ notsahate manaḥ paramato jānātu devī svayam ||

yathā vā tatraiva dvitīye'ṅke vinītabhadro devīprasthānaṃ varṇayannāha -

māmuddhiśya tathā devyā vāṣpasaṃruddhakaṇṭhayā |
āryaputraṃ pratītyuktaṃ vaktavyaṃ na samāhitam ||

priyoktiryathā vatsarājacarite saptame'ṅke bharatarohako vatsarājāya 
vāsavadattāṃ vīṇābhyāsārthamarpayitukāmastaṃ dṛṣṭvāha -

yā śete kaustubhasya dyutikisalayite śāradavyomanīle
viṣṇorvakṣasyudāre rajanikarakarākārahāropahāre |
sābhyetyāliṅgatu tvāṃ praśithilagalitenottarīyeṇa lakṣmī-
rharpādāpīḍayantī navakamalarajorocanābhyāṃ stanābhyām || iti 

(evameva śravyaprabandheṣvapi 
kathāśarīrasaṃvidhānasaṃbhāṣaṇavaidagdhyarūpaḥ kavivyāpāro 
lakṣaṇākhyo draṣṭavyaḥ |)

iti ṣoḍaśādhyāyānubandhaḥ samāptaḥ |
śrī

nāṭyaśāstram

saptadaśo'dhyāyaḥ

evaṃ tu saṃskṛtaṃ pāṭhyaṃ mayā proktaṃ samāsataḥ |
prākṛtasya tu pāṭhyasya saṃpravakṣyāmi lakṣaṇam || 1 ||


caturdaśādhyāye vācikoktakrame saṃskṛtaṃ prākṛtaṃ ca vākyamityuktam | 
tatra saṃskṛtaprasaṅgena chandovṛttalakṣaṇādi nirūpitam | anena tvadhyāyena 
prākutasya svarūpaṃ nirūpyate | 
śāstraprasiddhasaṃkṛtaviparītaprākṛtaprasaṅgena 
nāmadheyibhāgarūparūpaṇaṃ śāstrāvihitānāṃ viparītarūpatvāt 
nāṭyasamayapātino bhāvamāris.ādināmasamūhasya paṭhanadharmāśca 
prākṛte'pi kimanyathā saṃskṛtavadveti cintāyāṃ prasaṅgena kāryasvarūpaṃ 
nirūpitam | daśarūpakanirṇayānantaraṃ samucitanirṇayamapi tathā -

alaṅkārā virāmāśca ye pāṭhye saṃskṛte matāḥ |
ta eva yatnataḥ kāryāḥ strīpāṭhye'pi ca saṃskṛte || (17-133)

ityadhyāyopānte prākṛtapāṭhyamevopasaṃhariṣyāmītyadhyāyasaṅgatiḥ | 
etāmave darśayati evaṃ tu saṃskṛtamityādi | pāṭhaviśeṣamarhati yatnena vā 
paṭhanīyaṃ viśiṣṭena rūpeṇa vā paṭhanārhaṃ āntaracittavṛttivaśādeva vā 
tathā paṭhituṃ śakyaṃ


p. 366)

etadeva viparyastaṃ saṃskāraguṇavarjitam |
vijñeyaṃ prākṛtaṃ pāṭhyaṃ nānāvasthāntarātmakam || 2 ||

trividhaṃ tacca vijñeyaṃ nāṭyayoge samāsataḥ |
samānaśabdaṃ vibhraṣṭaṃ deśīgatamathāpi ca || 3 ||

pāṭhyamekaṃ tu vijñeyaṃ saṃskṛtaṃ prākṛtaṃ yathā |
kamalāmalare.utaraṅgalolasalilādivākyasaṃpannam ||

prākṛtabandheṣvevaṃ saṃskṛtamapi yogamupayāti |
ye varṇāḥ saṃyogasvaravarṇānyatvamūnatāṃ cāpi || 5 ||


ācāryayatnena vā paṭhanīyamiti pāṭhyam | tatra prākṛtasya 
sāmānyalakṣaṇamāha (saṃskāreti) saṃskṛtameva saṃskāraguṇena yatnena 
parirakṣārūpeṇa varjitaṃ prākṛtaṃ prakṛtesaṃskārarūpāyā āgatam |

nanvapabhraṃśānāṃ ko niyama ityāha nānā yānyavasthāntarāṇi 
deśaviśeṣāsteṣvātmā niyatasabhāvo yasyāṃ deśaviśeṣeṣu prasiddhyā 
niyamitamityeva saṃskṛtā eva vācakāḥ anumānāttvanye te tvanyatve prasiddhiṃ 
gatā ityuktam | avatiṣṭhante'nyasminnityavasthāḥ deśāḥ | saṃskṛte same'pi 
prātipadike vibhaktau bhavitavyaṃ viparyāsena svareṇa vā deśīpadamapi 
svarasyaiva prayogāvasare prayujyata iti tadapi prākṛtameva 
avyutpāditaprakṛtestajjanaprayojyatvāt prākrtamiti kecit | saṃskṛtena 
samānaśabdānudāharati kamalāmaleti | vibhaktau liṅgasya prākṛte 
svātantryādavaśyaṃ bhedena bhāvyamityāha vākye samāsopapannaṃ yojitam | 
etatparijñānasya phalamāha evaṃ saṃskṛtamapi yogamiti | bhāṣāśleṣe 
patākāsthānakādau cāsya payoga uktaḥ | api śabdenedamāha prākṛtaprayoge 
samāse'pi na saṃskṛtasamateti kamala amala indu ityādau |


p. 367)

yāntyapadādau prāyo vibhraṣṭāṃstān vidurviprāḥ |
ye varṇā varṇagatā vyañjanayuktāśca ye svarā niyatāḥ || 6 ||

tānaparasparavṛtte prākṛtayuktyā pravakṣyāmi |

yathā -

e o āraparāṇi a aṃ āraparaṃ a pa a e ṇatthi |
vasa āramajjhimā i a kacavaggatavaggaṇihaṇā iṃ ||


vibhraṣṭamāha ye varṇā ityādi | etadeva prapañcyate e o āraparāṇi a ityādinā | 
ekārātparaḥ ai okārātparāḥ au aikāraikārau ca yebhyastāni (ca) | kiyanti āha 
pā a e pādasaṃkhyayā catvārītyarthaḥ ṛ ṝ ḷ ḹ | aṃkāraparo visarjanīyaḥ | 
vasakārayormadhye śaṣau | (kacavaggoti) kacatavargāṇāṃ


p. 368)

vaccaṃti kagatadayavā lopaṃ atthaṃ ca se vahaṃti sarā |
khaghathadhabhā uṇa hattaṃ uveṃti atthaṃ a muṃcaṃtā || 8 ||

upparahuttara āro heṭāhuttau a pā a e ṇatthi |
mottūṇa bhadravodraha padrahradacandrajā īsu || 9 ||


antyavarṇāḥ ṅa ña na iti dvādaśavarṇā na santi | (kageti) kagādayo lupyante 
tadīyaścārdhaṃḥ svarāṇāmeva | (khagheti) khādīnāṃ hatvaṃ kheṭa parigha 
atha dhānya (bhāvyādīnāṃ) vyañjanasya na bhavati |


e o āra ityādigāthānāṃ chāyā -

a okārapagaṇi ca aṃkārapara ca pādasaṃkhyayā prākṛte ? nāsti |
vasakāramadhye ca kacavarga tavarga nidhanāni ||

prāpnuvanti kagatadayavā lopa ardhaṃ ca teṣāṃ vahantiṃ svarāḥ |
khaghathadhabhāḥ punaḥ hatvamupeyanti ardhaṃ ca muñcamānā ||


p. 369)

khaghathadhabhāṇa ha-āro muhamehakahāvahūpahū-esu |
kagatadayavāṇa ṇiccaṃ vīyammi ṭhi-o saro ho i || 10 ||

cha iti ṣakāro nityaṃ boddhavyaḥ ṣaṭpadādiyogeṣu |
kilaśabdāntyo repho bhavati tathā khutti khaluśabdaḥ ||

ḍa iti ca bhavati ṭakāro bhaṭakaṭakakuṭītaṭādyeṣu |
satvaṃ ca bhavati śaṣayoḥ sarvatra yathā visaṃ saṃkā || 12 ||


uparistho'dhaḥstho vā rakāraḥ prākṛte nāsti (?) |
muktvā bhadra cādreha hrada draha candra dhātrī śabdeṣu |
khaghathadhabhānāṃ hakāro (yathā) mukha megha kathā vadhū prabhūteṣu |
kagatadayavānāṃ nityaṃ dvitīye sthitaḥ svaro bhavati ||


p. 370)

aspaṣṭaśca dakāro bhavatyanādau takāra itarādyaḥ |
baḍabātaḍāgatulyo bhavati ḍakāro'pi ca kakāraḥ || 13 ||

vardhanagate ca bhāve dhakāravarṇo'pi ḍhatvamupayāti |
sarvatra ca prayoge bhavati nakāro'pi ca ṇakāraḥ || 14 ||

āpānaṃ āvāṇaṃ bhavati pakāreṇa vatvayuktena |
ayathātathādikeṣu tu bhakāravarṇo vrajati dhatvam || 15 ||

paruṣaṃ pharusaṃ vidyātpakāravarṇo'pi phatvamupayāti |
yastu mṛtaḥ so'pi ma o yaśca mṛgaḥ so'pi hi tathaiva 
okāratvaṃ gacchedaukāraścauṣadhādiṣu niyuktaḥ |
pracalācirācalādiṣu bhavati cakāro'pi tu yakāraḥ ||


bhadrādiṣu na bhavati | apica codrahahṛdaduḥkhādīnāmiti | atrodāhara ṇāni 
mukhaṃ muhaṃ ityādikāni | anādau sthāne ṭakāro ḍakāraśca aspaṣṭo 
laghuprayatna uccāryaḥ yena kramāddakāraśca lakārācchayau bhavataḥ | yathā 
udaraṃ udalaṃ tathaiveti |


p. 371)

aparasparaniṣpannā hyevaṃ prākṛtasamāśrayā varṇāḥ |
saṃyjtānāṃ tu punarvakṣye parivṛttisaṃyogam || 18 ||

ścapsatsathyāḥ cha iti tathā bhyahyadhyā bhavanti tu jhakārāḥ |
ṣṭaḥ ṭthaḥ staḥ tthaḥ sṃo mha kṣṇo hṇaḥ ṣno ṇhaḥ kṣaḥ 
khakārarūpo'pi || 19 ||

āścaryaṃ acchariyaṃ niścayamicchanti ṇicchayaṃ ca yathā 
vatsaṃ vacchaṃ ca yathā apsarasaṃ tadvadacchara-aṃ || 20 ||

utsāho ucchāho pathyaṃ pacchaṃ ca vijñeyam |
tubhyaṃ tujjhaṃ mahyaṃ majjhaṃ vindhyaśca bhavati viṃjjhotti || 21 ||

daṣṭo daṭṭhotti tahā hasto'pi ca bhavati hatthotti |
grīṣmo gimhotti tathā ślakṣṇaṃ sahṇaṃ sadā tu vijñeyam ||


aparasparaniṣpannā ityanyonyamāśliṣṭā asaṃyogarūpā ityarthaḥ | 
yatrasaṃyuktāsteṣāmiti ṣaṣṭhībahuvacanam | krameṇa svayamudāharati vaccho 
ityādi | (viparīta iti) brahmā vamhāvat hatvamiti uparigato'dhastāditi śakraṃ 
arkaḥ (iti) dvitīyaṃ saṃyujyamānamapāsya sa uparigata eva cādeśaḥ kriyate 
sakko akko | muninā ca digdarśitā vistāravijijñāsuḥ prākṛtadīpikādikamava-


p. 372)

uṣṇaṃ uhṇaṃ yakṣo jakkho pallaṃku bhavati paryaṅko |
viparītaṃ hamayoge brahmādau syād bṛhaspatau phatvam ||

yajño bhavati ca janno bhīṣmo bhimhotti vijñeyaḥ |
uparigato'dhastādvā bhavetkakārādikastu yo varṇaḥ || 24 ||

sa hi saṃyogavihīnaḥ śuddhaḥ kāryaḥ prayoge'smin |
emametattu vijñeyaṃ prākṛtaṃ saṃskṛtaṃ tathā || 25 ||

ata ūrdhvaṃ pravakṣyāmi deśabhāṣāvikalpanam |
bhāṣācaturvidhā jñeyā daśarūpe prayogataḥ || 26 ||

saṃskṛtaṃ prākṛtaṃ caiva yatra pāṭhyaṃ prayujyate |
atibhāṣāryabhāṣā ca jātibhāṣā tathaiva ca || 27 ||

tathā yonyantarī caiva bhāṣā nāṭye prakīrtitā |


lokayet | utpalaviracitāyā ca mūlavṛttau paddhatau ca sphuṭaṃ pūrṇa ca 
sarvamastīti tatrādaraḥ kāryaḥ |

saṃskṛtaprākṛtarūpaiva bhāṣā vaktubhedāccaturdhā saṃpanneti darśayati 
saṃskṛtaṃ prākṛtaṃ ca pāṭhyamiti | saṃskṛtaiva bhāṣā 
svarabhedādipūrṇasaṃskāropetā saṃskṛtabhāṣā bhāṣābhedānāmuktā 
vaidikaśabdabāhulyādāryabhāṣāto vilakṣaṇatvamasyā ityanye |


p. 373)

atibhāṣā tu devānāmāryabhāṣā tu bhūbhujām || 28 ||

saṃskārapāṭhyasaṃyuktā samyaṅnyāyyapratiṣṭhitā |
dvividhā jātibhāṣā ca prayoge samudāhṛtā || 29 ||

mlecchaśabdopacārā ca bhārataṃ varṣamāśritā |
atha yonyantarībhāṣā grāmyāraṇyapaśūdbhavā || 30 ||

nānāvihaṅgajā caiva nāṭyadharmīpratiṣṭhitā |
jātibhāṣāśrayaṃ pāṭhyaṃ dvividhaṃ samudāhṛtam || 31 ||

prākṛtaṃ saṃskṛtaṃ caiva cāturvarṇyasamāśrayam |
dhīroddhate salalite dhīrodātte tathaiva ca || 32 ||

dhīrapraśānte ca tathā pāṭhyaṃ yojyaṃ tu saṃskṛtam |
eteṣāmapi sarveṣāṃ nāyakānā prayogajam || 33 ||

kāraṇavyapadeśena prākṛtaṃ saṃprayojayet |


paśupakṣiprabhṛtīnāṃ yadrutaṃ tat nāṭyaprayoge kutrāpyavasare 
saṃbhāvyamityāha nāṭyadharmīti | upacāro vyavahāraḥ | kāraṇavyapadeśeneti 
avasthādivaśāt yathā - arjunasya bṛhannalārūpeṇa pracchannasya 
kāraṇānyāharate |


p. 374)

dāridryādhyayanābhāvayadṛcchādibhireva ca || 34 ||

aiśvaryeṇa pramattānāṃ dāridryeṇa plutātmanām |
anadhītottamānāṃ ca saṃskṛtaṃ na prayojayet || 35 ||

vyājaliṅgapraviṣṭānāṃ śramaṇānāṃ tapasvinām |
bhikṣucakracarāṇāṃ ca prākṛtaṃ saṃprayojayet || 36 ||

bhāgavatatāpasonmattabālanīcagrahopasṛṣṭeṣu |
strīnīcajātiṣu tathā napuṃsake prākṛtaṃ yojyam || 37 ||

parivrāṇmuniśākyeṣu cokṣeṣu śrotriyeṣu ca |
śiṣṭā ye caiva liṅgasthāḥ saṃskṛtaṃ teṣu yojayet || 38 ||

rājñyāśca gaṇikāyāśca śilpakāryāstathaiva ca |
kalāvasthāntarakṛtaṃ yojyaṃ pāṭhyaṃ tu saṃskṛtam || 39 ||


aiśvaryeṇeti śrutādhyayanaśūnyatvamanena lakṣyate | krīḍāpītyanye | 
vyājaliṅgaṃ ye praviṣṭā jīvikādyartham | cakracarā ye cakreṇa jīvanti | 
bhāgavatā iha devalakāḥ | uttamagrahaiḥ devagandharvādibhirākrāntānāṃ 
saṃskṛtabhāṣetyabhiprāyeṇāha nīcagnaheti | nīcagrahaiḥ 
piśācādibhirupasṛṣṭeṣu svīkṛteṣviti | nīcajātayaścaṇḍālādyāḥ | cokṣā 
bhāgavataviśeṣā ye ekāyanā iti prasiddhāḥ | liṅgasthā yatiprabhṛtayaḥ | 
śilpakārikāḥ kalāsu vidagdhāḥ | rājñaḥ strī ma *? devīrūpā 
upacārādrājaśabdavācyeti ana upadhā lopina iti ḍīpi rājñī


p. 375)

sandhivigrahasaṃbandhaṃ tathā ca prāptavāggatim |
grahanakṣatracaritaṃ khagānāṃ rutameva ca || 40 ||

sarvametattu vijñeyaṃ kāvyabandhe śubhāśubham |
nṛpapatnyā smṛtaṃ tasmātkāle pāṭhyaṃ tu saṃskṛtam || 41 ||

krīḍārthaṃ sarvalokasya prayoge ca sukhāśrayam |
kalābhyāsāśrayaṃ caiva pāṭhyaṃ veśyāsu saṃskṛtam || 42 ||

kalopacārajñānārthaṃ krīḍārthaṃ pārthivasya ca |
nirdiṣṭaṃ śilpakāryāstu nāṭake saṃskṛtaṃ vacaḥ || 43 ||

āmnāyasiddhaṃ sarvāsāṃ śubhamapsarasāṃ vacaḥ |
saṃsargāddevatānāṃ ca taddhi loko'nuvartate || 44 ||

chandataḥ prākṛtaṃ pāṭhyaṃ smṛtamapsarasāṃ bhuvi |
mānuṣāṇāṃ ca kartavyaṃ kāraṇārthavyapekṣayā || 45 ||


yadi puṃyogādityatra ata iti vartate | rājñyāḥ saṃskṛte nimittaṃ darśayati 
sandhivigraheti yasmādrājñaḥ sandhivigrahasaṃbandhaṃ ṣāḍguṇyādi 
tathāgrahanakṣatraceṣṭitaṃ śubhāśubharūpaṃ pakṣirutaṃ ca 
śubhāśubhamitīyatsarvaṃ nṛpapatnyā jñeyaṃ tasmādrājñaḥ sā 
pratiśarīrakalpā kadācitsaṃskṛtayogyāpi bhavati |

sukhāśrayamiti | anena viśeṣalakṣaṇaprayogādi nirasyati | āmnāyaḥ 
purāṇādiḥ loko'nuvartate anumanyata iti yāvat | bhuvīti avatīrṇānāmiti


p. 376)

na barbarakirātānghra dramilādyāsu jātiṣu |
nāṭyaprayoge kartavyaṃ pāṭhyaṃ bhāṣāsamāśrayam || 46 ||

sarvāsveva hi śuddhāsu jātiṣu dvijasattamāḥ |
śaurasenīṃ samāśritya bhāṣāṃ kāvyeṣu yojayet || 47 ||

athavā chandataḥ kāryā deśabhāṣā prayoktṛbhiḥ |
nānādeśasamutthaṃ hi kāvyaṃ bhavati nāṭake || 48 ||

māgadhyavantijā prācyā śaurasenyardhamāgadhī |
bāhlikā dākṣiṇātyā ca sapta bhāṣāḥ prakīrtitāḥ || 49 ||

śakārābhīracaṇḍāla śabaradramilānghrajāḥ |
hīnā vanecarāṇāṃ ca vibhāṣā nāṭake smṛtā || 50 ||

māgadhī tu narendrāṇāmantaḥpurasamāśrayā |
ceṭānāṃ rājaputrāṇāṃ śreṣṭhināṃ cārdhamāgadhī || 51 ||

prācyā vidūṣakādīnāṃ dhūrtānāmapyavantijā |
nāyikānāṃ sakhīnāṃ ca śūrasenyavirodhinī || 52 ||


śeṣaḥ | śuddhāsviti anulomavaśena saṃskāravatsu jātiṣvapīti pāṭhaḥ |

deśabhāṣāṃ saṃkṣipyāha māgadhītyādi | bhāṣā saṃskṛtāpabhraṃśaḥ 
bhāṣāpabhraṃśastu vibhāṣā sā tattaddeśa eva gahvaravāsināṃ 
prākṛtavāsināṃca etā 


p. 377)

yaudhanāgarakādīnāṃ dākṣiṇātyātha dīvyatām |
bāhlīkabhāṣodīcyānāṃ khasānāṃ ca svadeśajā || 53 ||

śakāraghoṣakādīnāṃ tatsvabhāvaśca yo gaṇaḥ |
śakārabhāṣā yoktavyā cāṇḍālī pulkasādiṣu || 54 ||

aṅgārakārakavyādhakāṣṭha yantropajīvinām |
yojyā śakārabhāṣā tu kiṃcidvānaukasī tathā || 55 ||

jagāśvājāvikoṣṭrādighoṣasthānanivāsinām |
ābhīroktiḥ śābarī vā drāmiḍī vanacāriṣu || 56 ||

suraṅgākhanakādīnāṃ sandhikārāśvarakṣatām |
vyasane nāyakānāṃ cāpyātmarakṣāsu māgadhī || 57 ||


eva nāṭye tu | anye tu nidarśanārthatvādasya paiśācyādayo'pi prayojyā 
ityāhuḥ | narendrāṇāṃ yadantaḥpuraṃ tannivāsināmiti saṃbandhaḥ | 
dīvyatāmiti kitavānām | śakārā nīcābhijanāḥ ārthībhūtatvena sadarpāḥ | 
śakārābahulā bhāṣā śakārabhāṣā | pulkaso ḍombaḥ mṛtapa ityanye | 
vanaukasāmiyaṃ vanecarītyarthaḥ | suraṅgākhanakāḥ sandhicchedakṛtaḥ | kārā 
bandhanagṛham | vyasanaṃ kasyāṃcidāpadi jātāyāṃ mā māṃ loko 
jñāsyatītityabhiprāyeṇātmano rakṣārthaṃ nāyako'pi māgadhyā vyavaharet | 
dramiḍakādi pūrvavidhānādiniṣedho viśiṣṭeṣviti paryantavā-


p. 378)

na barbarakirātāndghra dramilādyāsu jātiṣu |
nāṭyaprayoge kartavyaṃ kāvyaṃ bhāṣāsamāśritam || 58 ||

gaṅgāsāgaramadhye tu ye deśāḥ saṃprakīrtitāḥ |
ekārabahulāṃ bhāṣāṃ teṣu tajjñaḥ prayojayet || 59 ||

vindhyasāgaramadhye tu ye deśāḥ śrutimāgatāḥ |
nakārabahulāṃ teṣu bhāṣāṃ tajjñaḥ prayojayet || 60 ||

surāṣṭrāvantideśeṣu vetravatyuttareṣu ca |
ye deśāsteṣu kurvīta cakāraprāyasaṃśrayām || 61 ||

himavatsindusauvīrānye janāḥ samupāśritāḥ |
ukārabahulā tajjñasteṣu bhāṣāṃ prayojayet || 62 ||

carmaṇvatīnadītīre ye cārbudasamāśrayāḥ |
okārabahulāṃ nityaṃ teṣu bhāṣāṃ prayojayet || 63 ||

evaṃ bhāṣāvidhānaṃ tu kartavyaṃ nāṭakāśrayam |
atra noktaṃ mayā yattu lokād grāhyaṃ budhaistu tat || 64 ||


sipu dramiḍeṣu draṣṭavyo barbarāndrhādisāhacaryād bhāṅgeladeśādigateṣu | 
gaṅgāsāgaramadhya iti pūrvadeśa upalakṣitaḥ |

vindhyasāgaramadhya iti dakṣiṇasaurāṣṭrāḥ | surāṣṭrāvantideśeṣviti 
paścimaḥ vetravatyādinottaraḥ | vākyavidhānamityekenāpi padena sakalo 
vākyārthaḥ sphuṭī-


p. 379)

evaṃ bhāṣāvidhānaṃ tu mayā proktaṃ dvijottamāḥ |
punarvākyavidhānaṃ tu laukikaṃ saṃnibodhata || 65 ||

uttamairmadhyamairnīcairye saṃbhāṣyā yathā narāḥ |
samānotkṛṣṭahīnāśca nāṭake tānnibodhata || 66 ||

devānāmapi ye devā mahātmāno maharṣayaḥ |
bhagavanniti te vācyā yāsteṣāṃ yoṣitastathā || 67 ||

devāśca liṅginaścaiva nānāśrutadharāśca ye |
bhagavanniti te vācyāḥ puruṣaiḥ strībhireva ca || 68 ||

āryeti brāhmaṇaṃ brūyānmahārājeti pārthivam |
upādhyāyeti cācāryaṃ vṛddhaṃ tāteti caiva hi || 69 ||

nāmnā rājeti vā vācyā brāhmaṇaistu narādhipāḥ |
tatkṣāmyaṃ hi mahīpālairyasmātpūjyā dvijāḥ smṛtāḥ ||

brāhmaṇaiḥ sacivo vācyo hyamātya saciveti vā |
śeṣairanyairjanairvācyo hīnarāryeti nityaśaḥ || 71 ||


kriyate anyonyarūpatā nīyata ityabhiprāyeṇa vākyagrahaṇaṃ padavidhānaṃ hi 
bhaviṣyati | devānāṃ devāḥ stutyāḥ | tatheti strītvena bhagavatīti | 
nānaśrutadharāḥ bahuśrutāḥ | kṣāmyamityaṅgikartavyam | saciva iti rājño 
mantrī |


p. 380)

samaiḥ saṃbhāṣaṇaṃ kāryaṃ yena nāmnā sa saṃjñitaḥ |
hīnaiḥ saparivāraṃ tu nāmnā saṃbhāṣya uttamaḥ || 72 ||

niyogādhikṛtāścaiva puruṣā yoṣitastathā |
kārukāḥ śilpinaścaiva saṃbhāṣyāste tathaiva hi || 73 ||

mārṣo bhāveti vaktavyaḥ kiṃcidūnastu mārṣakaḥ |
samāno'tha vayasyeti haṃ ho haṇḍeti vādhamaḥ || 74 ||

āyuṣmanniti vācyastu rathī sūtena sarvadā |
tapasvīti praśāntastu sādho iti ca śabdyate || 75 ||

svāmīti yuvarājastu kumāro bhartṛdārakaḥ |
somya bhadramukhetyevaṃ he pūrvaṃ cādhamaṃ vadet || 76 ||


saparivāraṃ nāmneti uttamo rājā hīnaiḥ svanāma parigṛhya yadyannāma 
vatsarāja somavaṃśamauktikamaṇe ityādi tena bhāṣyaḥ | saparihāsamiti vā 
pāṭhaḥ parihāsaḥ paritoṣopalakṣaṇaṃ tena cāṭukārādi paritoṣāvasare 
hīnairapi rājā nāmnā saṃbhāṣya | udayane mahīṃ śāsati ko 
vipadāmavakāśaḥ ityādau | kārukāḥ stūpakārādayaḥ 
śilpinaścitrakārādayaḥ | bhāvetyāmantraṇaṃ vivakṣitamityanyavibhaktyanto na 
prayojya ityetattvayuktam | vayasyetyevamādāvapi 
prasaṅgātsaṃbhāṣaṇāpakramakṛtādyāmantraṇavibhaktiḥ sarvatra vivakṣitaiva | 
adhamairjanaiḥ samāno'dhama eva haṃho haṇḍe iti vā saṃbhāṣyaḥ | cakārād 
vināpi


p. 381)

yadyasya karma śilpaṃ vā vidyā vā jātirevavā |
sa tena nāmnā bhāṣyo hi nāṭakādau prayoktṛbhiḥ || 77 ||

vatsa putraka tāteti nāmnā gotreṇa vā punaḥ |
vācyaḥ śiṣyaḥ suto vāpi pitrā vā guruṇāpi vā || 78 ||

saṃbhāṣyā śākyanirgranthā bhadanteti prayoktṛbhiḥ |
āmantraṇaistu pāṣaṇḍāḥ śeṣāḥ svasamayāśritaiḥ || 79 ||

deveti nṛpatirvācyo bhṛtyaiḥ prakṛtibhistathā |
bhaṭṭeti sārvabhaumastu nityaṃ parijanena tu || 80 ||

rājannityṛṣibhirvācyo hyapatyapratyayena vā |
vayasya rājanniti vā bhavedvācyo mahīpatiḥ || 81 ||

vidūṣakeṇa rājñī ca ceṭī ca bhavatītyapi |
nāmnā vayasyetyapi vā rājñā vācyo vidūṣakaḥ || 82 ||

sarvastrībhiḥ patirvācya āryaputrti yauvane |
anyadā punarāryeti mahārājeti bhūpatiḥ || 83 ||


heśabdena | karma pākādi vidyā trayyādi | jātirgotraṃ deśo vā | śākyāḥ 
saugatāḥ nirgranthāḥ kṣapaṇakāḥ | śeṣāḥ pāṣaṇḍā iti pāśupatādayaḥ | 
svasamayo yathā pāśupatānāṃ bhāpuṣan bhāsarvajña ityādi saṃbhāṣaṇam 
tathā kvacidvākyādiśabdena | apatyapratyayeneti kauravetyādinā mahārājeti | 
yauvanādanyatrāryaputreti śvaśureṇa vyapadeśaḥ tasya yauvanaṃ 
śṛṅgārocitamuktaṃ bhavati |


p. 382)

āryeti pūrvajo bhrātā vācyaḥ putra ivānujaḥ |
(yopidbhiratha kāmyeti rājaputreti yodhanaiḥ ||) 84 ||

puruṣābhāṣaṇaṃ hyevaṃ kāryaṃ nāṭye prayoktṛbhiḥ |
punaḥ strīṇā pravakṣyāmi yathābhāṣyāstu nāṭake || 85 ||

tapasvinyo devatāśca vācyā bhagavatīti ca |
gurubhāryā tu vaktavyā sthānīyā bhavatīti ca || 86 ||

gamyā bhadreti vācyā vai vṛddhāmveti ca nāṭake |
rājapatnyastu saṃbhāṣyāḥ sarvāḥ parijanena vai || 87 ||

bhaṭṭinī svāminī devī tyevaṃ vai nāṭake budhaiḥ |
devīti mahiṣī vācyā rājñā parijanena vā || 88 ||

bhoginyaḥ pariśiṣṭāstu svāminya iti vā punaḥ |
kumāryaścaiva vaktavyāḥ preṣyābhirbhartṛdārikāḥ || 89 ||

svaseti bhaginī vācyā vatseti ca yavīyasī |
brāhmaṇyāryeti vaktavyā liṅgasthā vratinī ca yā || 90 ||


anujo jyeṣṭhena putravat vatsa tāta putraketi saṃbhāṣyaḥ | puruṣābhāṣaṇamiti 
bhūyastvākṣepa upasaṃhāraḥ | strīsaṃbhāṣaṇa. tvapi madhye nirūpitaṃ 
tapasvinya iti pūrvaṃ teṣāṃ yoṣita iti atra svayamatapasvinyo'pītyuktamiti na 
punaruktam | gurubhāryā mānyā anyā vā strī sthānīyā pūjyā īṣaddhṛddhā | 
patnīti sahadharma-


p. 383)

patnī cāryeti saṃbhāṣyā pitṛnāmnā sutasya vā |
samānābhistathā sakhyaḥ haleti syātparasparam || 91 ||

preṣyā hañjeti vaktavyā striyā yatūttamā bhavet |
ajjuketi ca vaktavyā veśyā parijanena ca || 92 ||

atteti gaṇikāmātā vācyā parijanena hi |
priyeti bhāryā śṛṅgāre vācyā rājñetareṇa vā || 93 ||

purodhaḥsārthavāhānāṃ bhāryāstvāryeti sarvadā |
talliṅgārthāni nāmāni kāryāṇi kavibhiḥ sadā || 94 ||

autpattikāni yāni syuraprakhyātāni nāṭake |
brahmakṣatrasyanāmāni gotra karmānurūpataḥ || 95 ||

kāvye kāryāṇi kavibhiḥ śarmavarmakṛtāni hi |
dattaprāyāṇi nāmāni vaṇijāṃ saṃprayojayet || 96 ||

(kāpālikāstu ghaṇṭāntanāmānaḥ samudāhṛtāḥ) |


cāriṇī ata eva naṭī nāṭyavedamahāsatradīkṣitena sūtradhāreṇāryeṇārye 
ityāmantyate | pitṛnāmneti māṭharaputrī | sutasyeti somaśarmajananī | veśyā 
svena parijanena ajjuke iti saṃbhāṣyā |

sarvadeti yauvane'pi purohitādibhirāryeti bhāryā vācyā | autpattikānīti svayaṃ 
vā yena kalpyante ata evākhyātāni talliṅgārthāni 
prakṛtārthasūcakābhidheyayuktāni kāryāṇi | etadeva nidarśanena sphuṭayati 
brahmakṣatrasyetyādinā |


p. 384)

śauryādāttāni nāmāni tathā śūreṣu yojayet || 97 ||

vijayārthāni nāmāni rājastrīṇāṃ tu nityaśaḥ |
dattā mitrā ca senā ca veśyānāmāni yojayet || 98 ||

nānākusumanāmānaḥ preṣyāḥ kāryāstu nāṭake |
maṅgalārthāni nāmāni ceṭānāmapi yojayet || 99 ||

gambhīrārthāni nāmāni hyuttamānāṃ prayojayet |
yasmānnāmānusadṛśaṃ karma teṣāṃ bhaviṣyati || 100 ||

jāticeṣṭānurūpāṇi śeṣāṇāmapi yojayet |
nāmāni puruṣāṇāṃ tu strīṇāṃ coktāni tattvataḥ || 101 ||

evaṃ nāmavidhānaṃ tu kartavyaṃ kavibhiḥ sadā |


śauryodāttānīti bhīmaparākrama iti yathā | vijayārthānīti 
śubhalakṣaṇavijayavatītyādīni | devadattāvasantasenāvidagdhamitretyādi 
veśyānām | nānākusumanāmānīti mālatīmalliketyādi kusumagrahaṇaṃ 
tanmañjaryāṣupalakṣaṇaṃ cūtalatiketyādyapi hi dṛśyate nāma | 
maṅgalārthānīti siddhārthakā ityādīni | gambhīrārthāni akṣobhya ityādīni | 
nāsti saṃketako bhāra ityāśayena pṛcchati atrottaraṃ nāmānurūpamiti | nāma 
kileśvarecchāvaśātsvarūpakroḍīkāreṇaiva jāyate | tathā hi nāmākṣare 
grahābhicārayantrakarmādipīḍite śāntikapauṣṭikādyupacārabhāji vā tahaiva 
puruṣasya phalodaya ityabhiprāyaḥ | kavitvayukto naṭa


p. 385)

evaṃ bhāṣāvidhānaṃ tu jñātvā karmāṇyaśeṣataḥ ||

tataḥ pāṭhyaṃ prayuñjīta ṣaḍalaṅkārasaṃyutam |
pāṭhyaguṇānidānīṃ vakṣyāmaḥ | tadyathā saptasvarāḥ trīṇi sthānāni 
catvāro varṇāḥ dvividhā kākuḥ ṣaḍalaṅkārāḥ ṣaḍaṅgānīti | 
eṣāmidānīṃ lakṣaṇamabhivyākhyāsyāmaḥ tatra 


ityebhiprāyeṇāha bhāṣāvidhānaṃ jñātvā tata iti tatparijñātapūrvakaṃ 
kāvyaṃ kṛtvā prayoge pāṭhyaṃ prayuñjītetyarthaḥ | yadi tvanyaḥ kavistadā 
pāṭhyasya saṃjñā ca mūlabhūtatvāt prayoktṛtvenokto draṣṭavyaḥ | 
ṣaḍalaṅkārasaṃyutamiti svarasthānavarṇakākalaṅkārāṅgāni ṣaṭ 
atrālaṅkāraśabdena vivakṣitāni etairhi bhūṣitaṃ kāvyaṃ pāṭhyamucyate |

evaṃ hi vaktavyatvamupādānasya yadi 
sakalasvavivakṣāviśiṣṭārthapratipādakatvaṃ paṭhanārhaṃ ca pāṭhyaṃ 
tatsvarādyāyattaṃ sarvamiti | ata evāha pāṭhyaguṇāniti guṇāḥ upakārakāḥ 
yadupakṛtaṃ pāṭhyaṃ bhavatītyarthaḥ |

uddeśakrameṇa vyācaṣṭe tatretyādi | svaragataṃ vitatya geyādhikāre 
prakaṭayiṣyāmaḥ | iha kākuṣu svarā eva vastuta upakāriṇaḥ | tatparikarabhūtaṃ 
tu sthānādi svareṣu prakṛtibhūteṣu kākurūpatā janyate | tatra 
sthānaśabdenaiṣāṃ svarūpaniṣpatterāśrayo darśitaḥ | 
udāttānudāttasvaritakampitarūapatayā svarāṇāṃ 
yadraktipradhānatvamanuraṇanamayaṃ 
tattyāgenoccanīcamadhyamasthānasparśitvamātraṃ pāṭhyopayogīti darśitam | 
yadi hi svaragatā raktiḥ pāṭhye prādhānyenāvalambyeta tadā gānakriyāsau 
syāt na pāṭhaḥ | pūrṇasvaratvābhāvādaṅgānāṃ bheda iti cet 


p. 386)

saptasvarā nāma - 
ṣaḍjarṣabhagāndhāramadhyamapañcamadhaivataniṣādāḥ | ta ete 
raseṣūpapādyāḥ | yathā -


na apūrṇasvaratve'pi gānatvapratijñānāt ṣāḍavauḍuvitayoḥ 
tricaturasvaratve'pi gānapratītirbhavatyeva yathā kṛtrimavaṃśikāyāṃ traisvarye 
bhinnaṣaḍrajabhāṣāyāṃ ca kālindyāṃ cātussvarye | 
tasmādgānavailakṣaṇyāya raktilakṣaṇaṃ dharmamanādṛtyoccādisthānasparśa 
evātra pradhānamiti vaktuṃ varṇopādānam | anyathā 
svarasaptakātiriktasyodāttāderbhāvādanarthakaṃ tadupādānam |

yattu kiṃcidudāttādidharmāṇāṃ gātrasya nigrahaḥ kaṇṭhavivarasya 
saṃvṛtetyādiśikṣāpaṭhitodāttādidharmaprāpteruccādyalaṅkāreṣu yathā 
syāditi prayojanamuktaṃ tatrāpyasmaduktaṃ cenna prayojanaṃ kiṃ 
taddharmaprāptyā kṛtyamiti na vidmaḥ ||

nanvevaṃ svarābhidhāne kiṃ prayojanaṃ ucyate - prāṇabhūtaṃ 
tāvaddhuvāgānaṃ prayogasya tatra jātyaṃśakaviniyogo bhaviṣyati tadidānāṃ 
pāṭhāvasare kiṃ sarvathaiva tyaktavyamityāśaṅkāśamanāya 
tatsthāyisvarāśrayaṇaṃ pramukhīkṛtya pāṭhaḥ kartavya 
ityetatsvarābhidhānasyeha prayojanam |

evamupagānavailakṣaṇye saṃpanne vāhyārthasamarpaṇena 
cittavṛttisamarpaṇayā vābhinayānubhāvarūpatālābhāya 
kākurartharasabhedenābhidhīyate | tata eva kākurūpatvameva sarvatrānuyāyi 
atiśāyitve mukhyopayogāt | tathā coccadīptādyalaṅkāreṣvapyuttaratra 
kākuśabdenaiva munirvyavahariṣyati | kākorevopakārasaṃpādakāḥ 
paripūrṇatāyāyino'laṅkārāḥ alamiti paryāptyarthaḥ iha na bhūṣaṇārthaḥ | 
aṅgāni tu vicchedādīni rasamarthaṃ śobhādi karma ca poṣayituṃ 
kākorevopakārīṇīti evaṃ paramārthataḥ kākurevāyaṃ pañcamī rūpāntarai 
pūrṇīkriyate | kākā ca paṭhyamānasya svocitacijjaḍasvarūpārthābhimukhyena 
nayanenābhinayatā nīyata iti kākurevātra pradhānam | tathā caitadadhyāyānte 
copasaṃhariṣyati uktaṃ kākuvidhānamiti | 
anyathāṅgaṣaṭkamadhyapatitasyopasaṃhāro'nyāṅganirūpaṇaṃ 
cābhidhānamiti sarvamasamañjasaṃ syāt | tasmātkākurevātra pradhānamiti 
upādhyāyā hi vacanasya saṅketitamarthamanathākāraṃ samarthayanti |

nanu śrutamarthamanādṛtya kathaṃ kākurevaṃ kuryāt | tatroktamanyaiḥ 
vastusvabhāvo'tra draṣṭavyo na hi dṛṣṭe'nupapannaṃ nāmeti | vayaṃ tu 
brūmaḥ - iha yeyaṃ prathamena 


p. 387)

hāsyaśṛṅgārayoḥ kāryau svarau madhyamapañcamau || 103 ||

ṣaḍjarṣabhau tathā caiva vīraraudrādbhuteṣvatha |
gāndhāraśca niṣādaśca kartavyau karuṇe rase || 104 ||

dhaivataścaiva kartavyo bībhatse sabhayānake |
trīṇi sthānāni - uraḥ kaṇṭhaḥ śira iti | bhavatyapi ca -


saṃvitspandena prāṇollāsanayā varṇādirūpaviśeṣahīnā vāg janyate sā 
nādarūpā satī harṣaśokādicittavṛttiṃ vidhiniṣedhādyabhiprāyaṃ vā 
tatkāryaliṅgatayā vā tādātmyena vā śrutyantādi gamamatīti tāvatsthitam | 
tathā ca prānyantarasya mṛgasārameyāderapi nādamākarṇya bhayaroṣaśokādi 
pratipadyate tadayaṃ nādāccittavṛttyādyavagamo'numānaṃ tāvat | ye tvete 
varṇaviśeṣāste tannādarūpasāmānyātmakapadatannugranthimayā iva 
prācyaprayātnātiriktanimittāntarapikṣāḥ tata evānyatrānabhiprete'nyathāpi 
prayoktuṃ śakyāḥ ata eva dṛṣṭavyabhicārāḥ | nādastu 
jhaṭityudbhinnamukharāgapulakasthānīyo nānyathāsiddho'nyathāsiddhaṃ 
śabdārthaṃ vādhata eva vā | yathoktaṃ bhīru na me bhayaṃ iti bruvannāśayate 
bhayamityanyaprakāratāṃ vā vākyārthasya viśeṣārpaṇena vidhatte | etacca 
vakṣyāmo'gna ityāstāṃ tāvat | sarvathā pāṭhye kākuḥ pradhānamiti sthitam | 
atra hāsyaśṛṅgārayorityādinā jātyaṃśakavīyogaṃ 
bhaviṣyantamanuvadaṃstad drutasthāyisvarānusāreṇa kākoḥ prayoga iti darśayati 
|

athaiṣāṃ svarāṇāmāśrayān darśayati trīṇi sthānānīti | nanu pāṭhāvasare 
varṇā yatra mūrdhanyāstatra kathamuraḥ sthānasvaraniṣpattiḥ evamanyatra 
vācyam | uktaṃ mandranādātmikāyā vācaḥ svarasaptakaṃ rūpaṃ sā 
coraḥsthānaniṣpannā satī mūrdhānamabhighnantī mūrdhanyaṃ varṇaṃ 
tadrūpaṃ mandrasvarānuviddhaṃ darśayati | na ca mūrdhasthānatve'pi 
tasyoccatākṛtaṃ tāratvamāpadyate | anyadeva hi varṇaniṣpattisthānaṃ 
mūrdhāntarvartyanuvivaramātraṃ sthānāntaram | svaraniṣpattistu vitatavitate 
mūrdha-


p. 388)

śārīryāmatha vīṇāyāṃ tribhyaḥ sthānebhya eva tu 
urasaḥ śirasaḥ kaṇṭhātsvaraḥ kākuḥ pravartate || 106 ||


kāye niṣpadyamānā tāratvaṃ saṃpadayantī evaṃ tāramandramadhyatā 
savarṇānāṃ sarva(svara?) sthānabhedasaṃpādyamānavapuṣāmapyupapadyate | 
tatra svaragrahaṇādevākṣipte sthānabhede punaḥ sthānopādānaṃ 
ṣaṭṣaṣṭisthānabhedanivṛttyartham | tathā puraḥsthāne dvāviṃśāti syānāni 
yatra śrutayaḥ svarāśca | evaṃ kaṇṭhe mūrdhni ca | tāvatāṃ ca sparśe 
sphuṭaṃ gānameva syāt na pāṭhyamityavocāma | ata eva guṇaśabdo na 
dharmavacanaḥ pāṭhyaguṇāniti kiṃ tu upakaraṇavacanasthānaṃ ca 
yadevopakaraṇaṃ bhavati | api ca śārīryāmatha vīṇāyāmityādi kecid 
vyācakṣate - ihārthakākustāvadvidhiniṣedhādyarthāvagamikā svarakākustṛ 
cittavṛttisūcikā | 
edadvyāpāradvayaśūnyānnepathyapāṭhavaitālīyapāṭhādiviṣayā 
dūrasthābhāṣaṇādiviṣayā ca śobhāsaṃpādanadūraśravaṇādiprayojanā 
svarakākuḥ sā tena vakṣyata iti | evaṃ praṣṭavyastāvat - yo'yaṃ 
svarakākorviṣaya uktastata yadyartharūpaṃ kiṃcidabhidheyaṃ 
tatrāvaśyamarthaṃkākorvā pṛthaksvarakākuḥ | tathā hi nepathyapāṭhe'pi 
kañcukī paṭhati vīro'yamaṅgadaḥ paṭhati yaugandharāyaṇaḥ paṭhati iti 
evaṃbhūtavṛtticittavṛttyādiviśeṣapratipādakenaiva pāṭhena bhavitavyam | 
vaitālīyapāṭhe'pi samucitāvasarāvedanapradhāne'vaśyamartha ādātavya eva | 
uktaṃ caitat - arthānapekṣayā kimabhinayanamanyacintayā pustakavācakapāṭho 
hyanukriyamāṇo'bhinayatāmavalambate | 
anyathābhinayarūpatvābhāvetadupakaraṇadharmyāditatphalarasādivyatiriktatve 
svarātodyagānādivailakṣaṇye ca cintayaiva kiṃ prayojanamiti | na 
syātkākusāmānyalakṣaṇametena kiṃ ghaṭata ityanye | evamapi 
bhavatītyasamarthitaṃ syāt taddhi pūrvaprakrāntavastusamarthanena prayujyata iti 
muneḥ śailī | tasmātpūrvoktasthānatrayasamarthanārtho'yaṃ ślokaḥ | 
tadayamarthaḥ - śārīryāṃ vīṇāyāṃ kevalamuraḥśiraḥkaṇṭhalakṣaṇebhyaḥ 
tribhya eva sthānebhyo na tu 
ṣaṭṣaṣṭisvaraparivyaktarañjanātmakagānopayogivyāpāraḥ kākubhūtaḥ 
sūcakarūpaḥ saṃpravartate |

athaśabdo'vadhāraṇe | bāhyāyāṃ hi rpatibimbitāyāṃ vīṇāyāṃ 
rañjanātmakakharasvarūpavyatirekeṇa na kākusaṃpattiḥ | vīṇāgrahaṇaṃ 
śarīragatavivṛtamadhyā-


p. 389)

abhāṣaṇaṃ ca dūrasthe śirasā saṃprayojayet |
nātidūre ca kaṇṭhena hyurasā caiva pārśvataḥ || 107 ||

urasodāhṛtaṃ vākyaṃ śirasā dīpayedbudhaḥ |
kaṇṭhena śamanaṃ kuryātpāṭhyayogeṣu sarvadā || 108 ||


kāśadeśaparigrahārthaṃ na śarīramātre svaraniṣpattiḥ api tu tatraiva | yeyaṃ 
bāhyavīṇādaṇḍasthānīyā uttarottarasthānaparamparāviśiṣṭā sā 
sthānasopānapaṅktiḥ svaraniṣpattisthānam ata eva kākusvaramapi lakṣitam - kaka 
laulye laulyaṃ ca sākāṃkṣate yathā svaravaicitryaṃ lakṣyate īṣadyato 
vācyabhūmiḥ saṃpadyate sā kākuḥ īṣadarthe kuśabdasya kādeśaḥ | kākurvā 
jihvā tadvyāpārasaṃpādyatvā kākuḥ |

evaṃ sthānasvarūpaṃ vibhajya tasya viṣayabhedamādarśayitumāha 
ābhāṣaṇaṃ ca dūrastha ityādi | śiraseti śironiṣpannena tāreṇa nādenetyarthaḥ 
| nātidūre kaṇṭheneti madhyena urasā samīpe mandreṇeti yāvat |

evaṃ sthānatrayasya pṛthagupayogamabhidhāya yugapaddarśayati urasodāhṛtaṃ 
vākyamityādinā | mandrasvareṇa vā pāṭhamārabhya krameṇa tāraṃ gatvā 
madhyena parisamāpnuyāditi ślokārthaḥ | yadā hi na dīptena krodhādinā nāpi 
mandrarūpeṇa śokādināviṣṭahṛdayo bhavati tadā krameṇa 
vaktavyavastuviṣayotsāhavisphāraṇāt tārāntaṃ gacchannupasaṃhāre madhya 
eva viśrāmyatītyanavaśiṣṭasyāyaṃ sāmānyena pāṭhadharmaḥ | ata eva śānte 
vyabhicārivalāveśaśūnyatāyāmayameva pāṭhadharmaḥ | vaitālīyapāṭhe 
cāyamapi sāmānyadharmo'stu | na tadviṣaye svarakākuḥ | kastarhi tasyā viṣayaḥ 
ucyate - kadācidarthasya dharmapuñjavācyasya dharmāntarādhānaṃ 
kākurucyate kadācitsvarajanakacittavṛttyarpaṇaṃ karoti | yatra rasasvara-


p. 390)

udāttaścānudāttaśca svaritaḥ kampitastathā |
varṇāścatvāra eva syuḥ pāṭhyayoge tapodhanāḥ || 109 ||

tatra hāsyaśṛṅgārayoḥ svaritodattairvarṇaiḥ pāṭhyamupapādyaṃ 
vīraraudrādbhuteṣūdāttakampitaiḥ karuṇabībhatsa bhayānakeṣva-


kākuvyavahāraḥ kadācidvā nādātmani svātmasūtre sugumbhitasya 
svagranthyātmano varṇarāśerdūraśravaṇaṃ kiṃcicchravaṇamaśravaṇaṃ 
vetyasminnarthe vyāpriyate | tatrāpi svarakākurucyate | yatroktamābhāṣaṇaṃ 
dūrasthamityādi tadevaṃ vyatirikte svasevā vyāpārād vyatiriktajaḍacidbhedena 
bhedāt tadartharasasvarabhedāt tridhaiva kākuḥ |

evaṃ sthānabhedamuktvā kramaprāptaṃ varṇasvarūpamāha udāttaśceti | 
uccatā nīcatā madhyamatā uccanīcobhayaḍolāvalambanamiti catvāraḥ 
svaradharmāḥ | varṇā guṇā yadi vā pāṭhakriyāvistārakā vivṛṇvate 
prakaṭayanti svārthaviśeṣamiti vā |

pāṭhyayoge kāvye svarasya raktibhāgamapahāya varṇā eva vaktavyāḥ | 
raktibhāgābhinveśe tu gānayogo na pāṭhyayogaḥ syādityavādiṣuḥ | 
tatrānvayavyatirekābhyāṃ raktibhāge'nudāttādivarṇabhāgaḥ 
kādivarṇabhāgaḥ | tasya sphuṭatāsphuṭatvamityāha yo 
dharmastantryāmanuraṇanapradhānāyāmaraktakaṇṭhe gātari 
yathākathaṃcidvaktuṃ pravṛtte huḍukkāmurajādau ca pṛthaglakṣyata eva | evaṃ 
pradhānatayā dharmāntarāṇi magnatvena tatrāpi santyeva | ata evāha tapodhanāḥ 
sūkṣmavedino yūyamatrādhikṛtā vicāra ityāśayaḥ | eṣāṃ varṇānāṃ 
viṣayamāha - hāsyaśṛṅgārayorityādi | madhyamapañcamāvityādau prakaraṇe 
yathāsaṃkhyaṃ na vivakṣitamityevaṃ hāsye madhyamāyāḥ pañcamyā vā 
jāteḥ sthāyisvaratvaṃ gṛhītvā tatraivoccamadhyamasthānasparśena paṭhet | 
evaṃ śṛṅgāravīrādiṣu triṣu ṣāḍjyā ārṣabhyā vā svāṃśaṃ gṛhītvā 
tatraivodāttakampitaiḥ pāṭhaḥ karuṇe niṣādavatyā gāndhāryā vā 
sthāyinamālambyānudāttena pāṭhaḥ vībhatse dhaivatyaṃśasvarāśrayeṇa 
svaritakṛtaḥ (pāṭhaḥ) | bhayānake tatsvarāvalambanenaiva (dhaivatāṃśa) 
kampitapradhānaḥ (pāṭhaḥ) - ityevaṃ bhaviṣyat (a-29) 
jātiviniyogānusārisvarānuvādena varṇeṣūdāttā-


p. 391)

nudāttasvaritakampitairiti | dvividhā kākuḥ sākāṃkṣā nirākāṃkṣā 
ceti vākyasya sākāṃkṣanirākāṃkṣatvāt |

aniyuktārthakaṃ vākyaṃ sākāṃkṣamiti saṃjñitam |
niyuktārthaṃ tu yadvākyaṃ nirākāṃkṣaṃ taducyate || 111 ||

tatra sākāṃkṣaṃ nāma 
tārādimandrāntamaniyuktārthamaniryātitavarṇālaṅkāraṃ 
kaṇṭhoraḥsthānagatam | nirākāṃkṣaṃ


diṣu tātparyaṃ na tu svareṣu | teṣāṃ tu pṛthaguddeśaprayojanaṃ ṣaṣṭhe 
darśitamantarālāpaparigrahamiti |

evaṃ kākoḥ svarūpotpattiṃ pratipādya tasyā arthaviṣaye vyāpāraṃ 
darśayannuddeśakramamapyanusartumāha - dvividhā kākuriti | vākyasyeti 
sākāṃkṣaṃ yatra vākyaṃ tatra kākuḥ tathā vaktṛgatā vākāṃkṣā vākya 
upacaryate | sā ca prakaraṇādibalānniścīyate | viśiṣṭaviṣayatvaṃ 
cākāṃkṣāyāstata evāvagamyate | tadāha - aniyuktārthakaṃ vākyamiti | 
yādṛśo vākyātsaṅketabalenārthaḥ pratīyate tādṛśa eva yatra nyūnādhikaḥ 
pramāṇabalena nirṇayayogyastadvākyaṃ nirākāṃkṣaṃ tadviparītaṃ 
sākāṅkṣam |

evaṃ vākyasya svarūpaṃ pratipādya tanniṣṭhāṃ kākumabhidhātumāha tatra 
sākāṅkṣamityādi | aniyuktārthaṃ yatsākāṃkṣamuktaṃ tanmandropakramaṃ 
tārasamāptikaṃ paṭhanīyamiti | sarvāṇi kriyāviśeṣaṇāni kiyanti tatra 
tāratetyāha kaṇṭhoraḥsthāna(gata) miti | tathā varṇā 
udāttādayo'laṅkārāścoccanīcadīptādayo'parisamāptā ardhaspṛṣṭatayaiva 
tyaktā yatreti kriyāviśeṣaṇam | evaṃbhūto yaḥ kriyāviśeṣaṇatvena vākye 
paṭhyamāne dhvanidharmaviśeṣaḥ sā kākuḥ | yadi vā sāmānādhikaraṇyenaiva 
vyākhyeyam | dharmo hi na svatantro bhātyapi tu dharminiṣṭha eveti | 
tatrākāṃkṣārthānta evātadarthagata eva vā viśeṣe tadarthābhāve vā | tathā 
ca -


p. 392)

nāma niyuktārthaṃ niryātitavarṇālaṅkāraṃ śiraḥsthānagataṃ 
mandrāditārāntamiti |

atha ṣaḍalaṅkārā nāma -

ucco dīptaśca mandraśca nīco drutavilambitau |
pāṭhyasyaite hyalaṅkārā lakṣaṇaṃ ca nibodhata || 113 ||

ucco nāma śiraḥsthānagatastārasvaraḥ sa ca 
dūrasthābhāṣaṇavismayottarottarasaṃjalpadūrāhvānatrāsanābādhād
yeṣu | dīpto nāma śiraḥsthānagatastārataraḥ sa cākṣepa-


yadrāmeṇa kṛtaṃ tadeva kurute droṇātmajaḥ krodhanaḥ || iti 

atra kākuḥ kṛta ityudāttakampitavarṇasyoccadīptālaṅkārasya cāsamāptyā 
ato'pyadhikaṃ kuruta iti kākuprabhāvādarthāntare gatiḥ | sa eṣa daśakandhara 
miti śloke tadātmaja ihāṅgada ityatra sākāṃkṣā kākuḥ svagatān 
vāliputrocitānviśeṣānarpayati | svasthā bhavanti mayi jīvati | ityatra sākāṃkṣā 
kākurbhāvanābhāvamāha vacanoccāraṇaṃ tvarthe saṃbhāvanāṃ 
vidadhatāvaśyaniṣedhātmano viṣayamarpayati | 
tadiyamarthābhiprāyasamarpakābhinayarūpārthakākuḥ sākāṃkṣā | 
etadviparītā nirākāṃkṣā tasyāḥ śiraḥsthāna eva mandraḥ 
tāratāpratisthānaṃ hyuttarottaratāratvamadharādharamandratvaṃ ca vakṣyāmaḥ 
| alaṃ paryāptaṃ kākoḥ svarūpaṃ yena saṃpādyate so'laṅkāraḥ | 
tatsvarūpaṃ ca sthānatrayasya pratyekamūrdhvādhomadhya-


p. 393)

kalahavivādāmarṣakruṣṭādharṣaṇakrodhaśauryadarpatīkṣṇarūkṣābhi
dhānanirbhartsanākranditādiṣu | mandro nāma uraḥsthānagato 
nirvedaglāni cintautsukyadainyavyādhi 
krīḍāgāḍhaśastrakṣatamūrchāmadaguhyārthavacanādiṣu | nīco nāma 
uraḥsthānastho mandrataraḥ sa ca svabhāvābhāṣaṇa 
vyādhiśamaśramārtatrastapatitamūrchitādiṣu | druto nāma kaṇṭhagataḥ 
sa ca tvaritaḥ lallanamanmanabhayaśītajvara 
trāsāyastātyayikakāryāvedanādiṣu | vilambito nāma kaṇṭhasthānagata-


kalpanayā udāttānudāttasvaritakampitanirvāhāt | tatra madhyo 
bhāmastāvadanoveśe sarvatra sthita eva | ityāveśenordhvamadharaṃ vā 
sthānatrayasya pratyekamavalambyata iti ṣaḍalaṅkārā bhavanti | tatra 
śirasyadhobhāge tāra ucyate durasthābhāṣaṇādau sa viṣayo'tra 
svarakākorityuktam | vismayāvagatau tu saiva rasakākuḥ parasya 
trāsanābhiprāyeṇa tu saiva vibhāvakākuḥ | svarakākoreva śrutikākuśceti 
bhedena śirasyeva ūrdhvastāratama ākṣepādau tāraśabdaḥ prakarṣopalkṣaṇam | 
atra hyākṣepādau yathāvasthaṃ śrutivibhāvarasakākubhedatrayaṃ vibhajanīyam 
| urasyūrdhvabhāge sa mandraḥ urasyeva nīcabhāge mandratamo nīcaḥ | dainye 
kākurdvirūpatāmeti - svacittavṛttyarpaṇādrasakākuḥ parasya 
rūpotpādanādvibhāvakākuḥ | ubhaya-


p. 394)

stanumandraḥ sa ca 
śṛṅgārakaruṇavitarkitavicārāmarṣāsūyitāvyaktārthapravādalajjācin
tātarjana vismayadoṣānukīrtanadīrgharoga nipīḍanādiṣu | 
atrānuvaṃśyā ślokā bhavanti || 114 ||

uttarottarasaṃjalpaparuṣākṣepaṇeṣu ca |
tīkṣṇarūkṣābhinayane āvege krandite tathā || 115 ||

parokṣasya samāhvāne tarjane trāsane tathā |
dūrasthābhāṣaṇe caiva tathā nirbhartsaneṣu ca || 116 ||

bhāveṣveteṣu nityaṃ hi nānārasasamāśrayā |
uccā dīptā druta caiva kākuḥ kāryā prayoktṛbhiḥ ||

vyādhite ca jvarārte ca bhayārte śītaviplute |
niyamasthe vitarke ca gāḍhaśastrakṣateṣu ca || 118 ||


syāpi tatra prādhānyenādaraṇāt anyatra 
tūbhayasyānādaraṇātpradhānāṃśenaiva vyapadeśaḥ | svabhāvābhāṣaṇaṃ 
yatra kaścidāvṛttakaṇṭhasvara eva vaktā bhavati trāsane patitaḥ trastapatitaḥ 
trāsāvasare tu dīptaiva kākurbhavati | kaṇṭhagata iti kaṇṭhasthāne ūrdhvabhāge 
niṣpannaḥ tena sthānabheda evālaṅkāratve prayojakaḥ | ata eva tvarita ityanena 
punarlayavidhānam | lallaṃ savilāsaṃ laḍaṃ vilāsaṃ lātīti kvivante 
karmalyupapada laḍayraikyamiti | manma * * * * * * *? meva mattomantā yatrati 
anenā-


p. 395)

guhyārthavacane caiva cintāyāṃ tapasi sthite |
mandrā nīcā ca kartavyā kākurnāṭyaprayoktṛbhiḥ ||

lalle ca manmane caiva bhayārte śītaviplute |
mandrā drutāca kartavyā kākurnāṭyaprayoktṛbhiḥ || 120 ||

dṛṣṭanaṣṭānusaraṇe iṣṭāniṣṭaśrute tathā |
iṣṭārthakhyāpane caiva cintādhyāne tathaiva ca || 121 ||

unmāde'sūyite caiva upālambhe tathaiva hi |
avyaktārthapravāde ca kathāyoge tathaiva ca || 122 ||

uttarottarasaṃjalpe kārye'tiśayasaṃyute |
vikṛte vyādhite krodhe duḥkhe śoke tathaiva ca || 123 ||

vismayāmarṣayoścaiva praharṣe paridevite |
vilambitā ca dīptā ca kākurmandrā ca vai bhavet ||


śrūyamāṇamanunāsikopalakṣitamityapare | lallamanmanau nāyikāgatau 
bālavinodanasāntvanādau muñcetyevaṃ prāyaparābhiyogānaṅgīkaraṇādau ca 
ityupādhyāyāḥ | mandrāpi kākuścātra bhavatīti saṃgrahaśloke vakṣyate | 
ātyayikaṃ śīghrasaṃpādyaṃ yatkāryam | āyastamāvegaḥ | kaṇṭhasthāne tu 
nīcabhāge niṣpanno vilambitaḥ | lallatvamavivakṣitameva | avyaktārthaḥ pravādaḥ 
- antaraṅgata iti loke prasiddho yatra | pare budhyatāṃ ca na budhyatāṃ ceti 
vakturabhiprāyo bhavati yanna svagataṃ na paragatamatreti | alaṅkāreṣūccā 
dīptā drutā ceti yathāyogaṃ sthānatrayamatra svīkṛtamityarthaḥ |


p. 396)

laghvakṣaraprāyakṛte gurvakṣarakṛte tathā |
uccā dīptā ca kartavyā kākustatra prayoktṛbhiḥ || 125 ||

yāni saumyārthayuktāni sukhabhāvakṛtāni ca |
mandrā vilambitā caiva tatra kākurvidhīyate || 126 ||

yāni syustīkṣṇarūkṣāṇi dīptā coccā ca teṣvapi |
evaṃ nānāśrayopetaṃ pāṭhyaṃ yojyaṃ prayoktṛbhiḥ || 127 ||

hāsyaśṛṅgārakaruṇeṣviṣṭā kākurvilambitā |
vīraraudrādbhuteṣūccā dīptā vāpi praśasyate || 128 ||

bhayānake sabībhatse drutā nicā ca kīrtitā |
evaṃ bhāvarasopetā kākuḥ kāryā prayoktṛbhiḥ || 129 ||

athāṅgāni ṣaṭ - vicchedo'rpaṇaṃ visargo'nubandho dīpanaṃ 
prasamanamiti | tatra vicchedo nāma virāmakṛtaḥ | 


atha sarvasaṃgrahārthamāha yāni saumyārthayuktānīti | soma iva hlādakaḥ 
saumyaḥ śākhāditvādyaḥ | sukhasya hetavaḥ kāryaśceti 
sukhabhāvakṛtaśabdena samāsabhedātsaṃgṛhītam | nānāśrayopetamiti 
nānāsthānaniviṣṭaṃ kṛtvetyarthaḥ sthānabhedaḥ kākunāṃ 
paryāptatākārītyuktam | ataḥ kākoreva prādhānyāttāmevopasaṃharati 
athāṅgānītyādinā |

prastāvāntaraṃ darśayati tatra varṇoccāraṇe varṇadhvaniśūnyo yaḥ 
kālastadāśrayo'ṅgavyavahāra iti vṛddhāḥ sa hi ṣoḍhā kālaḥ tataśca 
bhūyān punarādimadhyau bhūyān punarityayaṃ hi vicchedaḥ | ādau madhyaḥ 
svalpo madhyānte cārṣaṇaṃ 


p. 397)

arpaṇaṃ nāma līlāyamānamadhuravalgunā svareṇa pūrayateva raṅga 
yatpaṭhyate tadarpaṇam | visargo nāma vākyanyāsaḥ | anubandho nāma 
padāntareṣvapi vicchedaḥ anucchvasanaṃ vā | dīpanaṃ nāma 
tristhānaśobhi vardhamānasvaraṃ ceti | praśamanaṃ nāma 
tāragatānāṃ svarāṇāṃ praśāmyatāmavaisvaryeṇāvatāaṇamiti | 
eṣāṃ ca rasagataḥ 


vākye pūrva bhūyānmadhye drutaśca viparītako yaḥ sa visargaḥ | bahuṣu 
druto'tha madhyo manāgdruto'nte'nubandhaḥ syāt | tristhāne 
drutamadhyavilambitayug dīpanaṃ sadārohi viparītaṃ praśamanaṃ syāt 
layatrayaṃ caikarūpanirvāhāditi saṃgrahakāraḥ |

etanmatenaiva lakṣaṇāni vyācakṣate | etaccāsat | 
drutamadhyādilayairevāsyārthasya na tattvānna ca layavyavahārasāmye kālasyeti 
niyamakāraṇamasti | kiṃ ca layavaiṣamyasya vākyacaitanyāpekṣayā na 
bhāgatrayakalpanayaiva bhedā uktāḥ 
bhujaṅgavijṛmbhitādivākye'nantabhāgasaṃbhāvanāt | bhāgatraye ca 
drutamadhyavilambitānāṃ dvibhedatribhedatvānantye 
ṣaṭsaṃkhyāniyamaviplavaḥ | kvākāryaṃ iti hi ślokaprathamakhaṇḍeṣu 
madhyamalayo bhūyo'pi dṛśyate | setyādiṣu pāścātyakhaṇḍeṣu 
tatsmaraṇajanitasukhaviśrāntidāyiṣu vilambita iti dvilayabhedaḥ prayogaḥ | 
bhāgatrayakalanāyāmapi sāmyena vaiṣamyeṇa cānantaprakāratā bhavatīti 
kathaṃ syāt | kasmādetatsarvaṃ layābhidhānenaiva na saṃgṛhītam | 
tasmātsūtrasthānīyapadaratnānāṃ pāṭhakāle 
tvādāvuktataddharmaṣaṭkamaṅgaṣaṭkamucyate | tathā ca madhye 
truṭitatvamatruṭitatvaṃ vā tāvato vicchedānubandhau pīvaratvamapīvaratvaṃ vā 
imāvarpaṇavisargau ārohaṇamavarohaṇaṃ vā te dīpanapraśamane | evaṃ 
bhāvābhāvataḥ upacayāpacayataḥ ārohāvarohataśca ṣaḍbhedo nādaḥ | 
vākya-


p. 398)

prayogaḥ - tatra 
hāsyaśṛṅgārayorākāṃkṣāyāmarpaṇavicchedadīpanapraśamanayukta
ṃ pāṭhyaṃ kāryam | dīpanapraśamanayuktaṃ karuṇe | 
vicchedapraśamanadīpanānubandhabahulaṃ vīraraudrādbhuteṣu 
visargavicchedayuktaṃ bībhatsabhayānakayoriti | sarveṣāmapyeṣāṃ 
mandramadhya tārakṛtaḥ prayogastristhānagataḥ | tatra dūrasthābhāṣaṇe 
tāraṃ śirasā nātidūre madhyaṃ kaṇṭhena pārśvato mandramurasā 
prayojayetpāṭhyamiti | mandrāttāraṃ na gacchet tārādvā mandramiti |


sya nyāsaṃ tyajanamanādaraṇaṃ tanādasyeti yāvat | vaisvarya svaratvena vihiteṣu 
antarālaśrutiviśeṣeṣu dhvani (vi)saṃvādanādbhavatīti sarvatrābhyūhyam | 
hāsyādayaḥ śabdāstadvyabhicāriṇo'pi svīkurvate | tataśca 
tadvyabhicāriṇo'nyarasān rasāntare'pi tadā vyabhicāryāśraye vā kākuriti 
mantavyam | sarveṣāmityādināṅgānāṃ mūlabhūtaṃ sthānabhedaṃ 
smārayati | tatra dūrastha ityādinā viniyogavākyānāṃ lakṣye ekavākyatāṃ 
sūcayati | tathā hi śṛṅgāre 
yadudāttasvaritamuktamarpaṇavicchedādyaṅgajātaṃ vilambitaṃ cālaṅkāraḥ 
taddūrasthābhāṣaṇe kartavye śiraḥsthāne 
.
sa.japañcamayoranyatarasthāyisvarāśrayeṇāṃśasvaravibhāgacatuścatuṣkasam
miśraṃ kartavyamityevaṃ tātparyeṇedaṃ vyākhyeyam | anyathābhāṣaṇaṃ 
dūrasthe śirasetyādinā paunaruktyaṃ syāt |

atha dīpanapraśamanayorvaktavyaśeṣamāha mandrāttāraṃ na gacchedityādi | 
mandratarāttāraṃ tāratamānmandraṃ cetyarthaḥ |

uddeśagrantha eva kecillayā virāmāścetyabhidhīyante |


p. 399)

eṣāṃ ca drutamadhyavilambitāstrayo layā raseṣūpapādyāḥ | tatra 
hāsyaśṛṅgārayormadhyalayaḥ karuṇe vilambito 
vīraraudrādbhutabībhatsabhayānakeṣu druta iti || 131 ||

atha virāmaḥ arthasamāptau kāryavaśānna chandovaśāt | kasmāt 
dṛśyante hyekadvitricaturakṣarā virāmāḥ | yathā -

kiṃ gaccha mā viśa sudurjana vārito'si
kāryaṃ tvayā na mama sarvajanopabhuktam |
sūcāsu cāṅkuragate ca tathopacāre-
ṣvalpākṣarāṇi hi padāni bhavanti kāvye || 132 ||


anye tvāhuḥ - kālasya sarvasyāparibhāvyatvānnoddeśena prayojanaṃ 
matimantastu manyante | vicchedenaiva ca layametatsvīkṛtam | vicchedo virāmaḥ sa ca 
kiyantaṃ kālamiti layo'pi tenaiva svīkṛtaḥ | tena vicchedasya parīkṣeyaṃ kathiteti | 
tatreti vicchede arthasamāptinimittaṃ virāmo vāsya kāryaḥ | 
artho'vāntaravākyārthaḥ | na cchandovaśādityanena kavinā prayogaparatantreṇa 
tadā sa tadavasarocitavirāmavati vṛtte grahaṇaprayatnaḥ kāryaḥ | prayoktrāpi 
kaviparatantreṇa na bhāvyamityatnāpi tenārthavaśādvirāmaḥ kārya 
ityākhyātam | saṃkhyātra niyamopalakṣaṇaṃ ekadvitrīti | 
kimityetāvatyavāntaravākyārthe vicchedaḥ kiṃ gaccheti |

nanvevamekavākyatvābhāvo dūṣaṇāmityāśaṃkya pratyuta 
bhūṣaṇametadityupapādayannāha - sūcāsu cāṅkuragate ca 
tathopacāreṣvalpākṣarāṇi hi padāni bhavanti kāvye iti | bahuprakāraiḥ 
sūcābhinayaiḥ aṅkuraprakāraiśca yuktamitthaṃ kāvyaṃ bhavati 


p. 400)

evaṃ virāme prayatno'nuṣṭheyaḥ | kasmāt virāmo hyarthānudarśakaḥ | 
atra ślokaḥ -

virāmeṣu prayatno hi nityaṃ kāryaḥ prayoktṛbhiḥ | 
kasmādabhinayo hyasminnarthāpekṣī yataḥ smṛtaḥ ||

yatra vyagrāvubhau hastau tatra dṛṣṭisamanvitaḥ |
vācikābhinayaḥ kāryo virāmairarthadarśakaiḥ || 134 ||


yadi svalpākṣarāṇi padānyasamastāni bhavanti | bahvakṣarapade daridrāśca kiṃ 
yaste (?) ityādau na madhye sūcāṅkurayorupapattiḥ |

tasyāstanmukhamasti saumyasubhagaṃ kiṃ pārvaṇenendunā 

ityādau tu nasyā ityuktvā madhye sūcayā tadityasādhāraṇaviśeṣasmaraṇaṃ 
svātmani taccāvalokane tathākarṇane ca pracchannasthitāyā nāyikāyā 
nivṛttyaṅkure vaicitryaṃ punaḥ paricumbanābhilāṣasūcāyogapūrvakaṃ 
mukhamiti pāṭhastatkṛto nāyikāyā raṇaraṇakādaradarśako nivṛttyaṅkura 
ityādivaicitrye utprekṣanīyam | aṅkurastvanirvacana eveti nivṛttyaṅkura evātra 
mantavyaḥ | yatrāṅkuro bhaviṣyati tadviṣayametaditi tvasat puṣpāpacayanāṭane 
yadocitaparikramaṇādau pūrvabhāvinā svalpākṣareṇa padayogena 
vaicitryābhāvāt |

athāsya vicchedasyāṅgasya prādhānyaṃ darśayati - evaṃ virāma ityādi | 
asminniti virāme satyabhinayasthito yathāviṣayaṃ prayoktuṃ śakyaḥ | sa ca 
virāmādgamyate | virāme satyarthaṃ darśayati abhinaye'nyathā asamañjasatvaṃ 
syāditi tātparyam | yadi vābhinayo virāme sthita ityabhinayakāryaṃ virāma 
evodva*?tīti tātparyam | tadāha tatra vyagrāviti | pūrvaṃ 
dṛṣṭiprādhānyatātparyeṇetya-


p. 401)

prāyo vīre ca raudre ca karau praharaṇākulau |
bībhatse kutsitatvācca bhavataḥ kuñcitau karau || 135 ||

hāsye coddeśamātreṇa karuṇe ca pralambitau |
adbhute vismayātstabdhau bhayāccaiva bhayānake || 136 ||

evamādiṣu cānyeṣu pravicāre'tha hastayoḥ |
alaṅkāravirāmābhyāṃ sādhyate hyarthaniścayaḥ || 137 ||

ye virāmāḥ smṛtā vṛtte teṣvalaṅkāra iṣyate |
samāpte'rthe pade vāpi tathā prāṇavaśena vā || 138 ||

padavarṇasamāse ca drute bahvarthasaṃkaṭe |
kāryo virāmaḥ pādānte tathā prāṇavaśena vā || 139 ||

śeṣamarthavaśenaiva virāmaṃ saṃprayojayet |


paunaruktyam | vyāpakatvamasyā darśayati prāyo vīre ca raudre ceti | kuñcitāviti 
saṃkocavantāvityarthaḥ |

bhayācceti ślathāveva | uccadīptādiralaṅkāraḥ | sa ca vṛttavirāmeṣu yathā 
yo'yaṃ śastra vibharti ityatroccadīptakākuḥ padāntena vīraraudrayorapi 
sragdharādivṛtte ardhādau virāmo na kāryaḥ api tu pādānte paṭhitastāvat 
prāṇasaṃvedābhāvāt | prāṇavaśena vetyagatikāgatiriti vṛddhāḥ | taccāsat | 
śikṣāvaśenāharaṇīyo hi tatrāvicchedaḥ | tasmādayamarthaḥ - padānte 
vicchedaḥ kāryo yadi vā prāṇavaśena prāṇā rasabhāvādyāḥ tadaucityena 
chedaḥ | pādādāvapi tāvadanenānubandho'pi viccheda upayogīti darśitam | 
śeṣamiti na yatra citravṛtteḥ


p. 402)

atra ca bhāvagatāni rasagatāni ca kṛṣyākṣarāṇi boddhavyāni tadyathā -

ākāraikārasaṃyuktamaikāraukārasaṃyutam |
vyañjanaṃ yadbhaveddīrghaṃ kṛṣyaṃ tattu vidhīyate || 140 ||

viṣāde ca vitarke ca praśne'thāmarṣa eva ca |
kalākālapramāṇena pāṭhyaṃ kāryaṃ prayoktṛbhiḥ || 141 ||

śeṣāṇāmarthayogena virāme viramediha |
ekadvitricatuḥpañcaṣaṭkalaṃ ca vilambitam || 142 ||

vilambite virāme hi sadā gurvakṣaraṃ bhavet |
ṣaṇṇāṃ kalānāṃ parato vilambo na vidhīyate || 143 ||

athavā kāranopetaṃ prayogaṃ kāryameva ca |


prādhānyaṃ api tu vibhāvādeḥ tatārthavaśenaiva virāmaḥ | kṛṣyākṣarāṇīti 
kṛṣatīti kṛṣo vilambito layaḥ tatra sādhūni kṛṣyāṇi sandhyakṣarāṇi yathā ā ī 
ū iti dīrghāḥ | kalālakṣaṇo yaḥ kālaḥ tatpramāṇena vilambitena pāṭhyaṃ 
kāryamiti vicchedasyaiva pramāṇaṃ darśitam | śeṣāṇāmiti hrasvānām | 
arthayogeneti yathā sphuṭā pratītirbhavati tathā vicchedaḥ kāryo na tvati 
vilambitaṃ paṭhedityarthaḥ |

nanu kiyatkalāpramāṇamityāha vilambitamiti | gurvakṣaramiti kṛṣyaṃ | vā 
śabdādadhikamanujānāti kāraṇopetamiti kāraṇaṃ dīrghakālaṃ smaraṇamiti 


p. 403)

samīkṣya vṛtte kartavyo virāmo rasabhāvataḥ ||

ye virāmāḥ smṛtāḥ pāṭhye vṛttapādasamudbhavāḥ |
utkramyāpi kramaṃ tajjñaiḥ kāryāste'rthavaśānugāḥ || 145 ||

nāpaśabdaṃ paṭhettajjño bhinnavṛttaṃ tathaiva hi |
viśramennāvirāmeṣu dainye kākuṃ na dīpayet || 146 ||


cintanādibhiḥ vyādhyapasmārādibhirvā kāraṇairupetaṃ 
spaṣṭāspaṣṭādibhirityanye | vṛttavirāmādarthavirāmaḥ prathamamiti 
darśayitumāha ye virāmā iti | tajjñaistadvirāmātmakaṃ vṛttagataṃ vastu 
utkramyāpīti viśeṣopakramo'pīti sāmānyopasaṃhāraḥ | tādṛśā virāmeṇa na 
paṭhet yenāvagato vivakṣitaḥ śabdo bhavati varadaṃ dhyāyati ityatra 
vara(da)śabdena yadā vicchedaḥ kriyate tadā madhya iti śabdāntarapratibhayā 
dhyāyati śabdo'vagacchatīti | bhinnavṛttaṃ ca kṛtvā na paṭhet yathā vicchedaṃ 
na kuryādyenānyavṛttabhrāntirbhavati | tathā hi - bhava śaṅkarabhājanaṃ ye 
jagatīha bhavanti kecana ityatra ye iti śabdasya pūrvapādena saha pāṭhe 
aupavedavṛttabhedo yadyapi bhavati tathāpi dvitīyapāde vṛttabhaṅgaḥ | tena 
vṛttaṃ na paṭhediti vicchedasyaiva prādhānyajñāpanārthametadyuktamiti | 
śabdacyutabhinnavṛttadoṣābhidhāne na paunaruktyam | iha vastutastadabhāve'pi 
vicchedavaśena tatpratibhodayāt |

etadeva tātparyeṇa - viśramennāvirāmeṣviti | evaṃ vicchedasya 
bhūyoviṣayavyāpakatvamabhidhāya tannyūnāṃ dīptāṃ darśayitumāha dainye 
kākuṃ na dīpayediti śokādikamagnacittavṛttiṃ vimucyānyatra dīpanaṃ sarvatra 
śobhāvahamiti bhāvaḥ |

evaṃ svarāḥ kramo maryādā sthānatrayamāśrayaḥ udāttādayaḥ svarūpaṃ 
alaṅkārāḥ svarūpaparipūrakāḥ itikartavyatārūpāṇyaṅgāni | svarabhedācca 
kāko-


p. 404)

varjitaṃ kāvyadoṣaistu lakṣaṇāḍhyaṃ guṇānvitam |
svarālaṅkārasaṃyuktaṃ paṭhetpāṭhyaṃ yathāvidhi || 147 ||

alaṅkārā viramāśca ye pāṭhye saṃskṛte smṛtāḥ |
ta eva sarve kartavyāḥ strīṇāṃ pāṭhye tvasaṃskṛte ||

evametatsvarakṛtaṃ kalā kālalayānvitam |
daśarūpavidhāne tu pāṭhyaṃ yojyaṃ prayoktṛbhiḥ ||

uktaṃ kākuvidhānaṃ tu yathāvadanupūrvaśaḥ |
ata ūrdhvaṃ pravakṣyāmi daśarūpavikalpanam || 150 ||


rviśeṣaḥ svarabhedo hitasyāmeva kākau vivakṣitāyā rābhāvādi 
dharmāntarodayo na hi svarāṇāṃ sthānabhedo'laṅkāro'ṅgādikṛtaḥ | varjitaṃ 
kāvyadoṣairityādinā prāktanādhyāyārthena saha saṅgatimasyādhyāyasya 
darśayati |

evaṃ saṃskṛte kākuvidhānaṃ prākṛtādhyāyaprameyabhūte 
prākṛte'pyatidiśati alaṅkārā virāmāścetyādinā | adhyāyārthamupasaṃharan 
bhāvino'dhyāyasyārthamāsūtrayati daśarūpeti daśarūpavidhāne 
yatpāṭhyaṃ tadanena triprakāreṇa yojyamityupasaṃhāraḥ | tuśabdo vyutkramaṃ 
sūcayati | prasaṅgādakramaprāptamapi kākuvidhānamuktam | anupūrvaśa ityādi 
yattu kramapannaṃ tadṛśarūpaṃ vikalpyamānaṃ vakṣyāmīti śivam ||

iti kākuvikalpalakṣaṇe'smi-
nnadhyāye munidiksamarthite'rtham |
prakaṭīkurute sma candramaule-
rabhinavaguptasamākhya ekadeśam ||


p. 405)

iti bhāratīye nāṭyaśāstre vāgabhinaye kākusvaravyañjano nāma 
saptadaśo'dhyāyaḥ |


iti śrīmanmahāmāheśvarābhinavaguptācāryaviracitāyāṃ 
nāṭyavedavivṛtāvabhinavabhāratyā kākuvidhānaṃ nāma saptadaśo'dhyāyaḥ 
||
śrīḥ

nāṭyaśāstram

aṣṭādaśo'dhyāyaḥ

vartayiṣyāmyahaṃ viprā daśarūpavikalpanam |
nāmataḥ karmataścaiva tathā caiva prayogataḥ || 1 ||


rūpaṃ yadetadbahudhā cakāsti tadyena bhāvī bhavitā na jātu |
taccakṣurakātmakamīśvarasya vande vapustaijasasāradhāmnaḥ ||

daśarūpopakārikākādiyojanamiti tatsvarūpaṃ vaktavyamiti saṅgatiruktaiva 
tadvartayiṣyāmīti kimanenocyate tadasya prayojana pradarśyate | 
kaścidvamāśaṅkate rasā bhāvā (a-6.10) ityādi sṛvasārasaṅgrahe 
daśarūpaśabdasya nāmāpi na śruta tatkathamuktaṃ daśarūpavidhāne 
pāṭhyamiti taṃ pratyāha vartayiṣyāmīti | rūpyate pratyakṣīkriyate yo'rthaḥ 
tadvācakatvātkāvyāni rūpāṇi daśānāṃ rūpāṇāṃ vibhāgaḥ kalpyate 
asmāditi daśarūpavikalpanaṃ sūtraṃ tenāyaṃ ṣaṣṭhīsamāsaḥ daśarūpamiti | 
tena bahuvrīhau daśarūpaṃ kāvyamiti bhedāntarāpākaraṇaṃ 
syādityāśaṃkya dviguḥ pātrādiprakṣepaśca yo 
vyākhyātastatprayāsamātrameva | tadayamarthaḥ - yataḥ sūtrādāṅgiko 
vācikaśabde prakṛtipratyayārthavibhāgaḥ kalpyate tatra vāgbhāga evāyaṃ 
vitatya varṇyate tena tadeva sūtraṃ varṇitam vivaraṇena prapañcitaṃ bhavatīti 
nānirdiṣṭaṃ nirūpyate kiñciditi | nāmata ityuddeśena karmata iti lakṣa-


p. 407)

nāṭakaṃ saprakaṇamaṅko vyāyoga eva ca |
bhāṇaḥ samavakāraśca vīthī prahasanaṃ ḍimaḥ || 2 ||

īhāmṛgaśca vijñeyo daśamo nāṭyalakṣaṇe |
eteṣāṃ lakṣaṇamahaṃ vyākhyāsyāmyanupūrvaśaḥ || 3 ||

sarveṣāmeva kāvyānāṃ mātṛkā vṛttayaḥ smṛtāḥ |


ṇena kriyate tena vijātīyādvyāvṛttiḥ karmalakṣaṇaṃ prakṛṣṭaḥ ucito yogaḥ 
parasparasaṃbandho yathā prakaraṇanāṭakalakṣaṇayogāt 
nāṭiketivṛttivibhāgastu lakṣaṇa evānupraviṣṭa iti | nāsau prayogaḥ tathā ceti 
tenaiva prayogaprakāreṇānyo'pi parasparasaṃbandhavaicitryakṛto bhedaḥ 
utprekṣya ityarthaḥ | prayogāya prayogata iti vyākhyāne prayogata iti viphalameva | 
uktavyākhyāne tu kohalādilakṣitatoṭakasaṭṭakarāsakādisaṅgrahaḥ phalaṃ 
nāṭikāyāḥ udāharaṇatvāditi | tatroddeśaṃ tāvadāha nāṭakamityādi | 
saprakaraṇamiti sahaśabdenāṅkapraveśakasandhyādisāmyaṃ nāṭakena 
prakaraṇasyāha | nāmnāmartho lakṣaṇa eva vyākhyāsyate | satyapi ca 
purāṇādāvupadeśadāyini karmaphalasaṃbandhapradarśake 
tatroccāvacamaniyatakavikanthāprāyamiha tu kiñcitprayojyaṃ kiñcit sūcyaṃ 
kiñcidūhyaṃ kiñcidupekṣyamityevaṃ vaicitryayogaḥ | sandhyādivyavastheti 
daśarūpaṃ saprojanamiti - etattu phalguprāyaṃ phalaṃ tatpūrvamevoktam | 
pratyakṣabhāvanoditarasāveśajanitanirvṛtisāratvādasyetihāsāderviśeṣa 
ityūhyam | sūcyādivibhāgastvitihāsādāvapyastyeveti na ca pāṭhaphalaṃ 
daśarūpakamapi tu prayogaparyantametadityuktaprāyam | tatra 
mahāsāmānyarūpaṃ kāvyalakṣaṇe'dhyāye 
kṛtamityavāntarasāmānyalakṣaṇamuddeśānantaraṃ vaktavyamiti darśayati | 
prāk ca sāmānyalakṣaṇaṃ tato viśeṣalakṣaṇāni uddeśakrameṇeti 
cānupūrvyārthaḥ ||

tatra sāmānyalakṣaṇamāha sarveṣāmeva kāvyānāṃ mātṛkā iti |

tatra kecidāhuḥ - vṛttiprabhavatvaṃ daśarūpakasya sāmānyalakṣaṇaṃ 
vṛttīnāṃ tadaṅgānāṃ cābhinayo na kāvyeṣvasaṃbhavāt | etaccāsat | āstāṃ 
kāvyārthaḥ | sarvo hi saṃsāro vṛtticatuṣkeṇa vyāpta ityuktaṃ prathama 
evādhyāye'smābhiḥ | 


p. 408)

ābhyo vinissṛtaṃ hyetaddaśarūpaṃ prayogataḥ || 4 ||


yadi cābhineyaviṣaya eva vṛttivyavahārastadā vṛttyadhyāye yadvṛttīnāṃ 
samutthānanirūpaṇaṃ yāṃ yāṃ vṛttiṣu saṃśritā (20-15) 
mityāditatsarvamasaṅgataṃ bhagavato hi nābhinetṛtā kintu 
svaceṣṭāveśamātram | sarvaśabde ca prakṛtanāṭakādiviṣaye varṇyamāne 
prathamaślokārdhaṃ punaruktārthameva | yattu svanāmadheyairbharataiḥ (20-15) 
iti bahugītanṛttavādye ti (20-47) vāgaṅgābhinayavatīti (20-39) ca 
bharatavyavahāro gītābhinayābhiyogaśca nānābhineya iti tadapyakiñcitkaram | 
tāvaddhi vṛttīnāṃ lakṣaṇaṃ yā vākpradhānā (a-20) ityetāvadeva bhāratyā 
lakṣaṇam | anyatta prayogapradarśanamiti tatraiva vyākhyāsyāmaḥ | 
vṛttyaṅgānyapi sarvakāvyeṣu santyeva |

nanvevaṃ vṛttijatvaṃ kathaṃ daśarūpakalakṣaṇam ucyate prayogata 
ityetadarthakameva | tadayamarthaḥ - yadyapi sarveṣāmabhineyānabhineyānāṃ ca 
kāvyānāṃ vṛttaya iṣṭā mātara iva tābhyo'pi vācyarūpatvena kavihṛdaye 
vyavasthitābhyaḥ kāvyamutpadyate | tathāpi prayogaṃ 
prayujyamānatvātprayogayogyatvamabhisandhāya vṛttibhyo 
vinissṛtamabhineyakāvyaṃ 
pratyakṣabhāvanāyogyavṛtticatuṣṭayābhidhāyakastvaṃ 
daśarūpasāmānyalakṣaṇamityarthaḥ | daśānāṃ nāṭakādīnāṃ rūpamiti 
ṣaṣṭhīsamāsaḥ |

anye tvāhuḥ | ekaikasya rūpakasya daśa daśa rūpāṇi saṃbhavanti | tathā ca 
vīthyaṅgānāṃ sarvatra saṃbhavaḥ | 
paragatavacanānurūpabhāṣaṇarūpabhāṇayogaśca kiṃ 
bravīṣītyākāśabhāṣite | evamanyadapi | tena daśa rūpāṇi yasya 
tādṛśarūpaṃ kāvyamityarthaḥ | ata eva na sakalaḥ prabandho nāṭakam apitu 
prabandhasya kiñcidrūpaṃ tallakṣaṇāṃśabāhulyāttu tadvyapadeśayogaḥ | ata 
eva na daśasaṃkhyāvibhāgārtho yena saṭṭakādīnāṃ tyāgaḥ syāt | tatrāpi hi 
daśarūpalakṣaṇayogo'styeva | etacca svāvasareṣu vitaniṣyāmaḥ |

nanu prayogayogyaceṣṭāpratipādakatvaṃ cet sāmānyalakṣaṇaṃ tarhi 
ceṣṭātiriktasya kasyacidasaṃbhāvyatvānnāstyeva 
viśeṣalakṣaṇameṣāmityāśaṅkāśamanaṃ viśeṣa


p. 409)

jātibhiḥ śrutibhiścaiva svarā grāmatvamāgatāḥ |
yathā tathā vṛttibhedaiḥ kāvyabandhā bhavanti hi || 5 ||

grāmau pūrṇasvarau dvau tu yathā vai ṣaḍjamadhyamau |
sarvavṛttiviniṣpannau kāvyabandhau tathā tvimau || 6 ||


lakṣaṇāvakāśaṃ darśayitumāha jātibhiḥ śrutibhiścetyādi | dṛṣṭāntena 
prakṛtaṃ ghaṭayan vyutpādanīyamapi vyutpādayatīti samānatantrasiddhameva 
dṛṣṭāntamadīdṛśat | svareṣu grahādidaśakavibhāganiyatā jātiḥ | rakto'rakto 
vā dhvaniḥ dhvaniḥ sthānaṃ tadantarālaṃ ca śrutiḥ 
karmādhikaraṇakaraṇavyutpattyāśrayāt | striyāḥ khalanāviti hi nādṛtaṃ lakṣye 
| tatra ṣāḍjīprabhṛtayo jātayaḥ sapta pañcamasya catasraḥ śrutayo dhaivatasya 
tisraḥ iti ṣaḍjagrāmaḥ | gāndhāryādyā ekādaśa jātayaḥ pañcamastriśrutiḥ 
dhauvatastu catuḥśrutiriti madhyamagrāmaḥ |

vastutastu ṣaḍjādisvarasamudāyo grāmaḥ | tatra svarā iti śrutipakṣe bahuvacanaṃ 
lakṣyavidaḥ samarthayanti - madhyamagrāme pañcamaparityaktāṃ śrutiṃ 
dhaivata evopabhu *? ityatra pramāṇābhāvāt sarva eva 
dvitriśrutikāḥ(śrutyutkṛṣṭata)yā samadhikaśrutayaḥ kriyante 
kākalyantarābhyāṃ ca catustriśrutayo nyūnaśrutaya iti sarvasvarāṇāṃ 
śrutikṛtaṃ vaicitryamastīti | etacca svāvasare vakṣyāma ityāstām | iha tvanena 
dṛṣṭāntenaitaduktaṃ bhavati - svarasamudāyarūpatvāviśeṣe'pi svarāṇāṃ 
paryāyataḥ 
prāthamyaprādhānyālpatvabhūyastvapūrṇatvāpūrṇatvārohāntyatvamadhyatv
ādi pravibhāgabhedaiḥ yathānyaḥ ṣajgrāmo'nyo madhyamagrāmaḥ tathaiva 
vṛttīnāṃ svarasthānīyānāṃ prāthamyaprādhānyādinā daśakena rūpakaṃ 
rūpakāntarādbhidyate | yathā catuḥśrutiḥ pañcamastriśrutiśca bhavan 
grāmānyatvaṃ karoti tathā saiva vṛttiḥ śrutisthānīyairaṅgaiḥ kvacitsaṃpūrṇā 
kvacinnyūnetyevamapi rūpakavibhāga ityetajjātibhiḥ śrutibhiriti dvayena darśitam 
|

atha vṛttivibhāgaṃ saṃkṣepato'bhidhatte grāmau pūrṇasvarāviti | 
jātyāśrayayorjātidvāreṇa ṣāḍavauḍuvikāṃśakayoge nyūnasvaratāpyastīti 
ṣaḍajagrāmarāgo


p. 410)

jñeyaṃ prakaraṇaṃ caiva tathā nāṭakameva ca |
sarvavṛttiviniṣpannaṃ nānābandhasamāśrayam || 7 ||

vīthī samavakāraśca tathehāmṛga eva ca |
utsṛṣṭikāṅko vyāyogo bhāṇaḥ prahasanaṃ ḍimaḥ || 8 ||


madhyamagrāmarāgaśceha grāmaśabdena vyapadiṣṭa iti kecit | tadasat iha hi 
grāmaśabdena jātisamudāyo'bhidhīyate | tatra yadyapyaṃśake nyūnasvaratāpi 
bhavati tathāpi samudāyasya pūrṇatāyāḥ kā hāniḥ | tasmādayamatrārthaḥ - 
yathā vicitrasanniveśatālambanasundaratamasaṃpūrṇasvarasamudāyarūpān 
grāmadvayādribhāgakalpanayā jātyaṃśakānāṃ 
pūrṇāpūrṇādisvarabhedabhājāṃ prasavaḥ evaṃ nāṭakaprakaraṇābhyāṃ 
pūrṇavṛttivṛttyaṅgābhyāṃ vṛttinyūnānāṃ ca rūpakabhedānāṃ 
parikalpanam | tata vṛttinyūnāni rūpakāṇyāha vīthītyādi | śeṣāṇi rūpānīti 
vaktavye pratipadaṃ nāmagrahaṇaṃ jñāpayati | etadanuktānyapi rūpakāṇi 
saṃbhavanti ata eva rūpakaviśeṣagaṇanamābhyo vinissṛtamiti 
lakṣaṇasyodāharaṇamātam | tena vṛttīnā viniyogavikalpasamuccayaiḥ 
vṛttyaṅgānāṃ ca bahavo rūpakabhedā bhavanti | teṣāṃ paraṃ 
kohalādibhirnāmamātraṃ praṇītam | lakṣaṇena tviha saṅgrahītā eva te | tata 
nāṭakaprakaraṇe eva sarvavṛttipūrṇa iti niyamaḥ na tu viparyayaḥ | 
mudrārākṣasasya kaiśikīhīnasya kṛtyārāvaṇasya ca nāṭakasya darśanāt 
veṇīsaṃhāre ca sāttvatyāmbhaṭīmātraṃ dṛśyata iti kecit |

anye tu tatrāpyavaśyaṃ vṛttyantarānupraveśo'sti | yadi parimitavṛttivyāpakatvāt 
lakṣyate apūrṇavṛttitve'pi virūpakataiva syāt | 
sakalāṅgaprakriyāparipūrṇatvādeva nāṭakātprakaraṇaṃ ca pradhānam | tathā 
hi kaiścidvineyaḥ prasiddhimanurudhyamāno dṛṣṭa iti saprasiddhetivṛtte nāṭake 
vineyaḥ | kaścittu kimetadapūrvamiti prasiddhe vastuni rūpakāntarameva tu 
tadābhāsaṃ tatsarva vineyo'bhinavavastuvṛttakautukaparatantra iti 
samutpādyavastunā prakaraṇena vinīyate | vinayaścāsya dharmāthakāmeṣu 
sarvapuruṣārtheṣvapavarge'pi ca tathā bhavati yadi sakalaṃ tadupayogivyāpā-


p. 411)

kaiśikīvṛtīhīnāni rūpāṇyetāni kārayet |
ata ūrdhvaṃ pravakṣyāmi kāvyabandhavikalpanam || 9 ||

prakhyātavastuviṣayaṃ prakhyātodāttanāyakaṃ caiva |


rāśrayaṇaṃ sarvavyāpārākṣiptaṃ pūrṇavṛttikatvamiti | 
dvivṛttitrivṛttyādikaṃ na nāṭakaṃ bhavati | rūpāntarameva tu tadābhāsaṃ 
tatkaiśikīvihīnatva'pi yathā śṛṅgārayogastathā samavakāre tathā tallakṣaṇaṃ 
varṇayiṣyāmaḥ |

nanu pūrṇavṛttikatvāviśeṣe nāṭakaprakaraṇayoḥ ko bhedaḥ kaiśikīhīnatve 
cāviśiṣṭe vīthyādeḥ mithaḥ ko viśeṣa ityāśaṅkāṃ vārayan karma(ślo 
1)śabdākṣiptaviśeṣalakṣaṇārtha darśayati ata ūrdhvamityādinā kāvyasya 
bandhanaṃ parasparāśrayasaṃbandhenaiva ekavākyatārakaraṇasaṃbandhaḥ sa 
vikalpyate yena tadviśeṣalakṣaṇaṃ vakṣyāmīti | nāṭakaṃ prakaraṇādapi 
pradhānaṃ prasiddhyupajīvinī hi kalpanāvastusaṃbhāvanā anubhavamūlatvāt 
tasyā utprekṣā api hi pramāṇāgateṣveva vastuṣu svātantryeṇa yojanāmātreṇa 
vyāpriyante ṣaḍdanto hastī khe dhāvatīti | 
tenetihāsādipramāṇavastusiddhapradarśakaṃ nāṭakaṃ tāvallakṣayitumāha 
prakhyātavastuviṣayamityādi | prakhyāte bhāratādau yadvastu tadviṣayo'sya 
tatrāpi kiñcidaprasiddhaṃ bhavati tannirākaraṇāya prakhyātodātteti 
śrīśaṅkukaḥ | etattu prakhyātavastu viṣayo'syeti iyatā gatārthamityupādhyāyā 
itthamāhuḥ iha trividhayā rpasiddhyā prasiddhatvaṃ bhavati amuka evaṃkārī 
amutradeśa iti | tatra prakarṣeṇa khyātaṃ vastu tathā viṣayo 
mālavapāñcālādideśo yasmin cakravartino'pi hi vatsarājasya 
kauśāmbīvyatirikte viṣaye kāryāntaropakṣepeṇa vinā yannirantaraṃ 
nirvarṇanaṃ tadvairasyāya bhavati tatra prasiddhikhaṇḍanena pratītivighātāt kā 
kathā rasacarvaṇāyāḥ | evaṃ tāvad dve prasiddhī ukteḥ prakhyātodāttetyanena 
tṛtīyā prasiddhiruktā | udātta iti vīrarasayogya uktaḥ | tena 
dhīralalitadhīrapraśāntadhīroddhatadhīrodāttāḥ catvā-


p. 412)

rājarṣivaṃśyacaritaṃ tathaiva divyāśrayopetam || 10 ||

nānā vibhūtibhiryutamṛddhivilāsādibhirguṇaiścaiva |
aṅkapraveśakāḍhyaṃ bhavati hi tannāṭakaṃ nāma || 11 ||


ro'pi gṛhyante | rājarṣivaśyetyanena prakhyātamapi yadvastu ṛṣitulyānāṃ 
rājñāṃ vaṃśena sādhunocitaṃ tathā prakhyātatve'pi devacaritaṃ 
varaprabhāvādibahulatayopāyopadeśāyāyogyamiti naitadubhayaṃ 
nibnadhanīyamitī phalataḥ pratiṣedho darśitaḥ | rājānaḥ ṛṣaya 
ivetyupamitasamāsaḥ tadvaṃśe sādhu carita yasminniti bahuvrīhi | na ca sarvathā 
devacaritaṃ tathā'varṇanīyam | kintu divyānāmāśrayatvena 
prakaṭīpatākānāyakādirūpeṇa upetamupagamo'ṅgīkaraṇaṃ yat | tathā dvi 
nāgānande bhagavatyāḥ pūrṇakaruṇānirbharāyāḥ sākṣātkaraṇe 
vyutpattirjāyate | nirantarabhaktibhāvitānāmevannāma devatāḥ prasīdanti 
tasmādevatārādhanapurassaramupāyānuṣṭhānaṃ kāryamiti | yadi tu 
mukhyatveneva devacaritaṃ varṇyate 
tattāvadvipralambhakaruṇādbhutabhayānakarasocita cennibadhyate 
tanmānuṣacaritameva saṃpadyate pratyuta devānāmadhiyādhānaṃ 
prasiddhivighātakam | tatra cokto doṣaḥ vipralaṃbhādyabhāve tu kā tat vicitratā 
rañjanāyā etatpramānatvāt | ata eva hṛdayasaṃvādo'pi devacarite durlabhaḥ 
naca teṣāṃduḥkhamasti | yatpratīkāropāyaṃ vyutpādanaṃ syāt | nāyikā tu 
divyāpyavirodhinī yathorvaśīnāyakacaritenaiva tadvṛttasyākṣepāt | ḍimādau tu 
divyānāṃ nāyakatve'bhiprāyamāvedayiṣyāma iti prasiddhitrayayuktamapi vastu 
na niṣphalaṃ vyutpattaye bhavatītyata āha nānāvibhūtibhiryutaṃ 
dharmārthakāmamokṣavibhavaiḥ phalabhūtairvicitrarūpairyuktam | 
tatrāpyarthakāmau sarvajanābhilaṣaṇīyāviti tadbāhulyaṃ darśanīyamiti 
kathayati ṛddhivilāsādibhiriti ṛddhirarthasya rājyādisamṛddhiḥ vilāsena kāmo 
lakṣyate ādiśabdaḥ pradhānavācī tatpradhānābhiḥ phalasaṃpattibhiḥ 
yuktamityarthaḥ | tena rājñā sarvaṃ rājyaṃ brāhmaṇebhyo dattvā 
vānaprasthaṃ gṛhītavyamityevaṃprāyaṃ phalaṃ nopanibandhanīyam | 
tatphalamapi dṛṣṭasusvārthī hi loko bāhulyeneti tatrāsya pratītirvirasībhavet | 
guṇerityapradhānabhūtāni ceṣṭitāni heyāni pratināyakagatāni apāya-


p. 413)

nṛpatīnāṃ yaccaritaṃ nānā rasabhāvaceṣṭitaṃ bahudhā |
sukhaduḥkhotpattikṛtaṃ bhavati hi tannāṭakaṃ nāma || 12 ||


pradhānāni tairyuktam | teṣāṃ pūrvapakṣasthānīyānaṃ pratikṣepeṇa 
siddhantakalpasya nāyakacaritasya nirvāhājjanapadakośādisaṃpattisamṛddhiḥ | 
kaumudīmahotsavādayo vilāsāḥ sandhivigrahādayo guṇā iti vyākhyānaṃ 
cāṇakya(śāstra)paricayavedanamātraphalaṃ vastuśabdena 
rājarṣivaṃśyacaritaśabdena ca sarvasyārtharāśeḥ saṃgrahāt | 
avāntaravastusamāptau viśrāntaye ye vicchedā aṅkāḥ ye ca nimittabalāt 
apratyakṣadṛṣṭānāṃ ceṣṭitānāmāvedakāḥ praveśakāḥ tairāḍhyaṃ 
nāṭakaṃ nāma rūpakam | tasmādasya tannāmetyāha nṛpatīnāṃ yaccaritamiti 
yadyasmānnṛpatīnāṃ saṃbandhi vyutpādyānāṃ sāmarthyāt nṛpatīnāmeva 
nāṭakannāma tacceṣṭitaṃ prahvībhāvadāyakaṃ bhavati tathā 
hṛdayānupraveśarajjanollāsanayā hṛdayaṃ śarīra 
copāyavyutpattiparighaṭṭitayā ceṣṭayā nartayati naṭanṛttau nṛtte ityubhayathā hi 
smaranti | taditi tasmāddhetoḥ nāmāsya nāṭakamiti |

nanu purāṇādyupanibaddho'pi tadarthaḥ kasmānnaṭānevedaṃ bhāvayatītyāha 
nāneti | bahuprakārā atra saṃbhāvayanti saṃpādayanti yāni ceṣṭitāni 
naṭavyāpārātmāno'bhinayāḥ tairetatprahvībhāvadāyakaṃ 
hṛdyatamarasāsvādasūcīdvārapraveśitaṃ tatkartavyasūtraṃ 
hṛdayarohaṇarūḍhaśauryādidharmaratnagrathanakāri bhavatīti hyuktamasakṛt |

nanu nṛpaticarita eva kimityayamāsvādo na devacarita ityāha bahudheti | 
bahuprakārāḥ upāyavaicitryādyāḥ sukhaduḥkhotpattayastāsā kṛtaṃ 
saṃpādanaṃ yatra devacarite tu tannāstītyuktam | ata eva pratītivighātasya 
vairasyadāyinaḥ saṃbhavo yatra yatra tannāṭake nopanibaddhavyam | tena 
vartamānarājacaritaṃ cāvarṇanīyameva tatra 
viparītaprasiddhivādhayādhyāropasyākiñcitkaratvāt 
yogānandarāvaṇādiviṣayacaritādhyāropavat | etadarthameva prakhyātagrahaṇaṃ 
prakarṣadyotakaṃ punaḥ punarupāttam | ata eva vedaśāstraṃ na nāṭakaṃ 
niyogena hi tatra pumānpravartyate na phalotpattyā | phalaprādhānyapakṣe'pi tatra 
sandehaḥ | evaṃ purāṇādāvapi | iha tu bādhodayasahiṣṇupratyakṣāyamāṇā 
ciravilambitapratītisiddhā sukhaduḥkho-


p. 414)

asyāvasthopetaṃ kāryaṃ prasamīkṣya binduvistārāt |


tatpattiriti | anena vākyenaitaduktaṃ bhavati - yadyapi sarvarūpakāṇāmartho 
hṛdaye praviṣṭo vineyāṃśca vinītān karoti | tata eva nāṭakaśabdaḥ 
sāmānyavacana iti kāryotpannāni nāṭake ityādiṣu sthāneṣu darśitaḥ | tathāpi 
dyavaśyavyutpādyā rājāno yadvyutpattidvāreṇa viśvaṃ vyutpannaṃ tena 
tadīyahṛdayasaṃvādayogyanṛpaticaritapradarśanena pradhānatayā pradhāne'rthe 
vyutpādyante amātyādayaḥ tadaṅgatvenaiva prayogasya ca yathocitaṃ 
samṛdgakasthagaganapadyutpādakavyutpādyabhāvāttena pradhānapuruṣārthe 
pradhānavineyānāyamanyatānyeṣāṃ vedayato'vanati vyutpatti dadāti tata eva 
nāṭakamucyate |

śrīśaṅkukastu vyācaṣṭe vijigīṣurarirmadhyamodāsīnau mitraṃ mitramitramiti | 
eṣāṃ caritamiti bahuvacanena labhyate | anye tvāhuḥ - pūrvaṃ 
rājarṣivaṃśaprabhavā nāyakā uktā anayā tvāryayā 
candraguptabindusārādayo'pi saṃgṛhyanta iti | 
vyākhyātamarthadvayametatpūrvayāryayaivaṃ saṅgṛhītamiti 
prathamavyākhyāta eva yukto'rthaḥ |

yattu kaiścidabhidhīvate -

devā dhīroddhatā jñeyāḥ syurdhīralalitā nṛpāḥ |
senāpatiramātyaśca dhīrodāttau prakīrtitau |
dhīrapraśāntā vijñeyāḥ brāhmaṇā vaṇijastathā ||

iti vacane paryālocyamāne devādīnāṃ nāṭakanāyakatvānupapatteḥ dhīralalita 
eka eva nāyaka iti | tadasat na hi janakaprabhṛtīnāṃ rāmādīnāmapi vā 
dhīralalitatvam yadāha - dhīrodāttaṃ jayati caritaṃ rāmanāmnaśca viṣṇoḥ iti |

yattu paṭhita tatra dhīralalitatvaṃ rājña eva varṇanīyaṃ nānyasya 
senāpatyamātyayordhīrodāttatvameva devānāṃ dhīroddhatatvameva 
dvijātīnāṃ dhīrapraśāntatvameveti evaṃ paraṃ draṣṭavyaṃ - ata eva 
prakhyātodāttetyatra catvaro'pi nāyakāḥ svīkṛtā iti vyākhyeyam |

evaṃ nirvacanamanayāryayā darśitaṃ prakhyātavastuprabhṛtirartho'nyatra 
suprasiddhaḥ aṅkapraveśakau tvaprasiddhau ityaṅkasvarūpaṃ tāvadvitatya 
kathayati asyāvasthopetamiti | 


p. 415)

katavyo'ṅkaḥ so'pi tu gaṇānvitaṃ nāṭyatatvajñaiḥ || 13 ||

aṅka iti rūḍhiśabdo bhāvaiśca rasaiśca rohayatyarthān |


asya nāṭakasya yatkāryaṃ bindukṛtayā vistāraṇayā vitatīkaraṇarūpayā 
ananusandhānajananabalādekāvasthānurūpamādhikārikamitivṛttaṃ sampādyam 
tadavasthayā prārambhādikayopetaṃ paripūrṇaṃ saṃbandhaṃ prekṣya aṅkaḥ 
kartavyaḥ | etaduktaṃ - itivṛttasya bindusūtrasyūtasya 
prārambhādyavasthāpañcakacāriṇo yadā prārambhāvasthā pūrṇatvameti 
tadāṅkacchedo vindudvārānusandhīyamānadvitīyāṅkābhidheyarūpo vidheyaḥ 
| evaṃ prayatnādyavasthācatuṣṭaye'pi vācyamiti pañca tāvadaṅkā iti mukhyaḥ 
kalpaḥ | 

nanvevaṃ nyūnatve ādhikye vāṅkānāṃ kathaṃ nirbandha ityāha 
nāṭyatattvajñairanayaiva diśā so'ṅkaḥ apiśabdādanyathā kartavyaḥ | 
turiviśeṣaṃ dyotayati | yadā prārambhāvadhipradhānaṃ bhavatīti tadā tasyā 
evopakramopasaṃhārāvasthādvayāpekṣayā dvāvaṅkau 
anyāsāmekaikāṅkateti yāvat sarvāsāmavasthādvayayogena saṃpādanamiti 
ṣaḍaṅkatvāt prabhṛti saptajātaprāptau(?)daśāṅkatvam | kāñcidavasthāṃ 
pradhānīkṛtya yadā avasthāntareṇa miśrīkṛtya vaghnāti tadā nāṭikāyā 
nyūnāṅkatvamiti | etattuśabdena tattvajñaśabdena ca darśitam | tatrāvasthāḥ 
prāraṃbhaśca prayatnaścetyādinā vakṣante (1-19) prayojanānāṃ vicchede 
yadavicchedakāraṇamiti binduḥ vakṣyate yadādhikārikaṃ vastu samyagiti (a 19) 
kāryam |

atha kasmādaṅka ityāha aṅka iti rūḍhiśabda iti | bhāvaiḥ rasaiśca 
gūḍhaśchannaḥ vyāpto'rtho'ṅkaśabdena yādṛcchikenocyata iti 
bhaṭṭalollaṭādyāḥ gūḍha iti pāṭhaṃ vyācakṣire | anye rohayatyarthāniti 
paṭhanti vyācakṣate ca rūḍhī rohaṇaṃ tenotsaṅga ucyate yo nāṭakāṃśaḥ 
śṛṅgārādirasairvibhāvānubhāvavyabhicāriṇo'rthāḥ tathā 
bhāvairvibhāvādyaiḥ yathāsvaṃ bhāvādīnarthān hṛdayamāropayati arthān 
vahati nānāprakāraiśca vakṣyamāṇaiḥ ye nāyakā nigaditā ityādibhiḥ 
vidhānairupetaḥ tasmādutsaṅgavadārohaṇa saṃbandhādaṅka ityucyate | 
etatpuṣkalamiva ajāvi(ji?)nā rūḍhairatrārthairvṛttyadarśanāt | 
tasmādayamatrārthaḥ - aṅka ityayaṃ lakṣaṇe rūḍhaḥ śabdaḥ anyato 
vyavacchedakaṃ lakṣaṇam | etadapi ca nāṭyarūpakasya nānātvamanyatobhedaṃ 
vidhatte anabhineyāt abhineye hi ya ekadeśaḥ sa rasabhāvairupalakṣitānapyarthān 
rohayati 


p. 416)

nānāvidhānayukto yasmāttasmādbhavedaṅkaḥ || 14 ||

aṅkasamāptiḥ kāryā kāvyacchedena bījasaṃhāraḥ |
vastuvyāpī binduḥ kāvyasamuttho'tra nityaṃ syāt) ||


hṛdayasaṃvādasasādhāraṇatākaraṇena pratyakṣībhāvanayā 
rasādhyāyoktayābhirohaṇaṃ bījasyevāṅkurākāratayā rasākārodayapraroho 
bhavati | sa cānabhineyarūpakāṃśaireva saṃpādyata ityanabhineyāt 
bhedamādadhāno'bhineyasya rūpakasya lakṣaṇaṃ bhavatyeva | 
evamaṅkaśabdasyānvartho vyākhyātaḥ | svarūpantu vaktavyaṃ nadarśayati - 
yatrārthasya samāptiriti | prārambhādyavasthālakṣaṇo'rtho yatra samāpyate 
so'traḥ | aṅkasamāptāyāmapi vā avasthāyāṃ yadā bījasya saṃharaṇaṃ 
yathāsvaṃ sandhibhedenocitaṃ bhavati tadāpyaṅkacchedaḥ | 
tatotpattirudghāṭanamudbhedo garbhanirbhedaḥ phalasamānayanamiti mukhādiṣu 
yathākramaṃ bījasya daśāviśeṣāḥ saṃhāraśabdavācyāḥ | aṅkavicchede 
cārthavichedo mābhūdityabalagnaḥ saṃbandho binduyatra tādṛgaṅkaḥ kartavyaḥ 
| yathā tāpasavatsarāje tṛtīyāṅkasamāptau -

ādau mānaparigraheṇa guruṇā dūraṃ samāropitāṃ
paścāttāpabhareṇa tānavakṛtā nītāṃ paraṃ lāghavam |
utsaṅgāntaravartinīmanugamātsaṃpiṇḍināṅgīmimāṃ
sarvāṅgapraṇayapriyāmiva taruśchāyāṃ samālambate || (3-17)

iti rājña uktyā padmāvatyāḥ pariṇayābhyupagamamanusandadhanyā 
prāptisaṃbhavākhyatṛtīyāvasthāpradarśinī bhāvini caturthe'ṅke binduryojinaḥ 
|

evamaṅkasvarūpamanena nirūpitamiti cirantanāḥ | taccaitatpunaruktaṃ 
asyāvasthopetaṃ kārya prasamīkṣyetyetena hi kyannoktaṃ yadanena 
lakṣaṇenābhidhīyate | tasmādidamatrārthatattvaṃ - aṅkasvarūpaṃ 
tāvadasyāvasthopetamityanenaivoktaṃ nāmanirvacanaṃ ca aṅka iti rūḍhiśabda 
inyanena darśitam | anayā tvāryayā aṅkasya traividhyamucyate | tathā coktaṃ 
kohalādau (kohalena?) -


p. 417)

yatrārthasya samāptiryatra ca bījasya bhavati saṃhāraḥ |
kiñcidavalagnabinduḥ so'ṅka iti sadāvagantavyaḥ ||

ye nāyakā nigaditāsteṣāṃ pratyakṣacaritasambhogaḥ |
nānāvasthopetaḥ kāryastvaṅko'vikṛṣṭastu || 17 ||


tridhāṅko'ṅkāvatāreṇa cūdayāṅkamukhena vā |
arthopakṣepaṇaṃ cūḍā vahvarthaiḥ sūtavandibhiḥ ||

aṅkasyāṅkāntare yogastvavatāraḥ prakīrtitaḥ |
viśliṣṭamukhamaṅkasya striyā vā puruṣeṇa vā ||

yadupakṣipyate pūrvaṃ tadaṅkamukhamiṣyate ||

atrārthasya kasyacit samyaganyata evānabhisandhānapūrvikāptiḥ prāptiriti 
cūḍā darśitā | tadyathā ratnāvalyāṃ vaitālikapāṭhād dṛśāmudayanasya 
ityataḥ upayogī samyagarthaḥ prāptaḥ tatpratyabhijñāmūlatvāt 
sāgarikānurāgasya tathācāha a aṃ so rā ā uda aṇo (ayaṃ sa rājā udayanaḥ) 
(1-23) ityādi | tadarthameva ca vasantakrīḍādisarvamupakṣiptam | tadeva ca 
rājānurāgasya śayyāphalakādikṛtasya mūlamiti cūliketyuktam | tena prathamaḥ 
cūlikāṅkaḥ yatra tvaṅke sarveṣāmaṅkānāṃ yo'rtho bījalakṣaṇastasya 
saṃhāraḥ saṃmilitatvena prāptirbhavati so'vatārāṅkaḥ | yathā ratnāvalyāṃ 
dvitīyo'ṅkaḥ | tatra hi īrisassa kaṇṇa ājaṇassa īrisa evva vare ahilāseṇa 
hodavvam || (īdṛśasya kanykājanasyedṛśa eva vare abhilāṣeṇa bhavitavyam) 
ityādiprakṛtameva sarvaṃ varṇyate | yatra tvanusandhānamātraprāṇatvena 
tadupayogitayā vṛttāntamucyate tadupaśliṣṭamaṅkamukham |sa eveha 
kiñjidavalagnabindurityanena tṛtīyo bheda uktaḥ | yathā ratnāvalyāṃ tṛtīye'ṅke 
aindrajālavṛttāntanirūpaṇaṃ cūlikā tasyāścabhedaḥ cūlikāṅkasyāpi 
tadabhisandhānābhāvāt | iha tvabhisandhānaṃ yaugandharāyaṇādīnāmastyeva 
| tenāyaṃ saṃkṣepaḥ - aṅke yadvarṇanīyaṃ vastu-


p. 418)

nāyakadevīgurujana purohitāmātyasārthavāhānām |
naikarasāntaravihito hyaṅka iti sa veditavyastu || 18 ||

(pañcāparā daśaparā hyaṅkāḥ syurnāṭake prakaraṇe ca |
niṣkrāmaḥ sarveṣāṃ yarimannaṅkaḥ sa vijñeyah ||) 19 ||


tattāvat dvidhā pradhānaṃ tadupayogi ca tadupayogyapi 
kiñcidaivavaśādupayogaṃ yāti kiñcidabhisandhibalāditi vividho'ṅkārthaḥ | sa 
kadācidekasminnaṅke miśrabhāvenāpi nibadhyata iti 
cūlikāṅkamukhayoraṅkabhedayoḥ pradhānārthasparśo naivāstīti ||

tathā praveśakadvāreṇa mukhyacaritamapi śaṅkāṃ vārayitumāha ye nāyakā 
iti | dhīrodāttādayo vijigīṣutanmitraprabhṛtayo vā ye nāyakāḥ pratināyakāśca 
teṣāṃ caritaṃ tadupāyānuṣṭhānaṃ tathā saṃbhogaḥ pratyakṣaḥ sannihitaḥ 
sākṣād dṛśyamāno na tu sūcyamāno yatra tādṛgaṅkah | nayati 
prāpnotītivṛttaṃ phalaṃ veti nāyakacaritapratyakṣatayā vyutpattiḥ 
prekṣakāṇāṃ saṃbhogāpratyakṣatve ca tadgatakevalakleśadarśanāt vairasyaṃ 
sāmājikasya syāt | kimanena mahatā kaṣṭeneti tata evoktaṃ na nissukhaḥ syāditi | 
nānāpakārāvasthau pratināyakagatau caritasaṃbhogāvanupādeyāvaviṣaye ceti 
heyāvasthau nāyakagatau tu tadvaparītyādupādeyāvasthāviti tuśabdasyārthaḥ | 
aviprakṛṣṭa ityadīrghaḥ | dīrgho hi prayoktṛprekṣakāṇāṃ khedāya syāt ||

evaṃ pradhānavarṇanīyasya vṛttamuktvā tadupayogi vṛttasya diśaṃ 
darśayitumāha - nāyakadevītyādi | nāyakā mukhyāḥ nāyikāḥ devyo 
mahādevībhoginīprabhṛtayaḥ | gurujano mātṛpitṛbhrātrācāryādi | 
sārthavāho'tra senāpatiḥ | itivṛttavaśādvaṇigeva vā eṣāṃ saṃbandhī aṅka 
etadarthābhidhāyaka iti yāvat | ata eva naikena vicitreṇa rasaviśeṣeṇa yuktastathā 
hi devīyoge śṛṅgāraḥ nāyake vīra ityevamanyadutprekṣyam | nāyakānāṃ 
devyādaya ityanye | aṅka iti | anekarasāṅkitatvādapi aṅka iti nāmetyarthaḥ | na 
kevalaṃ caritasaṃbhogāveva pratyakṣau


p. 419)

krodhaprasādaśokāḥ śāpotsargo'tha vidravodvāhau |
adbhutasaṃbhavadarśanamaṅke pratyakṣajāni syuḥ || 20 ||

ekadivasaṃ pravṛttaṃ kāryastvaṅko'rthabījamadhikṛtya |
āvaśyakakāryāṇāmavirodhena prayogeṣu || 21 ||

ekāṅkena kadācidbahūni kāryāṇi yojayeddhīmān |
āvaśyakāvirodhena tatra kāryāṇi kāryāṇi || 22 ||


kintvanyadapi yatra rañjanātiśayo'stīti darśayannāha krodhaprasādaśokā iti | 
śāpotsargah śāpakṛtasyānarthasya nāśaḥ yathoktasyānarthakābhāvasya 
śaṅkābhayatrāsakṛto vidrava iti garbhasandhau vakṣyate | udvāho vivāhaḥ | 
adbhutasya saṃbhavo'bhyupagamaḥ upakramo darśanam ca nirvāha 
ityetaccānyasyāpi rañjakavargasyopalakṣaṇam | akṣajaṃ jñānaṃ prati gatānīti 
pratyakṣajāni | pratyakṣaśabdena tadekadeśa ucyate tatra 
jātānītyanyendriyavargasya pratyakṣatā tāvadbhavati kadācittattvapratyakṣamapi |

athāṅkusya prayogakālaparimāṇamiyaditi darśayati ekadivasapravṛttamiti | 
tādṛśamavāntareṇārthena prayojanena yuktaṃ bījamupāyānuṣṭhānaṃ 
varṇanīyatāyā adhikṛtyāṅkaḥ kartavyo yasya prakṛṣṭaṃ ca yadvartanaṃ 
prayogarūpaṃ tadekadivaseneti muhūrtapañcadaśakenaiva yatastāvantaṃ 
kālamāvaśyakāni bhojanādīti aśakyanirodhanāni tataḥ parantu prayogakālaścet 
tatprekṣakaprayoktṝṇāṃ tadāpyāvaśyakasya 
sandhyāvandanabhojanāderavirodhenetyevaṃ kāryānekatvamekatrāṅke 
niṣiddham | kvacittvabhyupagatamapi | anye tu sarvāmevāryāṃ 
niṣedhaparatvenāhuḥ | anye tvekāṅkeneti tṛtīyāṃ manyamānāḥ sarveyamāryā 
vidhiparetyāhuḥ | yānyavaśyaṃbhāvena kāryā.i bhojanādīni tāni 


p. 420)

raṅgaṃ tu ye praviṣṭāḥ sarveṣāṃ bhavati tatra niṣkrāmaḥ |
bījārthayuktiyuktaṃ kṛtvā kāryaṃ yathārtharasam || 23 ||

na bahūnīha kāryāṇi tvekāṅke viniyojayet |
āvaśyakānāṃ kāryāṇāṃ virodho hi tathā bhavet ||) 24 ||

jñātvā divasāvasthāṃkṣayāmamuhūrtalakṣaṇopetām |
vibhajetsarvamaśeṣaṃ pṛthakpṛthakkāryamaṅkeṣu || 25 ||

divasāvasānakāryaṃ yadyaṅke nopapadyeta sarvam |


kiṃ pratyakṣeṇaiva darśanīyānīti yaḥ śaṅkate taṃ pratyāha raṅgantviti | 
tatretyāvaśyake kartavye na cāsamāptāvupakṣiptāvāntarakārye 
pātraniṣkramaṇamiti darśayati | bījārtheti upakṣepātmano bījasya yatprayojanaṃ 
tena yā yuktiḥ saṃbandhastatra yuktamupāyabhūta. kāryaṃ prayojanānusāri 
viśiṣṭarasasampadopetaṃ vidhāya tatparisamāptau yavanikayā tirodhānarūpaṃ 
niṣkramaṇaṃ darśanīyam | 
bījārthayuktirutpatyyudghāṭanodbhedagarbhanirbhedaphalasamānayanātmetyanye |

evamitivṛttaniyamamaṅke pradarśya taditivṛttakālaniyamaṃ darśayati 
kṣaṇayāma muhūrtānāṃ yāni lakṣaṇāni kartavyānyasmin kṣaṇe 
sandhyānuṣṭheyetyādīni tairupetāṃ divasasyāvasthāṃ jñātvā sarvaṃ 
kāryaṃ pratyekaṃ sarvātmanā paripūrṇarūpamata evāśeṣaṃ vibhajet 
vibhāgena darśayet | nāḍikābhiraṣṭadhā dinaṃ rātriṃ vibhajya 
chāyāpramāṇena veti tena ekadivasasaṃpāditamupayogi ceṣṭitamaṅke 
badhnīyāditi tātparyam |

nanu tanmadhye tatkāryaṃ madhyāhnasnānabhojanādi taddivasamadhya eva vā 
yadvṛttaṃ dūrasthaṃ daśarathamaraṇādi tatkathaṃ vācyamityāha - 
divasāvasānakāryamiti | diva-


p. 421)

aṅkacchedaṃ kṛtvā praveśakaistadvighātavyam || 26 ||

(viprakṛṣṭaṃ tu yo deśaṃ gacchetkāryavaśānugaḥ |
aṅkacchede'tha saṃkṣepānnirdiśettaṃ praveśakaiḥ ||) 27 ||

sannihitanāyako'ṅkaḥ kartavyo nāṭake prakaraṇe vā |
parijanakathānubandhaḥ praveśako nāma vijñeyaḥ || 28 ||

prakaraṇanāṭakaviṣaye pañcādyā daśaparā bhavantyaṅkāḥ |


se'vasānaṃ samāptiryasya tat sarvaṃ kāryaṃ yadyaṅke pratyakṣeṇa 
pradarśayituṃ na yujyate tadāṅkacchedaṃ kṛtvā praveśakaiḥ 
cūlikāṅkāvatārāṅkamukhapraveśakaviṣkaṃbhakā ihābhipretāḥ | tathā ca 
kohalo'rthopakṣepapañcakamuktavān |

evamaṅkalakṣaṇaṃ 
vitatyābhihitamardhenopasaṃharannardhāntareṇāṅkasandhānarūpasya 
praveśakasya sāmānyalakṣaṇaṃ darśayannāryāṃ paṭhati sannihitanāyaka 
ityādi | nāyakaśabdena taccaritasaṃbhogau tau sannihitau pratyakṣau 
yatraikāṅke'pi rūpake'ṅko nāyakacaritapratyakṣatāśūnyaḥ kāryaḥ 
kipunaranyatreti prakaraṇe nāṭake vetyuktam |

anye tvetaduttarārdhena saṃbandhayanto rūpakāntarāṇi praveśakaśūnyāni 
bhavantītyācakṣate | parajanakathānubandha iti caturṇāṃ lakṣaṇaṃ 
sūtamāgadhādeścūlikāṅkasya strīpuruṣādervāṅkamukhopakaraṇasya 
ceṭīkañcukādervā praveśakaviṣkambhopayoginaḥ parijanasyākathayaiva 
parasparaśliṣṭayānubaddho'ṅkāvatāraḥ | yathoktam |

aṅkāntara evāṅko nipatati yasminprayogamāsādya |
nāṭyārthakathāyogād vijñeyo'ṅkāvataro'sau || iti |

tatrāyaṃ praveśako'ṅkārthasandhānāya bhavatīti pūrvopakṣiptamaṅkaṃ 
saṃkhyānuvādadvāreṇa darśayati prakaraṇanāṭakaviṣaya iti | 
sandhyavasthānaparipūrṇopanibaddhā evāṅkā upa-


p. 422)

aṅkāntarasandhiṣu ca praveśakāsteṣu tāvantaḥ || 29 ||

(anayorantaravihitaḥ praveśako'rthakriyāṃ samabhivīkṣya
saṃkṣepārthaḥ sandhiṣvarthānāṃ saṃvidhātavyaḥ ||) 30 ||

aṅkacchedaṃ kṛtvā māsakṛtaṃ varṣasaṃcitaṃ vāpi |
tatsarvaṃ kartavyaṃ varṣādūrdhvaṃ na tu kadācit || 31 ||


kramopasaṃhāravaitatye daśa kasyacitsaṃkṣepeṇa ṣaḍityevam anyato 
nyūnādhikatvamanucitamityarthaḥ | aṅkamadhyeṣu tu sandhānāni ṣaṭ citrāṇi 
saṃpādayituṃ pañcavidhaḥ praveśakaḥ kāryaḥ | aṅkāntarasandhiṣviti nimittāt 
karmasaṃyoge saptamī | apiśabdena praveśaka śabdasyāvṛttiḥ sūcyate | co hetau | 
praveśakaśabdaśca mahāsāmānyavacanaḥ pañcasu vṛttaḥ iha tu 
madhyamasamānye praveśakaviṣkambhakadvaye vartate |

tadayamarthaḥ - yasmānmāsakṛtaṃ varṣasañcitaṃ vā yacca tatkārya 
sāmājikānāṃ hṛdayagataṃ tasmāt praveśakaviṣkambhakau kartavyau | 
parimitantu yadanusandheyaṃ tatrāṅkamukhamalpānusandheye cūlikā alpatame 
aṅkāvatāraḥ | tat kecit vanavāsādayoddhyāpraveśānantaraṃ 
rāmānusandhānamanusandhanīya mābhūdityāśayena vyācakṣate māsena 
māsābhyāṃ māsairvarṣeṇa varṣābhyāṃ varṣaiḥ iti | kadācittu 
varṣādūrdhvantu ye mahāprabhāvāścirātītamapyanusandadhate 
rāmādesteṣāṃ bahutaro hi kālaḥ praveśakairvarṇanīyaḥ | ye tu 
puruṣaprāyāsteṣāṃ varṣādūrdhvamanusandhānaṃ naivāsti tathā ca 
mārgaśīrṣaṃ taiṣīṃ cāntareṇa dīrghakālayatrā 
āvarṣārātrānmāsāṣṭakamukteti saṃgirante |

etaccāsat māsavarṣādīnāṃ svīkṛtaniyataparimāṇānāṃ 
dvivacanabahuvacanāntatve vṛttyayogasya darśitatvāt |

sauryake māsajāte ca parimāṇaṃ svabhāvataḥ |
upādhibhūtamāśritya saṃkhyābhedena vartate ||

vayastviti paricchedaḥ kriyate'pi na gamyate |
iṣṭho bhedādṛte tatra parimāṇamanarthakam ||


p. 423)

yaḥ kaścitkāryavaśādgacchati puruṣaḥ prakṛṣṭamadhvānam |
tatrāpyaṅkacchedaḥ kartavyaḥ pūrvavattajjñaiḥ || 32 ||


ityādibahu ca varṣādūrdhvamiti ca niṣedhaḥ phalguphala eva syāt | 
tasmādekavacanāntenaiva samāsaḥ  na ca 
rāmāyaṇabhāratādicaritatyāgaprasaṅgaḥ | kāryagrahaṇaṃ hyetadarthaṃ 
muninā kṛtaṃ yatra hi yatraniṣpādyaṃ sañcitaṃ tadeva varṣaṃ gaṇyate 
varṣāntarāṇi tu tatra vidyamānānyapi avidyamānakalpāni | rāmacarite hi 
caturdaśavarṣāṇyaraṇyanivāso yadyapi kāryaḥ varṣāṇi tricaturāṇi bhavanti 
yatra mārīcavadhasugrīvarājyadānādyavāntarakāryaṃsaṃbhavati | 
tasmādvarṣādūrdhvamityanena kāryaṃ varṣadvayadi niṣidhyata ityevaṃ 
varṣasahasrāyuṣo'pi varṣaśatāntarālavṛttacaritavyākhyāne'pi na 
kiñcidduṣyati | tena pañcāṅke nāṭake pañca kāryadinānīti saṃkṣepaḥ 
daśāṅke tu daśeti vistaraḥ |

aṅkacchede nimittāntaramapyāha - yaḥ kaścitkāryavaśāditi | 
kāryavaśātkāryasya tatrāyatatvāt yaḥ puruṣo nāyakaḥ 
so'nekayojanavyavahitamadhvānaṃ yadā pratidinaṃ gamanaṃ viśrāntiḥ 
śayyetyevamādi kathaṃ raṅge pradarśya tadantenāṅkacchedaḥ kāryaḥ | 
ḍimādināyakasya tu divyasyākāśayānakādinā sarvaṃ yujyate | anāyaka 
puruṣastvavicchinna evāṅke niṣkrāmati | nanu divasāvasānakāryaṃ 
kenopapadyata iti āvaśyakāvirodhenetyādinā yaduktaṃ 
tatastilamātreṇāpyadhikaṃ vācyamasya na labhyate vākyasya | ata evaitat 
bhaṭṭalollāṭādyairna paṭhitameva ||

upādhyāyāstvāhuḥ - nedaṃ nimittāntaraṃ api tu pūrvaṃ tāvatkathitaṃ 
yadyaṅke nopapadyata iti tasyaivodāharaṇamanayaivāryayā darśitam | yathā 
nāyakasya prakṛṣṭādhvagamanamiti pūrvavaditi tadarhamiti bhavati 
pūrvalakṣaṇārho'ṅkacchedo'yamiti yāvat | apiśabda udāharaṇāntaramapi 
sūcayati | aṅkārthasandhānaprayojanasya praveśakasya sthānaṃ vācyam | 
viṣayaṃ cāha aṅkāntarānusārīti aṅkamadhye bhavatīti yāvat | aṅkāntaraṃ 
pūrvāṅkāntaramanusarati tasya paścādbhavatītyarthaḥ | pratyaṅkāntaṃ yo 
binduḥ anusandhānābhidhāyivākyaṃ yatsaṃkṣiptaṃ prayojanaṃ 
tadadhikatākaraṇaṃ vistāramuddiśyeti vācyamuktaṃ prakaraṇe nāṭake 
cāvaśyaṃ praveśakastasyāvaśyamuttamaprakṛtiviṣaye upadeśāya 
pravṛtto'parimitenopāyena bhūyastarāvāntarakārye pratyutpattibahunāṃ 


p. 424)

aṅkāntarānusārī saṃkṣepārthamadhikṛtya bindūnām |
prakaraṇanāṭakaviṣaye praveśakaḥ saṃvidhātavyaḥ || 33 ||

nottamamadhyamapuruṣairācarito nāpyudāttavacanakṛtaḥ |
prākṛtabhāṣācāraḥ prayogamāśritya kartavyaḥ || 34 ||

kālotthānagatirasau vyākhyāsaṃrambhakāryaviṣayāṇām |
arthābhidhānayuktaḥ praveśakaḥ syādanekārthaḥ || 35 ||


cāmātyādīnāmapi svakāryanirūpaṇāya praveśakaḥ anyatra rūpake 
parimitakāryopadeśāt na tathā praveśakopayoga iti vitaniṣyāmaḥ |

atha viṣkambhakādbhedamasya darśayan praveśakaśabdo'tiviśeṣaśabdavācyapi 
bhavatīti darśayati nottamamadhyamapuruṣairiti | uttamādayo'pi bhavanti 
parijanāstannivṛttyarthametat | udātaṃ saṃskṛtavacanaṃ tasya niṣedhaḥ | anye 
tvāhuḥ - udāttaṃ svātma kāryaviśrāntaṃ vacanaṃ niṣiṣyate āṇattaṃmi 
bhaṭṭidāri ā e ityādinā hi svakṛtyaṃ pradhānopayogyeva dṛśyate na svatantraṃ | 
tatra prākṛtī bhāṣā ācāraśca vyavahāraḥ prākṛta eva | prayogamāśrityeti 
kvacittu prayogavaśātsaṃskṛtabhāṣācāro viṣkambhake'pi kartavya iti darśayati |

saṃkṣepārthamadhikṛtyeti yaduktaṃ tadeva vibhajati kālotthānagatirasāviti | 
kālodayasya gatiravagamo yataḥ kālodayasūcakaḥ kaścit praveśakaḥ | yathā - 
ajja vasandamahūsave sabahumāṇamāhūya ityādi (ratnāḥ 1) | arthābhidhāneti 
pratyekaṃ saṃbadhyate tena vyākhyādīnāṃ viṣayāntānāṃ caturṇāṃ 
yo'rthastadabhidhāne yuktastaduddeśenapravṛtta itipañcaprakāraḥ praveśaka 
itiyāvat | vyākhyāyata iti vyākhyā | tathāhi - kenacitpraveśakena gūḍho 
vyākhyāyata ityarthaḥ | yathā tāpasavatsarāje amātyapraṇidhiḥ māmijja-ī 


p. 425)

vahvāśrayamapi kāryaṃ praveśakaiḥ saṃkṣipecca sandhiṣu vā |
bahucūrṇapadairyuktaṃ janayati khedaṃ prayogasya || 36 ||


asavāsa-ehi hālāhalassa pamādasaṃkidā (bhrāmyate pārśvakaiḥ 
pramādaśaṅkitaiḥ |) tāpasa-a-4 (ityādi) anena hi nātivyavadhānoktaṃ 
padmāvatīgṛhe ca yadvāsavadattāsthāpanaṃ tasya gūḍhaṃ prayojanaṃ 
vyākhyātam | saṃrambhaḥ kāryaviśeṣa viṣayaḥ abhiprāyastasyārtha 
upāyānveṣaṇādi tadabhidhānayuktaḥ praveśako yathā nṛttapā (vā) re 
gati.......upasthitamidaṃ tatprayojana mityādi | anena 
vāsavadattāmapahṛtyojjīyanīṃ ninīṣorvatsarājasya prayojakatvaṃ 
prāptānāmamātyānāṃ saṃrambhaḥ śālaṅkāyanenoktaḥ |

kāryaṃ tu yadādhikārikamityādi (19-3) tasyārthaḥ pañcāṅgasyānuṣṭhānam | 
tadyathā - karmaṇāmārambhopāyaḥ puruṣadravyasaṃpad deśakālavibhāgaḥ 
vinipātapratīkāraḥ kāryasiddhiriti | tathābhūtābhidhānayuktaśca praveśako 
bāhulyena tāpasavatsarājapratibhācāṇakyamudrārākṣasādiṣu | viṣayastu 
bhāvino'ṅkāvatārasyetivṛttaṃ tasyārtho viśeṣarūpaḥ tadabhidhānena yuktaḥ 
praveśako yathā nāgānande dvitīye'ṅke ceṭikādvayena madanāvasthetivṛttasya 
viśeṣavarṇanaṃ candanalatāgṛhādi darśitam | anyānyapi praveśakasya 
prayojanāni santi | na tvetatparigaṇanamityāha - anekārtha iti |

nanvevaṃbhūto'rtho yaḥ praveśake pradarśyate samasena vistareṇa 
vetyāśaṃkyāha vahvāśrayamapīti | sandhiṃ cikirṣava iti 
aṅkārthasanniveśanimittaṃ ye praveśakāḥ pañcapyuktāḥ 
cūlikādayastairvāṅkāśrayaṃ bahuvaktavyaṃ vitatamapi kāryaṃ saṃkṣipet 
yāvatsandhānopayogi tāvattatra brūyat | yato bahubhirgadyagatairasamastaiḥ 
padairasaṃskṛtaprāyaiḥ khedo bhavati | anena praveśakādau utkalikāprāyaṃ 
bahutarasamāsasaṅkīrṇamabhinayaśākhāṅgatroṭanakāritvāt 
samāsasaṃśayenārthāniścāyakatvācca na kartavyamityapi darśayati |

divasāvasānakāryaṃ yadyaṅke nopapadyate sarvam |
aṅkacchedaṃ kṛtvā praveśakaistadvidhātavyam ||


p. 426)

yatrārthasya samāptirna bhavatyaṅke prayogabāhulyāt |
vṛttāntasvalpakathaiḥ praveśakaiḥ so'bhidhātavyaḥ || 37 ||

yuddhaṃ rājyabhraṃśo maraṇaṃ nagaroparodhanaṃ caiva |
pratyakṣāṇi tu nāṅge praeśakaiḥ saṃvidheyāni || 38 ||


iti yaduktaṃ tatrānupapattirbahuprakārā bhavatīti darśayitumāha yavārthasya 
samāptiriti | yatpratyakṣaprayojyamapi prayogavaśādaṅke'samāptaṃ bhavati 
tatpraveśakena kartavyam bahutaratvaṃ prayogasya bahumānāspadatvam |

tadayamatrārthaḥ - yata divasakāryāṇyanekāni tatra tanmadhye 
yatsundaraprayogaupadeśopayogi ca tatpratyakṣeṇa darśanīyam | anyatsarvaṃ 
praveśakena vṛttāntārthā tadavaśiṣṭenetivṛttanirvāhaphalā alpā saṃkṣiptā 
kathā yasya praveśakasya | evaṃ pratyakṣaprayojyapraveśakopayogo darśitaḥ 
anyatrātpi taṃ darśayati yuddhaṃ rājyabhraṃśa ityādi | yuddhe 
śastrasaṃpātasya bāhulyaṃ rājyabhraṃśe'pi patanamaraṇādeḥ nagaroparodhe 
balasya yantrasuraṅgādidānasya | iha kecidāhuḥ maraṇaṃ dvividham | 
kiñcidanyasaṃbandhinyā kriyayā saṃpādyaṃ yathā cakreṇa daityasya 
śiraśchedaṃ kiñcidanyasaṃbandhikriyānairapekṣyeṇaiva 
vyādhyabhighātādiprabhavam | tatrādyasyaiva niṣedhaḥ kriyate | etadarthameva 
kṛtagrahaṇaṃ taddhyanyakriyāvācakam | na ca tadyuddhena saṃgṛhītam | ayuddhe 
pūrvasyāpyaśaṅkitaśiraśchedasya darśitatvāditi | ta evaṃ praṣṭavyāḥ - idaṃ 
maraṇaṃ prayojyamidamaprayojyamiti na tāvadatra viṣayavibhāge 
nidānamutpaśyāmaḥ | mṛtasya kathaṃ niṣkramaṇaṃ kathaṃ vāvasthānaṃ tato 
nāṭyopayogisamastadhruvāgānādiprakriyāvilopaḥ sāmājikānāṃ 
virasatāpratipattiriti tu sarvatra maraṇaṃ samānaṃ tasmādraṅge 
maraṇamaprayojyameva | nanu maraṇānubhāvavarṇanenedānīṃ kiṃ kṛtyaṃ 
yuddhavīraraudrādāvapyetadanubhāvavarṇane kiṃ prayojanaṃ 
tadanubhāvāparijñāne praveśakairapi kathaṃ varṇanaṃ syāditi cenmaraṇe'pi 
samaḥ samādhiḥ |


p. 427)

aṅke praveśake ca prakaraṇamāśritya nāṭake vāpi |
na vadhaḥ kartavyaḥ syādyo'bhyudayī nāyakaḥ khyātaḥ ||

apasaraṇameva kāryaṃ grahaṇaṃ vā sandhireva vā yojyaḥ |


kiñca yatra pratyāpattiśūnyaṃ maraṇaṃ tatprakriyāvilopakatvānna prayojyam | 
yattu kvacittatpratyāpattiḥ yathā jīmutavāhanasya tadeva 
kṣaṇamātrāniścitaceṣṭātmakaṃ prayojyameveti so'pi 
maraṇānubhāvasākṣātkaraṇasya viṣayaḥ | yadvāhinīnāmapi 
sāṭopaparikramaṇaṃ śastravarṇanādiprārambharūpamadaḥ prayojyamapi tu 
tannirvāho na pradarśanīyaḥ | etadeva kāraṇe sphuṭīkṛtaṃ yuddhameva 
yannirvāhaparyantaṃ yāvanmaraṇameva yadacirapratyāpattirna bhavati tanna 
pratyakṣeṇa prayojyaṃ praveśakairiti 
upakṣepapañcakamadhyādanyatamenopakṣepeṇetyarthaḥ | anye tvāhuḥ - 
vyādhijamabhighātajaṃ ca maraṇaṃ raṅge prayojyaṃ 
apunarjaniniṣkrāntirahitaprakṛtirvidheyeti |

atha sarvathā yadviṣayaṃ maraṇaṃ nākhyeyaṃ taddarśayati aṅke praveśake ceti 
| prakaraṇe nāṭake vā nāyakasya pratyakṣeṇa vā varṇanayā vā na maraṇaṃ 
varṇanīyam | aṅka iti pratyakṣeṇa praveśaka iti varṇanayā |

nanu pratyakṣeṇa ye na kasyacinmaraṇaṃ prayojyamicchanti tanmate aṅkagrahaṇaṃ 
kimarthaṃ tatrāhuḥ vadhaśabdena (na) maraṇamucyate api tu 
parakṛtaghātadānādi tatrānyaghātadānādyapi pratyakṣeṇa raṅge pradarśyate | 
acirapratyāpattau samāśvāse yastu nāyakastasya khyātasya na ghātadānādi 
pradarśanīyam | anye tu khyātaṃ nāyakaṃ patākānāyakādikamicchanti |

apasaraṇamiti palāyanam yathoktaṃ - aśakye sarvamutsṛjyāpagacchet dṛṣṭā 
(artha 9-7) hi jīvataḥ punarāvṛttiḥ iti | grahaṇaṃ vā kāryaṃ 
sanibandhanabandhanamiti | yathā vāsavadattanṛttadhāre (pāre?) vatsarājasya | 
sandhireveti sandhānaṃ yaduktam -


p. 428)

kāvyaśleṣairbahubhiryathārasaṃ nāṭyatattvajñaiḥ || 40 ||

na mahājanaparivāraṃ kartavyaṃ nāṭakaṃ prakaraṇaṃ vā |
ye tatra kāryapuruṣāścatvāraḥ pañca vā te syuḥ || 41 ||

kāvyaṃ gopucchāgraṃ kartavyaṃ kāryabandhamāsādya |


pravṛttacakreṇākrānto rājñā balavatā'balaḥ |
sandhinopanamet .............. | (arthaśāstre 7-3 adhyā)

apasaraṇabandhanasandhīnāṃ viṣayavibhāgasūcanāyāha | 
pradhānarasānusāreṇa yatkāvyaṃ yatkāvyārthastasya śleṣā 
bandhanādyupapattayaḥ tairupalakṣitamapasaraṇādikāryamiti yāvat | 
kāryaviśeṣairiti keṣāṃcitpāṭhaḥ |

atha yadyadaprayojyaṃ pratyakṣeṇa tasya sāmānyadvārakaṃ saṃgrahaṃ 
darśayitumāha - na mahājanaparivāramiti | mahājanaḥ saṃkhyayā tena 
parivāraḥ parivāraṇaṃ yatra yatra vastuni tannāṭakamiti tadyuktaṃ tat prakaraṇam 
| vāgrahaṇādanyadapi na kāryam | etaduktaṃ bhavati - bahutarapuruṣasādhyaṃ 
yatkiñcittadyathā samudre setubandhanamityādi tatsarvaṃ pratyakṣeṇa na 
pradarśanīyam tathā mahato janasya pitāputraśvaśrūsnuṣāguruśiṣyādeḥ parito 
varaṇaṃ vrīḍātaṅkādiyogena yatra jāyate vairasyaṃ vā mahājanasya sabhyasya 
ca yatra parivaraṇaṃ cittasaṃkocaḥ tatsarvaṃ paricumbanadyapi na pratyakṣaṃ 
prayojyam | yadi ca pratyakṣaprayojyaṃ 

tatra pañca kāryapuruṣāḥ yadi catvāraḥ prakarīpatakādirūpā teṣāṃ ca 
parivārasvabhāvāstāvanta eveti | yadi prakarṣastadā daśāṣṭau vā raṅge 
praviṣṭā bhavanti | tato'dhikeṣu tvabhinaya catuṣṭayaṃ samyagavibhāvanīyaṃ 
syāt devayātrāparidṛśyamānajanasamājavat | aivamaṅke praveśakasvarūpaṃ 
vitatyābhihitam adhunā tatsamudāyasya nāṭakasya yādṛgrūpaṃ taddarśayati 
kāvyaṃ gopucchāgramiti | kramasūkṣmāṅgamiti kecit | anye tu yathā gopucche 
kecidvālāḥ hrasvāḥ keciddīrghāḥ evaṃ kānicitkāryāṇi 


p. 429)

ye codāttā bhāvāste sarve pṛṣṭhataḥ kāryāḥ || 42 ||

sarveṣāṃ kāvyānāṃ nānārasabhāvayuktiyuktānām |
nirvahaṇe kartavyo nityaṃ hi raso'dbhutastajjñaiḥ || 43 ||

nāṭakalakṣaṇametanmayā samāsena kīrtitaṃ vidhivat |
prakaraṇamataḥparamahaṃ lakṣaṇayuktyā pravakṣyāmi || 44 ||

yatra kavirātmaśaktyā vastu śarīraṃ ca nāyakaṃ caiva |


mukhasandhau parisamāptāni kānicit pratimukhaparyantāni 
kānicidavamarśāvasānāni parāṇi nirvahaṇaparyavasāyīni tadyathā 
ratnāvalyāṃ pramodotsavo mukhasandhāveva niṣṭhita ityādi yāvat 
bābhravyavṛttāntī mukhopakṣipto nirvahaṇaniṣṭhāṃ prāptaḥ | sārarūpāśca 
padārthāḥ paryante kartavyāḥ |

atra hetumāha sarveṣām kāvyānāmiti | nāṭakādīnāṃ nirvahaṇo'dbhutarasaḥ 
kartavyaḥ | evaṃ hi tāni kāvyāni rasabhāvānāṃ yuktyā parasparasaṃbaddhāni 
yuktāni bhavanti nānyathā ekavākyatāṃ ca vinā kaḥ prabandhārtha | tathā ca 
śṛṅgāravīraraudraiḥ strīratnapṛthivīlābhaśatrukṣayāḥ 
karuṇādibhistannivṛttiritīyatā krameṇa lokottarāsaṃbhāvyamanorathaprāptau 
bhavitavyamadbhutena | asādhāraṇalābho hi yadi phalatvena kalpyate'vaśyaṃ 
kriyāyāḥ kiñcidastyeva phalamātrāmiti kiṃ 
tatropāyavyutpādanāyattenetyadbhutāvasānatvamakāryam kena 
vyutpadyajanasyaivaṃ buddhirjāyate - aho duṣkaramapyupāyakrameṇa sidhyati iti 
upāyena vartitavyaṃ iti | pūrvoktamupasaṃharati vaktavyāntaraṃ cākṣipati 
nāṭakalakṣaṇametadityādi | kvacillakṣyaṃ prasiddham iha tu lakṣaṇabalena 
tasyaiva yatnaprasādhyatvamiti darśayati | lakṣaṇayuktya lakṣaṇadvāreṇa yuktiḥ 
hṛdayānupraveśanayā hetubhūtayā saṃpādyayetyarthaḥ | tatra prakaraṇasya 
sabhedasya salakṣaṇaṃ nāmanirvacanaṃ cāha yatra kavirātmaśaktyeti | vastviti 
sādhyaṃ phalaṃ śarīramiti tadupāyaṃ vastvādikaṃ 
kāvyābhidheyamātmaśaktyā prakurute yatkāvyena tatprakaraṇamiti 
budhairjñeyamiti saṃbandhaḥ | yatra 

p. 430)

autpattikaṃ prakurute prakaraṇamiti tadbudhairjñeyam || 45 ||

yadanārṣamathāhāryaṃ kāvyaṃ prakarotyabhūtaguṇayuktam |
utpannabījavastu prakaraṇamiti tadapi vijñeyam || 46 ||

yannāṭake mayoktaṃ vastu śarīraṃ ca vṛttibhedāśca |
tatprakaraṇe'pi yojyaṃ salakṣaṇaṃ sarvasandhiṣu tu || 47 ||


samutpādyaṃ na bhavati tatra yo'nutpādyoṃ'śaḥ na kutastho grāhya iti 
darśayitumāha yadanārpamityādi | anārṣamiti 
purāṇādivyatiriktabṛhatkathādyupanibaddhaṃ mūladevacaritādi | āhāryamiti 
pūrvakavikāvyādvāharaṇīyaṃ samudradattaceṣṭitādi |

nanu ca tatrāṃśe kavikṛtatvābhāvātkathaṃ prakaraṇavācoyuktirityāha utpanne 
pūrvasiddhe bījaṃ vastu ca yatra tādṛśamapi tat yaditi vastubhūtaiḥ 
bṛhatkathādau kāvyāntare vā rpasiddhairguṇairyuktaṃ prakaroti taditi 
tasmāddhetoretadapi prakaraṇam | tena bṛhatatkathādisiddhasya 
mūladevāderadhikāvāpaṃ kaviśaktiryadā vidhatte tadā prakaraṇam | evaṃ 
pūrvakavisamutprekṣitasamudradattaceṣṭādivarṇane'pi adhikāvāpaṃ 
vidadhatkaviḥ prakaraṇaṃ kuryāditi tātparyam | nanvasyeti vṛttasya kathaṃ 
yojanetyāśaṃkya pūrvoktamevātideśadvāreṇa smārayitumāha yannāṭake 
mayoktamiti | 
nānāvibhūtiyuktamṛddhivilāsādibhirityādināyakaphalavatvamuktaṃ tat 
vastuśarīramiti aṅkapraveśakāḍhyaṃ vṛttibhedāśceti 
nānārasabhāvaceṣṭitairbahudhā | sukhadukhotpattikṛtamiti 
salakṣaṇamityaṅkapraveśakayorlakṣaṇayuktamiti |

kecittu śarīragrahaṇena gatārthaṃ 
tasmāllakṣaṇamityaṅkaparimāṇamaṅkāntarasandhānahetuṣu ca praveśakeṣu 
yatprayojyamuktaṃ divasāvasānakāryaṃ yadyaṅkenopapadyata ityādi 


p. 431)

vipravaṇiksacivānāṃ purohitāmātyasārthavāhānām |
caritaṃ yannaikavidhaṃ jñeyaṃ tatprakaraṇaṃ nāma || 48 ||

nodāttanāyakakṛtaṃ na divyacaritaṃ na rājasambhogam |
bāhyajanasaṃprayuktaṃ tajjñeyaṃ prakaraṇaṃ tajjñaiḥ || 49 ||

dāsaviṭaśreṣṭhiyutaṃ veśastryupacārakāraṇopetam |
mandakulastrīcaritaṃ kāvyaṃ kāryaṃ prakaraṇe tu || 50 ||


ityādi tatsarva prakaraṇe'pi yojyam iti | atideśāyātamatiprasaṅgaṃ 
vārayatyāryādvayena vipravaṇimityādinā | sacivo mantrī amātyo'dhikṛtaḥ 
sārthavāhastāvatpaṇyānāmāhartā taddeśakrayavikrayakṛto vaṇijo'nya eva | 
naikavidhamityanekaramayuktamityarthaḥ | naikarasāntaravihita iti 
tadatideśamātramiti sūcitam | prakhyātodātteti prasaktaṃ niṣedhati nodātteti | 
tanniṣedhe cārthānnāṭake vaiparītyamāyātam | nāṭake ca devo nāyakatvena 
niṣiddha iti prakaraṇe kartavyatvenāpādyata ityāha na divyacaritamiti | tathā na 
divyāśrayamiti yadanādeśād devānāṃ prayojyatvaṃ prasaktaṃ tadapyanena 
niṣiddham | nāṭake devānāmivehāpi rājñaḥ praveśe śaṅkamāne nirākaroti na 
rājasaṃbhogamiti | yadi vā autpattikatve'pi na rājocitasaṃbhogotprekṣā 
viprādiṣu karaṇīyetyanena śikṣayati ata eva rājaniyamaḥ | ucito'ntaḥpurajanaḥ 
kañcukiprabhṛtiḥ tadvyatirikto bāhyajano'tra ceṭadāsādiḥ praveśakādau kārya 
ityarthaḥ |

etadeva darśayati dāsaviṭaśreṣṭiyutamiti kañcukisthāne dāsaḥ vidūṣakasthāne 
viṭaḥ amātyasthāne śreṣṭhītyarthaḥ | veśyāvāṭo veśaḥ tatra yā strī tasyāḥ 
ya upacāro vaiśike (a-23) vakṣyate sa kāraṇaṃ yasya śṛṅgārasya tenopetaṃ 
kulastrīviṣayaṃ ceṣṭitaṃ mandaṃ yatreti | upādhyāyāstu mandakulānāṃ 
strīṇāṃ caritaṃ 


p. 432)

sacivaśreṣṭhibrāhmaṇapurohitāmātyasārthavāhānām |
gṛhavārtā yatra bhavenna tatra veśyāṅganā kāryā || 51 ||

yadi veśayuvatiyuktaṃ na kulastrīsaṅgamo'pi syāt |
atha kulajanaprayuktaṃ na veśayuvatirbhavettatra || 52 ||


yatretyāhuḥ tena kulāṅganāpi tatra mandakulaiveti darśitaṃ bhavati | 
etadevābhimanyamānena puṣpadūṣitake'śokadattādiśabdākarṇanena 
samudradattasya śaṅkā yopaniyaddhā sā na doṣāya nirvahaṇāntopayoginī hi 
nandayantīnirvāsanaṃ tasyāśca gṛhāntarāvasthā | idameva mukhasandhau 
mūlaṃ parapuruṣasaṃbhāvanāmūlatvāt | evamanabhyupagame tu śvaśureṇa 
badhvā asannihite pute nirvāsanaṃ 
śabarasenāpatigṛhe'vasthānamityuttamaprakṛtīnāmanupapannameva | tasmāt 
svavargāpekṣayedamuttamatvamadyatane rājocitānāmuttamaprakṛtīnāṃ 
vaṇidmāve samāropya tadruṣaṇaṃ yatkṛtaṃ na tena brahmayaśaḥsvāmiyaśaḥ 
khaṇḍitaṃ api tu svayaśa eva | ye hi mithyāyaśo mithaya 
kalaṅkayitumudyatāsteṣāṃ khayaśa eveti yaśomātravaśeṣatā na hi 
nāyakaśabdamātrādeva duryodhanavadeva śaṅkādyanucitam | prakaraṇe hi 
tādṛśa eva nāyakaḥ kevalamanyavaṇigapekṣayā sa uttamo'stu vyutpādyaśca 
tatraivaṃvidha evetyalamavāntareṇa |

athāsya saptavidhasyāpi prakaraṇasya pratyekaṃ bhedatrayaṃ 
darśayitumāryātrayaṃ paṭhati sacivetyādi | sacivādīnāṃ saṃbandhinī yatra 
gārhasthyocitā vārtā puruṣārthasādhakamitivṛttaṃ na tatra veśyāṅganā 
nāyikātvena nibandhanīyā viṭādīnāṃ tu nāyakatvena kṛtānāṃ 
gārhasthyacintāyāṃ sāpi nibandhanīyetyuktaṃ bhavati | yadi 
gṛhasthacintāvarṇanaṃ na bhavati śreṣṭhisārthavāhādīnāṃ ca 
viprādivadaviruddho veśyāyoga iti sāpi pradarśanīyeti labdhamarthāt | tatra na tu 
kulastrīsaṃgamaḥ kartavyaḥ | tadāha yadi veśayuvatīti | atha kulajanaprayuktamiti | 
evaṃ śreṣṭhisacivādiviṣayaṃ śuddhaṃ bhedadvayamuktaṃ viṭhādiviṣayastu 
saṃkīrṇa eva veśyākulajābhyāṃ bhavati |


p. 433)

yadi vā kāraṇayuktyā veśakulastrīkṛtopacāraḥ syāt |
avikṛtabhāṣācāraṃ tatra tu pāṭhyaṃ prayoktavyam || 53 ||

madhyama puruṣairnityaṃ yojyo viṣkambhako'tra tattvajñaiḥ |
saṃskṛtavacanānugataḥ saṃkṣepārthaḥ praveśakavat || 54 ||

śuddhaḥ saṃkīrṇo vā dvividho viṣkambhako'pi kartavyaḥ |
madhyamapātraḥ śuddhaḥ saṃkīrṇo nīcamadhyakṛtaḥ || 55 ||


tadāha yadi vā kāraṇayuktyeti | viṭe veśastrī pradhānatvāt pūrvamuktā kulastrī 
tu tatrāpi pitṛpitāmahādyanurodhāditi kāraṇaśabdenoktam | avikṛtā bhāṣā 
kulastriyāḥ śaurasenī veśyāyāḥ saṃskṛtā ācāraḥ kulastriyāṃ 
vinayapradhānaḥ anyasyāṃ tadviparītaḥ | tathā ca devīcandragupte 
vasantasenāmuddiśya mādhavasyoktiḥ (mādhavasenāmuddiśya 
candraguptasyoktiḥ ?) -

ānandāśru sitetarotpalarucorāvadhnatā netrayoḥ
pratyaṅgeṣu varānane pulakiṣu svedaṃ samātanvatā |
kurvāṇena nitambayorupacayaṃ saṃpūrṇayorapyasau
kenāpyaspṛśatāpyadhonivasanagranthistavocchvāsitaḥ || iti |

atra hi vyutpādyastathāvidha eva tādṛśyeva ca vṛttaṅke evametat | ekaviṃśatiḥ 
prakaraṇe bhedāḥ | prakaraṇe nāyakāpekṣayā prāyaśaḥ upayogino'pi 
madhyamā eva saṃbhavantīti tatra viṣkambhakasya bāhulyena 
sabhāvanamityāśayena prakaraṇe viṣkambhakaṃ lakṣayati madhyamapuruṣairiti | 
viṣkambhayatyupastambhayatīti viṣkambhakaḥ | saṃskṛtena vacanenānugataṃ ca 
saṅkīrṇo'pyastyeveti praveśakena vārthakriyākartavyatāmeva 
kartavyatvenābhisandhāya viṣkambhakaḥ kāryaḥ | tāmevārthakriyāṃ spaṣṭayati


p. 434)

aṅkāntarālavihitaḥ praveśako'rthakriyāṃ samabhivīkṣya
saṃkṣepātsandhīnāmarthānāṃ caiva kartavyaḥ || 56 ||

anayośca bandhayogādanyo bhedaḥ prayoktṛbhiḥ kāryaḥ |
prakhyātastvitaro vā nāṭakayoge prakaraṇe vā || 57 ||


saṃkṣepātsandhīnāmarthānāṃ ceti | sandhīnāṃ yaḥ saṃkṣepo 
yuddharājyabhraṃśādīnāṃ cārthānāṃ yaḥ saṃkṣepastamabhisandhāya 
aṅkasyāṅkayorvāntarāle madhye viṣkambhako yojyaḥ |

nanu kohalena mukhāṅkasya cāyamantarāntare vihitaḥ
madhyamapuruṣaniyojyo nāṭakamukhasandhimāvasañcāraḥ |
viṣkaṃbhako hi kāryo nāṭakayoge praveśakavat | iti |

tatkathamuktamaṅkāntarānusārīti upalakṣaṇārthametadityadoṣaḥ | tathāhi 
bījaṃ binduśca prathamamupakṣipyete tatra ca pṛthagjanasyālabdhaniveśatvāt 
sacivādigocaratvācca tadupakṣepe viṣkambhakasyaivāvasara iti yaducyate 
tadaṅkāntareṣvapi mantraguptatāyāṃ tulyamiti tatrāpyanivārito 
viṣkambhakapraveśaḥ | pṛthagjano'pi vā yatra mantracintāyāmanupraveśyate 
tatra praveśako'pi prathaopakṣepe na yogya iti yuktam | 
sāmānyenāṅkāntarānusārīti aṅkasya madhya ityanena 
prastāvanāṅkamadhyavartitāpyuktaiva | praveśakaviṣkambhakaviṣaye 
liṅgavacanayoratantratvāt strīṇāmapyanupraveśaḥ saṃkhyādhikyasya ca |

evaṃ sakalapuruṣārthaviṣayā vyutpattiḥ nāṭakena pradhānasya rājaprāyasya 
kriyate prakaraṇena ca madhyamaprāyasya apūrvakutūhalavatastatrāpi 
caikaviśakasyābhidhānāt citravyutpattiḥ | tatra rūpakalakṣaṇasya saṃkīrṇatayā 
bahavo bhedāḥ santītyuktaṃ sāmānyalakṣaṇe | tatra pradhānabhūtayoḥ 
sarvarūpakaprasaraṇakāriṇoḥ nāṭakaprakaraṇayorlakṣaṇasāṅkarye darśite 
sarvarūpakāṇāṃ darśanaṃ tadbhavatītyabhiprāyeṇa tadeva


p. 435)

prakaraṇanāṭakabhedādutpādyaṃ vastu nāyakaṃ nṛpatim |
antaḥpurasaṅgītakakanyāmadhikṛtya kartavyā || 58 ||

strīprāyā caturaṅkā lalitābhinayātmikā suvihitāṅgī |
bahunṛttagītapāṭhyā ratisambhogātmikā caiva || 59 ||

rājopacārayuktā prasādanakrodhadambhasaṃyuktā |
nāyakadevīdūtī saparijanā nāṭikā jñeyā || 60 ||


darśanīyam | uddeśakramānusāreṇa tu tallakṣanavistaraṇaṃ 
punastallakṣaṇaparāmarśe ca gauravamityabhiprāyeṇāryātrayaṃ paṭhati 
prakaraṇanāṭakabhedādityādi | prakaraṇanāṭakābhyāṃ bhedāt 
lakṣaṇānyatvānnāṭikā jñeyeti dūreṇa saṃbandhaḥ | utpādyaṃ vastu caritaṃ 
ca nāyakaṃ ca nṛpatimantaḥpurakanyāṃ saṅgītaśālākanyāṃ bādhikṛtya 
prāpyatvena abhisandhāya kartavyā | striyaḥ prāyeṇa bāhulyena yatra | 
catvāro'ṅkāḥ yasyāḥ kasyāścidavasthāyāḥ saraso'vasthāsamāvāpaḥ 
kārya iti yāvat | lalitābhinayātmiketi kaiśikīyaṃ baddhetyarthaḥ | suṣṭhu 
pūrṇatayā vihitāni catvāryapi kaiśikyaṅgāni yatra | aṅgagātrakaṇṭhebhya 
ityatra svāṅgaviśeṣaṇābhāvāt ṅīṣ prayogaḥ | etadapi na 
munitrayamatamityanādṛtyamiti tvanye | ratipurassaraḥ saṃbhogo 
rājyaprāptyādilakṣaṇa ātmā pradhānabhūtaṃ phalaṃ yasyām | ata evāha 
rājagaterupacāraiḥ vyavahārairyuktā anyāṃ ceduddiśya tatra vyavahāraḥ 
tatpūrvanāyikāgataiḥ krodhaprasādavañcaniravaśyaṃ bhāvyamiti darśayati 
prasādaneti āryānurodhātkrodhasya paścātpāṭhaḥ |

nanu yasyāḥ krodho bhavati sā na kāciduktetyāśaṃkyāha nāyaketi | nāyakasya 
yeyaṃ devyādyā nāyikā tathābhilaṣitanāyikāntaraviṣaye dūtīkṛtaṃ 
saparijanaṃ parijanasamṛddhiryasyāṃ | etadubhayapradhānaṃ sarvaṃ tatretyarthaḥ 
| anyatsa-


p. 436)

antarbhāvagatā hyeṣā bhāvayorubhayoyartaḥ |
ata eva daśaitāni rūpāṇītyuditāni vai ||) 61 ||

prakaraṇanāṭakalakṣaṇamuktaṃ viprā mayā samāsena |
vakṣyāmyataḥ paramahaṃ lakṣaṇayuktyā samavakāram || 62 ||


ndhyaṅgādi sarvaṃ pūrvavadeva | tatraikā nāyikā tāvad vyākhyātā bhavati | 
ṣaṭpadeyaṃ nāṭiketi saṃgrahānusāriṇo bhaṭṭalollaṭādyāḥ | 
śrīśaṅkukastvayuktametadityabhidhāyāṣṭadheti vyācaṣṭe tathā hi devī kanyā 
ca khyātākhyātabhedena caturdhā kanyāstvantaḥ purasaṅgītakabhedena dvidheti | 
ghaṇṭakādayasvāhuḥ - nāyako nṛpatirityetāvanmātraṃ nāṭakādāvupajīvitaḥ 
na tu prakhyātatvamapi tadbhedadvayādanye'ṣṭāviti ṣoḍaśabhedā iti | nāyako 
nṛpatiriti ye prathamāṃ paṭhanti tairyatretyadhyāhṛtyaikavākyatāyāṃ 
tūbhayasya kāryam | anye prathamamāryārdhaṃ pṛthageva ca vākyaṃ yojayanti |

prakaraṇabhedātprakaraṇalakṣaṇāṃśāt utpādyaṃ vastu 
nāṭakalakṣaṇāṃśācca nṛpatirnāyakaḥ sthite yatretyabhiprāye 
nāṭikaivaṃbhūteti |

anye tu prakaraṇanāṭakabhedāt nāṭikā bhidyate nāṭakaśabdenābhineyaṃ 
rūpakamātraṃ tasyāṃ saukumāryapradarśanāya strītvena nirdeśa iti 
prakaraṇikāpi sārthavāhādi nāyakayogena kaiśikīpradhānā labhyata ityāhuḥ | 
yadyapi ca nāṭikaivamuktaḥ tathāpi prakaraṇanāṭaka lakṣaṇe eva tathā sthite 
tatretyabhiprāyeṇa upasaṃharti prakaraṇanāṭakalakṣaṇamiti anyadāsūtrayati 
vakṣyāmyataḥ paramiti |

nanūddeśakramatyāge kiṃ phalaṃ uddeśastāvadatra na parigaṇanārtha ityuktaṃ 
tenāsya prādhānyānnāṭikakayā ca vicchinno'sāvuddeśakramaḥ | yathā ca 
nāṭakaprakaraṇayo vyurtpādyabhūyastvaṃ tathā samavakāre'pi tatra 
trivargopāyapradarśanāt | kevalaṃ tattaddevatābhaktānāṃ 
taccaritapurasmaratayā tasya tasyopāyasyādaraṇīyatvaṃ 
bhavatītyanenābhiprāyeṇa divyo'tra nāyakatvena niṣidhyate | tadīyaṃ ca 
bhūyastaraṃ na bhūyastaraṃ vitatavṛttamanukriyayā pradarśayte tena 
tanmadhyapatitānāṃ bhavati nirvedādīnāmabhāve prayogasyārañjakatvaṃ 
nāṭakagatāṅkaikadeśavat nāṭakādau tu bhūyastaraṃ 


p. 437)

devāsurabījakṛtaḥ prakhyātodāttanāyakaścavia |
tryaṅkastathā trikapaṭastrividravaḥ syāttriśṛṅgāraḥ || 63 ||

dvādaśanāyakabahulo hyaṣṭādaśanāḍikāpramāṇaśca |
vakṣyāmyasyāṅkavidhiṃ yāvatyo nāḍikā yatra || 64 ||

aṅkastu saprahasanaḥ savidravaḥ sakapaṭaḥ savīthīkaḥ |
dvādaśanāḍīvihitaḥ prathamaḥ kāryaḥ kriyopetaḥ || 65 ||


caritamanekāṅgarañjakkavargeṇa vinā na rañjakameveti nāṭakādau 
divyanāyakaniṣedha uktaḥ | (nokta?) tatra hi rājaprabhṛtayo 
bahutaraphalānubandhini mahati phale saṃprayāsasādhye vyutpādyante na tatheha 
kintu trivargopāyamātre |

anyarūpakāṇāṃtu trivargopāyatvaṃ nāsti ekāṅkatvāt ḍimastu caturṅko'pi 
paścānnirdiṣṭa ityatra tallaksaṇe kāraṇaṃ vakṣyāmaḥ | tasmāt 
trivargavyutpādakatvādanekāṅkatvācca 
tādṛśarūpakānantaramevābhidhānaṃ yuktamityalaṃ bahunā |

devāsurasya yadbījaṃ phalasaṃpādanopāyastena kṛto viracitaḥ | devāsurā api 
cāprakhyātā bṛhatkathādau śrūyante svayaṃ vā kenacidūhyanta iti 
tannirāsārthaṃ prakhyātapadam | yadyapi devāḥ puruṣāpekṣayoddhatāstathāpi 
svāpekṣayā gāmbhīryapradhānatayodāttā ucyante 
bhagavatripuraripuprabhṛtayaḥ | praśāntāḥ brahmādayaḥ uddhatāḥ 
nṛsiṃhādayaḥ | atra yatra tāvatyeva samāpannaṃ tryaṅka ityuktam | arthatrayaṃ 
ca kapaṭavidravaśṛṅgārāḥ pratyekaṃ trividhāstatra pratyaṅkaṃ 
vidravādayastrayastathāhi kapaṭa upāyāṃśe vidravo vyāpattisaṃbhāvanāṃśe 
śṛṅgāra phalāṃśe evaṃ dvitīye'ṅke tṛtīye ca | dvādaśanāyakabahula iti 
pratyaṅkamiti kecit | anye tu pratyaṅkaṃ nāyakapratināyakau tatsahāyau ceti 
caturāhaḥ samudāyāpeksayā hi dvādaśeti | saprahasana iti vacanāt 
prathame'ṅke kāmaśṛṅgāraḥ prayojya ityāha tatraiva hāsyasyāgamanāt | 
stri(kri?)yopeta iti kāmaśṛṅgārātmakaṃ dvādaśaghaṭikāmadhyasaṃpādyaiḥ 
kapaṭavidravapraha


p. 438)

kāryastathā dvitīyaḥ samāśrito nāḍikāścatasrastu | 
vastusamāpanavihito dvināḍikaḥ syāttṛtīyastu || 66 ||

nāḍīsaṃjñā jñeyā mānaṃ kālasya yanmuhūrtārdham |
tannāḍikāpramāṇaṃ yathoktamaṅkeṣu saṃyojyam || 67 ||

yā nāḍiketi saṃjñā kālavibhāge kriyābhisaṃpannā |
kāryā ca sā prayatnādyathākrameṇaiva śāstroktā || 68 ||

aṅko'ṅkastvanyārthaḥ kartavyaḥ kāvyabandhamāsādya |
arthaṃ hi samavakāre hyapratisaṃbandhamicchanti || 69 ||


sanalakṣaṇairupāyaiḥ prāpte prathamāṅke nibadhnīyāditi tātparyam | dvitīye 
tyaṅke ghaṭikācatuṣṭayagāmibhiḥ kapaṭādibhirupāyeḥ tṛtīye tvaṅke sarvaṃ 
vastusamāpyate dvighaṭikāntarasaṃpādyairupāyaiḥ yadyapi pratyaṅkam 
vastuparisamāptirasti tathāpi tṛtīye vastusamāptigrahaṇenedamāha bīje 
tāvadaṅkatrayārtha upakṣeptavyaḥ 
tadanantaramaṅkadvaye'vāntaravākyārthasāaptiranyonyaviśiṣṭaiva vidheyā | 
tṛtīye tvaṅke'vāntaravākyārthaḥ | tṛtīyastābhyāṃ pratisaṃbaddhaḥ | evaṃ 
mahāvākyārthanirvāhahetusaṃbaddhataiva sarvasya jāyate | evaṃ hi 
sānusandhānā vitatadṛśo'pi trivargasiddhyupāyavyutpattyanugṛhītā bhavati 
niranusandhānāpi tāvattāvat parisamāptyā tāvatyupāye 
nijahṛdayasaṃvādabalāditi | ata evaṃbaddho'vakīrṇaśca yatrārthaḥ 
samavakārastadāha aṅko'ṅka iti turvyatireke aṅkatrayasaṃbandho bhavati na 
tvaṅko'ṅkaḥ parasparamityarthaḥ | kāvyabandhamiti | sarvaṃ vastu 
kāvyabandho'paśliṣṭamityarthaḥ anyathā hi samavakāra ekaṃ kāryamiti keyaṃ 
phaṇitiḥ |

etadeva nirvacanenāha arthaṃ hi samavakāra iti | samavakāra ityasmin 
śabde'rthaṃ vācyamapratisaṃbandhamiti nātisaṃbaddhaṃ kiñcitsaṃbaddhaṃ 
vastvicchanti 


p. 439)

yuddhajalasambhavo vā vāyvagnigajendrasaṃbhramakṛto vā |
nagaroparodhajo vā vijñeyo vidravastrividhaḥ || 70 ||

vastugatakramavihito daivavaśādvā paraprayukto vā |
sukhaduḥkhotpattikṛtastrividhaḥ kapaṭo'tra vijñeyaḥ || 71 ||

trividhaścātra vidhijñaiḥ pṛthakpṛthakkāryayogavihitārthaḥ |
śṛṅgāraḥ kartavyo dharme cārthe ca kāme ca || 72 ||


saṃśabdabalādavaśabdabalācca | pratiśabdenātiśaya uktaḥ sa niṣiddhaḥ | 
trividrava ityuktaṃ tatryaṃ vaktavyamacetanakṛtamanyakṛtamubhyakṛtaṃ vā 
yadanarthātmakaṃ vastu yato vidravanti janāḥ sa vidrava iti trividhaḥ | 
tatrācetanakṛtamudāhartuṃ jalavāyvādigrahaṇam | cetanakṛte gajendra 
udāharaṇam | dvayakṛte nagaroparodhastasya yuddhāgnidānādisaṃpādyatvāt | 
kapaṭo vañcanā tasyāśrayaṇamaṅgīkaraṇam | tridhā tatra vañcanā buddhyaiva 
kadācitkevalayā kapaṭo bhavati sa hi vastugatakramavihitaḥ vastu phalaṃ tatprāptau 
vastugataḥ phalasādhakaḥ karta tasya yaḥ krama upāyacintanādiḥ tena vihitaḥ 
yatrānaparāddha eva vañcakena vañcyate sa evamuktaḥ | yatra tu vañcanīyo'pi 
sāparādhaḥ sa paraprayuktaḥ kapaṭaḥ tadaparādhe tu vañcakasya vañcanecchā 
nāstīti nāyaṃ bhedaḥ saṃbhavati vañcanecchābhāve vañcanāyāḥ 
saṃpattyayogāt | yatra tu dvayorapi na kaścidabhisandhidoṣaḥ kākatālīyena 
tulyaphalābhisandhānavatorapyeka upacayenāparastvapacayena yujyate tatra 
vañcanā sā daivakṛtā | na ca kasyacitsukhamanyasya duḥkhamutpādayatīti |

dharme'srthe kāma iti saptamyā kāryatvaṃ kāraṇatvaṃ cocyate | tena dharmo 
yatra heturvā sādho vā nāyikālābhe sa dharmaśṛṅgāraḥ | 
evamarthakāmayorvācyam | yatra śṛṅgāra iti tadviṣayaḥ pramadā vyapadiśyate 
vratādiyuktyā prāpyo yatra


p. 440)

yasmin dharmaprāpakamātmahitaṃ bhavati sādhanaṃ bahudhā |
vrataniyamatapoyukto jñeyo'sau dharmaśṛṅgāraḥ || 73 ||

arthasyecchāyogādbahudhā caivārthato'rthaśṛṅgāraḥ |
strīsaṃprayogaviṣayeṣvarthārthā vā ratiryatra || 74 ||

kanyāvilomanakṛtaṃ prāptau strīpuṃsayostu ramyaṃ vā |
nibhṛtaṃ sāvegaṃ vā yasya bhavetkāmaśṛṅgāraḥ || 75 ||



ca prāpte dharmaprārthanārūpamātmahitaṃ yajñādi patnīsaṃyogakṛtaṃ 
sidhyatīti saṃbandhaḥ anekadheti rājyabhūmigosuvarṇādibhedenetyarthaḥ | 
rativahumāno'rthārthamiti yoṣitāṃ puruṣāṇāṃ ca |

nanu ca devesu kathamarthārthitvaṃ gandharvayakṣādiṣu saṃbhavatyeveti kecit | 
yadarthanīyaṃ tadartho deveṣvapi caitatsaṃbhavatītyanye | upādhyāyāstvāhuḥ - 
tatra nāyakayoranuprāptirapyanyagataiva | yathā bhagavato bhavānīpateḥ 
girirājaputrīsaṅgamanamidrādīnāṃ tārakākrāntanijarājyasamunmocanāya 
bhavatīti | kanyāyāṃ vilobho nāyakasya tasyāśca tasminniti 
parasparānurāgakṛta ityarthaḥ | strīpuṃsayorudyānasthānādi prāptau nibhṛta iti 
pracchādanapūrvakaṃ yadi cāsāvevāsmīti prakaṭaṃ kṛtvā yaḥ śṛṅgāraḥ sa 
kāmaprayukta eva | strī punaratra parastrī vivakṣitā yathā śakrasyāhalyā |

nanvevaṃ śṛṅgārayoge kāvye kaiśikīhīnatā | kaiśikyāṃ vṛttau hānānīti 
tatra samāsaḥ tena 
narmādyaṅgacatuṣkataduparañjakagītanṛtyavādyādyabhāvāt kaiśikyā 


p. 441)

uṣṇiggāyatryādyānyanyāni ca yāni bandhakuṭilāni |
vṛttāni samavakāre kavibhistāni prayojyāni || 76 ||

evaṃ kāryastajjñairnānārasasaṃśrayaḥ samavakāraḥ |
vakṣyāmyataḥ paramahaṃ lakṣaṇamīhāmṛgasyāpi || 77 ||

divyapuruṣāśrayakṛto divyastrīkāraṇopagatayuddhaḥ |
suvihitavastunibaddho vipratyayakārakaścaiva || 78 ||

uddhatapuruṣaprāyaḥ strīroṣagrathitakāvyabandhaśca |


hīnātra bhavati | upādhyāyāstvāhuḥ na kāmasadbhāvamātrādeva 
kaiśikīsaṃbhavaḥ raudraprakṛtīnāṃ tadabhāvāt | vilāsapradhānaṃ yadrūpaṃ 
sā kaiśikī na ca caritam tadrūpānupraveśe'pi tadvyavahāraḥ prādhānyakṛto 
hyasāvityuktam | tena tatra viṣaye bhāratyādivṛttyantarābhidhānameva yuktamiti | 
uṣṇiksaptabhiḥ gāyatrī ṣaḍbhiḥ | bandhakuṭilāni viṣamārdhasamāni tānyatra 
samavakāre samyagyojyānīti | naiva prayojyānītyudbhaṭaḥ paṭhati 
sragdharādīnyeva prayojyāni nālpākṣarāṇīti sa vyācaṣṭe | evaṃ śraddhālavo 
devatābhaktāḥ taddevayātrādāvanena prayogeṇānugṛhyante 
niranusandhānahṛdayāḥ strībālamūrkhāśca vidravādināhṛtahṛdayāḥ kriyante 
ityuktaḥ samavakāraḥ |

athehāmṛgamāha divyeti divyānāṃ puruṣāṇāṃ āśrayaṇaṃ nāyakatayā 
tena kṛtaḥ divyastrīnimittamupagataṃ yuddhaṃ yatra | 
divyānupraveśātsamavakāravat asaṃbaddhārthatā mā prasāṃkṣīdityāha 
suvihitena saṃśliṣṭena vastunā nibaddhaḥ vigatāni pratyayakāraṇāni 
viśvāsahetavo yatra | madhye ca tatra divyānāmapi praveśo bhavatīti darśayati 
uddhatapuruṣeti strīnimittako roṣaḥ saṃkṣobha āvegaḥ strīnimittaṃ 


p. 442)

saṃkṣobhavidravakṛtaḥ saṃpheṭakṛtastathā caiva || 79 ||

strībhedanāpaharaṇāvamardanaprāptavastuśṛṅgāraḥ |
īhāmṛgastu kāryaḥ susamāhitakāvyabandhaśca || 80 ||

yadvyāyoge kāryaṃ ye puruṣā vṛttayo rasāścaiva |
īhāmṛge'pi te syuḥ kevalamamarastriyā yogaḥ || 81 ||

yatra tu vadhepsitānāṃ vadho hyudagro bhaveddhi puruṣāṇām |
kiñcidvyājaṃ kṛtvā teṣāṃ yuddhaṃ śamayitavyam || 82 ||

īhāmṛgasya lakṣaṇamuktaṃ viprāḥ samāsayogena |


yāni bhedanāpra(pa)haraṇāvamardanāni yathāyogaṃ strīviṣayāṇi 
anyaviṣayāṇi taiḥ prāptaṃ vastvadhiṣṭhānaṃ pramadālakṣaṇaṃ yasya 
tādṛśaḥ śṛṅgāro yasmin | avamardanaṃ daṇḍaḥ | susamāhitaḥ kāvyabandha 
ityanena vīthyaṅgānyatra yojyānīti darśayati | aṅkaparimāṇaṃ 
nāyakasaṃkhyāṃ vṛttirasavibhāgaṃ ca vyāyogātideśenāha yadvyāyoga iti | 
kāryaśabdenāṅka ucyate | tenaika evāṅkaḥ nāyakāstu dvādaśa 
samavakārātideśena vyāyoge tallābhāt | atra tu samavakārātideśena 
sarvasaṃpattergauravaṃ syāt |

nanu yuddhamavamardanaṃ cetyuktaṃ tatrāsya pratyakṣaprayojyatā mābhūditi 
darśayati yatra tviti | vadhepsitānāṃ vadhyānāṃ bhavediti saṃbhāvyata 
ityarthaḥ | tatreti yeṣāmiti cārdhamāhāryaṃ | vyājamiti palāyanādi | īhā 
ceṣṭā mṛgasyeva strīmātrārthā yatra sa īhāmṛgaḥ |


p. 443)

ḍimalakṣaṇaṃ tu bhūyolakṣaṇayuktyā pravakṣyāmi || 83 ||

prakhyātavastuviṣayaḥ prakhyātodāttanāyakaścaiva |
ṣaḍrasalak'ṇayuktaścaturaṅko vai ḍimaḥ kāryaḥ || 84 ||

śṛṅgārahāsyavarjaḥ śeṣaiḥ sarvai rasaiḥ samāyuktaḥ |
dīptarasakāvyayonirnānābhāvopasampannaḥ || 85 ||

nirghātolkāpātairuparāgeṇendusūryayoryuktaḥ |
yuddhaniyudhdādharṣaṇasaṃpheṭa kṛtaśca kartavyaḥ || 86 ||

māyendrajālabahulo bahupustotthānayogayuktaśca |
devabhujagendrarākṣasayakṣapiśācāvakīrṇaśca || 87 ||

ṣoḍaśanāyakabahulaḥ sāttvatyārabhaṭivṛttisampannaḥ |


atha ḍimamāha prakhyātavastuviṣaya iti | nāṭakatulyaṃ sarvamanyatkevalaṃ 
sandhīnāṃ rasānāṃ cāsamagratā ca śṛṅgārahāsyavarjaṃ ṣaḍrasatve 
paryāyeṇa śāntasya prayogaḥ syādityāha dīptaraseti | kāvyayoniḥ kāvyavastu | 
devādayo bāhulyenātra sātvatyārabhaṭīti | jātiraprāṇinām iti kecit | 
sāttvatyārabhaṭīvṛttisaṃpannaṃ vṛttidvayaṃ yatra vṛttisamūhe vā vṛttiśabdaḥ 
sātvatyārabhaṭīlakṣaṇavyāvṛttyā saṃpannaḥ | ḍimo ḍimbo vidrava iti 
paryāyāḥ tadyogādayaṃ ḍimaḥ | anye tu ḍayanta


p. 444)

kāryo ḍimaḥ prayatnānnānāśrayabhāvasampannaḥ || 88 ||

(ḍimalakṣaṇamityuktaṃ mayā samāsena lakṣaṇānugatam |
vyāyogasya tu lakṣaṇamataḥ paraṃ saṃpravakṣyāmi ||) 89 ||

vyāyogastu vidhijñaiḥ kāryaḥ prakhyātanāyakaśarīraḥ |
alpastrījanayuktastvekāhakṛtastathā caiva || 90 ||


iti ḍiyaḥ uddhatanāyakāsteṣāmātmanāṃ vṛttiryatreti | iko hrasvo'ṅyo 
gālavasya iti hrasvaḥ | nānāśrayabhāvasaṃpanna ityanena 
sarvabhāvayuktatvāditivṛttavaicitryamāha |

nāṭakādanantaraṃ ḍimalakṣaṇaṃ yadyapyucitaṃ tathāpi 
tadgatapraveśakādisaṃbhavanirākaraṇārthaṃ 
tatprakaraṇādapakṛṣyāsyābhidhānaṃ tena dinacatuṣṭayavṛttamevātra prayojyam 
| aṅkāvatāra eva cātra bhavati | cūlikāṅkamukhayostvatrāpi yuddhādivarṇane 
samupayogo'styeva | tataśca vastutaḥ praveśakādyaniṣiddhameva praveśakasya 
hyasaṃbhava eva | sarasetivṛttavaśādvā yathāṅkeṣvanynyāsaṃbandhāt yathā 
samavakāre bahvaṅke'pi tasmātprakaraṇotkarṣo'sya tasyāvasarabhāvāt | tatra hi 
nāṭakāntaramasyābhidhāne prakaraṇasya na tatspardhitvamuktaṃ bhavet | 
tadanantarābhidhāne nāṭikādibhedaḥ kathaṃ khyāpyaḥ | nāṭikāyāṃ ca 
strīpradhānatvāt triśṛṅgārasamavakārābhidhānameva tataḥ paraṃ nyāyyam | 
tatprasaṅgena ca divyapuruṣasaṃbandhādīhāmṛga uktaḥ tadanantaraṃ ca 
divyapuruṣādhikāreṇa rūpakāṇīti pūrvamanekarasayuktatvena 
vitatetivṛttatvādayamabhidhātuṃ yuktamityalaṃ bahunā |

vyāyogastu ḍimasyaiva śeṣabhūto divyanāyakābhāvāt kevalamatrodāttasya 
rājādeḥ nāyakatā api tvamātyasenāpatiprabhṛterdīptarasasya ata evāha 
prakhyātanāyaketi udāttagrahaṇamapākartavyamityarthaḥ | yathā samavakāra iti 
dvādaśetyarthaḥ | tāvadaṅkaparimāṇaśaṅkāmatideśāt pratyāsattyā 
prasaktāṃ vārayitumāha ekāṅka eveti | 
evakāreṇaikāhacaritaviṣayatvānnyāyaprāptamevātraikāṅkatvamityāha |


p. 445)

bahavaśca tatra puruṣā vyāyacchante yathā samavakāre |
na ca tatpramāṇayuktaḥ kāryastvekāṅka evāyam || 91 ||

na ca divyanāyakakṛtaḥ kāryo rājarṣināyakanibaddhaḥ |
yuddhaniyuddhādharṣaṇa saṃgharṣakṛtaśca kartavyaḥ || 92 ||

evaṃvidhastu kāryo vyāyogo dīpta kāvyarasayoniḥ |
vakṣyāmyataḥ paramahaṃ lakṣaṇamutsṛṣṭikāṅkasya || 93 ||

prakhyātavastuviṣayastvaprakhyātaḥ kadācideva syāt |
divyapuruṣairviyuktaḥ śeṣairyukto bhavetpuṃbhiḥ || 94 ||

karuṇarasaprāyakṛto nivṛttayuddhoddhataprahāraśca |


nanu prakhyātanāyakaśabdena kimatra gṛhītamityatiprasaṅgaṃ śamayati na ceti | 
co bhinnakramaḥ | divyairdevaiḥ nṛpaiḥ ṛṣibhiśca nāyakaiḥ na nibaddho'yaṃ 
bhavatītyarthaḥ |

nanu kasmādayaṃ vyāyoga ityāha yuddhaniyuddheti vyāyāme yuddhaprāye 
niyudhyante puruṣā yatreti vyāyoga ityarthaḥ | niyuddhaṃ vāhuyuddhaṃ 
saṃgharṣaḥ sauryavidyākularūpādikṛtā spardhā | dīptaṃ 
kāvyagojoguṇayuktaṃ dīptarasādyā vīraraudrādyāḥ tadubhayaṃ yoniḥ 
kāraṇamasya |

raudrādyanantaraṃ raudrasya caiva yatkarma sa jñeyaḥ karuṇaḥ (6-45) 
ityuktatvāttatpradhānamutsṛṣṭikāṅkametadanantaramāha | prakhyātavastuviṣaya 
iti | prakhyātaṃ bhāratādiyuddhe viṣaye nimitte sati yattatkaruṇabahulaṃ ceṣṭitaṃ 
varṇyate tatkhyāt'm strīparvavṛttāntavat mābhūdityaprakhyātagrahaṇenoktam | 
tenobhayopādānasya parasparaviruddhārthatvādakiñcitkaratvaṃ nāśaṅkanīyam 
| nivṛttayuddhā uddhataprahārāḥ


p. 446)

strī paridevitabahulo nirveditabhāṣitaścaiva || 95 ||

nānāvyākulaceṣṭaḥ sāttvatyārabhaṭikaiśikīhīnaḥ |
kāryaḥ kāvyavidhijñaiḥ satataṃ hyutsṛṣṭikāṅkastu || 96 ||

yaddivyanāyakakṛtaṃ kāvyaṃ saṃgrāmabandhavadhayuktam |
tadbhārate tu varṣe kartavyaṃ kāvyabandheṣu || 97 ||

kasmādbhāratamiṣṭaṃ varṣeṣvanyeṣu devavihiteṣu |
hṛdyā sarvā bhūmiḥ śubhagandhā kāñcanī yasmāt || 98 ||


puruṣā yasmin | paridevitaṃ daivopālambhātmanindārūpamanuśocanaṃ yatra | 
nirveditāni yeṣu śruteṣu nirvedo jāyatetādṝṃśi bhāṣitāni yatra | vyākulā 
ceṣṭā bhūminipātavivartitādyaḥ | sāttvatyārabhaṭikaiśikīhīna iti 
samāhāradvandvagarbhadvandvāntaragarbhastṛtīyāsamāsaḥ | utkramaṇīyā 
sṛṣṭirjīvitaṃ prāṇāyāsāṃ tā utsṛṣṭikāḥ śocantyaḥ striyastābhiraṅkita iti 
tathoktaḥ | vṛttibhirutsṛṣṭvā(ditya)nye tadā dvitvaṃ catritvamuddeśasyaikadeśena 
| ayamaṅka iti nirdiṣṭo vṛttānurodhāt | iha ca karuṇarasabāhulyād 
devadevairviyogaḥ raudrabībhatsabhayānakasaṃbandho divyayoge bhavatyapi na tu 
karuṇayogaḥ | nanvevaṃ devānāṃ yuddhānyapyanucitamityāśaṃkya 
prasaṅgātsamavakārādau deśaviṣopayogaṃ darśayati divyanāyakakṛtamiti | 
teṣāṃ bhāratavarṣā vatīrṇānāṃ yuddhādikaṃ pradarśayedityarthaḥ | atra 
rājñaḥ pṛcchati kasyādbhārata miṣṭamiti | atra prayoge prativakti 
varṣeṣvanyeṣviti deśatvena bhogabhūmitvena vihiteṣvapītyarthaḥ | upavanaṃ 
gatvā krīḍā jalakrīḍādikāḥ viharaṇamupavana eva sañcaraṇaṃ nāryā saha 
ratiḥ saṃbhogaḥ pramodo divyapānādikṛtam | nanvevamilāvṛtakuruprabhṛtiṣu 
varṣeṣu mā teṣāṃ devānāṃ vṛttaṃ vyākhyāyi tathāpi svani-


p. 447)

upavanagamanakrīḍāvihāranārīratipramodāḥ syuḥ |
teṣu hi varṣeṣu sadā na tatra duḥkhaṃ na vā śokaḥ || 99 ||

ye teṣāmadhivāsāḥ purāṇavādeṣu parvatāḥ proktāḥ |
sambhogasteṣu bhavetkarmārambho bhavedasmin || 100 ||

prahasanamapi vijñeyaṃ dvividhaṃ śuddhaṃ tathā ca saṅkīrṇam |
(aṅkasya lakṣaṇamidaṃ vyākhayatamaśeṣayogamātragatam ||
prahasanamataḥparamaham salakṣaṇaṃ saṃpravakṣyāmi |)
vakṣyāmi tayoryuktyā pṛthakpṛthaglakṣaṇaviśeṣam ||


vāseṣu vyāvarṇyatāmityata āha ye teṣāmadhivāsā iti vasanti teṣviti vāsāḥ | 
parvatā iti kailāsādayaḥ saṃbhoga iti sā hi teṣāṃ bhūmiḥ bhogasthānaṃ 
tasminniti bhāratavarṣe karmārambhaḥ ārambhagrahaṇenedamāha na teṣāṃ 
duḥkhaṃ pūrṇaṃ kadācidbhavati | duḥkhapūrṇatāyāṃ devatvasyaiva 
vighātānavasthānaptāptyā svarūpalopa iti yuktamuktam | 
karuṇarasabāhulyādutsṛṣṭikāṅkaiḥ divyairviyoga eva teṣāṃ 
sukhabāhulyāttatsannidhāne anyasyāpi śokāvasaraparākṛteriti 
gāḍhaduḥkhābhibhūtā evaṃbhūtaprayogadarśane sati duḥkhī duḥkhādhikān 
paśyediti nītyā pratanūbhūtaduḥkhabhārāḥ sukhena vineyā bhavanti yathoktaṃ 
prāk syairyaṃ duḥkhārditasya ca (1-111) ityutsṛṣṭikāṅkaprayogaḥ |

evaṃ rañjanapradhānena karuṇena yuktaṃ rupakamabhidhāya 
rañjanāpradhānaṃ hāsyaprāyaṃ prahasanaṃ lakṣayati vibhāgamukhena 
prahasanamapi vijñeyamiti dvividhamiti | vibhāgaḥ śuddhaṃ saṅkīrṇaṃ cāpīti | 
apiśabdo'tikramaḥ tatheti sāmanyalakṣaṇam | tadayamarthaḥ dvividhamapi tathā 
prahasanarūpaṃ hāsyarasapradhānamityarthaḥ | lakṣaṇaviśeṣaṃ 
viśeṣalakṣaṇam | bhagavattāpasaviprāḥ yativānaprastha-


p. 448)

bhagavattāpasaviprairanyairapi hāsyavādasaṃbaddham |
kāpuruṣasaṃprayuktaṃ parihāsābhāṣaṇaprāyam || 103 ||

adhikṛtabhāṣācāraṃ viśeṣabhāvopapannacaritapadam |
niyatagativastuviṣayaṃ śuddhaṃ jñeyaṃ prahasanaṃ tu || 104 ||

veśyā ceṭanapuṃsakaviṭadhūrtā bandhakī ca yatra syuḥ |
anibhṛtaveṣaparicchadaceṣṭitakaraṇaistu saṃkīrṇam ||


gṛhasthāḥ anye śākyādayastairupalakṣitam | 
hāsyapradhānavacanasaṃbandhaśīlanādinā kutsitaiḥ puruṣairata eva 
prahasyamānaiḥ sāmarthyāttaireva bhagavadādibhiryuktam | tathāpi ca 
bhāṣācārau yatra na vikutāvasatyāślīlarūpau tathā viśeṣeṇa bhāvaiḥ 
vyabhicāribhirupapannāni padāni kathākhaṇḍāni yasmin | niyatagatiḥ 
ekapracāraṃ yadvastu tadviṣayaḥ prahasanīyalakṣaṇo yatra tacchuddhaṃ 
prahasanam | atra nirvicanaṃ yataḥ parihāsapradhānānyābhāṣaṇānyatra 
bāhulyena bhavanti tena yatraikasyaiva kasyacit caritaṃ duṣṭatvātprādhānyena 
prahasyate tacchuddhamityarthaḥ | yatra tu veśyādibhiryogo'tyulvaṇaṃ cākalpādi 
tadekadvāreṇānekaveśyādicaritena hasanīyena saṅkīrṇatvāt saṅkīrṇam | anye 
tvāhuḥ - yeṣāṃ svabhāvata eva caritaṃ śiṣṭamadhye sabhyetaratamatvena 
prahasanārhaṃ tadaviśuddhatvātsaṅkīrṇam tadyogācca rūpakam | ye tu 
svabhāvato na garhitā bhagavattāpasādiceṣṭāviśeṣāsteṣāṃ 
prākṛtapuruṣasaṃkrāntidaurātmyoditāmanyasaṃbandhadūṣyamāṇatayā 
prahasanīyatāṃ yātāste svabhāvaśuddhāḥ 


p. 449)

lokopacārayuktā yā vārtā yaśca dambhasaṃyogaḥ |
sa prahasane prayojyo dhūrtapravivādasampannaḥ || 106 ||

vīthyaṅgaiḥ saṃyuktaṃ kartavyaṃ prahasanaṃ yathāyogam |
bhāṇasyāpi tu lakṣaṇamataḥparaṃ saṃpravakṣyāmi || 107 ||

ātmāubhūtaśaṃsī parasaṃśrayavarṇanāviśeṣastu |


tadyogādrūpakaṃ śuddhamiti | ubhayasādhāraṇīmapi kaveḥ śikṣāmāha 
lokopacāreti | vārtā prasiddhiryadi sā lokavyavahārasiddhā bhavati yathā 
śākyānāṃ strīsaṃparkaḥ prahasanīyo bhavati na cauryam | evaṃbhāviprasiddha 
evopahasanīyaḥ | atrādhikaraṇaṃ svayamevāha dhūrtapravivādeti | dhūrtāḥ 
kṛtrimatāpasādayaḥ viṭādayaśca | tadviṣaye yaḥ prakṛṣṭo vivādaḥ 
viruddhatayāvabhāsastena phalabhūtena saṃpādyatayā yaduktaṃ 
rpahasyamānaṃ tathābhūtacaritāvalokanena hi saṃskṛtamiti vyutpādyo na 
bhūyastānvañcakānupasarṣatīti | vīthyaṅgairiti vakṣyamāṇaiḥ yathāyogamiti 
teṣāṃ saṃprayoge saṃkhyāyāḥ kramasya tu na kaścinniyama iti darśayati | 
prahasanasyāṅkaniyamānabhidhānāt śuddhamekāṅkaṃ saṅkīrṇaṃ 
tvanekāṅkaṃ veśyādicaritasaṃkhyāvalāditi kecit |

anye tvekāṅkaprakaraṇamadhyapātitvādekāṅkamiti manyante 
prathamasaṃkhyayatikrame bhedābhāvaparityāge ca pramāṇābhāvāt |

atha hāsyarasocitaviṭadhūrtādyanupraveśena samānayogakṣemaṃ bhāṇaṃ 
lakṣayitumāha ātmānubhūtaśaṃsīti | ekena pātreṇa haraṇīyaḥ 
samājikahṛdayaṃ prāpayitavyo'rtho yatra sa bhāṇaḥ | ekamukhenaiva bhāṇyante 
uktimantaḥkriyante apraviṣṭā api pātraviśeṣā yatreti bhāṇaḥ | tatra sa praviṣṭaḥ 
pātraviśeṣaḥ


p. 450)

vividhāśrayo hi bhāṇo vijñeyastvekahāryaśca || 108 ||

paravacanamātmasaṃsthaṃ prativacanairuttarottaragrathitaiḥ |
ākāśapuruṣakathitairaṅgavikārairabhinayaiścaiva || 109 ||

dhūrtaviṭasaṃprayojyo nānāvasthāntarātmakaścaiva |
ekāṅko bahuceṣṭaḥ satataṃ kāryo budhairmāṇaḥ || 110 ||

(bhāṇasyāpi hi nikhilaṃ lakṣaṇamuktaṃ tathāgamānugatam |
vīthyāḥ saṃprati nikhilaṃ kathayāmi yathākramaṃ viprāḥ) ||


ātmānubhūtaṃ vā śaṃsati paragataṃ vā varṇayati | tatra ca 
prayogaprayuktimāha paravacanamiti | parasandhivacanaṃ 
svayamaṅgavikārairabhinayet |

nanu tatparavacanamayuktaṃ kathamabhinayet āha ākāśe śūnye yāni 
puruṣakathitāni dṛṣṭāni yatra śūnye tena varṇyante vā 
kaścitpaśyatyākarṇayati ca tatra ca tadvacanaṃ sa evānuvadan sāmājikān 
bodhayati | yathā bho vāḍava ale kiṃ bravīṣi ityādau na kevalaṃ 
paravacanamabhinayet kintu prativacanaiḥ svoktaiḥ saha ata evottarottaragnathitaiḥ 
yojanābhirupalakṣitaiḥ | nanu yo'sāveko'tra praviśati sa ka ityāha dhūrtaviṭeti | 
nānāprakārāvasthāviśeṣāt lokopayogivyavahārātmakātmā vācyaṃ yasya 
ata eva bahuceṣṭaḥ satataṃ kārya iti sakalasāmānyapṛthaggatopayogyastu 
lokavyavahāro veśyāviṭādivṛttāntātmā nirūpyata iti bāhulyena 
pṛthagjanavyutpattiyonirūpakamidaṃ rājaputrādīnāmapi śaṃbhalīvṛttānto 
jñeya evāvañcanārthamiti saṃprayojya ityarthaḥ |

idamiha mīmāṃsyaṃ - ya ete utsṛṣṭikādayo rūpakabhedāḥ te tāvadekarasā eva 
yadyapi nāṭakādayo'pyevameva | tathāhi sarvarasayogyatāyāmapi nāṭake 
prakaraṇe

p. 451)

raṇe ca dharmārthādivīre eva pradhānaṃ paramārthataḥ sarveṣu nāyakabhedeṣu 
vīratvānugamadarśanāt | samavakāre tu yadyapi hi śṛṅgārāditvamuktaṃ 
tathāpi vīra eva pradhānaṃ raudro vā ḍimavyāyogayorapyevam | īhāmṛge'pi 
raudraprādhānyameva nāṭikāyāṃ tu śṛṅgāra eva pradhānam | evaṃ tāvad 
vīraraudraśṛṅgārā yathāsvaṃ (kiṃ)pumarthatrayaprāṇabhūtatvena 
vartamānā eteṣu prayogeṣu śāntavībhatsarasau tu caramapumarthayogāttatra ca 
sarvasya nādhikāro'pi kasyacidapaścimajanmano'dhikārānnāṭake yadyapi 
tatphalapradhānatayā prādhānyamavalambeyātāṃ tathāpi nāsau pracuraprayoga 
iti tayoḥ puruṣārthapravaraprāṇitayorapi 
vīrādirasāntarādhyāvāpenāvasthāpanam | evaṃ tāvatpumarthaviṣayo 
rūpakarasaviṣaya eva paramārthataḥ tathāpi tvīvṛttavaityādrasāntaraprayogo'pi 
tadaṅgatayā tatra bhavati | evaṃ 
tatpradhānaceṣṭāyogādvṛttivaicitryamatrocitameva | 
utsṛṣṭikāṅkaprahasanamāṇāstu karuṇahāsyavismayapradhānatvād 
rañjakarasapradhānāḥ tata evātra strīvālamūrkhādiradhikārī | na ca 
vitatamatretivṛttam itivṛttavaicitryamapi tatra nāsti | tathāhi - utsṛṣṭikāṅke tu 
vṛttitrayaṃ tāvadvacasā niṣiddhaṃ bhāratī cātra kathaṃ vṛttiḥ ceṣṭā hi 
karuṇe'pradhānaṃ tadupakaraṇaṃ tu paridevitātmikā bhāratī tasmāt 
phalasaṃvittyākhyā vṛttiḥ vākceṣṭayoḥ phalānubhava iti yasyā lakṣaṇaṃ 
sābhyupagantavyā | avaśyaṃ caitat anyathā mūrchāmaraṇādau 
vākceṣṭayorabhāve nirvṛttikataiva syāt | kiñca yadi tāvatpumarthakāmoddeśena 
kaiśikyabhidhīyate dharmamarthaṃ coddiśya vṛttidvayaṃ vaktavyam | 
tasmācceṣṭātmikā nyāyavṛttiranyāyavṛttirvāgrūpā tatphalabhūtā 
phalasaṃvittiriti vṛttitrayameva yuktamiti bhaṭṭodbhaṭo manyate |

yadāha -

ādye vākceṣṭābhyāṃ puruṣārthacatuṣayena cāṣṭavidhe |
ṣoḍaśadhā phalavṛttistaddvayato'nekadhā tu rasabhedāt || iti |

tadatra kecidāhuḥ - sāttvatyāṃ yadyapi kaiśikī śakyāntarbhāvā tathāpi 
rañjakatvātiśayāt pṛthagupāttā(t)svaravanmukhajābhinayataśca na 
cānyāyavṛttau (vṛttitvaṃ) pumarthacatuṣkayogopapattivipratiṣedhāt phalavṛttau ca 
vṛttisāmānyalakṣaṇaṃ vyāpārarūpatvaṃ yadi nāsti tatkathaṃ vṛttitvam | 
asticedvākceṣṭātirikto mānaso vyāpāro na kaścit lokasiddha iti sūkṣmo 
vākceṣṭāgata evopetyaḥ | tataśca maraṇamūrchādāvapi 
prāṇātmakāyīyavyāpārasaṃbhava eva yadanusmaraṇe layatālagānāni 
pravartante saṃvedanamapi ca mūrchādau nāstīti śakyaṃ vaktumiti phalavṛtti-


p. 452)

sarvarasalakṣaṇāḍhyā yuktā hyaṅgaistrayodaśabhiḥ |


rapi tatra kathaṃ | tasmāttatra sāttvatyeva vṛttiḥ | yadi bāhulyāpekṣayā 
vṛttimayaṃ kāvyamiti vyavahāro rūpakasamudāyāpekṣayā 
khaṇḍasyāvṛttikatve'pi samuditasya rūpakasya vṛttimayatvāt | 
yacchakalībarghamatānusāriṇo mūrchādāvātmasaṃvittilakṣaṇāṃ 
pañcamīṃ vṛttiṃ sakalakāryanivṛttyanumeyāṃ mūrchākarmānubhāvena ca 
phalenāvacchinnāmātmavyāpārarūpāṃ manyante na ca parispanda evaiko 
vyāpāra iti manasikṛtya tanmataṃ bhāvānāṃ 
vāhyagrahaṇasvabhāvatvamupapādayadbhiḥ bhaṭṭalollaṭaprabhṛtibhiḥ 
parākṛtamiti na phalavṛttirvā kāciditi catasra eva vṛttayaḥ (iti) |

vayantu brūmaḥ | ko'yamasthānasantrāsaḥ | yatkiñcidiha nāṭye samasti 
taccedvṛttiṣvantarbhāvyaṃ tadābhavaidetat - na caivam | raṅgo hi nāma kā vṛttiḥ 
mṛdaṅgapaṇavavaṃśādyā kā vṛttirapi hi bhavet | tasmādvyāpāraḥ 
pumarthasādhako vṛttiḥ sa ca sarvatraiva varṇyata ityato vṛttayaḥ kāvyasya 
mātṛkā iti na hi kiñcidvyāpāraśūnyaṃ varṇanīyamasti | 
madamūrchādivarṇānāyāmapi manovyāpārasya sāttvatyākhyasya saṃbhavāt 
karuṇadāvapi ca manodehavyāpārasaṃbhave'pi bāhulyena 
vāgvyāpārasaṃbhavād bhāratīvṛttirucyate | vṛttyantaraniṣedhastu 
tadaṅgānāmaparipūrṇatvāt | na ca kāyavāṅmanasavyāpāraṃ tadvaicitryaṃ 
vāntareṇānyaḥ kaścidvyāpāraḥ saṃbhavatītyasakṛduktam | 
tasmātkaruṇapradhāne bhāratī vṛttiḥ paridevitabāhulyāt |

yattu śṛṅgārahāsyakaruṇairiha kaiśikī syāt iti kohalenoktaṃ 
tanmunimatavirodhādupekṣyameva tasya tu yatra yatrānulbaṇā cittavṛttiḥ sā sā 
kaiśikītyāśayaḥ | evaṃ prahasanabhāṇayorapi vāgvyāpāraprādhānyādeva 
bhāratīvṛttiḥ mūrchādau tu vyāpārābhāve vṛttyabhāva eva | na hi sarvaṃ 
nāṭyaṃ vṛttibrahmatayā samarthanīyamityalamatiprasaktyā |

atha sarvānte sarvarasamayatvādavitasvabhāvatvācca saṃkṣepeṇa 
śakyavyutpattidāyinītvena pradhānabhūtatvāttadaṅgānāṃ ca 
nāṭikādibhāṇāntasa-


p. 453)

vīthī syādekāṅkā tathaikahāryā dvihāryā vā || 112 ||

adhamottamamadhyābhiryuktā syātprakṛtibhistrisṛbhiḥ |
udghātyakāvalagitāvaspanditanālyasatpralāpāśca ||

vākkelyatha prapañco mṛdavādhibale chalaṃ trigatam |
vyāhāro gaṇḍaśca trayodaśāṅgānyudāhṛtānyasyāḥ ||

atha vīthī saṃproktā lakṣaṇameṣāṃ pravakṣyāmi |
padāni tvagatārthāni ye narāḥ punarādarāt || 115 ||

yojayanti padairanyaistaduddhātyakamucyate |


mastarūpakopajīvyatvād vīthīṃ lakṣayati | 
ekahāryairityākāśapuruṣabhāṣitairityarthaḥ | dvihāryeti 
uktipratyuktivicitryeṇetyarthaḥ | aṅgānyuddiśati -

udghātyakāvalagitāvaspanditanālyasatpralāpāśca |
vākkelyatha prapañco mṛdavādhivale chalaṃ trigatam |
vyāhāro gaṇḍaśca trayodaśāṅgānyudāhṛtānīti |

ityudāharaṇamātrametaditi yāvat | etāni krameṇa lakṣayati padāni 
tvagatārthānīti |


p. 454)

yatrānyasmin samāveśya kāryamanyatprasādhyate || 116 ||

taccāvalagitaṃ nāma vijñeyaṃ nāṭyayoktṛbhiḥ |


nanveṣāmuktivaicitryarūpatvaṃ cellakṣaṇālaṅkārādibhyaḥ ko bheda 
itivṛttopakaraṇarūpatve tu sandhyaṅgebhyaḥ kathamanyato rasopakaraṇatāyāṃ 
vṛttyaṅgeṣvantarbhāvaḥ | na caitadvyatiriktam eṣāṃ sāmānyalakṣaṇamasti | 
tatra keciduktalakṣaṇādiviśeṣarūpatvamevaiṣāṃ pratipannāḥ vivecakāstu 
tadvyatirktānyevaitānītyāhuḥ |

tathāhi praśnaprativacanayārenyābhiprāyarūpeṇa yogena yadvaicitryaṃ 
tadvīthyaṅgam ata evodāhṛtānītyeṣāṃ sāmānyālakṣaṇam | udāhṛtāni 
prativacanānītyarthaḥ | tāni ca sarvāṇi prativacanaśūnyasya kāvyasyābhāvāt 
tena vicitrāṇīti labhyante | ata eva vīthī paṅktiranyottarāsahiṣṇutvāt 
vicitroktipratyuktigarbhatvāllakṣaṇālaṅkārādīnāṃ tu noktiniyataṃ rūpamiti 
viśeṣaḥ | tatra yadā vivakṣitamuttaraṃ dātuṃ śakto.yaṃ syāditi yanmama 
manasi vartate tadeva vakti navetyevamādinā nimittena yadā praṣṭaiva prativacanaṃ 
vaicitryamabhisandhāya pṛcchati pratipaktocitamabhidhatte tadā 
taduttaramudghātyakam | praśnātmake udghāte sādhviti yat tatrājñātārthe kan | 
padānyarthagatāni praśnarūpāṇyādarātkṛtāni paryāyaiḥ 
padāntarairuttararūpaiḥ narāḥ sudhiyo yojayanti | 
taduttarapadasamūhātmakamudghātyakam | yathā pāṇḍavānande -

kā bhūṣā balināṃ kṣamā paribhavaḥ ko'yaṃ sakulyaiḥ kṛtaḥ 
kiṃ duḥkhaṃ parasaṃśrayo jagati kaḥ ślāghyo ya āśrīyate |
ko mṛtyurvyasanaṃ śucaṃ jahati ke yairnirjitāḥ śatravaḥ
kairvijñātamidaṃ virāṭanagare cchannasthitaiḥ pāṇḍavaiḥ ||

yatrānyasminniti | yatrottare dīyamāne anyānusandhānapūrvake'pyanyatkāryaṃ 
sidhyati tadānyakāryāvalaganādavalagitam | yathā avi suhā-adi de lo-aṇāṇāmiti 
vidūṣakeṇa pṛṣṭe (rājñaḥ) sukhayatīti kimucyate iti kṛcchreṇoruyuga 
mityādyuttaraṃ vasantakapratyāyanoddeśena pravṛttamapi 
sāgarikāgatamāsthāva-


p. 455)

ākṣipte'rthe tu kasminścicchubhāśubhasamutthite ||

kauśalāducyate'nyo'rthastadavaspanditaṃ bhavet |
hāsyenopagatārthaprahelikā nāliketi vijñeyā || 118 ||

mūrkhajanasannikarṣe hitamapi yatra prabhāṣate vidvān |


ndhajīvitaṃ mukhyaṃ śṛṅgārākhyaṃ kāryaṃ sādhayatīti |

ākṣipte tviti | śubhāśubhaṃ daivaṃ tenābuddhipūrvakaṃ kutracicarthe 
ākṣipte'pi kauśalāttattatpracchādanecchayā yatrottaro'nyo'rtha ucyate 
tadavaspanditaṃ cakṣuḥspandanādivadantargatasūcanīyasaṃbhavāt | yathā -

satpakṣā madhuragiraḥ prasādhitāśā madoddhatārambhāḥ |
nipatanti dhārtarāṣṭrāḥ kālavaśānmedinīpṛṣṭhe ||

atra diavavaśādayamartha āyātaḥ satpakṣe amadhurāgīryeṣānte tathā 
prakarṣeṇa sādhitāḥ ādhisahitāḥ yairdiśaḥ kṛtāḥ dhṛtarāṣṭrātmajāḥ 
patantīti | tatrottaraṃ pratihatamamaṅgalam | punaḥ sūtradhāraḥ nanu 
śaratsamayavarṇanayā haṃsā nabhastalaṃ dhārtarāṣṭrā iti vyapadiśāmītyādi 
avaspanditatvameva sūcayati na khalu na jāne kintvamaṅgalatvāt śaṅkitameva me 
hṛdayamiti |

hāsyenopagatārtheti prahelikā paravitāraṇakāri yaduttaraṃ ata eva hāsyayuktā 
sā nālikā praṇālikā vyājetyarthaḥ | prakarṣeṇa helikā narmādikrīḍārūpaṃ 
yasyāḥ sā prahelikā | yathā - susaṃgatā jasya kide tumaṃ ā adā so ettha evva 
ciṭṭhadi | sāgarikā sahi kassa kide | susaṅgatā (sahāsam) a i appasaṅkīdeṇaṃ 
cittaphala assa | anayā bhaṅgyā ācchāditaṃ ca garbhagataṃ cāsya vastviti |

mūrkhajanasannikarṣa iti yaduttaraṃ mūrkhaṃ prati vastuto hitamapi 
śabdacchalādyathā priyaṃ tādṛśaṃ ca mūrkhaiḥ priyāṃśena na tu 
hitāṃśena | tathābhūtabhaṅgībhūta-


p. 456)

na ca gṛhyate'sya vacanaṃ vijñeyo'satpralāpo'sau ||

ekadviprativacanā vākkelī syātprayoge'smin |
yadasadbhūtaṃ vacanaṃ saṃstavayuktaṃ dvayoḥ parasparaṃ yattu ||

ekasya cārthahetoḥ sa hāsyajananaḥ prapañcaḥ syāt |


dvayāśrayaṇaṃ ca siddhattvātkaroti | evaṃ hi tātkālikaḥ kopo'pi rakṣito bhavati 
priyābhidhāyitvāt kālāntarasaṃbhāvyaśca yathārthābhidhāyitvāt 
yathāvyasaninā rājaputreṇa kiṃsukhamiti pṛṣṭhe tenottaraṃ dīyate -

sarvathā yo'kṣavijayī surāsevanatatparaḥ |
tasyārthānāṃ sukhānāṃ ca samṛddhiḥ karagāminī ||

asato'sādhubhūtasya vastunaḥ pralapanamasminnityasatpralāpa iti |

ekadviprativacaneti | ekaṃ dvayoḥ prativacanamasyām | 
dvigrahaṇamanekopalakṣaṇam | tadamunā sarvapraśnottaravargaḥ svīkṛtaḥ | yathā 
-

nadīnāṃ meghavigame kā śobhā pratibhāsate |
bāhyāntarā vijetavyāḥ ke nāma kṛtino'rayaḥ ||

yadasadbhūtamiti yathā ratnāvalyām susaṅgate kathamahamihastho bhavatyā 
jñāta iti rājanyuktavati susaṅgatayocyate ṇa kevalaṃ bhaṭṭā cittapalaheṇa tā 
devī e ṇiveda issaṃ ityādau ābharaṇadānaparyante prapañcaḥ | tathāhi - dvayoḥ 
sāgarikāsusaṅgatayoḥ rājavidūṣakayoḥ 
parasparasaṃbandhamāśrityāsadbhutuamasatyaṃ devyai nivedayāmītyuktam | 
saṃstavaśca tatrāsti bhaṭṭiṇo pasādeṇa kimidaṃ ma e iti hāsyamapi 
parihāsarūpaṃ vidyate | ekasya ca rājño'rthe prayojane sāgarikāsaṅgame 
heturbhavatyeveti anyathābhidhānātprapañcaḥ |


p. 457)

yatkāraṇādguṇānāṃ doṣīkaraṇaṃ bhavedvivādakṛtam ||

doṣaguṇīkaraṇaṃ vā tanmṛdavaṃ nāma vijñeyam |
paravacanamātmanaścottarottarasamudbhavaṃ dvayoryattu ||

anyonyārthaviśeṣakamadhibalamiti tadbudhairjñeyam |
anyārthameva vākyaṃ chalamabhisandhānahāsyaroṣakaram |


yatkāraṇāditi guṇānāṃ doṣatvaṃ doṣāṇāṃ vā guṇatvaṃ yatra kriyate 
tanmṛdavam | vivādakṛtamityanena lakṣaṇādviśeṣamāha idaṃ vṛttyantaraṃ 
svabhāvamityarthaḥ yathā śiraḥ śvā kāko vā drupadatanayo vā parimṛśet 
(veṇī 3) ityatra doṣasya guṇīkaraṇaṃ vivādākarṇanena saha yadi 
śastramujjñitamaśastrapāṇayaḥ (veṇī-3) ityatra karṇavacanena 
pratijñātaparipālanasya guṇasyāpi doṣīkaraṇaṃ vivādakṛtameva | mṛdavamiti 
mardanaṃ mṛtparapakṣamardanena svapakṣamavati rakṣatīti | 

paravacanamātmanaśceti parasya vacanamātmanaśca vacanaṃ 
parasparamarthaviśeṣalābho yatra bhavatītyuttarottarasyādhikādhikasyārthasya 
samudbhavo yatra tadadhibalam | etaduktaṃ bhavati - yatroktipratyuktikrame 
kriyamāṇe 
parasparaprajñānopajīvanabalātsvapakṣasughaṭitādadhibalasaṃbandhādadhibala
m | yathā nāgānande rāgasyāspadamityavai mītyādita ārabhya vidūṣakeṇa 
sahoktikrameṇa svapakṣo draḍhimānamānīto yāvadāha nanu śarīrataḥ 
prabhṛtisarvameva mayā parārthaṃ pratipālyate (a-1) iti 

anyārthameva vākyamiti yadvākyaṃ prayojanāntaramuddiśya 
vacanamucyamānaṃ kasyacidvacanamanyasya hāsyamaparasya roṣaṃ janayati 
tacchalam | yathā-

kassa va ṇa ho-i roso daṭṭhūṇa pi ā e savvaṇaṃ aharam |
sabbhamarapadumaghā iri vāri avāme sahasu ehṇim ||


p. 458)

śrutisārūpyādyasmin bahavo'rthā yuktibhirniyujyante |
yaddhāsyamahāsyaṃ vā tattrigataṃ nāma vijñeyam ||

pratyakṣavṛttirukto vyāhāro hāsyaleśārthaḥ |
saṃrambhasaṃbhramayutaṃ vivādayuktaṃ tathāpavādakṛtam ||

bahuvacanākṣepakṛtaṃ gaṇḍaṃ pravadanti tattvajñāḥ |


etadvacanaṃ sakhīsaṃbandhi bhartṛpratyāyanaṃ prayojanamuddiśya prayuktaṃ 
tasya patnyā api saṃbandhināṃ chalaṃ vidagdhajanasya hāsyaṃ sapatnyā 
vacanaṃ roṣaṃ janayati |

śrutisārūpyāditi śabdasārūpyād bahava iti praśnaprativacanasya svabhāvā 
yatra niyujyante yuktibhiriti kākkādīnāṃ tathaivopapattibhiḥ | 
triśabdo'nekopalakṣaṇam anekamarthaṃ gatamiti trigataṃ vākye 
mukhyamuttaramanekapraśnasādhāraṇam | iha tu ya eva praśnastadeva 
prativacanamiti viśeṣaḥ | yathā -

sarvakṣitibhṛtāṃ nātha dṛṣṭā sarvāṅgasundarī |
rāmā ramye vanānte'smin tvayā virahitā mayā || (vikramo)

atraitadevottaraṃ sākāṃkṣākākuprayoge'pi pratibimbe 
vāmadakṣiṇavaiparītyavannirākāṃkṣā kākuḥ saṃvṛttā yata etaddhāsyam | 
evamahāsya udāhāryam | pratyakṣavṛttiriti pratyakṣaśabdena bhāvī pratyakṣa 
ucyate | tadayamarthaḥ - bhāvini pratyakṣe'rthe daivavaśād vṛttiryasya sa 
vyāhāraḥ vividho'rtho'bhinīyate yena | yathā uddāmotkalikāṃ (ratnā-2) ityādi 
|

saṃrambhasaṃbhramayutamiti saṃrambheṇākṛtiviśeṣeṇa yaḥ saṃbhrama 
āvegaḥ tadyuktaṃ yadviruddhavastu yadanena kṛtaṃ pūrvoktavastvapavadanameva 
ca tadvacanaṃ dṛṣṭārthagarbhatvāt gaṇḍa iva gaṇḍaḥ īṣadasamāptaṃ vacanaṃ 
bahuvacanaṃ tatkṛtenākṣepeṇa kṛtaṃ svayaṃ prativacanatāṃ pūrvavacanasya 
gatamityarthaḥ | tathā ca kohalaḥ -


p. 459)

iti daśarūpavidhānaṃ sarvaṃ proktaṃ mayā hi lakṣaṇataḥ || 226 ||

punarasya śarīragataṃ sandhividhau lakṣaṇaṃ vakṣye ||


vacasāṃ saṃbaddhānāmante yatsyātpade tvasambandhaḥ |
saṃbaddhamivābhāti hi tadgaṇḍo nāma vīthyaṅgam ||

aneneṣadasamāptireva darśitā | yathā duryodhanena bhānumatī pratyucyate -

adhyāsituṃ tava cirājjaghanasthalasya
paryāptameva karabhoru mamoruyugmam || (veṇī) iti |

tatra praviśya kañcukī

bhagnaṃ bhīmena marutā bhavato rathaketanam || iti |

tatroruyugmamiti pūrvaviśrāntamapi bhagnamityatra saṃbandhayogyaṃ jātam |

etaiḥ trayodaśabhiraṅgairyuktā vīthī tasyāśca sarvarasatvasyābhidhānāt 
paryāyeṇa rasānā prādhānyāduttamo madhyamo'dhamo vā nāyako bhavatyeva 
| tathā ca kohalaḥ -

uttamādhamamadhyābhiryuktā prakṛtibhistathā |
ekahāryā dvihāryā vā sā vīthītyabhisaṃjñitā || iti |

adhamaprakṛtestu na nāyakatvamiti dhruvaṃ prahasanakabhāṇakādau kiṃ brūyat 
hāsyādirasapradhānatve hyadhama eva nāyakaḥ | kathāśarīraphalena 
pradhānatayā saṃbadhyamāno nāyaka ucyate | anāyakatve'pi cāsyādhamatvaṃ 
nānupādeyaṃ syāt | parivāratayā tasyānupraveśo hyanivārita eva sarvatra |

adhyāyārthamupasaṃharan bhāvinamarthamanusandhatte iti daśarūpavidhānamiti 
| lakṣaṇata ityanenedamāha daśaiva tāni lakṣaṇāni udāharaṇānāṃ tu kā 
gaṇanā | etacca pūrvameva darśitam | tatraiṣāṃ pumarthopayogo 
nijanijalakṣaṇāvasare darśita eveti aunaruktyaṃ nāśrīyata iti śivam |


p. 460)

iti bhāratīye nāṭyaśāstre daśarūpanirūpaṇaṃ 
nāmādhyāyo'ṣṭādaśaḥ samāptaḥ 


iti vimalaśiśiradīdhitikalitaśiromaṇḍanāṅghridāsyacaṇaḥ | abhivanagupto 
guptaṃ daśasvarūpaṃ satattvakaṃ vyavṛṇot ||

iti śrīmanmahāmāheśvarābhinavaguptācāryaviracitāyāṃ 
nāṭyavedavivṛtāvabhinavabhāratyāṃ daśarūpakavidhānaṃ 
nāmāṣṭādaśo'dhyāyaḥ





###########   END OF FILE  #######